Lajmidites.com

Tag: ushtarake

  • Italia i dhuron Shqipërisë një anije ushtarake

    Italia i dhuron Shqipërisë një anije ushtarake

    Italia do t’i dhurojë vendit tonë një anije të tipit korvetë. Anija korvetë e klasit Cassiopea, që i ka shërbyer marinës ushtarake italiane do të mbërrijë në portin e Durrësit më 8 prill, në orën 09:00 të mëngjesit.
    Me rastin e dhurimit të anijes ushtarake nga qeveria italiane për Forcën Detare shqiptare do të zhvillohet edhe një ceremoni. Në ceremoni pritet të marrë pjesë edhe ministri italian i Mbrojtjes, Guido Crosetto, ndërsa korveta pritet të dorëzohet nën shoqërinë e krenarisë së marinës italiane, Amerigo Vespucci.

    Këto lloj anijesh janë më të vogla se shkatërruesit ose fregatat, por janë të pajisura për detyra të ndryshme detare, të tilla si mbrojtja ose mbikëqyrja bregdetare. Klasi “Cassiopea” është një seri prej katër anijesh patrullimi të marinës ushtarake italiane, të cilat janë ndërtuar në fund të viteve 1980 sipas standardeve civile dhe janë të dizajnuara për patrullim në zona të sigurta.

  • Pakti Shqipëri-Kosovë-Kroaci, Vuçiç var shpresat te Orban: Duam aleancë ushtarake me Hungarinë

    Pakti Shqipëri-Kosovë-Kroaci, Vuçiç var shpresat te Orban: Duam aleancë ushtarake me Hungarinë

    Presidenti serb Aleksandër Vuçiç u takua sot në orën 10:00 në Beograd me ministrin hungarez të mbrojtjes, Szalay-Bobrovniczky. Serbia dhe Hungaria kanë nënshkruar një dokument për bashkëpunimin strategjik në mbrojtje, duke forcuar partneritetin e tyre.
    “Qëllimi është një aleancë ushtarake midis Serbisë dhe Hungarisë”, tha Vuçiç. Nga sot, 1 prill 2025, Serbia dhe Hungaria do të vazhdojnë bashkëpunimin e tyre ushtarak duke nënshkruar një plan bashkëpunimi dypalësh në nivel ministror.
    Ky zhvillim bazohet në një kuadër ekzistues të bashkëpunimit të mbrojtjes midis dy kombeve, i cili ekziston prej disa vitesh dhe rinovohet çdo vit. Marrëveshja nuk përshkruhet si një aleancë ushtarake e plotë, por më tepër si një forcimi i bashkëpunimit strategjik në çështjet e mbrojtjes. Ai përfshin dispozita për stërvitjet e përbashkëta ushtarake, shkëmbimin e teknologjisë dhe pajisjeve ushtarake dhe koordinimin për çështjet e sigurisë me interes të përbashkët.
    Masa shihet si një përgjigje ndaj dinamikës rajonale, veçanërisht dëshirës së Serbisë për të sinjalizuar fuqinë dhe mbështetjen në Ballkan, ndërsa Hungaria kërkon të forcojë lidhjet e saj me Beogradin, një partner kyç rajonal jashtë kornizës së NATO-s.
    Në veçanti, marrëveshja duhet parë si një përgjigje ndaj paktit të fundit të Tiranës midis Kroacisë, Shqipërisë dhe Kosovës. Bashkëpunimi ndërmjet Serbisë dhe Hungarisë respekton detyrimet e Hungarisë si anëtare e BE-së dhe NATO-s dhe qëndrimin e Serbisë për neutralitet ushtarak.
    “Një nga prioritetet tona kryesore është zgjerimi i bashkëpunimit ndërmjet njësive ajrore (helikopterëve) të ushtrive tona aleate. Stërvitjet e përbashkëta do të zhvillohen në Serbi dhe Hungari”, – tha Vuçiç.

