Lajmidites.com

Tag: titullin

  • Bayerni kampion, Kompany: Ia dolëm të gjithë së bashku, le ta shijojmë titullin

    Bayerni kampion, Kompany: Ia dolëm të gjithë së bashku, le ta shijojmë titullin

    5 Maj 2025

    7:47

    Alfred Lleshi

    Ditë e paharrueshme për Bayern Munich, që është rikthyer në fronin e Gjermanisë, për të festuar titullin e tij të 34-t. Më poshtë janë deklaratat e para të trajnerit Vincent Kompany, të raportuara nga “Kicker”:
    “Tani kemi kohë ta shijojmë triumfin në Bundesliga, çfarë emocionesh të jashtëzakonshme! Urime lojtarëve për paraqitjen e jashtëzakonshme gjatë gjithë sezonit, ia dolëm së bashku. Kemi fituar si një skuadër.
    Një falënderim i madh edhe për të gjithë ata që punojnë pas skene në këtë klub të madh, veçanërisht në repartin sportiv. Puna juaj e palodhur është e rëndësishme dhe po jep fryte. Duhet të vazhdojmë të përkushtohemi maksimalisht, sezoni nuk ka përfunduar ende.
    Kemi ende shumë për të dhënë. Ta përfundojmë sezonin në mënyrën më të mirë së bashku. Së fundi, një falënderim i madh për të gjithë tifozët e Bayernit në mbarë botën, për mbështetjen e tyre. Kanë qenë të mrekullueshëm.
    Për të gjithë ata që do të jenë të pranishëm: le të krijojmë një moment të veçantë së bashku të shtunën në ‘Allianz Arena’, ta festojmë titullin siç i ka hije këtij klubi të madh”.

  • Besiktas fiton derbin ndaj Fenerbahce dhe i “jep” titullin Galatasaray-it (video)

    Besiktas fiton derbin ndaj Fenerbahce dhe i “jep” titullin Galatasaray-it (video)

    4 Maj 2025

    21:14

    Telesport

    Fenerbahce është mundur 0-1 në shtëpi në derbin ndaj Besiktas. Me humbjen e sotme, mund të quhet e mbyllur gara për titullin kampion në Superligën turke. Kur duhen edhe 6 javë nga fundi, Galatasaray kryeson me 8 pikë më shumë se Fenerbahce.
    Përsa i përket takimit të sotëm, protagonisti kryesor ishte Gedson Fernandes.  Portugezi fillimisht humbi një penallti në minutën e 36-të, ndërsa në minutën e 44-të shënoi golin e avantazhit dhe të fitores për ekipin e tij. SHIKOGOLIN
    Mesfushori i Besiktas përfitoi nga një gafë fatale e portierit vendas, Egribayat, i cili bëri një dalje të gabuar, Fernandes nuk e pati të vështirë të dërgonte topin në rrjetë. Rezultati nuk ndryshoi as në pjesën e dytë.
    Pas kësaj fitoreje, Besiktas ngjitet në vendin e katërt me 55 pikë. Milot Rashica luajti për 90 minuta dhe bëri një perfomancë të mirë, ndërsa Ernest Muçi vazhdon të jetë i dëmtuar.

  • Bayerni fiton nga divani titullin e 34-të në Bundeligë

    Bayerni fiton nga divani titullin e 34-të në Bundeligë

    Bayern Munich është zyrtarisht kampion i Gjermanisë për herë të 34-të në historinë e klubit. Edhe pse bavarezët barazuan në fund të ndeshjes kundër Leipzig, ata siguruan titullin falë barazimit 2-2 të Bayer Leverkusen në fushën e Freiburgut, në javën e 32-të të Bundesligës.
    Bavarezët rikthehen te titulli kampion pas dy vitesh, ndërsa zbresin nga froni “aspirinat” që fituan edicionin e kaluar.

