Lajmidites.com

Tag: theksoi

  • SYRI TV/ PD mbledhje urgjente e grupit parlamentar: Do të shkohet drejt protestës kombëtare

    SYRI TV/ PD mbledhje urgjente e grupit parlamentar: Do të shkohet drejt protestës kombëtare

    Partia Demokratike do të bëjë të gjitha përpjekjet për rikthimin e Parlamentit në shinat e Kushtetutës, deklaroi lideri i opozitës, Sali Berisha, pas një mbledhjeje urgjente të grupit parlamentar të PD-së. Berisha theksoi se aktualisht Kuvendi është shndërruar në një instrument opresiv ndaj opozitës dhe qytetarëve shqiptarë. Ai konfirmoi gjithashtu vendosjen e një platforme para Kryeministrisë, ku do të kërkohet largimi i Edi Ramës dhe zëvendëses së tij, Belinda Balluku, si një hap i parë në aksionin opozitar.

    Gjatë mbledhjes, lideri i PD-së shpalli se opozita do të përdorë të gjitha mjetet e mundshme për rikthimin e Kuvendit në funksionim, mbi bazat e Kushtetutës dhe ligjeve, pasi aktualisht Kuvendi nuk po përmbush rolin e tij për të mbrojtur të drejtat dhe interesat e qytetarëve. Sipas Berishës, parlamenti është i bllokuar, nuk zhvillohet më një debat i drejtë dhe është lejuar vetëm një seancë në dhjetëmbëdhjetë seanca të kaluara.

    Ai theksoi se nuk ka asnjë përfaqësues të opozitës në komisionet parlamentare, dhe se situata aktuale e Kuvendit është një shpërfillje e Kushtetutës dhe e ligjit.

    Në vijim të deklaratës, Berisha shpalli vendosjen e një platforme para Kryeministrisë, ku do të kërkohet largimi i Edi Ramës dhe Belinda Ballukut, të cilët i cilësoi si dyshen më të famshme të korrupsionit në historinë e Shqipërisë. Platforma do të jetë e hapur çdo të enjte, dhe mund të zgjerohen aktivitetet dhe ditë të tjera, sipas zhvillimeve të aksionit opozitar.

    Berisha gjithashtu bëri të qartë se opozita do të shkojë drejt një proteste kombëtare pas përfundimit të disa hapave të tjerë, të cilat do të përfshijnë takime me bazën dhe përgatitjen e aksioneve të mëtejshme. Ai e cilësoi farsë zgjedhore procesin e zgjedhjeve të pjesshme që u zhvilluan më herët dhe e akuzoi pushtetin për manipulimin e procesit zgjedhor.

    Lideri i opozitës u pyet edhe për njoftimet se ai mund të pyetet nga Prokuroria Speciale si person në dijeni lidhur me ngjarjet e 21 janarit, ku humbën jetën katër protestues. Berisha nuk dha detaje të mëtejshme, por theksoi se këto akuza janë të politikizuara dhe të motivuara nga interesa të caktuara për të goditur opozitën dhe liderët e saj.

    Në përfundim, Berisha shprehu vendosmërinë për të vazhduar betejën për demokracinë dhe për të sjellë ndryshime të thella në jetën politike të Shqipërisë, duke kërkuar një Kuvend që të funksionojë sipas rregullave të ligjit dhe të Kushtetutës.

  • Mega-skandal në Llogarë/ Këlliçi zbardh rrjedhjen e parave dhe përfshirjen direkte të kryeministrit: Rama dhe Balluku..

    Mega-skandal në Llogarë/ Këlliçi zbardh rrjedhjen e parave dhe përfshirjen direkte të kryeministrit: Rama dhe Balluku..

