Lajmidites.com

Tag: truproja

  • Rëndohet bilanci në Shkodër/ Ndërron jetë një prej të plagosurve, truproja e anëtarit të grupit të Bajrit (EMRI)

    Rëndohet bilanci në Shkodër/ Ndërron jetë një prej të plagosurve, truproja e anëtarit të grupit të Bajrit (EMRI)

    pamje nga vendngjarja

    SHKODËR- Ka shkuar në dy numri i viktimave nga të shtënat me armë zjarri në një lokal pranë bashkisë në Shkodër. Përveç viktimës Armando Pali, janë plagosur edhe tre persona të tjerë. 
    Një prej personave që mbeti i plagosur, Liridon Kraja, mësohet se ka ndërruar jetë. Viktima, mësohet se ishte truproja e anëtarit të grupit të Bajrit, Erogen Vasos (Brajoviç). Ky i fundit, i cili po gjithashtu mbeti i plagosur, dyshohet se ishte shënjestra e atentatit. 
    Erogen Vaso është vëllai i të arresuarit Denis Brajoviç (Bajri). Ky i fundit u ekstradua nga Dubai në korrik të këtij viti. 37-vjeçari ishte shpallur në kërkim ndërkombëtar, dhe rezulton si një person me rrezikshmëri shumë të lartë shoqërore. Bajri akuzohet për një sërë veprash penale në fushën e krimeve kundër personit, të kryera në formën e grupit të strukturuar kriminal dhe për armëmbajtje pa leje.
    Ngjarja ndodhi pranë shkollës “Kole Idromeno”, në një zonë të banuar dhe të frekuentuar nga qytetarët, duke shkaktuar panik të madh. Ende nuk janë bërë të ditura detaje mbi motivet e sulmit, ndërsa hetimet po vijojnë për të zbardhur plotësisht rrethanat e ngjarjes dhe për të kuptuar nëse ka persona të tjerë të përfshirë. Ndëkrohë është arrestuar edhe autori i dyshuar i ngjarjes./ZËRI

  • U arrestua dje në Francë, ekstradohet ish-truproja i Saimir Tahirit

    U arrestua dje në Francë, ekstradohet ish-truproja i Saimir Tahirit

    Një ditë pas arrestimit është ekstraduar nga Franca drejt vendit tonë, Paul Deda, ish-truproja i Saimir Tahirit. Deda është dënuar me burg nga GJKKO për trafikim e mbi 1 ton Cannabis.
    Ai ka bashkëpunuar me shtetas shqiptarë dhe italianë për të trafikuar drogën e kultivuar në Shqipëri drejt Barit, ku sasia prej mbi 1 ton kanabis u sekuestrua nga Policia italiane. Gjatë aksionit në Itali, u arrestuan gjithashtu dy anëtarë të tjerë të grupit kriminal.
    Përveç akuzës për trafik droge, ndaj Paul Dedës rëndon edhe akuza për pastrim parash, të kryera në kuadër të grupit të strukturuar kriminal.
    Njoftimi policise
    Si rezultat i sigurimit të informacionit nga struktura të specializuara të Policisë së Shtetit, dhe shkëmbimit të tij në kohë reale, nëpërmjet Interpol Tiranës, me homologët në Paris, në kuadër të kësaj faze të operacionit “The Ëanted”, policia franceze lokalizoi dhe arrestoi me qëllim ekstradimin në Shqipëri, shtetasin shqiptar, të shpallur në kërkim ndërkombëtar, P. D., 50 vjeç.
    GjKKO-ja i ka caktuar 50-vjeçarit, masën e sigurisë “Arrest në burg”, për trafikim të lëndëve narkotike dhe pastrim parash, kryer në kuadër të organizatës kriminale.
    Nga hetimet e kryera dyshohet se shtetasi P. D., në bashkëpunim me shtetas shqiptarë dhe italianë, kanë tentuar të trafikojnë në Itali, nëpërmjet rrugës detare, 1016 kilogramë lëndë narkotike Cannabis Sativa të kultivuar në Shqipëri. Sasia e lëndës narkotike u sekuestrua në Bari, nga Policia italiane, ku gjithashtu u arrestuan 2 pjesëtarë të kësaj organizate kriminale.

