Lajmidites.com

Tag: valencia

  • Man. United i prish punë Milanit, “Djajtë” futen në lojë për objektivin e kuqezinjve në merkato

    Man. United i prish punë Milanit, “Djajtë” futen në lojë për objektivin e kuqezinjve në merkato

    19 Korrik 2025

    11:30

    Telesport

    Manchester United i është shtuar listës së ekipeve që interesohen për Javi Guerra-n. Mesfushori 22-vjeçar i Valencia-s ka tërhequr vëmendjen e disa klubeve të mëdha, një prej tyre është edhe Milan që e ndjek prej kohësh spanjollin, por Man. United duket më afër tij. Klubi italian duket se është dorëzuar në garën për yllin spanjoll, për shkak të çmimit të tij të lartë.
    “Djajtë e Kuq” po kërkojnë të forcojnë mesfushën me një lojtar dinamik dhe të gjithanshëm. Negociatat midis të dyja palëve po përparojnë, veçanërisht pas arritjes së një marrëveshjeje verbale në lidhje me kushtet personale të lojtarit, i cili tashmë e ka informuar Valencia-n se nuk do ta rinovojë kontratën e tij.
    Interesi i ekipit të drejtuar nga Ruben Amorim për Javi Guerra-n nuk është i ri, por nevojat aktuale të klubit anglez e kanë përshpejtuar procesin. Me largimin e Christian Eriksen si lojtar i lirë dhe pasigurinë rreth të ardhmes së Casemiro-s, drejtuesit e Manchester United e shohin të riun spanjoll si lojtarin ideal për t’i besuar një rol të rëndësishëm në mesin e fushës.
    Tani vjen pjesa më e vështirë, ku Man. United duhet të gjejë gjuhën e përbashkët me Valencia-n, pasi ka rënë dakord për kushtet personale me lojtarin. Klubi i La Ligës kërkon 70 milionë euro për “diamantin” e tyre dhe vështirë të pranojë ofertë më të ulët se kjo shifër.

  • Ylli spanjoll konfirmon largimin nga Valencia, tek Arsenal e presin për turneun aziatik

    Ylli spanjoll konfirmon largimin nga Valencia, tek Arsenal e presin për turneun aziatik

    15 Korrik 2025

    11:40

    Telesport

    Mbrojtësi 21-vjeçar spanjoll Cristhian Mosquera ka konfirmuar largimin e tij nga Valencia, klub ku është rritur dhe ka luajtur gjithë karrierën e tij (1 gol në 90 ndeshje zyrtare në katër sezonet e fundit në La Liga).
    Lajmin e konfirmoi vetë mbrojtësi për “Radio Marca”, ku u shpreh: “Valencia është shtëpia ime dhe gjithmonë do të jetë. Arrita këtu në moshën 12 vjeç dhe po largohem si burrë. Jam pak i trishtuar“.
    E ardhmja e tij do të jetë në Premier League. “Sky Sports News” raportoi se Arsenal është në bisedime me Valencia për një marrëveshje për Mosquera. “Topçinjtë” ofruan 13 milionë euro për lojtarin, por Valencia e vlerëson atë 25 milionë euro.
    Ekziston një optimizëm i kujdesshëm se mund të gjendet një kompromis për një tarifë. Mosquera ka hyrë në vitin e fundit të marrëveshjes së tij me Valencia dhe kushtet personale nuk pritet të jenë problem.
    Mosquera pritet të fluturojë për në Angli që këtë javë për të kryer vizitat mjekësore dhe për të finalizuar transferimin. Arsenal shpreson se gjithçka do të zgjidhet në kohë që Mosquera të jetë pjesë e skuadrës që do të fluturojë për në Azi për turneun para-sezonal.

