Lajmidites.com

Tag: ushtarake

  • Serbia mban paradën ushtarake me 10 mijë trupa, MiG-29, dronë e avionë! Dodik krah Vuçiç! Policia ndalon studentët

    Serbia mban paradën ushtarake me 10 mijë trupa, MiG-29, dronë e avionë! Dodik krah Vuçiç! Policia ndalon studentët

    Një paradë ushtarake nën sloganin “Forca e Unitetit” u mbajt sot në Beograd të Serbisë. Mbi 10.000 trupa parakaluan në paradë, së bashku me mbi 2.500 armë dhe pajisje ushtarake, ndërsa u ekspozuan mbi 600 automjete, 70 avionë dhe 20 anije, bënë të ditur autoritetet

    Njëkohësisht, një grup qytetarësh, me thirrjen e studentëve protestues, u mblodhën “në mbështetje të ushtrisë”.

    Studentët u penguan nga pjesëtarë të Xhandarmërisë, të cilët i shpërndanë dhe i rrethuan, duke mos u lejuar pjesëmarrjen në paradë.

    Parada ushtarake në Beograd përfundoi me shfaqjen e flotës ajrore të vendit.

    Gjatë kësaj shfaqje fluturuan avionë luftarakë MiG-29 mbi zonën ku u mbajt parada ushtarake.

    Ata u shoqëruan nga avionë bombardues “Shqiponja”, të ndjekur nga një fluturim i avionëve transportues “Supergaleb” dhe avionëve stërvitorë “Lasta”.

    Anëtarët e Brigadës së 63-të të Parashutistëve kryen një kërcim me parashutë.

    Kush ishin të ftuarit që morën pjesë në paradë?
    Në paradën ushtarake të Serbisë në Beogard nuk pati fytyra shumë të njohura apo të rëndësishme nga bota e politikës.

    Në mesin e atyre që morën pjesë ishin, presidenti i Emirateve të Bashkuara Arabe Mohammed bin Zayed, anëtari i familjes mbretërore të Bahreinit Nasser bin Hamad, aktori Steven Seagal, si dhe ish-presidenti i entitetit serb të Bosnjës, Millorad Dodik.

    Parada u zhvillua në një kohë protestash masive antiqeveritare në Serbi, të nxitura nga vdekja e 16 njerëzve në një aksident në Novi Sad nëntorin e kaluar.

    Komentar je suvišan. pic.twitter.com/GCwOEc3D56— Rodoljub Sabic (@RodoljubSabic) September 20, 2025

     

  • Mes protestash e tensionesh, Serbia mban paradë ushtarake

    Mes protestash e tensionesh, Serbia mban paradë ushtarake

    Në Beograd të shtunën u zhvillua parada ushtarake “Forca e Bashkimit”, në të cilën, sipas njoftimeve, morën pjesë rreth 10 mijë njerëz.
    Parada u mbajt pavarësisht se vendi tash e gati një vit po përballet me protesta gjithnjë e më të mëdha të organizuara nga studentët që po kërkojnë zgjedhje të reja.
    Parada nisi me këndimin e himnit kombëtar dhe me zjarr nderi nga anëtarët e Gardës, si dhe me prezantimin e flamurit serb.
    Gjatë paradës u ekspozuan 2,500 armë dhe pajisje ushtarake, mbi 600 mjete, 70 avionë dhe 20 anije, sipas mediave serbe.  Në aktivitet mori pjesë edhe Milorad Dodik.
    Një grup protestuesish u përpoqën ta thyenin kordonin e policisë në vendin ku po mbahet parada, por oficerët përdorën forcë fizike për ta qetësuar situatën.
    Parada ushtarake në Beograd përfundoi me shfaqjen e flotës ajrore të vendit.
    Gjatë kësaj shfaqje fluturuan avionë luftarakë MiG-29 mbi zonën ku u mbajt parada ushtarake.
    Ata u shoqëruan nga avionë bombardues “Shqiponja”, të ndjekur nga një fluturim i avionëve transportues “Supergaleb” dhe avionëve stërvitorë “Lasta”.
    Anëtarët e Brigadës së 63-të të Parashutistëve kryen një kërcim me parashutë.

