Lajmidites.com

Tag: titullin

  • Goretzka shijon titullin: Kemi pasur një sezon të mrekullueshëm në kampionat

    Goretzka shijon titullin: Kemi pasur një sezon të mrekullueshëm në kampionat

    12 Maj 2025

    9:01

    Telesport

    Gëzim i madh në shtëpinë e Bayern Munich, që rikthehet te titulli kampion në Gjermani pas një viti pushim.
    Skuadra e trajnerit Vincent Kompany, pasi mundi 2-0 Borussia Monchengladbach në raundin e parafundit të kampionatit, nisi një festë të madhe para tifozerisë së saj.
    Një udhëtim i rëndësishëm për bavarezët që mbajtën larg rivalët e Bayer Leverkusen. Një nga protagonistët e këtij triumfi është mesfushori Leon Goretzka, që foli për mediat.
    “Prioriteti kryesor për mua dhe klubin ishte të fitonim përsëri titullin dhe ia dolëm mbanë. Ky ishte qëllimi ynë më i madh këtë vit”, tha Goretzka.
    Më tej, ai shtoi: “Dhe, padyshim që është një kënaqësi e madhe që e kemi arritur këtë objektiv. Mendoj se kemi pasur një sezon të mrekullueshëm në kampionat këtë vit”.

  • FSHF Sunday League/ ATS mund Dajtin në shtesë dhe fiton titullin kampion

    FSHF Sunday League/ ATS mund Dajtin në shtesë dhe fiton titullin kampion

    ATS u shpall ekipi kampion i edicionit 2024-2025 në “FSHF Sunday League Albania”, duke triumfuar ndaj Dajtit në një sfidë plot emocione dhe rivalitet të madh.
    Takimi u zhvillua në fushën e “Shtëpisë së Futbollit” dhe të dyja skuadrat dhuruan spektakël dhe luftë sportive deri në sekondën e fundit.
    Ndeshja u mbyll 0-0 në kohën e rregullt, ndërsa gjithçka u vendos në shtesë, ku Erald Leci shënoi golin që i dha fitoren dhe titullin skuadrës së ATS.
    Ky ishte titulli i parë kampion për skuadrën e ATS në kampionatin amator “Sunday League”.
    Pas përfundimit të takimit, u zhvillua ceremonia e dorëzimit të medaljeve për ekipet finaliste dhe titulli për kampionët.
    Sekretari i Përgjithshëm i FSHF-së, Ilir Shulku, dorëzoi medaljet dhe trofeun për ekipin kampion.

  • UFC-315/ Jack Della Maddalena kampioni i ri i botës në peshën “welter”, legjenda Jose Aldo tërhiqet nga sporti

    UFC-315/ Jack Della Maddalena kampioni i ri i botës në peshën “welter”, legjenda Jose Aldo tërhiqet nga sporti

    11 Maj 2025

    8:51

    Telesport

    Australiani Jack Della Maddalena është kampioni i ri i botës në peshën “welterweight” në artet marciale mikse (pesha deri 77kg).
    Ai mposhti me vendim unanim të gjyqtarëve luftëtarin amerikanin Belal Muhammad në eventin UFC-315 që u zhvillua në Montreal të Kanadasë.
    Të tri gjyqtarët i dhanë fitoren Della Maddalena (48-47, 48-47, 49-46) në fund të një sfide mjaft të fortë dhe të ekuilibruar, ku të dy luftëtarët dueluan fort për titullin.
    Australiani (18 fitore e 2 humbje në karrierë) fiton për herë të parë titullin kampion bote, që në sfidën e parë për titull. Ndërsa Belal Muhammad (25 fitore, 4 humbje e 1 duel pa rezultat) nuk arrin dot të mbrojë titullin e fituar një vit më parë.
    Jack Della Maddalena u tregua më kërkues në kafaz, arriti të vendosë shpesh në vështirësi rivalin amerikan që doli i gjakosur nga kjo sfidë. Ndaj, fitorja ishte e merituar.
    Në këtë event dueloi edhe një ikonë e MMA-së si Jose Aldo (32 fitore, 10 humbje), ish-kampion bote. Pasi u mund sot nga Aeimann Zahabi, ai vendosi të tërhiqej nga sporti në pshën 38-vjeçare, duke marrë duartrokitjet e fansave.