    Në zonën e mbijetesës, Kiel mori një fitore të rëndësishme 3-1 në transfertë ndaj Augsburgut, duke ruajtur shpresat për të shpëtuar përmes play-out-it.

  • “Duket çmenduri, por kemi më shumë shanse të fitojmë Champions-in se sa titullin”, zv. trajneri i Interit: Skudeto nuk varet më nga ne

    “Duket çmenduri, por kemi më shumë shanse të fitojmë Champions-in se sa titullin”, zv. trajneri i Interit: Skudeto nuk varet më nga ne

    Me kampionatin tashmë në duart e Napolit, duket se të gjitha energjitë e Interit janë përqendruar te Liga e Kampionëve. Këtë kanë lënë të kuptohet edhe fjalët e zëvendestrajnerit të Interit pas fitores kundër Veronës. Masimiliano Farrisi ka thënë se skuadra ka më shumë shanse të fitojë Ligën e Kampionëve se sa titullin e Serisë A, pavarësisht se sa absurde mund të tingëllojë në opionin sportiv.
    “Duam ta kurorëzojmë këtë sezon me ëndrrën për të fituar Ligën e Kampionëve. Duket çmenduri, por mendoj se kemi më shumë shanse për të fituar Ligën e Kampionëve se sa titullin, edhe pse e dimë se do të përballemi me një ekip të çmendur, Barcelonën.
    Fjalët e Kontes? Nuk i komentoj deklaratat e trajnerëve të tjerë. Titulli nuk varet më nga ne. Detyra jonë është që t’i fitojmë të gjitha ndeshjet e mbetura, në mënyrë që të mos kemi asnjë peng”, ka thënë Masimiliano Farrisi./Sport Ekspres/

  • Mallkimi i madh i anglezit! Harry Kane zbriti nga tribuna në fushë për të festuar titullin e parë në karrierë, Lepzig i shënon në fund Bayern Munchen 

    Mallkimi i madh i anglezit! Harry Kane zbriti nga tribuna në fushë për të festuar titullin e parë në karrierë, Lepzig i shënon në fund Bayern Munchen 

    Një mallkim i madh mbi Harry Kane! Sulmuesi anglez konsiderohet tek ata futbollistë të klasit të lartë, por që fatin nuk e ka pasur me vete dhe nuk e ka fituar ende një trofe në karrierën e tij. 
    Për këtë arsye ai arriti te Bayern Munchen, për të marrë një trofe. Kjo ëndërr do të realizohet, por duhet të pres edhe pak. Në ndeshjen e sotme ndaj Leipzig, nëse Bayern fitonte, do të festonte sot titullin kampion. 
    Leipzig kaloi në avantazhin 2-0, por Bayern e përmbysi në të dytën në 2-3. Pasi gjendej në tribunë, Harry Kane nxitoi të zbriste në fushë pas përmbysjes për të festuar titullin e tij të parë në karrierë. Megjithatë Lepzig kishte plane të tjera pasi barazoi në fund për 3-3 dhe kështu Bayern Munchen nuk e ka siguruar ende zyrtarisht titullin kampion. /Sport Ekspres/ 

  • Goli në minutën shtesë i jep titullin kampion Leeds-it, çfarë ndodh në Angli, Burnley merr 100 pikë dhe del në vendin e 2 

    Goli në minutën shtesë i jep titullin kampion Leeds-it, çfarë ndodh në Angli, Burnley merr 100 pikë dhe del në vendin e 2 

