Avokati Genc Gjokutaj ka reaguar me një koment ironik në lidhje me vizitën e fundit të Edi Ramës të zhvilluar në Katar.
Duke publikuar një njoftim satirik sipas të cilit në Katar është hapur një “zyrë ndërmjetësimi-pajtimi me Presidentin Trump”.
Sipas Gjokutajt kjo zyrë ofron shërbime për subjekte të interesuara që duan të pajtohen me Presidentin Trump, por vetëm kundrejt një pagese të lartë dhe me disa kritere të pazakonta.
Reagimi i avokatit Genc Gjokutaj:
Sipas burimeve të besueshme në Katar është hapur zyra e ndërmjetësim – pajtimit me Presidentin Trump!
Subjektet që mund të aplikojnë me pagesë goxha të lartë duhet përveç kritereve të përgjithshme të plotësojnë edhe dy kritere të veçanta si:
1. Duhet të njihet si shakaxhi në Perëndim!
2. Të jetë në pemën gjenealogjike të Nastradinit!
Zyra njofton se nuk mban përgjegjësi për dështimin e negociim-ndërmjetësimit për pajtim por aplikanti mund të riaplikojë deri sa të lodhet!
Tag: trump
-
Vizita e Ramës në Katar/ Gjokutaj thumbon: Ka hapur zyrën e pajtimit me Presidentin Trump
-
Starmer: Një pjesë e planit të Trump për Ukrainën, e papranueshme për Londrën
Plani fillestar i paraqitur nga administrata e Presidentit të SHBA-së Donald Trump për të zgjidhur konfliktin në Ukrainë përfshinte dispozita me të cilat as Kievi dhe as Londra nuk mund të pajtoheshin, tha kryeministri i Mbretërisë së Bashkuar Keir Starmer në një fjalim para Dhomës së Komunave.
Starmer vuri në dukje se drafti origjinal i planit me 28 pika përmbante disa klauzola që Londra nuk mund t’i pranonte. Në të njëjtën kohë, ai përfshinte elementë të rëndësishëm që do të ishin thelbësorë për arritjen e një paqeje të drejtë dhe të qëndrueshme.
Për shembull, ai përshkroi hapat e SHBA-së dhe partnerëve të saj në lidhje me garancitë e sigurisë masa që ai i përshkroi si shumë të rëndësishme. Sipas Starmer, diskutimet në Gjenevë çuan në përparim midis SHBA-së dhe Ukrainës, duke rezultuar në rishikime të kuadrit të propozuar të paqes.
Ai shtoi se po punohet për të ndryshuar planin. Londra, theksoi ai, synon të sigurojë që versioni përfundimtar të mbështetet në parime themelore: sovraniteti i Ukrainës duhet të mbështetet, vendi duhet të jetë në gjendje të mbrojë veten në të ardhmen dhe të gjitha vendimet përkatëse duhet të merren nga Ukraina.
Starmer theksoi gjithashtu se plani i Trump do të kërkojë pëlqimin e shteteve të tjera anëtare të NATO-s, pasi prek edhe interesat e tyre. -
SHBA “i hap derën” dialogut me Venezuelën, Axios: Trump do të flasë drejtpërdrejt me Maduron
donald trump-Nicolás Maduro
SHBA- Presidenti amerikan Donald Trump e ka informuar ekipin e tij për planet e tij për të folur drejtpërdrejt me udhëheqësin venezuelian, Nicolás Maduro, sipas faqes së lajmeve Axios. Raporti erdhi në të njëjtën ditë kur Uashingtoni zyrtarisht e emëroi Maduron si kreun e një organizate të huaj terroriste, mes përshkallëzimit të tensioneve në Karaibe. Deri më tani, sipas të njëjtave burime, nuk ka një datë të saktë të caktuar për bisedën.
