Lajmidites.com

Tag: ushqimit

  • OKB: Situata e ushqimit në Gaza, shumë kritike, Furrat mbyllen për shkak të mungesës së furnizimeve

    OKB: Situata e ushqimit në Gaza, shumë kritike, Furrat mbyllen për shkak të mungesës së furnizimeve

    Programi Botëror i Ushqimit (WFP) po mbyll të gjitha furrat e mbetura në Gaza për shkak të mungesës së furnizimeve, pasi Izraeli ka bllokuar hyrjen e ndihmave humanitare prej një muaji. Sipas OKB-së, situata është “shumë kritike”, me popullsinë që përballet me mungesë ekstreme të ushqimeve bazë si mielli dhe vaji i gatimit.

    “Ne kemi shpërndarë të gjitha racionet ushqimore në dispozicion dhe nuk kemi më rezerva,” njoftoi agjencia e OKB-së, duke paralajmëruar për një rritje katastrofike të urisë dhe kequshqyerjes.

    Ndërkohë, organi ushtarak izraelit COGAT ka deklaruar se gjatë armëpushimit janë futur në Gaza mbi 25,000 kamionë ndihma, duke përfshirë rreth 450,000 ton furnizime. Megjithatë, zëdhënësi i OKB-së, Stephane Dujarric, i quajti këto pretendime “qesharake”, duke theksuar se organizata është “në fund të furnizimeve”. Ai shtoi se mungesa e miellit ka detyruar mbylljen e furrave të bukës, duke nënvizuar: “WFP nuk i mbyll furrat e saj për argëtim.”

    Gaza mbetet e varur nga ndihmat ndërkombëtare, pasi lufta ka shkatërruar pothuajse të gjithë kapacitetin e saj të prodhimit të ushqimit. Familjet palestineze, si ajo e Mohammed al-Kurd, një baba i 12 fëmijëve, përballen me mungesë ekstreme ushqimore. “Fëmijët tanë shkojnë në shtrat pa darkë,” tha ai. “Ne u themi atyre të bëjnë durim dhe do të sjellim miell në mëngjes, por ne i gënjejmë ata dhe veten tonë.”

    OKB dënon vrasjen e 15 punonjësve të ndihmës në Gaza

    Agjencitë humanitare të OKB-së kanë shprehur tronditjen e tyre pas gjetjes së eshtrave të 15 punonjësve të ndihmës në Gaza, të cilët u ekzekutuan gjatë kryerjes së detyrës së tyre. Një punonjës mbetet ende i zhdukur.

    “Këta njerëz u qëlluan,” deklaroi Jens Laerke, zëdhënës i Zyrës së OKB-së për Koordinimin e Çështjeve Humanitare (OCHA). “Ne jemi zëdhënës, por ndonjëherë na mungojnë fjalët. Ky është një nga ato raste.”

    Sipas pamjeve të publikuara nga grupi i shpëtimit të OCHA, trupat izraelite shkatërruan një automjet të OKB-së, një ambulancë dhe një kamion zjarrfikës në zonën e Rafahut, ndërsa punonjësit e ndihmës përpiqeshin të shpëtonin të plagosurit.

    Zëdhënësi i UNICEF-it, James Elder, dënoi “shkeljet e paprecedentë” të së drejtës ndërkombëtare humanitare, duke theksuar se “shkelje pas shkelje” po pengojnë furnizimin me ndihma dhe mbijetesën e popullsisë në Gaza.

  • Pas ngjarjeve me ushqimet e kontaminuara, qeveria planifikon shkrirjen e Autoritetit Kombëtar të Ushqimit

    Pas ngjarjeve me ushqimet e kontaminuara, qeveria planifikon shkrirjen e Autoritetit Kombëtar të Ushqimit

