Lajmidites.com

Tag: titullin

  • Shkëmbimi i bujshëm në NBA: Kevin Durant transferohet te Houston për të fituar titullin

    Shkëmbimi i bujshëm në NBA: Kevin Durant transferohet te Houston për të fituar titullin

    23 Qershor 2025

    10:43

    Telesport

    Basketbollisti Kevin Durant, një nga legjendat e NBA, do të luajë me Houston Rockets sezonin tjetër. 36-vjeçari ka vendosur kështu të largohet nga Phoenix Suns, pjesë e një shkëmbimi.
    Te skuadra e Phoenix do të shkojnë Jalen Green dhe Dillon Brooks, por edhe 6 lojtarë të rinj që do të vijnë nga “draft” në vitet që pasojnë.
    Durant kërkohej edhe nga Miami, San Antonio e Minnesota, por vendosi të shkojë te Houston, ku synon titullin kampion në NBA. Shkëmbimi do të zyrtarizohet më 6 korrik.
    Ai shpreson të ndihmojë skuadrën që këtë sezon u rendit në vendin e dytë në Perëndimin të sezonin e rregullt. Përvoja e tij do të ndihmojë të rinj djemsh për të bërë hapin cilësor.

  • Leao largon veten nga merkatoja: Ta vesh fanellën e Milanit është ëndrra më e madhe

    Leao largon veten nga merkatoja: Ta vesh fanellën e Milanit është ëndrra më e madhe

    Nga data 1 korrik do të hyjë në fuqi klauzola e lirimit, e përfshirë në kontratën e Rafael Leaos. Kushdo që do të paguajë 175 milionë euro te Milani, mund ta marrë lojtarin pa pasur nevojë të negociojë me klubin kuqezi.
    Askush, përveç klubeve arabe, që nuk e tërheqin sportivisht portugezin, nuk duket i gatshëm t’i afrohet kësaj shume, edhe pse, nëse dikush do të shkonte deri në 100 milionë euro, do të ishte e vështirë për Furlanin dhe Taren të thonin jo. Për shembull, është përmendur Bayern Munich, që duhet të zëvendësojë Sané dhe sheh që Nico Williams, plai A, është shumë pranë Barcelonës.
    Të gjithë këto zëra, megjithatë, nuk duken se e prekin Leaon, i cili për revistën franceze “L’Officiel” ka dhënë deklarata të rëndësishme në favor të Milanit: “E kam ndjekur gjithmonë Milanin, edhe përpara se të vija këtu. Është një nga klubet më të rëndësishëm në botë dhe ta vesh këtë fanellë është ëndërr”.
    Nëse kjo nuk është një dëshmi e qartë se dëshiron të qëndrojë në Milano, shumë pak mungon. Në të njëjtën intervistë, portugezi kujtoi titullin e vitit 2022 si një nga kujtimet më të bukura, duke e cilësuar fitoren 3-0 ndaj Sassuolos, atë që i dha pikërisht titullin Milanit, si ndeshjen më të bukur të zhvilluar me kuqezinjtë. Së fundi, kur iu kërkua të tregonte emrat e dy lojtarëve më të mirë me të cilët ka luajtur, ai tha: “Ibrahimovic dhe Cristiano Ronaldo”.

  • Mark Markez, kampioni i rikthyer, rivali i vetëm Aleks…Markez

    Në vitin 2013 ai u bë piloti i parë që nga Keni Roberts në vitin 1978 që fiton titullin MotoGP që në sezonin e tij të parë, dhe më i riu që fiton titullin në tërësi, në moshën 20 vjeç e 266 ditë. Më pas Mark Markez me nofkën “el tro de Cervera”, ndërsa kishte fituar dhe 2 tituj në 125 cc dhe Moto2, arriti të regjistrojë dhe 5 tituj të tjerë në MotoGP duke i derguar shifrat në 8-të të tillë mbi motorë.

    Problemet me rrëzimet në 2020 dhe rekuperimi i ndagaltë por dhe ndrrimi i skuderive e shoqëruan kampionin 32 vjeçar spanjoll deri në fundin e Botërorit të kaluar teksa atë sezon garonte me Ducati.

    Ndërkohë pasi u kthye në sezonin 2021, ai fitoi tre gara në Gjermani, Austin, Mizano dhe pati një vend të dytë në Aragon, por për shkak se humbi dy garat e para dhe dy garat e fundit të sezonit, përfundoi vetëm i 7-ti në fund.