Lajmi për një telefonatë të mundshme të Trump me Maduron erdhi pasi presidenti amerikan e cilësoi të ashtuquajturin Kartel të Diejve si një organizatë terroriste të huaj, një veprim që hyri në fuqi të hënën. Ky përcaktim përfshin zyrtarë të korruptuar venezuelianë dhe personel ushtarak që përfitojnë nga lidhjet dhe të ardhurat e trafikut të drogës. Sipas pikëpamjes së Uashingtonit, përfshirja e një grupi që dyshohet se drejtohet nga Maduro në listën e organizatave të huaja terroriste i jep administratës Trump bazat për një fazë të re veprimesh ushtarake në ose pranë territorit venezuelian.
Të hënën, oficeri më i lartë ushtarak amerikan, Kryetari i Shtabit të Përbashkët të Ushtrisë, Gjenerali Dan Caine, udhëtoi gjithashtu për në Porto Riko për t’u takuar me ushtarë dhe oficerë të Komandës Jugore, e cila është përgjegjëse për operacionet ushtarake amerikane në Amerikën Latine. Besohet se shumica e rreth 15,000 trupave të mobilizuara për Operacionin Shtiza Jugore janë të stacionuara në atë ishull. Të martën, Caine do të udhëtojë gjithashtu për në Trinidad dhe Tobago, sipas qeverisë në Port of Spain.
Pa përjashtuar fillimin e mundshëm të një faze të dytë të atij operacioni, Trump vetë ka ngritur mundësinë e negociatave me Venezuelën që mund ta zgjidhin çështjen përmes mjeteve diplomatike.
Një këshilltar i Trump, i cituar nga Axios, deklaroi: “E shoh një zgjidhje diplomatike si shumë të mundshme.” “Donald Trump nuk e ka thënë këtë me aq shumë fjalë, por ai dëshiron që trashëgimia e tij të jetë se bëri gjithçka që mundi për të ndaluar rrjedhën e drogës së paligjshme në këtë vend”, shtoi këshilltari.
Në muajt e parë të mandatit të Trump, i dërguari i Shtëpisë së Bardhë për Venezuelën, Richard Grenell, ndërmori disa hapa në atë drejtim. Diplomati vendosi kontakte me regjimin Chavist dhe madje udhëtoi për në Karakas për bisedime që rezultuan në lirimin e gjashtë amerikanëve të ndaluar në vendin e Amerikës së Jugut dhe në qeverinë e Maduros që ra dakord të pranonte fluturime riatdhesimi për shtetasit e deportuar nga Shtetet e Bashkuara./ZËRI -
Takim Trump-Zelensky në SHBA këtë javë
Bota E Martë, 25 Nëntor 2025 18:09
Rustem Umerov, kreu i këshillit të sigurisë së Ukrainës, thotë se SHBA-të dhe Ukraina kanë arritur “një mirëkuptim të përbashkët mbi kushtet kryesore të marrëveshjes së diskutuar” në bisedimet e mëparshme në Gjenevë.
Shtëpia e Bardhë nuk ka komentuar mbi mundësinë e bisedimeve Trump-Zelensky. Ndërkohë, Sekretari i Ushtrisë Amerikane, Dan Driscoll, është takuar me përfaqësues rusë në Abu Dhabi. Nuk dihet se kush është në delegacionin rus. Umerov tha se ekipi i tij “pret me padurim” organizimin e vizitës së Zelensky-t në SHBA “në datën më të hershme të përshtatshme në nëntor për të përfunduar hapat e fundit dhe për të arritur një marrëveshje” me Presidentin e SHBA-së Donald Trump.
Më parë, një zyrtar amerikan që udhëtonte me Driscoll në Abu Dhabi i informoi gazetarët se Ukraina kishte rënë dakord për marrëveshjen e paqes me detaje të vogla që do të zgjidheshin. E pyetur për ta konfirmuar këtë, administrata ia drejtoi vëmendjen e BBC-së komenteve të Sekretarit të Shtetit Marco Rubio në Gjenevë të dielën, kur ai tha se diskutimet e nivelit më të lartë do të ishin ende të nevojshme për të finalizuar marrëveshjen. -
Ukraina pranon “thelbin” e planit 28-pikësh të Trump për paqen me Rusinë
Ukraina dhe Rusia vijojnë negociatat për një marrëveshje paqeje, ndërmjetësuar nga SHBA-të. Një zyrtar ukrainas i tha Reuters se Kievi mbështet “thelbin” e propozimit amerikan pas bisedimeve të zhvilluara në Gjenevë dhe diskutimeve pasuese.
