Lajmidites.com

Tag: trumpit

  • DW/ Trump po bëhet mbret i kriptomonedhave – por me çfarë çmimi?

    DW/ Trump po bëhet mbret i kriptomonedhave – por me çfarë çmimi?

    Presidenti i SHBA-së Donald Trump dhe famlija e tij që prej kthimit të tij në Shtëpinë e Bardhë fitojnë miliarda me sipërmarrje kripto duke përfituar nga influenca e Trumpit në tregun me më pak rregulla. Meqënëse djemtë e Trumpit drejtojnë sipërmarrjen, kritikët vërejnë një përzierje shqetësuese të pushtetit presidencial dhe përpjekjeve personale për përfitim.

    Nga Meme-Coins deri tek Stablecoins – monedhat digjitale, që janë interpretuar në një vlerë fikse – fitimi financiar llogaritet të jetë mbi pesë miliardë dollarë (4,25 miliardë euro). Kritikët tërheqin vëmendjen për lakminë e pashembullt për fitim të presidentit në post.

    Dy sipërmarrje i nxisin fitimet kripto të familjes Trump: World Liberty Financial (WLF), një platformë financiare e decentralizuar, rregullat e kredidhënies së të cilës mund të bashkëkonceptohen nga përdoruesit me tokenin $WLFI, dhe American Bitcoin Corp. (ABTC), një sipërmarrje Bitcoin për kërkimin e pasurive nëntokësore e regjistruar në Nasdaq.

    WLF me shtijen e $WLFI-Token, që janë të lidhura me emrin e Trumpit, fiton miliona, ndërsa ABTC, që mbështetet na djemtë e tij, posedon vlera të rëndësishme pasurie Bitcoin. Me hedhjen në bursë kursi përkohësisht u rrit me rreth 110 përqind, duke u fiksuar me 16,5 përqind mbi kursin fillestar të inagurimit që ishte 6,90 dollarë. Sipas një informacioni të agjencisë së lajmeve Reuters, sipërmarrja e Trumpit posedon 60 përqind të WLF dhe pretendon 75 përqind të të ardhurave nga shitja e Coins-ave.

    Ushtrim shqetësues influence

    Kritikët mendojnë, se presidenti republikan me rolin e dyfishtë si përfitues nga kriptomonedhat dhe vendimmarrës politik po minon besimin në opinionin publik duke i përzier kufijtë mes drejtimit të qeverisë dhe pasurimit vetiak.

    Juristi dhe eksperti i financave në SHBA, Ross Delston, tërheq vëmendjen, se kripto-firmat mund t’u ofrojnë një shteg investitorëve të dyshimtë, që përmes Coins-ave digjital të sigurojnë influencën politike tek Trump.

    “Kjo është një rrugë e re që i mundëson presidentit, të marrë para prej kujtdo, përfshi edhe persona dhe shtete, që sipas ligjeve të SHBA-së për luftën elektorale do të ishin të ndaluara, ose nga persona, që janë dënuar për vepra penale ose ndaj të cilëve zhvillohen hetime”, thotë Delston për DW.

    Trump zbut rregullat për kriptomonedhat

    Gjatë mandatit të tij të parë Trump e cilësonte monedhën digjitale Bitcoin si “mashtrim” dhe kërcënim për dollarin. Tani ai do ta kthejë SHBA-në në kryeqendrën kripto të botës.

    Nën Trumpin promovuesi prej shumë vitesh i kriptos Paul Atkins u bë drejtues i Autoriteti të SHBA-së për Mbikqyrjen Financiare SEC. Një ndër dekretet e para të nënshkruara nga Trump në janar ishte t’u ndalojë të gjitha autoriteteve të SHBA-së krijimin ose nxitjen e një banke qendrore të monedhës digjitale (CBDC) – një versioni kripto i dollarit i dhënë nga qeveria.

    Në mars ai filloi të krijojë një rezervë strategjike kripto me konfiskimin e pasurive kripto. Në verë Trump nënshkroi genius act, kuadri i parë ligjor federal për Stablecoins. 

    Bankete madhështore dhe favore politike

    Entuziazmi për kriptomonedhat është përhapur përtej politikës në evente të nivele të larta shoqërore, veçanërisht për darka e bankete për depozituesit e mëdhenj digjital, organizuar nga Shtëpia e Bardhë. Takimet ekskluzive me meny të pasura dhe akses ekskluziv tek presidenti po kritikohen për shkak të përzierjes së pushtetit politik me interesat financiare private.

    Një ngjarje e spikatur ishte Crypto Kings-Dinner në maj 2025 në klubin kombëtar të golfit Trump në Virxhinia, ku ishin ftuar nga Meme-Coin $TRUMP e Trumpit investitorë, që bashkarisht kishin investuar 148 milionë dollarë.

    Në event 25 investitorëve të mëdhenj të Meme-Coin $TRUMP të Trumpit iu krijua akses privat tek presidenti, ndërsa katër bashkëaksionerëve më të mëdhenj iu dhuruan orët luksoze nga koleksioni i Trumpit. Justin Sun, një kripto-miliarder i lindur në Kinë dhe këshilltar i World Liberty Financial, ishte me shpenzimet në vlerën e 18,5 milionë dollarëve i ftuari më i rëndësishëm.

    “Me gjasë kjo është një tjetër përpjekje e qeverisë, të ndërlidhë postet publike me inetresat private”, deklaron për DW Richard Briffault, profesor në Columbia Law School.  

    Autoritetet rregullatore të rezervuara, ndërsa kritikët bëjnë thirrje të merren masa

    Autoritetet rregullatore në SHBA qendrojnë të tërhequra sa i përket mbikqyrjes së kriptomonedhave. Së fundi Uashingtoni ka shfuqizuar disa rregulla. Si p.sh. deklarimin e vlerave të pasurive kripto në bilancet e firmave. Në këtë mënyrë sipërmarrjet kanë më shumë hapësirë veprimi, për t’i avancuar bizneset e tyre. Ndërsa mbikqyrja e bursës SEC nën drejtorin e mëparshëm Gary Gensler iu kundërvu me hetime të rrepta dhe akuza kësaj dege, masat nën qeverinë e dytë të Trump janë lënë krejt pasdore.

    Si “kapitalizëm kripto me stimulues” e përshkruan një nga rrethi i brendshëm i Trump këtë zhvillim. Kjo degë është në bum, por sa i përket temave të etikës, transparencës dhe stabilitetit afatgjatë vëzhguesit kanë ngrenë shumë pikëpyetje.

    Përmasa alarmante të shkarkimeve në autoritetet federale

    Gjithnjë e më shumë kryeartikuj po u kushtohen shkarkimeve të nëpunësve federalë, që qeveria Trump i ka halë në sy, si guvernatorja e Bankës së Rezervave Lisa Cook, drejtorja e Autoritetit të Shëndetësisë në SHBA, CDC, Susan Monarez apo shefja e Autoritetit të Statistikave të Tregut të Punës, Erika McEntarfer.

