Lajmidites.com

Tag: trajnerin

  • Leverkusen po zhgënjen në kampionat, tjetër shkarkim në horizont për Ten Hag

    Leverkusen po zhgënjen në kampionat, tjetër shkarkim në horizont për Ten Hag

    1 Shtator 2025

    10:14

    Telesport

    Duket se aventura e trajnerit holandez Erik ten Hag te skuadra e Bayer Leverkusen është drejt fundit. Një aventurë që duket se do të zgjasë shumë pak, vetëm 2 muaj.
    I ardhur me shumë bujë këtë verë pas largimit të Xabi Alonso, trajneri holandez nuk po bind në stol. Një humbje e një barazim në dy javët e para në Bundesliga janë shumë pak.
    Pozitat e Ten Hag janë të lukundura që tani, kur sapo ka nisur sezoni, ndërkohë që edhe disa rezultate zhgënjyese në fazën përgatitore duket se po ndikojnë.
    Klubi për momentin nuk ka marrë asnjë vendim dhe është duke shqyrtuar situatën rreth trajnerit. Fakt është se mjaft kampionë janë larguar këtë verë bashkë me trajnerin dhe për Ten Hag nuk është e lehtë.
    Në rast se ndodh shkarkimi për trajnerin holandez, ky do të jetë i dyti për të në harkun kohor të një viti, las lamtumirës së parakohshme vjet nga Manchester United.

  • Kroos paralajmëron trajnerin Xabi Alonso: Historia si lojtar nuk mjafton pa trofe te Real Madridi

    Kroos paralajmëron trajnerin Xabi Alonso: Historia si lojtar nuk mjafton pa trofe te Real Madridi

    Në podcastin e tij “Einfach mal Luppen”, Toni Kroos analizoi situatën e Real Madridit pas ardhjes së Xabi Alonsos në stol. Gjermani vlerësoi merkaton (“Huijsen është qendërmbrojtës shumë i kompletuar”) dhe të rinjtë nga akademia, por dha një paralajmërim të qartë: “Xabi Alonso vjen me një status ndryshe nga Lopetegui. Historia e tij si lojtar ndihmon, por nuk e mbron nëse nuk fiton trofe për tri vite radhazi”.
    Sipas Kroos, gjithçka varet nga besimi i klubit: “Te Real Madridi askush nuk është i sigurt, as lojtarët, as trajnerët. Rezultati ka rëndësi, por edhe si luan ekipi dhe çfarë mendojnë lojtarët për trajnerin”.
    Gjermani shtoi: “Nuk ka kuptim të flitet më për sezonin e kaluar, problemi ishte se nuk u mund asnjë ekip i madh”.
    Rivaliteti për trofe do të jetë i ashpër: “Barça është ende e fortë, ndërsa në Champions-i mbetet favorit si City, Liverpool, Bayern, PSG, Arsenali…”
    Me Xabi Alonso në stol pret futboll më të bukur, por kërkon kohë për gjykime përfundimtare. Kroos e mbylli mesazhin me optimizëm: “Intensiteti në stërvitje dhe konkurrenca në skuadër janë të shëndetshme, kjo do të shihet direkt në ndeshje”.
     
     

  • Shkarkimi/ Fenerbahçe i tregon derën Murinjos

    Shkarkimi/ Fenerbahçe i tregon derën Murinjos

    Fenerbahçe shkarkon trajnerin e njohur Zhoze Murinjo. Klubi nga Stambolli njoftoi lajmin duke e ‘paketuar Special One’ drejt Portugalisë. Luzitani erdhi një vit më parë me objektivë madhorë por pa mundur dot të lërë shenjë.

    Në 62 ndeshje, ai arriti 37 fitore, 14 barazime dhe 11 humbje. Zhgënimi dje me eliminimin nga play off-i i Ligës së Kampioneve duket se ka vendosur fatet e teknikut që së fundi është folur për një rikthim në Premier League.

    Klubi njofton:

    “Jemi ndarë me Zhoze Murinjon, trajnerin e ekipit tonë profesional të nivelit A duke filluar nga sezoni 2024-2025. E falënderojmë për përkushtimin e tij ndaj ekipit tonë dhe i urojmë suksese në karrierën e tij të ardhshme.”

    Vazhdo leximin

  • Eliminimi i turpshëm nga skuadra zvicerane, Beshiktashi i Ernest Muçit shkarkon menjëherë trajnerin që bëri bujë te Manchester United

    Eliminimi i turpshëm nga skuadra zvicerane, Beshiktashi i Ernest Muçit shkarkon menjëherë trajnerin që bëri bujë te Manchester United

    Klubi turk Beshiktash ka njoftuar zyrtarisht ndërprerjen e kontratës me trajnerin norvegjez Ole Gunnar Solskjaer, pas eliminimit të dhimbshëm nga skuadra zvicerane Lausanne në raundet kualifikuese të UEFA Conference League.

