Tag: Tiranë

Struktura e Posaçme Kundër Korrupsionit dhe Krimit të Organizuar (SPAK), e krijuar me premtimin për t’i dhënë fund pandëshkueshmërisë, jo vetëm që ka dështuar në misionin e saj, por është shndërruar në një instrument politik në duart e kryeministrit Edi Rama.Ervin Salianji tha se që pas krijimit të SPAK, korrupsioni në nivelet e larta zyrtare nuk është ulur, por përkundrazi, është rritur.Sipas Salianjit, krijimi i SPAK duhej të kishte si qëllim, parandalimin e korrupsionit përmes frikës nga ndëshkimi. Mirëpo, realiteti tregoi të kundërtën, për ish ligjvënësin.“Nga momenti i krijimit të SPAK e deri tek dosjet për të cilat flasim, po shohim që standardi në lidhje me korrupsionin e zyrtarëve të lartë është më i rritur,” theksoi Salianji.Për ish demokratin, SPAK dhe e gjithë reforma në drejtësi funksionojnë si një mjet presioni në duart e kryeministrit. “Drejtësia, kështu siç është sot, është instrumenti më i fortë që e mban në pushtet Edi Ramën,” u shpreh ati, teksa risolli në vëmendje raste specifike si ai i ministres Belinda Balluku, e cila u mor e pandehur vetëm pas përfundimit të zgjedhjeve, apo arrestimi i zyrtarëve të Bashkisë së Tiranës.Ervin Salianji, shkoi më tej ku tha se kryeministri Rama ka ndikim të drejtpërdrejtë mbi SPAK dhe e përdor atë për të konsoliduar pushtetin, duke mbajtur nën kontroll jo vetëm qeverinë e parlamentin, por edhe sistemin e drejtësisë, biznesin dhe median.Çfarë ka sjellë kjo? Të, tani do ta nis nga eksperienca. Çfarë ka sjellë? Nëse SPAK-u do të kishte një, po themi, pasojë apo diçka pozitive për shoqërinë, do të ishte që për shkak të frikës që mund të ishte krijuar potencialisht, po themi, dhënia fund e pandëshkueshmërisë, atëherë do të kishim korrupsion më pak. Nga momenti i krijimit të SPAK-ut dhe deri tek dosja që po flasim dhe tek shumë dosje të tjera, po shohim që standardi në lidhje me korrupsionin e zyrtarëve të lartë është më i rritur. Pra, së pari, qëllimi bazë, sipas jush por edhe sipas asaj që, që u tha kur u votua, që SPAK-u do t’i japi fund pandëshkueshmërisë, se, se ky nuk është spektakël në jetë njerëzore për të futur njerëz në burg, biem dakord apo jo? Këtu është, cila është e mira publike? Pra në shoqëri, nuk e ka sjellë këtë të mirë publike, që SPAK-u si strukturë e krijuar për t’i dhënë fund pandëshkueshmërisë dhe për të goditur korrupsionin e nivelit të lartë dhe krimin e organizuar, të ketë sjellë këtë pasojë.Dosjet po na e tregojnë që në momentin që është krijuar SPAK-u, korrupsioni sipas kësaj që ju thatë prapë, majës së ajsbergut të dosjeve që kanë dalë në lidhje me, me korrupsionin, të jetë më i ulët, është më i lartë. Së dyti, unë mendoj një gjë, meqenëse jemi te kjo, te kjo temë. Drejtësia, në këndvështrimin tim, kjo që u quajt drejtësi e re, me të gjithë elementët, për shoqërinë ka sjellë katastrofë, se një njeri në gjykatat e zakonshme që janë 95% e njerëzve, gjyqet zgjasin minimalisht shtatë-tetë vjet. Por drejtësia, kështu siç është sot, dhe unë do them kështu siç, siç unë e shoh, është instrumenti më i fortë që e mban pushtetin Edi Ramën. Po pse mo do bëjmë kot ne, pse e shqetëson Edi Ramën që mbasi ka mbaruar zgjedhjet merret e pandehur Belinda Balluku? Pse e shqetëson Ramën që pasi ka mbaruar punë me zgjedhjet arrestohet Erjon Veliaj që i shkon në favor? Pse, po të ndjek prap logjikën tënde që u bë të gjithë bashkë. Ne kundër Veliajt kemi qenë. Lajmi është që u bë Edi Rama kundër. Se ne çfarë do bënim bashkë? Ne jemi kundër dhe e kemi denoncuar gjatë gjithë kohës. Po tani, tani unë kam një gjë. Po ne nuk i dimë, ne nuk i dimë. A të përdorim logjikën? A kemi ne luftë të brendshme, a ka luftë të brendshme në Partinë Socialiste dhe i bën Edi Rama apo jo këto lëvizje? Kjo mbetet të shihet. Një gjë është fakt ama, që në gjithçka që i duhet Edi Ramës, kjo strukturë nuk ka ndërhyrë.
