Lajmidites.com

Tag: transportit

  • ‘Alarm’ në Norvegji, pasi autobusët e prodhuar në Kinë thuhet se mund të ndalen nga distanca

    ‘Alarm’ në Norvegji, pasi autobusët e prodhuar në Kinë thuhet se mund të ndalen nga distanca

    Një operator kryesor norvegjez i transportit publik ka thënë se do të prezantojë kërkesa më të rrepta sigurie dhe do të shtojë masat kundër “hakerimit”, pasi një test në autobusët e rinj elektrikë të prodhuar në Kinë tregoi se prodhuesi mund t’i fikte ato nga distanca.

    Operatori i transportit Ruter tha se rezultatet e testeve të publikuara javën e kaluar treguan se prodhuesi kinez i autobusëve Yutong Group kishte qasje në sistemet e tyre të kontrollit për përditësimet e softuerit dhe diagnostikimin, shkruajnë mediat e huaja.

    “Në teori, kjo mund të shfrytëzohet për të ndikuar në autobus”, tha ajo.

    Gazeta Guardian, e cila raportoi për këtë çështje, citoi një deklaratë nga kompania kineze që tha se “përputhet në mënyrë strikte” me ligjet dhe rregullat e vendeve ku operojnë automjetet e saj.

    Deklarata tha se të dhënat në lidhje me autobusët e saj ruheshin në Gjermani.

    Gazeta citoi një zëdhënës të paidentifikuar të Yutong i cili tha se të dhënat janë të koduara dhe “përdoren vetëm për mirëmbajtje, optimizim dhe përmirësim të lidhur me automjetet për të përmbushur nevojat e klientëve për shërbim pas shitjes”.

    Sipas faqes së internetit të Yutong, kompania ka shitur dhjetëra mijëra automjete në të gjithë Evropën, Afrikën, Amerikën Latine dhe rajonin e Azi-Paqësorit në dekadat e fundit.

    Studimi u iniciua pjesërisht për shkak të shqetësimeve në lidhje me mbikëqyrjen, në një kohë kur shumë vende në Evropë, Amerikën e Veriut dhe më gjerë kanë ndërmarrë hapa për të mbrojtur të dhënat në lidhje me konsumatorët dhe operacionet në distancë.

    Gjetjet treguan se “prodhuesi ka qasje të drejtpërdrejtë dixhitale në çdo autobus individual për përditësime të softuerit dhe diagnostikim”, tha Ruter, i cili thotë se drejton gjysmën e transportit publik të Norvegjisë dhe operon në Oslo dhe rajonin lindor të Akershus.

    Në Danimarkën fqinje, kompania e transportit Movia tha se po shqyrtonte vlerësimet e rrezikut kur bëhet fjalë për sigurinë kibernetike dhe spiunazhin në autobusët e planifikuar, si dhe masat e mundshme për të parandaluar hakerimin, keqpërdorimin e të dhënave dhe rreziqet e çaktivizimit të autobusit.

  • Rritja e çmimit të abonesë dhe biletës së urbanit, eksperti: Ja pse qytetarët do të paguajnë më shumë

    Rritja e çmimit të abonesë dhe biletës së urbanit, eksperti: Ja pse qytetarët do të paguajnë më shumë

    Nga 1 Nëntori hyri në fuqi vendimi i Këshillit Bashkiak të Bashkisë Kamëz, që parashikon rritjen e çmimit të biletës me 10 lekë dhe rritjen e çmimit të abonesë me 200 lekë.

