Lajmidites.com

Tag: tirana

  • Dhunuan dhe plagosën me armë 42-vjeçarin, arrestohen dy vëllezërit në Malësi të Madhe, në kërkim nipi

    Dhunuan dhe plagosën me armë 42-vjeçarin, arrestohen dy vëllezërit në Malësi të Madhe, në kërkim nipi

    Policia vendore e Shkodrës ka identifikuar dhe vënë në pranga autorët e ngjarjes së mbrëmshme, ku 42-vjeçari Edison Tirana u qëllua me armë zjarri dhe më pas u dhunua me sende të forta.

    Lidhur me ngjarjen u arrestuan dy vëllezërit Gjovalin Gjekaj dhe Pëllumb Gjekaj, banues në fshatin Pjetroshan të Malësisë së Madhe, ndërsa nipi i tyre është shpallur në kërkim.
    Sipas Policisë, konfliktit mes palëve i ka paraprirë një debat qe ka nisur që në doganën e Hanit të Hotit. Më pas, në afërsi të rrethrrotullimit të Koplikut, dy vëllezërit Gjekaj dyshohet se kanë qëlluar me pistoletë drejt automjetit “Mercedes Benz” me të cilin udhëtonte Edison Tirana, 42 vjeç, nga fshati Trush i njësisë Bërdicë.
    Të shtënat kanë goditur edhe gomat e automjetit, duke bërë që 42-vjeçari të humbasë kontrollin dhe të përplaset me bordurën e një karburanti. Pas aksidentit, Tirana ka dalë nga mjeti dhe është futur në një parcelë aty pranë në përpjekje për të shpëtuar.
    Dy autorët e dyshuar, së bashku me nipin e tyre, e kanë ndjekur dhe pasi e kanë gjetur, e kanë goditur me sende të forta, duke i shkaktuar plagë në trup.
    Rreth orës 19:30, Edison Tirana është paraqitur në Spitalin Rajonal të Shkodrës, ku mori ndihmën e parë dhe ndodhet jashtë rrezikut për jetën. Ai ka dhënë dëshminë e tij në polici, duke shpjeguar se konflikti nisi për një parakalim në pikën doganore të Hanit të Hotit.

    Top Channel

  • (EMRAT Atentati në Shkodër/ Zbardhet dinamika arrestohen 2 autorët

    (EMRAT Atentati në Shkodër/ Zbardhet dinamika arrestohen 2 autorët

    Policia vendore e Shkodrës ka zbardhur dinamikën e atentatit që ndodhi mbrëmjen e kalur në këtë qytet, ku u qëllua me armë zjarri ndaj shtetasit Edison Tirana.
    Lidhur me rastin janë arrestuar dy autorët e ngjarjes Gjovalin Gjekaj dhe Pëllumb Gjekaj, banues në fshatin Pjetroshan të Malësisë së Madhe ndërsa është shpallur në kërkim nipi i tyre.
    Këta dy shtetas dyshohet se kanë qëlluar me armë zjarri pistoletë automjetin e shtetasit Edison Tirana, 42 vjeç banues në fshatin Trush të njësisë Bërdicë në Shkodër dhe më pas e kanë rrahur atë.
    Si nisi sherri
    Konflikti mes tyre ka nisur që në doganën e Hanit të Hotit për çështje parakalimi. Dy automjetet kanë parakaluar disa herë njëra tjetrën ndërsa kanë bërë edhe një debat fillimisht mes tyre
    Pas parakalimeve, në afërsi të rrethrrotullimit të Koplikut, shtetasit Gjovalin Gjekaj dhe Pëllumb Gjekaj dyshohet se kanë qëlluar me armë zjarri në pjesën e pasme automjetin tip “Mercedes Benz” të Edison Tiranës.
    42 vjeçari nga plumbat që ka marrë edhe në gomat e makinës ka humbur kontrollin dhe është përplasur me bordurën e një karburanti. Edison Tirana ka dale nga automjeti  dhe është futur në një tokë aty afër për t’i shpëtuar ndjekies së autorëve.
    Autorët e dyshuar i janë vënë pas dhe pasi e kanë gjetur në vendin ku tentoi të fshihej e kanë goditur me sende të forta duke i shkaktuar dëme në trup.
    42 vjeçari Edison Tirana rreth orës 19:30 u paraqit në spitalin e Shkodrës ndërsa është jashtë rrezikut për jetën dhe pasi mori mjekim dha dëshminë e tij në polici duke treguar konfliktin që nisi për parakalimin që nga dogana e Hanit të Hotit.
    Vijojnë hetimet për zbardhjen e plotë të ngjarjes së ndodhur mbrëmjen e 15 nëntorit.