  • Abissnet Superiore/ Finalja e madhe për titullin kampion luhet të hënën. Vllaznia kërkon fronin, Egnatia mbrojtjen e titullit

    Abissnet Superiore/ Finalja e madhe për titullin kampion luhet të hënën. Vllaznia kërkon fronin, Egnatia mbrojtjen e titullit

    Kampionati “Abissnet Superiore” do të ulë siparin të hënën në mbrëmje, kur në orën 20:00, në “Arenën Kombëtare” do të zhvillohet finalja e madhe mes Vllaznisë dhe Egnatias, e cila do të vendosë se kush do të shpallet kampioni i ri i Shqipërisë.
    Do të jenë kuqeblutë ata që do të rikthehen në fronin e futbollit shqiptar, apo Egnatia do të mbrojë titullin dhe do ta mbajë trofeun në Rrogozhinë? Një pyetje që do të marrë përgjigje mbrëmjen e së hënës në “Arenën Kombëtare”.
    Kjo përballje vjen pas një sezoni të mbushur me rivalitet dhe surpriza, ku të dyja skuadrat kanë treguar forcë, qëndrueshmëri dhe ambicie të qarta për titullin. Në historikun e përballjeve direkte, Egnatia ka një bilanc më të mirë.
    Në 25 takime, rrogozhinasit kanë fituar 11 herë, Vllaznia 6, ndërsa 8 ndeshje janë mbyllur në barazim. Por kjo nuk garanton asgjë për këtë finale, ku gjithçka do të vendoset në fushën e blertë të “Arenës Kombëtare”.
    Atmosfera pritet të jetë elektrizuese, me tifozë nga i gjithë vendi që do të ndjekin këtë sfidë vendimtare për titullin më të rëndësishëm në futbollin shqiptar.
    Biletat për finalen Vllaznia – Egnatia, janë në shitje online në ebileta.al dhe në pikën fizike pranë stadiumit “Arena Kombëtare”.

  • Rotacione dhe mos dorëzim për titullin në Serie A, “receta” e Inzaghit drejt finales së Mynihut

    Rotacione dhe mos dorëzim për titullin në Serie A, “receta” e Inzaghit drejt finales së Mynihut

    A mjaftojnë 24 orë për të kapërcyer entuziazmin e kualifikimit në finalen e Champions League? Pikërisht për këtë foli dje Simone Inzaghi me skuadrën e tij, e cila u rikthye në stërvitje pas pushimit standard 24-orësh, që pasoi fitoren e jashtëzakonshme kundër Barcelonës.
    Interi u paraqit në “Appiano Gentile” ende nën efektin e adrenalinës së gjysmëfinales së kthimit, por trajneri zikaltër e riktheu menjëherë grupin me këmbë në tokë. Ka kohë për të menduar për 31 majin, edhe pse është e qartë se çdo vendim gjatë këtyre më shumë se tri javëve do të ketë gjithashtu në sfond finalen e Mynihut.
    Nga njëra anë kemi aspektin psikologjik. Inzaghi e bëri të qartë në dhomat e zhveshjes se nuk dëshiron të heqë dorë nga gara për titullin. Për sa kohë që matematika nuk i jep të drejtë Napolit, objektivi duhet të jetë mbajtja gjallë e kampionatit.
    Jo vetëm sepse, siç e tha vetë trajneri në konferencën pas ndeshjes me Barçën, kjo skuadër nuk ka zgjedhur kurrë mes një gare apo një tjetre, por edhe sepse “ta fikësh plotësisht trurin” deri më 31 maj është shumë, shumë e rrezikshme. Më mirë ta mbash gjithmonë “prizën” takuar deri në ndeshjen e fundit.
    Pastaj është çështja fizike. Interi, tashmë i sfilitur nga një sezon i lodhshëm, doli krejtësisht i shteruar fizikisht pas 120 minutave të ndeshjes së të martës. Situatat më delikate janë ato të Lautaro Martinez, i rikuperuar në momentet e fundit pikërisht për Barcelonën, por që vetë ka pranuar se i duhet ende kohë për të rifituar formën dhe energjinë; të Benjamin Pavard, që ka ende probleme me kyçin e këmbës; dhe të Davide Frattesi, heroi i “San Siro”, i cili kishte një shqetësim në bark pak para ndeshjes.
    Thuram, Mkhitaryan dhe Bastoni janë në rregull nga pikëpamja mjekësore, por duhen menaxhuar me kujdes për ruajtjen e energjive (i njëjti diskutim vlen edhe për anësorët dhe Acerbin). Më të përgatiturit për momentin duken të jenë Calhanoglu, Barella dhe Carlos Augusto, të cilët, sipas “Gazzetta dello Sport”, do të ishin gati të luanin që sot kundër PSG-së.