  • Milan në rrezik, Atletico Madrid dhe Man. United futen në garë për objektivin e madh të kuqezinjve

    Milan në rrezik, Atletico Madrid dhe Man. United futen në garë për objektivin e madh të kuqezinjve

    8 Korrik 2025

    19:26

    Telesport

    Përveç Milanit, që ka kohë që e ndjek, në garë për të siguruar transferimin e Javi Guerra kanë hyrë edhe Atletico Madrid me Manchester United. Klubi i drejtuar nga Diego Simeone e sheh spanjollin 22-vjeçar si zëvendësuesin ideal të Rodrigo de Paul, argjentinasi është shumë pranë transferimit tek Inter Miami. Trajneri argjentinas i “Colchoneros” pëlqen shumë teknikën dhe vizionin në mesfushë të Javi Guerrës dhe është gati t’i ofrojë atij një rol kryesor në ekip.
    Në anën tjetër, Milan është i gatshëm të bëjë një hap përpara me një propozim 25 milionë euro, një shifër që përputhet me atë që Valencia ka kërkuar fillimisht, por nuk do jetë aspak çudi nëse klubi spanjoll i rrit kërkesat duke parë interesin e shtuar nga klubet e mëdha për lojtarin e saj.
    Po ashtu, Javi Guerra pëlqehet shumë edhe nga Ruben Amorim dhe ditët në vijim pritet një ofertë zyrtare e Manchester United në drejtim të Valencia-s. Një gjë është e sigurt, Javi Guerra do largohet përfundimisht nga Valencia këtë verë, por ende nuk dihet se cili do jetë destinacioni i tij i ri dhe beteja mes klubeve për kartonin e tij është shumë e fortë.

  • Arsenal i fiksuar me yjet e Spanjës, pas Zubimendi-t ka gati transferimin e radhës që do t’i kushtojë 20 mln euro

    Arsenal i fiksuar me yjet e Spanjës, pas Zubimendi-t ka gati transferimin e radhës që do t’i kushtojë 20 mln euro

    30 Qershor 2025

    19:21

    Telesport

    Pas Martin Zubimendi-t, Arsenal është shumë pranë transferimit të një tjetër lojtari nga La Liga. “Topçinjtë” duan të transferojnë qendërmbrojtësin e Valencia-s, 19-vjeçarin Cristhian Mosquera.
    Gjatë fundjavës, Arsenal i ka ofruar Valencia-s, 15 milionë euro për kartonin e 19-vjeçarit, por oferta e tyre është refuzuar nga klubi spanjoll. Sipas mediave spanjolle, Arsenal këto ditë pritet të përmirësojë ofertën deri në 20 milionë euro, shifër brenda pritshmërive të Valencia-s.
    Mosquera është në vitin e fundit të kontratës me Valencia-n, ndaj ekipi i La Ligës është i hapur për të lejuar largimin e tij, por gjithmonë nëse vjen oferta e duhur, që në këtë rast është 20 milionë euro.
    Në anën tjetër, Arsenal ka arritur marrëveshjen me lojatin përsa i përket kushteve personale. Drejtori sportiv i Arsenalit, Andrea Berta, pritët të mbyllë marrëveshjen me Valencia-n brenda kësaj jave.

  • Zbulohet laboratori i kokainës në Valencia, të përfshirë edhe shqiptarë, nxirrnin deri në 30 kilogramë në ditë

    Zbulohet laboratori i kokainës në Valencia, të përfshirë edhe shqiptarë, nxirrnin deri në 30 kilogramë në ditë

    Një grup kriminale që merrej me prodhimin dhe trafikimin e kokainës në Valencia është shkatërruar nga Agjentët e Policisë Kombëtare, në një operacion të përbashkët me Departamentin e Mbikëqyrjes Doganore të Agjencisë Tatimore në Spanjë.
    Të ndarë në dy lokacione, hetuesit vlerësojnë se, laboratori mund të prodhonte 20 deri në 30 kilogramë kokainë në ditë.
    Gjatë operacionit u arrestuan 25 persona (përfshirë krerët e organizatës kriminale), nga të cilët 12 me kombësi kolumbiane, 9 spanjollë, 2 shqiptarë, një meksikan dhe një italian.
    Ndërsa ishte në zhvillim e sipër faza e dytë e operacionit, një nga kokat e organizatës shqiptare u pikas nga agjentët ndërsa po përpiqej të largohej nga Spanja nëpërmjet Aeroportit El Prat dhe u arrestua.
    Gjatë operacionit u sekuestruan më shumë se 38 kilogramë pastë kokaine, 7.4 kg kokainë, makineri për prodhimin e kokainës, 87 gramë hashash dhe 94 gramë marijuanë.
    U sekuestruan gjithashtu pesë armë zjarri, së bashku me 30 karikatorë dhe deri në 1,000 fishekë, një silenciator, një armë trullosëse, më shumë se 32,000 euro kesh, pothuajse 39,000 euro të falsifikuara, 5 makina luksoze, si dhe 28 telefona dhe dokumente të ndryshme.

