Lajmidites.com

Tag: ukrainase

  • Zgjerohet lista e atentateve misterioze, një tjetër komandant rus objektiv i dyshuar i shërbimeve ukrainase

    Zgjerohet lista e atentateve misterioze, një tjetër komandant rus objektiv i dyshuar i shërbimeve ukrainase

    Gjenerali Yaroslav Moskalik është emri më i ri në radhën e figurave ushtarake apo pro-Kremlin që dyshohet se janë goditur nga operacione të fshehta ukrainase brenda territorit të Rusisë.

    Seria e atentateve misterioze ka vazhduar me intensitet që nga viti i kaluar. Më 17 dhjetor 2024, gjenerali Igor Kirillov, komandanti i Trupave të Mbrojtjes Kimike, Biologjike dhe të Rrezatimit në ushtrinë ruse, humbi jetën pasi një bombë e fshehur brenda një skuteri elektrik shpërtheu jashtë banesës së tij në Moskë.
    Vetëm disa ditë më herët, shkencëtari kryesor rus i raketave, Mikhail Shatsky, u vra me armë zjarri në një pyll pranë Moskës.
    Në dhjetor 2023, ish-deputeti ukrainas me qëndrime pro-ruse, Illya Kyva, u vra me armë zjarri në një park jashtë kryeqytetit rus.
    Në prill 2023, blogeri pro-luftës Vladlen Tatarsky humbi jetën pasi një bombë e fshehur në një statujë shpërtheu gjatë një aktiviteti në një kafene në Shën Petersburg.
    Megjithëse shërbimet e sigurisë ukrainase, sipas politikës së tyre, nuk e konfirmojnë zyrtarisht përfshirjen në këto atentate, burime të shumta të sigurisë ndërkombëtare thonë se Ukraina ka interes të qartë për eliminimin e figurave kyçe që mbështesin luftën e Rusisë në Ukrainë.
    Sipas analistëve perëndimorë, sulmet e tilla po bëhen gjithnjë e më të sofistikuara dhe përçojnë një mesazh të qartë: lufta mund të ndihet edhe brenda kufijve të vetë Rusisë.

    Top Channel

  • Pysanka e Lvivit: Veza më e vjetër e Pashkëve në botë

    Pysanka e Lvivit: Veza më e vjetër e Pashkëve në botë

    Zbukurimi i vezëve të Pashkëve është një traditë e lashtë me rrënjë të thella që shtrihen të paktën deri në periudhën mesjetare të historisë europiane. Megjithatë, dëshmitë arkeologjike janë të rralla për shkak të natyrës së brishtë të lëvozhgave të vezëve. Me një moshë mbi 500-vjeçare, pysanka e Lvivit, që në gjuhën ukrainase do të thotë “vezë e shkruar”, është veza e zbukuruar e Pashkëve më e vjetër në botë.

    Arkeologët e zbuluan pysankën në vitin 2013, kur punëtorët e ndërtimit hasën në një pus mesjetar gjatë rinovimit të një shtëpie në Lviv, një qytet në Ukrainën perëndimore. Sipas Shërbimit të Arkeologjisë së Shpëtimit të Institutit të Arkeologjisë të Akademisë Kombëtare të Shkencave të Ukrainës, pusi ishte përdorur fillimisht për mbledhjen e ujit nëntokësor. Por pas Zjarrit të Madh të Lvivit në vitin 1527, i cili shkatërroi pjesën më të madhe të pytetit, pusi u shndërrua në një gropë mbeturinash.

    Pysanka ishte fshehur në një shtresë të trashë qymyri, së bashku me enë qeramike; vegla të vogla; objekte prej lëkure, druri dhe metali, çka sugjeron se këto objekte janë hedhur aty gjatë pastrimit të qytetit pas zjarrit. Për habi, dëmtimi i vezës ishte minimal; vetëm rreth 2 cm katrorë të sipërfaqes janë humbur.

    Pysankat ukrainase zakonisht krijohen duke përdorur një teknikë rezistuese me dyllë. Me këtë metodë, dylli “shkruhet” në një model dekorativ mbi sipërfaqen e vezës, e cila më pas lyhet ose ngjyroset. Më pas, dylli hiqet, duke zbuluar lëvozhgën me ngjyrë të çelët të vezës, që në rastin e pysankës së Lvivit është nga një rosë.

