Lajmidites.com

Tag: traviata

  • Eva Golemi rikthehet në skenë/ Pas incidentit me rrëzimin gjatë interpretimit të “La Traviata”, sopranoja: Jam më e fortë

    Eva Golemi rikthehet në skenë/ Pas incidentit me rrëzimin gjatë interpretimit të “La Traviata”, sopranoja: Jam më e fortë

    Një muaj pas incidentit në skenën finale të operas “La Traviata”, që e detyroi të ndërpriste punën për t’u rikuperuar plotësisht, sopranoja Eva Golemi është rikthyer në Teatrin Kombëtar të Operas dhe Baletit.

    “E rëndësishme është që ndihem mirë, hera hera kur është moti i keq kam dhimbje sepse pësova një shembje të madhe. Por, rëndësi ka që kur bie të ngrihesh akoma më i fortë. Dua të falënderoj të gjithë kolegët e mi brenda dhe jashtë vendit, të cilët më kanë dhënë një suport të madh”, u shpreh Eva Golemi, soprano e parë, TKOB.
    Sopranoja e parë e Operas ka nisur provat për “Il Trovatore”, pjesë e triologjisë popullore verdiane, së bashku me “La Traviata” e “Rigoletto”, që do të shfaqet për publikun në fillim të dhjetorit.
    Mw tej ajo shtoi “Është një nga ato rolet që nuk e kam luajtur shpesh, jo si Traviatta-n që e kam luajtur 76 herë apo ‘Tosca’, por mendoj se do të dalë shumë mirë dhe do të mirëpritet nga publiku”.
    Këtë herë, Golemi do të interpretojë krah tenorit të madh Josif Gjipali, që rikthehet në skenën e TKOB.
    Eva Golemi – soprano e parë, TKOB – Për mua është e veçantë, pasi është rikthimi i tenorit Josif Gjipali në skenën e TKOB-së, i cili do të luajë Manrikon dhe për këtë jam shumë e kënaqur dhe shumë e lumtur sepse me Josifin kam luajtur një dekadë më parë te ‘Traviatta’.
    Në një intervistë mes nostalgjisë dhe emocioneve për qindra rolet që ka sjellë në skenë, Golemi tregon personazhin e preferuar, ku gjen veten më shumë se çdo operë tjetër.
    “Violeta është rol që kam luajtur më shumë, por Tosca është ajo që kam në zemër, është roli që më përfaqëson ashtu siç jam edhe në jetë”, tha më tej Golemi.
    Pas 3 dekadave në teatrin që për të është bërë shtëpia e dytë, këngëtarja lirike shpreh dëshirën për t’i dhënë jetë disa kryeveprave të tjera botërore.
    “Do doja Medean, do doja Don Carlon dhe Otellon. Janë personazhe që do të doja t’i luaja, shpresoj që të vihen në Teatrin e Operës dhe Baletit”, përfundon Eva Golemi, soprano e parë, TKOB.
    Me karrierën që e nisi që në bankat e shkollës, kur studionte në Akademinë e Arteve, Eva Golemi i ka dhënë frymë protagonisteve të operave më të njohura nga muzika e epokës barok te ajo bashkohore.