  • Vllaznia dhe Egnatia në një nivel, finalja e titullit do të vendoset nga episodet

    Vllaznia dhe Egnatia në një nivel, finalja e titullit do të vendoset nga episodet

    Adriatik BALLA
    Mbrëmjen e 12 majit në kryeqytet Egnatias dhe Vllaznia do të përplasen me njëra-tjetrën për të përcaktuar skuadrën që do të fitojë titullin kampion për këtë edicion. Natyrisht që pritet me interes ky takim, nisur dhe nga fakti se të dyja skuadrat janë pak a shumë në të njëjtin nivel dhe të dyja janë motivuar në ekstrem për të dalë fituese. Egnatia shpreson të përsërisë suksesin e vjetshëm, kurse Vllaznia të kthejë titullin në Shkodër pas 24 vjetësh. Të gjitha kartat do të hapen në këtë mbrëmje vendimtare për sezonin futbollistik 2024-2025, me Vllazninë që ka rritur entuziazmin dhe Egnatian që lufton të përsërisë sukseset e viteve të fundit.
    Dueli i pestë sezonal mes dy ekipeve
    Do të jetë finalja e edicionit, por edhe dueli i pestë këtë edicion për çiftin Vllaznia-Egnatia. Dy skuadrat që e mbyllën në dy vendet e para sezonin e rregullt të 36 javëve në Superiore, do të luajnë “aktin” final të sezonit në datën 12 maj, në stadiumin “Arena Kombëtare” të kryeqytetit. Por statistikat e këtij edicioni tregojnë për një balancë mes dy skuadrave. Kjo, pasi në fazën e parë ishte Vllaznia që imponohej me rezultatin 3-1 ndaj rrogozhinasve. Me Malën, Qaton dhe Balajn, që bënin të pavlefshme rrjetën e Ujkës, i cili kishte barazuar momentalisht rezultatin. Në duelin e fazës së dytë në Rrogozhinë, dy skuadrat do ta mbyllin në rezultatin 1-1, ku golit të Lushkjës për ekipin e Tetovës i përgjigjej Dodaj për atë të Brdariç.
    Në duelin e fazës së tretë, Egnatia do i kthente “reston” Vllaznisë në Shkodër. Kampionët në fuqi të vendit dilnin me tri pikë nga “Loro Boriçi”, falë fitores 0-2 me golat e Lushkjës dhe Zejnullait. Në duelin e fundit dhe atë që përkon me fazën e katërt, gjithçka mbyllej 2-2 në Rrogozhinë, me golat që mbanin firmat e Lushkjes dhe Fernandos për rrogozhinasit dhe Malës e Grudës për kuqeblutë. Një baraspeshë në duelet e sezonit të rregullt mes dy skuadrave më të spikatura, por që është e destinuar të “prishet” të hënën në “Arena Kombëtare”.
    Situata e grupeve
    Gjendja e të dy kampeve duket e mirë, me palët e motivuara dhe me lojtarë në formë por këtë duel final për titullin. Siç thamë, Vllaznia dhe Egnatia do të diskutojnë titullin kampion, më 12 maj në “Arenën Kombëtare”. Dy klube të cilat shtruan rrugën për objektivin e madh. Të dyja skuadrat janë të vetmet nga elita, që kanë të njëjtët trajnerë nga përballja e fundit në sezonin e kaluar. Në gjysmëfinalen e Final Four, rreth 1 vit më parë, sfida mbyllej me barazim 0 me 0 dhe Brdariç me Edlir Tetovën qëndronin në krye të skuadrave respektive. Egnatia dhe Vllaznia e njohin mjaft mirë njëra-tjetrën. Nga sezoni i kaluar, bie në sy se është ruajtur baza e ekipit. kampionët kanë të njëjtën mbrojtje dhe mesfushë, ndërsa kuqeblutë i kanë qëndruar besnikë sidomos sulmit. Të dyja rezulton se janë shpërblyer me zgjedhjet e tyre. Egnatia kishte mbrojtjen më të mirë në elitë, ndërsa Vllaznia kërcënon me sulmin më efikas.

