Igor Tudor është gati të përballet me “derbin e tij të parë italian ndaj Inter” si trajner i Juventus. “Kjo është një sfidë që vlen më shumë se tre pikë”, tha ai në një intervistë.
“Inter është një ekip i shkëlqyer, ata kanë dy finale të Ligës së Kampionëve dhe lojtarë të pjekur do të mbërrijnë në stadium. Do të luajmë shanset tona dhe pastaj do të shohim se kush është më i miri“, shtoi Tudor.
“Për mua, Juventus përfaqëson një pjesë të jetës sime. Më ka formuar si person dhe si profesionist. Profesionalisht, Juventus është një pjesë e imja. Këto janë gjëra që kanë mbetur me mua. Stërvitja është gjithçka, ndeshja është gjëja më e lehtë“, tha Tudor.
Më tej, kroati tha: “Kur u riktheva te Juventus pata ndjenja të mrekullueshme, nuk luajta shumë si lojtar. U ndala herët, kisha probleme serioze me kyçin e këmbës, karriera ime serioze zgjati 5-6 vjet, u ndala kur isha 28-29 vjeç”.
“Kisha këtë ndjenjë brenda se nuk kisha dhënë gjithçka që kisha. Kur fillova të stërvisja herët, pata këtë ëndërr për të stërvitur Juven, e cila u bë shpejt realitet. Mendova se ia kisha borxh këtij klubi”, deklaroi Tudor.
Tag: tudor
-
Tudor: Ndeshja me Inter vlen më shumë se 3 pikë, do të luajmë shanset tona
-
Tudor bën gati Juventus për ndeshjen ndaj Inter, lajme të mira edhe nga Zhegrova
Numërimi mbrapsht për ndeshjen Juventus-Inter, ndeshja e parë e madhe e sezonit si për bardhezinjtë ashtu dhe për zikaltërit, është gati të fillojë. Trajneri i Juventus, Igor Tudor, do të ribashkohet gradualisht me të gjithë lojtarët e tij të përfshirë në ekipet kombëtare.
Për fatin e tij të mirë për të, nuk do të duhet të presë shumë gjatë për të patur në dispozicion të gjithë skuadrën. Të parët që kanë mbërritur sot janë Kenan Yildiz, Teun Koopmeiners dhe Lois Openda. Të martën, do të jetë radha e Manuel Locatelli, Federico Gatti dhe Andrea Cambiaso.
Së fundmi, të mërkurën, të gjithë të tjerët: Kephren Thuram, Francisco Conceiçao, Dusan Vlahovic dhe Filip Kostic, së bashku me Jonathan David. Pra, Tudor së shpejti do të ketë një skuadër të plotë, duke marrë parasysh se infermieria është praktikisht bosh.
Lajme të mira kanë ardhur nga seancat e para stërvitore për Edon Zhegrova, i cili mbeti në Torino për t’u stërvitur dhe nuk u thirr nga Kosova. Ish-lojtari i Lille ka qenë jashtë fushave që nga mesi i dhjetorit për shkak të një problemi me muskujt, që e ka penguar të luajë për të gjithë vitin 2025.
Gjithsesi, ditët e tij të para në Continassa kanë treguar shenja inkurajuese, dhe për këtë arsye ai mund të shpresojë për një thirrje për ndeshjen ndaj Inter edhe nëse do të duhet pak kohë për ta parë plotësisht të gatshëm. -
Juventusi mund të buzëqeshë, Tudor ka në dispozicion sulmin 82-golësh… Më i frikshmi në Serie A
Juventusi përgatitet intensivisht nën drejtimin e Igor Tudor, edhe pa lojtarët e grumbulluar nga kombëtaret. Stërvitjet do të rifillojnë të hënën, duke u përqendruar te “Derby d’Italia” i 13 shtatorit në “Allianz Stadium”.