    Top Channel

  • Nina Muho: “La Traviata” e Verdit sfidë dhe emocion për dy mbrëmje rresht

    Nina Muho: “La Traviata” e Verdit sfidë dhe emocion për dy mbrëmje rresht

    Jeta mondane e Parisit të fundshekullit të 19-të, sallonet aristokrate, dashuria, mllefet dhe intrigat në historinë e Violettës dhe Alfredos, në operën “La Traviata” të kompozitorit italian Giuseppe Verdit. “La Traviata” këtë sezon artistik u shfaq në Teatrin Kombëtar të Operës dhe Baletit, ku në qendër të saj qëndron historia prekëse e Violettës, që sfidoi normat e kohës dhe guxoi të jetojë dashurinë e saj deri në fund. Në dy mbrëmje me radhë ky rol në skenë u interpretua nga sopranoja Nina Muho, duke përcjellë emocione te publiku. Në intervistën për gazetën “SOT” sopranoja e njohur Nina Muho flet për rolin me të cilin këtë herë u ngjit në skenën e Operës në Tiranë, por ndalet dhe tek aktiviteti i saj artistik në skenën ndërkombëtare.
    Opera e Verdit me libret të Francesco Matia Piave, e bazuar në librin e Alexandre Duma  “Zonja me kamelie” u shfaq në katër mbrëmje në TKOB, ku në datat 28 dhe 29 në skenë Nina Muho realizoi rolin  e Violettës. Tek “La Traviata” ishte një tjetër performancë  e saj që u vlerësua nga publiku, por sopranoja thotë se të interpretosh rolin Violetta Valery në këtë vepër është përgjegjësi shumë e madhe. Ajo performoi në këtë opera në Tiranë pas operës së Zagrebit tre vjet më parë dhe thotë se Violetta bën pjesë tek kryerolet për një soprano. Një sërë rolesh në veprat operistike janë interpretuar nga sopranoja Nina Muho, e cila tashmë ka ndërtuar një aktivitet të spikatur artistik, por siç tregon dhe vetë përgjatë kësaj interviste edhe vështirësitë nuk kanë munguar. Si soprano Nina Muho në vitin 2018  interpretoi për herë të parë rolin e Violettës në operën “La Traviata”, për të vijuar më pas me role si Mimi në “La Boheme”, Rosalinda në “Die Fledermaus”, Micaela në “Carmen”, Adina në “E’lisir Dámore”, etj.
    -Në sezonin e ri artistik u ngjitët në skenën e Teatrit Kombëtar të Operës dhe Baletit me rolin Violetta Valery në operën “La Traviata”, një kryevepër e kompozitorit italian Giuseppe Verdi. Ju këtë rol e keni interpretuar edhe më parë, çfarë ju ka falur në skenën operistike?
    Të interpretosh operën “La Traviata” në rolin e Violetta Valerý është përgjegjësi shumë e madhe. Ajo që më ka falur përherë kjo vepër janë duartrokitjet dhe dashuria e publikut, sepse në këtë vepër mishërohen emocione të thella njerëzore të shkruara me mjeshtëri nga kompozitori Giuseppe Verdi. Emocione që publiku mezi pret të na shohë sërish me këtë vepër, ndoshta dhe vepra më popullore e repertorit operistik botëror. Por performanca jonë do të ishte e cunguar nëse nuk do të kishte një produksion kryevepër si ky i Hugo de Ana.
    Bën pjesë tek kryerolet për një soprano, e cila kërkon tre ngjyra vokali, në aktin e parë soprano leggero, në aktin e dytë soprano lirike dhe akti i tretë kërkon fuqi shprehëse dramatike të përshtatur në vokal, por edhe në interpretimin aktorial. Përshtatshmëria e vokalit tim për këtë vepër ka bërë të mundur që të më kërkojnë për ta interpretuar edhe në skena internacionale. Këtë herë, ajo që solla ndryshe ishte e gjithë eksperienca e interpretimeve të mia e mishëruar në skenë. Siguria skenike dhe profesionalizmi i lartë i dirigjentit Francesco Ommassini, asistent regjisor Luca Barachini, tenorët në rolin e Alfredos- Oreste Cosimo dhe Mario Rojas, baritonët në rolin e Giorgio Germont- Solen Alla dhe Armando Likaj më kanë ndihmuar që niveli i interpretimit të shfaqjes të ishte i një niveli të lartë dhe kjo u reflektua nga duartrokitjet me ovacione të publikut.
    -Opera  “La Traviata” e Verdit është vënë në shumë skena të botës dhe është mirëpritur, çfarë përfaqëson për ju si soprano në veprat operistike?
    Për mua përfaqëson “Mundësinë që më hapi dyert për të qenë në skenë”. Mua mu bë një telefonatë për këtë vepër nga Teatri Kombëtar i Operës dhe Baletit për të zëvendësuar një kolege, që ishte e sëmurë dhe më duhet të dilja në skenë pa prova. Nga ai moment m’u dha mundësia e mohuar prej vitesh për të qenë soliste në vendin tim. Ndërsa në veprat operistike vazhdon të jetë vepra ime e preferuar edhe pse gjithmonë sfiduese për kërkesat që ka në vetvete teknikisht!

