Lajmidites.com

Tag: trajnerin

  • Harry Kane vlerësoi trajnerin Vincent Kompany: Ai nxori më të mirën nga unë

    Harry Kane vlerësoi trajnerin Vincent Kompany: Ai nxori më të mirën nga unë

    11 Dhjetor 2025

    13:53

    Telesport

    Sulmuesi anglez Harry Kane po kalon një periudhë të artë te Bayern Munich dhe për këtë vlerëson ndër të tjera edhe trajnerin Vincent Kompany.
    “Kam një mendim të lartë për të, që nga mënyra se si na trajton ne lojtarëve, deri te mënyra se si stërvitemi dhe përgatitemi për ndeshjet”, u shpreh Harry Kane.
    “Vincent është një shembull i përsosur se si duhet të sillet një ekip. Ai nxori më të mirën tek unë”, deklaroi sulmuesi anglez, që ka realizuar 113 gola në 119 ndeshje zyrtare me bavarezët.
    Në fund, Harry Kane shton: “Kompany nxori nga unë edhe guximin për të bërë presion të lartë, mosfrikën nga duelet individuale, mentalitetin, dominimin. Ai na dha të gjithëve besim të madh.”

  • Courtois: Po të mos e donim trajnerin humbnim 6-0, sonte treguam se nuk jemi ekip i vdekur

    Courtois: Po të mos e donim trajnerin humbnim 6-0, sonte treguam se nuk jemi ekip i vdekur

    11 Dhjetor 2025

    8:30

    Alfred Lleshi

    Thibaut Courtois analizoi humbjen e radhës të Real Madridit dhe momentin e vështirë që po kalon ekipi, me vetëm 2 fitore në 8 ndeshjet e fundit. Portieri belg mori përgjegjësinë për golin e parë ndaj City: “Nuk e meritonim humbjen, ishte ndeshje e barabartë. Te 1-1 gabova unë, topi më erdhi shumë pranë dhe nuk e spastrova mirë. Pastaj na shënuan menjëherë për 2-1”. Ai theksoi se në pjesën e dytë skuadra mori kontrollin, por “topi nuk donte të hynte në rrjetë”.
    Courtois tregoi se për mungesën e Mbappé ekipi u informua në grumbullim: “Dje nuk dukej mirë. Është për t’u vlerësuar që erdhi të na mbështeste. Më mirë të humbasë një ndeshje sesa 10”.
    Ai mbrojti grupin dhe Xabi Alonso: “Sot u pa që skuadra është me trajnerin. Sikur dikush të mos ishte me trajnerin, do të humbnim 6-0. Të gjithë luftuan deri në sekondën e fundit”. Për zërat mbi zëvendësim të Xabi Alonso tha: “Janë normale kur ke seri rezultatesh negative, por sot treguam që nuk jemi ekip i vdekur”.

  • Reali në krizë/ Mesfushori shpërthen ndaj shokëve të skuadrës, faji është i lojtarëve…

    Reali në krizë/ Mesfushori shpërthen ndaj shokëve të skuadrës, faji është i lojtarëve…

