Lajmidites.com

Tag: trajnerin

  • Al Hilal bën gafë me prezantimin e Inzaghit, ngatërron trajnerin e vet të ri

    Al Hilal bën gafë me prezantimin e Inzaghit, ngatërron trajnerin e vet të ri

    5 Qershor 2025

    13:29

    Alfred Lleshi

    Tashmë ka marrë formë zyrtare; Simone Inzaghi është trajneri i ri i Al Hilal. Klubi saudit e prezantoi teknikun italian përmes rrjeteve sociale me pseudonimin “gjeniu italian”. Ish-trajneri i Interit ka firmosur kontratë deri në vitin 2027, me pagë prej 25 milionë euro neto në sezon.

    The Italian genius is here ✅ 🧠
    Welcome, 𝐒𝐢𝐦𝐨𝐧𝐞 𝐈𝐧𝐳𝐚𝐠𝐡𝐢 ✍️
    pic.twitter.com/8BZAz4tIMr
    — AlHilal Saudi Club (@Alhilal_EN) June 4, 2025

    Megjithatë, prezantimi nuk kaloi pa gafë. Në videon zyrtare, teksa kamera rrotullohet rreth Inzaghit, në një ekran televiziv dëgjohet komentimi i një goli nga Sandro Piccinini, por nuk është gol i Simone. Në fakt bëhet fjalë për gol të vëllait të tij Pippo, pikërisht goli i dytë në finalen e Champions League 2007, Milan-Liverpool.
    Ndër “pëlqimet” në videon e prezantimit bie në sy ai i Sergej Milinkovic-Savic, i cili do ta ritakojë trajnerin e tij të dikurshëm (te Lazio) në Riad. Në një tjetër postim, Inzaghi prezantohet si “Kumbari” i ri i klubit.

  • “Jam një lojtar i Milan, do të flas me trajnerin Allegri për të ardhmen time”

    “Jam një lojtar i Milan, do të flas me trajnerin Allegri për të ardhmen time”

    Mbrojtësi belg Alexis Seelemaekers, nga grumbullimi i kombëtares për ndeshjet e radhës, ka folur për të ardhmen e tij. Ai e kaloi sezonin e kaluar në huazim te Roma, por nga 1 korriku do të rikthehet në bazë, te Milan.
    “Kam patur një sezon të mirë dhe jam i kënaqur. Tani do të jem sërish një lojtar i Milan, pasi huazimi te Roma ka skaduar. Ndaj, do të shohim se çfarë do të rezervojë e ardhmja për mua”, tha Seelemaekers.
    Belgu ende nuk ka biseduar me Massimiliano Allegri, trajnerin e ri të kuqezinjve. “Nuk kam patur kontakte me trajnerin e ri. Gjithnjë më ka pëlqyer të luaj për Milan dhe aty jam ndjerë mirë”, tha mbrojtësi, 10 gola në 141 ndeshje zyrtare me kuqezinjtë.
    “Gjëja më e rëndësishme është të gjej një projekt ku të rritëm edhe më shumë dhe të kem mundësi të luaj. Të qëndroj te Milan është një mundësi që më pëlqen, por duhet t’i tregoj trajnerit aftësitë e mia”, shtoi Seelemaekers.
    “Së shpejti do të flas me trajnerin. Roli për mua nuk është një problem, më mjafton të ndjej besimin e trajnerit dhe do të përshtatem”, tha 25-vjeçari, që prej dy sezonesh luan si i huazuar, fillimisht te Bologna e më pas te Roma.

  • Tare takim sekret me Allegri, kontratë 3-vjeçare për trajnerin

    Tare takim sekret me Allegri, kontratë 3-vjeçare për trajnerin

    Igli Tare befason drejtuesit e Milanit. Edhe pse punën për gjetjen e trajnerit të ri e ka nisur përpara emërimit zyrtar si drejtor sportiv, ai realizoi lëvizjen që askush nuk e priste.
    Sipas gazetës “Corriere dello Sport”, Tare zhvilloi një takim sekret me Massimiliano Allegri-n. Natyrisht, tema e diskutimit ishte dëshira për ta kthyer teknikun në stolin kuqezi.
    Drejtuesi i Milanit i ofroi kontratë 3-vjeçare me pagë 5 milonë euro në sezon, të cilave do ti shtohen edhe shpërblime për arritjen e objektivave. Allegri është kthyer në objektivin kryesor të klubit, menjëherë sapo Tare e kuptoi që Vincenzo Italiano po e shfrytëzonte interesin për të përfituar kontratë më të lartë te Bologna.
    Kjo bëri që drejtori sportiv të ndryshonte prioritetet, duke vendosur në krye të listës emrin e Allegrit, i cili është përfolur edhe për Napolin dhe Interin. Pas takimit me trajnerin, te Milani janë optimistë për mbylljen e shpejt të marrëveshjes.
    Madje, burime pranë klubit theksojnë se akordi parimor mund të arrihet në orët në vijim. Vendosmëria e Igli Tares për të kthyer trajnerin që nga viti 2010 deri më 2014-ën ka fituar një titull kampion dhe Superkupën me Milanin, i shtangu të gjithë në rrugën Aldo Rossi. Tv Klan