  • Trafikoi mbi 1 ton kanabis, kapet në Francë ish-truproja i Saimir Tahirit

    Trafikoi mbi 1 ton kanabis, kapet në Francë ish-truproja i Saimir Tahirit

    Një pjesëtar i një organizate kriminale ndërkombëtare, i shpallur në kërkim nga SPAK, është arrestuar në Paris, Francë, si pjesë e operacionit policor “The Wanted”. Ai akuzohet për trafikimin e mbi 1016 kilogramë kanabis drejt Italisë, përmes rrugës detare.- Advertisement –

    Bëhet fjalë për Paul Deda, 50 vjeç, i cili u lokalizua dhe arrestua falë bashkëpunimit me autoritetet franceze. Ai pritet të ekstradohet në Shqipëri, ku GJKKO i ka caktuar masën e sigurisë “arrest në burg”.

    Hetimet kanë zbuluar se Paul Deda ka bashkëpunuar me shtetas shqiptarë dhe italianë për trafikimin e drogës së kultivuar në Shqipëri drejt Barit, ku Policia italiane sekuestroi sasinë prej mbi një ton kanabis. Në Itali gjatë operacionit u arrestuan edhe dy anëtarë të tjerë të kësaj organizate kriminale.

    Përveç akuzës për trafik droge, ndaj Paul Dedës rëndon edhe akuza për pastrim parash, kryer në kuadër të grupit të strukturuar kriminal.

    Në lidhje me këtë dosje, është bërë e ditur se edhe Hekuran Marku, një tjetër ish-truproja i ish-ministrit të Brendshëm Saimir Tahiri, është dënuar në Shqipëri me 8 vite e 8 muaj burg. Ai ishte pjesë e hetimeve në njërën prej fraksioneve të dosjes së njohur “Shpiri”, “Shefi” dhe “Kulmi”, që lidhen me trafikimin e drogës nga Shqipëria në Itali.

    Ndërkohë, Paul Deda kishte kërkuar azil në Francë para arrestimit të tij.

     

  • Truproja e Fatos Nanos: I shpëtuam atentatit në Lazarat në ’99, falënderoj Dasho Alikon për ndërhyrjen (VIDEO)

    Truproja e Fatos Nanos: I shpëtuam atentatit në Lazarat në ’99, falënderoj Dasho Alikon për ndërhyrjen (VIDEO)

    Ish-truproja kryesor i Fatos Nanos, Viktor Agolli, ka deklaruar në emisionin Top Story në Top Channel, se ish-kryeministri ka shpëtuar nga një atentat në fshatin Lazarat. Agolli tha se po të mos ishte ndërhyrja e Dasho Alikos asokohe që të qetësonte njerëzit e armatosur, ata do të ishin vrarë të gjithë.
    “Edhe ne kemi pasur atentat. Në shtator ’99 kanë qenë duke na vrarë në Lazarat me Makbule Çeçon, zv.kryeministre. Drejtor policie ka qenë Asllan Dogjani. Unë kam qenë shoqërues personal. Atje kemi shpëtuar kot, kishte shumë armë. Ia kërkoj falënderim Dasho Alikos, që ishte kryetari i komunës, i cili i ka mbledhur ata se ne ishim të gjithë të mbaruar. Për këtë ke dëshmitar Asllan Dogjanin, që ka qenë drejtor policie në Gjirokastër”, tha Viktor Agolli.

  • Si u arratisën kryeministri dhe ministrat në ’98? Ish-truproja i Nanos tregon detaje: Disa kaluan tunelet, disa gardhin

    Si u arratisën kryeministri dhe ministrat në ’98? Ish-truproja i Nanos tregon detaje: Disa kaluan tunelet, disa gardhin

    Ish truproja i Fatos Nanos, Viktor Agolli zbuloi detaje nga grushti i shtetit i 14 shtatorit të vitit 1998.
    Atë ditë në Tiranë u organizua një grusht shteti me në krye Sali Berishën, pas vrasjes së Azem Hajdarit.
    Grupe të armatosura pushtuan për disa orë Kryeministrinë, RTSH, Gjykatën Kushtetuese, Ministrinë e Drejtësisë, Ministrinë e Kulturës, ndërsa një granatë u hodh në zyrën e kryetarit të Kuvendit, Skënder Gjinushi. Berisha kërkonte dorëheqjen e Fatos Nanos, ndërsa e akuzonte për vrasjen e Azem Hajdarit.

