Lajmidites.com

Tag: tituj

  • Kryeson Lionel Messi, ja 10 lojtarët me më shumë tituj në historinë e futbollit

    Kryeson Lionel Messi, ja 10 lojtarët me më shumë tituj në historinë e futbollit

    Pas fitimit të MLS nga Leo Messi dhe Inter Miami, sulmuesi argjentinas e ka rritur edhe më shumë legjendën e tij, duke arritur titullin e 48-të. Ja lojtarët me më shumë tituj në histori:

    Leo Messi – 48 titujMe këtë të fundit në MLS, ylli argjentinas vazhdon të rrisë legjendën e tij në historinë e futbollit.

    Dani Alves – 43 titujKalimi i tij te Sevilla, Barcelona dhe Juventusi, ndër të tjera, e bën një nga lojtarët më të dekoruar. Me Brazilin nuk ka fituar Botëror, por ka një medalje ari olimpike.

    Andrés Iniesta – 39 titujShumica e titujve janë me Barcelonën dhe përfaqësuesen e Spanjës. Goli i tij në Afrikën e Jugut është më i përfaqësueshmi.

    Hossam Hassan – 39 titujLojtari i parë që nuk ka luajtur në Europë, në këtë listë. Ligat në Egjipt dhe Champions-i afrikan ishin kyç për të.

    Hossam Ashour – 39 titujI barabartë me bashkëkombësin për të njëjtat arsye. Të dy janë udhëheqës absolutë të futbollit afrikan.

    Maxwell – 37 titujI papritur në listë, por kalimi te skuadra fituese si Ajax, Barcelona dhe Inter e bënë të ketë një vitrinë të lakmueshme trofesh.

    Cristiano Ronaldo – 36 titujPortugezi nuk mund të mungonte. Palmaresi i tij ka shumë larmi: Premier League, La Liga, Serie A dhe një Europian me Portugalinë. I mungon vetëm Botërori.

    Gerard Piqué – 36 titujI barabartë me Ronaldon. Pas një karriere të gjatë dhe të suksesshme me Barcelonën, Piqué është qendërmbrojtësi kryesor i kësaj liste.

    Di María – 36 titujKa fituar disa nga ligat më të mëdha të Europës: La Liga, Ligue 1 dhe Liga Portugeze. Botërori me Argjentinën është titulli më i dëshiruar.

    Benzema – 36 titujVitet e vështira me Francën i lanë shenjë, por me Real Madridin arriti të fitojë një numër të madh Champions League.

  • “Gazi ka 2 tituj në 19 vite, Demrozi i ka marrë në 3 vite”, Zekaj: Partizani të marri shembull nga Egnatia

    “Gazi ka 2 tituj në 19 vite, Demrozi i ka marrë në 3 vite”, Zekaj: Partizani të marri shembull nga Egnatia

    Partizani dhe Tirana gjenden në një situatë të vështirë në këtë fillim të sezonit të ri. Dy nga klubet emblemë të kampionatit shqiptar po hasin problematika të mëdhë në marrjen e rezultateve, çka është reflektuar edhe me ndërrimin e tre trajnerëve në pak javë kampionat. Xhevdet Zekaj ka ftuar klubet e kryeqytetit të marrin përvojë nga Egnatia. Ai ka deklaruar në studion e emisinit “Mega Sport” në “A2 CNN” se Demrozi ka fituar 2 tituj kampion në 3 vite, prandaj ia vlen të merret për shembull.
    “Atje (te Egnatia) funksionon klubi, gjithsecili kryen detyrat që ka. Të marrë shembull edhe Partizani. Gazi ka 19 vite te Partizani, 2 tituj ka. Ky (Demrozi) me 3 vjet merr 2 tituj dhe ti thua që s’do marrë shembull? Rezultati do të merret shembull.”, ka thënë Xhevdet Zeka./Sport Ekspres/

  • Messi rinovon kontratën, argjentinasi do të qëndrojë te Inter Miami deri në 2028

    Messi rinovon kontratën, argjentinasi do të qëndrojë te Inter Miami deri në 2028

    Lionel Messi ka nënshkruar një kontratë të re me Inter Miamin. 38-vjeçari ka zgjatur marrëveshjen deri në vitin 2028. Sulmuesi fitoi “Këpucën e Artë” në MLS këtë sezon pasi shënoi 29 gola. Ai gjithashtu dhuroi 19 asiste. Fakti që ka kontribuuar në 48 gola bën që të jetë hap një larg barazimit të rekordit të MLS prej 49 të tilla, të vendosur nga Carlos Vela në vitin 2019.
    Messi u bashkua me klubin amerikan në vitin 2023, pasi kishte fituar katër tituj të Ligës së Kampionëve dhe 10 tituj të La Ligës gjatë një periudhe të lavdishme me Barcelonën.
    Një “goditje” e rëndësishme ekonomike për imazhin e MLS-së, që është rritur ndjeshëm me afrimin e Mesit, por edhe për klubin e drejtuar nga David Beckham, që synon të bëhet forca kryesore në Amerikë.
    Fituesi i tetë herë Topit të Artë tani do të jetë me klubin kur ata të transferohen në shtëpinë e tyre të re në Freedom Park në vitin 2026.

