Këngëtari Erik Lloshi ka shprehur zhgënjimin dhe revoltën e tij pas disa komenteve të papërshtatshme që ka marrë së fundmi, ndërsa ka folur publikisht për ndarjen nga jeta të mikut dhe kolegut të tij, Shpat Kasapit. Lloshi tregoi se pas vdekjes së papritur të artistit, ai ishte i ftuar në një emision televiziv ku nuk ka mundur të përmbahet dhe ka shpërthyer në lot, i prekur nga lajmi tragjik.
Megjithatë, pikërisht pas këtij momenti të vështirë, ai është përballur me reagime që e kanë tronditur. Sipas tij, disa gazetarë dhe persona nga produksioni i kanë bërë komente si: “Sa bukur qaje”, ndërsa të tjerë madje i kanë propozuar të rikthehej sërish në studio për të “qarë” në nder të këngëtarit të ndjerë. Këto qasje të ftohta dhe joprofesionale e kanë irrituar thellë Lloshin, i cili tha se ishte e pabesueshme që dhimbja e një humbjeje mund të trajtohej si spektakël.
Shpat Kasapi ndërroi jetë pak ditë më parë pas një sulmi në zemër, teksa ndodhej në Itali për trajtimin shëndetësor të djalit të tij. Lajmi tronditi publikun dhe komunitetin artistik shqiptar, pasi Kasapi ishte vetëm 40 vjeç. Ai u varros në Tetovë, qytetin e tij të lindjes, ku edhe kishte nisur rrugëtimin në muzikë dhe ishte bërë një nga emrat më të dashur për publikun.
Reagimi i Lloshit ka hapur diskutime mbi mënyrën se si trajtohen personalitetet publike në momente të dhimbshme dhe mbi respektin që duhet treguar ndaj humbjeve njerëzore.
Tag: vdekjes
-
“Më thanë hajde qaj në emision”, Erik Lloshi tregon ftesën absurde që i erdhi pas vdekjes së Shpat Kasapit
-
Analiza/ Jeffrey Epstein: Monedha e tij më fitimprurëse ishin njerëzit, edhe pas vdekjes ai vazhdon t’i përndjekë ata që e njihnin
Monedha më e vlefshme e Jeffrey Epstein ishin njerëzit dhe gjashtë vjet pas vdekjes, ai vazhdon të përndjekë ata që e njihnin.
Sipas analizës së ‘Sky News’, Princi Andrew e përshkroi dikur Epsteinin si dikë që “bashkonte njerëz të jashtëzakonshëm”, duke organizuar darka me akademikë, politikanë dhe figura ndërkombëtare. Rrjeti i tij shtrihej në SHBA dhe në elitat globale nga bankierë e pronarë fondesh spekulative deri te politikanë dhe biznesmenë. Rezidenca e tij në Palm Beach ishte vetëm disa minuta larg Mar-a-Lago-s së Donald Trump, i cili në vitin 2002 e quajti atë një “djalë të mrekullueshëm”.
Publikimi i mijëra emaileve personale ka zbuluar se ish-udhëheqës botërorë i kërkonin këshilla për çështje politike dhe financiare. Emailet e tij ishin të shkurtra, shpesh të çrregullta, duke krijuar imazhin e një njeriu të zënë e të vështirë për t’u lexuar. Ai i kushtonte rëndësi pamjes së jashtme, si të tijës edhe të grave që abuzonte, dhe shoqërohej me modele dhe figura të njohura.
Libri i tij për ditëlindjen e 50-të, i mbushur me foto të sinqerta, tregon stilin e tij të jetesës luksoze dhe fiksimin ndaj grave të reja. Rrjeti i tij përmes të ashtuquajturave “masazhe” u bë rruga drejt abuzimit. Libri i zi i kontakteve kishte mbi 150 gra të listuara në SHBA dhe Evropë. Masazhet ishin pjesë e rutinës së tij të përditshme, në çdo vend ku ndodhej në avionin privat, në shtëpitë e tij apo në ishullin privat.