    Çuameni është treguar shumë i ashpër me atë që po ndosh me skuadrën, klubin dhe trajnerin. “Ajo që po ndodh tani është e papranueshme” – ka deklaruar nëfillim fracezi, duke vazhduar më pas të arikulojë edhe atë që ka thënë e të vejë pikat mbi i tek të gjithë ata që janë përgjegjes sipas tij për gjendjen e pazakonte që po kalon skuadra merenges.
    Mesfushori i Real Madridit flet për mundësinë që kanë për të ndryshuar dinamikën e ekipit. Mes trazirave që kanë përfshirë Real Madridin, kur skuadra duket se po merr frymë thellë mes dyshimeve, kritikave dhe besimit në rënie, Çuaméni vendosi të bënte një hap përpara.
    Në momentin më delikat që kur Çabi Alonso mori drejtimin e skuadrës, mesfushori francez ngriti zërin për të mbrojtur trajnerin e tij dhe, duke vepruar kështu, të tregonte rrugën që ai beson se duhet të ndjekë dhoma e zhveshjes. “Nuk është faji i trajnerit, ata që duhet të përmirësohemi jemi ne” – deklaroi ai me vendosmëri. Një mesazh i qartë dhe i drejtpërdrejtë, “fajin e kanë vetë lojtarët”.
    Tchouameni kështu ia rikthen përgjegjësinë grupit pak para se Mançester Siti i Pep Guardiolës të zbarkojë në Bernabeu, një provë që nuk lë vend për hezitim. Fjalët e tij nuk janë të rastësishme. Francezi, i cili ka rizbuluar formën e tij që nga mbërritja e trajnerit bask, ndihet pjesë e projektit dhe e kupton se është koha për të shtrënguar radhët. Ndërsa atmosfera është e trazuar dhe disa në dhomën e zhveshjes ende kanë dyshime, ai zgjedh një angazhim absolut dhe një mbrojtje publike që synon bashkimin e ekipit gjatë periudhës më të vështirë të sezonit.

  • Vitinha “thumbon” trajnerin Luis Enrique: Është pak i bezdisshëm, por kjo e bën të bukur punën me të

    Vitinha “thumbon” trajnerin Luis Enrique: Është pak i bezdisshëm, por kjo e bën të bukur punën me të

    Skuadra e PSG, kampione në fuqi në Champions League, do të luajë të mërkurën në Spanjë ndaj Athletic. Para udhëtimit për në Bilbao, mesfushori portugez Vitinha foli për këtë sfidë dhe u shpreh për trajnerin Luis Enrique e punën që ai po bën në Paris.
    Mesfushori portugez, i konsideruar si një nga më të mirët në botë, pranoi se trajneri i tij ndonjëherë mund të jetë i vështirë. “Luis Enrique është pak i bezdisshëm, por më pëlqen kjo”, tha Vitinha, që shtoi trajneri parizien është me të vërtetë kërkues.
    “Me të vetëm mund të përmirësohesh. Ai është një trajner i shkëlqyer, jo vetëm taktikisht por edhe njerëzisht. Në këtë nivel, kjo bën diferencën“, shtoi më tej mbrojtësi portugez.
    “Ne qëndrojmë të përqendruar, pasi duam të fitojmë përsëri Ligën e Kampionëve dhe kampionatin. PSG-ja e sotme është shumë e ndryshme nga ajo që ekzistonte kur erdhi Luis Enrique”, tha më tej 25-vjeçari, i kthyer në lider edhe pse qëndron me këmbë në tokë.
    “Ndoshta nuk kam shumë cilësi, por pasimi është një që kam. Kam punuar për këtë që kur isha gjashtë vjeç. Këtu ka shumë lojtarë të rinj me personalitet. Ata ruajnë cilësi të lartë, përqendrim dhe konkurrencë”, tha Vitinha.

  • Slot qëndron deri në fund të sezonit, Liverpool piketon trajnerin e ri që është “makthi” i të kuqve

    Slot qëndron deri në fund të sezonit, Liverpool piketon trajnerin e ri që është “makthi” i të kuqve

    8 Dhjetor 2025

    17:48

    Telesport

    Pavarësisht zhgënjimit të madh deri tani, Arne Slot duket se do të vazhdojë në krye të stolit të Liverpool-it deri në fund të sezonit. Mediet angleze raportojnë se drejtuesit e kampionit në fuqi të Premier League kanë piketuar trajnerin e tyre të ardhshëm, i cili duket se do të jetë Oliver Glasner.
    Austriaku po bën një punë fantastike te Crystal Palace, ku gjatë vitit të fundit, e ka mposhtur tri herë Liverpool-in, përfshi këtu edhe finalen e Community Shield. Glasner mori drejtimin e Crystal Palace në shkurt të vitit 2024. Që nga emërimi i tij, rekordi i tij në 84 ndeshje është 41 fitore, 23 barazime dhe 20 humbje.
    Megjithatë, deri në fund të sezonit do vazhdojë të jetë Arne Slot, pasi largimi i holandezit në këtë moment duket i papërshtatshëm dhe gjetja e një trajneri të ri në mes të sezonit është po ashtu shumë e vështirë për të qenë efektive.