    Praktika e dekorimit të vezëve ose topave prej qeramike është shumë e lashtë. Arkeologët kanë gjetur vezë qeramike të Pashkëve në Ukrainë që datojnë nga shekulli i 12-të, duke dëshmuar lashtësinë e kësaj tradite. Disa studiues madje besojnë se vezët e zbukuruara datojnë që nga mijëvjeçarë më parë, duke filluar nga kultura e gurit Cucuteni-Trypillia në Europën Qendrore, me gjasa si simbol i natyrës dhe rilindjes. Kjo traditë pagane u përfshi më vonë në krishterim, me vezën që filloi të simbolizonte varrin bosh dhe ringjalljen e Jezu Krishtit.

    Në Ukrainën moderne, dekorimi i pysankave është një traditë e rëndësishme kombëtare. Në vitin 2024, UNESCO e shpalli dekorimin e pysankave ukrainase si pjesë të Trashëgimisë Kulturore Jomateriale të Njerëzimit, duke nderuar këtë praktikë shekullore.

    Veza e Pashkëve e Lvivit ndodhet aktualisht në Muzeun e Pysankave në qytetin Kolomyia, ku ekspozohen shumë nga këto simbole të traditës së gjatë ukrainase të zbukurimit të vezëve.

  • Tetë raketa dhe 87 dronë, Rusia bombardon sërish Ukrainën gjatë natës! Nuk raportohet për viktima

    Tetë raketa dhe 87 dronë, Rusia bombardon sërish Ukrainën gjatë natës! Nuk raportohet për viktima

    Rusia ka lëshuar një sulm ajror masiv ndaj Ukrainës gjatë natës të shtunën, duke përdorur tetë raketa dhe 87 dronë, duke shkaktuar dëme në pesë rajone të ndryshme të vendit, sipas forca ajrore ukrainase.

    Sipas raportimeve nga forcat ajrore ukrainase, njësitë e mbrojtjes ajrore arritën të rrëzojnë 33 dronë rusë, ndërkohë që 36 dronë të tjerë u neutralizuan përmes përdorimit të teknologjisë të luftës elektronike. Megjithatë, detaje të tjera mbi raketat që u përdorën në sulm nuk u zbuluan nga autoritetet ukrainase.
    Dëmet më të mëdha janë regjistruar në pesë rajone të ndryshme të Ukrainës, duke përfshirë ato në jug, veri-lindje dhe lindje të vendit. Ky sulm ka thelluar më tej pasigurinë dhe tensionet në zonat që tashmë janë të përfshira në luftimet mes forcave ukrainase dhe atyre ruse.
    Ky incident është një tjetër kapitull në intensifikimin e sulmeve ajrore nga ana e Rusisë, që ka synuar infrastrukturën dhe objektiva të rëndësishëm ushtarakë të Ukrainës në ditët e fundit.

    Top Channel

  • SHBA propozon lehtësimin e sanksioneve ndaj Rusisë në këmbim të paqes në Ukrainë

    SHBA propozon lehtësimin e sanksioneve ndaj Rusisë në këmbim të paqes në Ukrainë

    Në një përpjekje të re për t’i dhënë fund luftës në Ukrainë, Shtetet e Bashkuara u kanë paraqitur aleatëve të saj evropianë një projekt-marrëveshje paqeje që parashikon një armëpushim dhe de-përshkallëzimin e pjesshëm të sanksioneve kundër Rusisë, sipas Bloomberg.
    Plani u parashtrua në takimet e mbajtura të enjten në Paris, me pjesëmarrjen e zyrtarëve nga Shtetet e Bashkuara, Franca, Gjermania, Mbretëria e Bashkuar dhe Ukraina, si dhe një takim midis presidentit francez Emmanuel Macron dhe të dërguarit amerikan Steve Witkoff.
    Sipas diplomatëve evropianë, propozimi i SHBA në thelb përfshin një “ngrirje” të konfliktit me forcat ruse që mbeten në territoret e okupuara ukrainase, duke lënë mënjanë kërkesën e Ukrainës për anëtarësim në NATO.

