Lajmidites.com

Tag: trupa

  • Protestat kundër vendimeve për imigracionin/ Trazirat në Los Anxhelos përshkallëzohen, Trump vendos trupa shtesë për të frenuar situatën

    Protestat kundër vendimeve për imigracionin/ Trazirat në Los Anxhelos përshkallëzohen, Trump vendos trupa shtesë për të frenuar situatën

    Tensionet në Kaliforni vazhdojnë të rriten teksa protestat kundër bastisjeve të Shërbimit të Imigracionit dhe Doganave (ICE) hynë në ditën e katërt, duke e shtyrë administratën e Presidentit Donald Trump të dislokojë një raund të ri trupash në rajon.

    Pentagoni konfirmoi se rreth 2,000 trupa të Gardës Kombëtare dhe 700 marinsa janë aktivizuar për të ndihmuar në menaxhimin e situatës në Los Anxhelos, pas përshkallëzimit të demonstratave që filluan të premten jashtë qendrës së qytetit.
    Protestuesit kishin dalë në rrugë pasi u raportua se ICE kishte nisur bastisje masive nëpër lagje me komunitete të mëdha emigrantësh.
    Tensionet kulmuan të hënën, kur forcat e policisë përdorën plumba gome për të shpërndarë protestuesit. Pamjet nga vendngjarja tregojnë turmat duke u shpërndarë në rrugët e qytetit nën ndërhyrje të ashpër nga forcat e rendit.
    Vendimi i Trump për të dërguar trupa ushtarake është përballur me kundërshtim të fortë nga autoritetet lokale.
    Guvernatori i Kalifornisë, Gavin Newsom, e ka kritikuar vendosjen e Gardës Kombëtare pa autorizimin e shtetit dhe ka paralajmëruar padi të re për përfshirjen e marinsave pa miratimin e tij.
    “Përdorimi i trupave ushtarake për çështje të brendshme civile është një precedent i rrezikshëm. Kalifornia nuk do të qëndrojë duarkryq përballë tejkalimeve të qeverisë federale,” deklaroi zyra e guvernatorit.

    Top Channel

  • Nuk u formua trupa gjykuese, shtyhet seanca për “5D”-në

    Nuk u formua trupa gjykuese, shtyhet seanca për “5D”-në

    Seanca gjyqësore e parashikuar këtë të enjte për “Dosjen 5D” është shtyrë për shkak të mosformimit të trupës gjykuese.
    Sipas tvklan mësohet se shkak u bë mungesa e gjyqtarit Erjon Bani, i cili po merr pjesë në një trajnim të paracaktuar.
    Më herët, anëtare e trupës gjykuese për këtë çështje ka qenë gjyqtarja Elsa Ulliri, e cila ka dhënë dorëheqjen pas shqyrtimit të disa kërkesave për këtë dosje.
    Ajo u zëvendësua nga Erjon Bani.
    Trupa gjykuese për këtë çështje përbëhet nga kryesuesja Flora Hajredinaj dhe anëtarët Flojera Davidhi dhe Erjon Bani.
    Seanca e radhës është caktuar për datën 10 qershor, ora 12:00.

  • Bisedimet për paqen Rusi-Ukrainë/ Më shumë shkëmbime të burgosurish, Moska sugjeron armëpushim tre ditor

    Bisedimet për paqen Rusi-Ukrainë/ Më shumë shkëmbime të burgosurish, Moska sugjeron armëpushim tre ditor

    Delegacionet ranë dakord të shkëmbenin robër lufte të plagosur rëndë, të burgosur të moshës 18 deri në 25 vjeç dhe trupa të ushtarëve të rënë, thotë ai.
    “Nuk ka vlerë më të madhe se jeta njerëzore dhe nëse një takim na lejon të kthejmë disa njerëz, çfarëdo numri, atëherë mendojmë se është një sukses. Ia vlen tashmë”, thotë ai.
    Numri i personave të përfshirë nuk është specifikuar ende, shton ai.
    Nga ana tjetër, Vladimir Medinsky, i cili është kryenegociatori i Vladimir Putinit tha se Rusia ka sugjeruar një armëpushim për dy-tre ditë në zona të caktuara.
    Duke folur me gazetarët jashtë takimit, Medinsky tha gjithashtu se negociatorët rusë u dorëzuan homologëve të tyre ukrainas një memorandum të detajuar ku përshkruheshin kushtet e Moskës për një armëpushim të plotë.
    Ai tha se memorandumi i Kremlinit përmbante hapa për një armëpushim të plotë dhe se Ukraina tani do ta shqyrtonte atë.
    Medinsky ka thënë gjithashtu se Rusia do t’i dorëzojë Ukrainës më shumë se 6,000 trupa gjatë javës së ardhshme.