  • Plumba, ndjekje dhe rrahje, policia arreston autorët e sulmit ndaj Edison Tiranës

    Plumba, ndjekje dhe rrahje, policia arreston autorët e sulmit ndaj Edison Tiranës

    Policia vendore e Shkodrës ka identifikuar dhe arrestuar autorët e ngjarjes së mbrëmshme që qëlluan me armë zjarri dhe goditën me sende të forta shtetasin Edison Tirana.
    Efektivët kanë bërë ndalimin e dy vëllezërve Gjovalin Gjekaj dhe Pëllumb Gjekaj, banues në fshatin Pjetroshan të Malësisë së Madhe ndërsa është shpallur në kërkim nipi i tyre.
    Këta dy shtetas dyshohet se kanë qëlluar me armë zjarri pistoletë automjetin e shtetasin Edison Tirana, 42 vjeç banues në fshatin Trush të njësisë Bërdicë në Shkodër dhe më pas e kanë rrahur atë.
    Konflikti mes tyre ka nisur që në doganën e Hanit të Hotit për çështje parakalimi. Dy automjetet kanë parakaluar disa herë njëra tjetrën ndërsa kanë bërë edhe një debat fillimisht mes tyre.
    Pas parakalimeve, në afërsi të rrethrrotullimit të Koplikut, shtetasit Gjovalin Gjekaj dhe Pëllumb Gjekaj dyshohet se kanë qëlluar me armë zjarri në pjesën e pasme automjetin tip Benz të Edison Tiranës.
    42-vjeçari nga plumbat që ka marrë edhe në gomat e makinës ka humbur kontrollin dhe është përplasur me bordurën e një karburanti. Edison Tirana ka dalë nga automjeti dhe është futur në një tokë aty afër për t’i shpëtuar ndjekjes së autorëve.
    Autorët e dyshuar i janë vënë pas dhe pasi e kanë gjetur në vendin ku tentoi të fshihej e kanë goditur me sende të forta duke i shkaktuar dëme në trup.
    42-vjeçari Edison Tirana rreth orës 19:30 u paraqit në spitalin e Shkodrës ndërsa është jashtë rrezikut për jetën dhe pasi mori mjekim dha dëshminë e tij në polici duke treguar konfliktin që nisi për parakalimin që nga dogana e Hanit të Hotit.
    Policia nisi menjëherë punën duke arritur të identifikojë autorët e dyshuar dy vëllezërit Gjovalin dhe Pëllumb Gjekaj, ndërsa shpalli në kërkim nipin e tyre.
    Efektivët vijojnë punën për zbardhjen e plotë të ngjarjes së ndodhur mbrëmjen e 15 nëntorit.

  • Tirana i shkakton humbjen e parë Apolonisë, Besëlidhja udhëheq e vetme Superligën

    Tirana i shkakton humbjen e parë Apolonisë, Besëlidhja udhëheq e vetme Superligën