    Plani, sipas Bloomberg, nuk përbën një marrëveshje përfundimtare paqeje, ndërsa theksohet se asnjë vend evropian nuk do ta njohë zyrtarisht sovranitetin e Moskës mbi territoret e pushtuara.
    Në të njëjtën kohë, zbatimi i planit varet tërësisht nga vullneti i Kremlinit për të ndaluar armiqësitë.
    Presidenti ukrainas Volodymyr Zelensky, duke komentuar planin shprehu indinjatën e tij për deklaratat e Witkoff, duke theksuar se i dërguari amerikan “nuk ka mandat për të negociuar për territoret ukrainase”.
    “Ne nuk po diskutojmë territoret derisa të ketë një armëpushim,” tha ai, duke shtuar: “Territoret ukrainase i përkasin popullit tonë”.
    Qeveria ukrainase, sipas burimeve të cituara nga Boomberg, ka pranuar tashmë mundësinë e një armëpushimi, por këmbëngul se Moska së pari duhet të jetë dakord mbi këtë bazë përpara se të mund të vazhdojnë ndonjë diskutim të mëtejshëm. Delegacioni ukrainas në Paris u fokusua kryesisht në procedurat e monitorimit të armëpushimit dhe formimin e një force të mundshme paqeruajtëse.
    SHBA: Presioni për një marrëveshje “brenda javësh”
    Sekretari amerikan i Shtetit Marco Rubio paralajmëroi megjithatë se Uashingtoni nuk ka ndërmend të vazhdojë përpjekjet e tij për paqe për “javë apo muaj” nëse nuk ka përparim të shpejtë.
    “Ne duhet të shohim menjëherë, dua të them pas disa ditësh, nëse ky proces mund të funksionojë.”
    “Nëse jo, ne kemi prioritete të tjera”, tha ai.
    Përkundrazi, nënpresidenti amerikan J.D. Vance u shfaq më optimist, duke deklaruar se beson se ka perspektiva për t’i dhënë fund luftës.
    Moska, sipas raportimeve, kërkon në këmbim të armëpushimit heqjen e sanksioneve dhe përfundimin e dërgesës së armëve në Ukrainë. Në të njëjtën kohë, Moska bën thirrje për njohjen e aneksimit të Krimesë dhe katër rajoneve të Donetsk, Luhansk, Zaporizhia dhe Kherson.
    Në një intervistë me Fox News, Witkoff foli për një marrëveshje që “rrotullohet rreth pesë fushave”, pa dhënë detaje të mëtejshme.
    Rusia vazhdoi sulmet e saj gjatë gjithë javës, me raketa që goditën qytetin e Sumy, duke vrarë të paktën 35 njerëz. Gjithashtu, të premten, armëpushimi rus për infrastrukturën energjetike përfundoi në mënyrë të njëanshme, ndërsa kërkesa për ndërprerje të përkohshme të armiqësive në Detin e Zi nuk u pranua.
    Partnerët evropianë shprehën optimizëm të kujdesshëm dhe i përshkruan bisedimet e Parisit si “konstruktive”.
    Në të njëjtën kohë, ata po kërkojnë mënyra për të forcuar angazhimet e tyre ndaj Ukrainës pas luftës./vizionplus.tv

  • Zelensky: Kina po furnizon Rusinë me armë, kemi informacione nga inteligjenca ukrainase

    Zelensky: Kina po furnizon Rusinë me armë, kemi informacione nga inteligjenca ukrainase

    Presidenti i Ukrainës, Volodymyr Zelenskyy, ka deklaruar se Kina po furnizon Rusinë me armatime, përfshirë barut dhe artileri, pavarësisht qëndrimit të saj zyrtar si neutrale në konfliktin që nisi në vitin 2022 me pushtimin e plotë të Ukrainës nga Rusia.

    Gjatë një konference për media në Kiev, Zelenskyy tha se disponojnë të dhëna nga Shërbimi i Sigurisë dhe inteligjenca ukrainase që konfirmojnë këtë bashkëpunim ushtarak. “Që sot kemi informacione të përgjithshme për barutin dhe artilerinë. Mendoj se javën e ardhshme do të jemi në gjendje të flasim për këtë në mënyrë shumë të plotë,” u shpreh ai.

    Ai shtoi gjithashtu se ka indicie që përfaqësues të Kinës janë të përfshirë në prodhimin e armëve të caktuara brenda territorit rus. Pekini, ndërkohë, vazhdon të mbajë publikisht një qëndrim neutral, megjithëse që nga fillimi i luftës i ka ofruar Moskës mbështetje diplomatike dhe ekonomike.