  • Hamas jep dritën jeshile për armëpushim: Do të lirojmë 10 pengje dhe 18 trupa në këmbim të të burgosurve

    Hamas jep dritën jeshile për armëpushim: Do të lirojmë 10 pengje dhe 18 trupa në këmbim të të burgosurve

    Hamas ka dorëzuar zyrtarisht përgjigjen e tij ndaj një propozimi për armëpushim, të paraqitur nga i dërguari i posaçëm i Presidentit amerikan Donald Trump, Steve Witkoff, përmes ndërmjetësve të përfshirë në procesin diplomatik.
    Në një deklaratë për media, Hamas tha se grupi do të lirojë 10 pengje dhe do të dorëzojë 18 trupa të izraelitëve të vrarë, në këmbim të lirimit të një numri të pacaktuar të të burgosurve palestinezë që mbahen aktualisht në burgjet izraelite.
    Ky vendim vjen në një moment kur komuniteti ndërkombëtar po intensifikon përpjekjet për të frenuar përshkallëzimin e konfliktit midis Izraelit dhe Hamasit, që ka lënë mijëra të vrarë dhe plagosur që nga tetori i vitit të kaluar.
    Propozimi i paraqitur nga Witkoff, i cili është përfshirë aktivisht në përpjekjet diplomatike të epokës Trump për Lindjen e Mesme, është parë si një alternativë ndaj nismave të tjera ndërkombëtare që kanë dështuar deri tani të prodhojnë një marrëveshje të qëndrueshme.
    Megjithëse detajet e plota të propozimit nuk janë bërë publike, përgjigjja e Hamasit shënon një drejt një armëpushimi të mundshëm, pas muajsh të tërë luftimesh intensive dhe krizash humanitare në Rripin e Gazës.
    Izraeli ende nuk ka komentuar zyrtarisht mbi ofertën e Hamasit, por burime diplomatike thonë se çdo marrëveshje do të varet nga përputhshmëria me kushtet e Tel Avivit, veçanërisht sa i përket sigurisë dhe lirimit të pengjeve.
    Ndërkohë, presioni ndërkombëtar për një zgjidhje humanitare po rritet, ndërsa situata në terren mbetet jashtëzakonisht e brishtë dhe e tensionuar.

  • Zelensky: Rusia ka mbledhur mbi 50 mijë trupa në verilindje të Ukrainës

    Zelensky: Rusia ka mbledhur mbi 50 mijë trupa në verilindje të Ukrainës

    Rusia i ka grumbulluar më shumë se 50.000 trupa – përfshirë disa nga forcat e saj të stërvitura më së miri – pranë rajonit verilindor të Sumit në Ukrainë, tha presidenti ukrainas, Volodymyr Zelensky.
    Megjithatë, Zelensky theksoi se Kievi ka ndërmarrë masa për ta parandaluar ushtrinë ruse të kryejë një ofensivë të madhe me këta trupa.
    Grumbullimi i trupave ndodh në një kohë kur Rusia duket se po përgatitet për një ofensivë verore në Ukrainë, pavarësisht se Kievi pret nga ajo ta paraqesë një memorandum me kushtet e saj për t’i vazhduar bisedimet për armëpushim.
    Sumi shtrihet përgjatë rajonit rus të Kurskut, ku Ukraina më parë kishte pushtuar dhe mbajtur një pjesë të territorit rus për disa muaj, para se të tërhiqej pothuajse tërësisht muajin e kaluar, edhe pse Kievi thotë se ende mban disa zona të vogla atje.
    “Forcat e tyre më të mëdha, më të forta ndodhen tani në frontin e Kurskut”, tha Zelensky për gazetarë.
    “Qëllimi i tyre është t’i largojnë trupat tona nga rajoni i Kurskut dhe të përgatiten për ofensivë ndaj rajonit të Sumit”, shtoi ai.
    Putini ka thënë se dëshiron ta krijojë një “zonë të sigurisë” përgjatë kufirit të Rusisë me Ukrainën.
    Zelensky tha se beson që Rusia synon t’i marrë rreth 10 kilometra territor thellë brenda Ukrainës.
    Rusia ka kapur së paku katër fshatra kufitare në rajon kohët e fundit dhe ka përparuar ngadalë gjatë javëve të fundit në disa pjesë të vijës së frontit në Ukrainën lindore pranë qytetit Kostiantinivka.
    Megjithatë, presidenti ukrainas tha se rusët janë zmbrapsur nga ajo zonë me rreth 4 kilometra gjatë dy ditëve të fundit.
    Zelensky tha në një konferencë për shtyp se Qeveria e tij është e gatshme për bisedime të mëtejshme për paqe në çdo format. Ai tha se rundi i ardhshëm pritet të zhvillohet në nivel teknik, por ai vetë është i gatshëm për një takim trepalësh me presidentin amerikan, Donald Trump, dhe presidentin rus, Vladimir Putin.
    Ai shtoi se nuk dëshiron që Shtetet e Bashkuara të largohen nga procesi i paqes për Ukrainën, siç kanë kërcënuar të bëjnë nëse nuk arrihet përparim.
    Ukraina dhe Rusia këmbyen nga 1.000 të burgosur secila pas një takimi të delegacioneve të dy vendeve në Stamboll gati dy javë më parë, i cili nuk solli armëpushim, që kërkohej nga Ukraina, SHBA-ja dhe Evropa.
    Zelensky tha se i sheh Turqinë, Vatikanin dhe Zvicrën si vendet më të mundshme për negociata të mëtejshme me Rusinë.
    Ai theksoi se Rusia ka sugjeruar që bisedimet të zhvillohen në Bjellorusi – një propozim që Kievi e konsideron të pasinqertë dhe të pamundur, pasi trupat ruse përdorën këtë vend si trampolinë për pushtimin e Ukrainës në vitin 2022./REL