    U deshën dhjetëra skandale me ushqime të kontaminuara që shiten në tregun shqiptar, që qeveria të mendojë të shkrijë Autoritetin Kombëtar të Ushqimit (AKU).
    Në shtator të vitit të kaluar me ndryshimet e bëra në projektligjin “Për inspektimet në Republikën e Shqipërisë”, në nenin 60 të tij thuhet se Autoriteti Kombëtar i Ushqimit dhe Autoriteti Kombëtar i Veterinarisë dhe Mbrojtjes së Bimëve do të zëvendësohet me “Institucioni përgjegjës për inspektimin dhe kontrollin zyrtar të ushqimit dhe të ushqimit për kafshë” dhe “Struktura përgjegjëse për inspektimin dhe kontrollin zyrtar të veterinarisë dhe mbrojtjes së bimëve”.
    Neni 60 Per AkuLigji duhet të vihet në zbatim deri në fund të vitit 2025 pasi ende nuk kanë dalë aktet juridike. Në kontrollet që Autoriteti Kombëtar i ushqimit ka ushtruar gjatë muajit Mars është konstatuar se kanë hyrë në Shqipëri dhjetëra tonelata me mish pule me salmonelë por jo vetëm kaq.
    Më herët tonelata me mandarina të dërguara nga Shqipëria në Kroaci u konstatuan me pesticide. Në mes të skandalit të ushqimeve të kontaminuara, për sasinë e mishit të pulës me salmonelë të futur në Shqipëri nga Brazili, policia e Tiranës shpalli në kërkim pronarin e kompanisë që i importoi ato dhe procedoi pronarin e kompanisë që i shpërndau në tregun shqiptar.
    Po hetohen gjithashtu edhe 3 inspektorë të AKU-së të cilët sipas policisë kanë lejuar futjen në treg të mishit me bakterin e salmonelës.

  • Seri skandalesh me ushqimin e kontaminuar, qeveria planifikon shkrirjen e AKU

    Seri skandalesh me ushqimin e kontaminuar, qeveria planifikon shkrirjen e AKU

    U deshën dhjetëra skandale me ushqime të kontaminuara që shiten në tregun shqiptar, që qeveria të mendojë të shkrijë Autoritetin Kombëtar të Ushqimit (AKU).
    Në shtator të vitit të kaluar me ndryshimet e bëra në projektligjin “Për inspektimet në Republikën e Shqipërisë”, në nenin 60 të tij thuhet se Autoriteti Kombëtar i Ushqimit dhe Autoriteti Kombëtar i Veterinarisë dhe Mbrojtjes së Bimëve do të zëvendësohet me “Institucioni përgjegjës për inspektimin dhe kontrollin zyrtar të ushqimit dhe të ushqimit për kafshë” dhe “Struktura përgjegjëse për inspektimin dhe kontrollin zyrtar të veterinarisë dhe mbrojtjes së bimëve”.
    Ligji duhet të vihet në zbatim deri në fund të vitit 2025 pasi ende nuk kanë dalë aktet juridike. Në kontrollet që Autoriteti Kombëtar i ushqimit ka ushtruar gjatë muajit Mars është konstatuar se kanë hyrë në Shqipëri dhjetëra tonelata me mish pule me salmonelë por jo vetëm kaq.
    Më herët tonelata me mandarina të dërguara nga Shqipëria në Kroaci u konstatuan me pesticide. Në mes të skandalit të ushqimeve të kontaminuara, për sasinë e mishit të pulës me salmonelë të futur në Shqipëri nga Brazili, policia e Tiranës shpalli në kërkim pronarin e kompanisë që i importoi ato dhe procedoi pronarin e kompanisë që i shpërndau në tregun shqiptar.
    Po hetohen gjithashtu edhe 3 inspektorë të AKU-së të cilët sipas policisë kanë lejuar futjen në treg të mishit me bakterin e salmonelës.

  • Seri skandalesh me ushqimin e kontaminuar, qeveria planifikon shkrirjen e Autoritetit Kombëtar të Ushqimit

    Seri skandalesh me ushqimin e kontaminuar, qeveria planifikon shkrirjen e Autoritetit Kombëtar të Ushqimit

