Lajmidites.com

Tag: ushtarake

  • Trump urdhëroi rritjen e trupave ushtarake në Karaibë, Maduro mesazh për homologun amerikan: Mjaft me luftëra të pafundme dhe të padrejta

    Trump urdhëroi rritjen e trupave ushtarake në Karaibë, Maduro mesazh për homologun amerikan: Mjaft me luftëra të pafundme dhe të padrejta

    Presidenti venezuelian, Nicolas Maduro i kërkoi të premten homologut të tij amerikan, Donald Trump të përmbahet, në një kohë kur SHBA-të kanë vendosur një forcë të fortë ushtarake në Karaibe.

    I pyetur nga një gazetar i CNN nëse kishte një mesazh që do të donte t’i dërgonte Trump, Maduro u përgjigj: “Po, paqe!”
    Duke iu drejtuar popullit amerikan, presidenti venezuelian theksoi: “Mjaft me luftëra të pafundme. Mjaft me luftëra të padrejta. Mjaft me Libi. Mjaft me Afganistan.”
    Ndërkohë, Pentagoni publikoi imazhe të aeroplanmbajtëses më të madhe dhe më të përparuar të Marinës Amerikane, USS Gerald Ford, e cila mbërriti në Karaibe të martën, duke rritur fuqinë ushtarake amerikane në rajon. Që nga gushti, SHBA-të kanë vendosur tetë anije luftarake, një nëndetëse me energji bërthamore dhe avionë luftarakë F-35 në Karaibe.
    Presidenti venezuelian Nicolas Maduro, në pushtet që nga viti 2013, ka akuzuar praninë ushtarake amerikane në rajon se po përpiqet ta rrëzojë atë nga pushteti. Trump tha së fundmi se ditët e Maduros në pushtet ishin “të numëruara” dhe në tetor konfirmoi se kishte autorizuar CIA-n të kryente operacione të fshehta në Venezuelë.
    Të enjten, Sekretari i Mbrojtjes i SHBA-së, Pete Hegseth, njoftoi nisjen e Operacionit “Shtiza Jugore” që synon luftimin e trafikut të drogës në rajon.
    Që nga fillimi i shtatorit, forcat amerikane kanë nisur sulme ajrore në Karaibe dhe Paqësor kundër anijeve që dyshohet se përdoren për trafik droge. Deri më sot, Uashingtoni ka marrë përgjegjësinë për 21 sulme që vranë 80 persona.

    Top Channel

  • Trump urdhëroi rritjen e trupave ushtarake në Karaibë, ‘trembet’ Maduro: Mjaft me luftëra të pafundme dhe të padrejta

    Trump urdhëroi rritjen e trupave ushtarake në Karaibë, ‘trembet’ Maduro: Mjaft me luftëra të pafundme dhe të padrejta

    Presidenti venezuelian, Nicolas Maduro i kërkoi të premten homologut të tij amerikan, Donald Trump të përmbahet, në një kohë kur SHBA-të kanë vendosur një forcë të fortë ushtarake në Karaibe.

    I pyetur nga një gazetar i CNN nëse kishte një mesazh që do të donte t’i dërgonte Trump, Maduro u përgjigj: “Po, paqe!”

    Duke iu drejtuar popullit amerikan, presidenti venezuelian theksoi: “Mjaft me luftëra të pafundme. Mjaft me luftëra të padrejta. Mjaft me Libi. Mjaft me Afganistan.”

    Ndërkohë, Pentagoni publikoi imazhe të aeroplanmbajtëses më të madhe dhe më të përparuar të Marinës Amerikane, USS Gerald Ford, e cila mbërriti në Karaibe të martën, duke rritur fuqinë ushtarake amerikane në rajon. Që nga gushti, SHBA-të kanë vendosur tetë anije luftarake, një nëndetëse me energji bërthamore dhe avionë luftarakë F-35 në Karaibe.

    Presidenti venezuelian Nicolas Maduro, në pushtet që nga viti 2013, ka akuzuar praninë ushtarake amerikane në rajon se po përpiqet ta rrëzojë atë nga pushteti. Trump tha së fundmi se ditët e Maduros në pushtet ishin “të numëruara” dhe në tetor konfirmoi se kishte autorizuar CIA-n të kryente operacione të fshehta në Venezuelë.