  • Rusia grumbullon 50,000 trupa pranë Sumy-t, Zelensky paralajmëron për ofensivë të re

    Rusia grumbullon 50,000 trupa pranë Sumy-t, Zelensky paralajmëron për ofensivë të re

    Rusia po grumbullon dhjetëra mijëra trupa pranë kufirit verilindor të Ukrainës, duke rritur shqetësimet për një ofensivë të re në rajonin e Sumy-t, paralajmëroi presidenti ukrainas Volodymyr Zelenskyy. Sipas tij, mbi 50,000 trupa janë vendosur tashmë në afërsi të këtij rajoni, në atë që Moska e cilëson si përpjekje për të krijuar një “zonë tampon sigurie” 10 kilometra në brendësi të territorit ukrainas.

    Zelensky theksoi se, përveç përqendrimit në Sumy, trupat më të mira të Rusisë po vendosen edhe në rajonin rus të Kurskut, duke sugjeruar se këto lëvizje janë pjesë e një strategjie më të gjerë ushtarake. “Ne e kuptojmë se çfarë po ndodh, por kemi pasur sukses atje”, tha ai të mërkurën.

    Lëvizjet ushtarake ruse vijnë në një kohë kur ushtria ukrainase konfirmoi kapjen e katër fshatrave pranë kufirit nga forcat ruse. Megjithatë, autoritetet vendore pohuan se banorët ishin evakuuar më herët dhe nuk ka rrezik për civilët. Deri më tani, mbi 56,000 civilë janë larguar nga rajoni si pasojë e sulmeve të intensifikuara dhe granatimeve të përditshme, bëri të ditur komandanti Oleh Hryhorov.

    Ndërkohë, shqetësime po shtohen edhe për një ofensivë të mundshme ruse në drejtim të Kharkivit. Sipas ushtrisë ukrainase, Moska po zhvendos forcat e saj drejt vijës së frontit, megjithëse aktualisht nuk ka shenja të sulmeve të menjëhershme. “Ata po përpiqen të afrohen më shumë me vijën e kontaktit”, tha Andrii Pomahaibus, shef i shtabit të Brigadës së 13-të të Gardës Kombëtare Khartiia.

    Presidenti rus Vladimir Putin deklaroi javën e kaluar se është marrë vendimi për krijimin e një “zone tampon sigurie” përgjatë rajoneve Kursk, Belgorod dhe Bryansk, që kufizohen me Ukrainën. Ai i kërkoi qeverisë ruse të mbështesë këtë plan, ndërsa zyrtarët rajonalë rusë kërkuan masa më të forta për mbrojtjen kufitare.

    Në nivel më të gjerë, ushtria ukrainase vlerëson se Rusia po përgatitet për një ofensivë të re gjatë verës, teksa luftimet janë përhapur përgjatë mbi 1,000 kilometrave në disa rajone. Zelensky njoftoi se Moska mobilizon rreth 40,000 deri në 45,000 trupa çdo muaj, ndërsa Ukraina arrin të mobilizojë rreth 25,000 deri në 27,000.