    Solskjaer, i cili mori drejtimin e skuadrës në janar të 2024-ës, u takua me presidentin e klubit, Serdal Adalı, menjëherë pas ndeshjes në stadium, ku të dy palët ranë dakord për ndarjen.
    Në një deklaratë zyrtare të publikuar nga klubi, thuhet: “Kontrata jonë me trajnerin Ole Gunnar Solskjaer është ndërprerë pas vendimit të marrë në mbledhjen e Bordit të Drejtorëve. Kryetari ynë Serdal Adalı e falënderoi Solskjaer për shërbimet e tij deri më sot në një takim pas mbledhjes. Me respekt e paraqesim këtë për informimin e publikut.”
    Në sfidën ndaj Lausanne pati minuta dhe për Ernest Muçin, i cili pavarësisht përpjekjeve, nuk arriti ta shpëtonte skuadrën e tij nga eliminimi.

    Top Channel

  • Babai i Bellingham përplaset me trajnerin, Dortmund merr vendimin për familjarët

  • Prapaskena: Babai i Bellingham tentoi përplasjen me trajnerin e Dortmundit

    Prapaskena: Babai i Bellingham tentoi përplasjen me trajnerin e Dortmundit

    24 Gusht 2025

    14:55

    Telesport

    Dramë e panevojshme te Borussia Dortmund! Pas barazimit 3-3 të verdhezinjve endaj St Paul, prindërit e Jobe Bellingham shfaqën pakënaqësi për zëvendësimin e tij në pushim.
    Mesfushori 19-vjeçar, i ardhur këtë verë nga Sunderland, pati një paraqitje të dobët dhe u largua nga loja në pjesën e parë. Babai i tij, Mark Bellingham, që është edhe këshilltari i tij, shprehu zhgënjimin te drejtori sportiv Sebastian Kehl. Sipas BILD, ai kërkoi të takohej personalisht me trajnerin Niko Kovac për të diskutuar vendimin.
    Ngjarja ndodhi në një ditë të tensionuar për Dortmundin, që dështoi të ruajë fitoren në minutat e fundit. Incidenti ka ngritur shqetësime për raportin mes familjes Bellingham dhe stafit teknik të klubit, sepse i ati i lojtarit ka tentuar përplasjen me Kovac.

  • Esposito shpjegon festimin e tij “Braccio di Ferro” dhe pse zgjodhi fanellën 94 tek Interi

    Esposito shpjegon festimin e tij “Braccio di Ferro” dhe pse zgjodhi fanellën 94 tek Interi

    Pio Esposito, i ftuar në formatin “On Board” të DAZN, foli mbi origjinën e tij dhe rrugëtimin drejt ekipit të parë të Interit. Ai lindi në Castellammare di Stabia, ku qëndroi deri në moshën 6-vjeçare, para se të shpërngulej në Brescia me familjen për të ndjekur ëndrrën e futbollit bashkë me vëllezërit e tij.
    Me vëllezërit ka një lidhje të fortë. Me Salvatore pati më shumë përplasje gjatë dy viteve te Spezia, ndërsa me Sebastiano flasin shpesh për sezonet e tyre. Të tre ndihmojnë dhe motivojnë njëri-tjetrin.
    Esposito iu bashkua Interit në moshën 9-vjeçare. Kujton golin e parë në një gjysmëfinale kundër Torinos dhe trajnerin Davide Aggio, që i mësoi vlerat e klubit dhe mentalitetin fitues.
    Në ekipin “Primavera”, nën drejtimin e Chivu, pas 6 muajsh të vështirë mori shiritin e kapitenit në Cagliari, shënoi tripletë dhe që atëherë mbeti kapiten deri në fund. Ai falënderon trajnerin rumun për këtë mundësi që e ndihmoi të rritej.
    Si përvojë personale më të veçantë rendit çmimin “Lojtari i ri më i mirë i Serie B”, falë dy viteve të paharrueshme te Spezia, ku shënoi golin e parë dhe debutoi si profesionist. Ai falënderon trajnerin D’Angelo dhe shokët e skuadrës që e mbështetën.
    Festimi i tij si “Braccio di Ferro” lindi si shaka në palestër me shokun Petko Hristov dhe mbeti si shenjë e identitetit. Kujton me emocion të veçantë golin e parë me fanellën zikaltër kundër River Plate, që e bën ende të dridhet.
    Numrin 94 e zgjodhi si dedikim për lagjen e tij, “Ciceron 94”, dhe fushën ku u rrit me vëllezërit. Sot, ëndrra e tij është të mbrojë ngjyrat e Interit dhe të kombëtares italiane, një ëndërr që dëshiron ta realizojë me çdo kusht.