Megjithëse shumë gra raportuan abuzimin, dënimi i tij i vetëm para vitit 2019 ishte në vitin 2008, kur ai mori një marrëveshje të kontestuar dhe kreu vetëm 13 muaj burg, me leje për të dalë pothuajse çdo ditë. Ai kurrë nuk shfaqi pendim, madje tallej me lëvizjen “Me Too” dhe justifikonte marrëdhëniet me të mitura duke i quajtur “biologjikisht të afta”.
Dokumentet e publikuara nga Komiteti Mbikëqyrës i Dhomës së Përfaqësuesve tregojnë se Epstein pagoi shuma të mëdha për të manipuluar rezultatet e kërkimit në Google pas dënimit të tij.
Në korrik 2019, ai u arrestua për akuza federale për trafik seksual. Në shtëpinë e tij në Nju Jork u gjetën një “vëllim i jashtëzakonshëm” fotografish nudo të vajzave të reja, një kasafortë me para, diamante dhe pasaporta të rreme. Më 10 gusht 2019, Epstein u gjet i vdekur në qelinë e tij, pak pasi kishte nënshkruar një testament që e fshihte pasurinë e tij në një fond besimi.
Virginia Giuffre, viktima e tij më e njohur e cila këtë vit i dha fund jetës shkroi se “Epstein është i vdekur, por qëndrimi që e lejoi të bëjë atë që bëri, është ende gjallë”.
Edhe pas vdekjes, figura e Epstein vazhdon të përndjekë miqtë, aleatët dhe bashkëpunëtorët e tij, shumë prej të cilëve mund të tremben nga ajo që ende mund të zbulohet.Top Channel
-
Dhjetë ditë para vdekjes, Princesha Diana zbuloi se për çfarë ishte penduar vërtet në jetën e saj
Pak para vdekjes së saj, thuhet se Princesha Diana ndau një reflektim të sinqertë dhe të hidhur me një mik të ngushtë në lidhje me intervistën e saj të famshme në Panorama. Barra më e madhe për të nuk ishte ajo që zbuloi për jetën apo ndarjen e saj, por ndikimi që pati tek dy fëmijët e saj, William dhe Harry, atëherë vetëm 15 dhe 12 vjeç.
Sipas mikeshës së saj, Rosa Monckton, Diana ndjeu se intervista i kishte lënduar djemtë e saj. Ajo pranoi se e bëri sepse nuk dinte si tjetër ta përballonte presionin dhe brishtësia e saj e bënte të prekshme ndaj gazetarit Martin Bashir.
Intervista historike e vitit 1995, e ndjekur nga miliona shikues në të gjithë botën, ishte plot me zbulime personale rreth martesës së saj me Charles dhe vështirësive me të cilat ajo u përball, siç është bulimia. Ajo vetë kishte përmendur frazën e famshme për praninë e një pale të tretë në martesën e saj, duke iu referuar aferës së Charles me Camilla Parker Bowles. Deri atëherë, çifti ishte ndarë tashmë, ndërsa divorci erdhi në vitin 1996.
Disa vite më parë, një hetim zbuloi se gazetari kishte përdorur metoda mashtruese për të marrë intervistën. BBC kërkoi falje publikisht dhe u zotua të mos e transmetojë më , ndërsa Princat William dhe Harry kanë folur hapur për dhimbjen që u shkaktoi kjo intervistë.
Rosa e përshkroi Dianën si një grua që mbante brenda gjithçka që kishte përjetuar dhe ndjente keqardhje për ndikimin në jetën e fëmijëve të saj. Të dy princat kanë thënë se intervista ndikoi ndjeshëm në marrëdhënien e tyre me nënën e tyre dhe në jetën e tyre në përgjithësi. -
Ku ndodhet zemra e Maradonës? Drejtësia zbulon misterin 5 vite pas vdekjes së tij
Diego Armando Maradona vdiq 5 vite më parë dhe ende ka aspekte të paqarta, që autoritetet vazhdojnë t’i hetojnë. Një nga misteret më të mëdha për tifozët e “10” është: Ku ndodhet zemra e tij?