    Bëhet fjalë për dy linja transportit publik, Tiranë-Kamës dhe Tiranë-Paskuqan. Por pse ishte e nevojshme një rritje e çmimit?
    Dashnor Memaj kryetar i shoqatës së transportit ndërqytetës, duke folur në një emision televiziv dha arsyet pse ky vendim u kërkua prej operatorëve.
    “Rritja e fundit e çmimit të biletës u bë në vitin 2016, pra 10 vite më parë, ku çmimi u rrit në 40 lekë. Në këto 10 vite paga minimale nga 20 mijë lekë ka arritur në 40 mijë lekë, me njoftimin se do të shkojë në 50 mijë në janar të këtij viti. Ky është një element që ne si operator na rrit kostot për sigurime për punonjësit. Paralelisht dhe pagat janë rritur në tërësi. Gjatë këtyre viteve edhe çmimi i karburantit nuk është më i njëjti, pasi është shtrenjtuar. Janë të gjitha këto kosto të cilat rëndonin aktivitetin e linjave të transportit. Ndaj duhej një ndërhyrje ose subvencionim, që për bashkinë Kamzës dukej e pamundur ose rritje e çmimeve. Këshilli vendosi rritjen e çmimeve”, tha Memaj në Vizion Plus.
    Por sipas Memajt çmimi i abonesë së përgjithshme nuk ka ndryshuar. Ndërsa nuk ka parashikim për një rishikim të çmimit të biletës për bashkinë Tiranë. Sipas operatorëve të fushës, në këtë bashki po funksionon skema e subvencionimeve.
    Por teksa qeveria ka miratuar me vendim për krijimin e një operatori publik të transportit, operatorët në këtë fushë thonë se kjo ishte e panevojshme.
    “Ne shohim që shteti nëpërmjet një kompanie publike do të jetë një operator më shumë në treg. Eksperienca ka treguar se shërbimet publike i menaxhon më mirë privati. Ndaj e shohim si të panevojshme një ndërhyrje të shtetit në tregun privat”, tha Memaj në E-ZONE.
    Sipas të dhënave gjatë një dite në Tiranës përdorin transportin publik rreth 25 mijë qytetarë. Operatorët kanë vendosur një pajisje në çdo autobus për të patur një shifër reale të frekuentimit të urbanit, për të parë më pas analizën e kostove/përfitime.

  • Shtrenjtohet bileta e urbanit/ Bashkia e Kamzës vendos rritjen e çmimit pa konsultim, revoltohen qytetarët

    Shtrenjtohet bileta e urbanit/ Bashkia e Kamzës vendos rritjen e çmimit pa konsultim, revoltohen qytetarët

    Nga 1 Nëntori çdo qytetar që përdor linjën e transportit urban Kamëz -Tiranë do të përballet me çmime të rritura të biletës dhe aboneve. Sipas burimeve nga VNA çmimi i biletës do nga 40 lekë bëhet 50 lekë, ndërsa aboneja nga 1200 lekë që është aktualisht do kushtojë 1400 lekë.
    Operatori i linjës ka kërkuar Drejtorisë së Transportit në bashkinë Kamëz, një kërkesë për rritje tarife, me analizë të kostove, me arsyetimin se janë rritur kudo çmimet.
    Bashkia e Rakip Sulit ka përgatitur relacion teknik dhe financiar për justifikimin e ndryshimit.
    Propozimi është shqyrtuar nga komisionet në këshill bashkiak (ekonomia, financat, transporti).
    Dhe Këshilli Bashkiak ka votuar për miratimin e tarifës së re.
    Për banorët e Kamzës, rritja e çmimit është e pajustifikueshme.
    “Nuk ka as kushte, dje kur erdhëm poshtë, pavarësisht rritjes së çmimit, mund të kenë qenë në autobus 300 veta”-thotë një qytetar.
    Ndërsa pensionistët janë ata më të indinjuarit nga kjo rritje çmimi.
    “1o lekë, por shtrenjtë është“; “50 dhe 50, janë shumë, çoj një bukë në shtëpi“, “10 lekë për ne janë shumë”.
    Por ka edhe qytetarë indiferent. “Për momentin kemi lekë dhe nuk na intereson”-thotë njëri prej tyre.
    Deri më tani nuk është publikuar ndonjë vendim i i Këshillit Bashkiak të Kamzës për rritjen e çmimit të biletës, ndonëse një proces i tillë duhet të kalojë zyrtarisht përmes këtyre procedurave dhe të njoftohet publikisht.
    Fakt është që qytetarët sot kanë blerë abonetë nga 1400 lekë dhe nga nesër bileta do kushtojë 50 lekë.
    Rritja e çmimeve të transportit urban në Kamëz është e papranueshme në një kohë që ky shërbim nuk ka shtesa në intenerar, nuk ka kryer investime apo përmirsime në transport, apo për më tepër të ketë rritur rrogat e punonjësve të vet, por vetëm sepse privatit nuk i dalin llogaritë, thotë se janë rritur kostot. Dhe sigurisht mënyra më e mirë për të mbuluar kostot janë xhepat e qytetarëve.