  • Arrestohet ish-guvernatori i rajonit Khursk në Rusi, dërgonte raporte të pavërteta gjatë ofensivës ukrainase

    Arrestohet ish-guvernatori i rajonit Khursk në Rusi, dërgonte raporte të pavërteta gjatë ofensivës ukrainase

    Ish-guvernatori i rajonit Kursk të Rusisë, Alexei Smirnov, u arrestua nën dyshimin për mashtrim të martën.
    Smirnov ishte në krye të rajonit kur trupat ukrainase kaluan kufirin në një pushtim në shkallë të gjerë në gusht 2024. Pjesa më e madhe e forcave ukrainase u tërhoqën pas një ofensive ushtarake ruse.
    Smirnov drejtoi rajonin nga maji 2024 deri në dhjetor të atij viti, kur ai u zëvendësua nga Alexander Khinshtein. Ai u arrestua së bashku me ish-zëvendësin e tij, Alexei Dedov.
    Në orët e para të pushtimit ukrainas të Kurskut në gusht, Smirnov siguroi vazhdimisht se rajoni ishte nën kontroll, edhe pse rojet kufitare ruse u kapën nga sulmi dhe u tërhoqën.
    Disa ditë më vonë, Presidenti Vladimir Putin e qortoi me mirësjellje Smirnovin gjatë një takimi televiziv për fokusimin e raportit të tij tek kreu i shtetit në situatën ushtarake dhe jo në përpjekjet për të ndihmuar civilët në rajonin e Kurskut.

    Top Channel

  • Forcat ukrainase godasin një bazë raketore ruse në Kursk

    Forcat ukrainase godasin një bazë raketore ruse në Kursk

    Në një aksion të koordinuar dhe me qëllim të qartë hakmarrës, Forcat e Armatosura të Ukrainës kanë goditur një bazë ushtarake ruse në rajonin e Kurskut, e cila i përkiste një brigade raketore përgjegjëse për bombardimin e qytetit të Sumyt gjatë një feste.
    Lajmi u konfirmua nga Shtabi i Përgjithshëm i Ukrainës, i cili e cilësoi operacionin si një përgjigje të drejtë dhe të domosdoshme ndaj sulmeve që patën si objektiv civilët ukrainas.
    Sipas deklaratës zyrtare, bazës në fjalë iu shkaktuan dëme të konsiderueshme, përfshirë shkatërrimin e disa lëshuesve raketorë dhe municioneve, si dhe neutralizimin e një numri të konsiderueshëm personeli ushtarak.

    Objektivi i operacionit ishte të ndëshkonte forcat ruse për agresionin e tyre të fundit dhe të parandalonte sulme të tjera të ngjashme në të ardhmen.

  • Kamioni me targa ukrainase përplaset me dy makina/ Tragjedi në Greqi, dy të vdekur nga djegia, katër të plagosur

    Kamioni me targa ukrainase përplaset me dy makina/ Tragjedi në Greqi, dy të vdekur nga djegia, katër të plagosur

    Një aksident tragjik ka ndodhur në autostradën Egnatia në Greqi, duke lënë pas dy viktima të djegura dhe katër të plagosur. Ngjarja ndodhi në rrugën me pagesë Polymylos, midis qyteteve Kozani dhe Veria, ku një kamion me targa ukrainase, që lëvizte në kushte mjegulle të dendur dhe dukshmërie pothuajse zero, përplasi dy makina dhe më pas goditi me shpejtësi të frikshme një kabinë pagese, ku ndodhej një punonjëse.

    Pas përplasjes, një zjarr i furishëm shpërtheu, duke përfshirë mjetet. Dy persona humbën jetën të djegur në vend, ndërsa katër të tjerë u nxorën me plagë të shumta nga automjetet e dëmtuara. Dy të plagosurit u transportuan në Spitalin e Verisë, dhe dy të tjerë në Spitalin e Kozanit, ku mësohet se janë jashtë rrezikut për jetën.

    Shoferi i kamionit, një shtetas ukrainas, u arrestua në vendngjarje dhe po merret në pyetje nga autoritetet për të sqaruar rrethanat e plota të aksidentit. Policia nuk përjashton mundësinë që kushtet ekstreme të motit dhe mungesa e shikueshmërisë të kenë luajtur rol kyç në tragjedinë e rëndë.

    Pas aksidentit, qarkullimi në Egnatia u ndërpre plotësisht, me rrugën drejt Kozanit që u bllokua në të dy drejtimet. Radhë kilometrike u krijuan në autostradë, me mijëra qytetarë të bllokuar në automjetet e tyre. Autoritetet kanë ndërhyrë për të devijuar trafikun përmes kryqëzimit të Verisë, ndërsa ambulanca dhe zjarrfikës janë në gatishmëri të plotë në zonë.

    Burime nga Policia Rrugore thanë se evakuimi i zonës dhe kthimi në normalitet do të kërkojë orë të tëra, ndërkohë që hetimet për këtë tragjedi të rëndë kanë nisur menjëherë.