Trupi i legjendës u varros pa këtë organ, i hequr gjatë autopsisë më 25 nëntor 2020, së bashku me veshkat dhe mëlçinë për qëllime hetimore, një praktikë e zakonshme kur shkaqet e vdekjes nuk janë të qarta. Sidoqoftë, vendndodhja e organeve nuk është më secret. Zemra e Maradonës ndodhet në Departamentin e Anatomisë Patologjike të Policisë së Buenos Aires, në La Plata, nën masa të shumta sigurie.Analogjia mes futbollit dhe fesë është e dukshme në Argjentinë, ku fituesit e Kupës së Botës trajtohen si apostuj, me “El Diego” dhe Messin si të zgjedhurit e çdo epoke. Për shkak të planeve të disa ultrasve të Gimnasia dhe Esgrima La Plata për ta vjedhur zemrën, siguria u rrit ndjeshëm.
Organet e Maradonës do të ruhen deri në vitin 2030, mbërritën aty disa ditë pas konfirmimit të vdekjes së tij. Trupi tjetër është i varrosur pranë prindërve në varrezat e Bella Vista, pa pllakatë, për arsye sigurie. -
Raporti i KLSH-së për Institutin e Sigurimeve Shoqërore: Në 2024, 11 mijë raste të dhënies të pensionit pas vdekjes. Mungojnë ende 36 milionë lekë pa u arkëtuar
Kontrolli i Lartë i Shtetit ka publikuar gjetjet e një auditimi të thelluar mbi Institutin e Sigurimeve Shoqërore, ku janë zbuluar probleme serioze në menaxhimin e pagesave për përfituesit.
Verifikimet e realizuara nga strukturat përkatëse kanë evidentuar një sërë parregullsish, që nga pagesat e dyfishta e deri te raste kur janë kryer pagesa edhe pas ndarjes nga jeta të përfituesve.
Për vitin 2024, në të gjithë territorin janë regjistruar 821 raste me problematika të tilla, duke shkaktuar një humbje financiare prej 36.9 milionë lekësh. Sipas të dhënave zyrtare, deri më 31 dhjetor është arritur të rikuperohet pjesa më e madhe e dëmit, rreth 29 milionë lekë, falë arkëtimeve të kryera përmes postës, bankave dhe urdhër-xhirimeve.
“Nga kontrolli i kryer nga Sektori i Kontrollit për rastet që kanë përfituar të ardhura pas vdekjes progresivisht, për periudhën Janar – Dhjetor 2024, është konstatuar një dëm financiar prej 11,030 raste me vlerë 114,885,368 lekë, (ku përfshihen të gjitha rastet e tërheqjes pas datës së vdekjes, gjithashtu edhe rastet kur përfituesi i pensionit e ka tërhequr vetë pensionin, por ka ndërruar jetë në po atë muaj. Meqënëse pensioni është një pagesë që merret paradhënie, pjesa pas datës së vdekjes duhet mbajtur nga granti), të raportuar për të gjitha rajonet nga Gjendja Civile, ku krahasuar me vitin 2023, ka pësuar nje ulje prej 1,171 rastesh me vlerë 157,697 lekë”, thuhet në raport.
Sipas Kontrollit të Lartë të Shtetit, nga 11.030 raste, 232 raste, janë pa efekte financiare; 10,798 raste, janë me efekte financiare. Nga këto 10,151 raste, janë arkëtuar deri më datë 31.12.2024, në shumën 100,158,608 lekë.
“Nga Sektori i Kontrollit të Pagesave në ISSH, vazhdon kontrolli për rikthimin e fondeve të dëmtuara, por ende mbeten fonde të pa arkëtuara në vlerën 36,304,350 lekë të cilat kërkojnë vëmendje të shtuar, për t’u shlyer plotësisht”, thekson raporti.Top Channel
-
Skandal/ KLSH: Mbi 11 mijë raste pagesash të pensioneve pas vdekjes
Raporti i Kontrollit të Lartë të Shtetit mbi Institutin e Sigurimeve Shoqërore ka bërë publike rezultatet e një auditimi të gjerë, i cili ka nxjerrë në pah një sërë shkeljesh të rëndësishme në procesin e pagesave për përfituesit.
Sipas dokumentit, nga kontrolli i kryer nga Sektori i Kontrollit të Pagesave, janë identifikuar raste të ndryshme parregullsish, që variojnë nga dublimet e pagesave, pagesa të kryera pas vdekjes së përfituesve, te shumat më të mëdha nga sa duhej apo pagesa të dhëna jashtë afateve të përcaktuara.