    U dëshën dhjetëra skandale me ushqimin që qeveria të mendojë të shkrijë Autoritetin Kombëtar të Ushqimit. Në shtator të vitit të kaluar me ndryshimet e bëra në projektligjin “Për inspektimet në Republikën e Shqipërisë”, në nenin 60 të saj thuhet se Autoriteti Kombëtar i Ushqimit dhe Autoriteti kombëtar i veterinarisë dhe mbrojtjes së bimëve do të zëvendësohet me fjalët “institucioni përgjegjës për inspektimin dhe kontrollin zyrtar të ushqimit dhe të ushqimit për kafshë” dhe “struktura përgjegjëse për inspektimi.
    Pra e thënë më thjeshtë këto dy struktura ajo e ushqimit dhe e veterinarisë dhe bimëve do të jenë në një institucion të vetëm. Këtë e konfirmoi edhe ministrja e Bujqësisë Anila Denaj në një prononcim publik. Ligji duhet të vihet në zbatim deri në fund të vitit 2025 pasi ende nuk kanë dalë aktet juridike. Në kontrollet që Autoriteti Kombëtar i ushqimit ka ushtruar gjatë muajit Mars është konstatuar se kanë hyrë në Shqipëri dhjetëra tonelata me mish pule me salmonelë por jo vetëm kaq.
    Më herët tonelata me mandarina të dërguara nga Shqipëria në Kroaci u konstatuan me pesticide. Në mes të skandalit të ushqimeve të kontaminuara, për sasinë e mishit të pulës me salmonelë të futur në Shqipëri nga Brazili, policia e tiranës shpalli në kërkim pronarin e kompanisë që i importoi ato dhe procedoi pronarin e kompanisë që i shpërndau në tregun shqiptar. Po hetohen gjithashtu edhe 3 inspektorë të AKU-së të cilët sipas policisë kanë lejuar futjen në treg të mishit me bakterin e salmonelës.

  • Skandali/ Kontrolle në Vlorë, kapen gjashtë subjekte që tregtonin mish pule me salmonelë

    Skandali/ Kontrolle në Vlorë, kapen gjashtë subjekte që tregtonin mish pule me salmonelë

    6 subjekteve në Vlorë u janë gjendur në ambientet e tyre mish pule me salmonelë gjatë kontrolleve të kryera nga Autoriteti Kombëtar i Ushqimit. Bëhet fjalë për disa markete dhe restorante të cilat tregtonin mish pule me praninë e salmonelës për klientët.
    Lidhur me këtë situatë mësohet se nga nga Vlora është tërhequr një sasi e konsiderueshme e mishit të pulës me salmonelë ndërsa dyshohet se numri i subjekteve që kanë tregtuar apo servirur mishin me salmonelë, mund të jetë edhe më i madh.
    Skandali me mishin e pulës me salmonelë
    Një tjetër skandal ka një vend në lidhje me mishin e importuar nga Brazili. Më 11 mars të vitit në portin e Durrësit janë futur 27.000 kg mish pule i importuar nga Brazili. Kjo mish dyshohet është hedhur në treg, pa pritur përgjigjen e analizave. Ndërkohë që kur kanë dalë analizat, është gjetur që është gjithë mishi i importuar është i infektuar me bakterin e salmonelës.
    Nga analizat e kryera në ISUV, tregohet se një sasi prej 27 ton mish pule ka rezultuar me salmonelë. Ndërkohë pas denoncimit të skandalit në media, ka reaguar edhe Autoriteti Kombëtar i Ushqimit. AKU tha se ka referuar rastin në Prokurorinë e Tiranës, për veprimet e mëtejshme të procedimit, për sa i përket elementeve të veprës penale për mosrespektimin e kritereve të informacionit të dhënies së informacionit. Në qendër të kësaj historie qëndron kompania Dimal Inc.
    Nga të dhënat e mjekësisë, disa kompania nuk mori asnjë nismë për të pezulluar analizën e produktit deri në konfirmimin zyrtar të analizave. Mishi erdhi me probleme, u gjet me probleme dhe u shit në çdo rrjet ku kompania ka gjetur. Salmonela është një bakter që është helmim i rëndë i ushqimit, sidomos për fëmijët, të rriturit dhe personat me imunitet të dobët.