  • Vuçiç beson në krijimin e një aleance ushtarake mes Serbisë dhe Hungarisë

    Vuçiç beson në krijimin e një aleance ushtarake mes Serbisë dhe Hungarisë

    Serbia dhe Hungaria nënshkruan të martën në Beograd një dokument që konkretizon marrëveshjen për bashkëpunim strategjik në fushën e mbrojtjes të arritur në vitin 2023.
    Presidenti i Serbisë, Aleksandër Vuçiç, deklaroi se beson që kjo marrëveshje do të pasohet me një afrim të mëtejmë drejt krijimit të një aleance ushtarake midis Serbisë dhe Hungarisë.
    “Për këtë vendos pala hungareze, vendosin parlamentet e Hungarisë dhe Serbisë. Marrëdhëniet tona janë më shumë se të mira dhe kryeministri Viktor Orban dhe unë kemi shprehur dëshirën që të vazhdojmë me përshpejtimin dhe afrimin e mëtejshëm të qëndrimeve tona në sferën e mbrojtjes”, tha Vuçiç pas nënshkrimit.

    Beogradi reagoi ashpër në mes të marsit ndaj deklaratës së nënshkruar në atë kohë në Tiranë nga Shqipëria, Kroacia dhe Kosova, të cilën pjesëmarrësit e përshkruan si një dokument që synon forcimin e bashkëpunimit për t’u përballur me sfidat e sigurisë që mund të rrezikojnë stabilitetin rajonal. Nga ana tjetër, Serbia e quajti atë provokim dhe kërcënim për stabilitetin.
    Dokumentin e ri mes Serbisë dhe Hungarisë e nënshkruan ministrat e mbrojtjes, Bratisllav Gashiq dhe Kristof Szalay-Bobrovniczky.
    Siç është bërë e ditur, Beogradi dhe Budapesti kanë rënë dakord për 79 aktivitete të përbashkëta në fushën e mbrojtjes gjatë vitit 2025, duke përfshirë trajnime të përbashkëta, ushtrime me helikopterë dhe aktivitete të tjera, bashkëpunim në industrinë e mbrojtjes, siguri kibernetike, operacione paqeruajtëse, edukim dhe mjekësi ushtarake.
    “Hungaria është gjithmonë në anën e ruajtjes së paqes dhe Serbia është gjithmonë aleate në këtë drejtim”, tha ministri hungarez i Mbrojtjes Kristof Szalay-Bobrovniczky.
    Vuçiç nuk dha më shumë detaje rreth idesë për një aleancë ushtarake serbo-hungareze.
    As pala hungareze, as ajo serbe, nuk kanë folur për këtë temë, ndërsa pas nënshkrimit të marrëveshjes nuk janë lejuar pyetje nga gazetarët.
    Vuçiç tha se Beogradi, pasi vitin e kaluar bleu nga Budapesti transportues të blinduar BTR-80A, është i interesuar për blerjen e sistemeve të tjera të mbetura në Hungari nga periudha sovjetike, si dhe për blerjen e automjeteve të reja luftarake Lynx KF-51, të cilat Hungaria i prodhon në bashkëpunim me kompaninë gjermane, Rheinmetall.
    Ai shtoi se Hungaria blen nga Serbia municion të kalibrit 7.62 mm dhe është e interesuar për automjete luftarake 8×8 të prodhuara në Serbi.
    “Na pret shumë punë e përbashkët në fushën ushtarake. Gjithçka që bëjmë do të thotë më shumë siguri për qytetarët e të dy vendeve”, tha Vuçiç.
    Presidenti serb shtoi se së shpejti pret që të takohet me kryeministrin hungarez, Viktor Orban.
    Gjatë ceremonisë së nënshkrimit të dokumentit në fushën e mbrojtjes u tha po ashtu se këmbimi tregtar mes Serbisë dhe Hungarisë ka tejkaluar 3 miliardë euro dhe se Hungaria është partnerja e pestë më e madhe ekonomike e Serbisë.
    Ndryshe, që nga dhjetori i vitit 2006, Serbia është anëtare e Programit të Partneritetit për Paqe të NATO-s. Në fund të vitit 2007, ajo shpalli neutralitetin ushtarak përmes një rezolute të Kuvendit për mbrojtjen e sovranitetit, integritetit territorial dhe rendit kushtetues.
    Gjatë dhjetë viteve të fundit, Serbia ka mbajtur dhjetëra stërvitje ushtarake me shtetet anëtare të NATO-s, përfshirë Shtetet e Bashkuara të Amerikës, por edhe me Federatën Ruse dhe Bjellorusinë.
    Pas pushtimit të Ukrainës nga Rusia, Serbia nuk ka marrë pjesë në stërvitje ushtarake as me Lindjen, as me Perëndimin.
    Përjashtimi ndodhi në vitin 2023, kur për 15 ditë ajo zhvilloi në territorin e saj stërvitjen “Ujku Platin” me SHBA-në dhe vende të tjera anëtare të NATO-s në bazën ushtarake “Jug”./rel

  • Kina nis stërvitje ushtarake rreth Tajvanit: Ky është paralajmërim për presidentin tuaj parazit!

