Presidenti Donald Trump ka nënshkruar urdhrin ekzekutiv për reformimin e sistemit zgjedhor në SHBA, duke e cilësuar atë aktual si të manipuluar. Trump ka akuzuar për këtë administratën e mëparshme të Joe Biden.
“Mashtrimi zgjedhor, e keni dëgjuar këtë term? Ne jemi të vendosur që t’i japin fund manipulimeve në votime. Ne do te ndërmarrim masa të tjera në javët në vijim në kuadër të këtij urdhri ekzekutiv për të siguruar zgjedhje të ndershme. Jemi lodhur nga mashtrimet dhe zgjedhjet false. Unë kam nënshkruar disa urdhra ekzekutiv, por të nënshkruash këtë është një nder i madh për mua”.
Ky urdhër ekzekutiv përfshin edhe shkurtimin e fondeve për shtetet federale që nuk zbatojnë masa të forta sigurie për zgjedhjet.
Presidenti Trump e firmosi këtë urdhër ekzekutiv në prani të të nominuarve të tij për ambasadorë.
Tag: trump
-
Trump në takim me të nominuarit për ambasadorë: Të ndalet manipulimi i zgjedhjeve dhe sulmi politik ndaj kundërshtarëve
-
Gjykatësi federal pezullon urdhrin e Trump për mbylljen REL, CEO i medias: Është e paligjshme
FOTO ILUSTRUESE
SHBA-Një gjykatë federale ka pezulluar urdhrin e presidentit Donald Trump për mbylljen e REL (Radio Evropa e Lirë/Radio Liberty. Gjykatësi i qarkut amerikan Royce C. Lamberth pranoi kërkesën e REL për një urdhër të përkohshëm ndalimi që do ta ndihmojë transmetuesin të vazhdojë punën në transmetim dhe në internet përkohësisht.
Transmetuesit ngritën padi javën e kaluar për të kundërshtuar urdhrin e mbylljes së Trump, duke pretenduar se “do të shkelte Kushtetutën dhe ligjet federale”.
“Ne kemi besim se ligji është në anën tonë pasi Kushtetuta e SHBA i jep Kongresit fuqinë ekskluzive të kuletës. Është e paligjshme të na mohohen fondet që Kongresi i ka ndarë tashmë Radios Evropa e Lirë për pjesën tjetër të këtij viti fiskal”-tha CEO i Radios Evropa e Lirë, Stephen Capus në një deklaratë pas seancës.
Administrata e Trump ra dakord të paguante atë që i detyrohej Radios Evropa e Lirë për gjysmën e parë të marsit. Megjithatë administrata vazhdon të mbrojë urdhrin e mbylljes që hyri në fuqi më 15 mars, shkruan CNN.
“REL/RL ka funksionuar, për dekada të tëra, si një nga organizatat që Kongresi ka caktuar me statut për të zbatuar këtë politikë. Udhëheqja e USAGM nuk mund, me një fjali arsyetimi që nuk ofron pothuajse asnjë shpjegim, ta detyrojë Radion Evropa e Lirë të mbyllet edhe nëse Presidenti u ka thënë ta bëjnë këtë”, tha gjykatësi, Lamberth.Shumë padi të tjera mbi veprimin e Trump për të çmontuar Agjencinë Amerikane për Media Globale janë gjithashtu në pritje. Gazetarë të Zërit të Amerikës, së bashku me sindikatat e shumta dhe grupin e lirisë së shtypit, Reporterët pa Kufij, ngritën një padi duke pretenduar se mbyllja e Zërit të Amerikës ishte e paligjshme dhe antikushtetuese./ZËRI
-
Si evropianët e zemëruar po bojkotojnë produktet amerikane
Gjithnjë e më shumë konsumatorë në Evropë dhe Kanada po bojkotojnë produktet amerikane, duke reaguar ndaj politikave të Donald Trump.
Zemërimi ka arritur kulmin pas deklaratave të presidentit amerikan për Gazën, aneksimin e Groenlandës dhe marrjen e mundshme të Kanalit të Panamasë.