    “Qeveria nuk ka skrupuj për të shkarkuar njerëzit, ndër ta edhe nëpunës të thjeshtë, nëse ata nuk janë politikisht në të njëjtën linjë me qeverinë”, thotë juristi i Columbias Richard Briffault. “Nuk ka sinjal më të qartë se sa shkakrimi i drejtores së Bureau of Labor Statistics (Erika McEntarfer, d. Red.). Nëse ata janë të gatshëm, janë të gatshëm të shkakrojnë këdo.”

    Klima e karakterizuar nga frika dhe hakmjarrja ka si pasojë, që autoritetet e mbikqyrjes nuk i shqyrtojnë me sy kritik projektet kripto të Trumpit – madje as edhe kur janë evidente problemet etike. Në kongres po shtohen thirrjet për një kontroll më të rreptë. Deputetët kërkojnë rregulla të qarta për monedhën digjitale, më shumë transparencë për sipërmarrjet si WLF dhe kushte për nëpunësit me rezerva të vetat kripto./ DW/ 

  • Trump në Angli, vizita tre-ditore e Presidentit amerikan me ftesë të monarkut britanik

    Trump në Angli, vizita tre-ditore e Presidentit amerikan me ftesë të monarkut britanik

    Në një fjalim në vitin 1848 në Parlamentin britanik, ish-kryeministri i atëhershëm Lordi Palmerston do deklaronte se “ne nuk kemi miq dhe armiq të përhershëm, por interesa të përhershme”.

    Kjo thënie më pas u adoptua nga diplomati legjendar amerikan Henry Kissinger. Pak a shumë kjo linjë diplomatike autentike britanike vazhdon edhe sot e kësaj dite dhe kryeministri Sir Keir Starmer nuk ka si t’i ikë kësaj aksiome edhe në prag të vizitës së dytë zyrtare të presidentit Trump në Londër, e para për një kryetar shteti.
    Vetëm një kryeministër britanik mund t’i ofrojë një presidenti amerikan, një filobritaniku si Trump në thelb, pompozitetin dhe ceremonitë protokollare nëpër kështjellat mbretërore të ofruara nga monarku britanik Charles.
    Vizita e Starmerit, i ftuar në shkurt, në Zyrën Ovale, u duk si e hershme si ftesë në qarqet mediatike dhe diplomatike, dhe se Trump do duhej të bënte më shumë që të merrte një trajtim të tillë dy herë për një kryetar shteti, siç po ndodh me Trump.
    Kjo vizitë treditore që fillon këtë të martë në Londër, ndodh në një sfond të komplikuar, siç është skandali me ish-pedofilin famëkeq amerikan Epstein, i cili ka njollosur emrin e Trump, madje ka ngrënë edhe kokën e ambasadorit britanik në Uashington, ish-mikun e Tony Blair-it, Lordit Mendelson.
    Kjo vizitë e Trumpit nuk është e para që shkakton kaq debat, pasi ka pasur liderë të tjerë botërorë ndër vite dhe dekada, si Ceaușescu apo Putin, por kurrë s’ka pasur një skandal të këtyre përmasave në sfondin e një vizite shtetërore.
    Ka një kaleidoskop çështjesh në raportet Trump-Starmer, si Ukraina, Gaza problematike për partinë e kryeministrit Starmer, apo politika joortodokse e Trumpit për tarifat. Por tre ditët e ardhshme do vendosin nëse do ketë mbyllje të çarash në marrëdhëniet transatlantike.
    Qeveria e Starmer argumenton se ofensiva sharmante ndaj Trumpit është rezultative, ku Britania ka përfituar më shumë se Evropa, pasi më shumë se një miliardë dollarë janë para amerikane të investuara në firmat financiare britanike.
    Ka një shkollë të vjetër mendimi diplomatik në Londër që kërkon argumenta kundër kësaj vizite të presidentit amerikan. Por ka të tjerë që janë për një qasje më pragmatike, thënë ndryshe, për pushtetin e butë, dhe pavarësisht nëse të pëlqejnë ose jo disa aspekte të sjelljeve politike apo personale të Trumpit, ka gjëra më të rëndësishme në rrezik për interesat vitale britanike.
    E nëse kjo vizitë i shërben interesit britanik, gjithçka tjetër është irrelevante në një botë gjithnjë e më të paparashikueshme.

    Top Channel

  • “Poshtërim”/ Evropa po ia shet shpirtin Trumpit

    “Poshtërim”/ Evropa po ia shet shpirtin Trumpit

    Nga Martin Sandbu, Financial Times

    Një “poshtërim”, “dorëzimi ekonomik” dhe retorikë që “duket se është vjedhur nga industria e argëtimit për të rritur”.