    Kina nis stërvitje ushtarake rreth Tajvanit: Ky është paralajmërim për presidentin tuaj parazit!

    Kina filloi të martën stërvitje të përbashkëta të ushtrisë, marinës dhe forcave raketore rreth Tajvanit si një “paralajmërim i ashpër kundër separatizmit” dhe e quajti presidentin tajvanez, Lai Ching-te, një “parazit”.

    Ndërkohë, Tajvani dërgoi anijet e veta luftarake për t’iu përgjigjur marinës kineze që iu afrua brigjeve.
    Stërvitjet përreth ishullit të qeverisur në mënyrë demokratike, të cilin Kina e sheh si territorin e saj, vijnë pasi muajin e kaluar Lai e quajti Pekinin një “fuqi e huaj armiqësore”.
    Kina e konsideron Lain si një “separatist” dhe, në një video që shoqëronte njoftimin për stërvitjet, ai u paraqit si një insekt i mbajtur nga një palë shkopinj të ngrënies mbi një Tajvan në flakë, duke e quajtur atë në anglisht “një parazit”.
    “Fokusi është në ushtrime si patrullat e gatishmërisë luftarake në det dhe në ajër, marrja e kontrollit të gjithanshëm, goditja e objektivave detare dhe tokësorë, si dhe vendosja e kontrolleve bllokuese në zona dhe rrugë kyçe”, tha Komanda e Teatrit Lindor në një deklaratë.
    Qeveria e Tajvanit i dënoi stërvitjet, me zyrën presidenciale që tha se Kina ishte “e njohur gjerësisht nga komuniteti ndërkombëtar si një burim problemesh” dhe se qeveria ka besimin dhe aftësinë për t’u mbrojtur vetë.
    Qeveria tajvaneze i hodhi poshtë pretendimet e Pekinit për sovranitet, duke thënë se vetëm populli i ishullit mund të vendosë për të ardhmen e tij.
    Dy zyrtarë të lartë të Tajvanit i thanë Reuters se më shumë se dhjetë anije ushtarake kineze iu afruan zonës së afërt të Tajvanit dhe se Tajvani dërgoi anijet e veta luftarake për të reaguar.
    Tajvani dislokon anijet ushtarakeMinistria e Mbrojtjes e Tajvanit tha në një deklaratë se grupi i aeroplanmbajtëses kineze Shandong kishte hyrë në zonën e reagimit të ishullit të hënën, duke shtuar se kishte dërguar avionë dhe anije ushtarake dhe kishte aktivizuar sistemet raketore tokësore për t’iu përgjigjur.
    Stërvitjet u zhvilluan pasi sekretari amerikan i Mbrojtjes, Pete Hegseth, u largua nga rajoni pas vizitave në Japoni dhe Filipine, ku kritikoi Kinën dhe tha se Japonia ishte “e pazëvendësueshme” për përballimin e agresionit kinez.
    Një zyrtar i lartë i sigurisë në Tajvan i tha Reutersit, duke cituar vlerësime të brendshme, se Pekini kishte nevojë të shmangte çdo “përplasje të perceptuar” me Uashingtonin përpara bisedimeve tregtare SHBA-Kinë, dhe për këtë arsye Tajvani ishte bërë një pretekst.
    “Tajvani është justifikimi më i mirë për ta. Prandaj ata zgjodhën të nisin këto stërvitje ushtarake sapo sekretari amerikan i mbrojtjes u largua nga Azia”, tha zyrtari.
    Ambasada de facto e SHBA-së, Instituti Amerikan në Tajvan, tha se Shtetet e Bashkuara do të vazhdojnë të mbështesin ishullin.
    “Edhe një herë, Kina ka treguar se nuk është një aktor i përgjegjshëm dhe nuk ka problem të vërë në rrezik sigurinë dhe prosperitetin e rajonit”, tha një zëdhënës. /REL

    Top Channel

  • Kina nis stërvitje ushtarake rreth Tajvanit, e quan presidentin e vendit “parazit”

    Kina nis stërvitje ushtarake rreth Tajvanit, e quan presidentin e vendit “parazit”

