Lajmidites.com

Tag: turistët

  • Pamje të rralla në bregdetin e Vlorës, turistët filmojnë një balenë në afërsi të Karaburunit

    Pamje të rralla në bregdetin e Vlorës, turistët filmojnë një balenë në afërsi të Karaburunit

    Një pamje e pazakontë është regjistruar këtë mëngjes në brendësi të gjirit të Vlorës pasi pushues të rastësishëm kanë filmuar një balenë, e cila është parë shumë pranë bregut, në afërsi të gadishullit të Karaburunit.

    Pamjet tregojnë gjigantin e detit duke lëvizur ngadalë pranë zonës ku shpesh zbarkojnë edhe turistë që udhëtojnë me mjete të vogla lundruese.
    Sipas njohësve të faunës detare, shfaqja e një balene në këto ujëra është një ngjarje e rrallë, pasi këto specie zakonisht nuk afrohen kaq pranë brigjeve shqiptare.
    Turistët që e regjistruan këtë moment unik ndodheshin në një nga udhëtimet drejt atraksioneve të njohura të Karaburunit dhe Sazanit, duke e përjetësuar ngjarjen e rrallë në video.

    Top Channel

  • Ramës nuk i del inati me bizneset: Turistët trajtohen si skllevër që mund të hanë edhe shkopin e çadrës në kokë

    Ramës nuk i del inati me bizneset: Turistët trajtohen si skllevër që mund të hanë edhe shkopin e çadrës në kokë

    Kryeministri Edi Rama, gjatë një takimi me të rinj të përfshirë në sipërmarrje në fushën e turizmit në qytetin e Sarandës, është ndalur tek situata në plazhet e jugut, me theks të veçantë tek Ksamilit.
    Ai e cilësoi këtë zonë si një “plazh të dhunuar”, duke vënë në dukje problematika që lidhen me menaxhimin, dendësinë dhe çmimet e vendosura nga operatorët privatë.
    “Po e nis me plazhet e dhunuara. Kjo është fjala e duhur për plazhin e Ksamilit, po marr atë se është një ndër plazhet më të bukur të botës dhe nuk mund të jetë më pre e injorantëve që e shikojnë si një tokë për t’u pushtuar dhe pastaj për t’u sjellë me turistët e vizitorët si të ishin skllevër që mund të hanë edhe shkopin e çadrës në kokë,” -u shpreh Rama.
    Sipas tij, çmimet e larta për shërbime që nuk justifikohen me cilësinë, si dhe mungesa e hapësirës së lirë në bregdet, po ndikojnë negativisht në përvojën e turistëve dhe imazhin e vendit si destinacion turistik.
    “Nuk ka arsye më që plazhi publik i Ksamilit të jetë plazh privat, ku dendësia është e lidhur me stresin, me çmime të cilat vetëm lëndojnë imazhin e turistëve shqiptarë,” – shtoi ai.
    Kryeministri theksoi nevojën për rishikimin e mënyrës së shfrytëzimit të vijës bregdetare dhe për ndërhyrje që synojnë rikthimin e një ekuilibri mes interesit publik dhe veprimtarisë private.

  • Rama nuk kursehet: Shqiptarët janë ndotësit më të mëdhenj, nuk janë turistët

    Rama nuk kursehet: Shqiptarët janë ndotësit më të mëdhenj, nuk janë turistët

    Kryeministri Edi Rama ka folur për problemin e mbetjeve në zonat turistike në vendin tonë. Gjatë fjalës së tij, Rama ka theksuar se ky problem nuk vjen nga asnjë turist i huaj, por nga të gjithë turistët shqipfolës, që vijnë në vendin tonë. Rama në fund shtoi se është detyra e bashkive në vend që të merren me pastrimin e zonave turistike.
    “Turistë jo anglisht frëngjisht folës, por shqipfolës nga Shqipëria, Kosova e Maqedonia e Veriut, ‘shqipe’ që mblidhen për të shijuar Shqipërinë që ndalojnë në pika turistike dhe në të njëjtën kohë shkarkojnë edhe plehrat nga makinat e tyre. Jam i bindur që ndotësit më të mëdhenj janë ulëritësit më të mëdhenj të stadiumit kombëtar, që thyejnë karriget në stadium.
    Ndërkohë trajtimi i mbetjeve është një problem i madh. Qeveria nuk mund të pastrojë Vlorën me gjithë dëshirën duhet ta bëjë bashkia. Por qeveria do angozhet për të bërë trajtimin e mbetjeve në nivel kombëtar, ashtu sikundër kemi folur edhe furnizimin me ujë,” tha Rama.