  • Shkëndija shpallet kampione në Maqedoninë e Veriut

    Shkëndija shpallet kampione në Maqedoninë e Veriut

    Adriatik BALLA
    Në Maqedoninë e Veriut klubet shqiptare u bënë disa bvjet që dominojnë skenën e futbollit elitar në këtë vend e një pjesë e tyre kanë mundur të sigurojnë edhe titull kampion. Këtë rrugëtim të suksesshëm të ekipeve shqiptare në vendin fqinj e hapi e para Shkëndija e Tetovës në vitin 2011, ndërsa tani, vetë ky klub ka siguruar së fundmi titullin e pestë kampion në këtë vend, ndërsa ka fituar titull edhe Shkupi e Struga. Edhe ekipet e tjera shqiptare kanë bërë paraqitje të mira, duke dëshmuar progres në ligën e parë në Maqedoninë e Veriut. Nga 12 skuadra që ka kampionati, gjysma janë skuadra shqiptare dhe ky është një tjetër progres në futbollin shqiptar në këtë vend.
    Shkëndija siguron titullin
    Shkëndija e Tetovës e ka fituar titullin e kampionit për herë të pestë në histori të klubit. Shkëndija të mërkurën mposhti Rabotniçkin 2:1, në kuadër të javës së 31-të të elitës së futbollit të Maqedonisë së Veriut. Kanë mbetur edhe dy xhiro deri në fund, por Shkëndija siguroi titullin të mërkurën. Shkëndija është katër pikë para Sileksit, që zë vendin e dytë. Por Shkëndija ndeshjen e radhës e ka ndaj Gostivarit, skuadër që është tërhequr nga gara. Rrjedhimisht, Shkëndija fiton me rezultat zyrtar 3:0 ndeshjen ndaj Gostivarit. Ndeshjen e fundit tetovarët e kanë ndaj Sileksit. “Historia shkruhet sërish në ngjyrat kuqezi!. KF Shkëndija shpallet kampione e Maqedonisë për herë të pestë në histori, një arritje madhështore që mban vulën e zemrës, përkushtimit dhe forcës sonë si klub dhe si komunitet. Faleminderit lojtarëve, stafit, tifozëve në çdo cep të botës. Përkundër mungesës në tribuna, dashuria juaj ndihej në çdo sekondë. Kjo është për ju!”, shkruan në postimin e klubit tetovar. Shkëndija ka fituar titullin edhe në vitin 2011, 2018, 2019 dhe 2021.
    Vllaznia në Shqipëri e motivuar për trofeun
    Ndërkohë që në Maqedoninë e Veriut Shkëndija e siguroi titullin, në Shqipëri ende nuk është caktuar fituesi. Pritet të luhet dhe një duel final më 12 maj, mes Egnatias dhe Vllaznisë, për të mësuar emrin e skuadrës kampione. Trajneri Bërdariç si zakonisht pas çdo ndeshjeje e lë skuadrën dhe futbollistët dy ditë pushim, në mënyrë që të rikuperohen siç duhet. Pas një sezoni të gjatë dhe të lodhshëm, çlodhja dhe rikuperimi është shumë i rëndësishëm. Dhe pavarësisht se në prag është finalja ndaj Egnatias, numri një i pankinës shkodrane i cilëson si të mjaftueshme ditët e ardhshme për të përgatitur sa më mirë sfidën. Gjithashtu, nga sa mësohet, ditën e hënë dy futbollistë që shfaqën probleme fizike ndaj Dinamos, Gurishta dhe Deliu, kanë bërë kontrollet dhe analizat mjekësore. Shkodrani ka pasur një bllokim në pulpë në minutat e fundit ndaj bluve, por nuk duket se do e pengojë ta nisë nga minuta e parë në finale ndaj Egnatias. Ndërsa disi më i rëndë duket lëndimi i Deliut, por shpresat që edhe ai të jetë në fushë janë të mëdha për ndeshjen e së hënës. Grupi kuqeblu pritet të jetë i plotë dhe të mos ketë mungesa.
     