Në të njëjtën kohë, siç raporton Associated Press, marrëdhënia e ngushtë e Trump me Elon Musk, i cili është akuzuar për pozicione të ekstremit të djathtë, ka çuar në një rënie të mprehtë të shitjeve të Tesla-s në Evropë, ndërsa ka pasur edhe zjarrvënie ndaj automjeteve të kompanisë në Gjermani.
Trendet e Google treguan një rritje të kërkimeve për termat “Bojkotoj SHBA” dhe “Bojkotoj Amerikën” pasi Trump njoftoi tarifa të reja, me rajonet kryesore duke përfshirë Danimarkën, Kanadanë dhe Francën.
Ata refuzojnë produktet amerikane: “Ne blejmë evropiane”
Ivan Hansen, një 67-vjeçar në Danimarkë, një ish-oficer policie tashmë në pension, ka ndryshuar zakonet e tij të konsumatorit, duke shmangur tashmë çdo produkt me origjinë nga Shtetet e Bashkuara. “Nuk dua Coca-Cola, as verë kaliforniane, as bajame”, deklaron ai. Në vend të kësaj, ai blen hurma nga Irani. “Nuk e kisha imagjinuar kurrë se do të shihja SHBA-në si një kërcënim më të madh se Irani”, shton ai.
Mijëra konsumatorë evropianë mbajnë një qëndrim të ngjashëm, duke shkëmbyer këshilla dhe lista të produkteve alternative në grupet e Facebook. Në Danimarkë, grupi “Boykot varer fra USA” (Bojkoto produktet amerikane) ka mbi 80.000 anëtarë.
Bo Albertus, 57 vjeç, një drejtor shkolle, ka përjashtuar produkte të tilla si Pepsi, Colgate dhe Heinz nga blerjet e tij. “Kur Trump tha se do të merrte Grenlandën me forcë politike ose ushtarake, ishte pika e fundit,” shpjegon ai.
Në Francë, fermeri Edouard Rouchet krijoi grupin “Boykoto USA, Bli French and European!”, i cili fitoi mbi 20,000 anëtarë në vetëm dy javë. “Trump po bën një luftë tregtare dhe ideologjike kundër Evropës. Duhet të përgjigjemi”, thotë ai.
Supermarketet dhe kompanitë po largohen nga SHBA
Reagimi i konsumatorëve është aq i fortë sa bizneset në Evropë po rirregullojnë strategjinë e tyre. Në Danimarkë, Salling Group, zinxhiri më i madh i supermarketeve në vend, prezantoi etiketa të reja për ta bërë më të lehtë për klientët të dallonin produktet evropiane në rafte. “Ky nuk është një bojkot, por për të ofruar zgjedhje për konsumatorët”, tha CEO i kompanisë.
Në të njëjtën kohë, Tesla po sheh kolapsin e shitjeve të saj në Evropë, pasi shumë konsumatorë e lidhin kompaninë me politikat e Trump. Në Gjermani, policia po heton djegien e katër automjeteve Tesla javën e kaluar, në një aksion që i atribuohet një proteste.
Kompania franceze e energjisë diellore e Romain Roy, e cila kishte blerë një flotë të Tesla-s çdo vit, ka anuluar porosinë e saj për 15 automjete të reja, duke zgjedhur modele evropiane. “Edhe nëse na kushton 150 mijë euro më shumë, ne nuk do të mbështesim politikat e Musk dhe Trump”, shpjegon ai.
“Nuk kam parë kurrë më parë zemërim të tillë në Danimarkë”
Jens Olsen, 66 vjeç, një elektricist dhe marangoz, po mendon të zëvendësojë veglat e tij të prodhuara në Amerikë me vlerë 10,000 dollarë me ato evropiane. “Unë e kam dashur SHBA-në, kam jetuar atje, por nuk mund të mbështes politika të tilla”, thotë ai.
53-vjeçari Michael Ramgill Ster nga Kopenhaga, një veteran i luftës ballkanike, anuloi udhëtimin e tij të planifikuar për në Shtetet e Bashkuara. “Trump është i rrezikshëm dhe tashmë po kushton jetë në Ukrainë dhe në botën në zhvillim,” thotë ai.