    Këtë botëror po me Dukati dhe numrin e preferuar ’93’, Markez po e rrotullon mjaft mirë. Ai kryeson edicionin me 233 pikë dhe rreziku më i madh i tij paradoksalisht figuron i vëllai Akes Markez (Racing Gresini) me 201 pikë.

    Mark ka triumfuar në katër gara nga tetë të zhvilluara deri tani. Këtë fundjavë vjen Çmimi i Madh i Italisë. Mark Markez i ka mjaft të karikuara bateritë…/Sportiim.al/

  • “Sir” David Beckham, ish-futbollisti i njohur anglez merr titullin më të lartë në Britani nga Mbreti Charles

    “Sir” David Beckham, ish-futbollisti i njohur anglez merr titullin më të lartë në Britani nga Mbreti Charles

    David Beckham, një nga ikonat më të mëdha të futbollit anglez dhe ish-kapiten i Kombëtares së Anglisë, është nderuar zyrtarisht me titullin kalorës nga Mbreti Charles, si pjesë e listës së Nderimeve për Ditëlindjen e Mbretit.

    Në moshën 50-vjeçare, Beckham mori titullin prestigjioz “Sir”, në vlerësim të kontributit të tij të jashtëzakonshëm në sport dhe bamirësi.
    Ky nderim vjen më shumë se dy dekada pas karrierës së tij madhështore që përfshiu klube si Manchester United, Real Madrid dhe LA Galaxy, si dhe viteve në krye të përfaqësueses angleze.
    “Ka qenë privilegji më i madh i karrierës sime të luaj dhe të jem kapiten i vendit tim – ishte një ëndërr fëmijërie që u bë realitet,” tha Beckham në reagimin e tij pas marrjes së titullit. “Jashtë fushës, kam pasur fatin të përfaqësoj Britaninë nëpër botë dhe të punoj me organizata të jashtëzakonshme që ndihmojnë komunitetet në nevojë dhe frymëzojnë brezat e rinj.”
    Beckham është kujtuar nga tifozët jo vetëm për stilin dhe karrierën ndërkombëtare, por edhe për momentet ikonike si ai më 6 tetor 2001, kur shënoi një gol vendimtar nga goditja e dënimit ndaj Greqisë, duke kualifikuar Anglinë për Kupën e Botës 2002. Komentatori britanik në atë ndeshje lëshoi fjalët që u bënë legjendare: “Jepini këtij njeriu një titull kalorësie!”. Sot, ajo thirrje është bërë realitet.
    Beckham bashkohet kështu me një grup të ngushtë sportistësh të mëdhenj britanikë që janë nderuar me titullin “Sir”, duke e forcuar më tej trashëgiminë e tij si një figurë frymëzuese në fushë dhe jashtë saj.

    Top Channel

  • UFC-316/ Dvalishvili mbron titullin kampion, Harrison kampione e re e botës për femra

    UFC-316/ Dvalishvili mbron titullin kampion, Harrison kampione e re e botës për femra

    8 Qershor 2025

    16:09

    Telesport

    Luftëtari gjeorgjian Merab Dvalishvili ka mbrojtur titullin kampion bote në peshën “bantamweight” (pesha 57-62kg). Në eventin UFC-316 zhvilluar në Nju Xhersi (Amerikë), ai mundi me “submission” në raundin e tretë amerikanin Sean O’Malley.
    Një triumph i merituar i Dvalishvili (20 fitore e 4 humbje në karrierë), që e mbron për të dytën herë këtë vit titullin kampion. Ai pati ndjeshëm epërsi ndaj rivalit amerikan O’Malley (18 fitore, 3 humbje e 1 duel pa rezultat në karrierë).
    Një kapje e fortë nga qafa i dha fitoren gjeorgjianit, që  nuk humbet në kafaz prej 7 vitesh. Në këtë event, po në peshëm “bantamweight”, sportistja amerikane Kayla Harrison (19 fitore e 1 humbje në karrierë) është kampione e re e botës në këtë Divizion.
    Ajo triumfoi me “submission” në raundin e dytë ndaj ish-kampiones Julianna Pena (12 fitgore e 6 humbje në karrierë), duke marrë për herë të parë në karrierë titullin kampion, në një duel që e dominoi dhe triumfoi me meritë.