  • Dokumentari për Vinicius tërbon Valencian, klubi spanjoll shpë*then ndaj “Netflix”

    Dokumentari për Vinicius tërbon Valencian, klubi spanjoll shpë*then ndaj “Netflix”

    Valencia është kundër “Netflix”. Klubi spanjoll i ka shkruar platformës së njohur televizive pas transmetimit të dokumentarit “Baila Vini”, në të cilin protagonist është lojtari i Real Madridit, Vinicius Jr.
    Në një pjesë të dokumentarit në fjalë, tifozët e Valencias përshkruhen si racistë, duke përdorur imazhe nga ndeshja në “Mestalla” kundër Real Madridit më 21 maj 2023, ajo e zemërimit të Vinicius, i cili u ndëshkua me karton të kuq për sulm ndaj Hugo Duro.
    Valencia denoncon “manipulimin e imazheve”, veçanërisht një skenë ku fjala “tonto” (budalla), e thirrur nga një pjesë e publikut, në ekran përkthehet si “mono” (majmun), term që në këtë rast ka kuptim racist.
    Sipas Valencias, ky dokumentar nuk pasqyron realitetin e ngjarjeve dhe dëmton rëndë imazhin e klubit. Përballë kësaj paraqitjeje që konsiderohet shpifëse, klubi ka nxjerrë një komunikatë:
    “Në përgjigje të padrejtësive dhe pavërtetësive kundër tifozërisë së Valencia CF, klubi ka dërguar një kërkesë me shkrim tek producentët e dokumentarit lidhur me paraqitjen e tyre të ngjarjeve në ‘Mestalla’, e cila nuk korrespondon me realitetin. E vërteta dhe respekti për tifozët tanë duhet të mbizotërojnë. Valencia CF rezervon të drejtën për të ndërmarrë masa ligjore sipas situatës”.

  • Dokumentari i Vinicius Jr. drejt gjyqit, klubi spanjoll hedh akuza ndaj yllit të Realit: Nuk përputhet me realitetin

    Dokumentari i Vinicius Jr. drejt gjyqit, klubi spanjoll hedh akuza ndaj yllit të Realit: Nuk përputhet me realitetin

    Klubi spanjoll i futbollit, Valencia CF, ka reaguar zyrtarisht pas publikimit të dokumentarit “Bailia, Vini” të Vinicius Jr., që sipas tyre, përmban pasaktësi dhe padrejtësi ndaj tifozërisë së klubit.

    Në një deklaratë publike, Valencia njoftoi se i ka drejtuar një kërkesë me shkrim producentëve të dokumentarit, duke kërkuar korrigjimin e mënyrës si janë pasqyruar ngjarjet që ndodhën në stadiumin Mestalla.
    Sipas klubit, përshkrimi që i është bërë situatës nuk përputhet me realitetin dhe dëmton imazhin e tifozëve të Valencias. “E vërteta dhe respekti për tifozët tanë duhet të mbizotërojnë,” thuhet në deklaratë.
    Valencia CF ka paralajmëruar se rezervon të drejtën për të ndërmarrë veprime ligjore në varësi të zhvillimeve dhe përgjigjes nga producentët e dokumentarit.
    “Si përgjigje ndaj padrejtësive dhe pavërtetësive të bëra ndaj tifozëve të Valencia CF, klubi ka paraqitur një kërkesë me shkrim drejtuar producentëve të dokumentarit, në lidhje me mënyrën se si janë pasqyruar ngjarjet që ndodhën në stadiumin Mestalla, një version që nuk përputhet me realitetin. E vërteta dhe respekti për tifozët tanë duhet të mbizotërojnë. Valencia CF rezervon të drejtën për të ndërmarrë veprime ligjore në përputhje me rrethanat”, shkruhej në deklaratën e plotë.

