Lajmidites.com

Tag: tottenham

  • Spektakël në “Anfield”, Liverpool përmbys në pak minuta Tottenham! Nis festa (video)

    Spektakël në “Anfield”, Liverpool përmbys në pak minuta Tottenham! Nis festa (video)

    27 Prill 2025

    18:06

    Telesport

    Liverpool po përballet me Tottenham në “Anfield”, në ndeshjen e vlefshme për javën e 34-të të Premier League. në rast se ekipi i drejtuar nga Arne Slot nuk humbet sot, shpallet zyrtarish kampion i këtij sezoni në Premier League.
    Londinezët kaluan të parët në avantazh me Dominic Solanke, i cili dërgoi me kokë topin në rrjetë pas krosimit nga goditja e këndit nga James Maddison në minutën e 12-të.
    Kundërpërgjigjja e të zotëve të shtëpisë nuk vonoi shumë. Luiz Dias barazoi shifrat në minutën e 16-të, kolumbiani shënoi aps asistit perfekt të Szoboszlai. Mac Allister shënoi golin e avantazhit në minutën e 23-të, argjentinasi shënoi me një goditje të bukur në kufijtë e zonës së rreptësisë. Në minutën e 33-të, ishte radha e Cody Gakpo për të shënuar golin e tretë. Holandezi shënoi pas një topi të ardhur nga goditja e këndit.
    Kaq mjaftoi dhe nisi festa e madhe e tifozëve në “Anfield”. Të gjithë tani me zor po presin vërshëllimën e fundit të arbitrit, për të nisur të gjithë së bashku festën e madhe.
    SHIKOGOLAT

  • E duan katër klube të Premier League, Inter cakton çmimin

    E duan katër klube të Premier League, Inter cakton çmimin

    25 Prill 2025

    15:20

    Telesport

    Sipas ‘TEAMtalk’, Tottenham po ngrihet midis klubeve që po ndjekin nga afër mbrojtësin e  Inter-it, Bisseck.
    Spurs tashmë kanë mbledhur informacione për të në kuadrin e një sulmi të mundshëm në verë, por e dinë shumë mirë se nuk janë vetëm. Së bashku me ta tashmë janë tre klube si West Ham, Everton dhe Bournemouth.
    Të gjithë duan të forcojnë mbrojtjen e tyre, Tottenham ka pasur shumë probleme  me dëmtimet.
    Inter-i thuhet se ka bërë të ditur se e vlerëson Bisseck jo më pak se 35-40 milionë euro dhe se do të jetë i gatshëm të flasë për këtë vetëm pas përfundimit të Kupës së Botës për Klube.
    Gjuetia për mbrojtësin e zikaltërve është e hapur, pastaj do të varet nga Marotta të vlerësojë se çfarë të bëjë.

  • Atletico Madrid mendon për të ardhmen, dyshja e Tottenham drejt ekipit të Simeone

    Atletico Madrid mendon për të ardhmen, dyshja e Tottenham drejt ekipit të Simeone

    25 Prill 2025

    12:51

    Telesport

    Skuadra e Atletico Madrid, pasi humbi çdo shans për të fituar ndonjë trofe edhe këtë sezon, po mendon që tani për të ardhmen. Madje ka hedhur edhe piketat e para të merkatos së verës.
    Sipas të përditshmes britanike “The Times”, klubi spanjoll dëshiron të nënshkruajë me dyshen e Tottenham, Cristian Romero dhe Rodrigo Bentancur. Dy lojtarë që janë dalluar këtë sezon me Spurs.
    Romero tha në një intervistë javën e kaluar se dëshiron të luajë në La Liga. Ndërsa Bentancur është më i rrezikuar për t’u larguar, pasi do të hyjë në vitin e fundit të kontratës së tij.
    Tottenham dëshiron që Bentancur të nënshkruajë një kontratë të re dhe ka hapur bisedime me përfaqësuesit e mesfushorit. Por, nëse këto bisedime nuk janë të suksesshme, atëherë Atletico është favorit për ta marrë.

  • Rezultatet e dobëta, Tottenham shkarkon trajnerin

    Rezultatet e dobëta, Tottenham shkarkon trajnerin

    Ange Postecoglou do të largohet nga drejtimi i Tottenham edhe nëse këto të fundit fitojnë Ligën e Europës. Vendimi është marrë për trajnerin grek që ka dështuar me skuadrën angleze në kampionat.
    “The Telegraph”  raporton se as fitimi i Ligës së Europës, që do të siguronte pjesëmarrjen në Champions për sezonin e ardhshëm, nuk bën punë.
    Postekoglu u afrua te Totenhemi në vitin 2023. Kontrata e tij është e vlefshme deri në vitin 2027, por kjo nuk duket se do pengojë Totenhemin për të zyrtarizuar vendimin.

