Lajmidites.com

Tag: turistik

  • E vërteta e errët e qytetit të ‘BABAGJYSHIT’ që askush nuk e tregon

    E vërteta e errët e qytetit të ‘BABAGJYSHIT’ që askush nuk e tregon

    Në majë të veriut të Finlandës gjendet Rovaniemi, një qytet i vogël në rajonin e Laplandit që sot njihet si “vendlindja zyrtare e Santa Claus”, Babagjyshit të Krishtlindjeve.

    Çdo vit, mijëra vizitorë nga e gjithë bota vijnë këtu për të takuar “Babagjyshin”, për të dërguar letra me dëshira dhe për të ndjerë magjinë e festave. Por historia e këtij vendi është më e thellë dhe më serioze sesa duket në postkartat e Krishtlindjeve.

    Rovaniemi nuk ka qenë gjithmonë një destinacion i famshëm turistik. Në fakt, gjatë Luftës së Dytë Botërore, ky qytet ishte shkatërruar thuajse plotësisht nga forcat ushtarake gjermane. Më shumë se 90% e ndërtesave u dogjën dhe banorët e tij u detyruan të largoheshin. 

    Pas luftës, qyteti u rindërtua sipas një plani urbanistik unik. Rrugët dhe lagjet u konceptuan me formë që ngjante me kokën e një dreri, një simbol i fuqishëm i kulturës laplandeze dhe i Krishtlindjeve. Në vitet 1950, kur Zonja e Parë e SHBA-së, Eleanor Roosevelt, vizitoi zonën, finlandezët ndërtuan një kabinë pranë Rovaniemit e cila u konsiderua si pika turistike në Rrethin Arktik, në një përpjekje për të tërhequr më shumë vizitorë. Kjo ishte një nga momentet e para në historinë që do të lidhte emrin e qytetit me Babagjyshin.

    Në vitin 1985, afër Rovaniemit u hap Santa Claus Village, fshati magjik i Krishtlindjeve, një park argëtimi dhe destinacion turistik që ofronte takime me Babagjyshin, atraksione festive, shërbime postare speciale (ku dërgohen dhe trajtohen qindra mijë letra çdo vit drejtuar Santa Claus-it) dhe eksperience të tjera për familjet dhe udhëtarët. 

    Që nga ajo kohë, Rovaniemi është promovuar si vendi zyrtar ku “banon” Babagjyshi, një vend ku mitet dhe tregimet tradicionale takohen me marketingun modern turistik dhe kulturën popullore.

    Megjithë atmosferën festive, duhet të kuptohet se lidhja e Rovaniemit me Babagjyshin është më shumë një produkt turistik dhe kulturor, sesa një fakt historik objektiv. Legjenda e Santa Claus-it vjen nga figura historike e Saint Nicholas, Myra, një ipeshkëv i shekullit të 4-t që njihej për bamirësinë e tij, dhe me shekuj u shndërrua në imazhin e sotëm të Babagjyshit përmes folklorit dhe kulturës popullore. 

    Pra, Rovaniemi nuk është “shtëpia origjinale” historike e Babagjyshit, por është bërë qendra zyrtare e magjisë së Krishtlindjeve, një vend që simbolizon festën për miliona njerëz në mbarë botën, me një histori reale sfiduese, por edhe një zhvillim të guximshëm turistik dhe kulturor.

  • Shembje në rrugën e Gjinarit, reshjet e shiut kanë dëmtuar rrugën që të lidh me fshatin turistik në Elbasan

    Shembje në rrugën e Gjinarit, reshjet e shiut kanë dëmtuar rrugën që të lidh me fshatin turistik në Elbasan

    Moti i keq i ditëve të fundit shkaktoi një tjetër shembje në rrugën Elbasan Gjinar pranë fshatit Dërstilë.