Dhe po ju them një që është thelbësore: Task forca e krijuar me bujë, janë bërë kaq shumë mbledhje, janë bërë kaq shumë tam-tame mediatike sikur çfarë po bëjnë, dhe nuk ka ndërhyrë në asnjë rast, në asnjë rast të denoncuar nga opozita apo nga shoqëria. Ka ndërhyrë vetëm kur Edi Rama i thoshte atij si e kishte emrin ai Martina, çfarë e kishte ai tipi. Të nesërmen i shkuan atij deri në zyrë. Kur i tha Rama po luan me dy porta. Pra ishte një strukturë mbikqyrëse për të kërcënuar çdo element me probleme me ligjin që mund të kishte potencial për të lëvizur drejt opozitës dhe nuk ishte me Edi Ramën. Dhe nëse thua, dhe këtu bie dakord unë, po mo Rama ka ndikim domethënës. Pra Rama mund t’i bëjë dëm cilitdo me ndikimin domethënës që ka mbi SPAK. A mund të ketë, a mund të ketë ndonjë element i cili për arsye të caktuara mund të dalë nga kjo? Deri sot nuk e kemi parë. Rasti i Belinda Ballukut deri tani mund të duket si rast. Po të shohim. Pse ju mendoni që Ben Ahmetajn e bëri SPAK-u pasi Rama kishte thënë po të isha unë prokuror, ky do dënohej nuk dihet se sa? Pse Erjon Veliajn e ka bërë pa pasur shkeljen e syrit të Edi Ramës? Po më thoni ju një rast deri sot, po pse, cili është krimineli më i madh, ku di unë, Lefter Kokën që e dënojnë për çdo gjë që bëhet në Shqipëri nja pesë herë?
Ore e gjithë kjo zhurma që bëjmë ne, në fund të ditës janë burgosur gjithsej nja 20 zyrtarë të lartë. Një pjesë që as i konsideron njeri. Pse kjo ka qenë këto milionat euro, ky investimi i madh, kjo pritshmëria e madhe e shqiptarëve? A ka sot një gjë zotëri? Dhe këtë, dhe këtë mund të përgjigjesh pastaj. Cili është elementi kryesor në drejtësi për shoqërinë? Që është po themi thelbësor për funksionimin e një shoqërie demokratike? Është parandalimi. Po pse mo ndëshkimi i njerëzve dhe ngritja e një kulture? Sot Edi Rama qeveris mbi frikën. E di, e di çfarë kanë frikë më shumë njerëzit sot? Ja këtë drejtësinë që themi ne është e pavarur. Sepse Edi Rama sot nuk kujdeset për asnjë gjë dhe i ka të gjithë sektorët e shkatërruar dhe është në qeverisje dramatike për vendin. E mban me frikën dhe frika kryesore që kanë njerëzit është kjo strukturë dhe strukturat e tjera të drejtësisë të cilat i ka lepe-peqe po njësoj siç ka grupin parlamentar, po njësoj siç ka qeverinë, po njësoj siç ka bashkinë, po njësoj siç ka biznesin, po njësoj siç ka segmente të caktuara të medias.