    -Ju jeni soprano e Teatrit Kombëtar të Operës dhe Baletit dhe këtë rol e keni interpretuar dhe në skena të tjera. Çfarë mund të na thoni më shumë mbi veprën këtë herë si produksion i TKOB nën regjinë e Hugo de Ana, ajo që solli ndryshe?
    Ky është produksioni i nëntë i kësaj opere që vjen në Teatrin Kombëtar të Operës dhe Baletit në gjithë historinë e tij, ku për herë të parë rolin e Violetta Valery e ka performuar Marie Kraja. Mund të them se është produksioni më i bukur që mund të ketë ardhur në TKOB. Jam e lumtur që performova në Tiranë me të njëjtin produksion, pasi e kam performuar në operën Zagrebit 3 vjet më parë.
    -Ju këtë rol e interpretuat dy mbrëmje me radhë në skenën e TKOB. Përballë ngarkesës që ka realizimi i këtij personazhi, sa është kjo e vështirë për një soprano?
    Ky rol ka vështirësi të madhe teknike dhe intensiteti gjatë gjithë veprës nga fillimi deri në fund. Personazhi i Violettës është gjithë kohën në skenë me momente të vogla pushimi. Më ka ndodhur për herë të parë në Teatrin Giuseppe Verdi – Trieste të performoj dy shfaqje rresht, pasi kolegia u sëmurë dhe mund të them që ka vështirësi shumë të madhe. Gjithashtu këtë herë m’u desh të performoj sërish dy shfaqje rresht dhe jam e lumtur që përfunduan me sukses. Duartrokitjet e publikut, është gjithmonë ai që më jep forcë për të vazhduar, sakrifikuar dhe për t’ia dalë edhe në momente lodhjeje.
     -Ju sot jeni një nga zërat e vlerësuar të skenës operistike. Në vitin 2018  interpretuat për herë të parë rolin e Violettës në operën “La Traviata”, duke vijuar më pas me role si Mimi në “La Boheme”, Rosalinda në “Die Fledermaus”, Micaela në “Carmen”, Adina në “E’lisir Dámore”, etj. Kur hidhni vështrimin në fillimet tuaja e deri më sot, si ka qenë për ju ky rrugëtim artistik. Sa ka qenë e vështirë të ndërtosh një karrierë artistike për të arritur ku jeni sot, ku veç skenës shqiptare keni interpretime dhe në skenat e huaja?

    Vështirësitë janë të tejskajshme. Por jam e bindur se sa më e madhe ëndrra po aq të mëdha edhe sfidat. Kur e nisa rrugën e këtij profesioni të bukur, por dhe shumë mistik, kisha në valixhen e shpirtit vetëm një element, bindjen dhe forcën se unë do të bëhesha artiste e skenave të mëdha. Por nuk e dija se çfarë rruge dhe sakrificash më prisnin. Jam e lumtur që instikti im nuk më zhgënjeu dhe shumë shpejt do të merrja konfirmim të vlerave të mia nga skena të rëndësishme ndërkombëtare. Shqipëria është këpucë e vogël për potencialin që unë kërkoj të zhvilloj, por kam pranuar të duroj dhimbjen e këpucës  për “dashurinë”, për familjen, gjuhën, traditën, tokën dhe gjithçka ka vendi im.
    -Nga një vepër në tjetrën, cili është roli që do doje të riktheje sërish në skenë?
    Opera “La Traviata” dhe “Don Pasquale” pasi janë e kundërta e njëra- tjetrës. Nuk preferoj vetëm vepra dramatike. Gjithashtu do të doja edhe operën “Don Carlo” ta performoja në   Shqipëri, pasi e kam performuar në Taiwan me një produksion të operës Liege në teatrin e operës Kaohsiung National Opera for the Art’s. Shpesh herë më mungojnë operat komike.
    -Përveç performancave në Teatrin Kombëtar të Operës dhe Baletit ju keni ushtruar aktivitetin edhe në skena ndërkombëtare si Teatro Giuseppe Verdi në Trieste, Masimo Bellini në Catania, Opera Maribor në Slloveni, Opera e Zagrebit, etj. Çfarë ju kanë sjellë këto bashkëpunime, si kanë ndikuar në aktivitetin artistik?
    Profesionalizmi kryesisht në Itali është i një niveli shumë të lartë. Kam mësuar shumë nga këto eksperienca për mënyrën e komportimit dhe menaxhimit të skenës dhe deri tek marrëdhënia me koleget e trajtimi i veprës. Por kam shijuar edhe trajtimin që i bëhet artistit. Kjo është diçka shumë thelbësore që në Shqipëri nuk e kam patur.
    -Pas “La Traviatës” në skenën e TKOB, çfarë mund të na thoni rreth aktivitetit tuaj artistik, si do të vijojë këtë sezon?
    TKOB ka rritur shumë nivelin artistik të bashkëpunimeve. Në Shqipëri vijnë dirigjent, artist dhe produksione si ky i Traviatës të një niveli shumë të lartë, duke u krahasuar me më parë. Prandaj kam shpresë që ky standart i ri dhe cilësor së bashku me trupën tonë do ta çojë TKOB në nivele internacionale, ku Shqipëria mund të jetë atraksion edhe për këtë lloj arti elitar!
    Intervistoi: Julia Vrapi

  • Dy mbrëmje magjike të sopranos Nina Muho dhe “Traviata” që nuk rresht së na magjepsuri!

    Dy mbrëmje magjike të sopranos Nina Muho dhe “Traviata” që nuk rresht së na magjepsuri!

    Teatri Kombëtar i Operës, Baletit dhe Ansamblit Popullor të Shqipërisë hapi sezonin operistik me një nga kryeveprat e kompozitorit Xhuzepe Verdi, “La Traviata” e cila këtë herë erdhi nën regjinë dhe kostumografinë e mjeshtrit italian, Hugo De Ana dhe mjeshtërinë muzikore të dirigjentit Francesco Ommassinit.