  • Serbia mes BE-së dhe Rusisë/ Çfarë tregon blerja e armëve për politikën e jashtme?

    Serbia mes BE-së dhe Rusisë/ Çfarë tregon blerja e armëve për politikën e jashtme?

    Sot në Beograd, nën sloganin “Fuqia e Unitetit” po mbahet një paradë ushtarake. Edhe një grup qytetarësh, të nxitur nga studentët protestues, u mblodhën në mbështetje të ushtrisë.
    Mbi 10.000 trupa pritet të marshojnë sot në paradë, së bashku me mbi 2.500 armë dhe pajisje ushtarake, sipas raportimit të autoriteteve.
    Parada po zhvillohet në një kohë protestash masive antiqeveritare në Serbi, të nxitura nga vdekja e 16 njerëzve në një aksident në Novi Sad, Nëntorin e vjetshëm.
    “Faktor pengues ndaj çdo agresori të mundshëm nga fqinjësia”.
    Kështu u shpreh presidenti serb, Aleksandër Vuçic, rreth nevojës për blerje të reja armësh, gjatë pjesëmarrjes në një paradë ushtarake në Pekin.
    Ai u takua atje me presidentin e Kinës, Xi Jinping, dhe tha se ka shfrytëzuar pjesëmarrjen e tij në paradë për të parë se “çfarë do të ishte interesante të blihej për nevojat e Ushtrisë së Serbisë”.
    Ç’tregon kjo paradë për politikat e jashtme serbe ?
    Serbia po shfaq 19 sisteme të reja armësh në paradën e saj ushtarake të sotme, duke nxjerrë në pah politikën e saj të jashtme të larmishme me marrëveshje armësh nga Franca, Kina, Izraeli dhe Rusia.
    Zyrtarët në Beograd e përshkruajnë këtë si pjesë të aspiratës së vendit për neutralitet. Por, për analistët, ky veprim tregon se prioritetet strategjike janë po aq të rëndësishme sa edhe mosangazhimi nominal.
    Ndërsa pret të anëtarësohet në BE dhe pa një prirje për në NATO, Serbia kërkon të paraqesë një neutralitet de facto, pjesërisht si rezultat i historisë së saj të fundit pas shpërbërjes së dhunshme të Jugosllavisë në vitet 1990.
    Sipas Gordan Akrap, një këshilltar sigurie i qeverisë kroate, kujtimi i bombardimeve të NATO-s kundër Serbisë në vitin 1999 gjatë konfliktit në Kosovë, ende përfaqëson një pengesë të rëndësishme në rrugën e Beogradit drejt aleancës.
    “Është  vështirë të mendohet se Serbia në të ardhmen e afërt do të hyjë në NATO, jo vetëm sepse nuk e dëshiron një gjë të tillë, por edhe sepse ka shumë detyra që Serbia duhet të kryejë për të aplikuar për anëtarësim në NATO”, tha Akrap.
    Por Ana Brnabiç, kryetare e parlamentit serb u shpreh se Serbia është qartësisht e vendosur në rrugën e saj për t’u bashkuar me BE-në.
    “Ne e dimë se përparësia jonë strategjike si vend është integrimi në BE dhe unë nuk e shoh këtë si konkurrence”, tha Brnabi? për Euronews.
    “Rregullat e lojës  janë të tilla që kërkojnë që çdo vend që po hyn në BE, ta përshtasë gradualisht politikën e tij të sigurisë dhe të jashtme me këtë union”, tha ajo.
    Më 3 shtator, Presidenti serb Aleksandar Vuçiç mori pjesë në paradën ushtarake në Pekin, që shënoi 80-vjetorin e fitores së Kinës ndaj Japonisë në Luftën e Dytë Botërore, së bashku me Kryeministrin sllovak Robert Fico, i vetmi kryetar qeverie nga një shtet anëtar i BE-së dhe NATO-s i pranishëm në paradë.
    Por a tregon kjo se Beogradi po largohet nga Brukseli?
    “Nuk mendoj kështu. Shembull është Republika Popullore e Kinës, zyrtarët më të lartë të BE-së vizituan gjithashtu Pekinin”, tha Brnabiç. “Presidenti i Kinës, Xi vizitoi disa nga kryeqytetet e BE-së.  Gjërat s’kanë pse të jenë përjashtuese”, shpjegoi ajo.
    Diversifikimi i arsenalit të armatimeve
    Beogradi mbetet një nga vendet e pakta evropiane pa vendosur sanksione kundër Rusisë, nga e cila ka blerë armë deri në vitin 2022. Në të njëjtën kohë, Beogradi zyrtar premtoi ndihmë humanitare për Ukrainën dhe është akuzuar vazhdimisht nga Moska se i ka siguruar Kievit materiale, duke e shtyrë Serbinë të pezullojë të gjitha eksportet e armëve.
    Serbia gjithashtu bleu avionë luftarakë shumëfunksionalë Rafale nga Franca dhe sisteme raketash anti-ajrore nga Kina, midis disa marrëveshjeve të armëve me furnizues të ndryshëm në vitet e fundit.
    Por kjo ka edhe një anë negative, sepse ekspertët besojnë se diversifikimi i blerjeve të armëve nga vende të ndryshme mund të gjenerojë probleme të përputhshmërisë teknike midis sistemeve të armëve brenda të njëjtës ushtri.
    Ndërkohë në analizën e tij për këtë cësthje, këshilltari kroat Akrap dha një këndvështrim ndryshe:“Nganjëherë blerjet e armëve nga shitës të ndryshëm dhe burime të ndryshme bëhen si një gjest diplomatik i vullnetit të mirë politik ndaj vendit eksportues.”

