Lajmidites.com

Tag: titujt

  • Juve, shpresa… gjeografike; 11 nga 14 titujt e fundit mbajnë firmën e një trajneri toskan

    Juve, shpresa… gjeografike; 11 nga 14 titujt e fundit mbajnë firmën e një trajneri toskan

    1 Nëntor 2025

    9:10

    Alfred Lleshi

    Juventusi mirëpret Spallettin me shpresën se origjina e tij toskane do t’i sjellë fat. Nga 14 titujt e fundit të bardhezinjve, 11 janë fituar nën drejtimin e trajnerëve nga Toskana. I fundit ishte Maurizio Sarri më 2020, para tij Massimiliano Allegri me 5 tituj radhazi (2015–2019) dhe Marcello Lippi me 5 të tjerë (1995, 1997, 1998, 2002, 2003).
    Ndërkohë, debutimi i Spallettit në stolin e Juventusit nis me mungesa të rëndësishme. Kenan Yildiz nuk do të grumbullohet për ndeshjen ndaj Cremonese për arsye parandaluese, prej një shqetësimi në gju, teksa pritet të kthehet në Champions ndaj Sporting Lisbona. Jashtë mbetet edhe Lloyd Kelly për lodhje muskulore.
    Në vend të Yildiz pritet të luajë Conceiçao, përkrah Openda, pas Vlahovic, ndërsa Rugani do të kompletojë mbrojtjen me Kalulu dhe Gatti. Zgjedhjet janë të kufizuara, me Zhegrova në garë për një vend si mesfushor ofensiv dhe David që vështirë se do ta zëvendësojë Vlahovic.
     

  • Mbreti Charles i heq Princit Andrew të gjithë titujt dhe e dëbon nga rezidenca mbretërore

    Mbreti Charles i heq Princit Andrew të gjithë titujt dhe e dëbon nga rezidenca mbretërore

    Princit Andrew, Mbreti Charles

    BRITANI E MADHE-Pallati i Buckingham-it ka njoftuar se Mbreti Charles III, i ka hequr Princit Andrew titujt e mbetur dhe ka bërë me dije se e dobojë nga rezidenca mbretërore. BBC raporton se vëllai i Mbretit – i njohur tani si Andrew Mountbatten Windsor – do të zhvendoset në pronën mbretërore në Sandringham, Norfolk. Andrew hoqi dorë nga titujt e tij të tjerë mbretërorë në fillim të këtij muaji, përfshirë Dukën e Jorkut.
    DEKLARATA:
    Madhëria e Tij ka nisur sot një proces zyrtar për heqjen e titujve dhe nderimeve të Princit Andrew. Deri më sot, kontrata e qirasë e rezidencës ‘Royal Lodge’ i siguronte atij mbrojtje ligjore për të vazhduar të qëndronte aty. Tani ai është njoftuar zyrtarisht për ndërprerjen e kontratës dhe do të zhvendoset në një banesë private alternative. Këto masa konsiderohen të domosdoshme, pavarësisht se ai vijon të mohojë akuzat kundër tij. Madhëritë e Tyre duan të bëjnë të qartë se mendimet dhe keqardhja e tyre më e thellë kanë qenë dhe do të mbeten me viktimat dhe të mbijetuarit e çdo forme abuzimi.
    Presioni ndaj pallatit për të larguar Andrew nga rezidenca Royal Lodge ishte rritur ndjeshëm, pasi më herët këtë muaj ai u detyrua të hiqte dorë edhe nga titulli i Dukës së Jorkut, për shkak të lidhjeve me Epstein dhe akuzave të Virginia Giuffre. Megjithatë, mbreti shkoi edhe më tej, duke e privuar Andrew nga titulli i princit, që e mbante që prej lindjes si djalë i Mbretëreshës Elizabeth II.
    Në librin e saj, Giuffre shkruan se Andrew “besonte se ishte e drejta e tij trashëgimore të bënte seks me mua”. Publikimi i fragmenteve të librit shkaktoi reagime të ashpra, çka çoi në vendimin që Andrew të hiqte dorë jo vetëm nga titulli i Dukës së Jorkut, por edhe nga titujt: Kalorës i Madh i Urdhrit Mbretëror Viktorian (GCVO) Kalorës Mbretëror i Urdhrit të Lavdishëm të Garter-it Në rendin e trashëgimisë për fronin britanik, Princi Andrew aktualisht renditet i teti, pas Princit William, tre fëmijëve të tij, si dhe Princit Harry me dy fëmijët e tij.
    Linja e trashëgimisë së kurorës britanike:
    Princi i Uellsit WilliamPrinci George i UellsitPrincesha Charlotte e UellsitPrinci Louis i UellsitDuka i Sussex – Princi HarryPrinci Archie i Sussex-itPrincesha Lilibet e SussexAndrew