  • UFC-315 spektakël i garantuar, dy duele për titull dhe 3 ish-kampionë bote ngjiten në kafaz

    UFC-315 spektakël i garantuar, dy duele për titull dhe 3 ish-kampionë bote ngjiten në kafaz

    Këtë fundjavë, në Montreal të Kanadasë do të zhvillohet eventi UFC-315 në artet marciale mikse (MMA). Një event i rëndësishëm, pasi do të zhvillohen dy duele për titullin kampion bote.
    Sfida e parë është ajo për titullin kampion në peshën “welterweight” (pesha 71-77kg). Përballë njëri tjetër do të jenë kampioni në fuqi, amerikani Belal Muhammad dhe sfidanti Australian Jack Della Maddalena.
    Për Muhammad (24 fitore, 3 humbje e 1 duel pa rezultat) kjo do të jetë hera e parë që mbron titullin e fituar vjet në korrik. Ai nuk humbet në kafaz prej 6 vitesh.
    Një rival i vështirë edhe Maddalena (17 fitore e 2 humbje në karrierë), që nuk humbet që nga viti 2016. Për të është hera e parë që duelon në një përballje kaq të rëndësishme.
    Sfida tjetër për titull është ajo e peshës “flyweight” (pesha deri 57kg) për femra mes kampiones veterane Valentina Shevchenko (24 fitore, 4 humbje e 1 barazim) dhe sfidantes franceze Manon Fiorot (12 fitore e 1 humbje).
    Në këtë event, në kafaz do të ngjiten edhe tri ish-kampionë bote si Jose Aldo (do të duelojë ndaj Aiemann Zahabi), Alexa Grasso (do të duelojë ndaj Natalia Silva) dhe Jessica Andrade (do të duelojë ndaj Jasmine Jasudavicius).
    UFC-315, duelet kryesore
    Belal Muhammad – Jack Della Maddalena
    Valentina Shevchenko – Manon Fiorot
    Jose Aldo – Aiemann Zahabi
    Alexa Grasso – Natalia Silva
    Benoit Saint Denis – Kyle Prepolec