  • AKU të kontrollojë fast-food-et!”, ish-ministri i Bujqësisë ngre alarmin për mishin me salmonelë

    AKU të kontrollojë fast-food-et!”, ish-ministri i Bujqësisë ngre alarmin për mishin me salmonelë

    AKU të kontrollojë fast-food-et!”, ish-ministri i Bujqësisë ngre alarmin për mishin me salmonelë

    Edmond Panariti, ish-ministër i Bujqësisë, në studion e emisionit “Të Paekspozuarit” ngriti alarmin për përdorimin e mishit të pulës të dyshuar me salmonelë që ka hyrë në vend prej javësh. Ai i kërkoi AKU-së që të shkojë në njësitë e ushqimit të shpejtë që të bëjë kontrollin e e gatimit të ushqimit që frekuentohet më shumë nga të rinjtë.

    “Salmonela është një bakter shumë i përhapur, është një enterobakter pra që popullon normalisht trakin intestinal. Është i përhapur shumë në natyrë, ndodhet në shumë specie. Salmuleve që është identifikuar nga Instituti i Sigurisë Ushqimore dhe i quajtur Salmonela Tifimurium, shkakton Tifon.

    Është një salmonelë, i cili është zonotike, pra prek edhe njeriun, se ka dhe salmonela që janë specifike për specien, për shembull, prek vetëm shpendin. Kurse kjo Salmolelë, që është identifikuar nga instituti, është një salmolelë që prek njeriun, prandaj, ka përbërë dhe përbën një shqetësim jashtëzakonisht të madh.

    Depërton mukozën e zorrët dhe futet në qarkullimin e gjakut, dhe kjo mund të ndodhë tek persona me imunitet të kompromentuar, me imunitet të ulur, që janë zakonisht moshat e avancuara, por edhe fëmijët që akoma nuk e kanë të konsoliduar imunitetin, këtu mund të kemi natyrisht forma të rënda që mund të jenë kërcënuese edhe për jetën, prandaj është një diçka shumë serioze.

    Fakti është që kur identifikohet ky bakter në produktet me origjinë shtazore ose në produktet ushqimore në tërësi jepet alarm i kuq që të konsiderohet një diçka shumë serioze dhe masat janë drastike.

    Pra, po të shikoni gjithë protokollet e masave që merren kur ky bakter identifikohet si i pranishëm në produktet ushqimore, në rastin tonë produkt me origjinë shtazore është konstatuar në një fileto të ngrirë pule që vjen nga një vend që është jashtë Bashkimit Europian, vjen nga Brazili, prandaj çdo produkt që vjen nga këto vende të treta dhe që nuk vjen nga Bashkimi Europian konsiderohet i dyshimtë dhe vëmendja duhet të jetë e madhe.

    Duhet të jap një mesazh për konsumatorin. Natyrisht njerëzit konsumojnë mish pule, aq më tepër për standardin shqiptar të konsumatorit, që është dhe mish i lirë. Të bëjnë kujdes që ta gatuajnë mirë në rast. Një fileto pule futet në furrë në temperaturë dyqind gradë për të paktën njëzet minuta, arrihet temperatura kritike në pulpë prej mbi 70 gradë dhe asgjësohet, pra pak vëmendje.

    Apo futja e këtij mishi në një tenxhere presioni për 10 minuta e asgjëson, por problemi nuk është se këtë e ke në dorë ti, por çfarë ndodh në fast food-et se ky është problemi.

    Unë do t’i sugjeroja Autoritetit Kombëtar të Ushqimit që të shkojë në fast food dhe të kontrollojë me termometër, temperaturën e gatimit të filetove të pulës, po dhe filetove të mishit që vijnë nga vende me origjinë të tretë, ta bëjë këtë kontroll në mënyrë që t’i ofrojmë garancinë e duhur të konsumatorit dhe të qetësojmë opinionin publik”- tha Panariti.

