Lajmidites.com

Tag: tregtimi

  • Shpërthim në një pikë tregtimi gazi në lagjen “1 Maji” në Fier, dy të lënduar

    Një shpërthim i fuqishëm ka tronditur mesditën e sotme lagjen “1 Maji” në Fier, ku një bombul gazi ka shpërthyer brenda një ndërtese që shërbente si pikë e vogël tregtimi për bombula gazi.Reklama në FieriWeb – “Oazi i Pishave”

    Burimet bëjnë me dije se si pasojë e shpërthimit janë lënduar dy persona – pronari i pikës së tregtimit dhe një shtetas tjetër – të cilët janë transportuar me urgjencë drejt Spitalit Rajonal Fier. Mësohet se njëri prej të lënduarve ndodhet në gjendje të rëndë dhe po merr trajtim të specializuar nga mjekët. Reklama në FieriWeb – “CAPRICCIOSA LALI”

    Në vendin e ngjarjes kanë mbërritur forcat zjarrfikëse, ambulanca dhe shërbimet e Policisë, të cilat bënë të mundur shuarjen e flakëve dhe sigurimin e zonës për të shmangur rreziqe të mëtejshme.Reklama në FieriWeb – “PASTIÇERI “RUSTEMAJ”

    Reklama në FieriWeb – “BREGU CLIMA”

    Grupi hetimor po punon për zbardhjen e plotë të rrethanave të ngjarjes. Paraprakisht dyshohet se shkak i shpërthimit është bërë rrjedhja e gazit gjatë procesit të mbushjes së bombulave.Reklama në FieriWeb – “COVIM CAFFE”

  • Ndalohet përkohësisht tregtimi i bagëtive të imta

    Ndalohet përkohësisht tregtimi i bagëtive të imta

    Autoriteti Kombëtar i Ushqimit informoi dje se ka marrë të gjitha masat për monitorimin e shtuar dhe rritjen e kontrollit përgjatë gjithë kufirit të gjelbër të territorit shqiptar për ndalimin e importit të bagëtive të imta nga të gjitha vendet për të cilat ministrja e Bujqësisë dhe Zhvillimit Rural, Anila Denaj, ka urdhëruar ndalim të hyrjes së tyre në territorin e Republikës së Shqipërisë.

    Në një njoftim për shtyp, AKU tha se “po inspekton dhe në të gjitha pikat e inspektimit kufitar (PIK) si dhe është në gatishmëri të plotë bashkëpunimi ndër-institucional me Agjencinë Kombëtare të Veterinarisë dhe Mbrojtjes së Bimëve, Drejtorinë e Përgjithshme të Doganave dhe Policinë Kufitare”.
    Po ashtu, AKU bën të ditur se në bazë të urdhrit të ministres së MBZHR ndalohet lëvizja e përkohshme si edhe tregtimi i bagëtive të imta brenda territorit të Republikës së Shqipërisë.

    Sipas AKU-së ky hap është ndërmarrë për të parandaluar përhapjen e sëmundjes së murtajës që ka kapur ferma të caktuara ruminantësh të vegjël në territorin shqiptar.
    Në bazë të urdhrit të Ministrit të MBZHR, lëvizja e bagëtive të imta lejohet vetëm nëse destinacioni i lëvizjes është për në thertore, shoqëruar me certifikatën shëndetësore zyrtare veterinare të lëshuar nga veterineri zyrtar.