  • Bashkia Kamëz rriti çmimin e biletës së urbanëve, reagon Erisa Xhixho

    Bashkia Kamëz rriti çmimin e biletës së urbanëve, reagon Erisa Xhixho

    Deputetja e Partisë së Lirisë, Erisa Xhixho ka reaguar në rrjetin e saj social Facebook, lidhur me rritjen e çmimit të biletave për transportin publik të Kamzës.
    Kujtojmë se nga sot qytetarët që përdorin dy nga 10 linjat urbane të Bashkisë Kamëz, konkretisht Kamëz–Tiranë dhe Paskuqan–Tiranë do të paguajnë 50 lekë për biletë, nga 40 lekë që është aktualisht. Bileta do të rritet 10 lekë apo 25% nga sa paguhet.
    Teksa akuzon qeverinë se ka braktisur qytetarët, Xhixho thotë se qytetarë të moshuar detyrohen që rrinë me orë në radhë, për të kursyer pak nga pensionet e pamjaftueshme për t’u pajisur me abone mujore.
    “Të moshuar që rrinë me orë në radhë, për të kursyer pak nga pensionet e pamjaftueshme; nxënës e studentë që u duhet të lehësojnë sadopak kostot e transportit që duhej ta kishin falas.
    nxënës e studentë që u duhet të lehësojnë sadopak kostot e transportit që duhej ta kishin falas”, shkruan Xhixho.Postimi i Plotë i Erisa Xhixho
    Të detyruar të presin me orë të tëra në radhë, pasi Bashkia Kamëz rriti çmimin e biletës së transportit publik. Nga 40 lekë që ishte, qytetarët e Kamzës duhet të paguajnë tashmë 50 lekë për biletën e autobusit.
    Qindra qytetarë detyrohen të presin në radhë për abone mujore, që u jep atyre akses në një shërbim pa cilësi: mjete pa standarde, orë të tëra në trafik dhe vonesa të përditshme.
    Të moshuar që rrinë me orë në radhë, për të kursyer pak nga pensionet e pamjaftueshme; nxënës e studentë që u duhet të lehësojnë sadopak kostot e transportit që duhej ta kishin falas.
    Kjo është panorama më e qartë e një qeverisjeje që ka braktisur qytetarin, të cilin e ngarkon me kosto e taksa, por nuk i jep mbrapsht asnjë shërbim.

  • Ibrahimaj: Gjurmim i çdo malli me faturën elektronike të ngarkesës në transportin rrugor

    Ibrahimaj: Gjurmim i çdo malli me faturën elektronike të ngarkesës në transportin rrugor

    Ministrja e Ekonomisë dhe Inovacionit, Delina Ibrahimaj vlerësoi se aderimi në protokollin shtesë të Konventës për kontratën e Transportit Rrugor Ndërkombëtar të Mallrave (CMR), lidhur me faturën elektronike të ngarkesës, synon modernizimin dhe përmirësimin e sistemit të transportit ndërkombëtar të mallrave. Gjatë prezantimit të projektligjit në Kuvend, Ibrahimaj tha se ky hap është pjesë e procesit të vazhdueshëm të modernizimit dhe digjitalizimit të ekonomisë shqiptare. “Kalimi nga dokumenti letër te fatura elektronike përfaqëson një hap të rëndësishëm drejt një sistemi më efikas, më transparent dhe më të besueshëm në fushën e transportit dhe logjistikës ndërkufitare”, shtoi ajo.
    Sipas ministres, “me faturën elektronike të ngarkesës çdo mall që del apo hyn në Shqipëri, mund të gjurmohet në kohë reale dhe të verifikohet automatikisht duke u përcjellë menjëherë te autoritetet doganore dhe strukturat e autoritetit rrugor. “Kjo do të thotë më pak burokraci, më shumë transparencë dhe më pak kosto si për bizneset ashtu edhe për shtetin”, shtoi ajo. Ibrahimaj vlerësoi se vitet e fundit Shqipëria ka bërë hapa të jashtëzakonshme me digjitalizimin e sistemeve në sistemet doganore, ato të transportit dhe platformat publike, ndaj duhet të kalohet drejt një zbatimi të qëndrueshëm dhe të standardizuar. “Adoptimi i CMR është pjesë e axhendës së konektivitetit dhe e procesit të Berlinit. Është një hallkë e zinxhirit rajonal që lidh vendet e Ballkanit Perëndimor me tregun e përbashkët Europian. Në thelb ky projektligj lidhet me politikën tonë për zhvillimin ekonomik që synon ta bëjë më të lehtë, më të shpejtë dhe më efikase lëvizjen e mallrave dhe shërbimeve”, shtoi ajo.
     

  • Bashkia Kamëz merr vendimin/ Rritet çmimi i transportit publik për linjën Kamëz–Tiranë, ja sa shkon bileta dhe aboneja

    Bashkia Kamëz merr vendimin/ Rritet çmimi i transportit publik për linjën Kamëz–Tiranë, ja sa shkon bileta dhe aboneja

    Nga data 1 nëntor, udhëtimi me transportin urban në linjën Kamëz–Tiranë do tu kushtojë më shtrenjtë qytetarëve. Çmimi i biletës do të rritet nga 40 në 50 lekë, ndërsa abonetë mujore do të shkojnë nga 12 mijë në 14 mijë lekë.
    Operatori i linjës i është drejtuar Bashkisë Kamëz me një kërkesë zyrtare për rritjen e tarifave, duke argumentuar vendimin me shtimin e kostove të karburantit dhe shpenzimeve operative.
    Kërkesa është shoqëruar me analizë ekonomike dhe raport financiar që justifikon ndryshimin e çmimit. Pas shqyrtimit nga Drejtoria e Transportit dhe komisionet përkatëse të Këshillit Bashkiak, propozimi është miratuar me votim.

