Lajmidites.com

Tag: udhëheqësi

  • “Do të veprojmë kur ta shohim të arsyeshme”, udhëheqësi i Hezbollahut: Nuk mund të jemi neutral në këtë konflikt

    “Do të veprojmë kur ta shohim të arsyeshme”, udhëheqësi i Hezbollahut: Nuk mund të jemi neutral në këtë konflikt

    Udhëheqësi i Hezbollahut, Naim Qassem, tha se organizata do të “veprojë siç e sheh të arsyeshme” në përgjigje të luftës së vazhdueshme midis mbështetësit të saj kryesor, Iranit, dhe Izraelit.

    Naim Qassem theksoi se Hezbollahu nuk mund të jetë “neutral” në konfliktin midis Izraelit dhe Iranit, duke iu përgjigjur në thelb paralajmërimit të të dërguarit special të SHBA-së për Sirinë, Thomas Barak, i cili më herët sot tha se do të ishte “shumë keq” që lëvizja të përfshihej në konfliktin rajonal.
    Hezbollahu u dobësua ndjeshëm nga konflikti i armatosur me Izraelin vitin e kaluar, gjatë të cilit udhëheqja e saj u shkatërrua, mijëra luftëtarë të saj u vranë, ndërsa fortesat e saj në Libanin jugor dhe periferitë e Bejrutit pësuan dëme të mëdha.

    Top Channel

  • Media iraniane: Udhëheqësi Suprem i Iranit fshihet në një bunker nëntokësor në veri të Teheranit

    Media iraniane: Udhëheqësi Suprem i Iranit fshihet në një bunker nëntokësor në veri të Teheranit

    Udhëheqësi Suprem i Iranit, Ajatollah Ali Khamenei, u zhvendos në një bunker nëntokësor në zonën Lavizan, në verilindje të Teheranit, disa orë pasi Izraeli nisi sulmet e tij ndaj kryeqytetit iranian në orët e para të së premtes së kaluar, raportoi Iran International, duke cituar dy burime të informuara mirë brenda vendit.

    Të gjithë anëtarët e familjes së Khameneit, përfshirë djalin e tij Mojtaba, janë me të, thanë burimet.
    Sipas medias, kjo është e njëjta strehë ku udhëheqësi fetar dhe familja e tij u strehuan gjatë operacioneve të Iranit kundër Izraelit, “Premtimi i Vërtetë 1” dhe “Premtimi i Vërtetë 2” në vitin 2024.

    Të dielën, Izraeli kreu sulmin e parë në qytetin iranian të Mashhadit, i cili është më shumë se 2,300 kilometra larg.
    Një burim diplomatik në Lindjen e Mesme i tha Iran International se sulmi ajror në Mashhad ishte një paralajmërim për udhëheqësin suprem të Iranit se ai nuk është i sigurt askund në vend.
    I njëjti burim diplomatik shtoi se Izraeli mund ta kishte vrarë Khamenein që natën e parë të operacionit, por qeveria izraelite zgjodhi ta linte gjallë, duke i dhënë një shans të fundit për t’u tërhequr dhe për të njoftuar çmontimin e plotë të programit bërthamor  të Iranit.
    Donald Trump i kishte dhënë Khameneit një afat dy-mujor për të rënë dakord për çmontimin e programit të pasurimit të uraniumit, por udhëheqësi suprem injoroi paralajmërimet si amerikane ashtu edhe izraelite.
    Me fillimin e sulmeve ajrore izraelite, kjo “mundësi” po ofrohet përsëri – këtë herë, thonë burimet, për të vlerësuar realisht fuqinë ushtarake të Izraelit dhe për të urdhëruar çmontimin e programit të pasurimit të uraniumit./vizionplus.tv

  • Udhëheqësi suprem i Iranit paralajmëron Izraelin: Do përballet me një ndëshkim të rëndë

    Udhëheqësi suprem i Iranit paralajmëron Izraelin: Do përballet me një ndëshkim të rëndë