Vetëm gjatë vitit 2024, në të gjitha rajonet e vendit janë evidentuar 821 raste të tilla, të cilat i kanë shkaktuar buxhetit një dëm financiar prej 36,919,340 lekësh. Deri në fund të vitit, më 31 dhjetor 2024, janë rikuperuar 29,059,735 lekë, përmes 4,479,368 lekë nga komisionet e postës, 19,119,020 lekë të arkëtuara në bankë dhe 5,461,347 lekë të rikuperuara përmes urdhërxhirimeve nga posta.
Megjithatë, mbeten ende 7,859,605 lekë për t’u arkëtuar, të cilat kërkojnë ndjekje të mëtejshme administrative dhe ligjore, thekson raporti.
Shkelje të rënda edhe në Shkodër
Auditimi ka evidentuar parregullsi të tjera të rëndësishme në rajonin e Shkodrës. Janë identifikuar 46 raste pagesash të kryera me mandate pa firmën e pensionistit, një shkelje që ngre pikëpyetje mbi kontrollin dhe verifikimin e dokumentacionit. Nga këto, 33 raste janë zbuluar nëpërmjet sistemit TIMS, me një vlerë totale prej 13,299,538 lekësh, ndërsa 13 raste të tjera përbëjnë pagesa të parregullta me vlerë 418,447 lekë.Mbi 11 mijë pagesa pas vdekjes së përfituesve
Një tjetër gjetje shqetësuese lidhet me pagesat e kryera pas ndarjes nga jeta të përfituesve. Vetëm gjatë periudhës janar–dhjetor 2024, janë regjistruar 11,030 raste, duke shkaktuar një dëm prej 114,885,368 lekësh, ku përfshihen të gjitha rastet e tërheqjes pas datës së vdekjes, gjithashtu edhe rastet kur përfituesi i pensionit e ka tërhequr vetë pensionin, por ka ndërruar jetë në po atë muaj.
Pavarësisht masave të marra, deri në fund të vitit janë rikuperuar 100,158,608 lekë, ndërsa 647 raste, me një vlerë prej 14,726,760 lekësh, mbeten ende të paarkëtuara dhe kërkojnë ndjekje të vazhdueshme.
Rekomandimet e auditimit
Auditorët i kërkojnë ISSH-së të përshpejtojë ndjeshëm procedurat administrative dhe ligjore për rikuperimin e shumës së mbetur prej 36,604,305 lekësh, duke vijuar bashkëpunimin me postën dhe bankat e nivelit të dytë.
Raporti thekson gjithashtu nevojën për forcimin e mekanizmave të kontrollit paraprak, për të shmangur përsëritjen e këtyre problematikave në të ardhmen.
Forcimi i kontrollit dhe transparencës, sipas auditorëve, do të ndihmojë në uljen e humbjeve financiare, rritjen e eficiencës në menaxhimin e fondeve publike, si dhe rikthimin e plotë të shpenzimeve të padrejta në buxhetin e shtetit./ ekofin.al/ -
KLSH publikon rezultatet e auditit: Mbi 11 mijë raste pagesash të pensioneve pas vdekjes vetëm gjatë vitit 2024
Raporti i Kontrollit të Lartë të Shtetit mbi Institutin e Sigurimeve Shoqërore ka bërë publike rezultatet e një auditimi të gjerë, i cili ka nxjerrë në pah një sërë shkeljesh të rëndësishme në procesin e pagesave për përfituesit.
Sipas dokumentit, nga kontrolli i kryer nga Sektori i Kontrollit të Pagesave, janë identifikuar raste të ndryshme parregullsish, që variojnë nga dublimet e pagesave, pagesa të kryera pas vdekjes së përfituesve, te shumat më të mëdha nga sa duhej apo pagesa të dhëna jashtë afateve të përcaktuara.