“Unë jam 66 vjeç dhe kurrë nuk kam parë danezë kaq të zemëruar”, shton Olsen.
A mund të dëmtojë bojkoti SHBA-në?
Ekonomistët theksojnë se, megjithëse reagimi është intensiv, goditja e përgjithshme ndaj SHBA-së mund të jetë e kufizuar. Profesori Olof Johansson Stenman nga Universiteti i Goteborgut vëren: “Kjo lëvizje mund të ketë një efekt psikologjik te amerikanët, por disa do të thonë thjesht: ‘Nuk na intereson çfarë mendojnë evropianët’”.
Megjithatë, shkalla e bojkotit nxjerr në pah zgjerimin e distancës midis SHBA-së dhe aleatëve të saj tradicionalë në Evropë, në një kohë kur marrëdhëniet Uashington-Bruksel po testohen. /tesheshi.com/ -
Putin i dërgon një dhuratë të veçantë Trump-it
Bota E Martë, 25 Mars 2025 15:20
Presidenti i SHBA-së, Donald Trump, ka marrë një dhuratë të veçantë nga presidenti rus, Vladimir Putin: një portret të ri.
Zëdhënësi i Kremlinit, Dmitry Peskov, tha se portreti ishte një “dhuratë personale” nga Putin, por nuk dha më shumë detaje. Deri tani, portreti nuk është bërë publik.Ndërkohë, Trump kritikoi një portret të mëparshëm të tij që ishte vendosur në ndërtesën e Kapitolit të Kolorados, i cili u hoq pas komenteve të tij në rrjetin social Truth Social.
Steve Witkoff, një nga bashkëpunëtorët e Trump, konfirmoi se portreti i ri ishte dërguar nga Moska në Uashington. Ai e përshkroi atë si një “pikturë e bukur” nga një artist rus dhe tha se Trump ishte shumë i prekur nga kjo dhuratë.
Ky gjest vjen në një moment kur SHBA dhe Rusia po diskutojnë për luftën në Ukrainë, me negociatat e fundit që u mbajtën në Arabinë Saudite. Dhurata tregon përmirësimin e marrëdhënieve mes dy vendeve pas rikthimit të Trump në Shtëpinë e Bardhë.
Witkoff, i cili u takua me Putinin 10 ditë më parë, tha se presidenti rus ishte shumë miqësor dhe i kishte thënë se ishte lutur për Trump pas atentatit të dështuar ndaj tij vitin e kaluar në Pensilvani. -
Trump: Po shqyrtoj kërkesat ruse për të hequr sanksionet ndaj Moskës
Bota E Martë, 25 Mars 2025 21:05
Donald Trump thotë se administrata e tij po “shqyrton” kërkesat ruse për heqjen e sanksioneve. “Ne po i shikojmë të gjitha tani”,-tha Trump, raportojnë mediat e huaja. Për bisedimet në përgjithësi, Trump tha: “Do të shohim se çfarë do të ndodhë, ne jemi në diskutime të thella me Rusinë dhe Ukrainën. Unë do të thoja se po shkon mirë”.
Moska ka pretenduar se marrëveshja e armëpushimit të Detit të Zi varet nga heqja e sanksioneve perëndimore ndaj kompanive të plehrave dhe ushqimit.Presidenti ukrainas Volodymyr Zelenskyy i ka hedhur poshtë si të rreme pretendimet e Moskës, duke thënë se Putin nuk e do armëpushimin. Udhëheqësi ukrainas tha se armëpushimi hyri në fuqi me njoftimin e tij më herët këtë pasdite.
-
Elon Musk 90 minuta brenda Pentagonit, Trump i ndalon aksesin në planin e luftës së mundshme ndaj Kinës: Ka konflikt interesi
Donald Trump tha të premten se planet për një luftë të mundshme me Kinën nuk duhet të ndahen me Elon Musk për shkak të interesave të tij të biznesit, një pranim i rrallë se miliarderi përballet me konflikte interesi në rolin e tij si këshilltar i lartë i presidentit amerikan.
