Lajmidites.com

Tag: traviata

  • Tenori italian harroi ta priste, soprano Eva Golemi rrëzohet në skenë

    Tenori italian harroi ta priste, soprano Eva Golemi rrëzohet në skenë

    Një incident i frikshëm ka ndodhur mbrëmjen e së premtes në Teatrin Kombëtar të Operas dhe Baletit (TKOB), gjatë premierës së operës së famshme të Giuseppe Verdit, “La Traviata”. Për fat të mirë, ai nuk pati pasoja të rënda në shëndetin e protagonistëve, edhe pse për disa çaste shkaktoi panik në sallë.
    Çfarë ndodhi në skenë?

    Shfaqja, e cila kishte ngjallur interes të madh tek publiku për shkak të regjisorit të famshëm Hugo de Ana dhe kastës së zgjedhur të artistëve, shkoi mrekullisht deri në aktin e tretë. Por, në momentin kulmor kur personazhi Violeta (i interpretuar nga sopranoja Eva Golemi) ndërron jetë në krahët e Alfredos, ndodhi incidenti i papritur: tenori italian që luante rolin e Alfredos, i emocionuar nga interpretimi, harroi të mbështeste partneren.

    Kështu, sopranoja Golemi u rrëzua fort në skenë duke shkaktuar një situatë dramatike reale përtej skenografisë. Ambulanca u thirr menjëherë, por për fat të mirë gjendja e artistes u konfirmua e qëndrueshme dhe pa pasoja serioze.

    “Traviata”, një hap i madh për TKOB-in
    Pavarësisht këtij momenti, publiku dhe kritikët vlerësuan interpretimin e Eva Golemit, e cila ka më shumë se 70 herë eksperiencë me rolin e Violetës, si një nga më të dashurit e saj. Para shfaqjes, sopranoja kishte deklaruar:
    “Violetën e luaj më tepër se 70 herë dhe është një nga rolet e mija më të dashura. Por ky produksion në fakt është shumë i veçantë për mua sepse është i regjisorit të madh Hugo De Ana”.
    Shfaqja shënoi edhe hapjen e sezonit të ri të TKOB-it, i cili do të vijojë me një seri koncertesh simfonikë dhe baleti. Përveç Golemit, rolin e Violetës do ta interpretojnë në netët në vijim edhe sopranoja çeke Zuzana Markova dhe artistja shqiptare Nina Muho.
    Vizioni i Hugo de Ana
    Produksioni i ardhur nga Teatri i Zagrebit, i sjellë në Shqipëri nga mjeshtri me famë botërore Hugo de Ana, ka sjellë në skenën shqiptare një estetikë moderne dhe universale, duke e bërë “Traviata”-n të duket aktuale edhe sot. Skenografia monumentale, gjuha vizuale bashkëkohore dhe energjia e artistëve shqiptarë e të huaj u pritën me duartrokitje të zjarrta nga publiku.
    Me këtë hapje madhështore, TKOB tregon ambicien për të qenë në të njëjtin nivel me teatrot europianë, duke u bërë një qendër gjithnjë e më tërheqëse për produksione ndërkombëtare dhe për publikun shqiptar.

  • “La Traviata” rikthehet në TKOB/ Sezoni i ri artistik nis me kryeveprën e Giuseppe Verdit

    “La Traviata” rikthehet në TKOB/ Sezoni i ri artistik nis me kryeveprën e Giuseppe Verdit

    La Traviata, një nga operat më të dashura të Giuseppe Verdit vjen në skenën e Teatrit Kombëtar të Operas dhe Baletit, me një produksion të jashtëzakonshëm nga mjeshtri me famë botërore Hugo de Ana dhe mjeshtërinë muzikore të Francesco Ommassini.