    Udhëheqësi Suprem i Iranit, Ajatollah Ali Khamenei, ka paralajmëruar se Izraeli do të përballet me “ndëshkim të rëndë” për sulmet e së premtes.
    Khamenei konfirmoi se një numër komandantësh dhe shkencëtarësh ishin vrarë në sulmet ajrore, të cilat Izraeli tha se goditën objektiva bërthamore, në një deklaratë të lëshuar nga agjencia shtetërore iraniane e mediave, IRNA.
    Khamenei tha se Izraeli kishte kryer një “krim në agim” dhe pretendoi se kishte goditur zonat e banuara.
    “Regjimi duhet të presë një ndëshkim të rëndë.”, theksoi ai.
    “Në sulmet e armikut, një numër komandantësh dhe shkencëtarësh u martirizuan. Pasardhësit dhe kolegët e tyre, me vullnetin e Zotit, do të vazhdojnë menjëherë detyrat e tyre pa ndërprerje”

    “Me këtë krim, regjimi sionist i ka përgatitur vetes një fat të hidhur dhe të dhimbshëm – dhe me siguri do ta marrë atë.”, shtoi udhëheqësi.

  • Udhëheqësi suprem i Iranit: Izraeli duhet të presë ‘ndëshkim të rëndë’

    Udhëheqësi suprem i Iranit: Izraeli duhet të presë ‘ndëshkim të rëndë’

    Udhëheqësi Suprem i Iranit, Ajatollah Ali Khamenei, ka paralajmëruar se Izraeli do të përballet me “ndëshkim të rëndë” pas sulmeve.

    Khamenei konfirmoi se një numër komandantësh dhe shkencëtarësh ishin vrarë në sulmet ajrore, të cilat Izraeli tha se goditën objektiva bërthamore, në një deklaratë të lëshuar nga agjencia shtetërore iraniane e mediave, IRNA.
    Khamenei tha se Izraeli kishte kryer një “krim në agim” dhe pretendoi se kishte goditur zonat e banuara.

    “Në sulmet e armikut, një numër komandantësh dhe shkencëtarësh u martirizuan. Pasardhësit dhe kolegët e tyre, me vullnetin e Zotit, do të vazhdojnë menjëherë detyrat e tyre pa ndërprerje”, tha ai.

    “Me këtë krim, regjimi sionist i ka përgatitur vetes një fat të hidhur dhe të dhimbshëm – dhe me siguri do ta marrë atë.”

  • Udhëheqësi suprem i Iranit kritikon propozimin bërthamor të SHBA-së: Do të vazhdojmë të pasurojmë uraniumin

    Udhëheqësi suprem i Iranit kritikon propozimin bërthamor të SHBA-së: Do të vazhdojmë të pasurojmë uraniumin

    Udhëheqësi suprem i Iranit ka denoncuar një propozim të Shteteve të Bashkuara që synon të frenojë përpjekjet bërthamore të Teheranit dhe kërkoi që vendi i tij të ruajë pavarësinë, mes raporteve se Uashingtoni po ofron të përfshihet në programin bërthamor të Teheranit.

    Pavarësisht disa raundeve bisedimesh midis dy palëve për të arritur një marrëveshje të re bërthamore, mbeten pika të rëndësishme ngërçi, me Iranin që këmbëngul në të drejtën e tij për pasurim bërthamor.
    “Fjala e parë e SHBA-së është se Irani nuk duhet të ketë një industri bërthamore dhe duhet të mbështetet te Shtetet e Bashkuara. Përgjigja jonë ndaj absurditetit të SHBA-së është e qartë: ata nuk mund të bëjnë asgjë në këtë çështje”, tha Ajatollah Ali Khamenei.
    SHBA-të i propozuan Iranit një marrëveshje bërthamore të shtunën. CNN raporton se përmes kësaj marrëveshjeje SHBA-të mund të investojnë në programin civil të energjisë bërthamore të Iranit dhe të bashkohen me një konsorcium (grup shoqërish) që do të mbikëqyrë pasurimin e uraniumit me nivel të ulët brenda Iranit për një kohë të pacaktuar.
    Presidenti i SHBA-së, Donald Trump, tha të hënën, në dukje në kundërshtim me atë që iu propozua Iranit, se marrëveshja nuk do të lejojë pasurimin e uraniumit.
    Irani dhe SHBA-të përfunduan një raund të pestë bisedimesh bërthamore me rreziqe të larta në Romë më 23 maj, mes skepticizmit në rritje në Teheran në lidhje me shanset për një marrëveshje. Pas atij raundi diskutimesh, të dyja palët “ranë dakord të takohen përsëri në të ardhmen e afërt”, tha në atë kohë një zyrtar i lartë i administratës amerikane.
     