Sulmi bardhezi është, në letër, ndër më të fuqishmit në Serie A, me një total prej 82 golash potencialë. Kjo shifër, që i referohet sezonit të kaluar, ndahet mes 6 sulmuesve: Jonathan David (24 gola), Dusan Vlahovic (17), Loïs Openda (13), Kenan Yildiz (12), Edon Zhegrova (8) dhe Francisco Conceição (7). Këto lojtarë kontribuan gjithashtu me 45 asistime sezonin e kaluar.
Kësaj vere, “Zonja e Vjetër” u përforcua me David, Zhegrova dhe Openda, që bashkohen me Vlahovic, Conceição dhe Yildiz, duke krijuar një sulm të larmishëm dhe shumëgolësh. Me 82 gola potencialë, Juventusi e vendos veten përpara rivalëve si Milani (73 gola), Bologna (71), Fiorentina (68), Napoli (67), Lazio (67), Interi (66), Atalanta (53) dhe Roma (35). -
Tudor nuk mund të ankohet më, ja super formacioni i Juventusit pas përforcimeve në ditët e fundit në merkato
Juventus ka qenë shumë aktiv në 24 orët e fundit në merkato, që është edhe afati i fundit për këtë verë. Bardhezinjtë kanë bërë dy goditje jo pak të bujshme, transferimin për 20 milionë euro të Edon Zhegrovës nga Lille dhe huazimin me të drejtë blerjeje të Lois Openda nga Leipzig.
Me këto dy përforcime të fundit të bëra në sulm pa harruar edhe goditjet e tjera që janë zyrtarizuar më parë, Igor Tudor ka në dispozicion një ekip vërtet të kompletuar dhe nuk mund të ketë justifikime në rast se nuk arrin objektivat e vendosur nga klubi.
Me ardhjen e Zhegrovës dhe Openda, Tudor mund të përdorë fare mirë skemën 3-4-2-1 në dy variante. Varianti A: Di Gregorio; Gatti, Bremer, Kalulu; Joao Mario, Thuram, Locatelli, Cambiaso; Zhegrova, Yildiz; David.
Varianti B: Di Gregorio; Gatti, Bremer, Kalulu; Joao Mario, Thuram, Locatelli, Cambiaso; Zhegrova, Openda; David. -
Zhegrova te Juventusi, por pse nuk ka luajtur asnjë ndeshje prej dhjetorit të vitit të kaluar?!
1 Shtator 2025
11:55
Alfred Lleshi
Edon Zhegrova ka mbërritur te Juventusi, ku do të kryejë vizitat mjekësore para firmosjes së kontratës 3-vjeçare. Marrëveshja me Lille është vlerësuar rreth 20 milionë euro, plus 5 milionë bonuse, duke lejuar Tudor dhe bardhezinjtë të përforcojnë sulmin me një lojtar që mund të aktivizohet si në të djathtë, ashtu edhe në të majtë. Ylli i kombëtares dardane sjell shpejtësi, kreativitet dhe teknikë.
Po si vjen lojtari i lindur më 1999 te “Zonja e Vjetër”, në çfarë gjendjeje? Rikthimi i tij pas një periudhe të gjatë mungese ka pasur sfidat e veta. Ndeshja e tij e fundit daton më 14 dhjetor 2024, ku pubalgjia e detyroi të kryente operacion dhe të humbiste pjesën më të madhe të sezonit të kaluar.
Pas stërvitjeve me ekipin rezervë dhe disa problemeve fizike këtë sezon, Zhegrova është gati për një fillim të ri te bardhezinjtë. Pushimi për kombëtaret do t’i japë mundësinë të lidhet më mirë me filozofinë e Igor Tudor dhe të rifitojë ritmin e lojës, duke lënë pas sfidat fizike të kaluarës. -
Juventus, Tudor i fiksuar pas “Messit te Kosoves”, zbulohen detajet
Një dëmtim në ije bëri që emri i Edon Zhegrovës të zhdukej për disa kohë nga tregu i transferimeve, por në këto ditë të nxehta vera, sulmuesi “dardan” është rikthyer edhe një herë në qendër të vëmendjes. Së fundmi, mediat italiane, La Gazzetta dhe La Stampa, shkruajnë se Juventus është gati të investojë për të siguruar shërbimet e Zhegrovës.