Vetëm gjatë vitit 2024, në të gjitha rajonet e vendit janë evidentuar 821 raste të tilla, të cilat i kanë shkaktuar buxhetit një dëm financiar prej 36,919,340 lekësh. Deri në fund të vitit, më 31 dhjetor 2024, janë rikuperuar 29,059,735 lekë, përmes 4,479,368 lekë nga komisionet e postës, 19,119,020 lekë të arkëtuara në bankë dhe 5,461,347 lekë të rikuperuara përmes urdhërxhirimeve nga posta. Megjithatë, mbeten ende 7,859,605 lekë për t’u arkëtuar, të cilat kërkojnë ndjekje të mëtejshme administrative dhe ligjore, thekson raporti.
Shkelje të rënda edhe në Shkodër
Auditimi ka evidentuar parregullsi të tjera të rëndësishme në rajonin e Shkodrës. Janë identifikuar 46 raste pagesash të kryera me mandate pa firmën e pensionistit, një shkelje që ngre pikëpyetje mbi kontrollin dhe verifikimin e dokumentacionit. Nga këto, 33 raste janë zbuluar nëpërmjet sistemit TIMS, me një vlerë totale prej 13,299,538 lekësh, ndërsa 13 raste të tjera përbëjnë pagesa të parregullta me vlerë 418,447 lekë.
Mbi 11 mijë pagesa pas vdekjes së përfituesve
Një tjetër gjetje shqetësuese lidhet me pagesat e kryera pas ndarjes nga jeta të përfituesve. Vetëm gjatë periudhës janar–dhjetor 2024, janë regjistruar 11,030 raste, duke shkaktuar një dëm prej 114,885,368 lekësh, ku përfshihen të gjitha rastet e tërheqjes pas datës së vdekjes, gjithashtu edhe rastet kur përfituesi i pensionit e ka tërhequr vetë pensionin, por ka ndërruar jetë në po atë muaj.
Pavarësisht masave të marra, deri në fund të vitit janë rikuperuar 100,158,608 lekë, ndërsa 647 raste, me një vlerë prej 14,726,760 lekësh, mbeten ende të paarkëtuara dhe kërkojnë ndjekje të vazhdueshme.
Rekomandimet e auditimit
Auditorët i kërkojnë ISSH-së të përshpejtojë ndjeshëm procedurat administrative dhe ligjore për rikuperimin e shumës së mbetur prej 36,604,305 lekësh, duke vijuar bashkëpunimin me postën dhe bankat e nivelit të dytë.
Raporti thekson gjithashtu nevojën për forcimin e mekanizmave të kontrollit paraprak, për të shmangur përsëritjen e këtyre problematikave në të ardhmen.Forcimi i kontrollit dhe transparencës, sipas auditorëve, do të ndihmojë në uljen e humbjeve financiare, rritjen e eficiencës në menaxhimin e fondeve publike, si dhe rikthimin e plotë të shpenzimeve të padrejta në buxhetin e shtetit. -
Çfarë është spiralja e vdekjes së milingonave?
Milingonat u shfaqën rreth 140 milionë vjet më parë dhe besohet se kanë evoluar nga paraardhës të përbashkët me grerëzat. Ato filluan të organizoheshin dhe të bashkëpunonin pa pasur një autoritet qendror. Ato zhvilluan sjellje shoqërore dhe fituan role specifike, të cilat funksiononin në dobi të shoqërisë së tyre.
Ekspertët që studiojnë anatominë, sjelljen dhe evolucionin e milingonave kanë zbuluar disa informacione mbresëlënëse.
Për shembull, ata kanë zbuluar se, pavarësisht se janë krijesa kaq të vogla, milingonat janë shumë të forta, pasi mund të ngrenë dhe të mbajnë objekte që peshojnë deri në 50 herë më shumë se pesha e tyre trupore.
Një tjetër informacion i jashtëzakonshëm është se disa lloje milingonash janë fermerë të vërtetë . Ato nuk i hanë gjethet që mbajnë, por i përdorin ato për të kultivuar një lloj specifik kërpudhe brenda folesë së tyre, që është ushqimi i tyre kryesor.
Megjithatë, një nga sjelljet më të çuditshme që është studiuar është “spiralja e vdekjes” ose “cikli i vdekjes” i milingonave.
Pra, çfarë është “spiralja e vdekjes”? Dhe pse ndodh?