    Java e 7-të e Suerpligës në basketboll për meshkuj solli ndryshime në krye të renditjes. Tirana fitoi 87-83 në Fier ndaj Apolonisë, duke u shkaktuar vendasve humbjen e parë sezonale. Një ndeshje ku bardheblutë patën një epërsi të lehtë shumicën e kohës dhe e metiaun fitoren. Ëilliams me 28 pikë e Massie me 22 pikë shkëlqyen për Tiranën.
    Besëlidhja fitoi pa probleme 115-64 ndaj Skënderbeu në “Asllan Rusi”, duke dominuar në fushë në të gjitha drejtimet. Hamati me 19 pikë e Dean me 18 pikë u dalluan për lezhjanët, që e thelluan epërsinë me kalimin e minutave. Pas këtij suksesi, skuadra e Besëlidhjes, ende e pamposhtur, kryeson e vetme renditjen.
    Fitore të rëndësishme korri jashtë fushe skuadra e Elbasanit, që mundi 107-78 Flamurtarin në Vlorë dhe i largohet fundit të renditjes. Edhe pse vendasit e nisën mirë takimin, shpejt miqtë rikuperuan, duke u shkëputur. Triplett me 28 pikë e Skëndaj me 26 pikë bënë diferencën në fushë për Elbasanin.
    Edhe Teuta fiton jashtë fushe, duke mundur Pogradecin 80-84, në mbyllje të një ndeshje me rivalitet dhe emocione në minutat e fundit. Durrsakët morën frenat e lojës në mesin e takimit, ku dhe nisën të shkëputeshin. Gorea me 25 pikë ishte shënuesi më i mirë për Teutën, ndërsa 31 pikët e Taylor për Pogradecin mbetën për statistikë.
    Superliga-Meshkuj, java e 7-të
    Besëlidhja – Skënderbeu, 115-64
    Apolonia – Tirana, 83-87
    Flamurtari – Elbasani, 78-107
    Pogradeci – Teuta, 84-90
    Vllaznia – Fieri Basket, 16 nëntor
    Kamza Basket – Partizani, 16 nëntor
    Renditja: Besëlidhja 14 pikë, Apolonia 13 pikë, Tirana 13 pikë, Teuta 12 pikë, Skënderbeu 11 pikë, Vllaznia 10 pikë, Kamza Basket 9 pikë, Fieri Basket 8 pikë, Partizani 7 pikë, Pogradeci 7 pikë, Flamurtari 7 pikë.

  • NGA KLITI HOTI – Tirana po kthehet në “mollë të ndaluar” për Veriun, është politikë qeveritare…

    NGA KLITI HOTI – Tirana po kthehet në “mollë të ndaluar” për Veriun, është politikë qeveritare…

    Tirana po kthehet në “mollë të ndaluar” për veriun, dhe kjo nuk është rastësi, është politikë qeveritare. Qeveria ka hapur garën për koncesionin e radhës: Milot–Balldre, vetëm 17 km, me një kosto prej 182.5 milionë euro për ndërtim dhe 365 milionë euro për gjithë periudhën 35-vjeçare. Por fatura e vërtetë do të paguhet nga qytetarët.
    Sa do të kushtojë për qytetarët?
    Tarifa e përcaktuar është 0.12 euro/km, ndër më të lartat në Europë.Kjo do të thotë 4.1 euro për 17 km – pa asnjë tunel, pa vepra arti, pa arsye reale për këtë çmim.Për krahasim, në vendet e BE-së tarifat janë mesatarisht 0.07 euro/km.Ne po paguajmë dyfishin e vendeve më të zhvilluara.
    Efekti në Veriun e Shqipërisë
    Një qytetar i Shkodrës që vjen në Tiranë do të paguajë:• 4 euro Milot–Balldre• 3.3 euro Milot–Kashar• plus tarifën e pritshme Balldre–Shkodër, që pritet të jepet sërish me koncesion.
    Fatura shkon në 12 euro vetëm vajtje dhe rreth 25 euro vajtje-ardhje. Më lirë është bileta e avionit për Londër, Firence apo Sevilje. Ky nuk është koncesion, por skemë fitimi mbi kurrizin e qytetarëve. Nuk është zhvillim, por izolim ekonomik. Nuk është shërbim publik, por pagesë detyrore për të lëvizur brenda vendit. Veriu nuk mund të trajtohet si periferi që duhet të paguajë më shtrenjtë se Europa për të ardhur në kryeqytetin e vet. /Nga Kliti HOTI, deputet i PD Shkodër, publikuar në Facebook/

    Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
    Ju mirëpresim!