I pagëzuar si “Messi i Kosovës”, Zhegrova shihet nga trajneri Igor Tudor si lojtari ideal që mund t’i jap skemave të tij më shumë fantazi, një lojtar i aftë që mund të ndryshojë sistemin e lojës brenda një ndeshje. Zhegrova ka një kontratë me Lille deri në 2026, por këtë verë pritet të largohet nga klubi francez, me këta të fundit që nuk dëshirojnë të rrezikojnë për ta humbur falas një vit më pas. Pengesë në këtë pikë është fakti që Juventus përpara se të blejë është e detyruar të shesë. Nico Gonzalez shihet si njeriu që mund të zhbllokojë këtë negociatë, me argjentinasin që mund të transferohet tek Atletico Madrid. Gjatë kësaj periudhe, me Juven që po përpiqet të shes, Zhegrova dhe përfaqësuesit e tij vijojnë negociatat me ekipin e Marseille, një tjetër skuadër që është futur në garë për të siguruar shërbimet e tij. -
“Nga Juventusi më larguan se kishin nevojë për parà, trajneri Tudor s’më shihte dot me sy”
Një vit më parë, ai ishte surpriza e merkatos së gushtit të Juventus, duke kaluar nga një mister i Next Gen në golashënuesin e parë të epokës së Thiago Motta vetëm në pak ditë. Dymbëdhjetë muaj më vonë dhe pas një sezoni me 32 paraqitje (katër gola dhe pesë assist), Samuel Mbangula është larguar nga bardhezinjtë për të luajtur me Werder Bremen.
Ai nuk i ka kursyer kritikat ndaj klubit italian, që sipas tij nuk i besuan. “Më mungon Juventus, por tani kam ecur përpara. Në Gjermani, kam gjetur një stil futbolli më të lirë dhe më pak taktik se sa në Serie A dhe jam i bindur se do të ndihem si në shtëpi. Do të doja të kisha një sezon me shifra dyshifrore për sa i përket asisteve dhe golave“, tha 21-vjeçari belg.
I pyetur nëse do të kishte dashur të qëndronte me Juventus, ai shtoi: “Sigurisht, por ky është futbolli. Klubi më bëri një deklaratë të qartë: Na vjen keq, por duhet të mbledhim parà dhe jemi të detyruar t’ju shesim.’ Gjithçka ishte mëse e qartë dhe s’kisha alternativë tjetër”.
Mbangula, duke folur për trajneri Igor Tudor, tha: “Me të nuk luajta. Gjatë Kupës së Botës në Amerikë e diskutuam këtë çështje. I thashë trajnerit se do të isha i gatshëm të luaja si mbrojtës i krahut, si mesfushor sulmues dhe madje edhe si mesfushor mbrojtës në formacionin e tij. Ai më tha që nuk isha pjesë e planit. Ai thjesht nuk më pa”. -
“Nga Juventus më larguan se kishin nevojë për parà, trajneri Tudor s’më shihte dot me sy”
Një vit më parë, ai ishte surpriza e merkatos së gushtit të Juventus, duke kaluar nga një mister i Next Gen në golashënuesin e parë të epokës së Thiago Motta vetëm në pak ditë. Dymbëdhjetë muaj më vonë dhe pas një sezoni me 32 paraqitje (katër gola dhe pesë assist), Samuel Mbangula është larguar nga bardhezinjtë për të luajtur me Werder Bremen.
Ai nuk i ka kursyer kritikat ndaj klubit italian, që sipas tij nuk i besuan. “Më mungon Juventus, por tani kam ecur përpara. Në Gjermani, kam gjetur një stil futbolli më të lirë dhe më pak taktik se sa në Serie A dhe jam i bindur se do të ndihem si në shtëpi. Do të doja të kisha një sezon me shifra dyshifrore për sa i përket asisteve dhe golave“, tha 21-vjeçari belg.