    Me gjithë kërkesat e vazhdueshme pranë ARRSH askush nuk është kujtuar për atë që cilësohet zona më e bukur turistike e Elbasanit, pjesë e modelit të zhvillimit “100 fshatrat”.
    Edhe pse shumë të familje të zonës janë kthyer nga emigrimi për të investuar në bujtina duke i besuar premtimeve për zhvillim turistik, Gjinari ka mbetur peng i infrastrukturës së shkatërruar rrugore.
    Një aferë korrupsioni bëri që rruga e inauguruar përgjysmë në vitin 2011 shumë shpejt të shkatërrohej dhe tashmë gjendja është e tillë. Edhe pse vetëm 23 km për të arritur në Gjinar tashmë të duhet më shumë se një orë.
    Sikur të mos mjaftonte puna e dobët, mungesa e kanalizimeve që sollën rrëshqitje në shumë zona dhe abuzimi me fondet, tashmë shfrytëzimi nga mjetet e rënda që punojnë në guroret e zonës po e çojnë drejt degradimit total.

    Top Channel

  • Autobusi turistik përplaset me një kamion në Egjipt, duke vrarë të paktën 10 persona

    Autobusi turistik përplaset me një kamion në Egjipt, duke vrarë të paktën 10 persona

    Një autobus turistik u përplas me një kamion në provincën e Detit të Kuq të Egjiptit.

    Në aksident humbën jetën dy persona dhe u plagosën 39 të tjerë.

    Sipas hetimeve paraprake, viktimat përfshijnë 27 rusë, 2 lituanezë, 7 finlandezë dhe 3 egjiptianë (dy shoferë dhe një guidë turistike). Të plagosurit u dërguan në Spitalin Ras Gharib për ndihmë mjekësore.

  • VD- Autobusi turistik që eksploron Tiranën, Rama: Prezaton turistët me historinë, ngjyrat dhe gjallërinë e qytetit

    VD- Autobusi turistik që eksploron Tiranën, Rama: Prezaton turistët me historinë, ngjyrat dhe gjallërinë e qytetit

    autobusi turistik

    TIRANË- Kryeministri Edi Rama ka prezantuar mëngjesin e sotëm autobusin turistik që do të shëtisë vizitorët në rrugët e kryeqytetit. Rama ka publikuar një video në rrjetet sociale, teksa turistët e shumtë që kanë zgjedhur për të vizituar Tiranën dhe shohin dhe njihen me historinë e kryeqytetit përmes udhëtimit panoramik. Rama shkruan se autobusi turistik ofron vizitorëve mundësinë të njohin më afër historinë dhe zhvillimin e qytetit.
    “MIRËMËNGJES dhe me këtë autobus turistik që shëtit vizitorët nëpër rrugët plot jetë të Tiranës, duke u treguar historinë, ngjyrat dhe gjallërinë e qytetit tonë, ju uroj një fundjavë të mbarë”, shkruan Rama krahas videos. 

     

  • Autobusi turistik që eksploron Tiranën, Rama: Prezaton turistët me historinë, ngjyrat dhe gjallërinë e qytetit

    Autobusi turistik që eksploron Tiranën, Rama: Prezaton turistët me historinë, ngjyrat dhe gjallërinë e qytetit

    autobusi turistik

    TIRANË- Kryeministri Edi Rama ka prezantuar mëngjesin e sotëm autobusin turistik që do të shëtisë vizitorët në rrugët e kryeqytetit. Rama ka publikuar një video në rrjetet sociale, teksa turistët e shumtë që kanë zgjedhur për të vizituar Tiranën dhe shohin dhe njihen me historinë e kryeqytetit përmes udhëtimit panoramik. Rama shkruan se autobusi turistik ofron vizitorëve mundësinë të njohin më afër historinë dhe zhvillimin e qytetit.
    “MIRËMËNGJES dhe me këtë autobus turistik që shëtit vizitorët nëpër rrugët plot jetë të Tiranës, duke u treguar historinë, ngjyrat dhe gjallërinë e qytetit tonë, ju uroj një fundjavë të mbarë”, shkruan Rama krahas videos. 

  • Kryeministri Rama prezanton autobusin turistik që shëtit turistët në Tiranë: Qyteti ynë plot jetë dhe ngjyra

    Kryeministri Rama prezanton autobusin turistik që shëtit turistët në Tiranë: Qyteti ynë plot jetë dhe ngjyra

    Kryeministri Edi Rama ka ndarë mëngjesin e sotëm në rrjetet sociale një pamje të re nga kryeqyteti, duke prezantuar autobusin turistik që shëtit vizitorët nëpër rrugët e Tiranës.

