Federata e Futbollit do të organizojë një turne miqësor triangolar U-19, ku do të marrin pjesë Shqipëria, Moldavia dhe Kosova. Turneu do të nisë më 4 shtator dhe do të përfundojë më 8 shtator. Të gjitha ndeshjet do të luhen në “Shtëpinë e Futbollit”.
Ndeshja hapëse e turneut është Shqipëri U-19 – Moldavi U-19, e cila do të luhet më 4 shtator, në orën 17:00.
Më 6 shtator është programuar takimi Moldavi U-19 – Kosovë U-19, që do të zhvillohet në orën 10:30.
Ndeshja e tretë dhe e fundit, Shqipëri U-19 – Kosovë U-19, do të luhet më 8 shtator, në orën 10:30.
Ky turne shërben si përgatitje për kualifikueset e Kampionatit Europian 2026. Shqipëria U-19 është pjesë e Grupit 5, së bashku me Ukrainën, Malin e Zi dhe Sllovakinë. Ndeshjet e këtij mini-turneu do të organizohen nga FSHF më 12, 15 dhe 18 nëntor.
Tag: turne
-
FSHF organizon në shtator turne miqësor triangolar U-19, marrin pjesë Shqipëria, Kosova & Moldavia
-
“Fajin e kanë lojtarët! Duan paga të larta dhe na detyrojnë të shtojmë ndeshjet”
12 Gusht 2025
16:04
Telesport
Karl-Heinz Rummenigge ka bërë thirrje publike që gjermanët të mos ankohen kaq shumë për Botërorin e klubeve që u zhvillua në SHBA. Mediat gjermane, ashtu si shumë lojtarë dhe trajnerë, kanë kritikuar ngjeshjen e kalendarit futbollistik, por legjenda e futbollit gjerman mendon ndryshe.
“Po të isha lojtar, do të shkoja me gjithë qejf në këtë turne. Po, ka më shumë ndeshje, por është turne që luhet një herë në katër vite. Nuk u surprizova që ne gjermanët ishim kampionët e kritikës botërore, gjithsesi”.
“Lojtarët ankohen për mbingarkesë, por janë ata, bashkë me agjentët, që kanë krijuar këtë situatë. Ata kërkojnë paga marramendëse dhe detyrojnë klubet të krijojnë turne shtesë. Kur vjen puna për të negociuar ulje page, refuzojnë”. -
Chat GPT i jep një mësim Grok-ut të Elon Musk
OpenAI, krijuesi i ChatGPT-së, ka mundur Grok-un e Elon Musk-ut në finalen e një turneu për të shpallur lojtarin më të mirë të shahut me inteligjencë artificiale (IA).
Historikisht, kompanitë teknologjike shpesh kanë përdorur shahun për të vlerësuar përparimin dhe aftësitë e një kompjuteri, me makinat moderne të shahut që janë pothuajse të pamposhtura edhe ndaj lojtarëve më të mirë njerëzorë.
Por kjo garë nuk përfshinte kompjutera të projektuar posaçërisht për shah. Në vend të kësaj, u zhvillua midis programeve të IA-së të dizajnuara për përdorim të përditshëm.
Modeli o3 i OpenAI-së doli i paprekur në turne dhe mundi modelin Grok 4 të xAI në finalë, duke i hedhur benzinë zjarrit të rivalitetit në vazhdim mes dy kompanive.
Musk dhe Sam Altman, të dy bashkëthemelues të OpenAI-së, pretendojnë se modelet e tyre më të fundit janë më të mençurat në botë.
Modeli Gemini i Google-it mori vendin e tretë në turne, pasi mundi një model tjetër të OpenAI-së.
Por këto IA, edhe pse të talentuara në shumë detyra të përditshme, ende po përmirësohen në shah, me Grok që bëri disa gabime gjatë ndeshjeve të fundit, duke humbur vazhdimisht mbretëreshën e tij.
“Deri në gjysmëfinale, dukej se asgjë nuk do ta ndalonte Grok 4 në rrugën e tij drejt fitores,” tha Pedro Pinhata, një shkrimtar për Chess.com, në mbulimin e tij.
“Megjithë disa momente dobësie, IA e X-it dukej të ishte larg si lojtari më i fuqishëm i shahut… Por ky iluzion u shkatërrua në ditën e fundit të turneut.”
Ai tha se loja “e papërfillshme” dhe “gabimet e shumta” të Grok-ut i dhanë mundësi modelit o3 të Open AI të fitonte në mënyrë bindëse radhazi.
