Vetëm pak ditë pas vendimit të Bashkimit Europian për të lejuar deri në dy litra lëngje në bagazhet e dorës, udhëtarët janë përballur me një tjetër shqetësim: çmimet e larta shtesë për transportin e tyre.
Shoqata italiane e mbrojtjes së konsumatorëve, Assoutenti, paralajmëron se mungesa e qartësisë dhe zbatimi i ndryshëm i rregullit nëpër aeroporte mund të shkaktojë kosto deri në 130 euro për pasagjerët.
Sipas Assoutenti-t, aeroportet europiane nuk kanë një qasje të unifikuar.
Edhe pse skanerët e rinj që lejojnë kontrollin e sigurt të lëngjeve në shishe mbi 100 ml janë instaluar në disa aeroporte si Milano Malpensa, Linate, Roma Fiumicino, Bologna dhe Torino, disa prej këtyre ende nuk e kanë zbatuar rregullin e ri.
Pasagjerët, të paqartë mbi rregulloren që zbatohet në secilin aeroport, detyrohen shpesh të dorëzojnë bagazhet e dorës në stivë në moment të fundit, me tarifa të kripura.
Tarifat variojnë nga 35 deri në 75 euro për Ryanair, deri në 70 euro për WizzAir, 65 euro për Easyjet dhe deri në 130 euro për fluturimet ndërkombëtare me ITA Airways.
“Kjo është një situatë totale kaosi që mund të rëndojë ndjeshëm mbi xhepat e pasagjerëve,” deklaroi presidenti i Assoutenti-t, Gabriele Melluso.
Ai kërkoi nga autoriteti italian i aviacionit civil, ENAC, që të publikojë një listë të përditësuar të aeroporteve që lejojnë transportin e lëngjeve mbi 100 ml në bagazhet e dorës, për të shmangur surprizat dhe kostot e papritura.
Në mungesë të një standardi të përbashkët në të gjithë BE-në, udhëtarët këshillohen të informohen paraprakisht për rregullat që zbatohen në aeroportin e nisjes dhe të mbërritjes, për të shmangur humbjen e produkteve apo pagesat e shtuara gjatë pushimeve verore./tvklan
Tag: udhëtarët
-
Rregullat e reja për lëngjet në avion rrisin kaosin dhe kostot për udhëtarët
-
Vendet që nuk lejojnë hyrjen e kafshëve shtëpiake pa “pasaportë” dhe çertifikim shëndetësor veterinar
Eksplorimi i botës me një kafshë shtëpiake mund të jetë një përvojë e paharrueshme.Megjithatë, udhëtarët duhet të shqyrtojnë me kujdes rregulloret lokale dhe të huaja përpara se të hipin në avion me kafshët e tyre shtëpiake.Ekzistojnë një sërë rregulloresh dhe kërkesash për dokumentacion, shpesh të quajtura “pasaporta të kafshëve shtëpiake”, kur udhëtojnë në nivel ndërkombëtar, madje edhe brenda SHBA-së, sipas “Travel + Leisure”.
Udhëtimi brenda SHBA-sëUdhëtimi me makinë ose me linjë ajrore përtej kufijve shtetërorë mund të kërkojë dokumentacion shtesë dhe implikime ligjore për kafshët shtëpiake dhe pronarët e tyre.Ndërsa një “pasaportë kafshësh shtëpiake” nuk kërkohet shprehimisht, disa shtete kërkojnë një certifikatë shëndetësore nga një veteriner i licensuar.Udhëtimi me kafshë shtëpiake në Evropë nga SHBA-ja“Udhëtarët që shkojnë nga SHBA-ja në Bashkimitn Evropian me kafshë shtëpiake (si Franca ose Italia) duhet të marrin dokumentacion që verifikon shëndetin e kafshës shtëpiake, duke përfshirë vaksinimin kundër tërbimit dhe sëmundjeve të tjera, së bashku me informacionin e identitetit”, tha Komisioni Evropian.
Për udhëtarët brenda SHBA-së, këto mund të merren përmes veterinerëve të autorizuar.Certifikata duhet të datohet jo më shumë se dhjetë ditë para hyrjes në BE dhe ka një jetëgjatësi prej katër muajsh.Gjithashtu, nevojitet një deklaratë që sqaron se hyrja e kafshës shtëpiake në BE është vetëm për qëllime “jo-komerciale” dhe jo për një arsye tregtare, si shitja te një pronar tjetër.