  • Zekirija Ramadani ngre pretendimet pas titullit të katërt të Dritës

    Zekirija Ramadani ngre pretendimet pas titullit të katërt të Dritës

    Adriatik BALLA
    Ilir Daja konsiderohet ndër trajnerët tanë më të suksesshëm, por në trojet shqiptare po spikat dhe një tjetër që po arrin suksese të rëndësishme. Kështu, trajneri shqiptar nga Maqedonia e Veriut, Zekirija Ramadani, këtë sezon në mendje kishte vetëm një qëllim: ta nxirrte Dritën kampione të Kosovës. Dhe ia doli. Me fitoren 1:0 të shënuar të dielën ndaj Llapit, Drita e siguroi titullin e kampionit për edicionin 2024/2025. Ramadani mund të mburret që Dritës ia ktheu titullin që e priste për pesë vjet. Për Dritën është titulli i katërt. Të parin e kishte fituar në edicionin 2002/03. Më pas triumfoi në kampionat edhe në edicionin 2017/18 dhe së fundi në edicionin 2019/2020.
    47-vjeçari Ramadani është prej trajnerëve më të suksesshëm në futbollin kosovar. Ai ka katër tituj të kampionit me skuadra të ndryshme. Shkupjani e ka fituar titullin edhe me Trepçën ’89, Feronikelin dhe Prishtinën. “Me titullin e kampionit duhet të jemi të kënaqur, jo vetëm unë si trajner por të gjithë, stafi drejtues, tifozët. Titulli i mbyll të gjitha ecuritë negative që kemi pasur në disa javë. Ne duhet të jemi me këmbë në tokë dhe duhet të kuptojmë se edhe pse arritëm që katër xhiro para fundit të shpallemi kampionë, muajin e fundit kemi pasur shumë probleme me lëndime. Jam shumë i kënaqur me ecurinë e skuadrës këtë vit. Mendoj se mundemi së bashku me futbollistët që të japim edhe më shumë për Dritën dhe për futbollin kosovar”, tha Ramadani.
    Meritat e suksesit dhe synimet në Europë
    Meritat më të mëdha për suksesin, Ramadani ua adreson futbollistëve. “Futbollistët janë aktorët kryesorë për fitimin e titullit. Ata janë që kanë dhënë maksimumin në stërvitje, kanë derdhur shumë djersë në çdo stërvitje. Në katër ndeshjet e fundit ne do ta japim maksimumin me futbollistët që i kemi në dispozicion”, nënvizoi trajneri i Dritës. Si kampione, Drita do të paraqitet në rundin e parë kualifikues të Ligës së Kampionëve. Në kualifikimet e Championsit ishte paraqitur edhe në edicionin 2018/19 dhe 2020/2021. Për të synuar fazën grupore të kupave evropiane, Ramadani kërkon përforcime. “Na duhen përforcime, na duhet një skuadër edhe më e shëndoshë dhe me një konkurrencë më të madhe brenda grupit. Synimi ynë i parë do të jetë që ta kalojmë raundin e parë të kualifikimeve në Ligën e Kampionëve për shkak se asnjë skuadër deri më sot nuk e ka kaluar.
    Me një kalim në rundin e dytë të kualifikimeve të ‘Championsit’, plejofin e Ligës së Konferencës e kemi të garantuar. Dhe me një fitore në “play-off” edhe grupet në Ligën e Konferencës do t’i kemi të sigurta. Kemi mundësi për të bërë ekip, kemi mundësi që ta shtojmë konkurrencën. Shpresoj që do të marrim përforcimet e duhura në mënyrë që këtë vit të arrijmë në grupe dhe ta vazhdojmë traditën e skuadrave kosovare, siç e ka bërë Ballkani deri në vitin e kaluar”. Ballkani ka dominuar në futbollin kosovar gjatë tri edicioneve të fundit. E fitoi tri herë rresht titullin e kampionit. Ka marrë pjesë dy herë në grupet e Ligës së Konferencës. Tani Drita e ka fjalën kryesore, ndërsa Ramadani synon të shkruajë tjetër histori suksesi.

