Lajmidites.com

Tag: trupi

  • KPA shkarkon prokurorin e Shkodrës, Agron Bushati

    KPA shkarkon prokurorin e Shkodrës, Agron Bushati

    Kolegji i Posaçëm i Apelimit (KPA)-agron bushati

    TIRANË- Kolegji i Posaçëm i Apelimit (KPA) ka vendosur shkarkimin nga detyra të prokurorit të Shkodrës, Agron Bushati. Vendimi u mor nga trupi gjykues i KPA-së, i përbërë nga kryesuesja Rezarta Schuetz, relatorja Albana Shtylla, dhe anëtarët Mimoza Tasi, Natasha Mulaj dhe Sokol Çomo.
    Sipas njoftimit zyrtar të Kolegjit, çështja ka të bëjë me ankimin e Komisionerit Publik kundër vendimit të Komisionit të Pavarur të Kualifikimit, i cili kishte vlerësuar më herët subjektin e rivlerësimit Bushati. Vendimi është përfundimtar dhe ka efekt të menjëhershëm.
    Njoftimi i KPA: 
    Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Albana Shtylla relatore, Mimoza Tasi, Natasha Mulaj, Sokol Çomo anëtarë, shpalli vendimin për çështjen nr. 53/2023, datë 09.11.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 702, datë 27.09.2023, që lidhet me subjektin e rivlerësimit Agron Bushati.
    Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
    Ndryshimin e vendimit të Komisionit të Pavarur të Kualifikimit nr. 702, datë 27.09.2023 dhe shkarkimin nga detyra të subjektit të rivlerësimit Agron Bushati. Ky vendim është përfundimtar dhe ka efekt të menjëhershëm.

  • Humbi një ditë më parë në Devoll, gjendet trupi i 76-vjeçares

    Humbi një ditë më parë në Devoll, gjendet trupi i 76-vjeçares

    Kronikë E Shtunë, 22 Nëntor 2025 09:33
    Humbi një ditë më parë në Devoll, gjendet trupi i 76-vjeçares.
    Një 76-vjeçare nga fshati Proger në Devoll, e raportuar e humbur që prej mëngjesit të datës 21 nëntor, është gjetur këtë të shtunë pa shenja jete nga strukturat e kërkim-shpëtimit.

    Lajmi u konfirmua nga autoritetet lokale, pasi djali i saj kishte sinjalizuar ditën e djeshme për largimin e të ëmës nga banesa.

    Sipas familjarëve, e moshuara vuante nga demenca, çka dyshohet të ketë ndikuar në largimin e saj nga shtëpia.

    Ndërkohë, autoritetet njoftojnë se situata në qark paraqitet më e qëndrueshme këtë mëngjes, pasi gjatë natës nuk ka pasur reshje të tjera. Pritet një përditësim më i detajuar nga institucionet përgjegjëse në orët në vijim.

  • Vetingu, Elio Mazreku nuk justifikonte pasurinë, KPA merr vendimin për prokurorin e Tiranës

    Vetingu, Elio Mazreku nuk justifikonte pasurinë, KPA merr vendimin për prokurorin e Tiranës

    Kolegji i Posaçëm i Apelimit ka lënë në fuqi shkarkimin e prokurorit të Tiranës Elio Mazreku.
    Trupi gjykues i përbërë nga Natasha Mulaj (kryesuese), Albana Shtylla (relatore) dhe anëtarët Mimoza Tasi, Rezarta Schuetz dhe Sokol Çomo, pasi shqyrtoi çështjen në dhomë këshillimi, mori një vendim unanim.
    Prokurori i Tiranës, Elio Mazreku u shkarkua nga detyra prej Komisionit të Pavarur të Kualifikimit, KPK më datë 23 nëntor 2023, pasi u konkludua se nuk arriti nivel të besueshëm për pasurinë për shkak të mungesës së burimeve të të ligjshme, deklarime të pasakta e të pamjaftueshme.
    Elio Mazreku e filloi karrierën në sistemin e drejtësisë në vitin 2000 dhe punoi prej më shumë se dy dekadash si prokuror në Prokurorinë e Rrethit Gjyqësor të Tiranës.
    Njoftim vendimi:
    “Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Albana Shtylla relatore, Mimoza Tasi, Rezarta Schuetz, Sokol Çomo anëtarë, shpalli vendimin për çështjen nr. 5/2024, datë 07.02.2024, që i përket ankimit të subjektit të rivlerësimit Elio Mazreku kundër vendimit të Komisionit të Pavarur të Kualifikimit, nr. 717, datë 23.11.2023.
    Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
    Lënien në fuqi të vendimit të Komisionit të Pavarur të Kualifikimit nr. 717, datë 23.11.2023, që i përket subjektit të rivlerësimit Elio Mazreku. Ky vendim është përfundimtar dhe ka efekt të menjëhershëm. U shpall sot, më datë 20.11.2025, në Tiranë”.
    Pse u shkalrkua Mazreku?
    Sipas analizës financiare të KPK ai rezultonte me një bilanc negativ prej 22.8 milion lekësh, për shkak të mungesës së provave për ligjshmërinë të një sërë llogarish bankare që ishin përdorur në blerjen e një apartamenti 129 metra në vitin 2010. Po ashtu sipas KPK ai nuk kishte justifikuar një shumë prej 5 milion lekësh nga babai i tij dhe disa dhurata nga vëllai.
    Vendimi u mor nga trupa e përbërë nga Brunilda Bekteshi kryesuese, Roland Ilia anëtar dhe Pamela Qirko relatorë. Mazreku i kundërshtoi gjetjet e KPK-së dhe këmbënguli se të ardhurat në fjalë ishin të ligjshme vinin nga puna e bashkëshortes në një OJF dhe se mënyrat e pagesës nuk kontrolloheshin prej saj.
    gijotina.com/