  • Princi Andrew hoqi dorë nga titujt, por hetimet për lidhjet e tij me Epstein vazhdojnë

    Princi Andrew hoqi dorë nga titujt, por hetimet për lidhjet e tij me Epstein vazhdojnë

    Vendimi i Princit Andrew për të hequr dorë nga titujt dhe nderimet e tij nuk ka ndaluar hetimet për lidhjet e tij me Jeffrey Epstein.

    Edhe pse princi nuk do t’i përdorë më titujt e tij, përfshirë atë të Dukës së Jorkut, ka ende kërkesa që ato të hiqen zyrtarisht, shkruan BBC.
    Deputetja britanike Rachael Maskell, ka deklaruar se shumë nga zgjedhësit e saj nuk duan më që qyteti të lidhet me familjen mbretërore dhe ka bërë thirrje që qeveria të ndryshojë ligjin për ta bërë të mundur këtë proces.
    Ndërkohë, autoritetet kanë hapur një hetim mbi pretendimet se princi i ka kërkuar një oficeri të sigurisë informacione personale për Virginia Giuffre, gruan që ka akuzuar Andrew-n se e ka detyruar të kryejë marrëdhënie seksuale me të, një pretendim që ai e ka mohuar vazhdimisht.

    Top Channel

  • Vijojnë hetimet për lidhjet me Epstein, Princi Andrew heq dorë nga titujt

    Vijojnë hetimet për lidhjet me Epstein, Princi Andrew heq dorë nga titujt

    Vendimi i Princit Andrew për të hequr dorë nga titujt dhe nderimet e tij nuk ka ndaluar hetimet për lidhjet e tij me Jeffrey Epstein.

    Edhe pse princi nuk do t’i përdorë më titujt e tij, përfshirë atë të Dukës së Jorkut, ka ende kërkesa që ato të hiqen zyrtarisht.
    Deputetja e New Jork, Rachael Maskell, ka deklaruar se shumë nga zgjedhësit e saj nuk duan më që qyteti të lidhet me familjen mbretërore dhe ka bërë thirrje që qeveria të ndryshojë ligjin për ta bërë të mundur këtë proces.
    Ndërkohë, autoritetet kanë hapur një hetim mbi pretendimet se princi i ka kërkuar një oficeri të sigurisë informacione personale për Virginia Giuffre, gruan që ka akuzuar Andrew-n se e ka detyruar të kryejë marrëdhënie seksuale me të, një pretendim që ai e ka mohuar vazhdimisht.

    Top Channel

  • Skandali mbretëror në Britaninë e Madhe/ Princi Andrew hoqi dorë nga të gjitha titujt, por ende do të jetojë në…

    Skandali mbretëror në Britaninë e Madhe/ Princi Andrew hoqi dorë nga të gjitha titujt, por ende do të jetojë në…

    Princi Andrew është detyruar të heqë dorë nga të gjithë titujt dhe nderimet mbretërore pas skandalit të vazhdueshëm që lidhet me marrëdhëniet e tij me Jeffrey Epstein.