    Në një postim në Facebook, Rama ka shkruar:
    “MIRËMËNGJES 😊dhe me këtë autobus turistik që shëtit vizitorët nëpër rrugët plot jetë të Tiranës, duke u treguar historinë, ngjyrat dhe gjallërinë e qytetit tonë, ju uroj një fundjavë të mbarë🫶”

    Autobusi, i cili ndjek një itinerar turistik përmes qendrës dhe zonave historike të Tiranës, u ofron vizitorëve mundësinë të njohin më afër historinë dhe zhvillimin e qytetit nëpërmjet një udhëtimi panoramik.

    Top Channel

  • Sektori i turizmit në krizë për punonjës, duhen 30 mijë persona

    Sektori i turizmit në krizë për punonjës, duhen 30 mijë persona

    Sektori i turizmit po përballet me mungesë serioze të fuqisë punëtore. Sipas Unionit Turistik Shqiptar, industrisë i nevojiten rreth 30 mijë punonjës të rinj, kryesisht në hotelieri, Air B&B, plazhe dhe transport turistik. Për këtë arsye, operatorët kërkojnë thjeshtimin e procedurave për pajisjen me leje qëndrimi të punonjësve të huaj, pasi e konsiderojnë të pamundur mbulimin e kërkesës me punonjës vendas.
    Në takimin e fundit me Ministrinë e Turizmit, drejtuesit e Unionit kanë parashtruar një sërë propozimesh konkrete për përmirësimin e sektorit, përfshirë: Zbatimin ligjor të sigurimeve jashtë sezonit, siç parashikohet në Strategjinë Kombëtare të Turizmit; Ngritjen e linjave të dedikuara të transportit publik drejt destinacioneve bregdetare; Krijimin e një Akademie të Turizmit për rritjen e kapaciteteve profesionale; Rritjen e pjesëmarrjes në panaire ndërkombëtare dhe aktivitete promovuese rajonale.
    Gjatë diskutimit, përfaqësuesit e Unionit i kanë kërkuar Drejtoreshës së Emigracionit që ishte e pranishme në takim, shkurtimin e afateve dhe procedurave burokratike për marrjen e lejeve të qëndrimit nga punëtorët e huaj që vijnë për sezon turistik.Në një reagim në rrjetet sociale, Unioni Turistik Shqiptar i ka bërë publike kërkesat e tij, duke theksuar nevojën për bashkëpunim të ngushtë me Ministrinë e Turizmit në mënyrë që sektori të ruajë ritmin e zhvillimit dhe të garantojë një turizëm cilësor me standarde ndërkombëtare.

  • Rama publikon pamjet e veprës urbane të Casamontit: Shëmbëlltyrë tërheqëse e Durrësit turistik 2030

    Rama publikon pamjet e veprës urbane të Casamontit: Shëmbëlltyrë tërheqëse e Durrësit turistik 2030

    Kryeministri Edi Rama ka publikuar në rrjetin social Facebook pamje nga vepra urbane e arkitektit të mirënjohur Marco Casamonti në Durrës, duke bërë me dije se është drejt përfundimit për ta kthyer këtë qytet bregdetar në një shëmbëlltyre tërheqëse.
    Rama ka dhënë dhe një mesazh drejtuartë gjithë atyre që u përpoqën dhe e sulmuan për të penguar realizimin e kësaj vepre.
    “MIRËMËNGJES dhe me mendimin e kohës së madhe të çuar dëm nga gjithëfarë të varfërish nga mendtë e kokës, që nuk lanë dy gurë bashkë për ta penguar këtë vepër të bukur urbane të arkitektit të mirënjohur Marco Casamonti, e cila tanimë është në detajet e fundit teknike, si një shembëlltyrë tërheqëse e Durrësit Turistik 2030, ju uroj një ditë të mbarë”, shkruan Rama në rrjetin social Facebook.
    Projekti i Casamontit është pjesë e planit të zhvillimit të Durrësit Turistik 2030, që synon transformimin e qytetit në një qendër moderne turistike dhe kulturore.