  • Mishi me salmonelë u konsumua nga shqiptarët, protestë para AKU

    Mishi me salmonelë u konsumua nga shqiptarët, protestë para AKU

    FOTO ILUSTRUESE

    TIRANË-Pas daljes në dritë të skandalit ushqimor me 19 ton mish pule me salmonelë të importuar nga Brazili në vendin tonë, frika e konsumatorëve është rritur. Konsumatorët kërkojnë drejtësi dhe llogari nga organet përgjegjëse. Në lidhje me rastin një qëndrim do të mbahet para godinës së Agjensisë Kombetare të Ushqimit në orën 14:30.
    AKU, pas publikimit të skandalit, përmes një komunikate të shkurtër për mediat, pranoi faktet. Ngarkesa e dyshimtë ka mbërritur në Portin e Durrësit më 11 mars 2025 dhe është marrë nga kompania ‘Dimal Inc’, një subjekt i themeluar në vitin 2019 nga Mondi Goxha, një nga të akuzuarit kryesorë në këtë çështje. Mostrat janë marrë vetëm pak ditë më vonë nga ana e agjentëve të Autoritetit Kombëtar të Ushqimit.
    Drejtori i Menaxhimit të Riskut në Autoritetin Kombëtar të Ushqimit (AKU), Martin Jorgaqi se pasi u konstatua mishi i pulës me salmonelë, kompania nuk ka bashkëpunuar me autoritetet dhe nuk ka dhënë informacion të saktë rreth faturave, se në cilat pika shitjesh u shpërnda ky produkt.
    19 ton mish pule me salmonelë janë importuar nga Brazili në vendin tonë. Mishi me salmonelë është futur në vendin tonë nga Brazili dhe është shpërndarë në treg nga kompania “diMal”. Gjithsej, nga 27 ton, janë shitur 13.5; shumica në qarkun e Kukësit, ndërsa pjesa tjetër është shpërndarë nëpër marketet e gjithë vendit. Në lidhje me rastin në kërkim është shpallur Arben Goxha, administratori i kompanisë, ndërsa në hetim është i vëllai, Mond Goxha, pronar i ‘dimal’ dhe 3 inspektorët e AKU-së, Gezim Hushi, Sada Lufta, Aldo Sinjari./ZËRI

  • SYRI TV/ Urdhri i Çuçit, mishi i Brazilit kontrollohet ‘me bingo’, favorizoi bizneset dhe rrezikoi qytetarët

    SYRI TV/ Urdhri i Çuçit, mishi i Brazilit kontrollohet ‘me bingo’, favorizoi bizneset dhe rrezikoi qytetarët

    Një vendim i ish-ministrit të Bujqësisë, Bledi Çuçi, në vitin 2020, uli vigjilencën e autoriteteve publike për verifikimin e bakterit të ‘salmonelës’ në mishin e importuar nga Brazili. Sipas atij urdhri, inspektorët e Autoritetit Kombëtar të Ushqimit do të ushtronin kontroll mbi ngarkesat e mishit që vinin nga vendi i Amerikës Latine vetëm mbi bazë risku, duke ndryshuar një vendim të mëparshëm, i cili parashikonte kontroll mbi të gjithë ngarkesat që vinin nga Brazili.

    Ministri i kohës, Çuçi, e justifikoi këtë vendim me uljen e kostove për kompanitë importuese.

    Por, ndërkohë që ky vendim dukej i lobuar nga kompanitë e mëdha të biznesit, pasojat e zbatimit të tij rëndojnë shumë mbi shëndetin dhe jetën e konsumatorëve.

    Në këtë fundjavë, Autoriteti Kombëtar i Ushqimit deklaroi se ka identifikuar një ngarkesë me fileto pule të mbërritur nga Brazili, të prekur nga salmonela dhe të shpërndarë në tregun vendas. Sipas burimeve të AKU-së, në mesin e muajit Mars 2025, kompania ‘AMG’ ka importuar të paktën katër lote mish Brazili, me një sasi totale mbi 20 ton.

    Bazuar në urdhrin në fuqi, të miratuar nga ish-ministri, Bledi Çuçi, inspektorët e AKU-së kana marrë mostër vetëm nga njëri prej lotëve, për të verifikuar pastërtinë e mallit. Por, ndërkohë që pritej përgjigja e analizës, kompania “AMG” dyshohet se ka shpërndarë filetot e pulës në treg, duke krijuar një rrezik real për qytetarët.

    Policia e Shtetit deklaroi këtë të Shtunë se ka nisur hetim për pronarin e kompanisë, Mond Goxha, si edhe ka shpallur në kërkim vëllain e tij, njëkohësisht edhe administrator i shoqërisë private, Arben Goxha. Po ashtu, nën hetim penal janë edhe tre inspektorë të Autoritetit Kombëtar të Ushqimit.