  • Flamurtari nuk njeh rivalë, shpartallon Tiranën dhe komandon kampionatin

    Flamurtari nuk njeh rivalë, shpartallon Tiranën dhe komandon kampionatin

    Java e 7-të e Kampionatit Kombëtar në Basketboll për femra flet për Flamurtarin kampion, që fitoi thellë 91-56 ndaj Tiranës, ndeshje e luajtur në “Fahrie Hoti“. Edhe pse bardheblutë luanin në fushën e tyre ishte skuadra vlonjate ajo që komandoi në fushë.
    Flamurtari u shkëput 21-8 që në periodën e parë dhe e thelloi epërsi në të katërta periodat, duke e merituar fitoren. Tirana ishte në një ditë të keqe, shumë larg asaj që pritej, duke mos rivalizuar dot dhe bëri shumë gabime.
    Presingu i Flamurtarit ishte efikas, ndërkohë që edhe në gjuajtje ishte më i saktë. 6 lojtare të ekipit vlonjat realizuan mbi 10 pikë, ku u dallua Harvey me 28 pikë. Për Tiranën, Lugaj realizoi 26 pikë, por e vetme nuk mund të bënte dot asgjë.
    Pas kësaj sfide, Flamurtari është ende i pamposhtur në kampionat dhe shkëputet 3 pikë nga vendi i dytë. Kjo javë do të kompletohet ditën e diel me ndeshjen Vllaznia-Partizani, ndërsa Studenti është pushim.
    Superliga-Java e 7-të
    Tirana – Flamurtari, 56-91
    Vllaznia – Partizani, 16 nëntor
    Studenti (pushim)
    Renditja: Flamurtari 12 pikë, Tirana 9 pikë, Partizani 8 pikë, Studenti 6 pikë, Vllaznia 4 pikë.

  • Tirana në krye të prenotimeve për festat e nëntorit! Rezervimet më të shumta nga Kosova dhe RMV

    Tirana në krye të prenotimeve për festat e nëntorit! Rezervimet më të shumta nga Kosova dhe RMV

    Tirana do të jetë edhe këtë vit kryeqendra e shqiptarëve për festat e nëntorit. Sipas operatorëve turistikë, kryeqyteti ka numrin më të lartë të rezervimeve.

    Shqiptarët e Kosovës dhe ata të Maqedonisë së Veriut, si çdo vit, zgjedhin Tiranën për Festën e Flamurit.

    “Festat kombëtare janë epiqendra e të gjithë shqiptarëve, kudo që janë, e ka prurje më shumë nga Kosova, Italia. Për Tiranën ka gjithnjë risi, ka aktivitete. Kemi mangësi nëpër rrethe. Do të doja më shumë përgatitje për rrethet.”

    Pas Tiranës, kërkesat më të larta për rezervim janë në Korçë, Vlorë, Durrës e Shkodër. Ndërsa gjithnjë e më shumë brenda vendit po preferohen edhe turet ditore.

    “Në Theth, Vermosh, Valbonë, në Korçë, Voskopojë, Përmet, Gjirokastër. Këto janë paketa me ture me autobusë.”

    Teksa shqiptarët e Kosovës zgjedhin çdo vit Shqipërinë, sipas operatorëve turistikë një risi këtë vit janë edhe kërkesat për të festuar 113-vjetorin e Pavarësisë në qytetet e Kosovës.

    “Këtë vit ka mundësi që për festat e nëntorit të shkohet edhe në Prishtinë, Prizren, Brezovicë, Pejë. Më shumë oferta për të vizituar trojet etnike shqiptare.”

    Megjithatë, një numër i lartë qytetarësh shqiptarë festat e nëntorit do t’i kalojnë jashtë vendit, për shkak se 28 dhe 29 nëntori përkojnë me fundjavën, dhe kanë zgjedhur të shfrytëzojnë disa ditë pushimi zyrtar në destinacionet më të njohura europiane si Parisi, Barcelona dhe Praga.

  • Partizani dhe Tirana komandojnë renditjen në Kupën e Shqipërisë, me një këmbë në gjysmëfinale

    Partizani dhe Tirana komandojnë renditjen në Kupën e Shqipërisë, me një këmbë në gjysmëfinale

    Janë zhvilluar ndeshjet e raundit të tretë të Kupës së Shqipërisë në volejboll për meshkuj. Partizani kampion kryeson renditjen në Grupin A me pikë të plota.
    Të kuqtë e trajnerit Tomorri mposhtën me vështirësi 3-0 Studentin në derbin kryeqytetas (25-22, 27-25, 25-19). Dy setet e para ishin të ekuilibruara, ndërsa në të tretin Partizani dominoi e fitoi pa probleme.
    Në Grupin B, Tirana nis shkëputjen pas fitores 3-0 ndaj Erzenit (25-18, 25-22, 25-12). Bardheblutë ishin superiorë në parket në cdo drejtim, duke e merituar fitoren.
    Po në këtë grup, fiton edhe skuadra e Vllaznisë, që në Shkodër mposhti 3-0 Elbasanin e vendit të fundit (25-20, 25-15, 25-19). Skuadra shkodrane ngjitet e vetme në vendin e dytë.
    Meshkuj – Grupi A (java 3)
    Studenti – Partizani, 0-3
    Skënderbeu (pushim)
    Renditja: Partizani 6 pikë, Skënderbeu 3 pikë, Studenti 0 pikë.
    Meshkuj – Grupi B (java 3)
    Vllaznia – Elbasani, 3-0
    Erzeni – Tirana, 0-3
    Renditja: Tirana 9 pikë, Vllaznia 6 pikë, Erzeni 3 pikë, Elbasani 0 pikë.