    Këto janë vetëm një përzgjedhje e vogël e reagimeve të evropianëve ndaj mënyrës se si udhëheqësit e tyre i janë përulur Donald Trump – së pari për pranimin e kërkesës së presidentit amerikan që vendet e NATO-s të shpenzojnë 5 përqind të të ardhurave kombëtare për mbrojtje, pastaj duke miratuar një “marrëveshje” tregtare që e lë BE-në shumë më keq se më parë.
    Kur Trump u kthye në Shtëpinë e Bardhë, udhëheqësit evropianë dukeshin të pabindur se si ta trajtonin atë.
    Deri tani, zgjedhja e tyre strategjike është e dukshme. Është akomodim në vend të konfrontimit, i shoqëruar nga retorikë lajkatuese që lëvdon me zhurmë aftësinë e Trump për paqe dhe arritjen e marrëveshjeve. Pyetja është nëse humbja e vetërespektit ia ka vlejtur.
    Flisni me ata që janë afër vendimmarrjes, dhe refreni është se “askush nuk është naiv këtu”. Në vend të kësaj, lutja është pragmatizëm.
    Mund të dallohen tre pretendime specifike.
    Së pari, meqenëse fjalët janë të lira, pse të mos i bëjmë lajkat Trump?
    Së dyti, ajo që është arritur është më e mirë se alternativat (duke dëmtuar mbrojtjen e Ukrainës dhe duke luftuar hapur tregtinë). Me fat, kompanitë e BE-së mund të përfitojnë edhe nga tarifat akoma më të larta të vendosura në shumë tregti jo-evropiane.
    Dhe së treti, politikëbërësit do të pranojnë me zë të ulët se shumë nga premtimet e Evropës ndaj Trump janë vetëm për sy e faqe. Premtimet për 5% shpenzime mbrojtëse dhe investime e blerje të mëdha në SHBA nuk janë realiste ose të synuara të mbahen, por Trump i bleu ato, kështu që bravo.
    Se ky qëndrim është i paparimshëm është i padiskutueshëm; një përgjigje parimore do të ishte të kundërsulmosh. Problemi më i madh është se ai dështon në provën e pragmatizmit të vetë mbështetësve. Pragmatizmi i vërtetë do të ishte të zvogëlohej ekspozimi ndaj një SHBA armiqësore.
    Ajo që mbështetësit e quajnë pragmatizëm është në fakt oportunizëm – i cili jo vetëm që është i pakëndshëm, por po shkakton edhe dëme të vërteta, jo vetëm në politikën e vetë Evropës.
    Siç e kupton kaq mirë Trump, biseda nuk është në fakt e lirë. Biseda politike përcakton pritjet dhe formëson pushtetin. Përqafimi i Mark Rutte dhe Ursula von der Leyen me Trumpin ka rëndësi, sepse do të thotë që udhëheqësit e huaj tani i japin atij lirisht atë që ai tashmë e ka imponuar në vend: pranimin se arritja e çdo gjëje kërkon të mos thuhet e vërteta.
    Udhëheqësit evropianë kanë mbështetur gjithashtu konceptin e Trumpit për politikën si performancë televizive. Si rezultat, tërbimet, ngacmimet dhe dëshira e tij për nënshtrim ritual po normalizohen në skenën ndërkombëtare.
    Për më tepër, Evropa ka sakrifikuar aftësinë për të denoncuar shkeljen e tij të traktateve ndërkombëtare – siç është kërkesa e Organizatës Botërore të Tregtisë për parimin e kombit më të favorizuar.
    Ajo gjithashtu është pajtuar me idenë se rezultatet arrihen përmes negociatave të personalizuara midis burrave të mëdhenj (dhe herë pas here grave), në vend të punës së mundimshme të diskutimit demokratik dhe ndërtimit të konsensusit.
    Por vini re se çfarë i kanë kushtuar Evropës këto zgjedhje. Ajo ka humbur të gjithë kapitalin politik që mund të kishte mobilizuar për të udhëhequr një koalicion vendesh në mbrojtje të tregtisë së bazuar në rregulla dhe një kundërshtimi të përbashkët ndaj Trumpit.
    Jo vetëm kaq, ajo ka tradhtuar miqtë e saj amerikanë, të cilët kishin llogaritur se Evropa do t’i kundërvihej Trumpit ndërsa ata luftonin ta bënin vetë këtë.
    Më e rëndësishmja, Evropa po rrezikon shpirtin e saj politik. E ka vënë veten në një situatë ku udhëheqësit nuk mund të thonë publikisht se çfarë po përpiqen të bëjnë në të vërtetë. Kjo është një recetë për mosbesim dhe një helm për demokracinë – dhe demokracinë liberale evropiane në veçanti.
    Si mund t’i mbështesin votuesit politikat, natyra e vërtetë e të cilave nuk mund të pranohet publikisht (siç janë premtimet ndaj Trumpit që nuk janë reale)? Nëse BE pranon në mënyrë hipokrite atë që ekonomisti Richard Baldwin e quan “doktrina e ankesave” e globalizimit, si mund t’i largojë forcat anti-evropiane që lulëzojnë mbi këto pikëpamje në vend?
    Rreziku, pra, është se pëshpëritjet evropiane të Trumpit ia nënshtrojnë nevojën për llogaridhënie të gjerë një fokusi trumpian të “besimit të udhëheqësit” në arritjen e marrëveshjeve, dhe autoritarizmit të natyrshëm që kjo përfshin.
    Duke e lënë vullnetin e Trumpit të triumfojë mbi realitetin, mbrojtja gjoja pragmatike e interesave të tyre kolektive nga udhëheqësit evropianë në fakt po përshpejton Trumpifikimin e politikës në të gjithë kontinentin.
    Një kurs tjetër ishte i mundur.
    Në shkurt, Presidenti i Ukrainës, Volodymyr Zelenskyy, mbajti qëndrimin e tij kur u qortua nga Trump në Zyrën Ovale – dhe nuk është më keq për këtë, duke gjykuar nga vizita e tij e kthimit javën e kaluar.
    Nëse udhëheqësit e tjerë të Evropës kishin nevojë të merrnin një shembull nga Shtëpia e Bardhë, ky do të kishte qenë i duhuri për t’u ndjekur.

  • Teksa po kërkon raporte më të mira me Putinin, Trump telefonon edhe Lukashenkon

    Teksa po kërkon raporte më të mira me Putinin, Trump telefonon edhe Lukashenkon

    Presidenti i Shteteve të Bashkuara, Donald Trump, i telefonoi liderit bjellorus, Aleksandr Lukashenko, vetëm disa orë para takimit me Vladimir Putinin javën e kaluar në Alaskë, duke i befasuar shumë vëzhgues dhe politikanë.

    Trumpi shkroi në rrjetet sociale – duke e përshkruar Lukashenkon si “president shumë të respektuar” – se biseda e tij me të ishte përqendruar tek lirimi i 1.300 të burgosurve politikë.

    Sipas Valer Kavaleuskit, kreut të një organizate në mërgim të quajtur Agjencia e Çështjeve Euro-Atlantike, theksi i Trumpit mbi të burgosurit politikë ishte thellësisht simbolik.

    “Trump e vendosi çështjen humanitare, lirimin e të burgosurve politikë, në krye të mesazhit të tij”, tha Kavaleuski për Radion Evropa e Lirë (REL).

    “Kjo thekson se negociatat humanitare janë të përshtatshme si për Minskun, ashtu edhe për Uashingtonin. Ato shmangin çështjet e vështira, si gjeopolitika apo lufta në Ukrainë, ndërkohë që duken bujare dhe të denja, sepse lidhen me jetën e njerëzve”, nënvizoi ai.

    Për Lukashenkon, i kritikuar prej kohësh dhe i izoluar nga Perëndimi si diktator dhe aleat i ngushtë i Putinit, telefonata e Trumpit përfaqësonte një përparim diplomatik.

    “Një dhuratë për Lukashenkon”

    Valer Karbalevich, analist politik për Shërbimin bjellorus të REL-t, tha se kjo telefonata ishte “dhuratë e madhe” për Lukashenkon, sepse i mundëson një rrugë kthimi pas shkatërrimit të marrëdhënieve me Perëndimin kur i shtypi brutalisht protestat masive kundër manipulimit në zgjedhjet e vitit 2020.

    “Lukashenko është i kënaqur”, shkroi ai. “Ai ndien qartazi një shqetësim psikologjik sepse, tash e pesë vjet, vendet perëndimore nuk e kanë njohur si president të Bjellorusisë”.

    Por, Kavaleuski mendon ndryshe: “Edhe me letra të dobëta në dorë, si i panjohur, nën kontrollin rus dhe i përfshirë në agresion kundër Ukrainës, Lukashenko arriti të lidhej me Trumpin… Kjo nuk ishte dhuratë. Ishte rezultat i një diplomacie të synuar dhe të aftë të bjellorusëve”.

    Svyatlana Tsikhanouskaya, udhëheqësja opozitare bjelloruse në mërgim, përshëndeti përpjekjet e Trumpit për lirimin e të burgosurve politikë në Bjellorusi, por kërkoi vazhdimin e trysnisë ndaj regjimit të Lukashenkos.

    Për momentin, interesimi i Trumpit për Lukashenkon ka thyer një bllokadë disavjeçare. Mbetet e paqartë nëse kjo tregon thjesht një gjest humanitar apo fillimin e një kanali të ri diplomacie amerikane.

