Lajmidites.com

Tag: universitetin

  • Të shtëna me armë zjarri në Universitetin e Oklahomës, disa të plagosur

    Të shtëna me armë zjarri në Universitetin e Oklahomës, disa të plagosur

    Disa persona u qëlluan me armë, përfshirë edhe një student, pas të shtënave, që shpërthyen në një ndërtesë banimi në Universitetin Shtetëror të Oklahomës.

    Të shtënat ndodhën rreth orës 3:40 të mëngjesit të së dielës në ndërtesën e banimit “Carreker East”. Një nga viktimat u identifikua si student i kampusit, ndërsa “News9” raportoi se gjithsej ishin tre të plagosur.

    Të gjithë të plagosurit po trajtohen në spitale në Oklahoma City dhe Tulsa. Kështu tha shefi i Policisë së OSU-së, Michael Beckner. Ende nuk janë identifikuar autorët.

    Rrethanat që çuan në të shtënat me armë nuk janë të qarta për momentin. Raportet fillestare tregojnë se incidenti ndodhi kur disa nga pjesëmarrësit e festës u kthyen në ndërtesë banimi, pas një feste të madhe private në një vend jashtë kampusit.

    Autoritetet kërkojnë nga ata që nuk jetojnë në këtë ndërtesë që të shmangin zonën, ndërkohë që po zhvillohet hetimi.

    “Nuk ka kërcënim të vazhdueshëm për kampusin”, thanë autoritetet.

    Shkolla ndodhet në Stillwater, rreth 65 milje larg Oklahoma City-t.

    Në vitin 2025 janë raportuar të paktën 118 incidente me të shtëna në shkolla. Këto të shtëna kanë lënë 36 të vdekur dhe 108 të plagosur.

    Sipas Arkivit të Dhunës me Armë, në vitin 2025 janë regjistruar 346 të shtëna masive në mbarë SHBA-të.

  • Zhupa: Skandal në Universitetin e Elbasanit, studentë fiktivë për të mbajtur programet hapur

    Zhupa: Skandal në Universitetin e Elbasanit, studentë fiktivë për të mbajtur programet hapur

    Këto ditë në media qarkullojnë intervista të grave në moshë që shprehen se janë studente në Universitetin e Elbasanit por nuk dinë as pse, as ku, edhe as si.
    Deputetja Ina Zhupa mendon se “ jemi para një skandali në Universitetin e Elbasanit. Duket si një skemë me studentë fiktivë që janë regjistruar për të mbajtur programet studimore të hapura dhe për të siguruar orë pune për pedagogët”
    E gjitha kjo sipas Zhupës pavarësisht nëse janë fiktive apo reale, janë një simptomë e degradimit të arsimit të lartë në Shqipëri. Dhe është një përpjekje e dështuar për të mbuluar plagën e madhe të shpopullimit dhe braktisjes së arsimit nga të rinjtë.
    Ina Zhupa kërkon transparencë dhe bën thirrje për shkundje të sistemit arsimor ku paratë publike të investohen për rininë dhe cilësinë e arsimit, jo për mbajtjen artificiale në këmbë të institucioneve.
    Reagimi i plotë i Ina Zhupës:
    Në hijen e një skandali në Universitetin e Elbasanit! Rregjistrime fiktive për të mbajtur degët hapur.
    Nga raportimet mediatike, disa nga të regjistruarit si “studentë të vitit të parë” janë gra në moshë 53 vjeç e lart, të cilat nuk dinin as emrin e degës ku “studionin” dhe nuk kishin asnjë ide pse ishin regjistruar. Mungesa e artikulimit dhe informacionit me ngjan qartësisht se kemi të bëjmë me një abuzim sistemik dhe jo një rastësi.
    Në gjykimin tim ka vend për të investiguar nëse jemi para një skandali në Universitetin e Elbasanit. Duket si një skemë me studentë fiktivë që janë regjistruar për të mbajtur programet studimore të hapura dhe për të siguruar orë pune për pedagogët.
    E gjitha kjo, pavarësisht nëse janë fiktive apo reale, janë një simptomë e degradimit të arsimit të lartë në Shqipëri. Dhe është një përpjekje e dështuar për të mbuluar plagën e madhe të shpopullimit dhe braktisjes së arsimit nga të rinjtë.
    Nuk ka më studentë të vërtetë, sepse nuk ka më besim te sistemi. Sepse nuk ka politika reale që e mbajnë rininë këtu.
    Kërkoj transparencë të plotë mbi këto raste, që nga dokumentacioni, aplikimi, rregjistrimi dhe pjesmarrja në procesin mësimor. A janë studente reale?!
    Duhet një shkundje e sistemit arsimor dhe reforma të thella, ku paratë publike të investohen për rininë dhe cilësinë e arsimit, jo për mbajtjen artificiale në këmbë të institucioneve.