  • Flick rinovon kontratën me Barcelonën deri në 2027

    Flick rinovon kontratën me Barcelonën deri në 2027

    Hansi Flick ka rinovuar kontratën me Barcelonën deri në vitin 2027. Katalanasit kanë zyrtarizuar vendimin për trajnerin gjerman, të cilit i përfundonte bashkëpunimi me përfundimin e edicionit të ardhshëm.
    Rinovimi me trajnerin gjerman ishte paralajmëruar më parë. Flick u tregua magjik këtë sezon duke fituar tre trofe.
    Fillimisht Superkupën, më pas Kupën e Mbretit dhe në fund kampionatin. Të gjitha përballë Realit, përballë së cilit numëroi vetëm fitore.

     

  • Vuçiç “ndez” duelin ndaj Shqipërisë nga një tubim me trajnerin Stojkovic: Në qershor do të shkojë në Tiranë për të fituar

    Vuçiç “ndez” duelin ndaj Shqipërisë nga një tubim me trajnerin Stojkovic: Në qershor do të shkojë në Tiranë për të fituar

    Presidenti i Serbisë, Aleksandër Vuçiç, ka bërë një thirrje të drejtpërdrejtë dhe emocionale për trajnerin e kombëtares serbe, Dragan Stojkoviç, vetëm pak ditë pasi ndodhej në Tiranë për Samitin e Komunitetit Politik Evropian.
    Në një tubim të mbajtur në qytetin e Nishit, Vuçiç u ndal te përballja e rëndësishme mes Shqipërisë dhe Serbisë, që do të luhet më 7 qershor në “Arenën Kombëtare” të Tiranës, për eliminatoret e Botërorit 2026.

    “Ju lutem, duartrokisni fort trajnerin tonë, legjendën e Nishit, Dragan Stojkoviç. Ai nuk është fshehur si të tjerët, por ka ardhur sonte këtu me ne. Në qershor apo korrik ai do të shkojë në Tiranë për të fituar ndaj Shqipërisë,” deklaroi Vuçiç, duke nënvizuar rëndësinë e kësaj sfide për përfaqësuesen serbe.
    Deklarata e kreut të shtetit serb, e cila është shpërndarë nga media sportive serbe “Sport Klub”, vjen në një klimë të ndjeshme për shkak të historikut mes dy vendeve dhe tensioneve të mëparshme në ndeshjet mes tyre.
    Shqipëria dhe Serbia ndodhen në Grupin K të fazës kualifikuese për Kupën e Botës 2026, dhe sfida e 7 qershorit pritet të jetë jo vetëm vendimtare për ecurinë sportive të të dyja kombëtareve, por edhe ngarkuar emocionalisht dhe simbolikisht për tifozët dhe opinionin publik.

  • “Tuchel është i ndershëm, dua të rikthehem”. Lojtari i Arsenalit: Gati për Anglinë

    “Tuchel është i ndershëm, dua të rikthehem”. Lojtari i Arsenalit: Gati për Anglinë

    18 Maj 2025

    14:25

    Telesport

    Përpara ndeshjeve të Anglisë me Andorrën dhe Senegalin (qershor), Ben White ka konfirmuar se është i gatshëm të rikthehet me “Tre Luanët”.
    Në një intervistë të fundit, ai u shpreh se ka biseduar disa herë me trajnerin Thomas Tuchel dhe ndihet i motivuar për rikthimin e tij në kombëtare.
    “Jam në dispozicion të ekipit, patjetër. Kam folur disa herë me trajnerin. Sipas meje, ai është njeri shumë i ndershëm dhe i qartë me ato që thotë”, deklaroi White.
    Mbrojtësi i Arsenalit nuk ka luajtur për Anglinë që nga viti 2022. Arsyet dihen publikisht. Ai kishte probleme personale me ish-trajnerin Gareth Southgate.
    27-vjeçari është gati. Këtë sezon ka vuajtur nga dëmtimet, por ka luajtur gjithsej 24 ndeshje për Arsenalin dhe tashmë ndihet mirë.

  • Largimi i teknikut Thomas Brdaric, Vllaznia prezanton trajnerin e ri

    Largimi i teknikut Thomas Brdaric, Vllaznia prezanton trajnerin e ri

    Klubi i Vllaznisë ka zyrtarizuar emërimin e Edi Martinit si trajnerin e ri të ekipit, pas largimit të Thomas Brdaric. Vendimi vjen pas humbjes së kuqebluve në finalen e titullit ndaj Egnatias, e cila solli shkarkimin e teknik german.
    Në njoftimin e bërë publik nga klubi shkodran, konfirmohet se kontrata me Martinin është për një sezon, ndërsa synimet janë rikthimi i ekipit në nivelet më të larta të konkurrencës.
    Edi Martini është një emër i njohur në stolin e Vllaznisë, pasi ka drejtuar edhe më parë skuadrën dhe gëzon mbështetje të gjerë mes tifozëve për lidhjen e tij të fortë me qytetin dhe klubin.