    Të enjten, Sekretari i Mbrojtjes i SHBA-së, Pete Hegseth, njoftoi nisjen e Operacionit “Shtiza Jugore” që synon luftimin e trafikut të drogës në rajon.

    Që nga fillimi i shtatorit, forcat amerikane kanë nisur sulme ajrore në Karaibe dhe Paqësor kundër anijeve që dyshohet se përdoren për trafik droge. Deri më sot, Uashingtoni ka marrë përgjegjësinë për 21 sulme që vranë 80 persona.

  • Maduro-Trumpit: Duam paqe në të gjithë Amerikën, jo një Libi apo Afganistan tjetër

    Maduro-Trumpit: Duam paqe në të gjithë Amerikën, jo një Libi apo Afganistan tjetër

    Presidenti venezuelian Nicolas Maduro u ka bërë thirrje Shteteve të Bashkuara të bashkohen me Venezuelën për paqen në Amerikë, ndërsa dënoi vendosjen e anijeve luftarake në Karaibe për të luftuar trafikun e drogës.
    Duke folur për CNN gjatë një tubimi në Karakas të enjten, Maduro tha se Shtetet e Bashkuara dhe Venezuela duhet të bashkohen për paqen në rajon, mes tensioneve të larta.
    Maduro u bëri thirrje amerikanëve të shmangin një konflikt tjetër të zgjatur, duke iu drejtuar popullit amerikan në spanjisht.
    “Le të bashkohemi për paqen e Amerikës. Mjaft me luftëra të pafundme. Mjaft me luftëra të padrejta. Mjaft me Libi. Mjaft me Afganistan”, tha ai.
    Kur u pyet nëse kishte një mesazh për Presidentin e SHBA-së Donald Trump, Maduro u përgjigj në anglisht: “Po paqe, po paqe”.
    Maduro nuk tha nëse ishte i shqetësuar për një ndërhyrje të mundshme ushtarake të SHBA-së. Në vend të kësaj, ai tha se ishte i përqendruar në qeverisjen e vendit të tij në mënyrë paqësore.
    Presidenti venezuelian mori pjesë në një tubim masiv për të rinjtë venezuelianë, të cilët më vonë i nxiti t’i rezistonin asaj që e quajti “kërcënimi i pushtimit nga SHBA-ja”.
    Gjatë tre muajve të fundit, SHBA-të kanë grumbulluar rreth 15,000 trupa në Karaibe, të shoqëruara nga më shumë se një duzinë anijesh luftarake, përfshirë një aeroplanmbajtëse, e përshkruar si “platforma më vdekjeprurëse luftarake” e Marinës Amerikane.
    Vendosja ushtarake, e konsideruar si prania më e madhe ushtarake amerikane në rajon që nga pushtimi i Panamasë në vitin 1989, ka ngjallur spekulime se SHBA-të mund të jenë duke u përgatitur për një luftë më të madhe.

  • “Shtiza jugore”, Pentagoni njofton operacione ushtarake në “lagjen e Amerikës”

    “Shtiza jugore”, Pentagoni njofton operacione ushtarake në “lagjen e Amerikës”