  • Parada ushtarake e Vuçiçit shndërrohet në një shfaqje dhune dhe shtypjeje qytetare

    Parada ushtarake e Vuçiçit shndërrohet në një shfaqje dhune dhe shtypjeje qytetare

    Sot në Beogradin e Ri, qeveria e Aleksandar Vuçiq zhvilloi paradën ushtarake “Fuqia e Unitetit”, ku sipas Ministrisë së Mbrojtjes së Serbisë priteshin 10,000 pjesëmarrës, 2,500 armë dhe pajisje ushtarake, 600 automjete, 70 avionë dhe 20 anije.

    Megjithëse zyrtarët e lartë shtetërorë ftuan qytetarët të merrnin pjesë dhe të përshëndesnin ushtrinë e tyre, policia ushtroi forcë të tepruar, duke penguar hyrjen e tyre dhe duke shtypur pjesëmarrësit, përfshirë gra, fëmijë dhe gazetarë. Studentët që protestuan paqësisht u përballën me kordonë policorë të komanduar nga një xhandar i maskuar, dhe disa qytetarë u detyruan të futeshin me forcë në rrugë nën presionin e policisë.

    Disa qytetarë, përfshirë edhe bashkëshortë të ushtarëve, u ndaluan të hyjnë për të parë paradën, ndërsa autobuset që transportonin qytetarë nga qytete të tjera u vendosën në mënyrë që të kufizojnë lëvizjen e tyre. Policia, e pajisur me mjete të plota për parandalimin e trazirave, nuk lejoi që qytetarët të afrohen në zonën ku po zhvillohej parada, duke krijuar një atmosferë frike dhe represioni të hapur.

    Në këtë skenë të tensionuar, paradën e përshëndetën Komandanti Suprem dhe Presidenti Aleksandar Vuçiq, Shefi i Shtabit të Përgjithshëm, Kryeministri Đuro Macut, Kryetarja e Parlamentit Ana Brnabiq dhe Ministri i Mbrojtjes Bratislav Gashiq, ndërkohë që qytetarët mbetën të izoluara dhe të frikësuara.

    Studentët që protestuan me pankartën “Makinistët kundër Makinerisë” u përballën me një shpërndarje të dhunshme nga policia, duke treguar qartë se qeveria e Vuçiq përdor ushtrinë dhe forcën policore për të shtypur çdo formë qytetarie dhe kundërshtimi.

  • Avionët luftarakë rusë mbi hapësirën ajrore, çfarë parashikon neni 4 i NATO-s?

    Avionët luftarakë rusë mbi hapësirën ajrore, çfarë parashikon neni 4 i NATO-s?