     

     

  • Para apo pas ngrënies, kur është koha e duhur për të pirë ujë

    Para apo pas ngrënies, kur është koha e duhur për të pirë ujë

    Trupi i njeriut humbet ujë çdo moment, madje edhe nëpërmjet frymës. Rrjedhimisht, pirja e ujit është e një rëndësie madhore për hidratimin e organizmit.
    Trupi e përdor ujin në çdo qelizë, organ apo ind, jo vetëm për të rregulluar temperaturën e brendshme por edhe për të mirëmbajtur çdo funksion.
    Deri më tani, ekspertët e shëndetit kanë rekomanduar pirjen e të paktën tetë gotave me ujë në ditë.
    Sigurisht që pirja e këtyre tetë gotave në të njëjtën kohë është e pamundur.
    A e dini kur është koha më e mirë për të pirë ujë?
    Lexoni më poshtë këshillat e për të pirë ujin në kohën e duhur që të përmirësoni efikasitetin e tij në organizëm.
    Ujë pas zgjimit
    Pini një gotë me ujë menjëherë sapo të zgjoheni. Në këtë mënyrë të gjithë organet e brendshme do të aktivizohen. Uji ndihmon në largimin e toksinave përpara ushqimit të rradhës.
    Ujë para një vakti
    Pirja e një gote me ujë 30 minuta përpara ushqimit ndihmon me tretjen. Ju nuk duhet të pini ujë pak minuta përpara se të uleni për të ngrënë ose sapo keni ngrënë.
    Nëse e bëni këtë, uji do të hollojë lëngjet tretëse. Pini ujë një orë pas ushqimit që ta ndihmoni trupin të përthithë të gjithë ushqyesit.
    Ujë përpara se të bëni banjë
    Pini një gotë me ujë përpara se të bëni banjë që të ulni tensionin e gjakut.
    Ujë përpara se të flini
    Pini një gotë me ujë një orë përpara gjumit që të ndihmoni organizmin të përballojë humbjen e lëngjeve gjatë natës.
    Oraret e duhura të pirjes së ujit
    Nëse organizoni pirjen e ujit sipas një orari të caktuar do të ndihmoni organizmin të jetë në formë.
    Oraret e mëposhtme janë në varësi të angazhimeve ditore dhe mund të ndryshohen ose rregullohen sipas mundësisë.
    7:00 – Gota e parë
    Pini gotën e parë sapo të zgjoheni që ta hidratoni organizmin pas gjumit. Gjysëm ore më vonë mund të hani mëngjes.
    9:00 – Gota e dytë
    Një orë pas mëngjesit mund të pini gotën e dytë dhe të vijoni punën si zakonisht.
    11:30 – Gota e tretë
    Pini një gotë ujë 30 minuta përpara se të hani drekë.
    13:30 – Gota e katërt
    Pini një gotë me ujë një orë pas drekës që të ndihmoni trupin të përthithë më mirë ushqyesit e nevojshëm.
    15:00 – Gota e pestë
    Gjatë pushimit konsumoni një lëng frutash ose pije pa ëmbëlsues shtesë që të freskoni trurin.
    17:00 – Gota e gjashtë
    Kjo gotë me ujë do ju mbajë të ngopur dhe do të parandalojë ngrënien e tepërt gjatë darkës.
    20:00 – Gota e shtatë
    Pini një gotë me ujë pas darke dhe para se të bëni banjë.
    22:00 – Gota e tetë
    Pini një gotë të fundit me ujë një orë përpara se të flini. Në këtë mënyrë do të ndihmoni rigjenerimin e qelizave gjatë gjumit.

  • Plastikë, Qelq apo Çelik – Cilat Janë Materialet më të Përshtatshme për Ruajtjen e Ushqimit?

    Plastikë, Qelq apo Çelik – Cilat Janë Materialet më të Përshtatshme për Ruajtjen e Ushqimit?

    Për të ruajtur ushqimet e mbetura, për të marrë drekën në zyrë ose për një meze të lehtë për të vegjlit në shkollë, llojet e kontejnerëve të ushqimit janë nga më të larmishmit duke filluar nga format, madhësitë, ngjyrat dhe të gjitha materialet e mundshme.