  • VIDEO-Sulo Halili u vra dhe u dogj në makinë, babai: Trupi u identifikua nga ADN. Ditën e ngjarjes ishte me një shok, telefonoi…

    VIDEO-Sulo Halili u vra dhe u dogj në makinë, babai: Trupi u identifikua nga ADN. Ditën e ngjarjes ishte me një shok, telefonoi…

    Mbetet ende mister vrasja e 27-vjeçarit shqiptar Sulo Halili, me origjinë nga Beçishti i Tepelenës. I riu shqiptar u qëllua me armë zjarri përpara se trupit të tij t’i vendosej flaka brenda një automjeti, që u gjet i shkrumbuar nga flakët në Greqi. 
    Lidhja jashtëmartesore që ai kishte krijuar me një vajzë, me të cilën komunikonte në rrjetet sociale, është një nga pistat e hetimit, pasi mësohet se ishte kërcënuar nga ish-partneri i saj, kanë raportojnë mediat greke. 
    Tezja e viktimës ka deklaruar se i vetmi person me të cilin 27-vjeçari kishte konflikte ishte një shtetas grek, ish i dashuri i vajzës me të cilin Sulo Halili kishte krijuar një romancë. 
    Por, mënyra se si u vra shqiptari tregon se krimi është kryer nga njerëz që e planifikuan eliminimin e tij prej një kohe të gjithë, e mbi të gjitha e dinin se çfarë duhet të bënin për të mbuluar gjurmët.27-vjeçari, punëtor ndërtimi dhe banues në Halkida, përpara se të zhdukej u kishte thënë të afërmve se do të shkonte në Tebë me një mik. Sipas informacioneve, ai e la mikun e tij në Tebë dhe i tha këtij të fundit se do të shkonte në Vilia të Atikës për një punë. Atje, dy ditë pas zhdukjes së tij, makina e 27-vjeçarit u gjet e braktisur. 27-vjeçari ishte i martuar dhe madje e telefonoi gruan e tij kur mbërriti në vendngjarje për ta njoftuar. 
    Sipas raportit mjeko-ligjor, viktima u qëllua të paktën me një plumb, përpara se trupi i tij të digjej brenda makinës. Vrasësit raportohet se nuk lanë asnjë gjurmë pas. Ata përdorën një makinë të vjedhur me targa të rreme që korrespondonin me një automjet identik. 
    Në emision in “Me Zemnër të Hapur” të autores dhe moderatores Evis Ahmeti, babai i Sulo Halilit ka rrëfyer detaje nga ngjarja e rëndë. 
    “Më njoftoi nusja e djalit për ngjarjen. Ditën që u zhduk, djali shkoi të merrte patentën. Ishte me një shokun e tij, më pas u ndanë bashkë, kur ai e telefonoi më pas telefoni dilte i fikur. Im bir nuk kishte konflikte me askënd. 
    Askush nuk e ka kërcënuar të paktën unë nuk kam dijeni. 
    Ai ishte shumë i qetë, kishte gati 6-7 vite që jetonte në Greqi. I martuar kishte 4 vite. Martesa ishte pak problematike, por nuk di më shumë se cili ishte shkaku. Kanë 2 fëmijë bashkë, të mitur. 
    Trupi i tim biri u identifikua vetëm në sajë të ADN-së, analizat u krahasuan me gjakun që dhashë unë”, u shpreh ai. 
     