    Pas vendosjes së anijes luftarake më të madhe në botë në rajonin e Amerikës Latine dhe sulmeve ndaj anijeve të dyshuara për kontrabandë droge në Karaibe, shefi i Pentagonit, Pete Hegseth, ka njoftuar një tjetër operacion madhor ushtarak.
    Ky mision mbron atdheun dhe mbron SHBA-në nga droga, shkroi Sekretari i Mbrojtjes Hegseth në Platformën X. Ai e quajti operacionin “Shtiza Jugore”. “Hemisfera Perëndimore është fqinjësia e Amerikës – dhe ne do ta mbrojmë atë”, theksoi ai. Ndërkohë, është konfirmuar një tjetër sulm ndaj një varke, që ka rezultuar në disa të vdekur.
    Sekretari amerikan nuk specifikoi sulme ose vende të veçanta. Operacioni ushtarak po drejtohet nga një Task Forcë e përbashkët dhe Komanda Jugore e SHBA-së, zona e operacioneve të së cilës shtrihet përgjatë Detit të Karaibeve dhe ujërave që kufizohen me Amerikën Qendrore dhe Jugore.
    SHBA-të e justifikojnë praninë e tyre ushtarake në ujërat e Amerikës Latine si një luftë kundër organizatave kriminale transnacionale dhe trafikut të drogës. Në javët e fundit, ushtria amerikane ka sulmuar vazhdimisht anije në Karaibe dhe Paqësor, të cilat SHBA-të pretendojnë se transportonin drogë. Dhjetëra njerëz janë vrarë në këto sulme. Veprimet e SHBA-së kanë tërhequr kritika ndërkombëtare, pjesërisht sepse qeveria amerikane nuk ka ofruar një bazë ligjore për veprimet e saj.
    Pentagoni i konfirmoi Agjencisë Gjermane të Shtypit (DPA) se një tjetër anije u sulmua në Karaibe të hënën, duke vrarë katër persona. Kjo e çon numrin e përgjithshëm të sulmeve në 20, me një total prej 79 viktimash.
    Marina Amerikane njoftoi disa ditë më parë se aeroplanmbajtësja më e madhe në botë, USS Gerald R. Ford, kishte arritur në zonën e operacioneve të Komandës Jugore të SHBA-së. Anija luftarake ishte tërhequr nga Mesdheu nga Pentagoni.
    Për shkak të tensioneve në rritje midis SHBA-së dhe Venezuelës, ka spekulime rreth arsyes së vërtetë të vendosjes së aeroplanmbajtëses në rajon.
    Administrata e Presidentit të SHBA-së, Donald Trump, akuzon udhëheqësin venezuelian, Nicolás Maduro, për përfshirje në trafikun e drogës drejt Shteteve të Bashkuara. Jo vetëm qeveria autoritare venezueliane e sheh si kërcënim vendosjen e njësive shtesë ushtarake në Karaibe, por edhe vende si Kolumbia dhe Brazili. Trump konfirmoi së fundmi se ai autorizoi operacione të fshehta nga CIA në Venezuelë.

  • Polonia nis përgatitjen ushtarake për civilët

  • Maduro i drejtohet amerikanëve: Bashkohuni me Venezuelën për një Amerikë paqësore

    Maduro i drejtohet amerikanëve: Bashkohuni me Venezuelën për një Amerikë paqësore

    Presidenti i Venezuelës, Nicolás Maduro, u bëri thirrje qytetarëve të Shteteve të Bashkuara që të bashkohen me Venezuelën për paqen në Amerikë, gjatë një intervistë ekskluzive për CNN-në të mbajtur në mes të një tubimi në Caracas të enjten.

    Deklaratat e tij vijnë në një kohë të tensioneve të rritura me SHBA-në, e cila ka vendosur anije lufte në Karaibe për të ndaluar, sipas tyre, trafikimin e drogës nga Venezuela. Megjithëse Uashingtoni insiston se prania ushtarake synon pengimin e rrjedhës së narkotikëve drejt SHBA-së, Caracas, kryeqyteti i Venezuelës beson se qëllimi real i Amerikës është ndryshimi i regjimit.

    Maduro u drejtua drejtpërdrejt ndaj amerikanëve, duke thënë në spanjisht: “Bashkohuni për paqen e Amerikës. Jo më luftëra të pafundme. Jo më luftëra të padrejta. Jo më Libia. Jo më Afganistan.”

    Kur u pyet nëse kishte një mesazh për Presidentin amerikan Donald Trump, Maduro u përgjigj në anglisht: “Po, paqe, po paqe.” Ai nuk u shpreh direkt për shqetësimet për një agresion të mundshëm nga SHBA-ja, por theksoi se fokusin e kishte te qeverisja e vendit me paqe.

    Maduro mori pjesë në një tubim masiv për të rinjtë e Venezuelës, të cilëve më pas iu bëri thirrje të rezistonin ndaj asaj që ai e përshkroi si kërcënim për invazion nga SHBA-ja.

    Gjatë tre muajve të fundit, SHBA-ja ka grumbulluar rreth 15,000 ushtarë në Karaibe, së bashku me më shumë se një duzinë anijesh lufte, përfshirë një aeroplanmbajtëse, e përshkruar si “platforma më e vdekjeprurëse” e Marinës amerikane. Ky mobilizim, konsideruar si prezenca më e madhe ushtarake amerikane në rajon që nga invazioni i Panamasë në 1989, ka nxitur spekulime për një konflikt më të madh të mundshëm.

    Shtetet e Bashkuara thonë se kanë kryer të paktën 20 sulme ndaj anijeve të dyshuara për trafik droge në Karaibe dhe Paqësor, duke vrarë 80 persona. CNN raporton se administrata Trump po shqyrton planet për të targetuar fabrikat e kokainës dhe rrugët e trafikimit brenda Venezuelës, edhe pse autoritetet kanë thënë se nuk ekziston një bazë ligjore për sulme brenda vendit.