    “Është hera e parë që vij në Shqipëri, kam punuar shumë me orkestrën, korin, ansamblin e solistëve në këtë teatër, mezi pres t’i paraqesim publikut shqiptar një produkt të kuruar dhe të bërë me shume pasion”, tha Francesco Ommassini, dirigjent.
    Një histori dashurie, e bazuar në një personazh real që sfidon kohën… Violeta Valéry.
    “Është një rol shumë i veçantë për mua, Violetën e kam luajtur mbi 70 herë. Jam e kënaqur të jem pjesë e këtij produksioni të mrekullueshëm”, deklaroi Eva Golemi, soprano.
    Me një skenë madhështore e kostumografi që na çon në Parisin e fundshekullit të XX-të, tre trupa artistike do të dhurojnë katër netë fantastike nën tinguj verdian në TKOB.
    Premiera e produksionit të ri të kësaj opere është pjesë e sezonit të ri artistik, që do të pasojë me koncerte dhe bashkëpunime edhe me teatrot e qyteteve të tjera në vend.
    Aulon Naçi, drejtori i TKOB-së: Okestra e TKOB-së do të prezantohet në Festivalin Respighi në Bolonja në datën 13 tetor. Është një festival i orkestrave që do të mbahet në Teatrin e Bolonjës. Do të vazhdojmë me International Dance Festival. Kemi një seri koncertesh simfonikë, ku do të veçoja disa prej tyre, duke nisur me violinistin Giuseppe Gibboni. Do të mirëpresim koncertin e Beethovenit. Do të kemi në fillim të dhjetorit operën Trovatore, duke pasur në fund të dhjetorin me Arrëthyesin.
    Prioritet i këtij sezoni për drejtuesit është ngjitja në TKOB e artistëve shqiptarë që kanë shkëlqyer në skenat botërore.
    Edi Blloshmi, drejtori artistik i Trupës së Baletit në TKOB: Këto talente shqiptare që nuk kanë ardhur në Shqipëri më parë, po mundohemi t’i sjellim afër teatrit tonë, sepse duhen vlerësuar dhe duhen ngritur sa më lart…

    Top Channel

  • “La Traviata” në Opera, sopranoja Eva Golemi: Rolin e Violettës  e kam luajtur mbi 50 herë në skenë

    “La Traviata” në Opera, sopranoja Eva Golemi: Rolin e Violettës  e kam luajtur mbi 50 herë në skenë