Trump hodhi poshtë raportet se Musk do të informohej mbi mënyrën se si Shtetet e Bashkuara do të luftonin në një luftë hipotetike me Kinën, duke thënë: “Elon ka biznese në Kinë. Dhe ai mund të jetë i ndjeshëm, ndoshta, ndaj kësaj.” Reklama në FieriWeb – “VEGA GROUP”
Referenca ndaj bizneseve të Musk – që përfshijnë Tesla-n, një prodhues të automjeteve elektrike që po përpiqet të zgjerojë shitjet dhe prodhimin në Kinë – është një pranim i pazakontë i shqetësimeve mbi balancimin e përgjegjësive të tij korporative dhe qeveritare.Reklama në FieriWeb – “VODAFONE ALBANIA”
Trump më parë kishte shmangur pyetjet rreth konflikteve të mundshme të interesit të Musk, duke thënë thjesht se ai do të qëndronte larg kur të ishte e nevojshme.
Presidenti tha se Musk vizitoi Pentagonin të premten në mëngjes për të diskutuar uljen e kostove, një çështje me të cilën ai po merret përmes të ashtuquajturës “departamenti i efikasitetit qeveritar” (Doge).
Sekretari i Mbrojtjes, Pete Hegseth, tha se Musk ishte aty “për të folur mbi efikasitetin dhe inovacionet”.Reklama në FieriWeb – “PASTIÇERI “RUSTEMAJ”
Musk, teksa largohej nga Pentagoni, tha se ishte i gatshëm të bënte “çdo gjë që mund të ndihmonte”, por refuzoi të përgjigjej nëse kishte marrë një informim të klasifikuar mbi Kinën gjatë vizitës së tij.
Si një këshilltar kyç i Trump dhe drejtues i Doge, Musk ka ushtruar fuqi të gjera gjatë dy muajve që kur Trump u rikthye në Shtëpinë e Bardhë, duke kryer shkurtimet masive të vendeve të punës dhe reduktuar buxhetet në të gjithë qeverinë federale. Megjithatë, edhe pse Pentagoni ishte në shënjestër për këto shkurtime, Musk ende nuk ka pasur një rol të drejtpërdrejtë atje, përfshirë në inteligjencën e mbrojtjes dhe operacionet ushtarake.
Një zyrtar i lartë i mbrojtjes tha për gazetarët të martën se rreth 50,000 deri në 60,000 vende pune civile do të shkurtoheshin në Departamentin e Mbrojtjes.
Përfshirja e Musk në ndonjë plan ose marrëveshje të SHBA-së me Kinën do të ngrinte jo vetëm shqetësime për sigurinë, por edhe pyetje mbi një konflikt të rëndësishëm interesi, pasi ai ka interesa të konsiderueshme ekonomike në Kinë si pronar i Tesla-s dhe SpaceX-it, e cila gjithashtu ka kontrata me Forcën Ajrore të SHBA-së.
Në orët e para të së premtes, Musk mohoi raportet se do të informohej për një luftë me Kinën, duke e quajtur atë “propagandë të pastër” dhe duke kërcënuar se do të gjente ata që kishin nxjerrë informacionin.
“Pres me padurim ndjekjen penale të atyre në Pentagon që po rrjedhin informacione keqdashëse dhe të pavërteta,” shkroi ai. “Ata do të gjenden.”
Musk përsëriti kërkesën e tij për ndjekje penale sapo mbërriti në Departamentin e Mbrojtjes, në periferi të Washington DC, të premten në mëngjes. Ai u largua nga Pentagoni rreth 90 minuta pas mbërritjes.
-
Shtypi botëror: Netanyahu, “nën thundrën” e Trump-it
Shtypi botëror raportoi për kontrollin e SHBA-së mbi Izraelin gjatë mandatit të Donald Trump dhe nënshtrimin e Benjamin Netanyahut në axhendën e SHBA-së. Ndër temat në shtypin botëror ishte situata në Siri dhe Iran.
Gazeta izraelite Haaretz thekson në editorialin e saj se hendeku midis Netanyahut dhe publikut është më i madh se kurrë dhe se kjo “do të thotë se ka ardhur koha për një ndryshim të qeverisë”.
