Tag: thirrur

Në një deklaratë të fortë për mediat, kreu i Partisë Demokratike, Sali Berisha, sqaroi qëndrimin e tij lidhur me tubimin e një dite më parë, duke theksuar se ajo nuk ishte thirrur si protestë, por si “Foltore e parë parlamentar-qytetare”.

Berisha theksoi se çdo interpretim ndryshe është i pavërtetë, ndërsa nënvizoi se PD nuk po organizon mitingje masive pasi është e angazhuar në një proces të thellë analize dhe ristrukturimi të brendshëm.

Sipas tij, kjo foltore ka një mision të qartë politik: zëri i qytetarëve të kërkojë dorëheqjen e Luljeta Ballukut dhe Edi Ramës, ndërsa deputetëve të opozitës, të censuruar në parlament, t’u jepet fjala përballë qytetarëve para Kryeministrisë.

Fjala e tij:

Më duket se, po keqinterpreton të vërtetën. 

Së pari unë dua të shpreh mirënjohje të pakufishme ndaj të gjithë atyre qytetarëve që dje themeluan me praninë e tyre ‘Foltoren e parë parlamentar-qytetare’ në historinë e vendit, para pallatit të krimit.
Dje PD nuk kishte thirrur miting. Kishte thirrur një ‘Foltore’. 
Pse ne nuk kemi thirrur miting dhe nuk do të thërrasim miting. Edhe njëherë, për të gjithë ata që duan të vërtetën ua themi, për ata që spekullojnë pastaj, të vazhdojnë. 
Ne nuk thërrasim se do të angazhohemi në një proces analize, ristrukturimi, hapje të PD-së i cili është jetik. 
Nëqoftëse ne vendim për një protestë, apo për protesta masive kjo bie ndesh me të parën. Pastaj të gjithë potencialet tona duhet të mobilizohen për protestat masive. Jo. 
Nuk ka qenë protestë kombëtare. Ka qenë thjeshtë një ‘Foltore’ dhe do të jetë thjeshtë një foltore parlamentaro-qytetare. Vijnë ata që duan të vijnë. 
Kjo është. Çdo interpretim tjetër është absolutisht jo real.
Çfarë ka qëllim ajo? Ajo ka qëllim që zëri i qytytarëve kërkon dorëheqjen e Lubi Balluktu dhe Edi Ramës. 
Ajo ka qëllim që deputetëve që u mbyllet mikrofoni në parlament, të vijnë të flasin para qytetarëve, shqiptarëve, para kryeministrisë. 
Ajo ka qëllim që qytetarët, meqenëse deputetët nuk lejohen ti paraqesin çështjet e tyre në parlament, të vijnë ti paraqesin vetë, para kryeministrisë. 
Pra kjo foltore ka këto qëllime. Është foltore parlamentaro-qytetare. 
Janë të njohura këto në histori. Lexoni për revolucionin francez. Në një fushë tenisi nisi jetën ai institucion që transformoi Francën dhe Europën.
Parlamenti kontinental në SHBA i dha botës demokracinë më të fuqishme të të gjitha kohërave. 
Nëqoftëse foltorja e parë kishte qëllim ringritjen dhe shpëtimin e PD, kjo foltore synon shoqërinë shqiptare, shqiptarët në tërësi. Pra është tjetër.
Nuk jeni i vetmi ju që e keni interpretuar në këtë formë, por për ata që janë të interesuar unë ju shpjegoj se kjo është e vërteta dhe ajo ishte themelimi i një foltoreje historike që do të vazhdojë pa ndërprerje.
Natyrisht në këtë periudhë, partia nuk mundet që të mos bëjë analizën e vet, që të mos përmbushë detyrimet e saj, për ristrukturimin, hapjen e saj, kontaktimin e vlerave.
Të thuash që ti bësh të gjitha njëkohësisht nuk është shumë e thjeshtë. Nuk është kollaj ti bësh, se veçanërisht një angazhim në protesta masive e vërteta është se analizën do ta zbehte shumë dhe nuk duhet të zbehet.