    Top Channel

  • “Nuk do ketë kurrë grusht shteti”, Koreja e Jugut zgjedh presidentin e ri

    “Nuk do ketë kurrë grusht shteti”, Koreja e Jugut zgjedh presidentin e ri

    Udhëheqësi i opozitës në Koernë e Jugut, Li Xheim Jang u betua si presidenti i ardhshëm i Koresë së Jugut, pas zgjedhjeve dramatike të parakohshme gjashtë muaj pasi udhëheqësi i mëparshëm i vendit shpalli gjendjen e jashtëzakonshme dhe e zhyti kombin në kaos.
    Rezultatet zyrtare treguan se Lee fitoi me gati tre milionë vota përpara rivalit të tij kryesor, Kim Moon-soo të Partisë konservatore të Fuqisë Popullore në pushtet. Kim e pranoi humbjen, duke e përgëzuar Lee-në për fitoren e tij në një fjalim dhe duke thënë se ai “e pranon me përulësi vendimin e popullit“.
    Duke iu drejtuar turmave të mbështetësve në Seul, Lee premtoi të “punojë për të rivendosur ekonominë” që nga dita e parë dhe të sigurojë që nuk do të ketë kurrë një grusht shteti ushtarak.
    Lee u inaugurua menjëherë të mërkurën në mëngjes. Ceremonia ishte e reduktuar, me disa shfaqje të shkurtra muzikore dhe një fjalim nga udhëheqësi i ri – sipas Ministrisë së Brendshme dhe Sigurisë, Lee kishte dashur të mbante një fjalim të thjeshtë dhe “të përqendrohej në çështjet shtetërore menjëherë pas betimit”. Pjesëmarrja në votime arriti në gati 80%, sipas Komisionit Kombëtar Zgjedhor të vendit, duke shënuar pjesëmarrjen më të lartë që nga zgjedhjet e vitit 1997.
    Këto zgjedhje u ndoqën nga afër dhe mund t’u ofrojnë koreano-jugorëve njëfarë stabiliteti politik pas gjysmë viti pasigurie dhe trazirash, ndërsa aleati dhe fuqia ekonomike e SHBA-së po përballonte pasojat e krizës së ligjit ushtarak.
    Kjo vjen gjithashtu në një kohë kur ekonomia e Koresë së Jugut e orientuar drejt eksportit përballet me ngjarje globale si tarifat e Presidentit të SHBA-së Donald Trump dhe një recesion të mundshëm, të gjitha pa një udhëheqës të përhershëm në krye.

  • Trump: E kam paralajmëruar Netanyahun që të mos e sulmojë Iranin

    Trump: E kam paralajmëruar Netanyahun që të mos e sulmojë Iranin

    Presidenti amerikan, Donald Trump, deklaroi se i ka thënë kryeministrit izraelit, Benjamin Netanyahu, që të mos e sulmojë Iranin, teksa udhëheqësi amerikan shprehu optimizëm lidhur me bisedimet bërthamore që administrata e tij po mban me Teheranin.
    Irani tha se po mund ta shqyrtojë mundësinë që të lejojë amerikanët të inspektojnë ndërtesat e saj bërthamore si pjesë e ekipit vëzhgues bërthamor të Kombeve të Bashkuara, nëse arrihet një marrëveshje.
    Trump u pyet nëse gjatë bisedës telefonike që ka zhvilluar me Netanyahun i ka thënë që të mos ndërmarrë asnjë veprim që do të pengonte diplomacinë. Udhëheqësi amerikan u përgjigj: “Të jem i sinqertë, i kam thënë”.