    Nga Julia Vrapi
    “La Traviata” e autorit Giuseppe Verdi si një produksion me regji Hugo de Ana katër mbrëmje në skenën e Teatrit Kombëtar të Operës dhe Baletit. Në qendër të “La Traviatës” qëndron historia prekëse e Violettës, gruas që sfidoi normat e kohës dhe guxoi të jetojë dashurinë e saj deri në fund. Sopranoja e njohur Eva Golemi që e ka interpretuar këtë rol në skena brenda dhe jashtë vendit, e cilëson Violettën një nga rolet e saj më të dashura. Eva Golemi është një ndër zërat lirikë kryesor që ka Teatri Kombëtar i Operës dhe Baletit në Tiranë. Në karrierën e saj operistike numëron shumë role të rëndësishme, brenda vendit, por edhe në skenat evropiane, por për publikun sopranoja do të ngjitet sërish këtë shtator në skenë në kryeveprën e Verdit. Sopranoja tregon se ka më shumë se 20 vjet që e luan në skena këtë rol. “Vepra operistike vjen në skenë me regji nga Hugo de Ana, një nga regjisorët më të mëdhenj. Dirigjent është Francesco Ommassini. Violetta te “La Traviata” për mua është një nga rolet më të dashur, që e kam luajtur shumë në skenë. Kam 25 vjet që e luaj në skenë brenda dhe jashtë vendit. E kam luajtur mbi 50 herë këtë rol” u shpreh sopranoja Eva Golemi një ditë më parë për shfaqjen operistike, që do të jetë katër net në TKOB. Teatri Kombëtar i Operës dhe Baletit shprehej më herët ndër të tjera se ky produksion i operës “La Traviata” është i sjellë nga Teatri i Zagrebit. Një nga kryeveprat më të dashura të autorit Giuseppe Verdi, “La Traviata” vjen në TKOB në një produksion të ri që mban firmën e regjisorit Hugo de Ana në datat 26, 27, 28 dhe 29 shtator dhe në rolet e saj do të ngjiten në skenë artistë të njohur shqiptarë dhe të huaj.
    Ngjarjet në “La Traviata”
    Jeta mondane e Parisit të fundshekullit të 19-të, sallonet aristokrate, dashuria, mllefet dhe intrigat në historinë e Violettës dhe Alfredos, janë në operën “ La Traviata” të Verdit. “La Traviata” është një opera me tre akte nga Giuseppe Verdi (Xhuzepe Verdi) e vendosur në një libret italian nga Francesco Maria Piave, ajo është e bazuar në “La Dame aux Camelias” (1852) shkruar nga Alexandre Dumas. Te vepra “La Traviata” bëhet fjalë për një histori të një kurtizaneje, e cila dashurohet me një fisnik, por i ati i djalit e pengon dashurinë e tyre. Në qendër të veprës është kurtizania Violeta Valery, që për hir të dashurisë me fisnikun Alfredo Germont, braktis jetën prej kurtizaneje. Premiera e parë u zhvillua në teatrin “La Fenice” në 6 mars të viti 1853. Giuseppe Verdi (1813-1901) është kompozitori më njohur i operës italiane, jo vetëm i shekullit XIX. Në materiale më parë sipas studiuesve thuhej se në historinë e gjatë të operës, Verdi zë vendin e nderit, sepse arriti të bashkojë traditat më të bukura të operës italiane, të mbetet thellësisht kombëtar.  Historia tragjike e Violettës e mbështetur mbi romanin “Zonja me kamelie” e Aleksandër Dyma ka ardhur edhe më parë në skenën e Teatrit Kombëtar të Operës dhe Baletit, por këtë shtator katër vjen mbrëmje për publikun.

  • Opera “La Traviata” vepër e Verdit sipas vizionit të regjisorit Hugo de Ana premierë në Tiranë

    Opera “La Traviata” vepër e Verdit sipas vizionit të regjisorit Hugo de Ana premierë në Tiranë