  • Capello: Fitova dy tituj në fushë me Juven, që më pas m’i hoqën padrejtësisht

    Capello: Fitova dy tituj në fushë me Juven, që më pas m’i hoqën padrejtësisht

    11 Tetor 2025

    8:29

    Alfred Lleshi

    Fabio Capello, në një intervistë për “Sky Sport”, foli rreth periudhës së tij si trajner, veçanërisht vitet e mbushura me emocione te Juventusi: “Kam pasur një marrëdhënie shumë të mirë me Trezeguet. Ishte një grup i fortë lojtarësh, me mentalitet elitar. Në Italinë, kampione bote më 2006, luanin 7-8 lojtarë bardhezinj. Fitova dy tituj në fushë, që më pas m’u hoqën padrejtësisht”.
    Sa i përket karrierës së tij, Capello kujtoi lojtarët që e kanë impresionuar më shumë: “Dy që më lanë pa fjalë për mënyrën si gjuanin ishin Gigi Riva dhe Batistuta. Ndërsa lojtari që më ka zemëruar më shumë ka qenë Cassano; talent i jashtëzakonshëm, por i pamundur për t’u menaxhuar. Për 5 minuta bënte çfarë i thoje, pastaj ndalonte”.
    Duke kujtuar eksperiencën te Real Madridi, shtoi: “E largova Ronaldon, që peshonte 94 kg dhe s’donte të dobësohej, por mbetet lojtari më i madh që kam trajnuar. Në dhomën e zhveshjes, liderët janë vendimtarë; jo gjithmonë më të rëndësishmit, por ata me karizmë. Liderët negativë janë më të rrezikshmit”.
     

  • Busquets jep lajmin e papritur: Në fund të sezonit do të tërhiqem nga futbolli, Barcelona klubi i jetës time

    Busquets jep lajmin e papritur: Në fund të sezonit do të tërhiqem nga futbolli, Barcelona klubi i jetës time

    26 Shtator 2025

    8:58

    Telesport

    Sergio Busquets ka njoftuar tërheqjen e tij nga futbolli në fund të sezonit të MLS, ku ai po luan për Inter Miami.
    “Këto do të jenë muajt e mi të fundit në fushë dhe po tërhiqem shumë i lumtur dhe mirënjohës. Këto kanë qenë 20 vite të pabesueshme; futbolli më ka dhënë përvoja unike me shokë skuadre të shkëlqyer”, tha mesfushori spanjoll.
    Më tej, ai shtoi: “Falënderoj Barcelonën, klubin e jetës sime. Atje realizova ëndrrat e mia të fëmijërisë, festova shumë tituj dhe përjetova momente unike në Camp Nou.”
    Mesfushori 37-vjeçar fitoi tre tituj të Ligës së Kampionëve, nëntë tituj Lige, shtatë tituj të Kupës së Mbretit, shtatë Superkupa Spanjolle, tre Kupa Bote për Klube dhe tre Superkupa Evropiane me Blaugranët.
    Ai luajti 143 ndeshje për ekipin kombëtar spanjoll, duke fituar Kupën e Botës 2010 dhe Kampionatin Evropian 2012. Që nga viti 2023, ai ka luajtur për Inter Miami të Messi, ku ka fituar një Kupë të Ligës dhe një Mburojë të Supporters.

  • Zbulohen shifrat: Leverkusen fiton 19 mln euro nëse Liverpool fiton 4 tituj

    Zbulohen shifrat: Leverkusen fiton 19 mln euro nëse Liverpool fiton 4 tituj

    11 Shtator 2025

    18:21

    Telesport

    Bayer Leverkusen deri tani ka arkëtuar “vetëm” 115 mln euro me shitjen e Florian Wirtz te Liverpool.
    Shuma totale e transferimit të mesfushorit gjerman në “Anfied” shkon më shumë, por jo e garantuar.
    Mediat angleze raportojnë se akordi përfshin bonuse shtesë në vlerë prej 19 milionë euro. Kjo shifër aktivizohet vetëm në rast se Liverpool arrin të fitojë katër tituj gjatë kohës që Wirtz është pjesë e klubit.
    Bëhet fjalë ose për Premier League, ose për Champions League. Për shembull, 3 herë kampionë Anglie dhe 1 herë kampionë Europe.