    Në këtë produksion binte në sy edhe prania e solistëve që kishin udhëtuar nga jashtë për t´u bashkuar me artistët shqiptarë. “La Traviata” u ngjit në skenë për 4 netë me radhë nga data 26 shtator deri në 29 shtator 2025.

    Biletat për të katërta netët ishin të gjitha të shitura.

    Skenografia nga njëra anë dhe koncepti regjisorial i Luca Barachinit në anën tjetër e çoi publikun në Parisin e fundshekullit të 20-të.

    Traviata është një nga operat më të interpretuara në botë, por edhe nëse ndonjëherë do të bëhej një sondazh mbi shfaqjen më të dashur nga publiku i gjerë, me siguri kjo operë do të qendronte në krye të parapëlqimeve. Opera kudo gjen suksesin që e ka shoqëruar dhe e shoqëron edhe sot.

    Në mesin e adhuruesve të “La Traviatës” janë si spektatorët që vijnë me kërshërinë për të ndjekur produksionin, ashtu edhe ata që vijnë të shohin në skenë artistët e parapëlqyer.

    Padyshim mes tyre janë edhe publiku meloman që nuk lë shfaqje pa ndjekur. Kur merr një biletë për të parë “La Traviatën” shumëkush pyet: “Cila është Violeta? “Po Alfredon kush e luan”?

    Në katër mbrëmje të kësaj vjeshte në skenë u ngjitën tri soliste në rolin e Violetës.

    Nata e pare e shumëpritur e këtij sezoni mori edhe më shumë vëmendje falë një incidenti në skenë që bëri që solistja të mos interpretonte edhe natën përmbyllëse të kësaj shfaqjeje. Por ndërsa jehona e një situate të paparashikueshme qarkullonte ende në media, artistët vijonin punën duke i dhuruar publikut netë të paharrueshme.

    Pas sopranos Zuzana Marková që interpretoi në natën e dytë erdhi radha e solistes Nina Muho të dilte para publikut. Sopranoja e dashur për publikun u ngjit në skenë si një Violetë jo vetëm sic ishte programuar në datën 28 shtator por edhe në mbrëmjen pasuese si pasojë e një ndryshimi të detyruar nga kalendari i paracaktuar.

    Në rolin e Alfredos si partnerë të Muhos u ngjitën në skenë tenorët Oreste Cosimo dhe Mario Rojas. Bashkë me protagonistët kryesorë në skenë në rolin e Giorgio Germontit u ngjitën baritoni Solen Alla dhe Armando Likaj, solist bariton i TKOBAP-së. Ndërsa njoftonte trupën interpretuese vetë Teatri e cilësonte sopranon Nina Muho, “si një zë dhe interpretuese bindëse për një repertor të gjerë operistik”.

    Trupa e produksionit që erdhi në Shqipëri ishte po ai produksion ku sopranoja Muho kishte bashkëpunuar si soliste në Operën Kombëtare të Zagrebit me po te njejtin rol.

    Me ndjesinë që të jep ngrohtësia e një bashkëpunimi të suksesshëm sopranoja Muho shprehej: “Jam e lumtur që e interpretoj këtë produksion në shtëpinë time në TKOB” ndërsa vijonte se për herë të parë këtë produksion e ka interpretuar në Zagreb.

    Nina Muho e ka interpretuar rolin e Violetës thuajse 17 herë, nga të cilat disa herë në TKOB dhe shumë herë në skena ndërkombëtare si në Operën e Kaljarit, në Teatrin “Xhuzepe Verdi” të Triestes, në Operën e Mariborit në Slloveni, në Operën Kombëtare të Zagrebit etj.

    Ajo ka interpretuar edhe natën e ndërrimit të viteve kur me trupën e Teatrit ‘Verdi’ të Triestes interpretonte pikërisht Violeta Valerinë dhe ‘La Traviatën’. Këtë shfaqje pati mundësinë ta ndiqte edhe publiku i gjerë falë transmetimit të drejtpërdrejtë përmes ekranit televiziv italian.

    Këtë vit në Tiranë, për dy net rresht, gjatë dy shfaqjeve të ” La Traviatës” Violeta Valeri e Nina Muhos bëri të ëndërrojnë e të vuajnë bashkë me të dramën e dashurisë, ashtu si në Parisin e largët, një publik i tërë, që nuk rreshti së duartrokituri me zjarr e së brohorituri zëshëm. Dirigjenti Ommassini thote se ajo posedon nje instrument të pasur, të perdorshem për repertor te gjerë dhe me kolorit të veçantë duke shtuar se në interpretimin e Violetës ajo ka treguar përgatitje, profesionalizem, personalitet, grint dhe pasion italian të cilin e ka vlerësuar shumë!