  • Mohamed Salah zbulon prishjen e marrëdhënieve me trajnerin Slot, Liverpuli mban qëndrim ndaj sulmuesit

    Mohamed Salah zbulon prishjen e marrëdhënieve me trajnerin Slot, Liverpuli mban qëndrim ndaj sulmuesit

    Adriatik BALLA
    Fushata dështake e Liverpulit në Premier League angleze u përkeqësua të shtunën pas barazimit zhgënjyes 3-3 me Lids Junajtid. Sulmuesi Mohamed Salah shpërtheu, duke zbuluar se marrëdhënia e tij me trajnerin e Arne Slot ishte prishur. Ai bëri deklaratën tronditëse pasi u la në stol për tri ndeshje radhazi. “Ylli” egjiptian beson se është ‘hedhur nën autobus’ nga kampionët e Premier League. “E kam thënë shumë herë më parë se kam pasur një marrëdhënie të mirë me trajnerin, dhe papritur nuk kemi më asnjë marrëdhënie”, u tha ai gazetarëve sportivë. “Nuk e di pse, por mua më duket sikur dikush nuk më do në klub. Më duket sikur klubi më ka hedhur nën autobus. Kështu po ndihem. Mendoj se është shumë e qartë që dikush ka dashur që unë të marr gjithë fajin.
    Këtë klub unë gjithmonë do ta mbështes. Edhe fëmijët e mi gjithmonë do ta mbështesin. E dua klubin shumë dhe gjithmonë do ta dua. Situata nuk është e pranueshme për mua, për të qenë i sinqertë. Nuk e kuptoj. Është sikur po më hedhin gjithnjë e më shumë nën autobus. Nuk mendoj se jam unë problemi. Kam bërë shumë për këtë klub. Nuk kam pse të luftoj çdo ditë për pozicionin tim, sepse e kam fituar atë. Nuk jam më i madh se askush, por e kam fituar pozicionin tim. Është futboll. Është si është”, shtoi ai. Pas këtyre zbulimeve të jashtëzakonshme, “BBC Sport” raportoi se Liverpuli është i hapur për të ardhmen e Salah në klub, me disa skuadra në Arabinë Saudite të interesuara për ta transferuar.
    Anësori konfirmoi se kishte folur me klube të Saudi Pro League para se të nënshkruante kontratën e re dhe zbuloi se Arabia Saudite do të kishte qenë destinacioni i tij nëse nuk do të kishte vazhduar qëndrimin në “Anfield”. Al-Hilal, skuadra aktuale e ish-shokut të tij Darvin Nunez, raportohet se është favoritja për të nënshkruar me Salah, megjithëse nuk besohet se kanë nisur ende bisedimet. Salah ka qenë një nga lojtarët më të besueshëm të Liverpulit që nga ardhja e tij nga Roma në vitin 2017, duke shënuar 250 gola në 420 paraqitje me klubin. Megjithatë, këtë sezon ai ka hasur vështirësi për të gjetur formën e tij më të mirë, duke shënuar vetëm katër gola dhe dhënë dy asistime në 13 ndeshje të Premierligës. 33-vjeçari pritet të humbasë një pjesë të madhe të sezonit 2025/26 ndërsa përfaqëson Egjiptin në Kupën e Kombeve të Afrikës, e cila është planifikuar të nisë më 15 dhjetor. Tensionet kanë ardhur në momentin më të keq për Liverpulin dhe Salah. Sulmuesi nënshkroi një kontratë të re dyvjeçare për të qëndruar në “Anfield” në prill.

  • A do ta shohim Messin në Botërorin 2026?

    A do ta shohim Messin në Botërorin 2026?