  • VIDEO – Hapet viti akademik në Universitetin “Luigj Gurakuqi”, e pranishme ministrja e Arsimit Mirela Kumbaro

    VIDEO – Hapet viti akademik në Universitetin “Luigj Gurakuqi”, e pranishme ministrja e Arsimit Mirela Kumbaro

    Nga Universiteti i Shkodrës “Luigj Gurakuqi”, ministrja e Arsimit, Mirela Kumbaro, përcolli urimin për nisjen e vitit të ri akademik, për të gjithë studentët dhe pedagogët në mbarë vendin, e në mënyrë të veçantë për të rinjtë që këtë vit nisin rrugëtimin e tyre në arsimin e lartë
    
    Lidhur me sfidat dhe objektivat e këtij viti akademik, ministrja theksoi rëndësinë e profilizimit të universiteteve dhe hapjes së programeve të reja të studimit në përputhje me kërkesat e tregut të punës. Kumbaro tha se, pas dhjetë vitesh nga reforma në arsimin e lartë, është tashmë i domosdoshëm rishikimi i ligjit me qëllim përshtatjen ndaj realiteteve dhe zhvillimeve të reja.
    Nga ana e tij, rektori i Universitetit të Shkodrës, prof. Tonin Gjuraj, u shpreh se reformimi i institucionit në funksion të zhvillimit të tij mbetet një ndër prioritetet kryesore të stafit akademik
    Në përshëndetjen e tij, kryetari i Bashkisë Shkodër, Benet Beci, vuri në dukje se bashkëpunimi dhe mbështetja për fuqizimin e universitetit janë thelbësore për zhvillimin e qytetit .
    Ndërkohë që vijon raundi i dytë i regjistrimeve të studentëve të rinj, deri më tani, në Universitetin e Shkodrës janë regjistruar 871 studentë, ndërsa më të preferuarat mbeten deget e shkencave paraklinike, informatika dhe fakulteti ekonomik.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Pas hekurave deri në përfundimin e hetimit, partnerja e profesorit italian apelon: Ai është gjithnjë e më i shqetësuar.

    Pas hekurave deri në përfundimin e hetimit, partnerja e profesorit italian apelon: Ai është gjithnjë e më i shqetësuar.

    Partnerja e Michele D’Angelo-s ka bërë apel publik, duke deklaruar se ai është gjithnjë e më i shqetësuar gjatë qëndrimit në burg. Profesori i biologjisë në Universitetin e L’Aquila-s ndodhet pas hekurave që prej 8 gushtit, pas aksidentit tragjik me makinë në Qafën e Kosovicës ku humbi jetën një i ri vendas.

    Hetuesit kanë bërë të ditur se synojnë ta mbajnë atë në paraburgim deri në përfundimin e hetimeve, një proces që pritet të zgjasë tre muaj. Rasti ka tërhequr vëmendje të gjerë, duke sjellë reagime nga familjarë, komuniteti akademik dhe institucionet italiane.

    Michele D’Angelo, 44 vjeç, profesor biologjie në Universitetin e L’Aquila-s dhe shkencëtar me famë ndërkombëtare, ndodhet prej gati 3 muajsh në burgun e Fierit, Shqipëri, pas një aksidenti rrugor më 8 gusht në rrugën Levan-Fier. Autoritetet shqiptare e akuzojnë për “shkelje të rregullave të trafikut” dhe “braktisje të një automjeti”. Detajet e incidentit mbeten të paqarta, duke krijuar shqetësim në komunitetin akademik dhe institucionet italiane. Aksidenti përfshiu Lancia Ypsilon të profesorit dhe një Mercedes të drejtuar nga shtetasi shqiptar me inicialet E.S., i cili dyshohet se humbi kontrollin për shkak të shpejtësisë. Sipas njerëzve pranë D’Angelo-s, profesori po udhëtonte me 40 km/orë dhe nuk mundi të shmangte përplasjen, ndërsa largimi i tij nga vendngjarja interpretohet nga avokatët si reagim instinktiv dhe jo si tentativë arratisjeje.