    Si përgjigje, Venezuela ka nisur një mobilizim masiv të forcave ushtarake dhe milicive civile, duke kryer stërvitje në të gjithë vendin për t’u përgatitur ndaj çdo kërcënimi të mundshëm nga SHBA-ja.

    Forcat e armatosura të Venezuelës, Ushtria Kombëtare Bolivariane, kanë rreth 123,000 anëtarë. Maduro ka pretenduar gjithashtu se milicitë vullnetare tani kanë mbi 8 milionë rezervistë, megjithëse ekspertët e kanë vënë në dyshim këtë numër dhe nivelin e stërvitjes së trupave.

  • Vengu: Shqipëria do të prodhojë anije ushtarake me Italinë

    Vengu: Shqipëria do të prodhojë anije ushtarake me Italinë

    Ministri i Mbrojtjes Pirro Vengu zbuloi nga Roma detaje rreth marrëveshjeve që u firmosën sa i përket fushës së mbrojtjes, në mbledhjen e parë të përbashkët të qeverisë shqiptare dhe asaj italiane.
    Vengu zbuloi se kompania shtetërore “KAYO”, e cila është përgjegjëse për prodhimin, demilitarizimin dhe tregtimin e armëve, municioneve, pajisjeve dhe teknologjive ushtarake sipas një kontrate të nënshkruar me kompaninë italiane, “Fincantieri”, do të prodhojë anije ushtarake.
    “Prej tre dekadash kjo është hera e parë që rinovojmë partneritetin ushtarak me Italinë, për shumë arsye brenda NATO-s, për arsye të industrinë ushtarake që duam të kemi në fokus nga të dyja brigjet e Adriatikut. Kemi dy marrëveshje që nënshkruhen mes kompanisë shtetërore “KAYO” dhe gjigantit italian “Fincantieri” për prodhimin e anijeve ushtarake dhe jo vetëm në Pashaliman. Kjo është një arritje domethënëse e mbledhjes mes dy qeverive. Një marrëveshje tjetër mes “KAYO-s” dhe një kompanie tjetër italiane “Leonardo”, e specializuar në teknologjinë ushtarake, mbrojtjen kibernetike me fokus të veçantë në tryezën e dy kryeministrave”, tha Vengu.
    Ministri i Mbrojtjes më tej zbuloi se Italia do të asistojë palën shqiptare edhe për përmirësimin e kapaciteteve të Mbrojtjes Civile.
    “Dhe vijmë edhe me një mbështetje domethënëse sa i përket Mbrojtjes Civile, ku kemi pasur një bashkëpunim të shkëlqyer me palën italiane. Këtë partneritet duam ta çojmë në një nivel edhe më të lartë me krijimin e të gjitha sistemeve të paralajmërimit të hershëm, të stërvitjes dhe të gjithë sistemit të qëndrueshmërisë së Emergjencave Civile në vendin tonë, dhe krijimin e detyrimit që bur9on nga BE për të pasur edhe ne numrin europian 112, ku të gjithë qytetarët apo vizitorët mund t’i referohen për çdo emergjencë që mund të kenë”, zbuloi Vengu.

  • SHBA, Kina dhe Evropa në garë për avionët luftarakë me AI

    SHBA, Kina dhe Evropa në garë për avionët luftarakë me AI

    Fabrikat e armatimeve nuk prodhojnë më vetëm çelik. Ato prodhojnë kod. Kjo është fytyra e re e luftës moderne, ku makineritë nuk janë më vetëm mjete, por bashkëpunëtorë që vendosin, parashikojnë dhe përshtaten. SHBA, Kina dhe Evropa po garojnë për të ndërtuar avionë luftarakë me inteligjencë artificiale (AI) – teknologjinë që pritet të ndryshojë përgjithmonë balancën e fuqisë ushtarake.
    Në thelb të kësaj gare qëndron koncepti i “Avionëve Luftarakë Bashkëpunues” (CCA) – një brez i ri mjetesh ajrore që nuk drejtohen, por mbikëqyren nga njeriu. CCA-të nuk janë më thjesht ndihmës të pilotit, por partnerë që marrin vendime në kohë reale, duke kryer misione të rrezikshme dhe duke vepruar në mënyrë autonome.
    Ndryshe nga një avion tradicional si F-35, që kushton mbi 100 milionë dollarë dhe kërkon më shumë se një dekadë për t’u ndërtuar, një CCA mund të prodhohet shumë më shpejt, me kosto rreth 25–30 milionë dollarë. Ato janë më të vogla, më të lehta dhe kërkojnë mirëmbajtje minimale. Një CCA mund të ketë jetëgjatësi 6–7 vjet, duke e bërë atë të përshtatshme për misione ku humbja e avionit nuk ndikon në fuqinë ushtarake.