    Në një intervistë të plotë me ESPN, ylli i Argjentinës dhe Inter Miami, Lionel Messi, foli për pjesëmarrjen e tij të mundshme në Kupën e Botës 2026, ndërsa vlerësoi ish-trajnerin e tij Pep Guardiola.
    Messi përsëriti dëshirën e tij për të garuar në Kupën e Botës 2026, por shmangu konfirmimin e pjesëmarrjes së tij, duke deklaruar se kjo do të varet nga gjendja e tij fizike.
    “Shpresoj të jem atje. E kam thënë edhe më parë se do të doja shumë të isha”, tha Messi, duke shtuar: “Në rastin më të keq, do të jem atje duke e parë drejtpërdrejt, por do të jetë e veçantë.
    Kupa e Botës është e veçantë për të gjithë, për çdo vend – veçanërisht për ne, sepse e jetojmë në një mënyrë krejtësisht të ndryshme”.
    Messi, i cili e udhëhoqi Argjentinën drejt fitores në Katar në vitin 2022, vlerësoi gjithashtu ekipin aktual kombëtar:
    “Ne kemi lojtarë të shkëlqyer dhe kjo ka qenë e dukshme prej vitesh veçanërisht zelli dhe entuziazmi që kur Scaloni mori drejtimin. Është një skuadër plot fitues, me një mentalitet të fortë, që duan të fitojnë më shumë dhe kjo është ngjitëse”.
    Gjatë intervistës, Messi vlerësoi ish-trajnerin e tij të Barcelonës, Pep Guardiola, të cilin e përshkroi si më të mirin.
    “Për mua, Guardiola është unik”, tha Messi për trajnerin aktual të Manchester City-t. “Ka trajnerë jashtëzakonisht të mirë, por ai ka diçka të ndryshme. Për mua, ai është më i miri nga të gjithë”.
    Messi ishte një shtyllë kyçe e Barcelonës së Guardiolës, e cila fitoi 14 tituj të mëdhenj midis viteve 2008 dhe 2012. Ai theksoi gjithashtu se suksesi i Guardiolës nuk u kufizua vetëm në Barcelonë, por la gjurmë edhe në vende të tjera, si Gjermania me Bayernin dhe Anglia me Cityn, duke ndryshuar mënyrën se si luhen kampionatet.
    Së fundmi, Messi iu referua vështirësisë së Kupës së Botës, duke kujtuar humbjen tronditëse nga Arabia Saudite në vitin 2022 dhe penalltitë vendimtare në ndeshjet me Holandën dhe Francën.
    “Një Kupë Bote është shumë e vështirë. Çdo ekip mund të të shkaktojë probleme, mund të të eliminojë… Në ndeshjen e fundit, patëm fat që, edhe pse ishim ekipi më i mirë si në Holandë ashtu edhe në Francë, na u desh të shkonim te penalltitë, dhe aty patëm bishën që ishte [Emiliano] Dubou [Martinez] i cili na bëri të fitonim.”
    Shorti për Kupën e Botës 2026, në të cilën Argjentina do të marrë pjesë si kampione në fuqi, do të zhvillohet të premten në Uashington.

  • Eksod trajnerësh/ Njihuni me trajnerët që largohen brenda ditës

    Eksod trajnerësh/ Njihuni me trajnerët që largohen brenda ditës

    Një eksod trajnerësh ka përfshirë Kosovën. Prishtina kryesuese njoftoi në mëngjes, largimin e trajnerit Arsim Thaqi.
    Një njoftimin e klubit thuhej se kontrata është mbyllur me marrëveshje dypalëshe.
    Po ashtu, një tjetër klub i Superligës së Kosovës ka larguar trajnerin. Bëhet fjalë për Prishtinën e Re, që ka mbyllur bashkëpunimin me Shpëtim Babaj.
    Në Ligën e Parë, Istogu ka larguar trajnerin Fisnik Gashi.