    Ish-Duka i York-ut, 65 vjeç, ka konfirmuar nëpërmjet një deklarate zyrtare se nuk do të përdorë më asnjë titull mbretëror, përfshirë edhe atë të Dukës së York-ut, që iu dha nga Mbretëresha Elizabeth II në ditën e dasmës së tij me Sarah Ferguson, më 23 korrik 1986.
    Ai ka hequr dorë gjithashtu edhe nga posti në Urdhrin e Garter, kalorësia më e lartë në Mbretërinë e Bashkuar.
    Vendimi u mor pas bisedimeve me Mbretin Charles dhe Princin William, në një përpjekje për të ruajtur imazhin e monarkisë nga dëmet që skandali i Andrew po shkaktonte prej vitesh.
    Megjithatë, pavarësisht vendimit të fortë për t’i hequr të gjitha titujt dhe përjashtimit nga ngjarjet madhore të familjes mbretërore – përfshirë Krishtlindjet në Sandringham – Andrew do të lejohet të vazhdojë të jetojë në Royal Lodge, rezidencën luksoze me 30 dhoma në Windsor, të cilën e ka me kontratë deri në vitin 2078, shkruan “The Sun”.
    Sipas burimeve pranë pallatit, si Mbreti ashtu edhe Princi i Uellsit kanë shprehur dëshirën që Andrew të largohet nga kjo pronë, e cila ndodhet shumë pranë rezidencës së tyre të re, Forest Lodge. Megjithatë, për shkak të kontratës së tij “të hekurt”, kjo nuk është ligjërisht e mundur për momentin.
    Në deklaratën e bërë publike përmes Buckingham Palace, Andrew u shpreh se akuzat ndaj tij po shpërqendronin vëmendjen nga puna e Mbretit dhe familjes mbretërore, dhe për këtë arsye kishte vendosur të bënte një hap më tej.
    “Me pajtimin e Madhërisë së Tij, nuk do të përdor më titujt apo nderimet që më janë dhënë. Siç kam thënë më parë, i mohoj me forcë akuzat kundër meje”, thuhet ndër të tjera në deklaratë.
    Lëvizja vjen pas një jave tensioni të lartë në pallat, që shpërtheu pas publikimit të email-eve të reja që faktonin se Princi Andrew kishte qëndruar në kontakt me Jeffrey Epstein më gjatë nga sa kishte deklaruar publikisht. Në një nga mesazhet e zbuluara, të dërguara në shkurt 2011, ai i shkruante Epstein: “Jemi në këtë së bashku… do ta kalojmë”.
    Akuzat ndaj Andrew janë ringjallur fuqishëm edhe pas zbulimeve të reja nga kujtimet e Virginia Giuffre, e cila ndërroi jetë në prill të këtij viti.
    Në librin e saj, që pritet të publikohet të martën, ajo pretendon se është trafikuar për të kryer marrëdhënie seksuale me Andrew në tre raste dhe e akuzon atë se e konsideronte seksin me të si “të drejtë që i takonte nga lindja”.
    Familja e saj reagoi menjëherë pas lajmit se Andrew do të hiqte dorë nga titujt, duke e cilësuar këtë një “fitore për Virginia-n” dhe duke bërë thirrje që Mbreti Charles t’i heqë atij edhe titullin “Princ”.
    Pavarësisht vendimit, vajzat e Andrew, Princesha Beatrice dhe Eugenie, do të mbeten zyrtarisht princesha, pasi janë tituj të lindur dhe nuk mund të hiqen.
    Ish-bashkëshortja e tij, Sarah Ferguson, gjithashtu nuk do të përdorë më titullin “Dukesha e York-ut”, megjithëse nuk e kishte përdorur në mënyrë profesionale prej vitesh.
    Kjo nuk është hera e parë që Princi Andrew përballet me masa ndëshkuese nga familja mbretërore.
    Në vitin 2022, Mbretëresha Elizabeth II i hoqi të gjitha titujt ushtarakë dhe patronazhet mbretërore, ndërsa u njoftua gjithashtu se nuk do të përdorte më titullin “Lartësia e Tij Mbretërore” në asnjë funksion zyrtar. Po atë vit, ai arriti një marrëveshje jashtëgjyqësore me Virginia Giuffre, duke i paguar një shumë të panjohur për të mbyllur padinë për abuzim seksual, ndërkohë që vazhdon të mohojë çdo akuzë.
    Në prapaskenë, pallati mbretëror thuhet se ka shtuar presionin ndaj tij për ta larguar nga Royal Lodge, duke i hequr financimin dhe sigurimin zyrtar. Por Andrew ka arritur të qëndrojë aty, falë burimeve të reja financiare që nuk janë bërë publike.
    Sipas ekspertëve të çështjeve mbretërore, ky është ndoshta fundi i rrugës për Andrew brenda familjes mbretërore. Autori Phil Dampier e quajti këtë një “tragjedi greke”, duke shtuar: “Ndoshta do ishte më mirë për të që të niste një jetë të re jashtë Mbretërisë së Bashkuar, pasi këtu nuk ka më të ardhme”.