    ObserverKult

  • “La Traviata” në TKOB,publiku përjetoi një udhëtim të thellë emocional nga gëzimi e dashuria tek sakrifica e tragjedia

    “La Traviata” në TKOB,publiku përjetoi një udhëtim të thellë emocional nga gëzimi e dashuria tek sakrifica e tragjedia

    “La Traviata” një nga veprat më të dashura të kompozitorit Giuseppe Verdi, për katër net me radhë në Teatrin Kombëtar të Operës dhe Baletit u mirëprit nga publiku. Salla e madhe e TKOB ishte e mbushur plot me mbi 3200 artdashës, ku entuziazmi i publikut tejkaloi çdo parashikim. Një sukses i ndërtuar mbi vizionin e mjeshtrit Hugo de Ana, regjisor i njohur ndërkombëtarisht, i cili solli në Tiranë një skenografi dhe kostumografi të mbushur me elegancë dhe simbolikë. Nën drejtimin muzikor të Maestros Francesco Ommassini, Orkestra Simfonike e TKOBAP dhuroi një interpretim të fuqishëm, që bashkoi delikatesën me pasionin që e karakterizon këtë vepër.
    Kori i TKOB-së përgatitur me mjeshtëri nga maestro Dritan Lumshi, si dhe baleti me koreografi nga Michele Cosentino, që i dha veprës dimension të ri vizual, e ngritën produksionin në një nivel të lartë artistik. Salla e mbushur, kërkesat e vazhdueshme për bileta deri në ditën e fundit, si dhe duartrokitjet e gjata në fund të çdo akti, janë dëshmia e suksesit të “La Traviata”-s në Tiranë. Publiku përjetoi jo vetëm një opera, por një udhëtim të thellë emocional, nga gëzimi e dashuria tek sakrifica dhe tragjedia.
    Ky produksion shënon një tjetër gur themeli në historinë e TKOBAP, duke provuar edhe njëherë se teatri është i aftë të sjellë shfaqje që qëndrojnë në një nivel me skenat ndërkombëtare. Opera “La Traviata” me solistë shqiptarë dhe të huaj u shfaq në datat 26, 27, 28 dhe 29 shtator dhe erdhi në skenën e Teatrit Kombëtar të Operës dhe Baletit si një produksion i ri. Gjatë këtyre ditëve TKOB ka publikuar herë pas here materiale për “La Traviatën”, çfarë përcolli ajo te publiku, etj. Opera “La Traviata” bën pjesë tek e ashtuquajtura sipas historisë së muzikës triologji popullore, ku bëjnë pjesë tre operat “Il Trovatore”, “Rigoletto” dhe “La Traviata”, të cilat janë tre operat më të shfaqura në botë.
     

  • Incidenti në “La Traviata”/Tenori nuk realizon rolin sipas parashikimit,Eva Golemi:Nuk më kishte ndodhur kurrë më parë

    Incidenti në “La Traviata”/Tenori nuk realizon rolin sipas parashikimit,Eva Golemi:Nuk më kishte ndodhur kurrë më parë