    Nga Julia Vrapi
    Opera “La Traviata” nga kompozitorit Giuseppe Verdi do të vijë në skenën e Teatrit Kombëtar të Operës dhe Baletit si një produksion i ri. “La Traviata” e Verdit sipas vizionit të regjisorit me famë botërore, Hugo de Ana këtë sezon artistik vjen premierë në Tiranë. Teatri Kombëtar i Operës, Baletit sjell një nga kryeveprat më të dashura të autorit Giuseppe Verdi, “La Traviata” në një produksion të ri që mban firmën e regjisorit me famë botërore, Hugo de Ana. “La Traviata” është një opera me tre akte nga Giuseppe Verdi (Xhuzepe Verdi) e vendosur në një libret italian nga Francesco Maria Piave, ajo është e bazuar në “La Dame aux Camelias” (1852) shkruar nga Alexandre Dumas. Teatri Kombëtar i Operës dhe Baletit shprehet ndër të tjera se ky produksion, i sjellë nga Teatri i Zagrebit, do të jetë pjesë e një shfaqjeje të jashtëzakonshme për publikun shqiptar. “Duke e vendosur TKOBAP-në në të njëjtin nivel me teatrot prestigjiozë që kanë pasur privilegjin të bashkëpunojnë me mjeshtrin Hugo de Ana. Nën vizionin e tij të fuqishëm artistik, historia e Violettës merr jetë përmes një skenografie monumentale dhe një gjuhe vizuale që tejkalon kohët, duke e sjellë këtë kryevepër deri në ditët tona”, thuhet nga Teatri Kombëtar i Operës dhe Baletit (TKOB), ku në vijim do të bëhen me dije dhe datat kur kjo vepër operistike do të jetë në skenë sezonin e ri artistik që nis së shpejti. Historia tragjike e Violetës e mbështetur mbi romanin “Zonja me kamelie” e Aleksandër Dyma ka ardhur edhe më parë në skenën e Teatrit Kombëtar të Operës dhe Baletit, por këtë herë do të vijë si një produksion i teatrit të Zagrebit, duke u bërë pjesë dhe e shfaqjeve të tjera që do të jenë këtë sezon artistik në skenën tonë.
    Opera “La Traviata”
    Opera “La Traviata” bën pjesë tek e ashtuquajtura sipas historisë së muzikës triologji popullore, ku bëjnë pjesë tre operat “Il Trovatore”, “Rigoletto” dhe “La Traviata”, të cilat janë tre operat më të shfaqura në botë. Te “La Traviata” bëhet fjalë për një histori të një kurtizaneje, e cila dashurohet me një fisnik, por i ati i djalit e pengon dashurinë e tyre. Në qendër të veprës është kurtizania Violeta Valery, që për hir të dashurisë me fisnikun Alfredo Germont, braktis jetën prej kurtizaneje. Premiera e parë u zhvillua në teatrin “La Fenice” në 6 mars të viti 1853. Giuseppe Verdi (1813-1901) është kompozitori më njohur i operës italiane, jo vetëm i shekullit XIX. Në materiale më parë sipas studiuesve thuhej se në historinë e gjatë të operës, Verdi zë vendin e nderit, sepse arriti të bashkojë traditat më të bukura të operës italiane, të mbetet thellësisht kombëtar, t’u shmanget elementeve negative të operës italiane, të përthithë elementet pozitive që ishin shfaqur në artin e operës në shekullin XIX, madje edhe disa elemente të reformës së Vagnerit dhe të realizimit të letërsisë së kohës. Ai mbetet si njëri ndër kompozitorët më të njohur të botës në historinë e operës.

  • Sopranoja Besa Llugiqi në rolin e Violetës në shfaqjen operistike “La Traviata”, premiera në Sicili 

    Sopranoja Besa Llugiqi në rolin e Violetës në shfaqjen operistike “La Traviata”, premiera në Sicili 

    Besa Llugiqi është në prova intensive në realizimin e rolit të Violetës në shfaqjes operistike “La Traviata” që do të prezantohet premierë më 17 gusht në Teatrin Antik të Taormina të Sicilisë, shkruan KultPlus. 

    Kjo shfaqje operistike është duke u punuar nga Enrico Castiglione dhe do të prezantohet në kuadër të Festivalit të Operës në Taorminë 2025.

    KultPlus ju sjell pamje nga provat e kësaj shfaqje./ KultPlus.com 

  • “La Traviata”, opera e parë e vënë në skenë në Shqipëri

    “La Traviata”, opera e parë e vënë në skenë në Shqipëri

    Më 25 korrik të vitit 1942, opera e mirënjohur e Verdit, “La Traviata”, u vu për herë të parë në kryeqytetin shqiptar.

    Operan e Giuseppe Verdi-t e solli kompania artistike italiane “Carro di Tespi Lirico”.

    Në vitin 1929 qeveria fashiste e Romës krijoi katër trupa teatrale shëtitëse që morën emërtimin “Carri di Tespi” (“Qerret e Tespit”). “Carro di Tespi Lirico” mbulonte operan dhe këngën lirike, ndërsa tri të tjerat vinin në skenë pjesë teatrale. Synimi i këtyre trupave ishte që të përçonte, deri tek fashat më të izoluara të shoqërisë, teatrin dhe operan lirike.

    Me përjashtim të “La Traviata”, trupa Carro di Tespi Lirico dha edhe disa shfaqje të tjera në korrik të 1942. Me gjasë, kjo ishte hera e parë që një opera lirike vihej në skenë në Shqipëri. Skena u vendos në krye të Viale del Impero (sot “Bulevardi Dëshmorët e Kombit”), në lartësinë ku sot ndodhet Sheshi “Nënë Tereza”./atsh/KultPlus.com