    As a response to injustice and falsehoods made towards the Valencia CF fanbase, the club have made a demand in writing to the producers of the documentary regarding their portrayal of what occurred at Mestalla, which does not correspond with reality. Truth and respect for our… https://t.co/ZdqjfHIPw1
    — Valencia CF (@valenciacf_en) May 19, 2025

    Top Channel

  • “Burreci 2 metra ka 3 muaj që flet me vete”, Berisha me akuza të forta për Ramën:Në Valencia u hodh në kosh pasaporta..

    “Burreci 2 metra ka 3 muaj që flet me vete”, Berisha me akuza të forta për Ramën:Në Valencia u hodh në kosh pasaporta..

    Kreu i PD-së Sali Berisha ishte sot në Mirditë për takimin e radhës elektoral me demokratët për zgjedhjet e 11 majit.
    Berisha në fjalën e tij, ironizoi kryeministrin Rama pasi sipas tij nuk del prej muajsh në debate televizive dhe flet me vete nga kryeministria.

    Sakaq, kryedemokrati u ndal te rezoluta e firmosur nga PPE në Valencia, që sipas tij hodhën në kosh pasaportën evropiane të Ramës.
    Berisha: Burreci 2 m i gjatë që u ndryn prej 3 muajsh duke fol me vete dhe sdilte në një studio televizive, e ka humbur totalisht. U them ju, Edi Rama është në rreth të kuq dhe ju jap fjalën e nderit se kurrë nuk del më. Ai që mendoi se do groposte opozitën, pluralizmin, idealet e vërteta ai ka rënë dhe do bjeri më shumë në një gropë që kurrë më nuk do dali. Në Valencia ranë kambanat e tij.
    Partitë më të madhe  të Europës, partia e kancelarit Merz, partia e kancelarit austriak votuan rezolutën për votën tuaj. Duke e shpallur atë armik të votës së lirë, armik të pluralizmit, armik të opozitës. duke shpallur atë si një rrezik të vërtetë për demokracinë. Kjo damkë që mori nuk e lëshon atë deri në ditët e fundit të jetës së tij. Qëndroni në anën e drejtë të historisë. Ana e dinjitetit njerëzor. Pasaporta e tij europiane u hodh në koshin e plehërave.

  • “Ditët e tij janë të numëruara”, Berisha: Me Edi Ramën nuk ka integrim, në Valencia ia grisën pasaportën dhe ia hodhën në kosh

    “Ditët e tij janë të numëruara”, Berisha: Me Edi Ramën nuk ka integrim, në Valencia ia grisën pasaportën dhe ia hodhën në kosh

    Kreu i Partisë Demokratike Sali Berisha ishte sot në Kurbin, ku kërkoi mbështetjen për aleancën opozitare në parlamentaret e 11 majit.

    Berisha u shpreh ndër të tjera se me Edi Ramën nuk ka integrim, ndërsa sërish tha se “në Valencia ia grisën pasaportën dhe ia hodhën në kosh”.
    “Miq, Edi Rama po numëron ditët. Është në rreth të kuq. Ju e dëgjuat rezolutën e 82 partive politike që qeverisin Europën sot se si e damkosën si armik të votës së lirë, si armik të opozitës, si baloz i lidhur me krimin.
    Në Valencia triumfoi kauza juaj. Në Valencia triumfuan idealet tuaja të lirisë.
    Idealet për një Shqipëri pluraliste dhe mori goditjen më fatale Edi Rama dhe bandat e tij.
    Kudo që shkon e ndjek si lugat, e ndjek si fantazmë McGonigali, dosja e tij. Edi Rama është i famshëm, ka në supe thesin me 225 mijë euro me të cilin korruptoi McGonigalin. Absolutisht atje do të shkojë në burg si ai.
    E patë ju, e patë në Valencia pasaportën e tij si ia grisën, ia hodhën në kosh. Me Edi Ramën nuk ka integrim, me Edi Ramën shkohet drejt të shkuarës.
    Ai përpiqet të mbrohet duke e shndërruar fushatën në tallava dhe banalitete vetëm e vetëm si të shpëtojë nga ju për vjedhjet që u ka bërë, për dështimet që ka bërë.
    Por ditët e ka të numëruara. Sot janë nëntë, nesër do jenë tetë. Dhe së shpejti do marrë fund me 11.
    Vota juaj është vota e historisë. Vota e shqiptarëve. Miq, unë garantova me fjalë nderi udhëheqjen politike të Europës, se shqiptarët që përmbysën diktaturën më staliniste në Europë, do përmbysin më 11 Maj diktaturën e parë të drogës dhe krimit të Edi Ramës”, tha lideri i opozitës.