    Qelqi, plastika dhe çeliku janë padyshim më të përdorurat dhe më të përshtatshmit për ruajtjen e ushqimeve, por siç mund të kuptohet lehtësisht, ka shumë dallime dhe secila enë ka karakteristikat e veta.

    Në varësi të ushqimit, gatimit, kohës dhe mënyrës së ruajtjes, secili material është më i përshtatshëm se tjetri, prandaj është e rëndësishme të njihni në detaje të mirat dhe të këqijat e secilit produkt.

    AgroWeb.org ju njeh më poshtë me karkaterisitikat dhe dallimet kryesore mes tyre, në mënyrë që të zgjidhni të duhurin sipas nevojës.

    Xhami

    I ngurtë dhe rezistent, xhami ruan vetitë e ushqimit sepse nuk çliron asnjë lloj lënde toksike.

    Ka një sipërfaqe jo poroze që nuk thith dhe nuk lejon mikrobet dhe bakteret të deportojnë.

    Ai është në gjendje t’i rezistojë si temperaturave shumë të larta dhe atyre shumë të ulëta.

    Qelqi është gjithashtu miqësor me mjedisin sepse mund të ripërdoret pafundësisht dhe është 100% i riciklueshëm.

    Në enë qelqi mund të ruani të gjitha llojet e ushqimeve, si ato të papërpunuara dhe ato të gatuara.

    Xhami me ngjyrë rekomandohet gjithashtu për ruajtjen e ushqimeve që priren të prishen në dritë, si për shembull vaji.

    Të metat? Xhami është një material delikat, i cili mund të thyhet lehtësisht dhe është pak i rëndë, për këtë arsye, shpesh preferohen materiale që janë më të lehta për tu transportuar.

    Plastika

    Të lehta për t’u transportuar dhe të afta për t’i bërë ballë edhe goditjeve më të forta.

    Edhe pse kontejnerët plastikë janë padyshim më të përdorurit, kjo nuk do të thotë se janë gjithmonë zgjidhja më e mirë për nevojat tuaja.

    Nga ana praktike janë më të mirët sepse janë të lirë, nuk peshojnë, zënë pak hapsirë dhe nuk thyhen, por enët plastike janë më pak të sigurta se ato prej qelqi.

    Sipërfaqja poroze dhe e depërtueshme lejon që ushqimet e lëngshme të deportojnë jashtë kontenierit.

    Kjo është arsyeja pse këshillohet përdorimi i tyre vetëm për ruajtjen e ushqimit të thatë.

    Disa substanca në plastikë, në kontakt me temperaturat e larta, mund të çlirojnë kimikate toksike të cilat kur kontaminojnë ushqimin, mund të jenë të dëmshme për shëndetin.

    Për këtë arsye, kur bëhet fjalë për kontejnerët plastikë që do të përdorni në mikrovalë, është e rëndësishme të siguroheni që ato të jenë të përshtatshme për këtë gjë.

    Tashmë mund të jeni të vetëdijshëm dhe dihet botërisht se prodhimi intensiv dhe konsumi i tepërt i plastikës kanë një ndikim të lartë ndotës në planet.

    Plastika ka një jetë shumë të gjatë dhe vetëm pak më shumë se një e dhjeta e prodhimit riciklohet.

    Është e qartë se ne konsumojmë shumë prej saj, duke krijuar një ndotje të madhe.

    Çeliku

    Ashtu si qelqi, çeliku është një material tepër rezistent, i ripërdorshëm dhe i riciklueshëm.

    Nuk është jo poroz dhe për këtë arsye mund të përdoret për ruajtjen dhe transportin e të gjitha llojeve të ushqimeve dhe përbërësve, të nxehtë ose të ftohtë, të papërpunuar ose të gatuar.

    Kontejnerët e çelikut lahen lehtësisht, i rezistojnë temperaturave shumë të larta ose shumë të ulëta, i mbajnë plotësisht të pandryshuara vlerat ushqimore dhe gjithashtu i ruajnë ato edhe nga drita.

    Të metat? Në disa raste ato nuk janë të lehta dhe komode për transport dhe shpesh nuk kanë çmime ekonomike. /AgroWeb.org