Gazeta shkruan se Izraeli “po kalon krizën më të madhe në historinë e tij nën sundimin e koalicionit të Netanyahut, i cili është përgjegjës për fatkeqësinë e 7 tetorit 2023 dhe është i preokupuar me imunitetin e anëtarëve të tij nga ndjekja penale, ndërsa pengjet mbeten me Hamasin”.
Izraeli, në varësi të Trump-it
Gazeta Yedioth Ahronoth paralajmëron se Trump mund të ndryshojë politikën e tij ndaj Netanyahut në çdo moment. Aty shkruhet se Uashingtoni vendosi negociata të drejtpërdrejta kufitare me Libanin në Tel Aviv.
Trump kishte vendosur më parë fazën e parë të marrëveshjes së armëpushimit ndaj Netanyahut, sipas gazetës, dhe më pas imponoi negociatat e drejtpërdrejta midis Shteteve të Bashkuara dhe Hamasit.
Vihet në dukje se Netanyahu nuk ishte i gatshëm të negocionte me Libanin, por “Izraeli është plotësisht në varësi të agjendës amerikane dhe Netanyahu nuk mund t’i thotë ‘jo’ Trump-it”.
Rëndësia e pajtimit në Siri
Një editorial në gazetën franceze Le Monde thekson se dhuna që shpërtheu në Siri dhe marrëveshja që qeveria nënshkroi me Forcat Demokratike Siriane (SDF) “tregon ndjeshmërinë e çështjes së pajtimit në Siri për presidentin Ahmed al-Sharaa”.
Gazeta shkruan se çdo përshkallëzim i dhunës “do të thotë se nga dështimi për të përmirësuar kushtet materiale të sirianëve do të përfitojnë ata që nuk duan që procesi aktual i tranzicionit të ketë sukses.”
Revista Newsweek raportoi se Irani synon të përpilojë një listë të amerikanëve që i akuzon për terrorizëm, sabotim kibernetik dhe shkelje të të drejtave të njeriut kundër iranianëve, ndërsa Shtetet e Bashkuara rritin presionin ndaj Teheranit për të negociuar një marrëveshje të re bërthamore.
Revista vuri në dukje refuzimin e Teheranit për t’u përfshirë në negociatat për heqjen e sanksioneve, duke thënë se ishte një lëvizje “që mund të shihet si simbolike dhe pasqyron një strategji më të gjerë të përdorimit të mekanizmave ligjorë për t’iu përgjigjur presionit të SHBA”. /tesheshi.com/ -
Zyrtarët amerikanë ndanë planet e luftës në “Signal”, Trump: Ishte gabim, por s’ka patur ndikim
Donald Trump
SHBA-Presidenti Donald Trump ka reaguar në lidhje me mesazhet e shkëmbyera në aplikacionin e koduar “Signal” midis zyrtarëve të lartë të sigurisë kombëtare të SHBA-së, ku jepeshin detaje të operacioneve ushtarake kundër grupit Huthi në Jemen. Trump u shpreh se ka “besim të plotë” në ekipin e sigurisë kombëtare, duke minimizuar dëmet e rrjedhjes së informacioneve sekrete në media.
Ai e cilësoi këtë një “gabim” nga ana e stafit të këshilltarit të Sigurisë Kombëtare, Mike Waltz dhe theksoi se rrjedhja e të dhënave “nuk kishte asnjë ndikim” në operacionin ushtarak.
“Michael Waltz e ka marrë tashmë një mësim. Këshilltari i Sigurisë është një njeri i mirë,” tha Trump.