    Më 19 shtator, deputeti italian D’Alfonso i drejtoi një pyetje zyrtare Presidentit Begaj, duke kërkuar bashkëpunim dypalësh dhe përdorimin e instrumenteve të bashkëpunimit gjyqësor mes Italisë dhe Shqipërisë për miratimin e masave alternative ndaj paraburgimit.

    Profesor D’Angelo mban role të rëndësishme akademike, duke përfshirë bashkëpunimin me Institutin “Sbarro” për Kërkimin e Kancerit dhe Universitetin Temple në Filadelfia, si dhe koordinimin e projekteve ndërkombëtare të financuara. Sipas rektorit të Universitetit të L’Aquila-s, Fabio Graziosi, dhe drejtueses së departamentit, Anna Maria Cimini, mungesa e tij rrezikon projektet dhe financimet e universitetit. “Shpresojmë që të gjitha nismat e ndërmarra do të çojnë në kthimin e tij të menjëhershëm në shtëpi,” u shpreh Cimini.

    Çështja e Michele D’Angelo-s ka marrë përmasa politike e akademike, duke hapur diskutime mbi masat paraprake në rastet e aksidenteve dhe nevojën për të mbrojtur bashkëpunimin ndërkombëtar shkencor. Komuniteti akademik italian dhe institucionet shqiptare po presin zhvillime të reja për trajtimin e profesorit.

  • Marrëveshja e re e Ministrisë së Infrastrukturës me Politeknikun, Rama: Do mundësojë rekrutimin për një praktikë të veçantë për një numër studentesh

    Marrëveshja e re e Ministrisë së Infrastrukturës me Politeknikun, Rama: Do mundësojë rekrutimin për një praktikë të veçantë për një numër studentesh

    Ministrisë së Infrastrukturës dhe Energjisë dhe Universitetit Politeknik të Tiranës, nënshkruan sot një marrëveshje për përgatitjen e studentëve përmes praktikave të paguara të punës, me qëllim aftësimin e tyre profesional.

    Kreu i qeverisë Edi Rama, gjatë fjalës së tij u shpreh se qeveria do të vijojë të mbështesë universitet, dhe se studentët në vendin tonë të mund të marrin dije dhe të kenë kushte njësoj si në universitetet e huaja.
    “Procesi i ndërveprimit me Universitetin sipas fushave ka njohur zhvillime të vazhdueshme dhe eksperienca na ka mësuar që në këto bashkëpunimi me fakultete të ndryshme, ka shumë për të mësuar por ka gjithmonë më shumë për të bërë.
    Programi i sotëm është shprehje e këtij fakti, por përtej këtij programi që do mundësojë rekrutimin për një praktikë të veçantë për një numër studentesh, duam të shkojmë edhe më tutje dhe të artikulojmë edhe më shumë programe të posaçme të kësaj natyre. Pa mbarur ende studimet, të përfshihen në praktika pune.
    Trupa drejtuese e universiteteve duhet të shtyjnë përpara më shumë që të rifitohet koha e humbur. Po bëjmë përpjekje për të sjellë akademikë të rinj nga jashtë, duam të mbështesim edhe më shumë universitetet në përpjekje për t’u hapur ndaj botës dhe krijimin e mundësisë së studentët të marrin këtu atë që mund të merrnin në universitetet e jashtme. Pakti për universitetin funksionon edhe në përmirësimin e infrastrukturës dhe ky universitet po fuqizohet me dy struktura të reja që garantojë kushte optimale për studentët, më vjen shumë mirë për këtë.
    Ne nuk do të mjaftohemi me kaq sepse është po kaq e domosdoshme që të mbështesim Universitetin për t’u fuqizuar me laboratorët e nevojshëm në mënyrë që ndryshimi epokal që po ndodh kudo në botë ta përfshijë fuqimisht edhe universitetin’, tha Rama.