  • “Juventusi është si një ëndërr për mua”, Zhegrova: Dua të fitoj tituj, shfaqja është gati të fillojë

    “Juventusi është si një ëndërr për mua”, Zhegrova: Dua të fitoj tituj, shfaqja është gati të fillojë

    Edon Zhegrova është transferuar në radhët e Juventusit, fanellën e të cilit do ta veshë deri në vitin 2030. Sulmuesi shqiptar ka dhënë intervistën e tij të parë si lojtar i bardhezinjve. Futbollisti 26-vjeçar ka folur për faqen zyrtare të klubit në internet, ku është shprehur se kalimi te Juventusi është një ëndërr për të. Zhegrova ka deklaruar se objektivi i tij është që të fitoj sa më shumë tituj dhe që të shënojë aa më shumë gola për “Zonjën e Vjetër”.
    “Sinqerisht, është si një ëndërr për mua. Është një moment i jashtëzakonshëm për mua dhe familjen time dhe jam shumë krenar dhe i nderuar që e vesh këtë fanellë. Do ta vesh me shumë krenari dhe do të jap gjithçka për ekipin. Pozicioni im i preferuar është si sulmues krahu. Sa i përket stilit tim të lojës, më pëlqen të shënoj, të dribloj, të jap asiste dhe të ndihmoj ekipin me aftësitë e mia.
    Ndeshja e vitit të kaluar ishte e shkëlqyer dhe Juventusi ishte një kundërshtar i vështirë për t’u përballur, por tani jam i lumtur që jam këtu dhe u bashkohem shokëve të mi të ekipit në këtë ekip. Mezi pres t’i takoj. Shpresoj të shënoj shumë dhe, mbi të gjitha, të fitoj tituj. Kjo është gjëja e rëndësishme. Mendoj se mund të fitojmë me këtë ekip, duke marrë parasysh cilësinë e lojtarëve tanë. Mesazhi im për tifozët? Përshëndetje të gjithë tifozëve të bardhezinjve, mezi pres t’ju ??shoh në stadium. Shfaqja është gati të fillojë!”, ka deklaruar Edon Zhegrova./Sport Ekspres/

  • Skandal Diplomatik/ Ambasadori i Shqipërisë në Austri me master plagjiaturë dhe lidhje me shërbime sekrete

    Skandal Diplomatik/ Ambasadori i Shqipërisë në Austri me master plagjiaturë dhe lidhje me shërbime sekrete

    Emërimi dhe qëndrimi në detyrë i ambasadorit shqiptar në Austri, Fate Velaj, po shoqërohet me një stuhi akuzash që variojnë nga plagjiatura dhe mashtrimi me ndihmat sociale, deri te tituj akademikë të blerë dhe lidhje të mundshme me shërbime të inteligjencës.

    Sipas burimeve diplomatike, para se Velaj të merrte postin në Vjenë, Ministria e Jashtme e Austrisë kishte ngritur shqetësime për kualifikimet e tij, shtetësinë e dyfishtë dhe aktivitetet private tregtare. Një shënim verbal i brendshëm iu dërgua palës shqiptare për të kërkuar një kandidat tjetër – por Velaj u emërua gjithsesi.

    Plagjiaturë në tezën e masterit

    Eksperti i njohur i plagjiaturave, Dr. Stefan Weber, e ka cilësuar tezën e masterit të Velajt “Mirëmëngjes, Ballkan” (2006) si jo vetëm të kopjuar, por edhe jashtë standardeve akademike minimale. Ai zbuloi pjesë të marra nga nje punim i drejtuesit te Akademisë Diplomatike të Vjenës, Emil Brix, ku termi “Europa Qendrore” ishte zëvendësuar me “Europa Juglindore”.

    Ndihmë sociale pavarësisht milionave

    Detektivja austriake Vera Dumser ka dokumentuar se Velaj përfitoi ndihmë sociale në Austri, ndërkohë që në Shqipëri kishte deklaruar pasuri prej 1.2 milionë eurosh. Ajo pretendon se ky është një rast tipik i mashtrimit me përfitimet publike. Po ashtu, ai dyshohet se ka strehuar në ambasadë një të afërme të dënuar penalisht.

    Tituj të blerë dhe nderime të dyshimta

    Hetimet flasin për tituj të mundshëm të blerë nga universiteti privat “Kristal” dhe për nderime si “Medalja e Artë e Nderit e Republikës”, të cilat, sipas Dumser, kërkojnë verifikim. Ka gjithashtu dyshime për korrupsion dhe përdorim të fondeve politike për përfitime personale.

    Gjurmë të shërbimeve sekrete

    Ish-agjentë të shërbimit informativ shqiptar thonë se lëvizja e lirë e Velajt jashtë vendit gjatë komunizmit nuk do të ishte e mundur pa lidhje me inteligjencën e huaj. Përmendja e studimeve të babait të tij në Rusi ka shtuar dyshimet për kontakte të mundshme me shërbimin sekret të ish-Jugosllavisë.