    Roli i operatorit ka ndryshuar rrënjësisht. Ai nuk piloton më avionin, por e komanduar atë si pjesë e një “grupi sulmi” prej disa mjetesh autonome. Njeriu përcakton objektivat dhe rregullat e angazhimit, ndërsa AI menaxhon fluturimin, shmang kërcënimet dhe zgjedh strategjinë e sulmit. Lufta ajrore po shndërrohet në një sistem komandimi, jo pilotimi.
    SHBA-të e kanë vendosur inteligjencën artificiale në zemër të strategjisë së tyre ushtarake me programe si Replicator, që synon prodhimin masiv të mjeteve autonome.
    Kina po ecën edhe më shpejt, duke integruar AI në çdo nivel të ushtrisë – nga dronët te nëndetëset pa pilot. Edhe Evropa, përmes projekteve FCAS dhe Tempest, po ndjek të njëjtin drejtim, megjithëse me ritëm më të ngadaltë për shkak të burokracisë.
    Ndërkohë, vendet e Lindjes së Mesme, si Emiratet e Bashkuara Arabe dhe Arabia Saudite, po investojnë në sisteme të ngjashme, duke parë në inteligjencën artificiale një mënyrë për të fituar ndikim ushtarak pa koston e avionëve të shtrenjtë perëndimorë.

  • Një minutë pas masakrës ndaj Danit, para Benz-it kaloi Policia Ushtarake me delegacionin e NATO-s

    Një minutë pas masakrës ndaj Danit, para Benz-it kaloi Policia Ushtarake me delegacionin e NATO-s

    Nga Elton Qyno – Syri.net/

    Kanë dalë detaje të reja, nga ngjarja e rëndë ku mbeti i vdekur në vend Gilmando Dani, i cili cilësohej si krahu i djathtë i Emiljano Shullazit dhe u plagos rëndë Mustafa Sheqeri.

    Burime nga policia thanë për gazetarin Elton Qyno, se eskorta që kaloi gati një minuta pas sulmit me armë, ishte një delegacion i NATO-s që po shoqërohej drejt aeroportit të Rinasit me makinën e Policisë Ushtarake.

    Makina e parë që ndodhet në krye të delegacionit ku dukshëm dallohen dhe fenelinat e saj, i përket Policisë Ushtarake që në atë moment ishte ngarkuar me shërbim për shoqërimin e delegacionit të NATO-s.

    Pamjet filmike, janë kapur nga një pikë karburanti “Alpet” dhe se eskorta shfaqet vetëm 1 minutë pasi skuadra e pushkatimit ishte larguar nga vendi i ngjarjes.

    Lidhur me hetimet që po kryen policia kriminale e Tiranës, shumë veprime janë kryer në teren dhe mbi 15 persona janë marë në pyetje.

    Por deri në këtë fazë, ku ndodhet hetimi asnjë person nuk është identifikuar dhe arrestuar nga policia si pjesëmarës në këtë atentat të frikshëm.

    Gjatë mesditës së sotme në Policinë e Tiranës është zhvilluar një mbledhje në prezencë edhe të prokurorit të dosjes, ku janë analizuar të gjitha provat e mbledhura dhe janë lënë detyra të qarta për veprime tëg tjera shtesë.