  • Gjykata e Apelit lë në fuqi impiantet e ujërave të zeza – Unioni Turistik i drejtohet Gjykatës së Lartë

    Gjykata e Apelit lë në fuqi impiantet e ujërave të zeza – Unioni Turistik i drejtohet Gjykatës së Lartë

    Gjykata e Apelit lë në fuqi impiantet e ujërave të zeza – Unioni Turistik Shqiptar i drejtohet Gjykatës së Lartë
    Pas vendimit të Gjykatës së Apelit Administrativ për të lënë në fuqi udhëzimin e Ministrisë së Infrastrukturës dhe Energjitikës që detyron bizneset bregdetare të instalojnë impiante për trajtimin e ujërave të zeza, Unioni Turistik Shqiptar ka njoftuar se do ta çojë çështjen në Gjykatën e Lartë.
     

     
    Kryetari i Unionit, Rrahman Kasa, tha se vendimi është marrë në mbledhjen e strukturave drejtuese të organizatës, duke theksuar se padia do të synojë pezullimin e zbatimit të udhëzimit që sipas tij po vendos barrë të rëndë financiare mbi bizneset turistike.
     
    Ky veprim vjen pas rrëzimit të padisë së paraqitur nga Shoqata Rajonale e Turizmit Aulona (ARTA), Shoqata e Turizmit ATA dhe vetë Unioni Turistik Shqiptar, të cilat kishin kërkuar shfuqizimin e nenit 6 të udhëzimit. Ky nen detyron subjektet ekzistuese apo në ndërtim që të instalojnë impiante trajtimi të ujërave të ndotura, në përputhje me aktin normativ të miratuar më 28 dhjetor 2023.
     
    Udhëzimi, i cili hyri në fuqi më 2 shkurt 2024, përcakton standardet teknike për menaxhimin e ujërave të ndotura në zonat bregdetare, liqenore dhe pranë lumenjve, duke kërkuar zëvendësimin e gropave septike me sisteme moderne të trajtimit të ujërave. Sipas akteve ligjore, bizneset që nuk zbatojnë kërkesat përballen me gjobat nga 1.5 deri në 2.65 milionë lekë.
     
    Gjatë verës 2024, Task-Forca e Agjencisë Kombëtare të Ujësjellës-Kanalizimeve nisi inspektimet dhe vendosi dënime administrative ndaj dhjetëra subjekteve që nuk kishin vendosur impiantet e kërkuara. Vetëm në fazën e parë të procesit gjyqësor, 55 biznese i janë drejtuar gjykatës për pezullimin e gjobave.
     
    Pas përfundimit të procesit në Apel dhe konfirmimit të vlefshmërisë së udhëzimit, zbatimi i masave administrative ka rifilluar ndaj subjekteve që nuk janë në përputhje me ligjin. Unioni Turistik Shqiptar ka bërë të ditur se do të vijojë betejën ligjore për të mbrojtur interesat e operatorëve turistikë, duke kërkuar që çështja të shqyrtohet në Gjykatën e Lartë.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • Pas rrëzimit nga Apeli, Unioni Turistik padi në Gjykatën e Lartë për impiantet e ujërave të zeza

    Pas rrëzimit nga Apeli, Unioni Turistik padi në Gjykatën e Lartë për impiantet e ujërave të zeza