  • Rama: Ura e Mesit, një ndër atraksionet historike më të frekuentuara nga turistët

    Rama: Ura e Mesit, një ndër atraksionet historike më të frekuentuara nga turistët

    Kryeministri Edi Rama ka ndarë sot pamje nga Ura e Mesit në Shkodër, të cilën e cilëson si një atraksion kulturor për turistët vendas dhe të huaj.

    “Ura e Mesit në Shkodër, një nga atraksionet historike më të frekuentuara nga turistët”, shkruan Rama në rrjetet sociale, duke promovuar trashëgiminë kulturore dhe turizmin në zonë.

    E ndërtuar në shekullin XVIII mbi lumin Kir, ura është një monument i trashëgimisë kulturore dhe një nga destinacionet më të vizituara të veriut të vendit.

    Zona e Postribës (Shkodër) po rritet si një destinacion turistik, ku natyra, historia dhe kultura ndërthuren në mënyrë harmonike, duke ofruar përvoja të paharrueshme për çdo vizitor./atsh/KultPlus.com

  • Mediat e huaja: Shqipëria, sekreti më i ruajtur i Europës për turistët amerikanë

    Mediat e huaja: Shqipëria, sekreti më i ruajtur i Europës për turistët amerikanë

    Edhe pse Shqipëria po përjeton një bum turistësh, ajo mbetet një destinacion relativisht i panjohur për vizitorët nga Shtetet e Bashkuara. Një nga arsyet kryesore është periudha izolacioniste gjatë Luftës së Ftohtë, kur vendi ishte hermetikisht i mbyllur nga regjimi komunist i Enver Hoxhës (1945–1992).

    Turizmi në rritje ka nxitur rreth 11.7 milionë vizitorë në vitin 2024, sipas të dhënave të INSTAT-it. Megjithatë, vetëm 306,000 prej tyre janë amerikanë—shumica e vizitorëve vijnë nga vendet fqinje si Kosova dhe Italia.Shqipëria ofron gjithçka: nga plazhe që rivalizojnë ato greke, malet dhe qytetet historike piktoreske, deri te Tirana e gjallë e plot me atmosferë miqësore — dhe me çmime të përballueshme. Krahasuar me fqinjët, ushqimi në restorante rezulton afërsisht 30 % më i lirë se në Itali dhe 24 % më i lirë se në Greqi.

    Pas vitit 1992, Shqipëria nisi një rrugëtim drejt modernizimit—duke synuar anëtarësimin në BE dhe me turizmin si një nga shtyllat bazë të zhvillimit. Sot, 1 në 5 vende pune varet nga ky sektor.

    Atmosfera pozitive për turistët amerikanë është gjithashtu ndihmuar nga popullariteti i gjuhës angleze te të rinjtë, tabela rrugore në anglisht dhe mikpritja tradicionale—sidomos për shkak të lidhjes së fortë historike dhe mbështetjes së NATO-s gjatë luftërave të viteve ’90./oranews/

  • Turistët preferojnë Tiranën edhe në vjeshtë/ Zyra e turizmit: Prenotimet janë të larta

    Turistët preferojnë Tiranën edhe në vjeshtë/ Zyra e turizmit: Prenotimet janë të larta

    Edhe pse jemi në ditët e para të vjeshtës, nëpër rrugët dhe sheshet e Tiranës shohim vizitorë të shumtë.

    Prenotimet për paketat e vjeshtës janë tepër të larta, si për grupet e organizuara, po ashtu edhe për ato individuale, për shkak edhe të eventeve të shumta.