    Tottenham do të luajë ndaj Bodo/Glimt, për të siguruar finalen e madhe të Ligës së Europës. Kujtojmë ndërkohë se aktualisht mbajnë vendin e 16 në kampionat, por nuk rrezikojnë rënien.

  • Tottenham i dorëzuar në Premier, fokusohet te Europa League! Nottingham realizon direkt dy gola (VIDEO)

    Tottenham i dorëzuar në Premier, fokusohet te Europa League! Nottingham realizon direkt dy gola (VIDEO)

    21 Prill 2025

    21:40

    Telesport

    Ashtu si Manchester United, edhe Tottenham duket se po dorëzohet me idenë për të vazhduar të ndjekë Europën nga renditja e Premier League, duke qenë se të gjitha forcat duhet të vendosen në sfidat që do të ketë në Europa League, duke qenë se në gjysmëfinale do të ndeshen ndaj Bodo Glimt, sfidë e kalueshme për “Spurs”, për të shkuar në finalen e madhe të Bilbaos, pikërisht pasi nga gjysmëfinalja tjetër mes Athletic dhe Manchester United do të dalë finalisti tjetër.
    Dhe pikërisht në një sfidë që është më shumë vendimtare për Nottingham Forest se sa për “gjelat” e Londrës, ndeshja ka nisur me dy gola të pësuar shpejt nga skuadra Spurs. Anderson në minutën e 5-të dhe sulmuesi “zanatçi” Chris Ëood pas 15 minutash kanë dhuruar dy golat për miqtë e drejtuar nga Espirito Santo.
    GOLI I PARE I FOREST – VIDEO
    GOLI I DYTË I FOREST – VIDEO

  • Kupat e vogla njohin gjysmëfinalistët, Chelsea, Fiorentina dhe Betis avancojnë në UEFA Conference League

    Kupat e vogla njohin gjysmëfinalistët, Chelsea, Fiorentina dhe Betis avancojnë në UEFA Conference League

    Atletik Bilbao, Manchester United, Tottenham dhe Bodo/Glimt janë ekipet e kualifikuara për në fazën gjysmëfinale të Europa League.
    Ndeshja më dramatike ishte ajo e luajtur në “Old Trafford”. Takimi i parë në Francë ishte mbyllur me rezultatin 2-2. Në Manchester, “Djajtë e Kuq” kaluan në epërsi 2-0 në pjesën e parë, falë golave të Ugarte dhe Dalot.
    Mirëpo, miqtë nga Lyoni bënë surprizën e madhe pas mesit të pjesës së dytë, duke barazuar rezultatin me golat e shpejtë të Tolisso dhe Tagliafico. Para se të mbyllej koha e rregullt, Tolisso mori kartonin e dytë të verdhë dhe la Lyonin me 10 lojtarë, ndërsa ndeshja shkoi në shtesë.

    Megjithëse me një lojtar më pak, francezët bënë mrekullinë në shtesë, duke shënuar dy herë dhe përmbysur gjithçka në 4-2. Por, aty ku u mendua se Manchesteri kishte marrë fund, vendasit realizuan një kryevepër të vërtetë, të denjë për skenar filmash hollivudianë. Në gjashtë minutat e fundit të shtesës së dytë, “Djajtë e Kuq” shënuan tre herë me Bruno Fernandes, Mainoo dhe Maguire, duke përmbysur rezultatin nga 2-4 në 5-4 dhe u kualifikuan në gjysmëfinale.
    Dramatike ishte edhe eliminimi i Lazios në Itali ndaj norvegjezëve të Bodo/Glimt. Italianët ishin mundur në transfertë 2-0 në ndeshjen e parë, por fituan të dytën 2-0 në kohën e rregullt me golat e Castanos dhe Noislin, duke çuar ndeshjen në shtesë. Aty, Dia e çoi ndeshjen në 3-0 për Lazion, por norvegjezët shkurtuan diferencën me Helmersen, duke e çuar sfidën te penalltitë, ku Lazio gaboi tre gjuajtje, përfshirë edhe atë të fundit nga Castellanos.
    Tottenham, ndërkohë, u kualifikua falë fitores 1-0 në Gjermani ndaj Frankfurtit, kundërshtar me të cilin në Londër ishte ndarë në barazim 1-1. Golin e suksesit për “Spurs”-at e shënoi Solanke me penallti.
    Sukses i lehtë në shtëpi për Bilbaon, që fitoi 2-0 ndaj Rangers, ku Nedim Bajrami luajti vetëm pak minuta në fund. Gjysmëfinalet do të jenë: Bilbao – Manchester United dhe Tottenham – Bodo/Glimt.
    Ndërkohë, në Conference League për ekipet e mëdha nuk pati surpriza. Chelsea, ndonëse u mund nga Legia e Varshavës 2-1, kishte fituar thellë takimin e parë 3-0 dhe u kualifikua në gjysmëfinale.
    Fiorentina barazoi me Celjen e Sllovenisë, por falë fitores 2-1 në ndeshjen e parë, avancoi më tej, ku do të përballet me Betisin e Sevillës, që eliminoi polakët e Jagiellonias.
    Suprizën e bëri Djurgarden, që eliminoi Rapidin e Vjenës, ndonëse këta të fundit kishin fituar ndeshjen e parë.