  • Dosja ‘Aruba’, Berisha: U nis charteri nga Tirana për të takuar një grup bosësh të karteleve të drogës

    Dosja ‘Aruba’, Berisha: U nis charteri nga Tirana për të takuar një grup bosësh të karteleve të drogës

    Kryetari i Partisë Demokratike Sali Berisha në konferencën me gazetarët u ndal edhe tek dosja “Aruba”.
    Berisha pretendon se nga Tirana është nisur një charter ku ka pasur zyrtarë të lartë dhe kanë shkuar në Aruba për t’u takuar me një grup, sipas tij, bosash të karteleve të drogës.
    Sipas tij, ata janë shndërron në një sektor kryesor të jetës së vendit.
    “E tillë është Aruba. Të niset charteri nga Tirana për të bërë takimin, me siguri kanë qenë edhe këta vëllezërit Hysa, apo është edhe një tjetër, më duket se është në burg, një Rexhepi.  Këta takimin me qeverinë, është rast unik. Të nisësh avionin për 11 mijë km nga Tirana në Aruba për të takuar një grup bosësh të karteleve të transportit të drogës, ti i shndërron ata në një sektor kryesor të jetës së vendit”, tha Berisha.

  • Veliaj në burg, Rama: Kushtetuesja t’i japë mundësinë të bëjë detyrën

    Veliaj në burg, Rama: Kushtetuesja t’i japë mundësinë të bëjë detyrën

    Kryeministri Edi Rama, u ndal edhe tek vendimi i GJK për të lënë në detyrë si kryebashkiak të Tiranës Erion Veliajn.
    Ai tha se GJK duhet që t’i qëndrojë besnike vendimit dhe duhet që t’i japë mundësinë të bëjë detyrën pasi Tirana ka nevojë për drejtues.
    ‘Kemi edhe buxhetin e bashkisë së Tiranës. Kryetari i Bashkisë është në burg pa gjyq, kur ai u morë dhe u tërhoq nga zyra për t’u futur në qeli që ndodh për njerëzit shumë të rrezikshëm, unë e thash kjo është dispropocionale, çdo njeri nëse duhet hetuar duhet hetuar, por çdo njeri deri kur gjykata e nxjerr fajtor është e pafajshëm, por nëse njeriun e merr dhe e fut brenda dhe pastaj lëshohen hiena dhe kllounët e cirkut politikë dhe mediatik për t’i bërë gjyqin ndodh që vjen dënimi publik dhe pastaj pjesa tjetër. Më pas duke parë që të gjitha shkallët e gjyqit se nxorën që të vijoi detyrën dhe të bëjë procesin ne menduam se Tirana nuk ka arsye të paguajë për një kohë të gjatë mungesën e drejtimit.Ata që janë po bëjnë maksimumin dhe ne menduam në respekt të plotë të ligjit, sepse ligi thotë tjetër për deputetin dhe tjetër për të zgjedhurin lokal, për deputetin thotë kur mungon pa arsye kurse për të zgjedhurin se thotë fare. GJK doli me vendim ndryshe nga i yni. E kanë parë nga një këndvështrim i kundërt me ne, por tani duhet që të zgjedhin, sepse kryetari është në pamundësi për të bërë detyrën dhe s’mund të bëhen zgjedhje. GJK t’i qëndrojë besnike vendimit, i jepni mundësi që të vijoi detyrën, por deri atëherë ne jemi këtu. Duhet që të pastrohet të funksionojë normalisht buxheti të vendoset në dispozicion dhe për këtë ne po e mbështesim bashkinë që të bëjë më të mirën për buxhetin. Nënkryetarët dhe kryetarja e deleguar po punojnë për Tiranën, por nuk është e njëjta gjë’. Tirana nuk ka arsye të paguajë për një kohë të gjatë mungesën e drejtimit’, tha ai.