    Top Channel

  • Si të keni ndikim në bisedat e përditshme me një strategji 30-sekondëshe

    Si të keni ndikim në bisedat e përditshme me një strategji 30-sekondëshe

    Përgatitja për një prezantim të rëndësishëm apo hedhja e disa shënimeve para një takimi me shefin është gjë normale.Por sipas Alison Wood Brooks, pedagoge në Universitetin e Harvardit dhe eksperte e komunikimit, e njëjta logjikë duhet ndjekur edhe në bisedat e zakonshme: mjaftojnë 30 sekonda për të menduar paraprakisht temat, pyetjet apo qëllimet e bisedës.Brooks, që jep lëndën e MBA “How to talk gooder in business and life”, këshillon ta zbatoni këtë qasje edhe në takimet e thjeshta me kolegët apo në telefonatat me miqtë dhe familjen.“Edhe kur flisni me dikë shumë të afërt, vetëm 30 sekonda përgatitje e bëjnë bisedën më të mirë.”Brooks, autore e librit të ri Talk: The Science of Conversation and the Art of Being Ourselves (2025), shton se një moment përqendrimi para se të nisë biseda ju ndihmon të qëndroni prezent gjatë saj.Arsyeja është se, sapo nis komunikimi, truri merret njëkohësisht me dëgjimin, interpretimin e shprehjeve emocionale dhe përgatitjen e përgjigjeve – një proces që konsumon shumë energji.Për këtë arsye, është më lehtë të mendosh paraprakisht temat sesa gjatë rrjedhës së bisedës.Të qenit komunikues i mirë kërkon ushtrim të vazhdueshëm, por përfitimet janë të mëdha: ndërtim marrëdhëniesh dhe avancim në karrierë.Eksperti i të folurit John Bowe ka theksuar se një rregull i thjeshtë është të fokusoheni më shumë tek tjetri sesa tek vetja.“Ju i kërkoni vëmendje dikujt; atëherë jepjani tuajën. Përqendrohuni në atë që thotë dhe pse e thotë. Gjithçka tjetër vjen vetë.”Edhe një frazë e vogël mund të ketë efekt të madh.Sipas Matt Abrahams, pedagog në Universitetin Stanford, shprehja “Tregomë më shumë” është një nga më të fuqishmet. Ajo mbështet tjetrin, ndryshe nga reagimet që e kthejnë bisedën tek vetja.“Shumë njerëz gabojnë duke përdorur historitë e të tjerëve si pretekst për të folur për veten,” shkruan Abrahams. “Por nëse e bëni shpesh, humbni mundësinë të mësoni më shumë.”Në fund të ditës, një gjysmë minute mendim paraprak mund të bëjë dallimin mes një bisede rutinë dhe një komunikimi, që ju bën më me ndikim dhe më të lidhur me të tjerët. / CNBCKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Marrëveshje mes ministrisë së Infrastrukturës dhe UPT, Rama: Universitetet do fuqizohen me laboratorë modernë dhe programe AI

    Marrëveshje mes ministrisë së Infrastrukturës dhe UPT, Rama: Universitetet do fuqizohen me laboratorë modernë dhe programe AI

    Është firmosur sot marrëveshje bashkëpunimi mes Ministrisë së Infrastrukturës dhe Energjisë dhe Universitetit Politeknik të Tiranës. Të pranishëm ishin kreu i qeverisë Edi Rama dhe ministrja e Energjisë dhe Infrastrukturës, Belinda Balluku.
    Balluku tha se kjo marrëveshje shënon fillimin e një nisme të re. Edhe shefi i qeverisë, Rama, e cilësoi marrëveshjen e firmosur si një hap të rëndësishëm në bashkëpunimin mes qeverisë dhe botës akademike.
    Ai theksoi se praktikat e punës tashmë janë kthyer në rutinë për studentët, ndërsa nënvizoi domosdoshmërinë e fuqizimit të universiteteve me laboratorë modernë dhe programe që lidhen me inteligjencën artificiale, si pjesë e një transformimi të domosdoshëm për arsimin e lartë në vend.