    Sipas presidentit ukrainas, ky është një tjetër sinjal i qartë për përshkallëzimin e konfliktit, pavarësisht thirrjeve nga Perëndimi për një armëpushim pa kushte. “Sa herë që SHBA-të shfaqin interes për dialog me Rusinë, kjo e fundit rrit mobilizimin e saj”, tha Zelensky.

    Sipas Shtabit të Përgjithshëm të Ukrainës, Rusia ka humbur thuajse një milion trupa që nga fillimi i agresionit, një shifër që përforcohet nga vlerësimet amerikane, të cilat sugjerojnë se numri total i viktimave nga të dyja palët ka tejkaluar tashmë 1 milion.

  • Zelensky ngre alarmin: Rusia po mbledh 50,000 trupa në kufirin verior të Ukrainës

    Zelensky ngre alarmin: Rusia po mbledh 50,000 trupa në kufirin verior të Ukrainës

    Presidenti Volodymyr Zelensky tha se Rusia ka mbledhur 50,000 trupa pranë rajonit verior Sumy të Ukrainës.
    Sipas mediave të huaja, udhëheqësi ukrainas tha se “forcat më të forta” të Kremlinit janë aktualisht në vijën e frontit në Kursk, në Rusinë perëndimore, duke shtuar se ai besonte se Rusia dëshironte një zonë tampon prej rreth gjashtë miljesh.
    Por ai shtoi se Kievi kishte ndërmarrë hapa për të parandaluar Moskën nga kryerja e një ofensive në shkallë të gjerë atje.
    “Forcat e tyre më të mëdha dhe më të forta janë aktualisht në frontin e Kurskut për të shtyrë trupat tona jashtë rajonit të Kurskut dhe për të përgatitur veprime ofensive kundër rajonit të Sumy”, u tha Zelenskyy gazetarëve.
    Sumy shtrihet përtej kufirit me rajonin Kursk të Rusisë, ku Ukraina më parë kishte pushtuar dhe mbajtur një copë tokë për muaj të tërë, përpara se të dëbohej pothuajse plotësisht muajin e kaluar.
    Rusia ka pushtuar të paktën katër fshatra kufitare në rajon kohët e fundit dhe është përpjekur të japë sinjale, me raportime se trupat e tyre po përgatiten për një ofensivë verore në Ukrainë.

  • Tmerr në Meksikë, 17 trupa të pajetë u gjetën brenda një shtëpie në shtetin më të dhunshëm të vendit

    Tmerr në Meksikë, 17 trupa të pajetë u gjetën brenda një shtëpie në shtetin më të dhunshëm të vendit

    Autoritetet meksikane gjetën shtatëmbëdhjetë trupa brenda një shtëpie të braktisur në shtetin e Guanajuato-s, më i dhunshmi në Meksikë bazuar në numrin e vrasjeve të regjistruara çdo vit, njoftoi zyra e prokurorit të hënën në mbrëmje.

    Trupat u gjetën gjatë hetimeve në Irapuato (qendror), një nga qytetet në Guanajuato të shkatërruara nga krimi i organizuar (më shumë se 3,000 vrasje në total në shtet në vitin 2024).

    Top Channel

  • Policia gjen 17 trupa të pajetë në një shtëpi

    Policia gjen 17 trupa të pajetë në një shtëpi

    Bota E Martë, 27 Maj 2025 21:13
    17 trupa u gjetën nga autoritetet në një shtëpi të braktisur në provincën e Guanajuato-s, në Meksikë. Guanajuato njihet si provinca më e dhunshme në Meksikë për sa i përket numrit të vrasjeve të regjistruara çdo vit, siç njoftoi zyra e prokurorit të hënën në mbrëmje. Trupat u gjetën gjatë hetimeve në Irapuato, një nga qytetet në Guanajuato të shkatërruara nga krimi i organizuar, pasi kishte më shumë se 3,000 vrasje gjithsej në vitin 2024.
     

  • E rëndë në Meksikë! Policia gjen 17 trupa të pajetë në një shtëpi në provincën më të dhunshme në vend

    E rëndë në Meksikë! Policia gjen 17 trupa të pajetë në një shtëpi në provincën më të dhunshme në vend

    Shtatëmbëdhjetë trupa u gjetën nga autoritetet në një shtëpi të braktisur në provincën e Guanajuato-s, në Meksikë.
    Guanajuato njihet si provinca më e dhunshme në Meksikë për sa i përket numrit të vrasjeve të regjistruara çdo vit, siç njoftoi zyra e prokurorit të hënën në mbrëmje.
    Trupat u gjetën gjatë hetimeve në Irapuato, një nga qytetet në Guanajuato të shkatërruara nga krimi i organizuar, pasi kishte më shumë se 3,000 vrasje gjithsej në vitin 2024.