Ky është një fenomen natyror në të cilin një koloni milingonash në thelb kryen vetëvrasje, pasi ato bllokohen në një rreth të pafund që rrotullohet, duke ndjekur njëra-tjetrën derisa të vdesin nga lodhja.
Në këtë cikël të pafund, marrin pjesë milingonat punëtore ose milingonat ushtarë. Këto milingona janë pothuajse të verbëra dhe mbështeten ekskluzivisht te feromonet e lëna nga milingonat përpara tyre për të lundruar dhe për të gjetur ushqim.
Nëse për ndonjë arsye një grup milingonash ndahet nga trupi kryesor i kolonisë, ato do të fillojnë të ndjekin gjurmët e milingonës udhëheqëse.
Si formohet rrethi?
Nëse, për shkak të ndonjë pengese ose një devijimi të rastësishëm, milingona e parë përfundon duke ndjekur të fundit, ato milingona janë të dënuara të ecin në një rreth të vazhdueshëm derisa të ngordhin nga lodhja.
Fatkeqësisht, asnjë milingonë nuk ka aftësinë kritike për ta “thyer” këtë cikël, kështu që rezultati është fatal.
Edhe pse këto kafshë funksionojnë jashtëzakonisht mirë si grup dhe një milingonë nuk mund të mbijetojë vetëm, “spiralja e tyre e vdekjes” është një shembull i trishtueshëm se si bindja e verbër ndaj feromoneve çon në fund të fundit në një rezultat tragjik, vdekjen .
Si u zbulua “spiralja e vdekjes”?
Në vitin 1936, TC Schneirla, një shkencëtar amerikan që studioi sjelljen e kafshëve, vëzhgoi qindra milingona që lëviznin në një rreth të pafund dhe vendosi t’i shqyrtonte ato nga afër. Zbulimi i rrugës spirale të vdekjes i habiti shkencëtarët, pasi kjo sjellje dukej se binte ndesh me teorinë e Darvinit për “mbijetesën e më të fortit”.
Që atëherë, shumë entomologë janë përpjekur të mësojnë më shumë rreth mënyrës specifike të funksionimit të milingonave, por edhe sot nuk është e mundur të kuptohet pse këto kafshë, përndryshe shumë inteligjente, janë të dënuara me vdekje.
Dikush do të priste që pas kaq shumë miliona vitesh, milingonat do të kishin evoluar dhe do të kishin eliminuar këtë sjellje “jofunksionale”.
Teoria më e zakonshme në lidhje me “ciklin e vdekjes” është se milingonat po përpiqen të kontrollojnë disi popullatën e tyre, prandaj kryejnë vetëvrasje masive. Por askush nuk mund të jetë plotësisht i sigurt.
-
Misteri rreth vdekjes së Eseninit/ A i dha vetë fund jetës apo e eliminuam?
Sergej Esenini ishte një nga poetët më të famshëm dhe të njohur rusë të shekullit të 20-të.
Ai ishte vetëm 30 vjeç kur u largua nga jeta lodhur e i dërmuar nga gjithçka kishte jetuar… Esenini u lind në Konstantinovo në Rjazan Governorate të Rusisë Perandorake në një familje fshatare. Ai e kaloi shumicën e fëmijërisë së tij me gjyshërit, të cilët esencialisht e edukuan atë. Ai filloi të shkruante poezi që në moshën 9-vjeçare. Në vitin 1912, Esenini u zhvendos në Moskë, ku i mbulonte vetë shpenzimet duke punuar si korrektor teknik në një kompani printimi.
Vitin pasues ai u regjistrua në Moska Çarnjavski Universitet si një student i jashtëm dhe studioi atje për një vit e gjysmë. Poezitë e tij të hershme u inspiruan nga folklori rus. Në vitin 1915, ai u zhvendos në Petrograd, ku u njoh me poetë si Aleksandër Blok, Sergej Gorodecki, Nikolaj Klyev dhe Andrei Beli dhe u bë i njohur në rrethin letrar. Blok i dha ndihmë të veçantë në promovimin e karrierës së hershme si poet. Esenini tha se Beli i dha atij kuptimin e formës ndërsa Bloku dhe Klyeuvi ia mësuan lirikën.