    Kina filloi të martën stërvitje të përbashkëta të ushtrisë, marinës dhe forcave raketore rreth Tajvanit si një “paralajmërim i ashpër kundër separatizmit” dhe e quajti presidentin tajvanez, Lai Ching-te, një “parazit”.
    Ndërkohë, Tajvani dërgoi anijet e veta luftarake për t’iu përgjigjur marinës kineze që iu afrua brigjeve.
    Stërvitjet përreth ishullit të qeverisur në mënyrë demokratike, të cilin Kina e sheh si territorin e saj, vijnë pasi muajin e kaluar Lai e quajti Pekinin një “fuqi e huaj armiqësore”.
    Kina e konsideron Lain si një “separatist” dhe, në një video që shoqëronte njoftimin për stërvitjet, ai u paraqit si një insekt i mbajtur nga një palë shkopinj të ngrënies mbi një Tajvan në flakë, duke e quajtur atë në anglisht “një parazit”.
    “Fokusi është në ushtrime si patrullat e gatishmërisë luftarake në det dhe në ajër, marrja e kontrollit të gjithanshëm, goditja e objektivave detare dhe tokësorë, si dhe vendosja e kontrolleve bllokuese në zona dhe rrugë kyçe”, tha Komanda e Teatrit Lindor në një deklaratë.
    Qeveria e Tajvanit i dënoi stërvitjet, me zyrën presidenciale që tha se Kina ishte “e njohur gjerësisht nga komuniteti ndërkombëtar si një burim problemesh” dhe se qeveria ka besimin dhe aftësinë për t’u mbrojtur vetë.
    Qeveria tajvaneze i hodhi poshtë pretendimet e Pekinit për sovranitet, duke thënë se vetëm populli i ishullit mund të vendosë për të ardhmen e tij.
    Dy zyrtarë të lartë të Tajvanit i thanë Reuters se më shumë se dhjetë anije ushtarake kineze iu afruan zonës së afërt të Tajvanit dhe se Tajvani dërgoi anijet e veta luftarake për të reaguar.
    Tajvani dislokon anijet ushtarake
    Ministria e Mbrojtjes e Tajvanit tha në një deklaratë se grupi i aeroplanmbajtëses kineze Shandong kishte hyrë në zonën e reagimit të ishullit të hënën, duke shtuar se kishte dërguar avionë dhe anije ushtarake dhe kishte aktivizuar sistemet raketore tokësore për t’iu përgjigjur.
    Stërvitjet u zhvilluan pasi sekretari amerikan i Mbrojtjes, Pete Hegseth, u largua nga rajoni pas vizitave në Japoni dhe Filipine, ku kritikoi Kinën dhe tha se Japonia ishte “e pazëvendësueshme” për përballimin e agresionit kinez.
    Një zyrtar i lartë i sigurisë në Tajvan i tha Reutersit, duke cituar vlerësime të brendshme, se Pekini kishte nevojë të shmangte çdo “përplasje të perceptuar” me Uashingtonin përpara bisedimeve tregtare SHBA-Kinë, dhe për këtë arsye Tajvani ishte bërë një pretekst.
    “Tajvani është justifikimi më i mirë për ta. Prandaj ata zgjodhën të nisin këto stërvitje ushtarake sapo sekretari amerikan i mbrojtjes u largua nga Azia”, tha zyrtari.
    Ambasada de facto e SHBA-së, Instituti Amerikan në Tajvan, tha se Shtetet e Bashkuara do të vazhdojnë të mbështesin ishullin.
    “Edhe një herë, Kina ka treguar se nuk është një aktor i përgjegjshëm dhe nuk ka problem të vërë në rrezik sigurinë dhe prosperitetin e rajonit”, tha një zëdhënës./REL

  • Kina nis stërvitje ushtarake rreth Tajvanit, quan presidentin e vendit “parazit”

    Kina nis stërvitje ushtarake rreth Tajvanit, quan presidentin e vendit “parazit”

    Bota E Martë, 1 Prill 2025 09:10
    Kina filloi të martën stërvitje të përbashkëta të ushtrisë, marinës dhe forcave raketore rreth Tajvanit si një “paralajmërim i ashpër kundër separatizmit” dhe e quajti presidentin tajvanez, Lai Ching-te, një “parazit”.
    Ndërkohë, Tajvani dërgoi anijet e veta luftarake për t’iu përgjigjur marinës kineze që iu afrua brigjeve.