    Rama: Është një moment i rëndësishëm në rrugën e bashkëpunimit mes qeverisë dhe universitetit. Që kur ne shpallëm paktin për universitetin, procesi i ndërveprimit sipas fushave ka njohur zhvillime të vazhdueshme eksperienca na ka mësuar se ka shumë për të mësuar, po gjithmonë më shumë për të bërë. Përtej këtij programi të sotëm që do të mundësojë rekrutimin për një numër studentesh të këtij universiteti duam të shkojmë edhe më tej dhe të artikulojmë edhe më shumë programe të kësaj natyre, për të materializuar një perspektivë të së nesërmes pa mbaruar ende studimet. Dhe ju sigurojnë një informacion të domosdoshëm lidhur me si mund të bëhen pjesë e përhershme e trupave të ndryshëm në funksion të shtetit shqiptar dhe për të krijuar ura bashkëpunimi që mbështetja e qeverisë për universitetin të shkojë në funksion të përfitimit të ndërsjellë.
    Praktikat e punës tanimë janë bërë rutinë, çdo vit kemi një numër të konsiderueshëm studentësh që kanë mundësi të shfrytëzojnë këto praktika pune. Ndërkombëtarizimi është një process që ka nisur të na japë rezultatet e para, por që kërkon që bashkarisht të shtyjmë më shumë që shumë nga koha e humbur të rifitohet. Po bëjmë përpjekje për të sjellë realitete të reja akademike nga jashtë, mbështesim çdo përpjekje që po bëjnë studentët për t’u hapur ndaj botës. Po ashtu më vjen mirë që pakti për universitetin funksion edhe në drejtim të infrastrukturës.
    Ky universitet po fuqizohet me dy struktura të reja moderne për studentët. Nuk do mjaftohemi me kaq, përtej kësaj është e domosdoshme të mbështesim universitetin për tu fuqizuar me laboratorët e nevojshëm, që ndryshimi epokal që po ndodh kudo në botë të përfshijë edhe universitetin.
    Të krijojmë sa më parë hapsirat për t’i dhënë mundësi pedagogëve, studentëve të ativizojnë dijet për inteligjencën artificiale. Ka pak rëndësi se në cilën pikë të globit ndodhesh pasi përmes AI mund të bëhen kapërcime epokale që do ishin të pamundura pavarësisht talenteve. Do përgatitemi që në buxhetet e ardhshme të kemi një komponent të mbështesim të gjitha sprovat në këtë drejtim. Iu bëj thirrje të angazhohen sa më shumë për të punuar sëbashku në funksion të rritjes së komponentit të AI në të gjitha hapsirat e universiteteve tona./vizionplus.tv 

  • Qeveria marrëveshje me Universitetin Politeknik/ Belinda Balluku: T’i përgjigjemi kërkesave të BE-së

    Qeveria marrëveshje me Universitetin Politeknik/ Belinda Balluku: T’i përgjigjemi kërkesave të BE-së

    Ministrja e Infrastrukturës dhe Energjisë, Belinda Balluku, ka dhënë një mesazh të fortë gjatë firmosjes së marrëveshjes me Universitetin Politeknik të Tiranës, duke theksuar rëndësinë e praktikave profesionale për studentët dhe përgatitjen e tyre për tregun e punës. Sipas saj, firmosja e kësaj marrëveshje të re është e rëndësishme për integrimin e vendit në BE.
    “Një muaj të mbarë, se ky është muaji juaj, tetori, fillimi i një viti të ri shkollor për ju, me plot shpresa për të ardhmen, që këtë vit përkon me një iniciativë të re, pjesë e Paktit për Universitetin.Që Ministria dhe Universiteti i Tiranës kanë bashkëpunuar ngushtë, nga suporti dhe nga praktikat që janë zhvilluar, duke akomoduar mjaft studentë. Për ngritjen e një kapitali njerëzor që do t’i përgjigjet kërkesave të integrimit në BE.
    Industria e rëndë që përfshin transportin dhe minierat, sot më shumë se kurrë ka një kërkesë të jashtëzakonshme për burime njerëzore, të cilat duhet të jenë jo thjesht të gatshme për të përballuar të gjitha sfidat, por edhe të jenë të trajnuara sipas kritereve të BE-së.Pa të rinj të trajnuar e të arsimuar, çdo reformë mbetet e mangët.Për ata që do të jenë specialistët e transportit dhe aviacionit, që do të udhëheqin Shqipërinë, për këtë arsye kemi hartuar një program qeverisës që vendos njeriun në qendër.Brenda këtij mandati paga mesatare do të arrijë një mijë euro. Por nuk mjafton vetëm paga.”, tha Balluku.