    Emocione shumë të mëdha në këtë javë të fundit të Championship në Angli. Për ta nisur nga Anis Mehmeti, që ka siguruar një vend në Play Off për biletën e Premier League me Bristol City. Këta të fundit nuk arritën dot të fitonin ndaj Preston, duke barazuar 2-2, por përfituan nga gabimi i Blackburnit ndaj Sheffield Utd, që luante pa objektiv sot, por sërish arriti të barazonte 1-1. 
    Me këto rezultate, Bristol City ka shkuar më tej në vendin e 6 për të marrë biletën e fundit të Play Off. Menjëherë pas mbylljes së ndeshje, Anis Mehmeti me shokët e ekipit ishin me telefonat në duar për të parë aksionet e fundit te Blackburn dhe pasi ndeshja atje përfundoi, tifozët e Bristol City hyn në fushë për të festuar arritjen e madhe. ?Po kaq dramatike ishte mënyra sesi u vendos titulli kampion. Para javës së fundit, Leeds dhe Burnley renditeshin në dy vendet e para me 97 pikë, por Leeds kryesonte për shkakun e golavarazhit më të mirë. Ndeshja e fundit e Leeds ishte në transfertë ndaj Plymouth, me këta të fundit që donin mbijetesën. 
    Vendasit kaluan të parët në avantazh, më pas erdhi barazimi dhe në minutën e 91, Leeds shënoi golin e fitores. Një gol që vlen titullin kampion, ndërsa nga krahu tjetër, Burnley e sheh veten me 100 pikë të grumbulluara në renditje, por nuk mund të festojë dot titullin për shkakun e golavarazhit pasi edhe Leeds numëron 100 pikë. /Sport Ekspres/ 

  • Skënderbeu humb titullin kampion, Tirana i gëzohet trofeut në volejboll për femra

    Skënderbeu humb titullin kampion, Tirana i gëzohet trofeut në volejboll për femra

    Edhe ndeshjen e tretë tiranaset e kanë mbyllur me rezultatin 1-3, me një rivalitet në dy nga 4 setet e luajtura, ashtu siç ka fituar ndeshjen e parë në Korçë 0-3 dhe 3-1 në kryeqytet, titull që ka sjellë lot gëzimi tek të gjitha lojtaret bardheblu në mënyrë të veçantë tek Emanuela Braho, e cila titullin ja ka dhuruar babait të saj larguar nga kjo jetë vetëm 3 muaj më parë.
    Trajneri Gorenza tha se Tirana e ka merituar titullin kampion sepse ka bërë mirë gjithçka në 3 ndeshjet e luajtura me Skënderbeun ndërkohë që ka shkuar më tej kur tha se – “Kemi 5 fitore radhazi me Skënderbeun”.
    Nga ana tjetër trajneri Orlando Koja nuk e ka fshehur zhgënjimin për humbjen e titullit kampion, titull që edhe e ka justifikuar nga fakti se në dy finalet e fundit me Tiranën nuk ka patur në skuadër jo pak por 4 lojtare titullare, një pjesë e tyre të dëmtuara nga aksidenti i Qafë Thanës.

    Por Koja tha se shumë shpejt do takohet me zyrtarët e klubit për të përcaktuar të ardhmen.
    Tirana ka fituar setin e parë 22-25, seti i dytë u fitua nga Skënderbeu 27-25, e me pas Tirana dy sete radhazi 18-25 dhe 13-25 dhe krejt takimin 1-3./vizionplus.tv

  • Skënderbeu dorëzon titullin, Tirana shpallet kampione e Shqipërisë në volejboll