    Agolli: Ishte mbledhja e qeverisë, dikush ruante shtëpinë, të tjerë të koordinuar sipas udhëzimeve që na kishte dhënë komandanti i Gardës, ca kaluan gardhin, ca nga tuneli, i fundit fare ka ikur Edi Rama, ka dalë nga mbrapa ku del tek RTSH, Nano ka dalë në Dajt, më pas nga Librazhdi në Strugë, ishin 5-6 vetë, unë kam ruajtur vilën me dy kolegë të mi. I vetmi rast që ka pranu që ta komandonim ne.
     

  • Dhuna ndaj gazetares së SYRI TV/ ‘Truproja’ e Braçes, një person me rekorde të theksuara kriminale

    Dhuna ndaj gazetares së SYRI TV/ ‘Truproja’ e Braçes, një person me rekorde të theksuara kriminale

    Momentet e fundit përpara mbylljes së votimeve shënuan një skandal të rëndë.

    Deputeti socialist, Erion Braçe, ushtroi dhunë ndaj gazetares së SYRI TV, Ambrozia Meta.

    Por ndërkohë, Braçe fshihej pas një personi që hiqej si truproja e tij.

    Ai është Genc Lulja, një person me rekorde të theksuara kriminale.

    Që në vitin 2002, ai u arrestua pasi plagosi me bajonetë një 23-vjeçar.

    Më pas Lulja, i njohur si pjesë e çunave të Bales, u arrestua edhe në vitin 2011.

    Ai akuzohet për vepra të ndryshme, përfshi këtu dhënie e lekëve me fajde.

    Këta janë patronazhistët e dhunshëm të PS-së, me rekorde që datojnë për dekada, por që kanë vazhduar të ushtrojnë presion dhe të manipulojnë vullnetin e shqiptarëve.

  • Skandal në RMV/ Dyshohet se shiti sekretet shtetërore te grupet kriminale, arrestohet truproja e kryeministrit Mickoski

    Skandal në RMV/ Dyshohet se shiti sekretet shtetërore te grupet kriminale, arrestohet truproja e kryeministrit Mickoski

    Truproja personale e kryeministrit të Maqedonisë së Veriut, Hristjan Mickoski, është arrestuar dhe është dërguar në burgun e Shkupit ditën e sotme.
    Sipas burimeve nga mediat vendase, pritet që ndaj Angel Saramakov të ngrihet një kallëzim penal për zbulime të sekreteve shtetërore.
    Sipas informacioneve nga policia, Saramakov dyshohet se në këmbim të parave ka ndarë sekretet zyrtare që posedonte me anëtarët e klanit mafioz Grërçec, shkruan A2 CNN.
    Saramakov është denoncuar disa herë në kontrollin e brendshëm dhe ai personalisht është ankuar për denigrim të imazhit të tij. Për këtë arsye ai është paraqitur disa herë në Komisionin Shtetëror për Parandalimin e Diskriminimit.
    Deri në prill të vitit 2024 ka punuar në SPB të Velesit si inspektor i lartë për vepra pronësore, ndërsa nga prilli si inspektor për kontrolle në mjekësinë ligjore.

  • Arrestohet truproja i kryeministrit, dyshohet se i ka dhënë informacione sekrete bandave

    Arrestohet truproja i kryeministrit, dyshohet se i ka dhënë informacione sekrete bandave

    Truproja i kryeministrit të Maqedonisë së Veriut është arrestuar këtë të martë, pasi dyshohet se i ka dhënë informacione konfidenciale bandave kriminale. Bëhet fjalë për Angel Saramakov nga Velesi, i cili u arrestua mëngjesin e sotëm dhe u dërgua në burgun e Shkupit në Shuto Orizarë.
    Policia do të ngrejë kundër tij një kallëzim penal për veprën penale zbulim të sekretit zyrtar, raportojnë mediat vendase. Sipas informacioneve nga policia, Saramakov dyshohet se në këmbim të parave ka ndarë sekretet zyrtare që posedonte me anëtarët e klanit mafioz Grërçec. Saramakov është denoncuar disa herë në kontrollin e brendshëm dhe ai personalisht është ankuar se është degraduar dhe është paraqitur në Komisionin Shtetëror për Parandalimin e Diskriminimit.