    I pyetur sërish nga gazetarët se çfarë i ka thënë kryeministrit izraelit, Trump u përgjigj: “I thashë se nuk mendoj se është e përshtatshme, po zhvillojmë diskutime shumë të mira me ta”.
    Udhëheqësi amerikan shtoi se “i thashë që nuk do të ishte e përshtatshme ta bënte këtë tani sepse jemi shumë pranë një zgjidhjeje”.
    “Mendoj se ata do të arrijnë një marrëveshje dhe nëse ne arrijmë një marrëveshje do të shpëtohen shumë jetë”.

  • Vdiq Papa Françesku

    Vdiq Papa Françesku

    Papa Françesku, udhëheqësi i parë i Kishës Katolike Romake në Amerikën Latine, ka vdekur, bëri të ditur Vatikani në një deklaratë video të hënën, duke i dhënë fund një mbretërimi shpesh të trazuar të shënuar nga përçarja dhe tensioni.
    Françesku ishte 88 vjeçar dhe së fundmi i kishte mbijetuar një periudhe të rëndë të pneumonisë së dyfishtë, raporton Reuters, përcjell Insajderi.
    “Të dashur vëllezër dhe motra, me pikëllim të thellë duhet të njoftoj vdekjen e Atit tonë të Shenjtë Françesku”, njoftoi kardinali Kevin Farrell në kanalin televiziv të Vatikanit.
    “Në orën 7:35 të mëngjesit të sotëm, peshkopi i Romës, Françesku, u kthye në shtëpinë e Atit”

    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

  • Udhëheqësi i opozitës së Koresë së Jugut shpall ofertën presidenciale

    Udhëheqësi i opozitës së Koresë së Jugut shpall ofertën presidenciale

    Udhëheqësi i opozitës koreano-jugore Lee Jae-myung njoftoi të enjten ofertën e tij për presidencën, duke u zotuar të trajtojë pabarazinë ekonomike dhe të stimulojë rritjen.

    Lee dha dorëheqjen të mërkurën nga kryesimi i Partisë së tij Demokratike (PD) për të kandiduar për president në zgjedhjet e planifikuara për 3 qershor, të cilat u shkaktuan nga rrëzimi i ish-presidentit Yoon Suk Yeol për shkak të deklaratës së tij jetëshkurtër të ligjit ushtarak në dhjetor.

    Në një video të publikuar të enjten, Lee, i cili është kryesuesi në sondazhet për të qenë udhëheqësi i ardhshëm i vendit, u zotua të rregullojë polarizimin ekonomik që ai tha se ishte një burim kyç i konfliktit social, i cili ai mendonte se kishte përkeqësuar trazirat e fundit politike në vend pas shpalljes së ligjit ushtarak të Yoon.

    Duke e konsideruar veten një pragmatist, ai tha se do të nxiste investime në shkallë të gjerë në nivel qeveritar në zhvillimin e teknologjisë dhe talenteve për të ringjallur rritjen ekonomike.

    Lee u zgjodh kryetar i PD-së pasi humbi garën presidenciale me një diferencë të vogël ndaj Yoon në 2022. Ai e udhëhoqi partinë e tij drejt një fitoreje dërrmuese në zgjedhjet parlamentare në prill të vitit të kaluar./ AA.

  • Vietnami “nën mëshirën” e Trump, udhëheqësi vietnamez i kërkon presidentit të shtyjë tarifat për 45 ditë

    Vietnami “nën mëshirën” e Trump, udhëheqësi vietnamez i kërkon presidentit të shtyjë tarifat për 45 ditë

    Udhëheqësi më i lartë i Vietnamit, To Lam, i ka kërkuar presidentitamerikan, Donald Trump që të shtyjë tarifat e reja mbi eksportet vietnameze në SHBA me “të paktën 45 ditë”, sipas AFP dhe New York Times.

    Trump ka vendosur një tarifë prej 46% për mallrat vietnameze që hyjnë në SHBA, tarifa e gjashtë më e lartë e shpallur të mërkurën.
    Në një letër, To Lam i kërkon Trump të caktojë një përfaqësues për të punuar me zëvendëskryeministrin e Vietnamit, Ho Duc Phoc, për zgjidhjen e çështjes.
    Ai gjithashtu thotë se shpreson të takohet personalisht me Trump në Uashington në fund të majit.

    Top Channel