  • Rritet çmimi i transportit publik për linjën Kamëz–Tiranë: Bileta shkon 50 lekë, aboneja 1400 lekë

    Rritet çmimi i transportit publik për linjën Kamëz–Tiranë: Bileta shkon 50 lekë, aboneja 1400 lekë

    FOTO ILUSTRUESE

    TIRANË-Qytetarët e Tiranë nga 1 nëntori do të përballen me një ndryshim çmimi të biletës së transportit publik. Çmimi i biletës për linjën Kamëz–Tiranë do të rritet nga 40 në 50 lekë, ndërsa abonetë mujore do të shkojnë nga 12 mijë në 14 mijë lekë. 
    Operatori i linjës i është drejtuar Bashkisë Kamëz me një kërkesë zyrtare për rritjen e tarifave, duke argumentuar vendimin me shtimin e kostove të karburantit dhe shpenzimeve operative. Pas shqyrtimit nga Drejtoria e Transportit dhe komisionet përkatëse të Këshillit Bashkiak, propozimi është miratuar me votim./ZËRI

  • Rritet çmimi i transportit publik, ja sa do të kushtoje bileta dhe aboneja

    Rritet çmimi i transportit publik, ja sa do të kushtoje bileta dhe aboneja

    Nga dita e nesërme 1 nëntor 2025, qytetarët që përdorin linjën e transportit urban Kamëz–Tiranë, do të përballen me rritje të çmimit të biletës dhe abonesë mujore.
    Bileta e transportit publik do të kushtojë 50 lekë, nga 40 lekë që kushtonte deri më sot, ndërsa abonimi mujor është rritur në 14000 lekë, nga 12000 lekë që ka qenë.

    Operatori i linjës, ka dorëzuar pranë Drejtorisë së Transportit të Bashkisë Kamëz një kërkesë për rritjen e tarifës, të mbështetur me analizë të detajuar të kostove dhe argumente ekonomike.

    Në dokument thuhet se shtimi i çmimeve të karburanteve dhe i shpenzimeve operative e bën të nevojshme përshtatjen e tarifës aktuale.

    Më pas, Bashkia Kamëz, e drejtuar nga kryebashkiaku Rakip Suli, ka hartuar një relacion teknik dhe financiar për arsyetimin e ndryshimit të çmimit.
    Ky propozim, është shqyrtuar nga komisionet përkatëse të Këshillit Bashkiak që mbulojnë ekonominë, financat dhe transportin, dhe në fund është miratuar me votim nga Këshilli Bashkiak.
    Vendimi për rritjen e çmimit të biletës dhe abonesë mujore, ka sjellë revoltë te qytetarët të cilët për mediat janë shprehur të pakënaqur në një kohë kur rritja e çmimeve po ndjehet kudo.

  • Punëtorët e transportit protestojnë pas vrasjes së shoferit në Peru

    Punëtorët e transportit protestojnë pas vrasjes së shoferit në Peru

    Më shumë se njëqind punonjës të sektorit të transportit bllokuan një rrugë kryesore pranë një porti jashtë Limës të martën, pas vrasjes së një shoferi të transportit publik gjatë gjendjes së jashtëzakonshme që qeveria shpalli për të luftuar krimin.

    Protesta shpërtheu pasi 47-vjeçari José Esqueche u qëllua me armë zjarri të hënën në mbrëmje dhe ndërroi jetë rrugës për në spital. Ky ishte rasti i dytë i vrasjes së një shoferi në më pak se një javë në të njëjtën zonë.

    Shoferët dhe banorët e zemëruar kërkuan masa më të forta sigurie, duke akuzuar qeverinë se nuk po mbronte punonjësit pavarësisht masave emergjente. Përleshjet shpërthyen kur policia e trazirave u përpoq të lironte rrugën e bllokuar me automjete dhe mbeturina. Demonstruesit deklaruan se gjendja e jashtëzakonshme po kishte pak efekt në ndalimin e valës së dhunës që po prekte punëtorët e transportit dhe bizneset lokale.