    “Para disa ditësh ka qenë një nga agjencitë e ndryshme të cilat sjellin dhe kanë ekipet e tyre për shtator, tetor, nëntor dhe kanë full njëkohësisht të gjitha paketat e Tiranës dhe rrethinat e Tiranës. Këtë periudhë turistët izraelitë për shembull dhe turistët belg që vijnë për herë të parë në një masivitet. Kanë zgjedhur shtator e tetor se ka shumë evente. Evente sportive dhe kulturore janë një ndër faktorët kryesorë që turistët kanë filluar të frekuentojnë Tiranën enkas këtë periudhë”, u shpreh Alma Hoti nga Zyra e Turizmit, Bashkia Tiranë.

    Një trend gjithnjë e në rritje është edhe numri i grupmoshave të reja që zgjedhin të vizitojnë kryeqytetin shqiptar.

    “Këtë sezon po themi që mosha 30 – 50, ka qenë shumë e preferuar, e kanë frekuentuar shumë më tepër Tiranën, se më përpara mendonim se ishte një turist i kësaj grupmoshe që zgjedh Shqipërinë si një vend për kuriozitetin të një vendi të diktaturës, apo të një vendi jo shumë të rrëmujshëm. Tani ka ardhur ky kontigjent që edhe është konsumator e i jep një tjetër dinamikë kryeqytetit. Opinioni si një vend i qetë, pa problematika, kur kënaqesh çdo orë të ditës dhe gjen gjëra për të bërë e ka bërë këtë që në të gjitha format, çdo lloj turisti ta gjejë veten në komfort zonë”, shtoi Hoti.

    Çmimet konkurruese krahasuar me metropolet europiane, pozita gjeografike, por dhe siguria e komoditeti që u ofron turistëve, bëjnë që Tirana të ketë turizëm gjithëvjetor. Klan News

  • Mijëra valixhe të braktisura si simptomë e turizmit të tepërt: Pse turistët i lënë ato në aeroporte?

    Mijëra valixhe të braktisura si simptomë e turizmit të tepërt: Pse turistët i lënë ato në aeroporte?

    Valixhet e braktisura janë shndërruar në një problem të ri social në Japoni, vend që vitin e kaluar u vizitua nga plot 38 milionë turistë të huaj. Politika e liberalizimit të vizave, dobësimi i yen-it që e bën qëndrimin më të lirë për turistët me euro dhe dollarë, si dhe promovimi ndërkombëtar i vendit përmes ngjarjeve të mëdha si Olimpiadat dhe Ekspozitat Botërore, kanë sjellë një vërshim të madh vizitorësh. Megjithatë, ky bollëk i turistëve nuk ka sjellë vetëm rritje të çmimeve të akomodimit, mbingarkesë të transportit dhe presion mbi infrastrukturën, por edhe fenomene të pazakonta si grumbullimi i valixheve të hedhura në aeroporte, stacione treni, hotele dhe madje edhe në rrugë.

    Në Aeroportin e Naritës, që i shërben Tokios, në vitin fiskal 2024 u gjetën 1,073 valixhe të braktisura, një shifër dukshëm më e lartë se në vitin 2019 kur u numëruan vetëm 479. Në Osakë, qytet që do të presë Ekspozitën Botërore 2025, rreth 80% e hotelierëve të pyetur nga një organizatë turistike lokale raportuan se përballen rregullisht me këtë problem. Hoteli “Best Western Fine”, me 161 dhoma, deklaroi se stafi i tij gjen çdo ditë tre deri në katër valixhe të braktisura nga vizitorët.

    Arsyeja kryesore pse turistët i lënë pas valixhet e tyre lidhet me faktin se yen-i i dobët e ka bërë shumë të leverdishme blerjen e valixheve të reja në Japoni, shpesh për vetëm disa dhjetëra euro. Vizitorët, pasi blejnë suvenire dhe rroba, zgjedhin të ndërrojnë valixhet e vjetra e më të vogla me të reja dhe më të mëdha. Por ndarja nga bagazhet e vjetra nuk është aq e thjeshtë: sistemi i menaxhimit të mbeturinave në Japoni është i rreptë dhe kërkon pagesë për mbeturina të rënda apo me përbërës metalikë. Për shembull, hoteli i lartpërmendur në Osakë harxhoi 2,000 dollarë vitin e kaluar vetëm për të hequr qafe valixhet e mbetura.