“Grok bëri shumë gabime në këto ndeshje, por OpenAI-ja nuk bëri,” tha mjeshtri i madh i shahut, Hikaru Nakamura, gjatë transmetimit të tij drejtpërdrejt në finalen.
Para finales së së enjtes, Musk kishte thënë në një postim në X se suksesi i mëparshëm i xAI-së në turne ishte një “efekt anësor” dhe se ata “nuk kishin shpenzuar pothuajse aspak përpjekje për shah”.
Pse IA po luan shah?Turneu i shahut me IA u zhvillua në platformën Kaggle, e cila i përket Google, që u mundëson shkencëtarëve të të dhënave të vlerësojnë sistemet e tyre përmes garave.
Tetë modele të mëdha gjuhësore nga Anthropic, Google, OpenAI, xAI, si dhe zhvillues kinezë si DeepSeek dhe Moonshot AI, u përballën në një turne tre-ditor në Kaggle.
Zhvilluesit e IA-së përdorin teste të njohura si benchmark për të shqyrtuar aftësitë e modeleve në fusha të ndryshme si arsyetimi ose kodimi.
Si lojëra komplekse me rregulla të bazuara në strategji, shah dhe Go janë përdorur shpesh për të vlerësuar aftësinë e një modeli për të mësuar se si të arrijë më mirë një rezultat të caktuar, në këtë rast, të mposhtë kundërshtarët për të fituar.
AlphaGo, një program kompjuterik i zhvilluar nga laborator AI i Google DeepMind për të luajtur lojën kineze strategjike me dy lojtarë Go, arriti një seri fitore ndaj kampionëve njerëzorë të Go në fund të viteve 2010.
Mjeshtri korean-jugor i Go-së, Lee Se-dol, u tërhoq nga gara pas disa disfatesh nga AlphaGo në vitin 2019.
“Ekziston një entitet që nuk mund të mposhtet,” i tha ai agjencisë së lajmeve Yonhap.
Sir Demis Hassabis, një nga bashkëthemeluesit e DeepMind, është vetë një mjeshtër i shahut.
Ndërkohë, në fund të viteve 1990, kampionët e shahut u përballën me kompjutera të fuqishëm.Fitorja e Deep Blue ishte një moment i rëndësishëm për të treguar fuqinë e kompjuterëve në përputhje me disa aftësi njerëzore./lapsi.al
-
Dukagjin Lipa për Duan: “Kur jemi në turne, nuk pi as cigare, as alkool”
Dukagjin Lipa, muzikant i njohur dhe babai i këngëtares me famë botërore Dua Lipa, ka reaguar për herë të parë lidhur me fotografinë që qarkulloi gjerësisht në rrjete sociale, ku vajza e tij shihet duke pirë cigare gjatë pushimeve.
I ftuar në emisionin “Pushime On Top”, Lipa u pyet drejtpërdrejt nëse e shqetëson kjo sjellje e vajzës së tij dhe nëse ai e konsideron të përshtatshme për një figurë publike, përcjellë KultPlus.
“Dua nuk e pinë cigaren para koncertit. As alkool nuk pinë, as cigare nuk pinë – kur jemi në turne nuk pinë. Kur është në pushim, pi”, u shpreh ai me sinqeritet.
Ai shtoi se nuk e sheh të udhës të paragjykohet një artiste për zgjedhje personale, veçanërisht kur bëhet fjalë për një person të rritur dhe të suksesshëm si Dua.
“Nuk e besoj që në shekullin 21 ka rëndësi nëse je shqiptar apo amerikan. Nëse vajza jote i ka 29-30 vjet, çfarë të drejte ke t’i thuash ‘pi’ ose ‘mos pi’?”, theksoi ai.
Kjo deklaratë vjen pas një vale reagimesh në rrjete sociale, ku fansa të ndryshëm shprehën habi apo pakënaqësi për fotot e Duas me cigare, të realizuara në mes të pushimeve që ajo po shijon ndërkohë që ndodhet në një turne botëror./KultPlus.com
-
Rihanna rikthehet në skenë – turne botëror dhe album i ri në 2026
Rihanna është gati për një rikthim në muzikë dhe planifikon të nisë një turne të ri në vitin 2026, pas anulimit të disa datave të mundshme këtë verë në Londër.Këngëtarja 37-vjeçare, e cila është në pritje të fëmijës së saj të tretë me ASAP Rocky, kishte planifikuar një seri koncertesh në stadiumin e West Ham në korrik, por planet u pezulluan në moment të fundit.Sipas burimeve për The Sun, turneu i ri do të përkojë me 10-vjetorin e albumit të saj të fundit, Anti, dhe pritet të shoqërohet me muzikë të re, shkruan DailyMail.