    Presidenti José Jerí shpalli javën e kaluar një gjendje jashtëzakonisht 30-ditore, duke i dhënë policisë dhe ushtrisë kompetenca të gjera për të hyrë në shtëpi dhe për të kryer arrestime pa urdhër. Dekreti përfshin gjithashtu kontrolle më të rrepta në burgje, përfshirë kufizime në vizita dhe shkatërrimin e antenave të paligjshme celulare.

    Qeveria argumenton se masat janë të domosdoshme për të luftuar krimin e organizuar, por kritikët thonë se deri tani nuk ka sjellë siguri të dukshme në rrugët e Perusë, duke e bërë situatën të tensionuar për punonjësit e transportit dhe komunitetin.

  • Prezantohet drejtori i ri i Shërbimit të Transportit Rrugor

    Prezantohet drejtori i ri i Shërbimit të Transportit Rrugor

    Ministrja e Infrastrukturës dhe Energjisë, Belinda Balluku, prezantoi sot drejtorin e ri të Drejtorisë së Përgjithshme të Shërbimeve të Transportit Rrugor (DPSHTRR), Kreshnik Bajraktari.Emërimi i Kreshnik Bajraktarit në krye të Drejtorisë së Përgjithshme të Shërbimit të Transportit Rrugor vjen pas largimit të ish drejtorit të përgjithshëm Ilir Mëngra, i cili në muajin korrik u emërua zv.kryetar i Bashkisë së Tiranës.Gjatë prezantimit ministrja Balluku bëri një paraqitje të bilancit të punës së kësaj drejtorie ndër vite.“Në fillim situata ka qenë flagrante, kur për të marrë lejen e drejtimit nevojiteshin 3-4 javë kohë pas aplikimit, si edhe duhet të kishe njohje, siç shpreheshin qytetarët. Nuk mbarojë punë për lejen e drejtimit dhe çështje të automjetit. Çdo gjë ndryshoi katërcipërisht falë punës suaj të palodhur dhe përdorimit të inovacionit. Qeveria ka bazuar procesin e shërbimeve mbi teknologjinë dhe inovacionin.Është punuar me arkivat, të cilat në vitin 2020 paraqisnin rrezik në ndërtesa si në Laç apo Lushnjë. Është ndërmarrë një proces i gjatë për të krijuar logjistikën ruajtjen e dokumentacionit.Është bërë një punë e mirë për çregjistrimin e automjeteve të cilat nuk ishin në përdorim për kohë të gjatë. Po ashtu, janë hapur edhe drejtori të reja rajonale për të ofruar shërbime sa më të shpejta qytetarëve. Është bërë një reformë që të gjithë e marrim si shembull sesi duhet të ofrohen shërbimet publike.Përveç drejtorive rajonale kemi edhe 17 zyra të reja rajonale të shërbimit. Sot ofrojmë 9 herë më shumë shërbime sesa ofronim në 2018 dhe një kohë më të shkurtër”.Ministrja Balluku u ndal edhe kalimi i ofrimit të shërbimit për kolaudimin e mjeteve, pas një periudhë 10 vjeçare që ky shërbim u ofrua me koncesion, ku sipas saj çdo vit që kalonte bëhej më i vështirë për qytetarët.“E gjithë situata ishte totalisht e padisiplinuar dhe në rrugët e Shqipërisë ata që konsideroheshin të kolauduar, për të thënë të vërtetën nuk përmbushin asnjë kusht. Ne morëm një vendim që në fillim u duk ekstrem, pasi vendosëm që DPSHTRR të ishte përgjegjëse për kolaudimin e automjeteve në Republikën e Shqipërisë. Të gjithë dyshuan, por faktet treguan që në muajt e parë që mënyra sesi ne ngritëm procesin e kolaudimit, logjistika e re, stafet e trajnuara, instrumentet inovative, dhe mbi të gjitha rregullat dhe transparenca bënë që kolaudimi në Shqipëri të kthehej në një proces, pa shumë mund të drejtë. Një proces që nuk ka nevojë të njohësh ndokënd, mjafton që mjeti të plotësojë kushtet teknike”.Znj. Balluku bëri me dije se për vitet 2020-2025 kanë kryer kolaudimin rreth 1,6 milionë mjete dhe 490,912 mjete, pothuajse 1/3 e tyre, janë refuzuar.Gjatë prezantimit, z. Bajraktari theksoi se është plotësisht i vetëdijshëm për peshën dhe pritshmëritë e detyrës, duke theksuar angazhimin për ta çuar përpara institucionin drejt ofrimit të shërbimeve më të shpejta e më efikase, në përputhje me vizionin e Qeverisë Shqipëria 2030. Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.