Udhëtimi me linja ajrore me kafshë shtëpiakeLinjat ajrore kanë politika dhe procedura të dedikuara kur udhëtojnë brenda ose jashtë vendit me një kafshë shtëpiake të çertifikuar.Ato mund të kërkojnë dokumentacion mbi shëndetin, sjelljen dhe trajnimin e kafshës. -
Radhë kilometrike në Qafë Thanë, udhëtarët detyrohet të presin në kufi deri në tri orë
Pika e kalimit kufitar në Qafë Thanë është kthyer sërish në makthin e përvitshëm të verës, me radhë kilometrike për qytetarë dhe turistë që udhëtojnë në të dy anët e kufirit me Maqedoninë e Veriut.
Qindra udhëtarë, përfshirë gra e fëmijë, detyrohen të qëndrojnë për orë të tëra në temperatura mbi 30 gradë Celsius. Në shumë raste, pritja zgjat nga 1 deri në 3 orë.
Shkak kryesor i kësaj situate mbetet pala maqedonase, e cila operon me një numër të kufizuar sportelesh dhe refuzon të aplikojë procedurat e përshpejtuara, të cilat në kushte normale mund të zbatoheshin për të shmangur radhët kilometrike.Gjatë sezonit veror, kjo pikë kufitare regjistron mbi 10 mijë hyrje-dalje në ditë. Problematika më e madhe vërehet në daljen nga Shqipëria drejt Maqedonisë së Veriut.
Dhe në mungesë të një reagimi institucional, drejtuesit e automjeteve zgjedhin të protestojnë në mënyrën e vetme që mund të ndihen – duke rënë borive në mënyrë të vazhdueshme, për të “zgjuar” kontrollorët.
/vizionplus.tv -
Rregulli i ri për të hyrë në BE, prek dhe qytetarët shqiptarë! Kur do të nisë zbatimi?
Foto ilustruese
TIRANË- Bashkimi Europian do të nisë zbatimin e një sistemi të ri të hyrjes dhe daljes, duke nisur që nga data 12 tetor. Bëhet fjalë për qytetarët që nuk janë nga vendet e Unionit, pra duke prekur kështu, edhe qytetarët shqiptarë. Qëllimi i sistemit të ri hyrje/dalje është përforcimi i sigurisë kufitare për të identifikuar udhëtarët që qëndrojnë më gjatë se koha e lejuar në Zonën Shengen. Komisioni Europian ka njoftuar se nga 12 tetori, Shtetet Anëtare të BE-së do të prezantojnë sistemin për një periudhe 6 mujore. Pas kësaj periudhe, sistemi do të vendoset në të gjitha pikat e kalimit kufitar.
Çfarë do të thotë ky sistem për udhëtarët?
Ai do të jetë një sistem regjistrimi për udhëtarët e Mbretërisë së Bashkuar, SHBA-së dhe vendeve të tjera jo anëtare të BE-së, siç është edhe Shqipëria. Rregullat e reja do të prekin shtetasit e vendeve të Ballkanit Perëndimor: Shqipëria, Kosova, Maqedonia e Veriut, Bosnje dhe Hercegovina, Mali i Zi dhe Serbia, të cilët aktualisht gëzojnë regjim pa viza për hyrje të shkurtër në zonge.
Me sistemin e ri, udhëtarët do të duhet të skanojnë pasaportat ose dokumentet e tjera të udhëtimit në një qendër vetëshërbimi sa herë që kalojnë një kufi të jashtëm të BE-së. Sistemi do të regjistrojë emrin e udhëtarit, të dhënat biometrike, si dhe datën dhe vendin e hyrjes dhe daljes. Skanimet e fytyrës dhe të dhënat e gjurmëve të gishtërinjve të marra gjatë regjistrimit të parë ruhen në bazën e të dhënave EES për tre vjet. Kështu, kur hyjne dhe dalin në kufi, udhëtarët do të duhet të japin vetëm një gjurmë gishti ose një foto, të cilat do të krahasohen me të dhënat e ruajtura.
“Bëhet fjalë për një sistem të avancuar teknologjik që do të regjistrojë në mënyrë digjitale hyrjet dhe daljet e shtetasve jo-BE për qëndrime afatshkurtra, duke zëvendësuar vulosjen manuale të pasaportave. Do të mblidhen të dhëna biometrike si gjurmët e gishtave dhe imazhi i fytyrës, si dhe të dhëna të tjera të udhëtimit”, tha Komisioni Europian.