Mesazhet përmbanin informacione të detajuara mbi objektivat e sulmeve, armët që do të përdorte ushtria amerikane dhe komandën e operacioneve. Pjesë e grupit në Signal ishin figura të rëndësishme të administratës, përfshirë Sekretarin e Mbrojtjes Pete Hegseth, Nënpresidentin JD Vance, Sekretarin e Shtetit Marco Rubio, Drejtoren e Inteligjencës Kombëtare Tulsi Gabbard, si dhe Këshilltarin e Sigurisë Kombëtare Mike Waltz./ZËRI -
Zëvendëskryeministri serb, Aleksandar Vulin: Komplotistët kundër Trump qëndrojnë pas protestave në Serbi
Komplotuesit amerikanë kundër presidentit amerikan Donald Trump dhe disa shërbimeve evropiane të inteligjencës qëndrojnë pas protestave në Serbi, tha zëvendëskryeministri serb Aleksandar Vulin në një koment ekskluziv për TASS.“Revolucioni me ngjyra në Serbi është organizuar nga “Deep State” i SHBA-së, i njëjti që po përpiqet të pengojë përpjekjet për paqe të Presidentit Trump, si dhe disa shërbime të inteligjencës evropiane”, tha Vulin.
Sipas tij, “të njëjtët aktorë qëndrojnë pas sulmit ndaj presidentit Dodik dhe Republika Srpska”.“Këto sulme të njëkohshme kanë një qëllim – shembjen e Serbisë dhe sjelljen në pushtet të politikanëve në Serbi, të cilët do të ekzekutojnë gjithçka që kërkon Perëndimi, përfshirë sanksionet kundër Rusisë,” theksoi ai.
Pas shembjes së strukturës në stacionin hekurudhor në Novi Sad, Serbi, më 1 nëntor 2024, në republikë filluan protestat antiqeveritare, të cilat vazhdojnë edhe sot e kësaj dite. Protestuesit fajësojnë autoritetet e vendit për tragjedinë. -
Trump nënshkruan urdhrin ekzekutiv për krijimin e rezervës strategjike të Bitcoin
Presidenti Amerikan Donald Trump nënshkroi një urdhër ekzekutiv ditën e Enjte për krijimin e një rezerve strategjike të Bitcoin, një ditë përpara se ekzekutivët e industrisë së kriptomonedhave të takohen në Shtëpinë e Bardhë.
Rezerva do të krijohet me bitcoinët që qeveria federale ka konfiskuar nga procese kriminale dhe civile tha i ngarkuari i Shtëpisë së Bardhë për kriptomonedhat David Sacs përmes një postimi në median sociale X.
Pjesëmarrësit në Samitin Kripto të Shtëpisë së Bardhë ditën e Premte presin që evenimenti të shërbejë si një platformë ku Trump formalisht do të zbulojë planet e tij për ndërtimin e një rezerve strategjike që përmban bitcoin dhe katër kriptomonedha të tjera.Në fillim të javës Trump zbuloi emrat e këtyre kriptomonedhave: Bitcoin, Ethereum, XRP, Solana dhe Cardano. Sacks tha se qeveria federale ka një strategji për të maksimizuar vlerën e këtyre aseteve dhe kësaj rezerve pa ofruar më tutje detaje.
“Shtetet e Bashkuara nuk do të shesin asnjë bitcoin të depozituar në rezervë. Do të mbahet për të ruajtur vlerën. Rezerva shërben si një kasafortë dixhitale për kriptomonedhën që konsiderohet ar dixhital,” tha Sacks.Urdhri ekzekutiv i Trump gjithashtu kërkon nga Thesari të zhvillojë strategji neutrale të buxhetit për blerjen e më shumë bitcoin në mënyrë që të mos bëhet barrë e taksapaguesve Amerikanë.
Gjithashtu do të krijohet një stok i aseteve dixhitale krijuar dhe zhvilluar në SHBA ku përfshihen kriptomonedha të tjera përveç Bitcoin por qeveria nuk do të shtojë asete përtej atyre që janë konfiskuar nga veprime ligjore tha Sacks.
Pas postimit të Sacks Bitcoin ra me 5 përqind në 85 mijë ndërsa aktualisht këmbehet me 89.094 dollarë sipas CoinMarketCap.
Premtimi i Trump për një rezervë strategjike dhe pritshmëritë për rregullim më të lehtë të industrisë e kishin parë rritjene Bitcoin në nivelin më të lartë të të gjitha kohërave në 109,071.86 dollarë në janar. Sacks tha se Shtetet e Bashkuara postojnë afro 200 mijë bitcoin dhe shitja e tyre në të kaluarën ka bërë që vendit të humbasë 17 miliardë dollarë.
/PCWorld Albanian