Plani i presidentit Donald Trump përmban 28 pika dhe është pranuar nga të dyja palët si një bazë e rëndësishme për ndalimin e luftimeve.
Presidentët Trump dhe Volodymyr Zelenskyy do të diskutojnë çështjet më të ndjeshme të pazgjidhura për të avancuar procesin e paqes. -
SHBA, Politika e parfumit andej dhe e bastunit këtej
Nga Lorenc Vangjeli
Në Uashington, një shishe parfumi me emrin Trump, linja Victory 45-47, kushton rreth 250 dollarë. Dy shishe njëkohësisht kushtojnë 200 dollarë. Rikthimi triumfator i amerikanëve në Siri, simbolikisht ka “kushtuar” po kaq. Një politikan atipik si presidenti Trump, njeriu që po rishkruan ndryshe arkitekturën e re botërore në më pak se një vit presidencë, bëri atë që dy paraardhësit e tij demokratë, filozofi Obama dhe i urti Biden, nuk mundën ta bëjnë dot më parë. Madje as ai vetë në presidencën e tij të parë. Në “këmbim” të dy shisheve parfum për homologun e tij sirian – deri dje për kokën e tij si terrorist paguheshin disa milion dollarë – ai riktheu SHBA-në në Siri. E riktheu politikisht, ekonomikisht dhe ushtarakisht. Natyrisht që në prapaskenë ka pasur shumëçka tjetër. Si rregull, është më mirë ta demonstrosh sesa ta përdorësh forcën.
Në Tiranë shumëkush i ka mundësitë financiare të blejë parfumin Trump, linja Victory 45-47. Madje edhe për të mbushur dyzina me vaska në dyzina apartamentesh e vilash me luks brutal, brenda e jashtë vendit. Por në Tiranë nuk ka mbërritur ende ky parfum presidencial. Në Tiranë ndjehet kundërmimi i rëndë i frikës. I frikës së ngritur mbi supozimin se çfarë po e nxit SPAK-un të shkojë deri në sfera të paimagjinueshme më parë. Aty ku pak nga të fortët e Tiranës kishin krijuar fluskën e paqes reciproke: S’më ngave, s’të ngas!
Sali Berisha dhe Belinda Balluku veç e veç e të dy bashkë janë dy bastet më të mëdha dhe më të rëndësishme që SPAK-u ka firmosur nën dyshimin mbi fajësinë e tyre. Pyetjet themelore që kanë prishur gjumin dembel të politikës shqiptare kanë të bëjë pikërisht me këtë dilemë të shumëfishtë:
A janë realisht amerikanët frymëzues të vullnetit të SPAK-ut?
A qëndron garancia amerikane mbas shpinës së prokurorëve dhe i nxit ata të veprojnë?
A kanë shterrur mjetet lokale – politika, biznesi i madh, media e krimi i organizuar – për të ndikuar e kufizuar SPAK-un apo faktorë të tjerë kanë hyrë egërsisht në lojë?
A është ky një zhvillim normal i “ndeshjes” mes pushteteve, kontrollit dhe balancës së tyre apo mbas gjithçkaje qëndron një plan amerikan (ndoshta edhe britanik) për të rrënuar një klasë të tërë politike në Shqipëri e për të çmontuar krimin brutal shqiptar?