    Për opozitën bjelloruse, shqetësimi është se gjestet humanitare të Trumpit mund të hapin derën për legjitimimin e Lukashenkos pa sjellë reforma themelore.

  • Shtëpia e Bardhë fshin nga video duartrokitjet e Trumpit për Putinin

    Shtëpia e Bardhë fshin nga video duartrokitjet e Trumpit për Putinin

    Siç u pa edhe gjatw transmetimit direkt, Donald Trump duartrokiti Vladimir Putinin disa herë kur dy liderët u takuan mbi një tapet të kuq në bazën ajrore të SHBA-së, ku tani po zhvillojnë takim privat me këshilltarët e tyre kryesorë për politikën e jashtme.
    Zyra e Shtypit e Kremlinit shpërndau shpejt një fotografi të presidentit amerikan duke duartrokitur “kundërshtarin e tij rus”.
     

    Fakti që presidenti i SHBA-së duartrokiti presidentin rus dhe kriminel të dënuar lufte, bëri që historiani i Luftës së Ftohtë me origjinë ruse, Sergey Radchenko, të postonte një emoji të habitur në X. “Unë argumentova në librin tim se rusët dëshirojnë më shumë se gjithçka të njihen nga SHBA-ja,” shtoi ai. “Ja ku e kemi. Këtu është.”
    Tre raundet e duartrokitjeve të Trumpit u kapën në një transmetim të drejtpërdrejtë në kanalin e Shtëpisë së Bardhë në YouTube. Por, disa minuta më vonë, kur Shtëpia e Bardhë postoi videon e përshëndetjes në rrjetet sociale, klipi u redaktua që të fillonte një çast pas përfundimit të raundit të tretë të duartrokitjeve të Trumpit për Putinin.
    Videoja e postuar në llogaritë zyrtare të Shtëpisë së Bardhë në Instagram dhe X tregon se krahu i majtë i Trumpit ende lëvizte pranë trupit teksa fillonte klipi. Një shikim i transmetimit origjinal tregon se krahu i tij sapo kishte rënë pranë trupit në atë pikë, pasi ishte ngritur përpara presidentit për të duartrokitur liderin rus, i dënuar nga Gjykata Ndërkombëtare Penale për rrëmbimin e fëmijëve ukrainas.