    Tre avionë luftarakë rusë MiG-31 shkelën të premten e 19 shtatorit hapësirën ajrore të Estonisë pranë ishullit Vaindloo për rreth 12 minuta, pa leje. NATO reagoi menjëherë ndaj incidentit, duke ndërhyrë në fluturim, ndërsa një zëdhënës i saj e cilësoi ngjarjen si një tjetër shembull të sjelljes së papërgjegjshme të Rusisë dhe të gatishmërisë së Aleancës për të mbrojtur anëtarët e saj.
    Ministri i Jashtëm i Estonisë, Margus Tsahkna, e cilësoi këtë shkelje si një akt të guximshëm dhe provokues, duke theksuar se është hera e katërt që ndodh gjatë këtij viti dhe kërkoi presion më të fortë politik dhe ekonomik ndaj Rusisë.
    Por ky nuk është incidenti i vetëm në rajon. Rumania raportoi hyrjen e një droni rus në hapësirën e saj ajrore më herët këtë muaj, ndërsa Polonia përjetoi një shkelje të paprecedentë nga më shumë se një duzinë dronësh rusë. Si pasojë, Polonia ka kërkuar aktivizimin e nenit 4 të Traktatit të NATO-s, që parashikon konsultime mes aleatëve kur kërcënohet siguria e një vendi anëtar. Pas incidentit të djeshëm, edhe Estonia ka bërë të njëjtën gjë. Në varësi të zhvillimeve, kjo mund të çojë në aktivizimin e nenit 5, që e konsideron një sulm ndaj një anëtari si sulm ndaj të gjithëve dhe mund të sjellë ndërhyrje të përbashkët ushtarake nga Aleanca.Çfarë janë nenet 4 dhe 5 të NATO-s?
    Këto dy nene përbëjnë bazën e funksionimit të NATO-s në rast të kërcënimeve ose sulmeve ushtarake: Neni 4 lejon vendet anëtare të kërkojnë konsultime kur kërcënohet integriteti territorial, pavarësia politike ose siguria e njërit prej tyre edhe në mungesë të një sulmi të drejtpërdrejtë.
    Neni 5, i njohur si “zemra e NATO-s”, deklaron se një sulm i armatosur ndaj një vendi anëtar në Europë apo Amerikën e Veriut do të konsiderohet si sulm ndaj të gjithë aleancës. Çdo vend anëtar, në përputhje me nenin 51 të Kartës së Kombeve të Bashkuara, do të ndihmojë vendin e sulmuar me masa që i konsideron të nevojshme, përfshirë edhe përdorimin e forcës ushtarake.
    Megjithatë, aktivizimi i nenit 5 nuk nënkupton automatikisht hyrje në luftë nga të gjitha vendet anëtare. Çdo shtet ka të drejtën të vendosë në mënyrë sovrane, zakonisht pas miratimit parlamentar, nëse dhe si do të kontribuojë. Ky nen ka qenë aktivizuar vetëm një herë në historinë e NATO-s, më 11 shtator 2001, pas sulmeve terroriste në Shtetet e Bashkuara.NATO, një aleancë në zgjerim
    Traktati i Atlantikut të Veriut, i nënshkruar në vitin 1949 në Uashington, përbëhet nga 14 nene. NATO fillimisht u themelua nga 12 shtete: SHBA, Kanadaja, Italia, Franca, Mbretëria e Bashkuar, Danimarka, Belgjika, Luksemburgu, Holanda, Portugalia, Norvegjia dhe Islanda.
    Sot, organizata ka 32 vende anëtare, përfshirë Finlandën dhe Suedinë, të cilat u bashkuan pas nisjes së agresionit rus ndaj Ukrainës, në kërkim të një ombrelle mbrojtjeje kundër kërcënimeve nga Moska.
    Qëllimi fillestar i NATO-s ishte të frenonte ambiciet ekspansioniste të Bashkimit Sovjetik dhe të garantonte sigurinë e Europës Perëndimore. Me kalimin e kohës, misioni i saj është zhvilluar për të përfshirë parandalimin, mbrojtjen, menaxhimin e krizave dhe bashkëpunimin për sigurinë.
    Vendimmarrja në NATO
    Organizmi më i lartë vendimmarrës i NATO-s është Këshilli i Atlantikut të Veriut, që drejtohet nga Sekretari i Përgjithshëm aktualisht ish-kryeministri holandez Mark Rutte dhe ka selinë në Bruksel. Çdo vend anëtar ka përfaqësuesin e tij në këtë këshill dhe vendimet merren me konsensus.

