Lajmidites.com

Tag: vance

  • Vance akuzon Danimarkën gjatë udhëtimit në Groenlandë: E ka lënë vendin të pambrojtur ndaj sulmeve ruse dhe kineze

    Vance akuzon Danimarkën gjatë udhëtimit në Groenlandë: E ka lënë vendin të pambrojtur ndaj sulmeve ruse dhe kineze

    Zëvendëspresidenti i SHBA-së, JD Vance, ka akuzuar Danimarkën se e ka lënë Groenlandën të pambrojtur ndaj inkursioneve të supozuara nga Kina dhe Rusia, pasi ai i kërkoi popullit të saj të “lidhë një marrëveshje” me SHBA-në.

    Sipas mediave të huaja, duke folur gjatë një vizite në ishullin e Arktikut, Vance minimizoi kërcënimet e fundit nga presidenti i SHBA-së, Donald Trump, për të marrë nën kontroll ishullin me forcë.

    Në vend të kësaj, ai u kërkoi groenlandezëve të ndërpresin lidhjet me Danimarkën, e cila ka në pronësi ishullin për më shumë se 300 vjet, duke thënë se nuk kishte investuar mjaftueshëm për të mbrojtur territorin gjysmë autonom.

    Një shumicë dërrmuese e groenlandezëve kundërshtojnë idenë e aneksimit, tregoi një sondazh në janar. Kryeministri i Groenlandës ka thënë se vizita e zv.Presidentit të SHBA tregoi një “mungesë respekti”.

    Vizita ka shkaktuar gjithashtu kritika të ashpra nga Danimarka. Lars Lokke Rasmussen, ministri i Jashtëm i vendit skandinav, tha se danezët ishin “të hapur ndaj kritikave” por “nuk e vlerësojnë tonin me të cilin ato po jepen”, në një video-mesazh drejtuar “miqve amerikanë”.

    Ai vuri në dukje se prania ushtarake e SHBA-së në Grenlandë ishte zvogëluar nga 17 baza në vitin 1945 në një që kishte rreth 200 ushtarë, duke shtuar: “Ne mund të bëjmë më shumë, shumë më tepër, brenda kornizës që kemi sot… Le ta bëjmë së bashku.” 

  • “Ka agjendë të fshehtë”, Groenlanda refuzon vizitën e JD Vance dhe gruas së tij

    “Ka agjendë të fshehtë”, Groenlanda refuzon vizitën e JD Vance dhe gruas së tij

    Një biznes turistik në kryeqytetin e Groenlandës, Nuuk, ka anuluar vizitën e Usha Vance, bashkëshortes së zv/presidentit amerikan JD Vance, mes shqetësimeve për një agjendë të fshehtë nga administrata e Trumpit.
    Fillimisht, vizita e Usha Vance ishte paraqitur si një udhëtim familjar për të shijuar kulturën lokale dhe për të marrë pjesë në garën tradicionale të slitave me qen, të quajtur Avannaata Qimussersu. Megjithatë, situata ndryshoi kur u mësua se ajo do të shoqërohej nga këshilltari i Sigurisë Kombëtare, Mike Waltz, duke shkaktuar zemërim te liderët lokalë, përfshirë kryeministrin e Groenlandës.
    Gjendja u përkeqësua edhe më shumë kur JD Vance njoftoi se ai gjithashtu do t’i bashkohej gruas së tij në këtë udhëtim, duke thënë se nuk dëshironte të humbiste “gjithë këtë argëtim”. Pas kësaj, dyqani i suvenireve Tupilak Travel, ku Usha Vance kishte planifikuar të ndalonte, refuzoi pritjen e saj.
    “Fillimisht, i thamë se ishte e mirëpritur, por pas shqyrtimit të mëtejshëm vendosëm të anulojmë vizitën”, njoftoi dyqani në Facebook. “Nuk mund të pranojmë këtë agjendë të fshehtë dhe nuk duam të bëhemi pjesë e një shfaqjeje mediatike. Jo faleminderit. Groenlanda u përket groenlandezëve.”
    Si rezultat, planet e Vance ndryshuan, dhe tani ai, së bashku me bashkëshorten e tij, do të vizitojnë bazën ushtarake amerikane të Forcës Hapësinore në Pituffik, në bregun veriperëndimor të ishullit, në vend që të marrin pjesë në eventet tradicionale lokale.
    Ministri i Jashtëm danez, Lars Løkke Rasmussen, tha për mediat daneze se ishte “pozitive” që amerikanët kishin anuluar vizitën e tyre në shoqërinë groenlandeze dhe do të kufizoheshin vetëm në bazën e tyre ushtarake.
    Ndërkohë, presidenti Donald Trump ka ripërsëritur synimin e tij për të marrë kontrollin e Groenlandës, duke deklaruar: “Na duhet Groenlanda për sigurinë ndërkombëtare. E kemi të domosdoshme.”
    Vance, në një video të postuar online, justifikoi vizitën e tij duke thënë se dëshironte të “shihte nga afër sigurinë e Grënlandës” dhe se “rivitalizimi i sigurisë atje është i rëndësishëm për sigurinë e gjithë botës.”