  • Play-off për Botërorin 2026/ Si Sylvinho “shkarkoi” trajnerin e Polonisë! Shqipëria 2 suksese në 15 takime kundër polakëve

    Play-off për Botërorin 2026/ Si Sylvinho “shkarkoi” trajnerin e Polonisë! Shqipëria 2 suksese në 15 takime kundër polakëve

    Kombëtarja shqiptare e futbollit “peshkoi” Poloninë në gjysmëfinalen play-off të Kupës së Botës 2026. Përballja teke do luhet në Poloni, ndërsa dueli i 26 marsit 2026 do jetë i 16-ti mes tyre në histori. 
    Bilanci flet për polakët që kanë fituar në dhjetë takime, tre duele janë mbyllur në barazim, ndërsa dy herë ka fituar Shqipëria. Fitorja e parë e tanëve kundër Polonisë daton më 29 nëntor 1953 në një miqësore të zhvilluar në “Qemal Stafa”. Kuqezinjtë fitonin 2-0 me golat e Loro Boriçit dhe Refik Resmjas në minutat 12-të dhe 35. 
    Ndërkohë fitorja e dytë daton më 10 shtator 2023 (70 vite më vonë), kur në “Air Albania” të Tiranës ekipi i Sylvinhos fitonte po 2-0 me golat e Jasir Asanit dhe Mirlind Dakut, për të konsoliduar pozitat në grupin që na çoi në finalet e Euro 2024. 
    Pas humbjes në Tiranë, Polonia tre ditë më vonë shkarkoi trajnerin portugez Fernando Santos. 

     

  • Balliu përplaset me trajnerin e Rajos, De La Fuente i Spanjës thumbon shqiptarin

    Balliu përplaset me trajnerin e Rajos, De La Fuente i Spanjës thumbon shqiptarin

    Ivan Balliu pati një përplasje me trajnerin e Rajo Vajekanos, Inigo Perez. Kyi fundit vendosi ta zëvendësonte pas 55 minutave lojës, ndërsa Rajo po humbiste me rezultatin 2-0 ndaj Lek Poznan. Pas katër ndërrimeve erdhi edhe fitorja. Por si ishte situata deri në momentin e sherrit dhe si vijoi më pas? Mbrojtësi i Kombëtares u zëvendësua në kuadër të katër ndërrimeve, që u kryen nga trajneri Inigo Perez. Pastaj pasoi edhe përmbysja e madhe, nga rezultati 0-2 që regjistrohej në favor të miqve. Pas ndeshje u fol për përplasjen në pankinë të Ivan Balliut me Inigo Perez. Ky i fundit u shfaq mjaft i tensionuar gjatë kësaj kohe dhe u nevojit ndërhyrja e lojtarëve të tjerë për të qetësuar situatën.
    Gjithçka duket se nisi në Spanjë pas disa fjalëve të shkëmbyera gjatë zëvendësimit. Më pas trajneri 37-vjeçar nuk doli as në konferencë, pavarësisht fitores. Kështu u pa të largohej nga stadiumi drejt makinës së tij, ndërsa klubi e justifikoi duke thënë se nuk ndihej mirë. Balliu ndërkohë do të jetë pas kësaj jave në dispozicion të Kombëtares. Silvinjo e ka bërë pjesë të listës që kërkon të shkruajë historinë. Ndërkohë, trajneru i përfaqësueses së Spanjës, Luis De La Fuente, publikoi dje listën e Spanjës për ndeshjet e nëntorit. Një pyetje iu drejtua për rastin e Balliut me trajnerin e Rajo Valekanos dhe trajneri i Spanjës u tregua i prerë. Përplasja mes Balliut dhe Inigos, si të duket kur futbollisti rebelohet ndaj trajnerit? “Jam 100% në favor të trajnerit, gjithmonë. Dhe gjithmonë 100% për mungesën e respektit. Për mua është e patolerueshme”, u shpreh De La Fuente. Kjo tregon qartë se teknikët mbajnë anën e trajnerit pavarësisht situtave të krijuar dhe cili prej lojtarëve e ka fajin.