  • Ndahet nga jeta aktori dhe regjisor i shquar Enver Petrovci

    Ndahet nga jeta aktori dhe regjisor i shquar Enver Petrovci

    U nda nga jeta në moshën 71-vjeçare Enver Petrovci, aktori i njohur i skenës dhe ekranit, i cili ka lënë një trashëgimi të pashlyeshme në teatrin dhe kinemanë shqiptare. Ai u lind më 28 shkurt 1954 në Prishtinë dhe gjatë jetës së tij u dallua si aktor, regjisor, skenarist dhe pedagog i përkushtuar.Petrovci fillimisht studioi në Shkollën e Lartë Pedagogjike në Prishtinë, në degën e aktrimit, më pas përfundoi studimet universitare për aktor në Fakultetin e Arteve Dramatike në Universitetin e Beogradit. Ai ishte njëri prej themeluesve dhe profesorëve të parë të degës së Artit Dramatik pranë Fakultetit të Arteve në Universitetin e Prishtinës. Në vitin 1989, pas studimeve dhe karrierës në Beograd, Petrovci u kthye në Kosovë për të dhënë mësim në Universitetin e Prishtinës, duke formuar brezin e ri të aktorëve shqiptarë.Karriera e tij artistike është e pasur dhe e larmishme. Ai ka arritur famë të madhe në teatër, sidomos në skenën e njohur “Ateljeja 212”, duke u bërë i njohur në mbarë ish-Jugosllavinë. Pas vitit 1999, Petrovci vazhdoi aktivitetin e tij artistik kryesisht në Kosovë dhe Shqipëri. Ai ka interpretuar rolet kryesore në vepra shekspiriane si Jul Çezari, Makbethi dhe Hamleti, duke lënë gjurmë të pashlyeshme në teatër.Përveç aktrimit, Petrovci ka punuar edhe si regjisor dhe skenarist. Një vit më parë ai botoi librin “Amanete zemre”, një liber që lindi pas lajmit se ishte i sëmurë me tumor. Libri përmban këshilla dhe amanete për miq dhe shokë, por Petrovci vendosi të heqë emrat dhe të linte të shkruara vetëm mendimet e tij, duke e kthyer në një reflektim personal mbi jetën dhe artin.Në kinematografi, Enver Petrovci ka qenë aktiv vazhdimisht. Filmi i tij i fundit, “Konsulli rus” (2024), i regjisorit Miroslav Lekic, trajton trazirat e vitit 1973 mes shqiptarëve dhe serbëve në Kosovë dhe shënon fillimet e krizës së Kosovës, duke dëshmuar rëndësinë historike të roli të tij artistik.Largimi i Enver Petrovcit është një humbje e madhe për kulturën shqiptare, ndërsa trashëgimia e tij artistike dhe pedagogjike do të mbetet një shembull frymëzimi për gjeneratat e ardhshme të aktorëve dhe regjisorëve.

  • Enver Petrovci, emri i rradhës që fut artin në zi

    Enver Petrovci, emri i rradhës që fut artin në zi

    Enver Petrovci, një emër monumental i artit skenik shqiptar, është shuar në moshën 71-vjeçare. Janë familjarët dhe të afërmit e tij ata që kanë përcjellë për publikun lajmin e hidhur të ikjes nga kjo botë të aktorit të mirënjohur sa rë skenës e filmit kosovar po aq dhe shqiptar në një kuptim të gjerë kombëtar. Kjo pasi Petrovci ishte vitet e fundit dhe një i përzgjedhur i veçantë i regjisorëve në Shqipëri.
    Enver Petrovci lindi më 28 shkurt 1954 në Prishtinë dhe studimet e para i kreu Shkollën e Lartë Pedagogjike në Prishtinë në degën e aktrimit, për t’u diplomuar më pas për aktor në Fakultetin e Arteve Dramatike në Universitetin e Beogradit.
    Pra, i përket epokës jugosllave, ku me një rol në “Atelieja 212” asokohe do bëhej i njohur në mbarë ish-Jugosllavinë duke u vlerësuar si një nga aktorët me kualitativ të asaj kohe.
    Kështu, me emrin tij dhe me famën e arritur shpejt, do vijonte të shkruante një histori suksesi në shumë role, në film e teatër.
    Ai ishte dhe një nga themeluesit dhe profesorët e parë të degës së Artit Dramatik pranë Fakultetit të Arteve në Universitetin e Prishtinës, pasi u kthye nga Beogradi në vitin 1989. Ai do jepte lëndën e aktrimit në Universitetin e Prishtinës, duke nxjerrë breza të tërë aktorësh në Kosovë.
    Ikja e tij shënon ikjen e një embleme të artit aktoresk shqiptar.
    Vdekja e tij është e rradhës e një brezi artistësh që po shuhet, si në Kosovë ashtu dhe në Shqipëri, i cili u formua në komunizëm e që shkëlqeu dhe në kapitalizëm. /tesheshi.com/