  • Shqipëria do prodhojë anije ushtarake në Pashaliman/ Vengu: 8 nga 16 marrëveshjet me Italinë në fushën e mbrojtjes

    Shqipëria do prodhojë anije ushtarake në Pashaliman/ Vengu: 8 nga 16 marrëveshjet me Italinë në fushën e mbrojtjes

    Në një videomesazh nga Roma, aty ku po mbahet samiti i parë ndërqeveritar Itali-Shqipëri, ministri i Mbrojtjes Pirro Vengu ka njoftuar se nga 16 marrëveshjet që pritet të firmosen sot, më 13 nëntor, plot tetë prej tyre janë në fushën e mbrojtjes. 
    “Mbledhja e dy qeverive në Romë është ndoshta mbledhja e parë e këtyre përmasave, një mbledhje e mirëfilltë e të dy qeverive shqiptare dhe italiane, nën drejtimin e dy kryeministrave Rama dhe Meloni, dhe është pasqyrimi i rritjes dhe dinamikës së marrëdhënieve dypalëshe gjatë gjithë periudhës së viteve të fundit, në rrafshin e investimeve italiane në vendin tonë, qoftë në rrafshin e bashkëpunimit ushtarak, apo të mbrojtjes civile. Nga 16 marrëveshje që nënshkruajmë sot, tetë prej tyre janë të fushës së mbrojtjes, industrisë ushtarake dhe të mbrojtjes civile.”, tha Vengu. deklaroi Vengu. 
    Shqipëria do prodhojë anije ushtarake në Pashaliman 
    Por cilat janë këto marrëveshje për të cilat flet ministri i Mbrojtjes? Vengu tha se një nga marrëveshjet më të rëndësishme është rinovimi i partneritetit ushtarak mes Shqipërisë dhe Italisë, pas tre dekadash. Por gjithashtu, janë nënshkruar dy marrëveshje mes kompanive shtetërore shqiptare KAJO dhe gjigandit italian Fincantieri, për prodhimin e anijeve ushtarake në Pashaliman, si dhe një marrëveshje tjetër me kompaninë italiane Leonardo, e specializuar në teknologji ushtarake dhe mbrojtje kibernetike. 
    “Pikësëpari kemi marrëveshjen e parë, pas tre dekadash tashmë, hera e parë që rinovojmë partneritetin ushtarak me Italinë, për arsye të NATO-s dhe për shumë arsye të tjera. Kemi dy marrëveshje që nënshkruhen mes dy kompanive shtetërore KAJO dhe gjigandit italian Fincantieri, për prodhimin e anijeve ushtarake dhe jo vetëm, në Pashaliman, dhe kjo është një arritje domethënëse e mbledhjes së dy qeverive. Një marrëveshje tjetër mes KAJO-s dhe një tjetër kompanie italiane, Leonardo, e specializuar në teknologji ushtarake dhe mbrojtjen kibernetike, me një fokus të veçantë kësaj radhe edhe në tryezën e dy kryeministrave.”, tha ministri Vengu. 
    Ai shtoi se mbrojtja civile është një tjetër prioritet i bashkëpunimit, duke u fokusuar në sistemet e paralajmërimit të hershëm, stërvitjet dhe sistemin e qëndrueshmërisë së emergjencave civile. 
    “Dhe vijojmë edhe me një mbështetje domethënëse për sa i përket mbrojtjes civile. Mbrojtja civile shqiptare ka pasur një bashkëpunim, do të thoja, të shkëlqyer me mbrojtjen civile italiane, dhe këtë partneritet duam ta çojmë në një nivel akoma më të lartë, për të gjitha sistemet e paralajmërimit të hershëm, të stërvitjes dhe të gjithë sistemit të qëndrueshmërisë së emergjencave civile të vendit tonë, si dhe detyrimit që buron nga BE për të pasur edhe ne numrin europian 112, ku të gjithë qytetarët shqiptarë apo vizitorët në vendin tonë mund t’i referohen për çdo emergjencë që mund të kenë.Pra, në gjithë spektrin e bashkëpunimit, mbrojtja, industria ushtarake dhe mbrojtja civile janë kryefjala e këtij bashkëpunimi. Qoftë Italia, qoftë Shqipëria, qoftë të gjitha vendet e NATO-s, në fakt janë në një fazë ku kanë një rritje të buxheteve të mbrojtjes, atë që diskutuam së bashku me kolegun Crosetto, i cili është një nga kolegët që ka një vëmendje të posaçme ndaj Shqipërisë dhe partneritetit mes dy vendeve, dhe dua ta falënderoj.”, shtoi ministri. 
    Pak më herët, ministri i Mbrojtjes Pirro Vengu dhe homologu i tij italian Guido Crosetto firmosën “Marrëveshjen ndërmjet Këshillit të Ministrave të Republikës së Shqipërisë dhe Republikës Italiane për bashkëpunimin në fushën e Mbrojtjes”.