Sistemi i ri do të zëvendësojë vulosjen manuale të pasaportave dhe do të lejojë autoritetet kufitare të kontrollojnë automatikisht kohëzgjatjen e qëndrimit të lejuar për turistët dhe udhëtarët e biznesit. Sistemi do të nisë së zbatuari gradualisht për gjashtë muaj dhe pritet të hyjë në funksionim të plotë në janar të vitit 2026./ZËRI -
Sistemi i ri digjital EES në Shengen, në tetor shtrëngohet kalimi për ata që shkelin qëndrimin 90 ditë
Prej datës 12 tetor, do të nisë zbatimi i sistemit të ri digjital i kufijve të Evropës për shtetasit jashtë BE-së. “Publikimi shënon një hap më afër bërjes së BE-së, destinacionin më të përparuar të udhëtimit në botë”, tha në një deklaratë Henna Virkkunen, Zëvendëspresidente Ekzekutive për Sovranitetin, Sigurinë dhe Demokracinë e Teknologjisë.
Duke bashkëpunuar ngushtë me Shtetet Anëtare dhe sektorin e transportit, ne po krijojmë një kuadër të sigurt, efikas dhe miqësor për udhëtimin që pasqyron angazhimin e Evropës si ndaj sigurisë ashtu edhe ndaj inovacionit teknologjik.”
Sistemi EES po prezantohet për të forcuar sigurinë kufitare dhe për të identifikuar udhëtarët që qëndrojnë më gjatë se koha e lejuar në Zonën Shengen (90 ditë brenda një periudhe 180-ditore).
Sistemi i ri kërkon që pikat kufitare të Evropës të kenë të instaluar infrastrukturë të dedikuar. Qeveria e Mbretërisë së Bashkuar thuhet se i ka siguruar Eurostar, Eurotunnel dhe Portit të Doverit nga 3.5 milionë £ (4.1 milionë €) secili për t’i shpenzuar për kioskat e regjistrimit.
Nga 12 tetori e tutje, shtetet anëtare të BE-së do të fillojnë ta prezantojnë gradualisht EES-në gjatë një periudhe gjashtëmujore, tha Komisioni Evropian në një deklaratë.
Autoritetet kufitare do të regjistrojnë në mënyrë progresive të dhënat e shtetasve të vendeve të treta që kalojnë kufijtë. Në fund të kësaj periudhe, sipas Komisionit, EES do të vendoset plotësisht në të gjitha pikat e kalimit kufitar .
EES do të jetë një sistem regjistrimi për udhëtarët e Mbretërisë së Bashkuar, SHBA- së dhe vendeve të tjera jo-BE.
Udhëtarët do të duhet të skanojnë pasaportat ose dokumentet e tjera të udhëtimit në një kioskë vetëshërbimi sa herë që kalojnë një kufi të jashtëm të BE-së. Kjo nuk do të zbatohet për qytetarët ose banorët e ligjshëm të BE-së ose për ata me viza afatgjata.
Sistemi do të regjistrojë emrin e udhëtarit, të dhënat biometrike, si dhe datën dhe vendin e hyrjes dhe daljes. Skanimet e fytyrës dhe të dhënat e gjurmëve të gishtërinjve të marra gjatë regjistrimit të parë ruhen në bazën e të dhënave EES për tre vjet.
Gjatë kësaj periudhe, udhëtarët do të duhet të japin vetëm një gjurmë gishtash ose një foto në kufi kur hyjnë dhe dalin, të cilat do të krahasohen me të dhënat e ruajtura.
Një nga shqetësimet kryesore për udhëtarët është nëse sistemi i ri do të shkaktojë radhë dhe kohë të gjata pritjeje në kufij .
Kjo për shkak se pasagjerët do të duhet të përdorin teknologjinë e re të skanimit që po instalohet në të gjitha kalimet ndërkombëtare tokësore, detare dhe ajrore në Zonën Shengen .
Komisioni thotë se do të vazhdojë të punojë ngushtë me shtetet anëtare për të siguruar një “zbatim të qetë dhe efektiv të sistemit”.
Ndërsa afrohet data e lançimit, udhëtarët mund të presin fushata informuese dhe aktivitete ndërgjegjësimi në pikat e kalimit kufitar, duke përfshirë aeroportet në të gjithë BE-në, shton ajo.
Sistemi EES do të pasohet nga Sistemi Evropian i Informacionit dhe Autorizimit të Udhëtimit (ETIAS) në fund të vitit 2026, me një periudhë kalimtare prej të paktën gjashtë muajsh, që do të thotë se nuk do të jetë i detyrueshëm deri në vitin 2027.