  • Te Tottenham përgatiten për revolucion, tri kandidatë për të zënë vendin e Postecoglou

    Te Tottenham përgatiten për revolucion, tri kandidatë për të zënë vendin e Postecoglou

    18 Prill 2025

    11:12

    Telesport

    Një kampionat për t’u harruar për Tottenham në Premier League. Skuadra londineze është në fakt shumë larg zonave që ia vlejnë një vend në kompeticionet e ardhshme europiane (vendi i 15-të).
    Spurs nuk rrezikojnë një rënie të bujshme nga kategoria, por paraqitjet kanë lënë vërtet për të dëshiruar. Për këtë arsye, pozicioni i trajnerit Ange Postecoglou nuk është solid.
    Për këtë arsye, për sezonin e ardhshëm klubi po shqyrton edhe mundësinë e ndryshimin e drejtimit teknik. Sipas “TeamTalk”, Tottenham ka identifikuar tre profile nëse zgjedhin ndryshimin në stol.
    I pari në listë është trajneri i Fulham, Marco Silva, ndërkohë që kandidatë janë edhe trajneri i Brentford, Thomas Frank dhe ai i Bournemouth, Andoni Iraola.

  • E bujshme: Jose Mourinho rikthehet në Premier League?

    E bujshme: Jose Mourinho rikthehet në Premier League?

    15 Prill 2025

    19:34

    Telesport

    Tottenham po kalon një sezon shumë të vështirë, aq sa e sheh veten në vendin e 15-të në renditjen e kampionatit anglez.
    Ky sezon do të konsiderohet nga më të dobëtit në historinë e klubit dhe kryesisht faji do t’i mbetet trajnerit Ange Postecoglou. Më saktë, përgjegjësia, sepse faji është edhe i klubit për mungesën e efikasitetit për të krijuar një skuadër që tenton trofe.
    Lajmi befasues i këtyre ditëve është se Jose Mourinho mund të rikthehet në këtë klub. Portugezi, i cili ka punuar te Tottenham nga viti 2019 deri në vitin 2021, flitet se ka një ofertë paraprake nga klubi anglez.

  • Derbi Arsenal-Tottenham do të zhvillohet jashtë Mbretërisë së Bashkuar për herë të parë në histori

    Derbi Arsenal-Tottenham do të zhvillohet jashtë Mbretërisë së Bashkuar për herë të parë në histori

    31 Mars 2025

    17:10

    Telesport

    Derbi i Londrës së Veriut mes Arsenal dhe Tottenham do të luhet për herë të parë jashtë Mbretërisë së Bashkuar. Dy skuadrat londineze do përballen mes tyre në verë në Hong Kong, aty ku do të zhvillojnë përgatitjet parasezonale për sezonin 2025/26.
    Derbi është programuar të zhvillohet më datën 31 korrik, në orën 11:30 të paradites sipas kohës së Mbretërisë së Bashkuar dhe do të luhet në stadiumin e ri “Kai Tak”, me kapacitet prej 50,000 vendesh.
    Richard Garlick, një nga menaxherët drejtues të Arsenal, thotë se është shumë i emocionuar që “Topçinjtë” do të rikthehen në Hong Kong pas 13 vitesh dhe është i sigurt se i pret një eksperiencë e bukur aty, ku do kenë mundësinë të takohen nga afër me fansat e tyre të shumtë në atë rajon.
    “Jemi të emocionuar që do të vizitojmë Hong Kongun në muajin korrik. Është fantastike të rikthehemi atje me ekipin tonë të parë pas 13 vitesh dhe të kemi mundësinë të takohemi aty me shumë prej tifozëve tanë të mrekullueshëm. Të luajmë kundër Tottenham në stadiumin e ri “Kai Tak” do të jetë një eksperiencë e bukur si për skuadrat ashtu edhe për tifozët”, tha Garlick.