“Rihanna dhe ekipi i saj janë të bindur se mund ta realizojnë vitin e ardhshëm”, tha një burim për median britanike.Ylli i hitit “Umbrella” ka konfirmuar se albumi i saj i nëntë është në përgatitje dhe se do të sjellë diçka që “do ta justifikojë pritjen”.Ajo foli së fundmi për mëmësinë dhe rolin e saj në filmin e ri të animuar Smurfs, ku i bashkohen dy djemtë e saj, RZA dhe Riot, në tapetin e kuq.
Rihanna përjetoi edhe një moment të vështirë kohët e fundit, pas ndarjes nga jeta të babait të saj në Barbados, në moshën 70-vjeçare.Pavarësisht dhimbjes, këngëtarja vazhdon të jetë aktive dhe e përkushtuar ndaj projekteve të reja muzikore dhe jetës familjare. /KultPlus.com
-
Fëmijët e Luginës nuk janë të harruar, FSHF organizon një turne futbolli në Preshevë
Është e vështirë të jetosh në një territor që një ditë quhet shqiptar, e ditën tjetër serb. Është e vështirë që një ditë të zgjohesh dhe nëna të të thotë mirëmëngjes dhe kur del në rrugë dikush të përshëndet në serbisht. Është e vështirë të shkosh në shkollë dhe të mësosh në një gjuhë që nuk është vetëm e jotja, kur në fakt dëshiron të mësosh vetëm abetaren shqipe. Është e vështirë të jetosh në Luginë në shumë drejtime. Fëmijët e Luginës shpesh ndihen të lënë pas dore, madje edhe të përdorur për interesa politike. Rriten me ndjenjën se askush nuk mendon për ta. Por kjo nuk është e vërtetë. Iniciativa e fundit e FSHF-së për të organizuar një turne futbolli në Luginë, tregon se sa shumë e duam njëri-tjetrin ne shqiptarët.
Pavarësisht se ku jetojmë. Sipas informacioneve zyrtare, FSHF do të financojë mbi 20 mijë euro për këtë aktivitet, që përfshin jo vetëm mbulimin e të gjitha shpenzimeve organizative, por edhe sigurimin e bazës materiale për të gjithë fëmijët pjesëmarrës , si nga Lugina ashtu edhe nga diaspora. Një nismë e jashtëzakonshme që meriton duartrokitje. Jo vetëm për organizimin e një turneu futbollistik, por mbi të gjitha për mesazhin që u jep këtyre fëmijëve. Ata janë të rëndësishëm dhe mund të shpresojnë realisht që ëndrra e tyre një ditë mund të bëhet realitet. Një ditë ata mund të jenë “Gjimshitët” e Kombëtares shqiptare. FSHF nuk është thjesht një institucion. Është një urë që lidh shqiptarët, kudo që ndodhen. /Sport Ekspres/
-
Divizioni B i Europianit U-20 për djem: Vetëm humbje, kombëtarja kuqezi renditet e fundit
Në Yerevan të Armenisë u zhvilluan ndeshjet e Divizionit B të Kampionatit Europian U-20, turne ku u përfaqësua edhe vendi ynë. Shqipëria e drejtuar nga trajneri Besim Dervishaj u klasifikua në vendin e 21-të, atë të fundit.
Djemtë kuqezinj zhvilluan gjithsej 6 ndeshje në këtë turne, duke i humbur të gjitha. Në Grupin D, Shqipëria u mund nga Hungaria, Turqia, Kosova dhe Suedia, duke pësuar humbje kryesisht me mbi 40 pikë.
Më pas, kombëtarja shqiptare luajti për vendet 17-21, duke pësuar edhe dy humbje të tjera, ndaj Gjeorgjisë dhe Maqedonisë së Veriut. Pra, një turne ku mungoi fitorja, çka mund të konsiderohet një zhgënjim i madh për kombëtaren.
Rezultatet e kombëtares
Grupi D, Shqipëri – Hungari, 53-91
Grupi D, Shqipëri – Turqi, 43-91
Grupi D, Shqipëri – Kosovë, 57-78
Grupi D, Shqipëri – Suedi, 45-94
Vendet 17/21,
Shqipëri – Gjeorgji, 83-98
Shqipëri – Maqedoni e Veriut, 74-84 -
Ish-ylli i Serie A: “Kupa e Botës për Klube është një farsë”
Një tjetër zë në botën e futbollit po ngrihet kundër turneut të ri të promovuar nga FIFA.