  • Rusia: Sulmi në Sumy vrau më shumë se 60 forca ukrainase

    Rusia: Sulmi në Sumy vrau më shumë se 60 forca ukrainase

    Të tjera detaje kanë dalë mbi sulmin rus në qytetin Sumy të Ukrainës gjatë ditës së djeshme.Sipas mediave të huaja, Ministria ruse e Mbrojtjes ka pretenduar se sulmi kishte në shënjestër një takim të stafit komandues të grupit operativ-taktik “Siversk”.
    Pavarësisht se Ukraina raportoi se numri i personave të vrarë në sulm ishte 34, Ministria ruse e Mbrojtjes tha se vrau “më shumë se 60” ushtarakë të forcave të armatosura ukrainase.Ministria e Mbrojtjes gjithashtu akuzoi Ukrainën për përdorimin e civilëve si “mburoja njerëzore” duke thënë se Kievi “mban eventet me pjesëmarrjen e personelit ushtarak” në mes të qyteteve me popullsi të dendur.
    Kujtojmë se pavarësisht përpjekjeve të Presidentit të SHBA-ve, Donald Trump, për t’i dhënë fund luftës në Ukrainë, ende nuk është arritur një marrëveshje armëpushimi.

  • Rusia sulmon me dronë qytetet ukrainase

    Rusia sulmon me dronë qytetet ukrainase

    Sulmet ruse me dronë në qytetet ukrainase të Dnipros, Harkivit dhe Kramatorskut në orët e vona të 8 prillit kanë lënë të plagosur dhjetëra persona dhe kanë shkaktuar dëme në disa ndërtesa të banuara, thanë zyrtarët lokalë.

    Serhiy Lysak, guvernator i rajonit të Dnipropetrovskut, tha se “Dnipro ka pësuar më së keqi” nga sulmet ruse, të kryera gjatë natës. Sipas tij, të paktën 15 persona janë plagosur dhe shumica nga ta janë në gjendje të rëndë.

    Lysak shtoi se sulmi në Dnipro ka dëmtuar 15 shtëpi private dhe dhjetëra automjete. Sipas tij, nga sulmet ruse janë dëmtuar dhjetëra ndërtesa biznesore, administrative dhe infrastrukturë tjetër e qytetit.

    Në Harkiv dhe në Kramatorks po ashtu ka pasur sulme. Në Kramatorsk, në rajonin e Donjeckut, të paktën pesë persona janë plagosur.

    Autoritetet lokale thanë se më shumë se 20 shpërthime janë dëgjuar në Harkiv, ku është raportuar për të paktën dy të plagosur.

    Ndërkaq, Forcat Ajrore ukrainase thanë se kanë rrëzuar 32 nga 55 dronët e lëshuar nga Rusia gjatë natës, ndërkaq tetë “nuk arritën caqet e tyre”.

    Ndërkaq, Mistria e Mbrojtjes e Rusisë tha se mbrojtja e saj ajrore ka shkatërruar 158 dronë gjatë natës, përfshirë 29 mbi rajonin jugor të Rostovit.

    Autoriteti i aviacionit në Rusi, Rosaviatsia, tha se disa aeroporte në jug të Rusisë u mbyllën mëngjesin e 9 prillit për shkaqe sigurie.

    Komandanti i ushtrisë së Ukrainës, gjeneralkolonel Oleksandr Syrskiy, pretendoi se Kievi së fundi ka kryer “me sukses” sulme ajrore ndaj bazave ajrore ruse.

    “Disa ditë më parë, veprimet tona të suksesshme kanë shkatërruar një bombardues me rreze të gjatë veprimi të llojit Tu-22M3. Ai sapo kishte aterruar dhe një dron i yni e goditi”, tha ai për median ukrainase, LB.ua.

    Sipas Syrkiyt, kostoja e një avioni të tillë mund të jetë deri në 100 milionë dollarë.

    Në terren, sipas raportit të fundit të Institutit për Studim të Luftës, forcat ruse – që kanë nisur pushtimin e Ukrainës më 2022 – aktualisht po ndjekin tri objektivë të ndryshëm, në përpjekjet e tyre për të marrë nën kontroll qytetin e Pokrovskut, në rajonin e Donjeckut.

    “Situata në jug dhe jugperëndim të Pokrovskut mbetet jashtëzakonisht dinamike mes operacioneve të intensifikuara ofensive nga Rusia”, u tha në raport.

    Me forcat ruse që kanë kaluar 13 muajt e fundit duke u përpjekur të marrin qytetin, Instituti për Studimin e Luftës theksoi se operacionet me dronë të Ukrainës dhe kundërsulmet e lokalizuara po vazhdojnë ta ndërlikojnë përparimin e Moskës në atë zonë.