    Nga Julia Vrapi
    Opera “La Traviata” e autorit Giuseppe Verdi në mbrëmjen e parë të saj në Teatrin Kombëtar të Operës dhe Baletit përfundoi me një incident në skenë. Një episod i papritur ndodhi mbrëmjen e së premtes, ku sopranoja e njohur Eva Golemi u rrëzua në skenë, pasi tenori Mario Rojas nuk arriti ta realizojë sipas parashikimeve rolin e tij. Ngjarja ndodhi në skenën finale të operës kur Eva Golemi në rolin e Violetës duhet të binte në krahët e Alfredos, rol që luhej nga tenori Rojas, por ky i fundit  ndodhej disa metra larg, duke e lënë sopranon të rrëzohet. Tenori u afrua vetëm pasi sopranoja u rrëzua në skenë.
    Pas këtij incidenti nga stafi i TKOB u lajmërua ambulanca dhe sopranoja Golemi u dërgua në spital. Nga ekzaminimet, rezultoi se sopranoja nuk ka pësuar dëmtime serioze shëndetësore, ndërsa iu rekomandua nga stafi mjekësor një pushim prej dhjetë ditësh. Sopranoja e njohur Eva Golemi e ka interpretuar këtë rol në skena brenda dhe jashtë vendit, ndërsa e ka cilësuar Violetën një nga rolet e saj më të dashura. Por për këtë incident në skenë me rolin në “La Traviata” sopranoja thotë se kurrë më parë nuk i kishte ndodhur një gjë e tillë. “E kam interpretuar këtë rol mbi 70 herë në skena deri tani.
    Kam 25 vite që luaj këtë rol jo vetëm këtu, por në të gjithë botën, një incident i tillë nuk më kishte ndodhur kurrë më parë”, shprehet sopranoja Eva Golemi, ndërsa e cilëson dhe si mungesë profesionalizmi nga tenori Mario Rojas për çfarë ndodhi gjatë operës “La Traviata” në mbrëmjen e parë në skenë. Në katër netët e shfaqjes, me kaste të ndryshme, në operën me produksion të mjeshtrit Hugo de Ana ishte planifikuar që soprano Eva Golemi të ishte në rolin e Violetës edhe këtë mbrëmje në natën e fundit më 29 shtator në TKOB, por pas incidentit ajo pritet që të zëvendësohet me një tjetër soprano në shfaqje. Eva Golemi është një ndër zërat lirikë kryesor që ka Teatri Kombëtar i Operës dhe Baletit në Tiranë. Në karrierën e saj operistike numëron role të rëndësishme brenda vendit, por edhe në skenat evropiane. Për publikun sopranoja u ngjit sërish këtë shtator në skenë në kryeveprën e Verdit.
    Shfaqja në vijim
    Pas incidentit në operën “La Traviata” reagoi edhe Teatri Kombëtar i Operës dhe Baletit. TKOB informon se gjatë natës së parë të operës “La Traviata”, sopranoja e mirënjohur Eva Golemi pati një incident në skenë, në momentet e fundit të shfaqjes. TKOB bën me dije se sopranoja është në proces rikuperimi dhe fatmirësisht gjendja e saj shëndetësore është e qëndrueshme, pa pasoja serioze. TKOB shpreh mirënjohje për publikun, i cili tregoi respekt dhe dashuri për artistët dhe thotë se shfaqjet do të vijojnë sipas programit të parashikuar. Vepra operistike vjen në skenë me regji nga Hugo de Ana dhe dirigjent është Francesco Ommassini. “La Traviata” u shfaq në TKOB në datat 26, 27, 28 dhe vijon dhe këtë mbrëmje 29 shtator. Jeta mondane e Parisit të fundshekullit të 19-të, sallonet aristokrate, dashuria, mllefet dhe intrigat në historinë e Violettës dhe Alfredos, janë në operën “ La Traviata” të Verdit. “La Traviata” është një opera me tre akte nga Giuseppe Verdi (Xhuzepe Verdi) e vendosur në një libret italian nga Francesco Maria Piave, ajo është e bazuar në “La Dame aux Camelias” (1852) shkruar nga Alexandre Dumas.
     

  • “Mund të kishte qenë më e rëndë…”, sopranoja Eva Golemi flet pas dëmtimit: Mungesë profesionalizmi e tenorit meksikan

    “Mund të kishte qenë më e rëndë…”, sopranoja Eva Golemi flet pas dëmtimit: Mungesë profesionalizmi e tenorit meksikan

    Një incident i pazakontë dhe i frikshëm ndodhi mbrëmjen e 26 shtatorit, gjatë premierës së operës së famshme “La Traviata” në Teatrin Kombëtar të Operas dhe Baletit (TKOB). Protagonistja e shfaqjes, sopranoja Eva Golemi, u rrëzua në skenë gjatë skenës finale, për shkak të një gabimi të partnerit të saj, tenorit meksikan Mario Rojas.
    Si ndodhi incidenti?

    Në aktin e fundit, kur Violetta (luajtur nga Golemi) ndërron jetë në krahët e Alfredos, rolin e të cilit e mbante Rojas, skena nuk u realizua sipas regjisorit. Tenori ndodhej disa metra larg, duke e lënë sopranon të rrëzohej në skenë pa asnjë mbështetje. Spektatorët mbetën të habitur, ndërsa stafi i TKOB njoftoi menjëherë ambulancën.

    Golemi u dërgua në spital për ekzaminime, ku fatmirësisht mjekët konfirmuan se nuk kishte pësuar dëmtime serioze. Ajo u këshillua të marrë dhjetë ditë pushim për t’u rikuperuar plotësisht.

    Reagimi i sopranos
    E kontaktuar nga Top Channel, sopranoja u shpreh se ishte e tronditur nga ngjarja:
    “Kam 25 vite që luaj këtë rol jo vetëm këtu, por në të gjithë botën, një incident i tillë nuk më kishte ndodhur kurrë më parë. Ngjarja mund të kishte qenë më e rëndë nëse do të dëmtoja kokën. Jam ende e tronditur. Veprimi i partnerit ishte mungesë profesionalizmi”.
    Fjalët e saj pasqyrojnë shqetësimin jo vetëm për gjendjen fizike, por edhe për standardin e skenës shqiptare, ku përgjegjësia e partnerit është thelbësore.
    Pasojat për sezonin e TKOB-it
    Sipas kalendarit të publikuar, “La Traviata” është shfaqur me tre kaste të ndryshme dhe pritej që Eva Golemi të interpretonte sërish Violetën në natën finale, më 29 shtator. Pas incidentit, TKOB pritet të njoftojë se kush do ta zëvendësojë në skenë.
    Produksioni i “La Traviata”-s mbart firmën e regjisorit të madh Hugo de Ana, duke e renditur këtë premierë ndër ngjarjet më të rëndësishme të sezonit artistik në vend.
    Eva Golemi, një karrierë tri dekadash
    Prej gati tre dekadash, Eva Golemi është soprano e parë e TKOB-it, duke interpretuar qindra role brenda dhe jashtë Shqipërisë. Por, roli i Violetës në operën e Verdit ka qenë ndër më të dashurit për të, një personazh që e ka sjellë mbi 70 herë në skenë.
    Incidenti i së premtes nuk zbeh kontributin e saj, por kujton fragjilitetin e artit skenik, ku një moment pakujdesie mund të shndërrojë magjinë e operës në një episod dramatik real.