    Stërvitjet përreth ishullit të qeverisur në mënyrë demokratike, të cilin Kina e sheh si territorin e saj, vijnë pasi muajin e kaluar Lai e quajti Pekinin një “fuqi e huaj armiqësore”.
    Kina e konsideron Lain si një “separatist” dhe, në një video që shoqëronte njoftimin për stërvitjet, ai u paraqit si një insekt i mbajtur nga një palë shkopinj të ngrënies mbi një Tajvan në flakë, duke e quajtur atë në anglisht “një parazit”.
    “Fokusi është në ushtrime si patrullat e gatishmërisë luftarake në det dhe në ajër, marrja e kontrollit të gjithanshëm, goditja e objektivave detare dhe tokësorë, si dhe vendosja e kontrolleve bllokuese në zona dhe rrugë kyçe”, tha Komanda e Teatrit Lindor në një deklaratë.
    Qeveria e Tajvanit i dënoi stërvitjet, me zyrën presidenciale që tha se Kina ishte “e njohur gjerësisht nga komuniteti ndërkombëtar si një burim problemesh” dhe se qeveria ka besimin dhe aftësinë për t’u mbrojtur vetë.
    Qeveria tajvaneze i hodhi poshtë pretendimet e Pekinit për sovranitet, duke thënë se vetëm populli i ishullit mund të vendosë për të ardhmen e tij.
    Dy zyrtarë të lartë të Tajvanit i thanë Reuters se më shumë se dhjetë anije ushtarake kineze iu afruan zonës së afërt të Tajvanit dhe se Tajvani dërgoi anijet e veta luftarake për të reaguar.
    Tajvani dislokon anijet ushtarake
    Ministria e Mbrojtjes e Tajvanit tha në një deklaratë se grupi i aeroplanmbajtëses kineze Shandong kishte hyrë në zonën e reagimit të ishullit të hënën, duke shtuar se kishte dërguar avionë dhe anije ushtarake dhe kishte aktivizuar sistemet raketore tokësore për t’iu përgjigjur.
    Stërvitjet u zhvilluan pasi sekretari amerikan i Mbrojtjes, Pete Hegseth, u largua nga rajoni pas vizitave në Japoni dhe Filipine, ku kritikoi Kinën dhe tha se Japonia ishte “e pazëvendësueshme” për përballimin e agresionit kinez.
    Një zyrtar i lartë i sigurisë në Tajvan i tha Reutersit, duke cituar vlerësime të brendshme, se Pekini kishte nevojë të shmangte çdo “përplasje të perceptuar” me Uashingtonin përpara bisedimeve tregtare SHBA-Kinë, dhe për këtë arsye Tajvani ishte bërë një pretekst.
    “Tajvani është justifikimi më i mirë për ta. Prandaj ata zgjodhën të nisin këto stërvitje ushtarake sapo sekretari amerikan i mbrojtjes u largua nga Azia”, tha zyrtari.
    Ambasada de facto e SHBA-së, Instituti Amerikan në Tajvan, tha se Shtetet e Bashkuara do të vazhdojnë të mbështesin ishullin.“Edhe një herë, Kina ka treguar se nuk është një aktor i përgjegjshëm dhe nuk ka problem të vërë në rrezik sigurinë dhe prosperitetin e rajonit”, tha një zëdhënës.

  • Rama e lajmëroi të shtunën, zbulohet anija korvetë italiane që do marrë Flota Detare e Shqipërisë

    Rama e lajmëroi të shtunën, zbulohet anija korvetë italiane që do marrë Flota Detare e Shqipërisë