  • Gvozdenoviç edhe një sezon te Elbasani

    Gvozdenoviç edhe një sezon te Elbasani

    Nga Fatmir Popja

    AF Elbasani ka bërë një tjetër hap të rëndësishëm në konsolidimin e projektit të saj ambicioz në elitën e futbollit shqiptar, duke zyrtarizuar vazhdimin e bashkëpunimit me trajnerin Ivan Gvozdenovic për sezonin 2025-2026.

    Lajmi është bërë i ditur këtë mesjavë nga burime zyrtare pranë klubit, ndërsa konfirmimi përfundimtar ka ardhur edhe nga vetë presidenti i verdhebluve.Tekniku serb 46-vjeçar, i cili mori drejtimin e Elbasanit në sezonin e kaluar dhe udhëhoqi skuadrën drejt një paraqitjeje dinjitoze në Superligë, ka fituar besimin e drejtuesve për të vazhduar në krye të pankinës edhe për një edicion tjetër.

    Performanca e ekipit nën drejtimin e Gvozdenovic është vlerësuar pozitivisht, si për stilin e lojës që ka implementuar, ashtu edhe për rritjen e disiplinës dhe organizimit brenda grupit. Presidenti i AF Elbasanit e ka vlerësuar trajnerin serb për punën e bërë gjatë kohës që drejton AF Elbasanin. “Ivan Gvozdenoviç ka treguar profesionalizëm, vizion dhe përkushtim maksimal ndaj projektit tonë. Jemi të bindur që nën drejtimin e tij do të vazhdojmë të rritemi dhe të konkurrojmë denjësisht në Superligë.”

    Vendimi për të rinovuar me Gvozdenovic është një sinjal i qartë se klubi po punon për stabilitet dhe vazhdimësi, elementë kyç për suksesin në nivelet e larta të futbollit. Në javët në vijim pritet që trajneri të prezantojë edhe planin e tij për fazën përgatitore të verës dhe përforcimet që do t’i nevojiten skuadrës për sezonin e ri.

    Ky rinovim është mirëpritur edhe nga tifozët elbasanas, të cilët kanë krijuar një lidhje të veçantë me trajnerin që tashmë shihet si një figurë kyçe në identitetin e ri të skuadrës. Gvozdenovic, me përvojën dhe qasjen e tij moderne, duket se do të jetë një nga emrat më të rëndësishëm të Superligës edhe në edicionin e ardhshëm.

    Vazhdo leximin

  • Brazili zgjedh trajnerin e ri…

    Brazili zgjedh trajnerin e ri…

    Në Brazil janë të sigurt. Federata Braziliane e Futbollit, ende pa trajner që nga shkarkimi i Dorival Zhunior, nuk po mendon vetëm për Ançelotin dhe Horge Zhezus.

    Në fakt, ata do të mirëprisnin edhe një emër tjetër, përkatësisht Abel Ferreiran, trajnerin aktual të Palmerias i konsideruar si një kandidat ideal vendas, në rast se dy opsionet e para dështojnë.

    Portugezi është një idhull në Sao Paulo falë punës së shkëlqyer të bërë te Palmeiras dhe gëzon miratimin e një pjese të madhe të tifozëve. Zgjedha e Zhesus së fundi duket më pranë pasi luzitani sot ka mbyllur me klubin arab të Al Hilal.

    Vazhdo leximin

  • Boka shkarkon trajnerin Gago, Tata Martino kandidat…

    Boka shkarkon trajnerin Gago, Tata Martino kandidat…

    Ndër emrat e përfolur për të marrë ekipin e njohur ishte dhe ai i Jurgen Klop

    Humbja kundër River Plate në Superclasico i kushtoi shtrenjtë trajnerit të Fernando Gagos. Drejtuesit e Boka Zhuniors, të udhëhequr nga presidenti Huan Roman Rikelme.

    Në fakt kanë vendosur ta shkarkojnë ish-mesfushorin e Real Madridit dhe Romës. Mandati i tij si trajner zgjati vetëm 192 ditë dhe 30 ndeshje gjithsej, me këtë bilanc: 17 fitore, 5 barazime dhe 8 humbje.

    Ndër kandidatët kryesorë janë Tata Martino, Gustavo Kuinteros dhe Gabriel Milito, të gjithë trajnerë me përvojë, por pa një të kaluar si lojtarë apo trajnerë me fanellën e Bokas.

    Vazhdo leximin