    Skënderbeu dorëzon titullin, Tirana shpallet kampione e Shqipërisë në volejboll

    Tirana u shpall kampione e Shqipërisë në volejboll për femra për sezonin sportiv 2024-2025. Bardheblutë mposhtën në finalet play off ish-kampionet e Skënderbeut, që dorëzuan titullin pikërisht në fushën e tyre.
    Finale të dominuara nga Tirana, që i fituan të trija takimet me meritë, duke u konfirmuar si skuadra më e mirë e këtij sezoni. Një nivel në rritje, një ekip që dominoi gjatë muajve të fundit në parket, duke fituar pas Kupës së Shqipërisë edhe titullin kampion.
    Kjo për meritë edhe të trajnerit Adrian Gorenxa, i rikthyer pas disa vitesh në këtë ekip, duke sjellë përvojën e tij në menaxhim. Skënderbeu ishte shumë larg asaj që pritej në këto finale, duke mos rivalizuar dot dhe u dorëzua pa kushte.
    Ndeshja e luajtur të premten në Korçë u fitua 3-1 nga Tirana (25-22, 25-27, 25-18, 25-13), që ishte ndjeshëm më superiore në fushë. Edhe pse vendaset rivalizuan në dy setet e para, duke rihapur përkohësisht ndeshjen, nuk patën më të njëjtin ritëm.
    Bardheblutë dominuan në lojën sulmuese, mbrojtje dhe bllok, duke merituar këtë titull. Edhe pse festuan larg tifozerisë së tyre, vajzat bardheblu morën mjaft duartrokitje, pasi e komanduan lojën në të trija finalet, duke u rikthyer në majën e volejbollit shqiptar të femrave.
    Finale-Play off, Femra
    Nd.1, Skënderbeu – Tirana, 0-3
    Nd.2, Tirana – Skënderbeu, 3-1
    Nd.3, Skënderbeu – Tirana, 1-3 (0-3)

  • “Nuk besonim se mund të dulonim për titullin, falë Conte po ia dalim mbanë por duhet kujdes”

    “Nuk besonim se mund të dulonim për titullin, falë Conte po ia dalim mbanë por duhet kujdes”

    1 Maj 2025

    10:23

    Telesport

    “Ne besojmë te tituli dhe do të bëjmë gjithçka për të arritur qëllimin“. Janë këto fjalë e Giovanni Di Lorenzo, kapiteni i Napolit, i cili shpreson të ngrejë për të dytën herë në karrierë titullin kampion me skuadrën napoletane.
    “Nuk e mendonim se do të arrinim këtu. E dimë që do të jetë e vështirë, por është në duart tona dhe do të përpiqemi të japim gjithçka në këto katër ndeshje për të parë se ku do të arrijmë. Duhet të bëjmë një hap të fundit dhe jemi gati të luftojmë deri në fund“, tha Di Lorenzo.
    Shumë do të varet nga puna e trajnerit Antonio Conte. “Kam një marrëdhënie me të bazuar në sinqeritet, – vazhdoi Di Lorenzo. – Isha në Evropian, lexova për emrin e trajnerit dhe menjëherë mendova se ai ishte trajneri dhe personi i duhur për ne. Pas 10 muajsh mund ta konfirmoj”.
    “Që nga telefonatat e para, ai menjëherë më përcolli besim dhe respekt dhe më tha se kishte nevojë që unë të filloja përsëri për ta rikthyer Napolin në garë. Edhe unë kisha nevojë për të, skuadra kishte nevojë për të. Trajneri na ka çuar në një nivel të rëndësishëm në një kohë të shkurtër“, shtoi Di Lorenzo.

  • Hidhet shorti i “Final 4” për titullin kampion në Superligë, Vllaznia njeh kundërshtarin e gjysmëfinales

    Hidhet shorti i “Final 4” për titullin kampion në Superligë, Vllaznia njeh kundërshtarin e gjysmëfinales

    Në ambientet e Federatës Shqiptare të Futbollit u hodh shorti për dy gjysmëfinalet e “Final 4”. Katër ekipet më të mira kanë siguruar vendin e tyre në fazën finale të kompeticionit.
    Shorti vendosi përballë Egnatian me Partizanin. Këto dy skuadra luajtën në finalen e madhe për titullin ku triumfuan rrogozhinasit.
    Ndërsa dueli tjetër është Vllaznia-Dinamo. Shkodranët do të kërkojnë “hakmarrjen” ndaj bluve pas eliminimit nga gjysmëfinalja e Kupës së Shqipërisë. Ata do të kërkojnë finalen për të marrë titullin kampion.
    Shorti u hodh edhe për ndarjen e datave. Vllaznia dhe Dinamo do të përballen më 4 maj, ndërsa Egnatia dhe Partizani më 5 maj. Të dyja ndeshjet në “Arena Kombëtare”.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!