    Kryeministri i vendit Edi Rama, teksa foli të shtunën (29 mars) për sektorin e Mbrojtjes, prezantoi projektet ushtarake për të ardhmen e Shqipërisë, rritjen e buxhetit, investimeve dhe përforcimin e armatës.
    Mes tyre ishte edhe marrja e një anijeje ushtarake.
    “Flota detare e Republikës së Shqipërisë, siç thashë do të ketë një super anije së shpejti dhe do të bëhet me tre anije luftarake të reja”, tha kreu i qeverisë.
    Tani mësohet se kjo anije do të jetë e tipit korvetë, “Cassiopea”, e marinës ushtarake italiane. Në proces është edhe dorëzimi i saj, që pritet në ditët në vijim.
    Kjo markë anijeje luftarake janë të pajisur ushtarakisht dhe me detyra kryesisht në mbrojtje dhe mbikëqyrje detare. Parashikohet që kjo anije, pas një servisi dhe remonti të përgjithshëm, do të jetë aktive për shërbim deri në 15 vitet e ardhshme.
    Armatimi kryesor i anijeve të këtij klasi është një armë e vetme Oto-Melara 76/62 Allargato, me sisteme të kontrollit të armëve dhe zjarrit që përdoren nga fregatat e çmontuara të klasit Rizzo/Bergamini.
    Anijet kanë kuvertë fluturimi dhe hangar për të akomoduar një helikopter. Dorëzimi i anijes do të bëhet me një ceremoni, ku pritet të marrë pjesë edhe ministri italian i Mbrojtjes, Guido Crosetto.
    Korveta pritet të dorëzohet nën shoqërinë e krenarisë së marinës italiane, ‘Amerigo Vespucci’.
    “Klasi Cassiopea’ është një seri prej katër anijesh patrullimi të marinës ushtarake italiane. Ato u ndërtuan në fund të viteve 1980 dhe janë të dizajnuara për patrullim në zona të sigurta. Në fillim të viteve 1980, marina italiane zhvilloi dhe dy klasa korvetash, për të zëvendësuar anijet e vjetra, tip “Albatros”.

  • OKB kërkon ndihmë urgjente për Mianmarin e shkatërruar nga tërmeti

    OKB kërkon ndihmë urgjente për Mianmarin e shkatërruar nga tërmeti

    Organizata Botërore e Shëndetësisë bëri një thirrje urgjente për ndihmë prej 8 milionë dollarësh, për të adresuar pasojat e tërmetit në Mianmar.

    Në këtë vend të Azisë Juglindore, rreth 1.700 njerëz humbën jetën nga tërmeti që goditi javën e kaluar, ndërsa mijëra të tjerë rrezikohen nga lëndimet dhe sëmundjet.

    Agjencia e Kombeve të Bashkuara tha se po vepron në “nivelin më të lartë të emergjencës”.

    Ajo tha se i nevojiten donacione “për të ofruar kujdes urgjent për të plagosurit, për të parandaluar shpërthimin e sëmundjeve dhe për të rivendosur shërbimet thelbësore shëndetësore gjatë 30 ditëve të ardhshme”.

    Federata Ndërkombëtare e Shoqatave të Kryqit të Kuq dhe Gjysmëhënës së Kuqe tha, po ashtu, se “shkatërrimi ka qenë i madh” dhe se “nevojat humanitare po rriten çdo orë”.

    Ekipet e shpëtimit në Mianmar janë duke vazhduar kërkimet për të mbijetuar të mundshëm nën rrënojat e ndërtesave të shembura.

    Udhëheqja ushtarake e vendit shpalli gjendje të jashtëzakonshme në gjashtë rajone dhe lejoi ekipe të huaja të shpëtimit të hyjnë në vend për të ndihmuar me pasojat shkatërruese të tërmetit.

    India, Kina dhe Tajlanda janë ndër fqinjët e Mianmarit që dërguan materiale dhe ekipe ndihme. Personel dërgoi edhe Malajzia, Singapori dhe Rusia.

    Qeveria ushtarake e Mianmarit është e përfshirë në një luftë me kryengritësit, por Qeveria e Unitetit Kombëtar e opozitës tha se luftëtarët nën komandën e saj, do t’i ndalojnë të gjitha veprimet ushtarake sulmuese për dy javë, nisur nga 30 marsi.

    Tërmeti me magnitudë 7.7 – një nga më të fortët që përjetoi Mianmari në një shekull – tronditi gjithashtu Tajlandën fqinje, duke shkaktuar dëme dhe viktima edhe atje.

  • Bilanci i tragjedisë, shkon në 1 644 numri i të vdekurve në Mianmar, më shumë se 3 400 të plagosur

    Bilanci i tragjedisë, shkon në 1 644 numri i të vdekurve në Mianmar, më shumë se 3 400 të plagosur

    Numri i të vdekurve në Bangkok pas tërmetit me magnitudë 7,7 ballë që goditi të premten Mianmarin është rritur në 17, thanë sot autoritetet tajlandeze, ndërsa ekipet e shpëtimit kërkojnë të mbijetuarit në rrënojat e një ndërtese shumëkatëshe të shembur.
    “Të paktën 83 persona mbeten të zhdukur”, thanë autoritetet, duke shtuar se 32 të tjerë janë raportuar të plagosur.