    Top Channel

  • Ankthi kaplon Kievin dhe Brukselin në prag të takimit të sotëm Trump-Putin

    Ankthi kaplon Kievin dhe Brukselin në prag të takimit të sotëm Trump-Putin

    Foto ilustruese

    SHBA- Derisa presidenti i Rusisë, Vladimir Putin, dhe presidenti i Shteteve të Bashkuara, Donald Trump, përgatiten të takohen në Alaskë për një takim shumë të rëndësishëm për të biseduar për përfundimin e luftës gati 4-vjeçare në Ukrainë, një ndjenjë pasigurie i ka kapluar kryeqytetet evropiane, veçanërisht Kievin. Takimi i sotëm mes dy liderëve, i pari që nga kthimi i Trumpit në Shtëpinë e Bardhë në janar, mund të riformësojë jo vetëm kufijtë e ardhshëm të Ukrainës, por edhe sigurinë evropiane, pa i pyetur Kievin apo Brukselin.
    Trump e ka bërë përfundimin e konfliktit më të madh në Evropë që nga Lufta e Dytë Botërore prioritet kryesor të politikës së jashtme amerikane. Duke qenë i sigurt në aftësitë e tij për të bërë marrëveshje dhe marrëdhënien miqësore me Putinin, Trumpi beson se ky qëllim mund të arrihet duke filluar me takimin kokë më kokë në Alaskë, i caktuar para një jave. Prej atëherë, zyrtarët dhe ekspertët perëndimorë kanë shprehur shqetësimin se Trump, i cili shmang procedurat tradicionale diplomatike në favor të marrëveshjeve të drejtpërdrejta, mund të mashtrohet nga Putini, i cili ka mbi një çerek shekulli përvojë në negociatat me liderët perëndimorë.
    Kur ai u tha gazetarëve se do të diskutojë me Putinin mundësinë e shkëmbimeve të tokës midis Rusisë dhe Ukrainës, shkalla e ankthit u rrit për shkak të frikës se ai mund të njohë marrjen e tokës nga Kremlini, duke e kënaqur agresorin.
    Njoftimi i papritur për takimin i vuri në lëvizje liderët ukrainas dhe evropianë për të siguruar takime me Trumpin. Derisa liderët evropianë shprehën një farë lehtësimi pas një bisede telefonike me Trumpin më 13 gusht, ekspertët thonë se çfarë do të pranojë lideri 79-vjeçar amerikan në Alaskë mbetet e paqartë.
    “Vlen të theksohet se është e jashtëzakonshme që ka një shkallë kaq të lartë pasigurie për atë që do të dalë nga ky takim”, tha Andrea Kendall-Taylor, drejtoreshë e Programit të Sigurisë Transatlantike në Qendrën për Siguri të Re Amerikane (CNAS).
    “Ka qenë jashtëzakonisht e vështirë të kuptohen qëndrimet e presidentit Trump ndaj Ukrainës, kryesisht për shkak të kthesave të befasishme dhe kontradiktave”, shtoi ajo më 14 gusht gjatë një bisede telefonike me gazetarët.
    Trump, i cili ndër vite ka shprehur admirim për Putinin, e sulmoi presidentin ukrainas Volodymyr Zelensky në shkurt gjatë një takimi në Zyrën Ovale, gjë që tronditi botën perëndimore.
    Disa muaj më vonë, Trump e drejtoi zemërimin e tij ndaj Putinit për mospranimin e kërkesës së tij për një armëpushim 30-ditor. Pavarësisht retorikës dhe kërcënimeve për sanksione, Trump deri më tani nuk e ka ndëshkuar Rusinë. Kendall-Taylor e sheh këtë si shenjë se afërsia e Trumpit me Rusinë dhe Putinin vazhdon. Në prag të samitit, Trump vazhdoi t’i mbajë të gjithë në pasiguri për rezultatin e tij. Duke minimizuar shanset për ndonjë përparim në Alaskë, ai i tha Fox News se Putini “do të bëjë një marrëveshje”.
    Ai gjithashtu tha për Fox News se mund të jetë i gatshëm të qëndrojë në Alaskë për një takim trepalësh, duke përfshirë Zelenskyn-n, nëse arrin përparim me liderin rus. Më 14 gusht, Zelenskyn ishte në Londër për të diskutuar çështje sigurie me kryeministrin britanik Keir Starmer, si shenjë e mbështetjes britanike. Ai dhe liderët e tjerë evropianë duan të sigurohen që interesat e tyre të merren në konsideratë kur Trump dhe Putin të takohen.
    Në Moskë, Putin vlerësoi përpjekjet e Trumpit për t’i dhënë fund luftës në një video të shkurtër të publikuar nga Kremlini, duke thënë se Shtëpia e Bardhë po bën “përpjekje mjaft energjike dhe të sinqerta për të ndaluar armiqësitë” dhe për të “arritur marrëveshje që janë me interes për të gjitha palët e përfshira”.
    Megjithatë, ekziston shumë skepticizëm për qëllimet e vërteta të Putinit, i cili përputhet me shkallën e lartë të ankthit në Ukrainë.
    “Vetë fakti që ky takim po ndodh nuk është në favor të Ukrainës”, tha Olga Tokariuk, bashkëpunëtore në Programin e Qëndresës Demokratike të Qendrës për Analizën e Politikave Evropiane (CEPA).
    E kundërta është e vërtetë për Rusinë “sepse e legjitimon Putinin”, shtoi ajo gjatë një bisede telefonike më 14 gusht.
    “Ai siguron takim me presidentin e SHBA-së në tokën amerikane pa bërë asnjë lëshim nga ana e tij”, shtoi ajo.
    Skenari më i keq, sipas Tokariuk, do të ishte nëse Ukraina detyrohet të bëjë disa lëshime territoriale pa marrë ndonjë garanci sigurie në këmbim. Ajo paralajmëroi se kjo do të çonte vetëm në agresion të ri rus brenda disa muajsh.
    “Nëse nuk ka përgjegjësi për Rusinë për nisjen e kësaj lufte në shkallë të plotë në vitin 2022, kjo thjesht do ta inkurajojë Rusinë të kthehet për të kërkuar më shumë”, tha Tokariuk.
    Kendall-Taylor tha se një rrezik për Ukrainën është që Putini mund të arrijë ta “riformësojë” këndvështrimin e Trumpit për Zelenskyn si pengesë për përfundimin e luftës.
    Rreziku është që nëse Putini flet për dëshirën e tij të sinqertë për t’i dhënë fund luftës dhe paraqet disa “propozime që duken të arsyeshme, por që Ukraina do t’i refuzojë”, Zelensky mund të gjendet sërish në shënjestrën e Trumpit si figurë kokëfortë dhe e papajtueshme”, tha Kendall-Taylor, e cila ka shërbyer si zyrtare e inteligjencës kombëtare për Rusinë dhe Euroazinë në Këshillin Kombëtar të Inteligjencës së SHBA-së nga viti 2015 deri në vitin 2018.
    Ka gjithashtu skepticizëm se kërcënimi ndaj Putinit me tarifa është i mjaftueshëm për të frenuar ambiciet e tij territoriale. Trump duhet të jetë i vendosur, tha Richard Haas, ish-zyrtar i lartë i Departamentit të Shtetit që ka ndihmuar në negociimin e marrëveshjeve të paqes për SHBA-në në administratat e mëparshme.
    “Nëse me të vërtetë doni t’i ndryshoni llogaritë e Putinit, duhet t’ia hiqni nga mendja Putinit nocionin se koha është në anën e tij, [dhe] se duke vazhduar këtë luftë Rusia gradualisht do të bluajë dhe do të marrë atë që do”, tha Haas për CBS. “Gjithçka që Presidenti Trump duhet të bëjë është t’i thotë, ‘Vlad, nuk do të ndodhë’”.
    Bisedimet vijnë në një kohë vendimtare, pasi Trump është gjithnjë e më i zemëruar me Putinin, i cili nuk po tregon shenja të tërheqjes nga kërkesat maksimale të Kremlinit. Trump dhe Putin kanë zhvilluar gjashtë telefonata, dhe i dërguari kryesor i Shtëpisë së Bardhë ka udhëtuar në Moskë të paktën tri herë.
    Zelensky tha se ai dhe Starmer diskutuan “në detaje të konsiderueshme” garancitë e sigurisë që Ukraina ka thënë se janë të nevojshme për të pranuar një armëpushim. Trump tha në intervistën për Fox News se, nëse ai do të ftonte Zelenskyn për një takim trepalësh me Putinin, kjo do të ishte “shumë, shumë e rëndësishme, sepse ky do të ishte një takim ku ata bëjnë një marrëveshje”.
    Ai gjithashtu përmendi përsëri mundësinë e shkëmbimeve territoriale.
    “Nuk dua të përdor fjalën ‘ndaj gjërat’, por në një farë mase nuk është term i keq, OK?” tha ai. Trump më parë ka thënë se për t’i dhënë fund konfliktit të dyja palët duhet të shkëmbejnë tokë për të ndaluar luftimet e ashpra që kanë kushtuar me dhjetëra mijëra jetë nga të dyja anët dhe kanë zhvendosur miliona ukrainas.
    Por, presidenti francez Emmanuel Macron tha se Trump ka qenë “shumë i qartë” në një telefonatë më 13 gusht se dëshiron të arrijë një armëpushim në takim me Putinin dhe se ai ka qenë i qartë që “çështjet territoriale që lidhen me Ukrainën… do të negociohen vetëm nga presidenti ukrainas”.
    “Mendimi i Trumpit duket më i përafruar me atë të evropianëve sesa mendohej fillimisht nga disa”, tha një zyrtar evropian për Radion Evropa e Lirë pas telefonatës. Trump ka paralajmëruar Rusinë për “pasoja shumë të rënda” nëse nuk e ndalon luftën kundër Ukrainës, por nuk ka dhënë hollësi se me çfarë pasojash mund të përballet Moska.
    Nëse konfirmohet këmbëngulja e Trumpit për përfshirjen e Ukrainës, kjo do të ndihmonte në zbutjen e frikës në Ukrainë, por Rusia ka hedhur vazhdimisht poshtë idenë e një takimi me Zelenskyn, duke sugjeruar se kjo duhet të ndodhë vetëm kur palët të jenë afër nënshkrimit të një marrëveshjeje për paqe, jo thjesht të një armëpushimi.
    Ajo ditë duket ende larg duke pasur parasysh hendekun e madh mes qëndrimeve ruse dhe ukrainase në disa çështje madhore, përfshirë territorin dhe sigurinë, pavarësisht tri rundeve të bisedimeve të drejtpërdrejta në Turqi që nga mesi i majit./REL

  • REL: Ankthi kaplon Kievin dhe Brukselin në prag të takimit të sotëm Trump-Putin

    REL: Ankthi kaplon Kievin dhe Brukselin në prag të takimit të sotëm Trump-Putin

    Presidenti i Rusisë, Vladimir Putin dhe presidenti i Shteteve të Bashkuara, Donald Trump, përgatiten të takohen në Alaskë për një takim shumë të rëndësishëm për të biseduar për përfundimin e luftës gati katërvjeçare në Ukrainë, por një ndjenjë pasigurie i ka kapluar kryeqytetet evropiane, veçanërisht Kievin.
    Takimi i sotëm mes dy liderëve, i pari që nga kthimi i Trumpit në Shtëpinë e Bardhë në janar, mund të riformësojë jo vetëm kufijtë e ardhshëm të Ukrainës, por edhe sigurinë evropiane, pa i pyetur Kievin apo Brukselin.