  • “Nuk jam unë problemi”, MLS i heq truprojën Messi-t: Më lejoni ta ndihmoj

    “Nuk jam unë problemi”, MLS i heq truprojën Messi-t: Më lejoni ta ndihmoj

    1 Prill 2025

    10:55

    Telesport

    Truproja e Lionel Messit, Yassine Cheuko, është kundërpërgjigjur pasi u ndalua të mbrojë superyllin argjentinas në fushë në ndeshjet e MLS.
    Ai theksoi shkallën e lartë të pushtuesve të fushës në MLS si një ‘problem të madh’, duke përmendur nevojën për të mbrojtur yllin e Inter Miami.
    Cheuko ka qenë truproja personale e Messit që kur tetë herë fituesi i Topit të Artë u transferua në Shtetet e Bashkuara për të luajtur për Inter Miami në vitin 2023.
    Megjithatë, Cheuko tani është kufizuar nga ndjekja e Messit në fushë. Ai raportohet se do të lejohet të shoqërojë 37-vjeçarin vetëm në dhomat e zhveshjes dhe në zonat e përziera.
    Duke reaguar ndaj ndalimit, truproja vuri në dukje rritjen e shkallës së pushtuesve të fushës në Shtetet e Bashkuara në krahasim me atë në Europë. Ai tha për House of Highlights:
    “Kam punuar në Europë për shtatë vjet në Ligue 1 dhe Champions League dhe vetëm gjashtë persona u futën në fushë.
    “Në Shtetet e Bashkuara, në 20 muaj punë, 16 njerëz janë futur tashmë. Këtu është një problem i madh – nuk jam unë problemi, më lejoni të ndihmoj Messin”.

  • Gjyqi për vdekjen e Maradonës, arrestohet ish-truproja e futbollistit

    Gjyqi për vdekjen e Maradonës, arrestohet ish-truproja e futbollistit

    Julio Coria, ish-truproja e Diego Armando Maradonës, është arrestuar në kuadër të hetimeve për vdekjen e legjendës argjentinase të futbollit. Coria u dërgua në paraburgim pas dyshimeve se ka dhënë dëshmi të rreme gjatë gjyqit ku po hetohet roli i mjekëve në vdekjen e Maradonës.
    Truproja, ishte një person shumë i afërt me futbollistin dhe ndodhej në bnanesën e tij ditën që ai ndërroi jetë. Maradona vdiq më 25 nëntor 2020 në moshën 60 vjeçare, ndërsa po trajtohej në banesë pas një operacioni në tru për mpiksje gjaku. Prokurorët po akuzojnë ekipin e tij mjekësor për një trajtim të papërshtatshëm dhe neglizhencë.
    Coria, i cili kishte tentuar të ndihmonte Maradonën me reanimim gojë më gojë, u arrestua pasi mohoi në gjyq se kishte komunikuar me mjekun personal të Maradonës, Leopoldo Luque. Hetimet zbuluan mesazhe mes Coria dhe Luque, të cilat treguan se ata kishin diskutuar për shëndetin e Maradonës para dhe pas vdekjes së tij. Pas këtyre provave, prokuroria kërkoi arrestimin e Corias. Në gjyqin e Maradonës, shtatë mjekët akuzohen për “vrasje të qëllimshme”, për shkak të dyshimeve se ata ndërmorën një trajtim mjekësor pavarësisht se e dinin se mund të çonte në vdekjen e futbollistit.
    Prokurorët argumentojnë se Maradona u la të vdiste në një “periudhë të zgjatur dhe të mundimshme” për shkak të mjekëve. Procesi gjyqësor pritet të vazhdojë deri në muajin korrik, me më shumë se 120 dëshmitarë që pritet të japin deklarimet e tyre.