    Për më tepër, çdo bagazh i braktisur në aeroporte, stacione apo dyqane duhet të inspektohet nga policia për të siguruar se nuk përmban mjete shpërthyese apo substanca të rrezikshme, çka e shndërron fenomenin në një çështje sigurie publike. Sistemi i ndërlikuar e bën pothuajse të pamundur që turistët të respektojnë procedurat, pasi në qytetet japoneze nuk ka kontejnerë të zakonshëm në rrugë dhe mbeturinat mund të hidhen vetëm në ditë e vende të caktuara, shpesh duke kërkuar kupona paraprakë.

    Kjo situatë ka bërë që valixhet e braktisura të jenë një shqetësim i përditshëm për hotelet dhe aeroportet, por edhe një burim kritikash ndaj turistëve nga qytetarët vendas, të cilët janë mësuar që në fëmijëri të respektojnë rregulla të rrepta për menaxhimin e mbeturinave. Për japonezët, valixhet e lëna në rrugë apo hapësira publike përbëjnë jo vetëm shkelje të normave të sjelljes, por edhe rrezik të mundshëm për sigurinë. Në mungesë të alternativave të thjeshta për asgjësimin e tyre, fenomeni i valixheve të braktisura pritet të mbetet një sfidë e vazhdueshme e turizmit masiv në Japoni.

  • SYRI TV/ Ngec rritja e turizmit në Shqipëri, Instat: Për 7 muaj rritja modeste me 3.5%

    SYRI TV/ Ngec rritja e turizmit në Shqipëri, Instat: Për 7 muaj rritja modeste me 3.5%

    Ngec turizmi në Shqipëri. Në muajin korrik, sipas INSTAT, kanë hyrë 1.82 milion shtetas të huaj, me një rritje modeste 0.4% në krahasim me një vit më parë.

    Ndërkohë, përgjatë 7 muajve të parë të vitit, në vend kanë hyrë 6.58 milion, një rritje prej 3.5%, kur në vitin e kaluar në të njëjtën periudhë rritja ishte 23%. Braktisja e turizmit shqiptar nga turistët e huaj vjen si pasojë e rritjes së çmimeve në jug të vendit, duke zbehur imazhin e Shqipërisë si destinacion me kosto të ulët.

    SYRI TV

    Turizmi veror në Shqipëri ndodhet në krizë. E teksa spotet qeveritare reklamuan vendin si perlën e Ballkanit, realiteti në terren është krejt tjetër: plazhe boshe, rezervime të pakta dhe pak turistë të huaj. Muaji korrik ka konfirmuar një tendencë të ngadalësuar të turizmit në Shqipëri. Sipas INSTAT, në korrik hynë 1.82 milionë shtetas të huaj, vetëm 0.4% më shumë se një vit më parë — rritja më e ulët e vitit, përveç marsit që pati rënie.

    Në 7 muajt e parë të vitit, hyrjet arritën në 6.58 milionë, me një rritje modeste prej 3.5%, krahasuar me 23% vitin e kaluar. Ky ngadalësim lidhet me rritjen e çmimeve, që ka zbehur imazhin e Shqipërisë si destinacion me kosto të ulët. Operatorët turistikë kishin parashikuar një sezon veror të dobët, me rezervime më të ulëta, veçanërisht në zonën Vlorë–Sarandë.

    Mungesa më e madhe vihet re nga diaspora dhe turistët nga Kosova. Turizmi i organizuar mbetet i qëndrueshëm, por vlerësimet jo të mira nga turistët e agjencive të huaja mund të ndikojnë negativisht. Pavarësisht investimeve private, sektori përballet me probleme si infrastruktura e dobët, trafiku, mbetjet, zhurmat dhe mungesa e ujit, sidomos në Golem, thotë Monitor. Rritja e çmimeve ka larguar edhe turistët italianë, grupi i dytë më i madh pas Kosovës.

    Kosovarët gjithashtu kanë ulur vizitat pas liberalizimit të vizave dhe për shkak të shtrenjtimit të shërbimeve. Kjo tendencë ka sjellë ulje të çmimeve në hotele dhe fushata agresive promovimi.