  • Avionët e Putinit nuk duhen toleruar asnjë centimetër!

    Avionët e Putinit nuk duhen toleruar asnjë centimetër!

    Nga Julian Roepcke, BILD

    Është një fushatë ushtarake pa precedent që Rusia po zhvillon prej javësh e muajsh kundër NATO-s.

    Fillimisht disa fluturime të izoluara me dronë drejt Rumanisë dhe Polonisë. Pastaj — para dhjetë ditësh — një tufë e tërë dronësh që hyri deri në 300 kilometra thellë në hapësirën ajrore polake.

    Rusia po teston reagimin tonë. Ushtarakisht, vazhdimisht, në mënyrë gjithnjë e më të guximshme. Dhe për shkak se ne nuk reagojmë në përputhje me këtë, sot ndodhi një shkelje masive e hapësirës ajrore estoneze! Tre avionë luftarakë të teknologjisë së lartë fluturuan për dymbëdhjetë minuta dhjetëra kilometra brenda territorit të NATO-s në Estoni. E çmendur!

    Të paktën tani është e qartë: Rusia nuk ndihet e trembur nga masat tona të deritanishme. Përkundrazi! Moska po shtyn gjithnjë e më përpara drejt perëndimit — në fushat e betejës të Ukrainës, në hapësirën ajrore të NATO-s.

    Prandaj çdo shef shteti në perëndim duhet më në fund ta kuptojë: Nëse nuk i vëmë menjëherë një frenë këtij veprimi, të gjitha “linjat e kuqe” do të jenë pa vlerë. Atëherë së shpejti do të kemi dronë-shtrëngatë me shpërthyes mbi Gjermani dhe “burra të gjelbër” të armatosur në Baltik.

    Për të ardhmen vlen kjo: Ndaj aksioneve ushtarake ruse duhet të pasojnë reagime ushtarake perëndimore! Kjo nuk do të thotë se duhet të rrëzojmë menjëherë avionët. Por: Dërgimi i armëve më të fuqishme në Ukrainë, lufta elektronike dhe përgjigje kibernetike goditëse kundër objektivave ushtarake ruse — të gjitha këto mund të jenë një përgjigje e besueshme dhe frenuese.

    Motoja që NATO-ja duhet tani të përcaktojë dhe të zbatojë është: Asnjë centimetër më tutje!

  • Shqipëria forcon aleancat ushtarake, Kingji takon zëvendëskomandantin e JFC Napolit

    Shqipëria forcon aleancat ushtarake, Kingji takon zëvendëskomandantin e JFC Napolit

    Shefi i Shtabit të Përgjithshëm të Forcave të Armatosura, gjeneral  Arben Kingji zhvilloi një takim me zëvendëskomandantin e Komandës së Forcës së Bashkuar Aleate në Napoli, gjenerallejtënant Peter Scott.
    Në takim u diskutua mbi rolin e rëndësishëm të kësaj komande në zonën e saj të përgjegjësisë, veçanërisht në Ballkanin Perëndimor.
    Kingji shprehu gjithashtu mirënjohjen për mbështetjen e JFC Napolit në përfshirjen e Korridorit VIII në rishikimin e Planeve Rajonale të Evropës Juglindore.
    Shefi i Shtabit të Përgjithshëm të Forcave të Armatosura theksoi se, Shqipëria mbetet e angazhuar në rritjen e investimeve në infrastrukturën ushtarake dhe logjistike, me qëllim lehtësimin e lëvizshmërisë, forcimin e bashkëpunimit dhe ndërveprimit me aleatët, teksa shtoi se, prioriteti i Shqipërisë është qëndrueshmëria dhe siguria në rajon, ndërsa vlerësojmë lart rolin e misionit KFOR në këtë drejtim.