  • David Beckham nderohet me titullin “Kalorës”

    David Beckham nderohet me titullin “Kalorës”

    Sipas raportimeve, David Beckham do të nderohet me titullin “Kalorës” në ceremoninë e ditëlindjes së Mbretit Charles III.
    Ish-kapiteni i ekipit kombëtar anglez të futbollit do të shfaqet në listën që do të publikohet javën e ardhshme”, raportoi “Sun”, pasi u nderua me Urdhrin e Perandorisë Britanike – OBE në vitin 2003.
    Beckham, i cili luajti për vendin e tij 115 herë dhe u angazhua gjerësisht në bamirësi, ka qenë në garë për titullin “Kalorës” për më shumë se një dekadë.
    Ambasadori i vullnetit të mirë të UNICEF, i cili mbushi 50 vjeç në maj, do të merrte titullin e Sir dhe bashkëshortja e tij, ish-anëtarja e grupit muzikor “Spice Girl”, Victoria Beckham, do të bëhej Lady Beckham.
    Ai ishte shume afër marrjes së titullit “Kalorës” në listën e nderimeve të Vitit të Ri 2014, por “HM Revenue and Customs”- Autoriteti i taksave, pagesave dhe doganave të Britanisë së Madhe – kundërshtoi nominimin e tij për shkak të përfshirjes së tij në një skemë të dyshuar për shmangie të taksave.
    Spekulimet se Beckham ishte në listën për t’u shpallur “Kalorës” u rritën pasi ai njoftoi tërheqjen e tij nga futbolli në vitin 2013.
    Beckham është i vetmi anglez që shënoi gol në tre Kupa të ndryshme Bote në 1998-1999, kur “Manchester United” fitoi Premier Ligën, Kupën FA dhe Ligën e Kampionëve.
    Pasi luajti për United FC, Los Angeles Galaxy dhe Real Madrid, Beckham u përkushtua ta bënte ekipin e tij amerikan “Inter Miami”, në pronësi të përbashkët, një sukses.
    Ish-sulmuesi u martua me Victorian, e njohur edhe si Posh Spice, në vitin 1999.
    Së bashku, çifti luajti në dokumentarin “Beckham” të Netflix .
    Seria dokumentare me katër pjesë rreth jetës dhe karrierës profesionale të Beckham i dha atij një çmim “Emmy” në vitin 2024 për serialin më të mirë dokumentar ose jo-fiktiv.
    Beckham u nderua me Urdhrin e Perandorisë Britanike – OBE për kontributin ndaj futbollit me rekomandimin e kryeministrit të atëhershëm, Tony Blair.
    Bashkëshortja e tij, Victoria, u nderua me të njëjtin OBE për kontributin në industrinë e modës.

  • Beckham, së shpejti do të marrë titullin “Sir”. Kurorëzimi në ditëlindjen e Mbretit Charles

    Beckham, së shpejti do të marrë titullin “Sir”. Kurorëzimi në ditëlindjen e Mbretit Charles

    Me rastin e ditëlindjes së ardhshme të Mbretit Charles, David Beckham do të marrë titullin “Sir”. Zërat e ditëve të fundit janë konfirmuar tashmë nga burime të besueshme. Ish-kapiteni i Anglisë do të nderohet me titullin më të lartë në Mbretërinë e Bashkuar, si për karrierën e tij të lavdishme në futboll, ashtu edhe për kontributin e dhënë në kauza humanitare.
    Beckham, 50 vjeç, ishte emëruar më parë “Oficer i Urdhrit të Perandorisë Britanike” (OBE) në vitin 2003. Ai ka zhvilluar 115 ndeshje me kombëtaren angleze dhe ka luajtur për klube të mëdha si Manchester United, Real Madrid, Los Angeles Galaxy, PSG dhe Milan, duke u tërhequr nga futbolli në vitin 2013.
    Nuk është hera e parë që emri i tij përmendet mes kandidatëve për këtë nder të lartë. Në vitin 2017, disa media britanike publikuan detaje nga disa email-e, ku Beckham kritikonte sistemin dhe komitetin që ndan këto tituj. Ish-futbollisti u mbrojt asokohe duke thënë se bëhej fjalë për email-e private që ishin hakeruar dhe manipuluar.
    Sot, si pronar i klubit amerikan Inter Miami, Beckham ka pasur një rol kyç në organizimin e Lojërave Olimpike të Londrës 2012 dhe është ambasador i UNICEF-it që prej vitit 2005. I martuar me ish-anëtaren e “Spice Girls”, Victoria, dhe baba i katër fëmijëve, në vitin 2024 u bë gjithashtu ambasador i “King’s Foundation”, duke mbështetur programet edukative të Mbretit Charles dhe përpjekjet për t’iu ofruar të rinjve një kuptim më të mirë të natyrës.