    Në zonat Sarandë, Ksamil, Vlorë dhe Himarë, çmimet ranë me 10–25%, ndërsa Borshi dhe Qeparoi përjetuan rritje për shkak të kërkesës. Durrësi dhe Golemi ofrojnë raportin më të mirë çmim/shërbim. Ndërkohë, shumë shqiptarë po zgjedhin të udhëtojnë jashtë, kryesisht drejt Greqisë. Vetëm në korrik 2025, mbi 782 mijë shtetas dolën nga vendi, një rritje prej 11.1% krahasuar me vitin e kaluar, e ndihmuar nga operatorët ajrorë me kosto të ulët.

  • Katastrofa e turizmit 2025 e ka emrin Edi Rama, tritoli dhe fadroma zëvendësuan mirëseardhjen për turistët

    Katastrofa e turizmit 2025 e ka emrin Edi Rama, tritoli dhe fadroma zëvendësuan mirëseardhjen për turistët

    Turizmi i vitit 2025 është në stanjacion me një rritje të papërfillshme, ku shifrat tregojnë se pritshmëritë e 20 milionë turistëve tyë Edi Ramës dhe përkthyeses Lindita Kumbaro janw ëndërra optimistësh. Dështimi i këtij viti pa frikë mund të quhet e ka Emrin Edi Rama. Që në ditët e para të këtij sezoni turizmi shqiptar u ndje i kërcënuar nga dhuna e fadromave dhe hedhjet në erë me tritol të ndërtimeve që i prishnin estetikën. Në vend që këtë aksion ta kishte bërë jashtë sezonit, Edi Rama në mënyrë të qëllimshme mori lojën e sabotatorit të turizmit duke masakruar këtë industri nga Thethi në Ksamil. Nga momenti i kësaj goditje turistët u ndjenë të kërcënuar, pasi u anuluan prenotimet, u përhap panik që në plazhe vinin gorillat e Edi Ramës dhe të ngrinin në ajër me gjithë rrecka, duk krijuar një sezon të llahtarshëm për turistin.
    Turizmi shqiptar në vitin 2025 është zhytur në një krizë të thellë, e cila nuk mund të maskohet më as nga reklamat e paguara, as nga retorika e optimizmit institucional. Në vend që ky sezon të shënonte një kulm të pritshëm të zhvillimit, ai u kthye në një akt sabotimi të qëllimshëm, ku dhuna urbane, fadromat dhe tritoli zëvendësuan mirëseardhjen për turistët. Në vend që të ndërtohej një përvojë mikpritëse, u krijua një atmosferë frike, ku çdo vizitor u përball me imazhe të një Shqipërie që nuk ngjason me asnjë prej kartolinave që qeveria përpiqet të shpërndajë në mediat ndërkombëtare. Aksionet e prishjes së ndërtimeve, të kryera pikërisht në kulmin e sezonit, nuk janë trajtuar si masa urbanistike, por si goditje direkte ndaj industrisë turistike, duke krijuar panik, anulime prenotimesh dhe një perceptim të pasigurisë që përhapet nga veriu në jug.
    Shifrat zyrtare e konfirmojnë këtë stanjacion. Sipas INSTAT, në muajin Korrik, që përbën kulmin e sezonit, numri i turistëve të huaj u rrit me vetëm 0.4 për qind, ndërsa duke përfshirë edhe shqiptarët, rritja totale ishte vetëm 1.5 për qind krahasuar me një vit më parë. Këto të dhëna janë zhgënjyese, veçanërisht kur krahasohen me pritshmëritë e artikuluara nga qeveria për 20 milionë turistë. Në periudhën janar-korrik, Shqipëria u vizitua nga 6.58 milionë turistë të huaj, një rritje prej vetëm 3.5 për qind, që përbën një nga performancat më të dobëta historike, përjashtuar vitin e pandemisë. Në total, përfshirë edhe hyrjet e shtetasve shqiptarë, vendi është vizituar nga 11.2 milionë udhëtarë, një rritje prej 5.1 për qind. Por këto shifra nuk përbëjnë sukses, përkundrazi, janë dëshmi e një stagnimi që nuk përputhet me narrativën e bumit turistik.
    Në këtë kontekst, përpjekjet e qeverisë për të marketuar Shqipërinë si një Maldive në mes të Europës duken si një farsë e sponsorizuar. Mediat ndërkombëtare janë të mbushura me artikuj që promovojnë mrekullinë shqiptare, por efekti i tyre duket i kufizuar, përballë realitetit të një sezoni të vakët, ku turistët përballen me fadroma, tritol dhe një klimë të pasigurt. Reklama e paguar nuk mund të mbulojë dhunën urbane, nuk mund të fshehë anulimet e prenotimeve, dhe nuk mund të zëvendësojë përvojën e drejtpërdrejtë të vizitorëve që përballen me një Shqipëri të tensionuar.
    Ndërkohë, treguesi i vetëm me rritje domethënëse është ai i daljes së shqiptarëve jashtë vendit. Sipas INSTAT, udhëtimet e shqiptarëve jashtë kufijve janë rritur me 9 për qind, një sinjal i qartë se qytetarët po zgjedhin të pushojnë larg vendit të tyre. Ky fenomen nuk është thjesht një preferencë, por një votë mosbesimi ndaj industrisë turistike vendase, një refuzim i përvojës që ofrohet brenda kufijve. Në vend që të krijohet një klimë që i fton shqiptarët të eksplorojnë vendin e tyre, po ndërtohet një realitet që i shtyn ata të largohen.
    Në tërësi, turizmi shqiptar në vitin 2025 nuk është thjesht një sektor ekonomik në krizë, por një pasqyrë e dështimit institucional, një fushë ku përplasen propaganda dhe realiteti, ku estetika e dhunës zëvendëson mikpritjen, dhe ku statistikat shndërrohen në prova të një sabotimi të qëllimshëm. Ky sezon nuk është një dështim i zakonshëm, por një akt i strukturuar që ekspozon mungesën e vizionit, arrogancën e pushtetit dhe paaftësinë për të ndërtuar një përvojë turistike të qëndrueshme. Në vend që të ndërtohet një narrativë e mikpritjes, po ndërtohet një narrativë e frikës, ku çdo vizitor është i kërcënuar, çdo plazh është një skenë paniku, dhe çdo statistikë është një dëshmi e një realiteti që nuk mund të fshihet më.
     