Sezoni shumë i gjatë 2024/2025 po i afrohet fundit, me Kupën e Botës për Klube që tani është në fazën e tij të fundit. Një turne që ka gjeneruar diskutime të konsiderueshme nga shumë perspektiva.
Debati është zhvilluar jo vetëm për spektaklin sportiv, por edhe për çështje të shumta të lidhura ngushtë.
Dhe siç e dimë, disa figura kyçe në botën e futbollit kanë shprehur mendime negative rreth ngjarjes, rreth asaj që do të thotë për lojtarët e detyruar të marrin përsipër angazhime shtesë në fund të një sezoni tashmë të gjatë dhe të mundimshëm, dhe rreth menaxhimit të tij.
Tani vjen një tjetër zë kundër Kupës së Botës, duke e quajtur atë një turne me pak vlerë.
Giuseppe Rossi, në një intervistë të gjatë me ‘Diretta.it’, ishte i qartë në mendimin e tij. Ish-sulmuesi nuk i fshehu ndjenjat e tij.
“Është një turne që nuk më intereson, është një farsë dhe është thjesht biznes”, deklaroi ai. “Nuk është mirë për futbollin. Shëndeti i lojtarëve vihet në rrezik, ka dëmtime të vazhdueshme. Është më mirë që një ndeshje Barcelona-Real Madrid të luhet një herë në vit, jo çdo javë”. -
“Jam i lumtur”, Alonso i kënaqet kualifikimit, buzëqesh edhe Tudor: Turne pozitiv
Botërori i Klubeve ishte një test i fortë për Xabi Alonso-n, por tekniku spanjoll nuk zhgënjen në këto hapa të parë në krye të Real Madrid, arrin të sigurojë një biletë për në fazën çerekfinale, për më tepër pa yllin e këtij ekipi, Kylian Mbappe, me këtë të fundit që zhvilloi minutat e para kundër Juves. Alonso u shfaq i kënaqur pas takimin kundër “Zonjës së Vjetër”, jo vetëm për faktin që kaluan më tej në këtë turne:
“Jemi të kënaqur me këtë rezultat, me paraqitjen e ekipit dhe për faktin që kaluan këtë turn. Në 15 minutat e para hasëm vështirësi, por më pas morëm masa. Ne e dinim që kundër Juves do të ishte e vështirë, por në fund jam i lumtur. Dyshja Garcia-Mbappe? Gonzao ka instinktin e një sulmuesi, është gjithnjë në momentin e duhur, në vendin e duhur, ka qenë perfekt. Mbappe nuk ishte një 100%, por do të ketë kohë të rikuperohet, për ne ai është shumë i rëndësishëm”, u shpreh Alonso.Me kokën lart largohet Juventus nga ky turne, me trajnerin Igor Tudor që i bëri komplimente djemve për paraqitjen e bërë në Botërorin e Klubeve:
“Më duhet t’i bëj komplimente djemve pasi realizuan planin që kishim. Ata dhanë gjithçka në këto kushte, në fund të ndeshjes 10 prej tyre kërkuan zëvendësim. Dy ndeshjet e fundit, kundër City dhe Real, do të jenë një mësim për të ardhmen. Në tërësi ku ishte një turne pozitiv pasi përballë kishim ekipe të një niveli shumë të lartë, ishte një eksperiencë e bukur për të gjithë. Tani djemtë duhet të pushojnë për t’u rikthyer fort më pas”, theksoi Tudor në konferencën për shtyp.
()
-
Kohët kanë ndryshuar në Shqipëri, turneu i fituar nga AF Klosi
Af Kosi U-13 ka fituar një turne të krijuar në Tiranë, ku ka treguar dhëmbët dhe treguar forcën e saj. Një turne që kanë marrë pjesë pesë ekipe nga Tirana dhe në fund, fitoi Af Klosi.
Ndryshe nga e kaluara kur të rinjtë apo më saktë fëmijët nuk është se kishin shumë mundësi konkurrimi dhe vende ku të masnin forcën e tyre për t’u formuar në moshën e vogël, tani është një tjetër histori.
Më shumë turne, më shumë konkurrencë dhe pas disa vitesh, këta fëmijë do t’i marrin fotografitë e shkrepura nga e kaluara për t’u ulur dhe medituar pak me veten se nga ia kanë nisur dhe se ku kanë mbërritur.
Sa i përket Af Klosit U-13 është krijuar nga Elton Dedolli, me shumë dëshirë dhe pasion, ndërsa dy trajnerët janë Ergys Kola dhe Izmir Gjini, të cilët po përgatisin fëmijët e vegjël ku disa prej tyre pse jo, mund të jenë yjet e së ardhmes. /Sport Ekspres/