    Top Channel

  • Berisha: Dy ditë në Valencia kisha rikthimin tim më të fuqishëm politik!

    Berisha: Dy ditë në Valencia kisha rikthimin tim më të fuqishëm politik!

    Berisha: Dy ditë në Valencia kisha rikthimin tim më të fuqishëm politik!

    Lideri i opozitës, Sali Berisha, gjatë fjalës së tij në konferencën e mbajtur për mediat tha se, në Valencia kisha rikthimin tim më të fuqishëm politik.

    Ai tha se, fjala që mbajta dhe takimet e njëpasnjëshme me dhjetëra dhe qindra të pranishëm, ishin dëshmi se si ishte mirëpritur rikthimi i Sali Berishës. Nuk mund të rrija pa dalë para jush në mënyrë të jashtëzakonshme se nuk është koha e konferencave kjo, zakonisht i bëj në drekë.

    “Mirënjohje të pakufishme miqve dhe aleatëve tanë.

    Unë dy ditë në Valencia, kisha rikthimin tim më të fuqishëm politik, një nga rikthimet më të fuqishme politike në historinë e Europës pas luftës.

    Fjala që mbajta dhe takimet e njëpasnjëshme me dhjetëra dhe qindra të pranishëm, ishin dëshmi se si ishte mirëpritur rikthimi i Sali Berishës.

    Çfarë falënderimesh mora unë nga miqtë dhe partnerët për vendimin që mora dhe punën që bëra për rikthimin.

    Kjo është e vërteta.

    Gjatë atyre dy ditëve, pata rastin të takohem dhe të përshëndetem me shumë e shumë drejtues dhe udhëheqës të forcave politike të pranishëm, ndër të cilët të përshëndetem me kancelarin Merz, kryeministra, komisionerë, drejtues partish politike.

    Kthehem pra me energji të shumëfishuara në këto ditë fushate, në të cilat shqiptarët po shkojnë drejt një fitoreje të themi plebishitare është pak.

    Mbasi krahas tyre, të gjitha pa përjashtim, pollet online nxjerrin përtokë partinë e Edi Ramës.

    Ato që nuk i kontrollon dot dhe nuk i paguan dot ai për t’i modifikuar.

    Por i lëmë pollet.

    Shikoni dy fushata të pakrahasueshme. Njëra me njerëz të lirë, qytetarë të lirë, që vijnë me kënaqësi të madhe për të ndjekur programin, tjetra me zyrtarë të detyruar, kokulur, që përpiqen të fshehin dhe fytyrën se nuk e duan veten kurrë të jenë në ato takime.

    Plus disa shenja të tjera shthurje dhe shpartallimi. Edhe komisionerët po refuzojnë të marrin detyrat dhe i përgëzoj.

    Nuk mund të rrija pa dalë para jush në mënyrë të jashtëzakonshme se nuk është koha e konferencave kjo, zakonisht i bëj në drekë.

    Por mendova se meqenëse pashë se kjo mbështetje e paprecedent që shqiptarët kanë marrë për votën e lirë duhet të shkojë në çdo votër shqiptare, në çdo zemër”, u shpreh Berisha.