  • Gjendet trupi i pajetë i një gruaje në ujërat e lumit Shkumbin

    Rreth orës 19:00 të mbrëmjes banorët e Krastës lajmëruan policinë pasi identifikuan në ujërat e lumit Shkumbin trupin e një njeriu.
    Janë lajmëruar menjëherë palombarët të cilët për shkak të errësirës nuk kanë ndërhyrë. Në të tilla kushte janë angazhuar 7 efektivë zjarrfikës dhe 10 efektivë policie të cilën bënë të mundur nxjerrjen e trupit.
    Gruaja rreth 40 vjeçe ende e paidentifikuar, dyshohet se vuante nga probleme të shëndetit mendor, raporton korrespondentja e Top Channel Bruna Kërçyku.
    Trupi është dërguar në morgun e Elbasanit, por ende asnjë familjar nuk është interesuar për personin e mbytur.

  • E rëndë në Elbasan, gjendet një grua e mbytur në lumin Shkumbin,

    Foto ilustruese

    ELBASAN- Një trup i pajetë është gjetur mbrëmjen e sotme rreth orës 19:00 në ujërat e lumit Shkumbin. Burime bëjnë me dije se trupi i pajetë i përket një gruaje 40-vjeçe, ende të paidentifikuar, e cila dyshohet se vuante nga probleme të shëndetit mendor. Trupi është dërguar në morgun e Elbasanit, por ende asnjë familjar nuk është interesuar për personin e mbytur.
    Ndërkohë, palombarët kanë shkuar menjëherë në vendngjarje pas marrjes së njoftimit, por për shkak të errësirës nuk kanë ndërhyrë. Në të tilla kushte janë angazhuar 7 efektivë zjarrfikës dhe 10 efektivë policie të cilën bënë të mundur nxjerrjen e trupit./ZËRI

  • Në ankand ora e artë e pasagjerit të Titanikut/ Shitet për shifrën marramendëse…

    Në ankand ora e artë e pasagjerit të Titanikut/ Shitet për shifrën marramendëse…

    Një orë xhepi prej ari, që i përkiste Isidore Strauss, njërit prej pasagjerëve të pasur të Titanikut, i cili vdiq kur anija u fundos më 14 prill 1912, do të dalë në ankand më 22 nëntor nga Henry Aldridge & Son.
    Ajo pritet të ketë një vlerësim deri në 1 milion paund. Ora u gjet nga trupi i tij, disa ditë pas fundosjes.
    Isidore Strauss, një biznesmen amerikan i lindur në Bavari, politikan dhe bashkëpronar i dyqanit Macy’s në Nju Jork, po udhëtonte me gruan e tij, Aida, kur Titaniku, gjatë rrugës nga Southampton për në Nju Jork, goditi një ajsberg dhe u fundos.
    Më shumë se 1,500 njerëz humbën jetën, përfshirë çiftin. Aida thuhet se refuzoi një vend në njërën nga varkat e shpëtimit, duke deklaruar se nuk do ta braktiste burrin e saj; trupi i saj nuk u gjet kurrë.

    Ora, një ‘Jules Jurgensen’ 18 karatësh, ndaloi në orën 02:20 të mëngjesit, kur anija u fundos në Atlantik. Besohet se ka qenë një dhuratë nga Aida për burrin e saj në vitin 1888 dhe është e gdhendur me inicialet e Strauss. Pasi trupi i tij u gjet, ora iu kalua familjes derisa stërnipi i tij, Kenneth Hollister Strauss, e riparoi dhe e restauroi atë.
    Ora do të dalë në ankand së bashku me një letër të rrallë nga Aida, të shkruar gjatë udhëtimit, në të cilën ajo përshkruan luksin dhe kushtet mbresëlënëse të anijes.
    “Çfarë anijeje! Kaq e madhe dhe kaq madhështore e mobiluar”, shkroi ajo.
    Letra ka vulën postare “TransAtlantic 7” nga zyra postare e Titanikut.
    Henry Aldridge & Son do t’i ofrojnë të dy artikujt më 22 nëntor, me letrën e vlerësuar në 150,000 £. Ora pritet të bëhet një nga reliket më të shtrenjta të Titanikut që është ofruar ndonjëherë në ankand