  • Incidenti i sopranos Eva Golemi gjatë shfaqjes La Traviata, reagon TKOB: Gjendja shëndetësore e qëndrueshme

    Incidenti i sopranos Eva Golemi gjatë shfaqjes La Traviata, reagon TKOB: Gjendja shëndetësore e qëndrueshme

    Teatri Kombëtar i Operës, Baletit dhe Ansamblit Popullor ka reaguar pas incidentit gjatë shfaqjes, La Traviata, ku si pasojë mbeti e lënduar sopranoja, Eva Golemi.

    Reagimi i plotë:
    Teatri Kombëtar i Operës, Baletit dhe Ansamblit Popullor informon publikun e nderuar se gjatë natës së parë të shfaqjes së operës La Traviata, sopranoja e mirënjohur Eva Golemi pati një incident në skenë, në momentet e fundit të shfaqjes.
    Falë reagimit të menjëhershëm të stafit artistik dhe administrativ, situata u menaxhua me kujdes dhe profesionalizëm. Znj. Golemi ndodhet aktualisht në proces rikuperimi dhe fatmirësisht gjendja e saj shëndetësore është e qëndrueshme, pa pasoja serioze.
    TKOBAP shpreh mirënjohje për publikun, i cili me duartrokitjet dhe mbështetjen e tij tregoi respekt dhe dashuri për artistët tanë.
    Shfaqjet tona do të vijojnë sipas programit të parashikuar. I urojmë znj. Eva Golemi shërim të shpejtë dhe rikthim të shëndetshëm e sa më të afërt në skenë.

    Top Channel

  • U la në baltë nga kolegu, reagon sopranoja Eva Golemi: Nuk më kishte ndodhur kurrë!

    U la në baltë nga kolegu, reagon sopranoja Eva Golemi: Nuk më kishte ndodhur kurrë!

    Eva Golemi, Soprano

    TIRANE- Sopranoja e njohur Eva Golemi ka reaguar pas incidentit që ndodhi gjatë premierës së operës “La Traviata”, mbrëmjen e 26 shtatorit në Teatrin Kombëtar të Operas dhe Baletit.
    Në skenën e fundit, ku personazhi i Violetës bie në krahët e Alfredos, tenori meksikan Mario Rojas nuk arriti ta realizonte momentin e parashikuar, duke qëndruar disa metra larg saj. Për pasojë, Golemi u rrëzua në skenë dhe u transportua menjëherë në spital për kontrolle mjekësore.

    Artisja konfirmoi për “Top Channel” se ndodhet në gjendje të mirë, edhe pse mjekët i kanë rekomanduar dhjetë ditë pushim. “Kam 25 vite që luaj këtë rol jo vetëm këtu, por në të gjithë botën, një incident i tillë nuk më kishte ndodhur kurrë më parë. Ngjarja mund të kishte qenë më e rëndë nëse do të dëmtoja kokën. Jam ende e tronditur nga ngjarje”, tha sopranoja që e cilësoi mungesë profesionalizmi veprimin e tenorit meksikan.
    Incidenti pritet të ndikojë edhe në natën finale të shfaqjes më 29 shtator, ku Golemi ishte planifikuar të interpretonte sërish rolin kryesor. TKOB do të bëjë të ditur emrin e sopranos që do ta zëvendësojë.
    Prej afro tri dekadash, Eva Golemi mban statusin e sopranos së parë të TKOB, duke sjellë qindra role për publikun shqiptar. Personazhi i Violetës në “La Traviata” ka qenë ndër më të dashurit për të, të cilin e ka interpretuar mbi 70 herë në skenë./ZËRI

  • Rrëzohet në skenë sopranoja Eva Golemi, dërgohet në spital/ Anulohet shfaqja e dytë e operas “Traviatta”

    Rrëzohet në skenë sopranoja Eva Golemi, dërgohet në spital/ Anulohet shfaqja e dytë e operas “Traviatta”

