Lajmidites.com

Tag: turisti

  • E rëndë në Shkodër, turisti i dehur vret gruan dhe më pas qëllon veten

    E rëndë në Shkodër, turisti i dehur vret gruan dhe më pas qëllon veten

    Një vrasje me thikë ka ndodhur paraditen e sotme në lagjen Gjuhadol të qytetit të Shkodrës.
    Një turist i huaj, dyshohet amerikan, ka vrarë me thikë gruan dhe më pas ka plagosur edhe veten. Burri është transportuar në spital.
    Sipas policisë turisti ndodhej në gjendje të dehur kur ka kryer aktin e rëndë.
    Ai ka marrë dëmtime të lehta, në duar, me mjete prerëse.
    Sipas njoftimit zyrtar të policisë, rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.
    Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
    Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.

  • 1 Maji gjen plazhet plot në Durrës, dita e pushimit sjell shumë vizitorë në breg të detit

    1 Maji gjen plazhet plot në Durrës, dita e pushimit sjell shumë vizitorë në breg të detit

    Ndryshe nga simbolika e 1 Majit si Dita Ndërkombëtare e Punëtorëve, në Durrës, kjo ditë është kthyer në një moment çlodhjeje, me plazhet që janë mbushur me pushues vendas dhe turistë të huaj.

    “Jam nga Padova, Itali dhe kam ardhur për pushime me familjen. Po kënaqemi. Hera e parë në Durrës. Më pëlqejnë njerëzit, janë paqësorë dhe miqësorë”, shprehet turisti italian.
    “Jemi nga Belgjika me pushime. U befasuam që këtu është i ndaluar TikTok. Nuk e dinim, po nuk është keq. Duhet një pushim dhe prej tij”, shprehet turisti tjetër.
    “Do të qëndrojmë 5 ditë dhe erdhëm se këtu është lirë. E dëgjuam në TikTok”, kështu shprehet turisti tjetër.
    Turistja nga Argjentina thotë  “Jemi nga Argjentina. Shumë bukur këtu.”
    Edhe shumë qytetarë nga Kosova kanë zgjedhur bregdetin shqiptar për të kaluar këtë ditë pushimi, që përkon edhe me hyrjen në fuqi të marrëveshjes për lëvizjen e lirë mes dy vendeve.
    “Kosovë – Shqipëri nuk ka kufij. Pse me pas kufij?! Nuk ka pas nevojë përveç serbëve që e kanë vënë me dhunë kufirin. Ia ka vlejt kjo marrëveshje dhe lufta në Kosovë”, tha një shtetase kosovare.
    Për shumë familje, kjo ditë është një mundësi për të pushuar, pertej simbolikës që 1 Maji mbart.
    “E shfrytëzuam këtë dhe si ditë pushimi. Normal 1 maji duhet me qenë ditë proteste, por te ne, në Shqipëri dhe Kosovë, është ditë pushimi. Keq, po kjo është e vërteta”, shprehet një tjetër pushuese nga Kosova.
    “Po e shfrytëzojmë 1 majin të kënaqim edhe fëmijët. Më mirë pushim se protest. Të kënaqim fëmijët më shumë se veten”, thotë një qytetare nga Tirana.
    Pavarësisht debatit mes pushimit dhe protestës, Durrësi këtë 1 Maj i ngjante një destinacioni ndërkombëtar, me zëra, ngjyra dhe gjuhë të ndryshme që e kthejnë këtë cep të Adriatikut në një pikë takimi të pushuesve nga e gjithë bota.
     

    Top Channel

  • Filipine, burri ngatërron krokodilin me statujën për selfie, lufton me kafshën për 30 minuta

    Filipine, burri ngatërron krokodilin me statujën për selfie, lufton me kafshën për 30 minuta

    Naiviteti ose injoranca e një turisti pothuajse rezultoi fatale brenda një kopshti zoologjik në Filipine.