     

  • Destinacione në “modë” për spanjollët, Shkodra dhe “Rozafa” ndër atraksionet më të preferuara

    Destinacione në “modë” për spanjollët, Shkodra dhe “Rozafa” ndër atraksionet më të preferuara

    Kalaja e Shkodrës po kthehet gjithnjë e më shumë në një nga atraksionet kryesore për turistët e huaj, veçanërisht për vizitorët nga Spanja.

    Gjatë viteve të fundit, interesimi i turistëve spanjollë për të vizituar këtë monument historik është rritur ndjeshëm.

    Operatorë turistikë që punojnë në tregun spanjoll theksojnë se Shkodra është kthyer në një destinacion “në modë” për ata, të cilët e shohin si një vend autentik dhe larg turizmit masiv.

    “Aktualisht punoj vetëm me tregun spanjoll dhe latin. Vitet e fundit ka pasur një rritje në numër të  spanjollëve që e vizitojne vendin. Pamja e bukur që ofron kalaja nga sipër, liqeni, lumenjtë, Xhamia e Plumbit… Kur ata vijnë dhe marrin rrugën nuk e presin diçka të tillë,” thotë Makbule Sula, operatore turistike.

    Ndërsa turistët spanjollë ndihen të impresionuar nga hera e parë që ata po vizitojnë Shqipërinë.

    “Quhem Francina dhe jam nga Majorka, Spanjë. Kjo është hera ime e parë që e vizitoj Shqipërinë. Më pëlqen shumë Shkodra. Mendoj se është shumë e bukur dhe peizazhet janë të mrekullueshme. Në Majorka nuk kemi gjëra të tilla.“

    “Edhe unë vij nga Majorka. Më herët vizituam alpet dhe tani po ngjitemi në kala. Nga lart qenka pamje mahnitëse, vërtet këndshëm, dhe njerëzit shumë mikpritës. Sapo të shkoj, do ja sugjeroj kushërinjve këtë vend.“

    Autoritetet lokale dhe bizneset turistike shpresojnë që ky trend të forcohet edhe më tej, duke e bërë Shkodrën dhe Kalanë e saj një pikë të rëndësishme referimi për turistët nga Spanja dhe vende të tjera të Evropës.