    Top Channel

  • Investimi nga jashtë në borxhin e brendshëm të qeverisë shqiptare ka arritur në 20 miliardë lekë

    Investimi nga jashtë në borxhin e brendshëm të qeverisë shqiptare ka arritur në 20 miliardë lekë

    Portofoli i instrumenteve të borxhit të qeverisë i zotëruar nga investitorët e jashtëm arriti në 20 miliardë lekë në mesin e këtij viti.Sipas të dhënave nga Banka e Shqipërisë, vlera e investimit të subjekteve jorezidente në letrat e borxhit sovran të vendit u zgjerua me afërsisht 6 miliardë lekë ose 43% që nga fillimi i vitit 2025. Investitorët nga jashtë vendit mbajnë aktualisht rreth 2.5% të stokut të borxhit të brendshëm të qeverisë shqiptare, nga 1.8% që zotëronin në fund të vitit të kaluar.Këto shifra tregojnë se roli i investitorëve jorezidentë në tregun e brendshëm të titujve qeveritarë është në rritje. Vlerësohet megjithatë, se rritja e investimeve të tyre ka ardhur sidomos në tremujorin e parë të këtij viti, ndërsa në tremujorin e dytë ka pasur një frenim të ndjeshëm, për shkak të rënies së yield-eve.Sipas Bankës së Shqipërisë, norma mesatare e ponderuar e interesit për titujt afatshkurtër, për gjashtëmujorin e parë të vitit, ra në 2.8%, nga 3% në gjashtëmujorin e mëparshëm dhe nga 3.5% një vit më parë. Për shkak të peshës mbizotëruese, ecuria e normës mesatare të interesit është përcaktuar nga norma e interesit për titujt me maturim 12-mujor, e cila është luhatur në nivelet 2.7%-2.8%, gjatë periudhës. Me gjithë normat e ulëta të interesit, kërkesa e investitorëve ka qenë relativisht e lartë dhe nevojat e qeverisë për huamarrje afatshkurtër janë përmbushur në rreth 90% të rasteve.Ndërkohë, norma mesatare e ponderuar e interesit për titujt afatgjatë ra në 3.7%, nga njëmesatare prej 4.6% dhe 5.1% në dy gjashtëmujorët e mëparshëm. Normat mesatare të interesit për titujt me maturim 2 dhe 3 vjet ranë me 0.9 pikë përqindjeje, në 2.9% dhe 3.1%. Normat e ponderuara të interesit për titujt me maturim 7 dhe 15 vjet gjithashtu ranë me 1.2 dhe 0.6 pikë përqindjeje, në nivelet 4.0% dhe 5.6%. Normat e interesit për titujt me maturim 5 dhe 10 vjet ranë me 1.0 pikë përqindjeje,në 3.4% dhe 5.0%. Edhe në këtë segment, kërkesa e pjesëmarrësve për tituj afatgjatë në tregun primar ka qenë e lartë dhe ka plotësuar nevojat e qeverisë për huamarrje, duke përmbushur ofertën e saj në rreth 80% të rasteve.Pjesëmarrja e investitorëve të huaj në tregun e instrumenteve të borxhit në Lekë të qeverisë shqiptare nisi në vitin 2024, me fokus kryesisht investimin në obligacione.Megjithëse profili i investitorëve është i mbrojtur nga rregullat e konfidencialitetit, sipas burimeve nga tregu burimet bëjnë të ditur se bëhet fjalë kryesisht për investitorë institucionalë (hedge funds), që kanë vendosur për herë të parë të përfshijnë edhe obligacionet në Lekë të qeverisë shqiptare në portofolet e tyre.Një interes i lartë i investitorëve për titujt e qeverisë shqiptare është vërejtur edhe në emetimet e Eurobondit, gjatë viteve të fundit. Në muajin shkurt 2025, shteti shqiptar emetoi Eurobonde për një vlerë totale prej 650 milionë eurosh, me një yield prej 5%. Kërkesa për Eurobondet shqiptare e paraqitur nga investitorët ka qenë shumë e lartë dhe arriti shumën totale të 3.7 miliardë eurove.Interesi i investitorëve të huaj tashmë po shtrihet edhe në titujt e emetuar në tregun e brendshëm, në Lekë.Hyrja e këtyre investitorëve në tregun e titujve qeveritarë në lekë është ndikuar edhe nga përmirësimi i vlerësimit të borxhit sovran në dy vitet e fundit.Në muajin mars të këtij viti, agjencia e vlerësimit “S&P Global Ratings” përmirësoi për herë të dytë në dy vjet vlerësimin afatgjatë të borxhit sovran, nga “BB-” në “BB”, me perspektivë të qëndrueshme. Një vit më parë, në mars 2024, Standard&Poor’s e pati përmirësuar për herë të parë vlerësimin afatgjatë të borxhit sovran të Shqipërisë nga B+ në BB-. Në vijim, në tetor 2024, edhe agjencia tjetër Moody’s e përmirësoi vlerësimin nga Ba1 në Ba3. / E.Shehu Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Taulant Muka denoncon ‘grupin e strukturuar kriminal’ në Arsim: Universiteti gjerman konfirmoi mashtrimin e Manastirliut