I pyetur nëse do të kishte dashur të qëndronte me Juventus, ai shtoi: “Sigurisht, por ky është futbolli. Klubi më bëri një deklaratë të qartë: Na vjen keq, por duhet të mbledhim parà dhe jemi të detyruar t’ju shesim.’ Gjithçka ishte mëse e qartë dhe s’kisha alternativë tjetër”.
Mbangula, duke folur për trajneri Igor Tudor, tha: “Me të nuk luajta. Gjatë Kupës së Botës në Amerikë e diskutuam këtë çështje. I thashë trajnerit se do të isha i gatshëm të luaja si mbrojtës i krahut, si mesfushor sulmues dhe madje edhe si mesfushor mbrojtës në formacionin e tij. Ai më tha që nuk isha pjesë e planit. Ai thjesht nuk më pa”. -
Tudor, pas fitores ndaj BVB: Na mungonte pak freskia, por pashë dëshirë dhe përkushtim
11 Gusht 2025
7:53
Alfred Lleshi
“Rezultati në gusht nuk ka asnjë rëndësi, por ishte një stërvitje e mire. Ishte një ndeshje serioze, na mungonte pak freskia, por pashë përkushtim dhe dëshirë për t’i bërë gjërat mirë”. Ky ishti vlerësimi i trajnerit të Juventusit, Igor Tudor, pas fitores 2-1 në miqësoren ndaj Borussia Dortmundit.
“David lëviz mirë dhe kur të jetë më i freskët në këmbë, gjithçka do të jetë më e lehtë për të. Douglas Luiz është lojtari im dhe do të shohim çfarë do të ndodhë. Bremer është mirë, luajti një pjesë loje të një ndeshjeje serioze. Tani do të shohim në testet e ardhshme, edhe sepse debutimi ndaj Parmës është shumë afër”.
Mbyllja për merkaton: “Kolo Muani? Nuk ka ndryshuar asgjë krahasuar me dje, nuk ka të reja”. -
Tudor para miqësores ndaj Borussia Dortmundit: Kemi punuar fort, duam ta testojmë veten ku jemi
Igor Tudor prezantoi ndeshjen miqësore Borussia Dortmund–Juventus, e planifikuar për nesër në orën 17:30. Ja deklaratat e tij në konferencën për shtyp:
Çfarë jave keni kaluar?Një javë e bukur pune, vend shumë i mirë, nuk kishte vapë. U punua mirë, u punua aq sa duhej. Djemtë, si gjithmonë, janë të gatshëm, me shumë dëshirë dhe profesionalizëm të madh. Nesër është një ndeshje e bukur, ndaj një kundërshtari me nivel, stadiumi pritet të jetë plot. Do të jetë mirë të verifikojmë veten, t’u japim minuta loje lojtarëve mbi të gjitha, sepse kjo ka rëndësi. Deri tani kemi zhvilluar vetëm 45 minuta lojë, kështu që duhet ta rrisim pak minutazhin dhe të provojmë t’ua japim të gjithëve. Kemi këtë ndeshje, pastaj Atalantën dhe të mërkurën luajmë ndaj Next Gen. Në këto tri ndeshje duhet të japim minutazhin e duhur për lojtarët dhe të shohim gjërat mbi të cilat kemi punuar.
Çfarë prisni nga ndeshja e nesërme?Janë gjithmonë ndeshje të ndryshme këto të gushtit, sepse ka shumë ngarkesë pune pas tyre. Kemi punuar fort këto gati 18 ditë. Është punuar shumë dhe padyshim do të ketë pak lodhje, kjo është normale. Pas së dielës mbeten edhe dy javë deri në fillim të kampionatit, kështu që çdo ditë do t’i ndryshojmë ngarkesat për të qenë gati për ndeshjen e parë. Ky është objektivi.
A keni folur me klubin për merkaton? Sa ju mungon për të qenë protagonistë në garën për titull?Ne bëjmë rregullisht përditësime, jemi në komunikim me klubin, jemi në harmoni, flasim, shohim çfarë mund të bëjmë. Klubi po punon, unë jam këtu të punoj me këto djem që kam në dispozicion, një skuadër të rëndësishme, serioze, që do të bëjë më të mirën në kampionat.