  • Fitorja e parë për trajnerin Mile, Tirana triumfon ndaj grekëve

    Fitorja e parë për trajnerin Mile, Tirana triumfon ndaj grekëve

    Tirana zhvilloi ndeshjen e radhës miqësore në kuadër të fazës përgatitore në Greqi, përballë skuadrës vendase Eordaikos.
    Bardheblutë triumfuan me rezultatin 1-3, me golat e shënuar nga Bastari, Doka dhe Haxhiu. Bastari dhe Doka, të cilët vijnë nga akademia, vazhdojnë të tregojnë formë të mirë duke lënë shenja pozitive.
    Stafi teknik, i drejtuar nga trajneri Mile, aktivizoi të gjithë lojtarët e grumbulluar, me qëllim analizimin e formës dhe gjendjes fizike të secilit prej tyre.
    Vlen të përmendet se kjo është fitorja e parë për Tiranën në fazën përgatitore, në prag të nisjes së sezonit të ri.

  • Partizani zgjedh trajnerin e ri/ Emri i përzgjedhur, kthehet pas 8 vitesh në Kategorinë Superiore

    Partizani zgjedh trajnerin e ri/ Emri i përzgjedhur, kthehet pas 8 vitesh në Kategorinë Superiore

    Trajneri serb ka qenë prej ditsh në diskutime me klubin e kuq. Ai ishte një nga alternativat kryesore për të marrë drejtimin e skuadrës që kur u publikua për herë të parë emri i tij, duke pasur parasysh eksperiencën në futbollin tonë, ku ka drejtuar Luftëtarin e Kukësin, e sidomos sukseset që ka arritur me Buduçnostin në Malin e Zi ku është shpallur kampion.
    Partizani ka zgjedhur trajnerin e ri, Mlladen Milinkoviç është emri i përzgjedhur nga të kuqtë për të marrë drejtimin e skuadrës në këtë sezon.
    Milinkoviç ka mbërritur sot në Tiranë për të takuar drejtuesit e klubit të kuq dhe për të hedhur firmën në kontratën që e lidh me kryeqytetasit.

  • Malisheva nuk “kapërdin” humbjen turpëruese, i tregon derën trajnerit

    Malisheva nuk “kapërdin” humbjen turpëruese, i tregon derën trajnerit

    Malisheva nuk ka “kapërdirë” humbjen 8-0 ndaj Vikingur në Conference League, teksa së fundmi ka shkarkuar trajnerin Bekim Isufi. Ka qënë klubi nga Kosova që ka bërë të ditur lajmin, përmes një komunikate.
    Postimi:

    FC Malisheva njofton ndërprerjen e bashkëpunimit, me marrëveshje të dyanshme, me Kryetrajnerin Bekim Isufi, Trajnerin kondicional Arsim Tershani, Trajnerin e portierëve Diamant Kadriolli dhe Video analistin, Shkumbin Gërguri.Klubi ynë shpreh mirënjohje të thellë për punën dhe përkushtimin e Kryetrajnerit Isufi, i cili gjatë një viti me FC Malisheva kontribuoi ndjeshëm në sukseset e klubit, duke siguruar pjesëmarrjen në garat e UEFA Conference League, dhe duke shkruar historinë për herë të dytë radhazi si klub.Gjithashtu, jemi thellësisht falënderues për punën profesionale, përkushtimin dhe korrektësinë e Trajnerit kondicional Arsim Tershani, i cili dha një kontribut të çmuar në ngritjen fizike të ekipit.Një falënderim i veçantë i shkon edhe Trajnerit të portierëve Diamant Kadriolli për punën dhe angazhimin e tij të vazhdueshëm me portjerët tanë gjatë gjithë kohës së kaluar në klub.Mirënjohës dhe falënderues edhe për Shkumbin Gërguri për punën dhe analizat profesionale për kohën sa ishte pjesë e jona.Dyert e FC Malisheva do të mbeten gjithmonë të hapura për bashkëpunim të ardhshëm me Bekim Isufin, Arsim Tershanin, Diamant Kadriollin dhe Shkumbin Gërguri. Deri atëherë, ju urojmë shëndet dhe shumë suksese në rrugëtimin e tyre profesional.Në ditët në vazhdim klubi do të bëjë emërimin e Kryetrajnerit të ri dhe kompletimin e shtabit.