Deputeti i Partisë Demokratike, Tritan Shehu, ka lëshuar akuza të forta ndaj Kryeministrit Edi Rama gjatë një interviste në edicionin e lajmeve në në SYRI TV. Ai kritikoi deklaratat e fundit të Ramës dhënë për një gazetë austriake.
Në atë intervistë, Rama komentoi politikën e jashtme të SHBA-ve. Shehu e cilësoi këtë qëndrim si provokues dhe të dëmshëm për marrëdhëniet strategjike.
Sipas tij, fjalia e Ramës për zgjidhjen e problemeve “me bomba” ishte e papërgjegjshme. Deputeti tha se kjo nuk ishte një gabim i rastësishëm diplomatik. Ai u shpreh se Rama po distancohet me qëllim nga SHBA.
Shehu shtoi se kjo sjellje i shërben qarqeve anti-perëndimore. Në këtë kontekst, ai përmendi interesat e Rusisë, Kinës dhe Serbisë. Shehu mbrojti rolin e administratave amerikane në ruajtjen e paqes.
Ai solli shembuj nga Lindja e Mesme për të argumentuar këtë qëndrim. Shehu komentoi gjithashtu edhe idenë e Ramës për “anëtarësim të pjesshëm” në BE.
Shehu e quajti këtë propozim fyese dhe në kundërshtim me rregullat e Unionit. Sipas tij, BE nuk funksionon me skema pa të drejta vote.
Deputeti deklaroi se ideja vjen nga mungesa e vullnetit për reforma.
Ai tha se qeveria po përpiqet të maskojë ngecjen në procesin e integrimit. Shehu ndaloi edhe te çështjet e brendshme të korrupsionit.
Ai përmendi rastin që përfshin Zëvendëskryeministren Belinda Balluku. Shehu krahasoi Shqipërinë me vendet ku zyrtarët japin dorëheqje për dyshime minimale. Ai paralajmëroi se mbajtja në detyrë e personave nën hetim rrezikon drejtësinë dhe imazhin e vendit.
Shehu:
Unë mendoj që jemi përballë një situate absurde, të rrezikshme dhe dëmtuese për për Shqipërinë. Sepse kryeministri vazhdon të mbajë një marrëdhënie ose një qëndrimi jo miqësor së paku, konfliktual, akuzues, ndaj Shteteve të Bashkuara të Amerikës, padyshim kjo që prej ardhjes së administratës Trump në krye, në drejtimin e Shteteve të Amerikës. Janë disa deklarata rresht. Janë disa qëndrime të mediave këtu në Shqipëri, po të shikoni me vëmendje pro-Ramës, që nuk humbin, nuk duan të humbin asnjë rast pa goditur administratën Trump, presidentin Trump, qëndrimet e tij.
Po ke dhe një gjë tjetër. Rama, ndoshta qeveria shqiptare është e vetmja qeveri në Evropë, e cila nuk përshëndeti për shembull planin për paqen në Lindjen e Mesme të presidentit Trump. Nuk e inkurajoi dhe nuk tha që një fjalë të mirë për këtë plan, i cili siç duket po zhvillohet pavarësisht vështirësive dhe po, po ecën duke tentuar të sigurojë një periudhë paqeje në atë zonë.
Ishte qeveria Rama, ishte Rama personalisht i cili nuk një fjalë pozitive dhe inkurajuese, pavarësisht se sa vend i vogël dhe sa rol i vogël mund të kemi ne, por në mënyrë deklamative kjo duhet bërë se jemi dhe anëtarë të NATO-s, për planin Trump me 28 pikash për paqen në Ukrainë.
Një plan i vetëm që është sot për atë paqe dhe rreth të cilit po bëhen të gjithë diskutimet për të realizuar paqen dhe ndalimin e zjarrit në Ukrainë. Përveç elementëve të tjerë, të cilët kërkojnë realisht vetëm të insultojnë presidencën e Trumpit dhe aksionet e Shteteve të Bashkuara të Amerikës, Shtëpisë së Bardhë, për forcimin e stabilitetit dhe paqes në, në tërësinë e botës, si e vetmja forcë e cila mund të krijojë këto, këto premisa dhe rreth të cilave diskutojnë të gjithë të tjerët. Pra, kemi të bëjmë me një situatë, them të drejtën, unë do të thoja, krejtësisht në ndesh me parimet tona, me principet tona, me atë që neve jemi një vend i cili në hapësira të tilla si Lindja e Mesme,zona ku ne as kemi rol dhe as interesa të veçanta, ne ndjekim dhe duhet të ndjekim hap pas hapi politikat amerikane.
Dhe së fundi janë disa, janë këto që ju thatë, në këtë intervistë të fundit që dha, ku unë, unë realisht mendova, nxorra dy elementë shumë shqetësues që janë. Një, është ky insultimi që thotë që Shtetet e Bashkuara të Amerikës i zgjidhin problemet me bomba. Jo, nuk është e vërtetë. Shtetet e Bashkuara të Amerikës i zgjidhin problemet duke vendosur paqe. Dhe që nga ardhja e presidentit Trump ka vendosur paqe në shumë vende. A, kur duhen bomba si për të shkatërruar pozicionet bërthamore dhe reaktorin bërthamor të Iranit, edhe këtë e bëjnë. Por e bën dhe pa viktima, bile fare.
Dhe zgjidhi një problem që kishte kaq vite, perëndimi të kërkonte të frenonte Iranin në prodhimin e bombës atomike dhe nuk po e bënte dot. Presidenti Trump e zgjidhi në dy ditë. Pra, Shtetet e Bashkuara të Amerikës janë lideri, janë garancia sot e stabilitetit dhe e paqes në rajon, janë garancia e të drejtave dhe vlerave dhe, dhe për këtë gjë, ata veprojnë kryesisht me flamurin e paqes duke, duke goditur ato elementë të cilët kërkojnë të destabilizojnë dhe të prishin paqen në botë dhe edhe, edhe në botë. Pra, kjo është e para.