  • Partizani barazon, por rregullorja çon në finale e madhe të titullit Egnatian e Rrogozhinës

    Partizani barazon, por rregullorja çon në finale e madhe të titullit Egnatian e Rrogozhinës

    Adriatik BALLLA
    Gara për titullin kampion për këtë sezon do të jetë një finale e madhe mes Egnatias dhe Vllaznisë. Kjo pasi gjysmëfinalet e “Play-off”-it sipas formatit “Final Four”, nxorën në finale pikërisht skuadrat e lartpërmendura. Të dielën ishte Vllaznia që siguroi finalen pasi mundi 2-1 Dinamon, kurse mbrëmë u përplasën Egnatia e vendit të parë me Partizanin e vendit të katërt nga renditja pas 36 javësh garë. Gjysmëfinalja e mbrëmshme e “Final Four” nuk prodhoi goola, edhe pse pati një lojë të mirë e cilësore. Rezultati barazim në këtë format nuk e çon ndeshjen në shtesë, por sipas rregulloren i jep të drejtën skuadrës që është renditur më lart në kampionatin e rregullt që të shkojë më tej, pra në finale. Në këto rrethana, Partizani eliminohet, kurse Egnatia shkon në finale me Vllazninë, ku në këtë duel fituesi do të përvetësojë edhe trofeun e kampionatit.
    Ndeshja
    Rrogozhinasit kanë përsëritur historinë dhe ashtu si një vit më parë, kanë përfituar nga rregullorja për të shkuar në ndeshjen finale. Siç e cekëm dhe më lart, falë renditjes më të mirë në kampionat dhe rregullores së gjysmëfinaleve të “Final Four”, skuadrës së Edlir Tetovës i mjaftonte edhe barazimi në ndeshjen e djeshme ndaj Partizanit. Ndaj ajo ka luajtur më me qetësi duke kontrolluar lojën, pa rrezikuar shumë përballë Partizanit i cili gjithashtu krijoi shumë pak raste për të shënuar. Kjo bëri që ndeshja të luhej pa ritëm, me të kuqtë që kishin rrallëherë minuta të rrezikshme para Dajsinanit. Ata tentuan vetëm në fund me forca të shumta të ndryshonin situatën, por ishte vonë për të sjellë një gol që do u jepte kualifikimin. Kësisoj, barazimi 0-0 i dha mundësinë Egnatias të shkonte përsëri në finale, ku do të tentojë të mbrojë “fronin” e siguruar një vit më parë.
    Shanset e finales
    Nisur nga ecuria e skuadrave të Egnatias dhe Vllaznisë në këtë kampionat, gjendjes së tyre momentale dhe cilësive të loljtarëve, mund të thuhet se Egnatia ka grup më të mirë, por luhatja e qëndrueshmërisë së saj mund t’ia largojë titullin nga duart. Vllaznia ndihet më e motivuar dhe me një Bekim Balaj në fomë mund të bëjë diferencë. Shkodranët kanë 24 vjet që nuk fitojnë titullin. E kanë fituar për herë të fundit në vitin 2001, kurse rrogozhinasit e fituan titullin një vit më parë, madje bënë dopietë trofesh, pasi fituan edhe Kupën e Shqipërisë. Këtë edicion kupën e fitoi Dinamo, kurse Partizani mbeti pa trofe. Në vallen e titullit është Vllaznia dhe Egnatia. Cilado qoftë skuadra që e fiton titullin kampion, njëra do të shkojë në Champions League, kurse tjetra do të luajë në UEFA Conference League. Dinamo do të shkojë në Ligën e Konferencës si skuadra që ka fituar Kupën, kurse Partizani mbetet këtë herë pa ndonjë arritje, e do të përqendrohet në sezonin e ri, ku trajneri Gega mund të nisë që në fillim të qershorit të ndërtojë ekipin e sezonit të ardhshëm. Finalja e titullit mes Egnatias dhe Vllaznisë do të luhet më 12 maj në stadiumin “Arena Kombëtare”.