Kjo do të kërkojë që udhëtarët jo-BE që nuk kanë nevojë për vizë të marrin autorizim përpara se të hyjnë në Zonën Shengen.
gijotina.com/ -
Udhëtarët europianë u drejtohen vendeve më pak të njohura mes shqetësimeve për mbiturizmin
Udhëtarët europianë po planifikojnë gjithnjë e më shumë të shkojnë në destinacione të pazakonta në vend të destinacioneve tradicionale turistike, ndërkohë që mbeten ende brenda kontinentit, sipas një studimi të ri nga Komisioni Europian i Udhëtimeve (ETC).77 për qind e europianëve synojnë të bëjnë të paktën një udhëtim midis qershorit dhe nëntorit të këtij viti, sipas raportit të fundit të ETC.Midis tyre, shumica dërrmuese, 91 për qind, planifikojnë të udhëtojnë brenda kontinentit. Bumi i linjave ajrore me kosto të ulët dhe me distanca të shkurtra, lidhjet dhe rrugët më të mira, si dhe pasiguria e vazhdueshme gjeopolitike jashtë Europës, veçanërisht në Lindjen e Mesme, kanë kontribuar të gjitha në këtë ndryshim.Mesdheu vazhdon të jetë rajoni më popullor, me 13 për qind të udhëtarëve europianë që zgjedhin Spanjën.10 për qind planifikojnë të vizitojnë Italinë, 8 për qind zgjedhin Francën dhe 6 për qind shkojnë në Greqi.Vetëm 8 për qind e turistëve europianë zbuluan se po mendonin të udhëtonin jashtë kontinentit brenda këtyre gjashtë muajve.Studimi anketoi udhëtarë në të gjithë Mbretërinë e Bashkuar, Gjermaninë, Italinë, Holandën, Poloninë, Zvicrën, Belgjikën, Austrinë, Francën dhe Spanjën.Përveç shmangies së qendrave turistike të mbushura me njerëz, një numër në rritje i europianëve gjithashtu duan të udhëtojnë në muajt jashtë sezonit turistik, zakonisht në pranverë dhe vjeshtë, siç është shtatori.Edhe pse muajt e pikut të verës si korriku dhe gushti ende po shohin një kërkesë të fortë, me secilin të zgjedhur nga 25 për qind e udhëtarëve, shtatori renditet pas me 22 për qind.Kjo kryesisht sepse kjo kohë më pak e ngarkuar e vitit sjell më pak turistë, mot më të butë, më shumë fleksibilitet me oraret e punës dhe çmime më të lira për destinacionet kryesore. Në shumë vende, këta muaj ofrojnë qetësi dhe përvojë kulturore për udhëtarët më të vjetër, ndërsa gjithashtu kanë aktivitete aventureske për të tërhequr turistë më të rinj.Europianët më të vjetër duan të udhëtojnë më shumëEuropianët e moshës 55 vjeç e lart përbënin kërkesën më të fortë për udhëtime në muajt e ardhshëm, me 82 për qind që planifikojnë udhëtime, të ndjekur nga afër nga 79 për qind e europianëve të moshës 45-54 vjeç. 78 për qind e atyre të moshës 35-44 vjeç kishin ndërmend të udhëtonin gjithashtu midis qershorit dhe nëntorit të këtij viti.Nga ana tjetër, vetëm 66 për qind e udhëtarëve më të rinj të moshës 18-24 vjeç kishin planifikuar të udhëtonin, kryesisht për shkak të kufizimeve kohore dhe financiare.Megjithatë, pavarësisht paqëndrueshmërisë ekonomike, 62 për qind e europianëve ende kishin ndërmend të vazhdonin të shpenzonin të njëjtën shumë për udhëtime gjatë këtyre gjashtë muajve, me 22 për qind që ka të ngjarë të shpenzonin edhe më shumë. Shumica e europianëve planifikonin të shpenzonin midis 1,500 dhe 2,000 euro për person për udhëtim në këtë periudhë.Shpenzimet e akomodimit kanë tendencë të zënë pjesën më të madhe të buxheteve të udhëtimit, me 32 për qind, me ushqimin dhe pijet që përbëjnë 24 për qind, megjithëse kjo ndryshon në bazë të grupmoshës. Ndërsa udhëtarët mbi 45 vjeç kanë më shumë gjasa të shpenzojnë për ushqim cilësor dhe rehati, ata nën 35 vjeç kërkojnë blerje, aktivitete, përmirësime të stilit të jetesës dhe përvoja mirëqenieje gjatë udhëtimit.Udhëtarët janë më të vetëdijshëm për mbiturizminMe disa destinacione të njohura europiane si Santorini, Roma, Venecia dhe Barcelona që tashmë po përballen me mbiturizëm, gjithnjë e më shumë udhëtarë europianë po bëjnë tani një përpjekje të vetëdijshme për të gjetur vende të fshehura.55 për qind e udhëtarëve po kërkojnë në mënyrë aktive vende të veçanta për udhëtimet e tyre të ardhshme, një rritje nga 48 për qind në pranverën e këtij viti. 11 për qind e udhëtarëve zbuluan gjithashtu se zgjedhja e një vendi më pak të mbushur me njerëz ishte tani përparësia e tyre kryesore.Udhëtimi me makinë pa gjithashtu një rritje të popullaritetit, me 32 përqind të udhëtarëve që e zgjodhën atë për të aksesuar më mirë destinacione të largëta. Megjithatë, udhëtimi ajror ishte ende mënyra më e popullarizuar e transportit, duke përbërë 53 për qind të udhëtarëve, kryesisht për shkak të vlerës ekonomike dhe shpejtësisë. / Euronews Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Rrafshnalta Qinghai-Xizang një magnet i përjetshëm për udhëtarët (FOTO)
I vendosur në Rajonin Autonom Xizang të Kinës Jugperëndimore, Liqeni Namtso konsiderohet nga tibetianët si “liqeni qiellor”. I vendosur në një lartësi prej 4,718 metrash, është liqeni më i lartë me ujë të kripur në botë, shkruan Xinhua.