  • KPA e mban në punë prokurorin, Komisionerja e vetingut e ankimoi për kriterin profesional

    KPA e mban në punë prokurorin, Komisionerja e vetingut e ankimoi për kriterin profesional

    Kolegji i Posaçëm i Apelimit, KPA la në fuqi konfirmimin në detyrë të prokurorit të Tiranës, Arben Agovi.
    Vendimi u mor nga trupi gjykues i përbërë nga Albana Shtylla kryesuese, Rezarta Schuetz relatore, Mimoza Tasi, Natasha Mulaj, Sokol Çomo anëtarë.
    Arben Agovi u konfirmua në detyrë më 13 dhjetor 2023, por Komisionerja Publike, Irena Nino e ankimoi si të pabazuar vendimarrjen e shkallës së parë të vetingut, duke argumentuar se subjekti nuk arrinte nivel të besueshëm për shkak të problemeve të konstatuara në kriterin profesional dhe në vlerësimin tërësor të çështjes.
    Vendimi:
    Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Rezarta Schuetz relatore, Mimoza Tasi, Natasha Mulaj, Sokol Çomo anëtarë, shpalli vendimin për çështjen nr. 6/2024, datë 14.02.2024, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 724, datë 13.12.2023, që lidhet me subjektin e rivlerësimit Arben Agovi.
    Në përfundim të gjykimit, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
    Lënien në fuqi të vendimit të Komisionit të Pavarur të Kualifikimit nr. 724, datë 13.12.2023, që i përket subjektit të rivlerësimit Arben Agovi.
    Ky vendim është përfundimtar dhe ka efekt të menjëhershëm.
    gijotina.com/

  • (EMRI)Zbulohet identiteti/ Ky është shqiptari që dyshohet të jetë vrarë e djegur në një automjet në Greqi

    (EMRI)Zbulohet identiteti/ Ky është shqiptari që dyshohet të jetë vrarë e djegur në një automjet në Greqi

    Policia greke dyshon se trupi i gjetur i vrarë me armë zjarri dhe më pas i djegur në një automjet në Skourta të Viotias, i përket një shtetasi shqiptar, ndërsa po priten rezultatet e analizave të ADN-së për konfirmim zyrtar. Sipas mediave greke, bëhet fjalë për 27-vjeçarin Sulo Halili, me origjinë nga Becishti i Tepelenës, i cili rezulton i zhdukur që nga pasditja e 4 nëntorit. Ai ishte larguar nga banesa e tij në Halkida dhe që prej asaj kohe nuk kishte dhënë më asnjë shenjë jete. Automjeti i tij u gjet i braktisur në zonën e Vilia-s, afër Athinës. 
    Halili përshkruhet si shtatshkurtër, rreth 1.70 metra i gjatë, me flokë të shkurtër ngjyrë kafe të errët, sy kafe dhe trup të dobët. Ai ka mjekër dhe një tatuazh në krahun e majtë me dy trëndafila, një yll dhe disa shkronja. Ditën që u zhduk, kishte veshur këmishë të zezë, pantallona xhins të zeza Cargo dhe atlete të bardha. 
    Sipas hetimeve paraprake, autopsia ka zbuluar se viktima është qëlluar me një plumb përpara se të digjej. Trupi u gjet i prangosur në sediljen e pasme të një makine të vjedhur në Glifadha, me targa të falsifikuara që i përkisnin një mjeti të ngjashëm në Katerini. 
    Hetuesit grekë nuk përjashtojnë mundësinë që 27-vjeçari të ketë qenë i përfshirë në veprimtari kriminale, ose të ketë rënë rastësisht viktimë e një hakmarrjeje. Rezultatet e analizës së ADN-së pritet të konfirmojnë zyrtarisht identitetin e viktimës në ditët në vijim. 

  • MINUTA E FUNDIT – Gjendet trupi i pajetë i një 65- vjeçari, policia jep informacionet e para…

    MINUTA E FUNDIT – Gjendet trupi i pajetë i një 65- vjeçari, policia jep informacionet e para…

    Pukë/Informacion paraprak
    Rreth orës 08:15, në hyrje të qytetit të Fushë-Arrëz, në rrugë është gjetur trupi i pajetë i shtetasit P. M., 65 vjeç. Nga këqyrja paraprake e trupit nuk janë konstatuar shenja dhune apo dëmtime të tjera.
    Grupi hetimor vijon punën për përcaktimin e shkakut të humbjes së jetës dhe dokumentimin e rrethanave të këtij rasti.

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!