KARRIERA
Në vitin 1916, Esenini publikoi librin e tij të parë me poema, “Radunica”. Përmes këtij koleksioni të therës poetik mbi dashurinë dhe jetën e thjeshtë, ai u bë një nga poetët më të famshëm të atyre ditëve. Martesa e tij e parë ishte në vitin 1913 me Anna Izrjadnova, një bashkëpuntore nga një shtëpi publikuese, me të cilën pati një djalë, Yuri. Nga viti 1916 në 1917, Eseninit iu ngarkua një detyrë ushtarake, por shpejt pas revolucionit të tetorit të vitit 1917, Rusia u largua nga Lufta e Parë Botërore. Duke besuar se revolucioni do të sillte jetë më të mirë, Esenini e mbështeti atë, por shpejt u zhgënjye nga kjo.
Ai nganjëherë i kritikonte rregullat bolshevike në poemat e tij si “The Ster October Has Deceived Me” (tetori i ashpër më mashtroi). Në gusht të vitit 1917 Esenini u martua për herë të dytë me Zinajda Raih (më vonë aktore dhe gruaja e Vsevolod Mejerhold). Ata patën dy fëmijë, vajzën Tatjana dhe djalin Konstantin. Prindërit u grindën dhe jetuan ndaras për një kohë deri në divorcin e tyre në vitin 1921. Tatjana u bë një shkrimtare e njohur, dhe Konstantini do të bëhej një refer futbolli. Në shtator të vitit 1918, Esenini themeloi shtëpinë e vet publikuese të quajtur “Kompania e punës së artistëve të botës”.
Bashkë me Anatoli Merienhof themeluan një lëvizje ruse të imagjinizmit. Në fund të vitit 1921, derisa vizitonte studion e piktorit Georgi Jakulov, Esenini takoi valltaren amerikano-pariziene Isadora Duncan. Ajo dinte vetëm pak fjalë në rusisht, dhe nuk dinte asnjë gjuhë të huaj. Ata u martuan më 2 maj 1922. Esenini e shoqëroi gruan e tij të famshme në një udhëtim në Evropë dhe në SHBA. Martesa e tij me Duncan ishte e shkurtër dhe në maj të vitit 1923, ai u kthye në Moskë.
Në vitin 1923 Esenini u përfshi romantikisht me aktoren Augusta Miklashevskaja, të cilës ia dedikoi disa poema. Të njëjtin vit ai pati një djalë me poeten Nadezhda Volpin. Djali i tyre, Aleksandër Esenin-Volpin u rrit për tu bërë poet dhe aktivist i përhershëm në lëvizjen disidente sovjetike të viteve të 1960-ta. Ai jeton në Shtetet e Bashkuara si matematikan i famshëm dhe mësues. Në vitin 1925 Esenini e takoi dhe u martua me gruan e tij të katërt, Sofia Andrejevna Tolstaja, mbesa e Tolstoit.
LAMTUMIRA
Më 28 dhjetor 1925 Esenini u gjet i vdekur në dhomën e tij në hotel “Angleterre”. Ndërsa del nga klinika vetëm për disa ditë me rastin e Krishtlindjeve, ai pret damarët dhe me gjakun e tij shkruan poezinë e Lamtumirës. Të nesërmen në mëngjes gjendet i vetëvrarë në tubat e ngrohjes në tavanin e dhomës se tij në hotel “Angleterre”, kur sapo kish mbushur 30 vjeç. Ishte 28 dhjetor 1925, Esenini shpjegoi se nuk kishte bojë në dhomë, kështu që ai e shkroi poezinë me gjakun e tij. Poezia e tij e fundit “Lamtumirë miku im”, lamtumirë sipas Wolf Ehrlich iu dha atij një ditë para vdekjes.
Sipas versioneve që njihen tashmë ndër hulumtuesit akademikë të jetës së Eseninit, poeti ishte në gjendje depresioni një javë pas trajtimit në spitalin mental dhe e vari veten. Pas funeralit në Union në Leningrad, trupi i poetit u transportua me tren në Moskë, ku u organizua një lamtumirë për kushërinjtë dhe shokët. Ai u varros më 31 dhjetor 1925, bë varrezën Vagankosvkoje të Moskës. Varri i tij shënohet nga një skulpturë e bardhë mermeri.