    Taulant Muka denoncon ‘grupin e strukturuar kriminal’ në Arsim: Universiteti gjerman konfirmoi mashtrimin e Manastirliut

    Studiuesi dhe aktivisti për integritetin akademik Taulant Muka ka denoncuar një skandal të vërtetë të qeverisë ‘Rama 3’.Në një postim në facebook Muka shkruan se gjatë kohës kur ishte ministre e Arsimit, Ogerta Manastirliu ka falsifikuar një email dhe ka krijuar një komision me motive politike për të mos njohur titujt akademikë të tij.
    Muka shton se Komisioneri për Diskriminin iu bashkua gjithashtu dhe sajuan një rast për të mos i njohur titujt e tij nga një Universitet Gjerman

    “Sot, universiteti gjerman ka konfirmuar mashtrimin. Kjo nxorri zbuluar grupin e strukturuar kriminal në Arsim që ka cënuar dhe integritetin e universiteteve evropiane” shkruan ai.

    Postimi i Plote

    “Ogerta Plagjiatura falsifikoi email-in, krijoi një komision politik me persona pa tituj akademikë dhe në kundërshtim me ligjin për të mos njohur titujt e mi. Komisioneri për diskriminin iu bashkua gjithashtu dhe sajuan një rast në një universitet gjerman për të mos njohur titujt e mi. Sot, universiteti gjerman ka konfirmuar mashtrimin.

    Faleminderit që e çuat çështjen deri në këtë pikë, sepse kështu u bë e mundur të nxirrej në pah grupi i strukturuar kriminal në Arsim që ka cënuar dhe integritetin e universiteteve evropiane:). Keni 35 vite që tentoni të shkaterroni jetën e shkencëtarëve shqiptarë, por koha për drejtësi ka ardhur!” shkruan Muka.

    Në nëntor 2018 Rama, emëroi Taulant Mukën si zëvendës ministër Arsimi, pasi denoncoi për plagjiaturë ish-zëvendësministrin e atëhershëm të Arsimit, Ervin Demo, i cili pas verifikimit dhe u konstatua se ishte e vërtetë Demo, dha dorëheqjen.

    Por Muka qëndroi vetëm 2 javë në këtë post pasi dha dorëheqjen ‘për arsye etike, morale dhe profesionale, dhe të papajtueshmërisë”. Ndërkohë kujtojmë sot se në qeverinë ‘Rama 4’, Ervin Demo – i cili në 2018 u kap me plagjiaturë duke publikuar në revista ndërkombëtare artikuj të kopjuar –  u emërua ministër i Pushtetit Vendor, ndërsa Ogerta Manastirliu është kandidatura e Ramës për kryetar bashkie të Tiranës pas shkarkimit të Erion Velisë.  
    Në 2025 Taulant Muka ka akuzuar edhe Presidentin, Bajram Begaj se ka bërë plagjiaturë në një artikull shkencor mbi menaxhimin e çrregullimeve gastrointestinale të botuar në vitin 2014.

  • Canelo vs Crwford, veteranët e ringut sfidë magjike në Las Vegas për titujt kampionë, edhe UFC në skenë

    Canelo vs Crwford, veteranët e ringut sfidë magjike në Las Vegas për titujt kampionë, edhe UFC në skenë

    Në Las Vegas, do të zhvillohet këtë fundjavë (13 shtator) dueli i peshës super të mesme në boks mes kampionit në fuqi, meksikanit Canelo Alvarez dhe sfidantit amerikan, Terence Crawford.
    Dy legjenda, dy veteranë të ringut, që pritet të dhurojnë spektakël në këtë përballje. Canelo, 35 vjec, numëron 63 fitore, 2 barazime e 2 humbje në karrierën e tij dhe ka sfidën e vështirë të mbrojtjes së titullit kampion.
    Crawford, gati 38 vjec, numëron 41 fitore e asnjë humbje në ring. Ai mban titujt e peshës “light middleweight” dhe të peshës “welter”. Për të, një ngjitje në peshë dhe rikthim në ring pas më shumë se një viti.
    Ajo që bie në sy është se ky event po promovohet nga UFC dhe presidenti i saj Dana White, që ka qenë në takimin “ballë për ballë” të dy boksierëve. Kjo ka hutuar jo pak fansat e arteve marciale mikes.
    Drejtori ekzekutiv i UFC-së, Dana White, kohët e fundit nënshkroi një marrëveshje me yllin saudit të promovimit, Turki Alalshikh për të krijuar një ligë të re boksi që do të promovohet me nokaut teknik.