  • Nga Gazprom te teknologjia ushtarake, BE paketë të re sanksionesh ndaj Rusisë

    Nga Gazprom te teknologjia ushtarake, BE paketë të re sanksionesh ndaj Rusisë

    Komisioni Evropian ka miratuar paketën e 19-të të sanksioneve kundër Rusisë, njoftoi këtë të premte, 19 shtator, zëdhënësja Paula Pinho. Masat e reja synojnë kartat e kreditit, importet e hidrokarbureve dhe asetet e kompanive ruse, si pjesë e mbështetjes për Ukrainën.
    Presidentja Ursula von der Leyen kishte paralajmëruar përmbajtjen kryesore të paketës, ndërsa ministri italian Giancarlo Giorgetti shprehu dyshime për përdorimin e aseteve të ngrira të oligarkëve rusë për të ndihmuar Ukrainën, duke përmendur kufizime ligjore dhe reputacionale.
    Paketa e re përfshin:
    -Kufizim të eksportit të teknologjive ushtarake, duke goditur 45 kompani ruse dhe të vendeve të treta që furnizojnë industrinë ushtarake të Moskës.
    -Goditje ndaj gazit dhe naftës: 119 anije të dyshuara si pjesë e “flotës fantazmë” shtohen në listën e zezë të BE-së. Objektivi është ndalimi i importit të gazit natyror të lëngshëm rus deri më 1 janar 2027.
    -Ndalim i transaksioneve me kriptovaluta dhe kufizime për platformat digjitale.
    -Kartat e kreditit ruse goditen përmes bllokimit të sistemeve të pagesave të shpejta.
    -Gazprom dhe Rosneft përjashtohen nga çdo transaksion, përfshirë edhe kompanitë e vendeve të treta si Kina. Të ardhurat nga nafta ruse në Evropë kanë rënë me 90% në tre vitet e fundit.
    Von der Leyen shtoi se BE-ja po punon për një zgjidhje që të përdorë asetet e ngrira ruse për të financuar mbrojtjen e Ukrainës: Kjo është lufta e Rusisë dhe ata që e shkaktuan duhet të paguajnë.

  • Policia gjen armë në veri, dyshohet se ishin të një personi që kërkohet për Banjskën

    Policia gjen armë në veri, dyshohet se ishin të një personi që kërkohet për Banjskën

    Policia e Kosovës tha se gjatë një kontrolli në veriun e Kosovës ka gjetur pajisje ushtarake, që tha se dyshohet se i përkasin një personi që kërkohet për sulmin në Banjskë.
    Sipas policisë, mëngjesin e 18 shtatorit, njësia e hetimeve Stacionit Policor Zveçan ka hasur në një rimorkio ku gjeti “dy thasë me uniforma, jelekë antiplumbë, pesë karikatorë të AK-47 me municion dhe pajisje tjera ushtarake”.
    Po ashtu janë konfiskuar rroba të tjera ushtarake, përfshirë edhe një uniformë kamofluese.
    “Nuk ka persona të arrestuar dhe dyshohet se këto armë i përkisnin një personi të dyshimtë, i cili tashmë është në kërkim për rastin Banjska”, tha Policia, duke shtuar se ky rast është nën hetim.

    Më 24 shtator 2023 në Banjskë të Zveçanit, një grup i serbëve të armatosur sulmoi Policinë e Kosovës, duke vrarë një rreshter. Gjatë këmbimit të zjarrit u vranë edhe tre sulmues serbë.
    Përgjegjësinë për sulmin e ka marrë Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit.
    Kosova fajëson Serbinë, por Beogradi mohon se ka gisht në të.
    Autoritetet në Kosovë kanë ngritur aktakuzë për këtë rast. Aktualisht, gjykimi po zhvillohet ndaj tre të akuzuarve. Ndërkaq, Radoiçiq dhe 41 të tjerë të akuzuar për këtë rast ndodhen në arrati. Radoiçiq besohet se gjendet në Serbi.
    Ndryshe, autoritetet kosovare kanë gjetur armë të llojeve të ndryshme kohë pas kohe në pjesë të ndryshme të Kosovës, kryesisht në pjesën veriore të banuar me shumicë serbe. REL/