Këto janë vetëm një seri pyetjesh që e adresojnë lehtësisht përgjigjen tek teoritë konspiracioniste. Por prania e një nukli të FBI-së në SPAK, aktivizimi i DEA-s në Shqipëri, prania e jashtëzakonshme e britanikëve jodiplomatë në vend dhe jo vetëm, shpallja e karteleve të drogës si organizata terroriste nga SHBA, roli gjithmonë e më i dukshëm i krimit të organizuar shqiptar në trafikun ndërkombëtar të drogës dhe shndërrimi i tij në personazh të mediave ndërkombëtare, janë disa arsye të tjera reale që ushqejnë po këto teori.
Amerikanët nuk kanë dashuri. Amerikanët nuk kanë miqësi të përjetshme dhe nuk udhëhiqen nga emocionet. Ata janë pragmatikë e logjikë. Ju shërbejnë çdo herë interesave të tyre. Dhe nën drejtimin e politikanit biznesmen, njeriut që premtoi “Make America Great Again”, kjo gjë është më e qartë se kurrë!
Në Tiranë, një numër mbreslënës politikanësh shqiptarë veshin të njëjtin t-shirt ngjyrë gri me banditët. Me të njëjtin mbishkrim në gjoks: Unë jam budalla! Të dy palët e demonstrojnë pasurinë e vjedhur në një mënyrë fëminore, naive e vanitoze. Pozojnë tek vilat, kullat e resortet e tyre. I lumturohen kontove bankare dhe stilit të çmendur e arrogant të jetës. Prodhojnë çdo herë kompani kërpudha që shumëfishojnë dhe pastrojnë paratë.
“Nëse nuk di të fshehësh, më mirë mos vidh!”, proverbi i vjetër i hajdutëve, nuk i ka mësuar asgjë kësaj kategorie sipërore e shpesh edhe budallaqe në Tiranë. Që gjithashtu kanë kohë që ndajnë të njëjtat fallxhore në Tiranë, Durrës e Kavajë, në Prishtinë, në Shkup tek Çarshia e Vjetër e në Sarajevë, në Sofje e natyrisht edhe në qendrën e ish-perandorisë së vjetër, në Stambollin fantastik në dy anët e Bosforit. Nga ku marrin po të njëjtën përgjigje: Kohë të liga kanë ardhur dhe më e keqja është ende udhës me bastun në dorë! E pa yshtur me parfum në qafë.
-
Shtëpia e Bardhë: Nuk mund ta armatosim Ukrainën për një kohë të pacaktuar
Sekretarja e Shtypit e Shtëpisë së Bardhë, Karoline Leavitt, tha se SHBA-të “nuk mund” të vazhdojnë furnizimin me armë të Ukrainës për një kohë të pacaktuar, duke sinjalizuar një shtytje të re në Uashington për t’i dhënë fund luftës së Rusisë përmes kanaleve diplomatike.
Duke folur në një intervistë me Fox News, Leavitt tha se presidenti i SHBA-së, Donald Trump, ka investuar “një sasi të madhe kohe dhe energjie” në kërkimin e mënyrave për të zgjidhur konfliktin dhe “meriton mirënjohje” për këtë.
Ajo tha se qëllimi kryesor i Trump është të ndalojë vrasjet dhe t’i japë fund luftës përfundimisht.Leavitt shtoi se zhgënjimi i presidentit pasqyron ndjenjën e opinionit amerikan, i cili, sipas saj, është gjithnjë e më i lodhur nga lufta e zgjatur.
Pavarësisht vendimit të Trump për të “ndaluar financimin e kësaj lufte”, Leavitt tha se SHBA-të vazhdojnë të dërgojnë ose shesin sasi të konsiderueshme armësh në Ukrainë përmes mekanizmave të NATO-s.
Komentet e saj përforcojnë dëshirën e deklaruar të Uashingtonit për të ndjekur një zgjidhje diplomatike. -
Ukraina pranon planin e paqes të ndërmjetësuar nga Trump, pritet vendimi i Rusisë
Bota E Martë, 25 Nëntor 2025 14:44Presidenti i Ukrainës, Volodymyr Zelensky, dhe Presidenti i SHBA-së, Donald Trump, marrin pjesë në një takim në Zyrën Ovale të Shtëpisë së Bardhë në Uashington, DC, më 18 gusht 2025. Mandel Ngan/AFP/Getty Images/File
Ukraina ka rënë dakord me propozimin e paqes të ndërmjetësuar nga administrata Trump, me disa detaje të vogla që ende duhen përpunuar, sipas raporteve të mediave amerikane.