    Presion politik në Austri

    Ministrja e Jashtme austriake, Beate Meinl-Reisinger, po përballet me presion nga opozita për shkarkimin e menjëhershëm të Velajt dhe hapjen e një hetimi parlamentar mbi procesin e emërimit të tij. Nëse akuzat provohen, mund të pasojnë edhe padi dhe mocion mosbesimi ndaj vetë ministres.

    Nga “gomari te kalorësi”

    Gazetari i ndjerë Kastriot Myftaraj në vitin 2014 e ironizoi marrjen e dekoratës nga Velaj, duke thënë se “ishte momenti kur gomari u bë kalorës” dhe se kryeministri Edi Rama, në atë ceremoni, i kishte thënë me ironi: “Gomari e meritonte më shumë se ti.”

    Nga plagjiatura te mashtrimi financiar dhe deri te dyshimet për lidhje të errëta, rasti Fate Velaj është shndërruar në një skandal diplomatik me pasoja të mundshme si në Tiranë ashtu edhe në Vjenë. Pyetja që ngrihet tashmë është: kur, dhe jo nëse, do të largohet nga posti.

  • “Kam po aq tituj sa Maradona”, Rrahmani tregon si e bindi Napolin: Më telefonuan pas 3 ndeshjeve në Serinë A

    “Kam po aq tituj sa Maradona”, Rrahmani tregon si e bindi Napolin: Më telefonuan pas 3 ndeshjeve në Serinë A

    Amir Rrahmani ka shkruar emrin e tij me gërma të arta në historinë e Napolit. Mbrojtësi shqiptar ka fituar dy tituj kampion me fanellën e kaltër, po aq sa edhe legjenda e futbollit botëror, Diego Armando Maradona. Kapiteni Kosovës ka rrëfyer në konferencë për shtyp se cilat momente i kanë mbetur në zemër nga suksesi me Napolin. Ai gjithashtu ka kujtuar kohën kur ish-drejtori sportiv i napoletanëve, Xhuntoli, e kërkoi në skuadër që pas tre ndeshjeve të tij të para në Serinë A.
    “Dy çastet që i mbaj në zemër nga dy titujt e fituar me Napolin? Në 2023-shin padyshim që më kujtohet kur ishim shumë përpara në renditje, por ishte hera e parë që ishim afër fitimit të një titulli. Ishim 15 pikë përpara dhe ende kishim frikë se mund ta humbisnim.
    Për titullin e dytë, ndeshja kundër Parmës ishte dramatike. Më pas ajo kundër Kaljarit dhe në fund triumfi. Dikush më tha se kisha fituar 2 tituj kampionë si Maradona dhe kjo është diçka e veçantë. Si fëmijë ëndërroja Premier Ligën. Për mua ishte liga më e mirë në botë. Por tani jam këtu dhe jam i përqendruar te Napoli.
    Transferimi te Napoli? Unë sapo kisha ardhur te Verona. Pas dy apo tre ndeshjesh, Xhuntoli telefonoi menaxherin tim dhe i tha që më donte. Ai e kishte vendosur që atëherë për të firmosur me mua. Nuk mund ta besoja dhe në janar u konfirmua”, është shprehur Amir Rrahmani./Sport Ekspres/

  • Vazquez largohet pas 10 vitesh nga Real Madrid

    Vazquez largohet pas 10 vitesh nga Real Madrid

    Real Madridi ka njoftuar se Lucas Vázquez do të largohet nga Los Blancos. Klubi madrilen ka vendosur që të organizojë një ceremoni lamtumire, e cila do të mbahet këtë të enjte.

    Sulmuesi ka luajtur 10 sezone me gjigandët spanjoll dhe numëron 402 ndeshje.
    Gjatë kësaj periudhe, ai fitoi 23 tituj: 5 Kupa Evropiane, 5 Kupa Bote për Klube, 4 Superkupa Evropiane, 4 tituj Ligue 1, 1 titull Copa del Rey dhe 4 Superkupa Spanjolle.

    Florentino Perez pas largimit të mesfushorit deklaroi:
    “Lucas Vasquez përfaqëson në mënyrë shembullore vlerat e Real Madridit, gjë që e ka bërë një nga lojtarët më të dashur për tifozët.
    Figura e Lucas Vazquez simbolizon punën e palodhur, këmbënguljen, përulësinë dhe shpirtin fitues që janë thelbësore për të arritur sukses me këtë fanellë.
    Ai është një lojtar që gëzon dashurinë dhe vlerësimin e të gjithë madridistëve. Real Madrid është dhe gjithmonë do të jetë shtëpia e tij”, u shpreh presidenti Perez.
    Te Real Madrid priten edhe disa largime të tjera, të rëndësishme.