    Trump e ka bërë përfundimin e konfliktit më të madh në Evropë që nga Lufta e Dytë Botërore prioritet kryesor të politikës së jashtme amerikane.
    Duke qenë i sigurt në aftësitë e tij për të bërë marrëveshje dhe marrëdhënien miqësore me Putinin, Trumpi beson se ky qëllim mund të arrihet duke filluar me takimin kokë më kokë në Alaskë, i caktuar para një jave.
    Prej atëherë, zyrtarët dhe ekspertët perëndimorë kanë shprehur shqetësimin se Trump, i cili shmang procedurat tradicionale diplomatike në favor të marrëveshjeve të drejtpërdrejta, mund të mashtrohet nga Putini, i cili ka mbi një çerek shekulli përvojë në negociatat me liderët perëndimorë.
    Kur ai u tha gazetarëve se do të diskutojë me Putinin mundësinë e shkëmbimeve të tokës midis Rusisë dhe Ukrainës, shkalla e ankthit u rrit për shkak të frikës se ai mund të njohë marrjen e tokës nga Kremlini, duke e kënaqur agresorin.
    Njoftimi i papritur për takimin i vuri në lëvizje liderët ukrainas dhe evropianë për të siguruar takime me Trumpin. Derisa liderët evropianë shprehën një farë lehtësimi pas një bisede telefonike me Trumpin më 13 gusht, ekspertët thonë se çfarë do të pranojë lideri 79-vjeçar amerikan në Alaskë mbetet e paqartë.
    “Vlen të theksohet se është e jashtëzakonshme që ka një shkallë kaq të lartë pasigurie për atë që do të dalë nga ky takim”, tha Andrea Kendall-Taylor, drejtoreshë e Programit të Sigurisë Transatlantike në Qendrën për Siguri të Re Amerikane (CNAS).
    “Ka qenë jashtëzakonisht e vështirë të kuptohen qëndrimet e presidentit Trump ndaj Ukrainës, kryesisht për shkak të kthesave të befasishme dhe kontradiktave”, shtoi ajo më 14 gusht gjatë një bisede telefonike me gazetarët.
    Trump, i cili ndër vite ka shprehur admirim për Putinin, e sulmoi presidentin ukrainas Volodymyr Zelensky në shkurt gjatë një takimi në Zyrën Ovale, gjë që tronditi botën perëndimore.
    Disa muaj më vonë, Trump e drejtoi zemërimin e tij ndaj Putinit për mospranimin e kërkesës së tij për një armëpushim 30-ditor. Pavarësisht retorikës dhe kërcënimeve për sanksione, Trump deri më tani nuk e ka ndëshkuar Rusinë. Kendall-Taylor e sheh këtë si shenjë se afërsia e Trumpit me Rusinë dhe Putinin vazhdon.
    Në prag të samitit, Trump vazhdoi t’i mbajë të gjithë në pasiguri për rezultatin e tij. Duke minimizuar shanset për ndonjë përparim në Alaskë, ai i tha Fox News se Putini “do të bëjë një marrëveshje”.
    Ai gjithashtu tha për Fox News se mund të jetë i gatshëm të qëndrojë në Alaskë për një takim trepalësh, duke përfshirë Zelenskyn-n, nëse arrin përparim me liderin rus.
    Më 14 gusht, Zelenskyn ishte në Londër për të diskutuar çështje sigurie me kryeministrin britanik Keir Starmer, si shenjë e mbështetjes britanike. Ai dhe liderët e tjerë evropianë duan të sigurohen që interesat e tyre të merren në konsideratë kur Trump dhe Putin të takohen.
    Në Moskë, Putin vlerësoi përpjekjet e Trumpit për t’i dhënë fund luftës në një video të shkurtër të publikuar nga Kremlini, duke thënë se Shtëpia e Bardhë po bën “përpjekje mjaft energjike dhe të sinqerta për të ndaluar armiqësitë” dhe për të “arritur marrëveshje që janë me interes për të gjitha palët e përfshira”.
    Megjithatë, ekziston shumë skepticizëm për qëllimet e vërteta të Putinit, i cili përputhet me shkallën e lartë të ankthit në Ukrainë.
    “Vetë fakti që ky takim po ndodh nuk është në favor të Ukrainës”, tha Olga Tokariuk, bashkëpunëtore në Programin e Qëndresës Demokratike të Qendrës për Analizën e Politikave Evropiane (CEPA).
    E kundërta është e vërtetë për Rusinë “sepse e legjitimon Putinin”, shtoi ajo gjatë një bisede telefonike më 14 gusht.
    “Ai siguron takim me presidentin e SHBA-së në tokën amerikane pa bërë asnjë lëshim nga ana e tij”, shtoi ajo.
    Skenari më i keq, sipas Tokariuk, do të ishte nëse Ukraina detyrohet të bëjë disa lëshime territoriale pa marrë ndonjë garanci sigurie në këmbim. Ajo paralajmëroi se kjo do të çonte vetëm në agresion të ri rus brenda disa muajsh.
    “Nëse nuk ka përgjegjësi për Rusinë për nisjen e kësaj lufte në shkallë të plotë në vitin 2022, kjo thjesht do ta inkurajojë Rusinë të kthehet për të kërkuar më shumë”, tha Tokariuk.
    Kendall-Taylor tha se një rrezik për Ukrainën është që Putini mund të arrijë ta “riformësojë” këndvështrimin e Trumpit për Zelenskyn si pengesë për përfundimin e luftës.
    Rreziku është që nëse Putini flet për dëshirën e tij të sinqertë për t’i dhënë fund luftës dhe paraqet disa “propozime që duken të arsyeshme, por që Ukraina do t’i refuzojë”, Zelensky mund të gjendet sërish në shënjestrën e Trumpit si figurë kokëfortë dhe e papajtueshme”, tha Kendall-Taylor, e cila ka shërbyer si zyrtare e inteligjencës kombëtare për Rusinë dhe Euroazinë në Këshillin Kombëtar të Inteligjencës së SHBA-së nga viti 2015 deri në vitin 2018.
    Ka gjithashtu skepticizëm se kërcënimi ndaj Putinit me tarifa është i mjaftueshëm për të frenuar ambiciet e tij territoriale. Trump duhet të jetë i vendosur, tha Richard Haas, ish-zyrtar i lartë i Departamentit të Shtetit që ka ndihmuar në negociimin e marrëveshjeve të paqes për SHBA-në në administratat e mëparshme.
    “Nëse me të vërtetë doni t’i ndryshoni llogaritë e Putinit, duhet t’ia hiqni nga mendja Putinit nocionin se koha është në anën e tij, [dhe] se duke vazhduar këtë luftë Rusia gradualisht do të bluajë dhe do të marrë atë që do”, tha Haas për CBS. “Gjithçka që Presidenti Trump duhet të bëjë është t’i thotë, ‘Vlad, nuk do të ndodhë’”.
    Bisedimet vijnë në një kohë vendimtare, pasi Trump është gjithnjë e më i zemëruar me Putinin, i cili nuk po tregon shenja të tërheqjes nga kërkesat maksimale të Kremlinit. Trump dhe Putin kanë zhvilluar gjashtë telefonata, dhe i dërguari kryesor i Shtëpisë së Bardhë ka udhëtuar në Moskë të paktën tri herë.
    Zelensky tha se ai dhe Starmer diskutuan “në detaje të konsiderueshme” garancitë e sigurisë që Ukraina ka thënë se janë të nevojshme për të pranuar një armëpushim.
    Trump tha në intervistën për Fox News se, nëse ai do të ftonte Zelenskyn për një takim trepalësh me Putinin, kjo do të ishte “shumë, shumë e rëndësishme, sepse ky do të ishte një takim ku ata bëjnë një marrëveshje”.
    Ai gjithashtu përmendi përsëri mundësinë e shkëmbimeve territoriale.
    “Nuk dua të përdor fjalën ‘ndaj gjërat’, por në një farë mase nuk është term i keq, OK?” tha ai.
    Trump më parë ka thënë se për t’i dhënë fund konfliktit të dyja palët duhet të shkëmbejnë tokë për të ndaluar luftimet e ashpra që kanë kushtuar me dhjetëra mijëra jetë nga të dyja anët dhe kanë zhvendosur miliona ukrainas.
    Por, presidenti francez Emmanuel Macron tha se Trump ka qenë “shumë i qartë” në një telefonatë më 13 gusht se dëshiron të arrijë një armëpushim në takim me Putinin dhe se ai ka qenë i qartë që “çështjet territoriale që lidhen me Ukrainën… do të negociohen vetëm nga presidenti ukrainas”.
    “Mendimi i Trumpit duket më i përafruar me atë të evropianëve sesa mendohej fillimisht nga disa”, tha një zyrtar evropian për Radion Evropa e Lirë pas telefonatës.
    Trump ka paralajmëruar Rusinë për “pasoja shumë të rënda” nëse nuk e ndalon luftën kundër Ukrainës, por nuk ka dhënë hollësi se me çfarë pasojash mund të përballet Moska.
    Nëse konfirmohet këmbëngulja e Trumpit për përfshirjen e Ukrainës, kjo do të ndihmonte në zbutjen e frikës në Ukrainë, por Rusia ka hedhur vazhdimisht poshtë idenë e një takimi me Zelenskyn, duke sugjeruar se kjo duhet të ndodhë vetëm kur palët të jenë afër nënshkrimit të një marrëveshjeje për paqe, jo thjesht të një armëpushimi.
    Ajo ditë duket ende larg duke pasur parasysh hendekun e madh mes qëndrimeve ruse dhe ukrainase në disa çështje madhore, përfshirë territorin dhe sigurinë, pavarësisht tri rundeve të bisedimeve të drejtpërdrejta në Turqi që nga mesi i majit.