  • Indiana shpallet kampione në Konferencën e Lindjes, rikthehet në “finals” pas 25 vitesh

    Indiana shpallet kampione në Konferencën e Lindjes, rikthehet në “finals” pas 25 vitesh

    Konferencën e Lindjes, pas fitores 125-108 ndaj New York Knicks, duke fituar 4-2 serinë e takimeve. Pas 25 vitesh skuadra e Indiana rikthehet të luajë në “the finals” për titullin kampion në NBA.
    Triumf i merituar e ekipit të Indiana, që e dominoi këtë finale dhe tregoi më shumë “uri” për titullin kampion në NBA, ku do të përballet me Oklahoma (kjo e fundit është kampione në Perëndim).
    Vendimtar në triumfin e skuadrës vendase ishte Pascal Siakam, autor i 31 pikëve dhe lider në fushë për Indiana. Shtatë lojtarë të këtij ekipi, përfshi titullarët, realizuan mbi 10 pikë.
    Për New York, dyshja Anunoby-Towns realizoi 46 pikë së bashku, por që s’mjaftuan për të fituar. Më 5 qershor, në Oklahoma, do të luhet finalja e parë për titullin kampion në NBA.
    Konferenca e Lindjes-Finale
    New York – Indiana, 108-125 (2-4)
    Konferenca e Perëndimit-Finale
    Oklahoma – Minnesota, (4-1)

  • Vëllezërit Mac Allister kampion në të njëjtën ditë, por me ekipe dhe në vende të ndryshme…

    Vëllezërit Mac Allister kampion në të njëjtën ditë, por me ekipe dhe në vende të ndryshme…

    Dita e djeshme do mbahet mend gjatë për dy vëllezërit argjentias, Alexis Mac Allister dhe Kevin Mac Allister. I pari, Alexis Mac Allister, 26 vjeç, festoi dje titullin kampion me Liverpool, ku ai ka qenë një nga lojtarët më protagonist këtë sezon dhe shumë i rëndësishëm për të kuqtë.
    I dyti, Kevin Mac Allister, më pak i njohur se i vëllai, është 27 vjeç dhe luan si mbrojtës dhe dje fitoi titullin kampion me Royale Union SG, klubi i njohur belg fitoi dje titullin kampion pas plot 90 vitesh pritjeje. Ky është tituli i 12-të në historinë e tyre si klub.
    Një moment shumë i veçnatë për të dy vëllezërit që u shpallën kampion në të njëjtën ditë, edhe pse Alexis Mac Allister me Liverpool kishin kohë që e kishin siguruar titullin, ndryshe nga Kevin, ku Royale Union SG fitoi titullin vetëm në ndeshjen e fundit.
    Alexis dhe Kevin, kanë edhe një vëlla tjetër futbollist, më të madh se ata, është 29 vjeç dhe luan si mesfushor në Argjentinë, ku është i huazuar tek Instituto, por nuk është një lojtar titullar.

  • Presidenti i Napolit konfirmon zërat për një blerje të bujshme

    Presidenti i Napolit konfirmon zërat për një blerje të bujshme

    Kevin de Bruyne pritet të jetë transferimi i bujshëm i Napolit në merkaton e verës. Mesfushori belg mbylli bashkëpunimin me Manchester City-n dhe është gati t’i bashkohet napoletanëve, pasi fituan titullin kampion.
    Vetë presidenti i Napolit, De Laurentis, ka konfirmuar zërat, ndërsa në Itali po festojnë për titullin e fituar.
    “E di që ndoshta ka blerë tashmë një vilë të bukur, këtë mëngjes u lidha me të, gruan e tij dhe djalin e tij 9-vjeçar dhe ishte një vizion i bukur, një treshe me fëmijën fantastik, vërtet e jashtëzakonshme, por nuk është lajm, derisa të shkruhet e bardha në të zezë nuk ka lajm”, u shpreh presidenti i Napolit gjatë festimeve.

    Për De Bryjn do të jetë eksperienca e parë në Itali. 33-vjeçari më parë ka luajtur në Belgjikë, Gjermani dhe Angli ku e mbylli pas 10 vitesh me City-n.