Dhe ne të themi që në këtë situatë paskemi ndonjë diferencë? Cila është diferenca? Sot kemi një gjë se hyjmë tek SPAK-u. E di çfarë ka treguar ky rasti i fundit? Si dhe rastet e mëparshme. Shqiptarët sot paguajnë tre herë. Të paktën të jemi të vërtetë, mos bëjmë, mos të krijojmë me ligj disa struktura të reja. Shqiptarët sot paguajnë nja ku di unë, dhjetëra njerëz të cilët punojnë tek KPP, APP, komision, komisione të bërjes së tenderave, kanë sisteme elektronike për bërjen e këtyre tenderave, miliona euro që shpenzohen për të mos pasur, mos pasur deformim. Një. Pra paguhen sistemet, paguhen, prit se nuk luajmë, kaluam këtu ku është thelbi. Paguajnë njerëzit që punojnë në këto dhe ndërkohë tenderat prapë janë të gjithë të paracaktuar. E dimë ne, Rama i cakton këto. Nuk ka gjë në Republikën e Shqipërisë dhe po qe se ka një njeri, një njeri që e beson, se mund ta thotë. Një njeri që e beson që ka një gjë në këtë republikë sot që del jashtë vëmendjes së Ramës edhe që bëhet pa pasur dakordësinë e Ramës, unë pastaj dorëzohem. Ama sot, nëse do të ishte ky SPAK-u kështu siç thoni ju, me me po themi me këtë ndikimin domethënës, po do kishte pak element, element të pavarësisë, ore po ky Edi Rama a duhet të thirrej për atë foton se e ka denoncuar te Çim Peka Arben Ahmetaj? A e ka thënë para se të, se denoncimi ka ardhur nga këtu për këtë çështje si fillim. Ka thënë Edi Rama ka shkuar në këtë vend në Ankara, ja ku keni foton, ja ku keni tenderin. Parimi, parimi është ky, se te parimi flasim edhe me rastin. Tani vijmë te kjo. Nëse ka, po jo mo nuk e nisa keq, e nisa shumë mirë dhe po e vazhdoj shumë mirë. Dhe këtu ka një, këtu, këtu ka një gjë. Po mirë të na gjykojnë njerëzit se kush e ka gabim apo mirë. Këtu ka një gjë zotëri. Një strukturë e cila ka frikë ta thërrasë Edi Ramën për Ecoparkun, për këtë rastin e fotos atje në Ankara, për rastin e charterave, e charterave që është kërkuar komision hetimor dhe nuk ka guxim, se normal parlamenti jo e jo, por nuk ka guxim as SPAK-u. Për rastin e takimeve, me Gonigalin, për dhjetëra raste të tjera të denoncuara nga opozita dhe ne të themi që po se kjo strukturë qenka kështu. Tani po iki kësaj teme, unë mendoj këtë gjë, dy fjali tani dhe e mbylla se, se unë mendoj që thelbi është ky. Me me kushtet, se ju hymë në detaje. Sot ka një element, Edi Rama, merrni dhe, dhe i marrim me shembull po të doni, çdo kryeministër dhe çdo qeveri në botë. I ka rënë në sektorin e, në sektorin e punëve të brendshme, ministri është dënuar për kanabizimin e Shqipërisë. Në sektorin e shëndetësisë, ministri është nën hetim për dy konçesione shumë të rëndësishme. Në sektorin e energjisë dhe të infrastrukturës i ka, e ka sot të pandehur zëvendëskryeministren. Në bashki ke nja 15 deri tani të kapur në korrupsion. Dhe kryeministri nuk ka përgjegjësi politike dhe nuk jep dorëheqje, dhe këtu jam dakord unë me këtë, që Edi Rama ka rënë mo, po duhet ta dëshmojmë ne. Dhe patjetër jam dakord unë me atë që thotë, që thotë Çimi në fillim. Që po, shoqëria dhe opozita për ta udhëhequr shoqërinë drejt ndryshimit ka të gjithë, jo mundësinë po edhe pamundësinë për ta realizuar, kjo duhet parë. Por që në këto kushte të rrijë kryeministri Edi Rama, Boris Johnson dha dorëheqjen për një, se shkeli rregullat për një, për një darkë gjatë kohës së pandemisë.