  • Gjatë një “bisede të mirë” me Trumpin, Ukraina dhe BE-ja kërkojnë që Rusisë t’i bëhet presion për paqe

    Gjatë një “bisede të mirë” me Trumpin, Ukraina dhe BE-ja kërkojnë që Rusisë t’i bëhet presion për paqe

    Disa udhëheqës evropianë dhe presidenti ukrainas, Volodymyr Zelensky, i bënë thirrje presidentit amerikan, Donald Trump, që të mbrojë interesat fundamentale të sigurisë evropiane dhe ukrainase kur të takohet më vonë këtë javë me presidentin rus, Vladimir Putin, në Alaskë.

    Shefja e Bashkimit Evropian, Ursula von der Leyen, tha se biseda më 13 gusht, dy ditë para se Trump të takohet me Putin në bazën ushtarake Elmendorf-Richardson në Alaskë, ishte “shumë e mirë”, ndërsa kancelari gjerman, Friedrich Merz, e përshkroi video-konferencën si “konstruktive”.
    “Shpresojmë që tema qendrore në takimin [Trump-Putin] të jetë armëpushimi. Një armëpushim i menjëhershëm”, tha Zelensky në një konferencë për media në Berlin pas bisedës me Trumpin, ku ai mori pjesë së bashku me Merzin.
    Takimi mes Trumpit dhe Putinit synon gjetjen e një rruge drejt përfundimit të luftës në Ukrainë që ka nisur mbi tre vjet e gjysmë më parë. Trump ka thënë se të dyja palët do të duhet të shkëmbejnë territor për të ndalur luftime të ashpra që kanë shkaktuar dhjetëra mijëra viktima nga të dyja palët dhe kanë detyruar miliona ukrainas që të zhvendosen.
    Pasi u duk se u lanë jashtë vëmendjes para takimit Trump-Putin, udhëheqësit evropianë dhe Zelensky kanë bërë përpjekje për t’u siguruar që zëri i tyre të dëgjohet.
    Uashingtoni duket se po përgatit Kievin dhe Moskën për kompromiset e mëdha për të përfunduar luftën, teksa nënpresidenti amerikan, JD Vance, paralajmëroi se çdo marrëveshje paqeje do të lërë të dyja palët “të pakënaqura”.
    Por, presidenti francez, Emmanuel Macron, tha se Trump ishte “shumë i qartë” në takimin e 13 gushtit se dëshiron të arrijë një armëpushim gjatë samitit dhe se presidenti amerikan e bëri të qartë se “çështjet territoriale që lidhen me Ukrainën… do të negociohen vetëm nga presidenti ukrainas”.
    Trump do të “synojë të organizohet një takim trepalësh në të ardhmen” që do të përfshijë edhe Zelenskyn, tha Macron.
    “Aktualisht, mbi tavolinë nuk ka plane serioze për shkëmbim territorial … Mendoj se kjo është një pikë shumë e rëndësishme. Dhe shpresojmë që [takimi] mund të mbahet në Evropë, në një vend neutral që është i pranueshëm për të gjitha palët”, shtoi ai.
    Nëse insistimi i Trumpit për të përfshirë Ukrainën në bisedime konfirmohet, kjo do të ndihmonte në uljen e shqetësimeve në Ukrainë dhe tek aleatët e saj se liderët e dy superfuqive mund të arrijnë një marrëveshje që shkel interesat e sigurisë së Evropës dhe Ukrainës dhe propozon që Ukraina t’i japë territor Moskës.
    “Duket se mënyra e të menduarit të Trumpit është më afër asaj të evropianëve sesa frikoheshin disa”, tha një zyrtar evropian për Radion Evropa e Lirë pas kësaj bisede virtuale.
    Sa i përket idesë së një takimi me presidentin ukrainas, Volodymyr Zelensky, Rusia vazhdimisht ka sugjeruar se ai duhet të ndodhë vetëm kur palët të jenë afër nënshkrimit të një marrëveshjeje paqeje, jo thjesht një armëpushimi.
    Kjo gjë duket se është larg që të ndodhë, duke pasur parasysh dallimin e madh në qëndrimet ruse dhe ukrainase sa i përket disa çështjeve kryesore, përfshirë territorin dhe sigurinë, pavarësisht tre rundeve të bisedimeve direkte në Turqi që nga mesi i majit.
    Bisedimet ndodhin në një moment kyç, me Trumpin gjithnjë e më të zemërur me Putinin dhe presidentin rus që nuk tregon shenja se do të heqë dorë nga kërkesat maksimaliste të Kremlinit.
    Trump dhe Putin kanë zhvilluar gjashtë biseda telefonike, dhe i dërguari kryesor i Shtëpisë së Bardhë ka vizituar Moskën të paktën tri herë.
    Vendimi për t’u takuar me Putinin – diçka që paraardhësi i Trumpit, Joe Biden, refuzoi ta bënte pas pushtimit të Ukrainë – pasqyron besimin e Trumpit se raporti i tij me liderin rus do të sjellë një marrëveshje paqeje të qëndrueshme.
    “Kryeministri ishte i qartë se mbështetja jonë për Ukrainën është e palëkundur – kufijtë ndërkombëtarë nuk duhet të ndryshohen me forcë dhe Ukraina duhet të ketë garanci të forta dhe të besueshme sigurie për të mbrojtur integritetin e saj territorial si pjesë e çdo marrëveshjeje”, u tha në njoftimin e lëshuar nga zyra e kryeministrit britanik, Keir Starmer./REL