Ekziston një teori se vdekja e Eseninit ishte një vrasje nga agjentët e NKVD-së (Komisariati i njerëzve për afera të brendshme) të cilët e bënë të dukej si vetëvrasje. Novela “Yesenin” publikuar nga Vitali Bezrukov i dedikohet këtij versioni të vdekjes. Në vitin 2005 seriali televiziv “Sergei Esenin” i bazuar në novelën e tij u shfaq në Channel One Russia. Filmi u kritikua nga ekspertët mjeko-ligjorë, të cilët e gjeten argumentin si të pabazë. Universiteti shtetëror i Rjazanit mban emrin e tij.
NDIKIMI KULTUROR
Vetëvrasja e Eseninit shkaktoi një numër vetëvrasjesh nga fansat e tij kryesisht femra. Edhe pse ai ishte një nga poetët më të shquar të Rusisë dhe iu bë një funeral i madh nga shteti, shumica e shkrimeve të tij u ndaluan nga Kremlini gjatë regjimit të Stalinit dhe Hrushovit. Kritikat e Nikolai Buharinit ndikuan dukshëm në ndalimin e tyre. Vetëm në vitin 1966 shumica e punës së tij u ripublikua. Sot poezitë e Eseninit mësohen në shkollat ruse; shumë prej tyre janë të shoqëruara me muzikë dhe të regjistruara si këngë të famshme.
Vdekja e tij e hershme, shoqëruara me pamje josimpatike nga disa elita, adhurimi nga njerëzit e thjeshtë, dhe sjellja sensacionale, të gjitha kontribuuan në figurën e qëndrueshme të poetit rus. Në vitin 2005 studioja ruse Pro-Cinema Production prodhoi një mini seri televizive “Jesenin” mbi jetën e poetit.
Filmi përshkruante versionin e vdekjes së tij sipas së cilit ai u vra nga agjentët e NKVD-së të cilët e bënë të dukej si vetëvrasje. Poezia e fundit e Sergei Eseninit ishte inspirimi kryesor për këngën “It Was Written In Blood” (Ishte e shkruar në gjak) nga Bring Me the Horizon në albumin e tyre “Sezoni i vetëvrasjes”.
ObserverKult
Lexo edhe:
-
Zbulohet shkaku i vdekjes së Ace Frehley
Shkaku i vdekjes së Ace Frehley-t, themeluesit të grupit legjendar rock KISS, është zbuluar disa javë pas ndarjes së tij nga jeta. Sipas raportit të Eksaminatorit Mjekësor të Qarkut Morris, Frehley, 74 vjeç, humbi jetën për shkak të dëmtimeve në kokë nga një rënie. Mënyra e vdekjes u klasifikua si aksidentale. Lajmin e bëri të ditur People të hënën, 10 nëntor, ndërsa TMZ ishte i pari që raportoi për ngjarjen.
Familja e muzikantit, i cili lindi me emrin Paul Frehley, kishte njoftuar vdekjen më 16 tetor, duke thënë se ai kishte ndërruar jetë në Morristown, N.J., pas një rënie të fundit në shtëpinë e tij. Sipas familjes, ata kishin pasur mundësinë ta rrethojnë me fjalë të ngrohta dhe lutje në momentet e fundit. “Ne e çmojmë çdo kujtim të tij, të qeshurat, dhe festojmë forcën dhe mirësinë që ka dhuruar të tjerëve. Humbja e tij është e pamasë,” thuhet në deklaratë.
Frehley vetë kishte njoftuar fansat për rënien e tij më 25 shtator, duke e përshkruar atë si “të vogël,” dhe kishte anuluar një performancë të nesërmen në Lancaster, Kaliforni, sipas këshillës së mjekut. Më 6 tetor, ai anulloi edhe pjesën tjetër të turneut të vitit 2025 për shkak të problemeve shëndetësore.
Ace Frehley la pas një trashëgimi muzikore të jashtëzakonshme, ndërsa kujtimi dhe arritjet e tij do të jetojnë përherë në zemrat e fansave dhe historinë e rock-ut.