I njohur për peizazhet e tij mahnitëse, Liqeni Namtso tërhoqi 5.11 milionë turistë vendas dhe ndërkombëtarë midis viteve 2014 dhe 2024.
Rrafshnalta Qinghai-Xizang, e njohur si “poli i tretë i botës”, përfshin rajone të gjera duke përfshirë Xizang dhe provincën Qinghai, krenohet me burime natyrore unike dhe peizazhe madhështore që kanë magjepsur prej kohësh udhëtarët globalë.default
default
Në gjysmën e parë të këtij viti, Xizang pa 31.28 milionë vizita turistike, 11.67 përqind më shumë se një vit më parë.
Të ardhurat nga turizmi në rajon arritën në total 31.55 miliardë juanë në të njëjtën periudhë, duke shënuar një rritje prej 10.18 për qind nga viti në vit. -
Kufiri i pataksueshëm për bagazhet e udhëtarëve, Doganat sqarojnë limitet e lejuara
Dogana shqiptare sqaroi sot se udhëtarët që hyjnë në Republikën e Shqipërisë përjashtohen nga detyrimet doganore për mallrat në bagazhin personal, nëse këto mallra nuk janë për përdorim tregtar.
Sipas njoftimit të doganave, përjashtimi vlen për mallrat për përdorim vetjak ose si dhurata, me kufijtë e vlerës: 300 euro për udhëtarët në rrugë tokësore; 430 euro për udhëtarët në rrugë ajrore/detare dhe 150 euro për udhëtarët nën 15 vjeç.
Administrata Doganore bën të ditur se nëse kalohen këto kufij ose mallrat janë për qëllime tregtare, është i detyrueshëm deklarimi pranë doganës.
Në raste tejkalimi për mallra jotregtare, zbatohet procedura e Deklarimit të Thjeshtuar. -
Radhë e gjatë në Qafë Botë, grekët vonojnë udhëtarët drejt Shqipërisë
Që prej arrestimit të bujshëm të 14 doganierëve grekë në pikën kufitare të Mavromatit, që ndodhet përballë doganës së Qafë Botës në kufirin Shqipëri–Greqi, qarkullimi në këtë pikë hyrjeje ka pësuar ngarkesa të ndjeshme, duke sjellë radhë të gjata automjetesh çdo ditë.
Zyrtarët e arrestuar, të cilët ishin pjesë e strukturës doganore greke në Mavromati, dyshohet se janë përfshirë në skema të korrupsionit dhe kontrabandës. Pas ndërhyrjes së autoriteteve, ata janë zëvendësuar me punonjës të tjerë të sjellë nga pikat e tjera doganore të Kakavisë dhe Portit të Igumenicës.
Megjithatë, situata nuk është stabilizuar ende. Kontrollet në doganë janë bërë dukshëm më të imtësishme, duke ndikuar në ritmin e përpunimit të mjeteve dhe udhëtarëve. Kjo ka sjellë vonesa të mëdha në kalimin e kufirit, sidomos gjatë orëve të pikut, ku udhëtarët presin për orë të tëra në temperatura të larta verore.
Udhëtarët dhe banorët e zonës shprehen të irrituar nga situata dhe kërkojnë marrjen e masave për normalizimin e qarkullimit, sidomos gjatë sezonit turistik, kur qarkullimi në këtë doganë rritet ndjeshëm.