    Top Channel

  • Mediat amerikane: Zelensky mund t’i bashkohet Trumpit dhe Putinit në Alaska

    Mediat amerikane: Zelensky mund t’i bashkohet Trumpit dhe Putinit në Alaska

    Presidenti i Shteteve të Bashkuara, Donald Trump, dhe ai i Rusisë, Vladimir Putin, do të zhvillojnë një takim më 15 gusht në Alaskë, raportoi CBS. Sipas burimeve, ekziston mundësia që në bisedime të marrë pjesë edhe presidenti i Ukrainës, Volodymyr Zelensky.

    Një zyrtar i lartë i Shtëpisë së Bardhë, duke folur në kushte anonimiteti, tha për televizionin amerikan se planifikimi i takimit është ende “në zhvillim” dhe se përfshirja e liderit ukrainas mbetet e mundshme në një formë apo tjetër.

    Më herët gjatë javës, Shtëpia e Bardhë deklaroi se Trump është i hapur për takime si me Putinin, ashtu edhe me Zelenskyn. Megjithatë, të premten, kreu i shtetit amerikan la të kuptohej se bisedimet mund të nisin fillimisht vetëm me Putinin, duke u thënë gazetarëve: “Do të fillojmë me Rusinë”. Ai shtoi se ekziston mundësia për një takim trepalësh mes liderëve të SHBA-së, Rusisë dhe Ukrainës.

    Ndërkohë, Axios raportoi se zyrtarë të lartë nga SHBA, Ukraina dhe disa vende evropiane do të mblidhen këtë fundjavë në Mbretërinë e Bashkuar për të harmonizuar qëndrimet e tyre përpara samitit të mundshëm Trump–Putin.

    Nga ana tjetër, Zelensky reagoi ashpër ndaj deklaratës së Trumpit për mundësinë e shkëmbimeve territoriale, duke theksuar se “një gjë e tillë nuk do të ndodhë”.

  • Analiza e Deutsche Welle: Si po ndikon politika ekonomike e Trumpit?

    Analiza e Deutsche Welle: Si po ndikon politika ekonomike e Trumpit?

    Presidenti i SHBA-së, Donald Trump, që është në detyrë prej pak më shumë se gjysmë viti, gjeti një ekonomi të fortë amerikane me papunësi të ulët, rritje të fortë ekonomike dhe inflacion modest.

    “Pavarësisht nga cili kënd e vështron ekonominë amerikane, mund të arrish vetëm në përfundimin se ajo është shumë e shëndetshme“, tha eksperti i tregjeve ekonomike Robert Rethfeld nga Wellenreiter-Invest në janar 2025. Po që atëherë shumë gjëra kanë ndryshuar në ekonominë amerikane dhe jo domosdoshmërisht gjithmonë për mirë.
    Treg çuditërisht i dobët pune
    Shifrat e fundit tregojnë për shembull për një treg çuditërisht të dobët pune në SHBA. Sipas raportit qeveritar të publikuar të premten e kaluar në muajin korrik u shtuan vetëm 73,000 vende të reja pune jashtë sektorit të bujqësisë. Ekonomistë të anketuar nga Reuters kishin parashikuar një rritje prej 110,000 vendesh të reja pune. Në të njëjtën kohë numri i vendeve të punës që mendohej se do të krijoheshin në qershor ishte zhgënjyes – nga 147,000 që parashikoheshin u krijuan vetëm 14.000. Sipas të dhënave të rishikuara edhe në maj ishin krijuar dukshëm më pak vende pune sesa pritej fillimisht. “Shifrat janë më të këqija se çdo parashikim“, tha Helen Given, investitorja kryesore në ofruesin e shërbimeve financiare Monex, në lidhje me të dhënat e tregut të punës. Çështja kryesore është rishikimi i parashikimeve që parashikojnë rënie muaj për muaj.
    Reagimi i Trumpit ndaj të dhënave
    Për shkak të të dhënave çuditërisht të dobëta Trump njoftoi të premten se do të shkarkojë drejtuesen e Zyrës së Statistikave të Punës, Erika McEntarfer. Ai e akuzoi atë për manipulim të shifrave të tregut të punës për qëllime politike. “Na duhen shifra të sakta për tregun e punës“, deklaroi Trump. Menjëherë pas kësaj ai shkroi pa dhënë asnjë provë, se të dhënat e tregut të punës ishin manipuluar.
    Dobësia e dollarit votë mosbesimi?
    Po ashtu ekspertët e shohin dobësinë aktuale të dollarit si votë mosbesimi ndaj politikave të Trumpit, megjithëse Trumpi me këtë mund të ketë arritur pikërisht atë që synonte. Zhvlerësimi i dollarit, i cili ka humbur në mënyrë të konsiderueshme në vlerë që nga fillimi i vitit, i ka bërë për SHBA-në eksportet më të lira dhe importet më të shtrenjta. Kjo ka lehtësuar deficitin tregtar të SHBA-së. Në të njëjtën kohë zhvlerësimi i monedhës amerikane pasqyron gjithashtu frikën e investitorëve për pasojat e politikës së çrregullt doganore të Trumpit, shumë investitorë kanë tërhequr paratë e tyre nga SHBA-ja.
    Politika doganore shkak për normat e larta të interesit
    Prej disa muajsh si një nga arsyet pse Banka Qendore e SHBA-së (Fed) nuk i ka ulur normat e interesit permendet edhe politika e çrregullt për tarifat doganore që ndjek Trumpi. Javën e kaluar Banka Qendrore e la përsëri normën bazë të interesit në nivelin prej 4.25 deri në 4.50 përqind. Sipas drejtuesit të saj, Jerome Powell, Fed dëshiron të ketë më shumë qartësi se si politika tregtare e Trumpit, e karakterizuar nga rritja e tarifave doganore, po ndikon në gjendjen e përgjithshme konjukturore dhe ekonomike.

    Top Channel