    Një episod i papritur ka ndodhur mbrëmjen e premierës së operës “La Traviata” në Teatrin Kombëtar të Operës dhe Baletit, ku sopranoja e njohur Eva Golemi është rrëzuar në skenën finale të shfaqjes. 
    Rënia ndodhi në momentin dramatik të skenës ku personazhi i Violetës ndërron jetë në duart e Alfredos. Publiku fillimisht e mori si pjesë të interpretimit, por mosreagimi i menjëhershëm nga tenori në skenë ngriti dyshime mbi gjendjen reale të sopranos. 
    Menjëherë pas incidentit, stafi i teatrit thirri ambulancën për të siguruar ndihmë mjekësore, duke shmangur rrezikun për ndonjë dëmtim të mundshëm fizik. Eva Golemi u dërgua në spital për ekzaminime të detajuara. 
    Mësohet se mjekët i kanë sugjeruar sopranos të qetësohet dhe për pasojë, ajo do të mungojë në shfaqjen e së hënës në mbrëmje dhe roli i Violotës do të interpretohet nga një soprano tjetër. 
    Vetë sopranoja është shprehur se është në gjendje të mirë shëndetësore dhe nga incidenti ka dhimbje të lehta në shpinë, ndaj do të marrë kohën e nevojshme për t’u rikuperuar plotësisht e për t’u rikthyer më pas në skenë. 
    “La Traviata” ka nisur të premten dhe ka katër netë, teksa në shfaqjen e së hënës roli i Violetës nuk do të interpretohet nga Golemi. 
    “La Traviata” është një nga operat më të interpretuara në botë dhe historia e saj bazohet në një personazh real. 
    Violetta Valéry është frymëzuar nga Marie Duplessis, kurtizane franceze dhe dashuria e madhe e shkrimtarit Alexandre Dumas i riu, i cili shkroi romanin e famshëm La Dame aux camélias. 
    Premiera e parë e La Traviata në Teatro La Fenice në vitin 1853 ishte një dështim i plotë. Publiku e refuzoi veprën, por vetëm një vit më vonë, pas rishikimeve, ajo u kthye në skenë dhe fitoi suksesin e madh që e shoqëron edhe sot. 
     

  • Incident në Teatrin Kombëtar të Operës dhe Baletit, sopranoja Eva Golemi dërgohet në spital pas rrëzimit në skenë

    Incident në Teatrin Kombëtar të Operës dhe Baletit, sopranoja Eva Golemi dërgohet në spital pas rrëzimit në skenë

    Një episod i papritur ka ndodhur mbrëmjen e premierës së operës “La Traviata” në Teatrin Kombëtar të Operës dhe Baletit, ku sopranoja e njohur Eva Golemi është rrëzuar në skenën finale të shfaqjes.

    Rënia ndodhi në momentin dramatik të skenës ku personazhi i Violetës ndërron jetë në duart e Alfredos. Publiku fillimisht e mori si pjesë të interpretimit, por mosreagimi i menjëhershëm nga tenori në skenë ngriti dyshime mbi gjendjen reale të sopranos.
    Menjëherë pas incidentit, stafi i teatrit thirri ambulancën për të siguruar ndihmë mjekësore, duke shmangur rrezikun për ndonjë dëmtim të mundshëm fizik. Eva Golemi u dërgua në spital për ekzaminime të detajuara.
    Sipas asaj që mëson gazetarja e Top Channel, Sara Hila, mjekët i kanë sugjeruar sopranos të qetësohet dhe për pasojë, ajo do të mungojë në shfaqjen e së hënës në mbrëmje dhe roli i Violotës do të interpretohet nga një soprano tjetër.
    Vetë sopranoja është shprehur se është në gjendje të mirë shëndetësore dhe nga incidenti ka dhimbje të lehta në shpinë, ndaj do të marrë kohën e nevojshme për t’u rikuperuar plotësisht e për t’u rikthyer më pas në skenë.
    “La Traviata” ka nisur të premten dhe ka katër netë, teksa në shfaqjen e së hënës roli i Violetës nuk do të interpretohet nga Golemi.
    “La Traviata” është një nga operat më të interpretuara në botë dhe historia e saj bazohet në një personazh real.
    Violetta Valéry është frymëzuar nga Marie Duplessis, kurtizane franceze dhe dashuria e madhe e shkrimtarit Alexandre Dumas i riu, i cili shkroi romanin e famshëm La Dame aux camélias.
    Premiera e parë e La Traviata në Teatro La Fenice në vitin 1853 ishte një dështim i plotë. Publiku e refuzoi veprën, por vetëm një vit më vonë, pas rishikimeve, ajo u kthye në skenë dhe fitoi suksesin e madh që e shoqëron edhe sot.

    Top Channel