    Unioni Turistik Shqiptar ka njoftuar se do t’i drejtohet me padi Gjykatës së Lartë, ku do të kërkojë pezullimin e zbatimit të udhëzimit të Ministrisë së Infrastrukturës dhe Energjetikës, që u kërkon subjekteve të zonave bregdetare instalimin e impianteve për trajtimin e ujërave të zeza.Kryetari i Unionit Turistik Shqiptar Rrahman Kasa tha se vendimi është marrë në mbledhjen e radhës së Strukturave Drejtuese të Unionit Turistik Shqiptar dhe se depozitimi i padisë në Gjykatën e Lartë, vjen pas vendimmarrjes së Apelit Administrativ për lënien në fuqi të udhëzimit.“U ra dakord që pas rrëzimit të padisë së bërë më parë në Gjykatën e Apelit Administrativ për instalimin e detyruar të impianteve të ujërave të zeza nga biznesi, çështja të ankimohet më tej në Gjykatën e Lartë”, nënvizoi ai.Pas shqyrtimit të çështjes, Gjykata e Apelit Administrativ rreth 1 muaj më parë ka vendosur lënien në fuqi të udhëzimit të ministrisë.Padia për shfuqizimin e udhëzimit “Për miratimin e rregullores teknike mbi standardet për trajtimin e ujërave të ndotura për subjektet që shkarkojnë ujëra të ndotura dhe të patrajtuara pranë ose në ujëra larës” u depozitua pranë Gjykatës së Apelit Administrativ nga Shoqata Rajonale e Turizmit Aulona (ARTA), shoqata e turizmit ATA dhe Unioni Turistik Shqiptar.Nëpërmjet padisë kërkuesit kërkuan shfuqizimin e nenit 6 të udhëzimit që përcakton se “Subjektet që ushtrojnë veprimtari ekzistuese, janë në proces ndërtimi ose kanë aplikuar për leje ndërtimi, në bazë të kapacitetit dhe zgjidhjeve teknike ekzistuese apo që janë planifikuar për t’u zbatuar, të lidhura ose jo me rrjetin publik te kanalizimeve, duhet të instalojnë impiante të trajtimit të ujërave të ndotura sipas përcaktimeve të kategorive shprehur në nenin 2, të Aktit Normativ nr.8, datë 28.12.2023”.Udhëzimi i përbashkët i ministrive të Infrastrukturës dhe Energjisë dhe Turizmit dhe Mjedisit hyri në fuqi më 2 shkurt 2024, pas publikimit në Fletoren Zyrtare më 5 janar 2024 të Aktit Normativ “Për marrjen e masave urgjente, për mbrojtjen dhe përmirësimin e infrastrukturës, për trajtimin e ujërave të  ndotura që shkarkohen pranë ose në ujëra larëse”.Në udhëzim përcaktohen standardet teknike që duhen të ndiqen nga subjektet pranë zonave bregdetare, liqenore dhe lumenjve, për zëvendësimin e gropave skeptike me instalimin e impianteve bashkëkohore për trajtimin e ujërave të ndotura.Sipas udhëzimit të përbashkët bizneseve iu lihej afat deri në fund të muajit mars të instalojnë pajisjet apo sistemet e përcaktuara ose në të  kundërt, siç përcaktohet në Aktin Normativ  nëse Task-Forca, pas kryerjes së monitorimit dhe inspektimit, kur konstaton mosvendosjen e impiantit apo sistemit individual në përputhje me rregullat teknike për trajtimin e ujërave të ndotura, bizneset do të dënohen me gjoba që variojnë nga 1,500,000 lekë deri në 2,650,000 lekë.Pas hyrjes në fuqi të udhëzimit, vjet gjatë muajve të verës një task forcë e Agjencisë Kombëtare së Ujësjellës Kanalizimeve pas nismave sensibilizuese për instalim të impianteve nisi ndaj bizneseve edhe dënimet administrative me gjobë.Penalizmit ndaj strukturave që nuk rezultonin që kishin instaluar impiantet vijuan edhe përgjatë muajit nëntor 2024. Shumë biznese në këtë periudhë ngritën shqetësimin se janë gjobitur me gjoba me vlerë deri në 1,500,000 lekë për mungesën e instalimit të këtyre impianteve.Nga të dhënat të bëra publike në seancën e parë gjyqësore të Apelit Administrativ mësohet se 55 subjekte i ishin drejtuar shkallës së Parë së Gjykatës Administrative për pezullimin e gjobave.Unioni Turistik Shqiptar ka bërë me dije se pas përfundimit të çështjes në Gjyakatën e apelit, ndaj subjekteve që nuk kanë instaluar impiantet ka nisur sërish zbatimi i masave administrative. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.