Uashingtoni i dërgoi Kievit planin e tij fillestar të paqes me 28 pika javën e kaluar, përpara se zyrtarët nga të dy vendet të hartonin një kundërpropozim në bisedimet për krizën në Gjenevë gjatë fundjavës.Aleatët evropianë, të cilët paraqitën kundërpropozimin e tyre ndaj planit 28-pikësh, kanë organizuar me nxitim një numër takimesh ditët e fundit në një përpjekje për të mbajtur ritmin me negociatat.
Kjo vjen pas raportimeve se zyrtarë amerikanë dhe rusë, përfshirë sekretarin e ushtrisë amerikane, Dan Driscoll, u takuan për bisedime sot në Abu Dhabi.
-
Ukraina pranon planin e paqes të ndërmjetësuar nga Trump
Ukraina ka rënë dakord me propozimin e paqes të ndërmjetësuar nga administrata Trump, me disa detaje të vogla që ende duhen përpunuar, sipas raporteve të mediave amerikane.
Uashingtoni i dërgoi Kievit planin e tij fillestar të paqes me 28 pika javën e kaluar, përpara se zyrtarët nga të dy vendet të hartonin një kundërpropozim në bisedimet për krizën në Gjenevë gjatë fundjavës.
Aleatët evropianë, të cilët paraqitën kundërpropozimin e tyre ndaj planit 28-pikësh, kanë organizuar me nxitim një numër takimesh ditët e fundit në një përpjekje për të mbajtur ritmin me negociatat.
Kjo vjen pas raportimeve se zyrtarë amerikanë dhe rusë, përfshirë sekretarin e ushtrisë amerikane, Dan Driscoll, u takuan për bisedime sot në Abu Dhabi. -
Macron për planin e Trump për Ukrainën: Po lëviz në drejtimin e duhur, por ka nevojë për përmirësime
Plani i paqes i Presidentit të SHBA-së, Donald Trump, për Ukrainën po lëviz në drejtimin e duhur, por ka aspekte që duhen përmirësuar për ta bërë të pranueshëm për Ukrainën dhe Evropën, tha të martën Presidenti francez , Emmanuel Macron, për radion RTL.
“Është një iniciativë që po lëviz në drejtimin e duhur: paqja. Megjithatë, ka aspekte të këtij plani që ia vlen të diskutohen, negociohen, përmirësohen”, vuri në dukje Macron.
“Ne duam paqe, por nuk duam një paqe që do të përbënte kapitullim”, theksoi ai, duke shtuar se vetëm ukrainasit mund të vendosnin se çfarë lëshimesh territoriale ishin të gatshëm të bënin.“Ajo që u vu në tryezë na jep një ide se çfarë do të ishte e pranueshme për rusët. A do të thotë kjo se është edhe ajo që duhet të pranohet nga ukrainasit dhe evropianët? Përgjigja është jo”, theksoi ai.
Ai theksoi gjithashtu se u takon “evropianëve të vendosin” se si t’i përdorin asetet e ngrira ruse , të cilat Donald Trump i propozon në planin e tij për të investuar në programe për rindërtimin e Ukrainës që do të kryhen nga Shtetet e Bashkuara.
“Evropianët janë të vetmit që kanë të drejtë të thonë fjalën e tyre, sepse kjo është pjesë e planit, për atë që do të bëjmë me asetet e ngrira ruse, të cilat mbahen nga evropianët”, vuri në dukje ai në një intervistë me RTL.
I pyetur nëse kishte ndërmend të shkonte në Uashington për të ndihmuar në negociimin e një marrëveshjeje më të mirë, Macron u përgjigj se nuk kishte ndërmend ta bënte këtë në këtë kohë./vizionplus.tv