    Turisti 29-vjeçar mendoi se vendi më i mirë për një selfie ishte “shtëpia” e një krokodili dhe nuk u ndal te gardhi i sigurisë, por mendoi se do të bënte një fotografi më të mirë duke kërcyer mbi gardh dhe duke u zhytur në ujë.
    Kalimtarët e tmerruar i bërtitën burrit të largohej, ndërsa krokodili i egër femër i quajtur Lalay u vërsul drejt tij, duke i ngulur dhëmbët thellë në dorë dje pasdite.
    Pamjet tregojnë turistin duke qarë nga dhimbja ndërsa grabitqari i shtrëngon nofullat rreth dorës, duke refuzuar ta lërë të shkojë.
    Pastaj filloi të rrotullohej, duke u përpjekur ta gjymtonte atë – një metodë e egër që krokodilët përdorin për të copëtuar prenë e tyre.
    Turisti luftoi për jetën e tij për 30 minuta përpara se kujdestari të rrezikonte jetën e tij duke u ngjitur brenda dhe duke e shpëtuar.
    Trajneri i zvarranikëve thuhet se e ka goditur Lalay-t në kokë, duke e detyruar atë të lirojë kapjen e saj.
    Mjekët i kapën krahun dhe kofshën e lënduar të vizitorit për të ndaluar gjakderdhjen përpara se ta çonin me urgjencë në spital ku iu bë më shumë se 50 qepje.
    Sipas një oficeri të policisë bashkiake, turisti e ngatërroi krokodilin për një të rremë, por askush nuk mundi ta ndalonte përpara se të hidhej mbi gardh.

    Top Channel

  • U ngjit në tempullin Maya, sulmohet nga turma para se të arrestohet turisti gjerman në Meksikë

    U ngjit në tempullin Maya, sulmohet nga turma para se të arrestohet turisti gjerman në Meksikë

    Një turist gjerman dhe një burrë tjetër u arrestuan në Meksikë pasi u ngjitën në piramidën Maya gjatë festimeve katër-ditore të ekuinoksit pranveror

    Një turist gjerman dhe një burrë tjetër u arrestuan në Meksikë pasi u ngjitën në një piramidë gjatë një festimi katër-ditor të ekuinoksit pranveror.
    Tempulli i Kukulcan, i njohur gjithashtu si El Castillo, është një nga strukturat më ikonike në Chichen Itza, në shtetin e Jukatanit. E konsideruar si një nga shtatë mrekullitë moderne të botës, kjo ndërtesë e lashtë besohet se është ndërtuar për të ndihmuar Majat në përpjekjet e tyre astrologjike dhe për t’i bërë homazh perëndisë së gjarprit me krahë, Kukulcán.
    Javën e kaluar, rreth 9,000 turistë u mblodhën në bazën e tempullit antik për të vëzhguar ekuinoksin pranveror dhe për të parë fenomenin ikonik që ndodh çdo vit, sipas agjencisë lokale të lajmeve Mexico News Daily.

    A 38-year-old German tourist violated restrictions at Mexico’s Chichen Itza archaeological complex on Thursday (March 20) by climbing the sacred Mayan pyramid, El Castillo pic.twitter.com/ypK6URee7b
    — Forgotten History (@4biddntruth) March 23, 2025

    Një person që ishte pjesë e festës katër-ditore ishte një turist gjerman 38-vjeçar, emri i të cilit nuk është publikuar, raporton Fox News.
    Në një video të siguruar nga Sky News, turisti shfaqet teksa ngjit shkallët e piramidës për të arritur në një dhomë të brendshme. Megjithatë, para se të futej brenda, ai u arrestua dhe u largua nga zyrtarët nga vendi historik.
    Në mëngjesin pas ngjarjes, turisti shoqërohej nga oficerë të Gardës Kombëtare Meksikane dhe personeli nga Instituti Kombëtar i Antropologjisë dhe Historisë (INAH), kur ai u sulmua nga disa anëtarë të turmës.
    “Nuk ju lejohet të ngjiteni në tempull!” – dëgjohet dikush në video, ndërsa një tjetër e quan ate “idiot”. Disa vëzhgues filluan ta kapnin dhe ta rrihnin turistin, duke pretenduar se ai duhej “sakrifikuar”, sipas traditës së qytetërimit të lashtë Maja.

    Top Channel