    Ekipet e shpëtimit janë përqendruar në një rrokaqiell 30-katësh të shembur në Bangkok, ku besohet se ka më shumë njerëz të bllokuar.
    Dhjetë vdekje janë konfirmuar në vend deri më tani, por më shumë njerëz mendohet të jenë nën rrënoja.
    “Ekuipazhet e shpëtimit gjetën sot trupin e një punonjësi të rrokaqiellit”, raportuan mediat lokale.
    “Ata përdorën një vinç dhe një shportë metalike për të hequr trupin nga mbeturinat në orët e para të mëngjesit”, sipas gazetës “Khaosod”.
    Tërmeti ka shkaktuar dëme të konsiderueshme në kryeqytetin tajlandez dhe është ndjerë gjithashtu në disa pjesë të Kinës dhe Vietnamit.
    Opozita e Mianmarit shpall armëpushim të njëanshëm
    Në Mianmar, qeveria në hije demokratike e opozitës së vendit njoftoi sot një pauzë të njëanshme dyjavore në luftimet e saj me juntën ushtarake në pushtet, megjithëse “operacionet e mbrojtjes” janë të përjashtuara nga kjo.
    “Pezullimi i të gjitha operacioneve ushtarake sulmuese do të bëhet në zonat e prekura nga tërmeti dhe rrethet e lidhura me to”, shkroi Qeveria e Unitetit Kombëtar (NUG) në X.
    “Junta ushtarake vazhdoi sulmet e saj kundër grupeve rebele menjëherë pas tërmetit që goditi vendin të premten”, sipas raporteve të medieve.
    Në një intervistë për BBC, raportuesi special i OKB-së për Mianmarin, Tom Andrews, i bëri thirrje juntës të ndalonte të gjitha operacionet ushtarake.
    NUG ka luftuar kundër juntës menjëherë pasi ushtria mori pushtetin në një grusht shteti në vitin 2021.
    Numri i të vdekurve në Mianmar deri më tani është 1 644, me më shumë se 3 400 të plagosur, por shifrat e viktimave mund të rriten në mijëra për shkak të afërsisë së zonave të populluara me epiqendrën dhe cenueshmërisë së shumë strukturave. //a.i/

  • Nuk mjafton tërmeti, Junta ushtarake në Mianmar vazhdon bombardimet pavarësisht viktimave

    Nuk mjafton tërmeti, Junta ushtarake në Mianmar vazhdon bombardimet pavarësisht viktimave

    Veç tërmetit të rëndë që goditi Mianmarin, vendi po përballet me sulme të vazhdueshme ajrore nga Junta ushtarake.

    BBC-së i janë dërguar disa imazhe të ndërtesave të dëmtuara në fshatin Naung Lin, shteti Shan, ku luftëtarët e juntës së Mianmarit raportohet se hodhën bomba të premten në mbrëmje.

    Junta ushtarake e Mianmarit ka vazhduar të bombardojë pjesë të vendit të shkatërruar nga lufta pas tërmetit të madh atje, i cili ka vrarë më shumë se 1600 njerëz.

    OKB-ja i ka përshkruar sulmet si “plotësisht të egra dhe të papranueshme”.

    Raportuesi Special Tom Andrews i tha BBC-së se nuk ishte “asgjë më pak se e pabesueshme” që ushtria po vazhdonte “të lëshonte bomba kur po përpiqeni të shpëtoni njerëz” pas tërmetit.

    Ai i bëri thirrje regjimit ushtarak, i cili mori pushtetin në një grusht shteti gati katër vjet më parë, të ndalojë të gjitha operacionet ushtarake.

    “Kushdo që ka ndikim në ushtri duhet të rrisë presionin dhe ta bëjë shumë të qartë se kjo nuk është e pranueshme,” tha ai.

    “Unë i bëj thirrje juntës që thjesht të ndalojë, të ndalojë çdo operacion të saj ushtarak,” shtoi ai.

    Grupet rebele pro-demokracisë që po luftojnë për të hequr ushtrinë nga pushteti kanë raportuar bombardime ajrore në qytezën Chang-U në rajonin veriperëndimor Sagaing, epiqendra e tërmetit. Ka gjithashtu raporte për sulme ajrore në rajone pranë kufirit me Tajlandën.