  • Shqipëria rrezikon të mbetet pa port nga afera me Alabarin, kreu i NATO i “fik” shpresat Ramës për ndërtimin e Porto…

    Shqipëria rrezikon të mbetet pa port nga afera me Alabarin, kreu i NATO i “fik” shpresat Ramës për ndërtimin e Porto…

    Ashtu siç e paralajmëroi vetë, kryeministri Edi Rama u takua dje në Bruksel me Sekretarin e Përgjithshëm të NATO-s, Mark Rutte. Në daljen e përbashkët para mediave, Rama e ngriti çështjen e portit të Porto Romanos, duke e paraqitur si projekt strategjik për Aleancën dhe duke kërkuar mbështetje politike e ushtarake për ndërtimin e tij. Ai deklaroi se Shqipëria është e interesuar për të diskutuar për hapat e mëtejshëm për të bërë të mundur ndërtimin e portit ushtarak të Porto Romanos. “Jemi për të rikonfirmuar gjithçka thatë dhe më shumë. Duam të bëjmë më shumë. Ne jemi duke lëshuar rilindjen e industrisë ushtarake. Jemi shumë të interesuar të diskutojmë me ju mbi hapat e mëtejshëm që mund të ndërmarrim për ta bërë të mundur ndërtimin e portit të ri ushtarak në Shqipëri, në Porto Romano. Sigurisht, jemi këtu gjithashtu për të biseduar së bashku se si mund të përfshihemi në programin SAFE të Bashkimit Europian, i cili në aspektin e sigurisë shtrihet përtej kufijve të vendeve anëtare të BE-së”, deklaroi Rama.
    Rutte nuk përmend fare portin
    Por përgjigjja që mori nuk ishte ajo që priste. Sekretari i Përgjithshëm i NATO-s, në deklaratën e tij zyrtare, nuk përmendi asnjë fjalë për Porto Romanon. Rutte foli gjerësisht për Shqipërinë si aleate të palëkundur, për faktin se vendi do të arrijë këtë vit nivelin 2% të shpenzimeve të mbrojtjes dhe për rolin e saj në mbështetje të Ukrainës, por çështja që Rama u përpoq të impononte mbeti e injoruar.
    Batuta që i prishi lojën Ramës
    Në vend të miratimit për portin, Rutte zgjodhi humorin: “Ju jeni i gjatë, por Shqipëria nuk është aleati më i madh i ynë.” Një batutë që u interpretua menjëherë si një mesazh i koduar, se Shqipëria është e rëndësishme në Aleancë, por nuk është boshti kryesor strategjik. Në sallë pati buzëqeshje, por për Ramën ishte një moment i hidhur, pasi kërkesa e tij për Porto Romanon u la jashtë çdo reference.
    Fokus tek mbrojtja, jo tek portet
    Rutte e përqendroi fjalën e tij tek nevoja që Shqipëria të zhvillojë industrinë e mbrojtjes dhe të forcojë bazën e saj ushtarake, duke theksuar rolin e vendit tonë në stërvitjet e NATO-s dhe ndihmën e dhënë Ukrainës përmes trajnimeve të pilotëve e teknikëve. Ishte një mesazh i prerë: Aleanca kërkon kapacitete reale ushtarake, jo projekte të kontestuara si Porto Romano.
    Projekti i mbetur pezull
    Pas takimit, Rama u përpoq të ruante tonin optimist, por injorimi i drejtpërdrejtë nga Rutte i “fik shpresat” për ta shitur Porto Romanon si projekt të mbështetur nga NATO. Një port që fillimisht u reklamua si investim privat me Alabarin, tashmë është kthyer në barrë të buxhetit të shtetit dhe mbetet pa garanci ndërkombëtare. Megjithatë Shqipëria u vlerësua si aleate e fortë e Aleancës, por mesazhi nga Brukseli ishte i qartë: NATO e sheh vendin tonë si kontribues në mbrojtje e siguri, jo si qendër të një porti strategjik të propaganduar nga Rama. Porto Romano mbeti jashtë skenës, duke ekspozuar edhe një herë dështimin e kryeministrit për ta lidhur atë me NATO-n.