    Deputeti i Partisë Demokratike, Belind Këlliçi, i ftuar në një emision televiziv, ka folur në lidhje me skandalin e tunelit të Llogarasë, duke akuzuar kryeministrin Edi Rama dhe zëvendëskryeministren Belinda Balluku për zhdukje provash dhe përpjekje për të fshehur abuzimet.
    Gjatë bisedës me moderatorin Bled Marku, Këlliçi deklaroi se: Edi Rama dhe Belinda Balluku janë munduar që të zhdukin provat në lidhje me skandalin e tunelit. Në Turqi, që janë fshirë edhe nga Facebook-u dhe fati i madh që janë bërë screenshot dhe janë mbajtur në media dhe janë ruajtur dhe fati i madh që Syri TV ka qenë media e parë që i ka bërë publike.Deputeti kujtoi se detajet e aferës u bënë publike fillimisht në intervistën e njohur të Çim Pekës me Arben Ahmetajn, ndërsa theksoi rolin e SYRI TV në dokumentimin e provave.
    ‘Në intervistën e famshme janë bërë detajet publike… Syri TV i ka publikuar, ripublikuar, i ka ruajtur në arkiv dhe i ka bërë publike për opinionin publik. Sepse sot do të ishim para një situate që do ishin zhdukur dhe ato foto, nëse ju nuk do t’i kishit ruajtur.’
    Këlliçi theksoi se nuk bëhet fjalë për një aferë të vogël, por për një mega-abuzim me paratë e taksapaguesve shqiptarë.
    ‘Pra, që të jemi të qartë, nuk kemi të bëjmë me një aferë 50 milionë euro. Kemi të bëjmë me një aferë që deri tani të paktën e kemi faturuar 75 milionë euro abuzim dhe zhdukjen e dy urave.’
    Gjatë bisedës, Këlliçi përdori një barcaletë simbolike për të ilustruar, sipas tij, shkallën e korrupsionit qeveritar:
    ‘Më vjen ndërmend ajo barcaleta e famshme me kinezin, italianin dhe shqiptarin… Pyetet shqiptari, në këtë rast Belinda dhe Rama, dhe i thotë, ore, për kuriozitet, duhet të ishin ato katër korsitë dhe ura, ku janë? Thotë, po s’janë. Po si s’janë? Po duheshe bërë vila, duheshin bërë shpenzimet. Pra nuk ekziston fare, fare. Ky është realiteti i trishtë në të cilin na ka futur sot kjo qeverisje.’
    Sipas tij, kjo aferë është ‘rekord botëror për nivelin e vjedhjes dhe censurës mediatike’, ndërsa shtoi se raporti i fundit i progresit të BE-së ka theksuar ‘dhunën ndaj medias dhe kapjen totale të saj nga qeveria’.
    ‘Në progres-raportin e paraqitur para pak ditësh, keni parë që një zë të veçantë zinte dhuna ndaj medias, represioni sistematik ndaj kontrollit të mediave në Shqipëri, kapja totale e mediave dhe kontrolli qeveritar mbi çdo media që ka një zë kritik ndaj qeverisë.’, theksoi Këlliçi.
    Deputeti demokrat akuzoi qeverinë se ka përdorur manovra për të shmangur debatin në Kuvend mbi këtë aferë.
    ‘Për këtë arsye, ditën e enjte në parlament, u desh të kalohej me urgjencë ligji për barazinë gjinore, pa asnjë konsultë paraprake, pa asnjë diskutim, vetëm të shuhej zhurma për vjedhjen e tunelit të Llogarasë. Për këtë arsye u refuzua interpelanca me Belinda Ballukun, nuk erdhi. Për këtë arsye nuk u lejua debati në sallën e parlamentit.’
    Në përfundim, Këlliçi theksoi se kjo aferë ‘ka shkuar kaq pranë kryeministrit’ sa përbën, sipas tij, ‘rastin e parë kur vetë kreu i qeverisë lidhet drejtpërdrejt me një skandal të përmasave të tilla’:
    ‘Ka tre javë që nuk vjen zëvendëskryeministrja në parlament se nuk ka çfarë të thotë, është e kapur në flagrancë… Dhe kjo është një situatë absurde në të cilën, për herë të parë, kemi një aferë që ka shkuar kaq pranë kryeministrit. Pra kjo është një aferë që e lidh drejtpërdrejt kryeministrin.’ tha ndër të tjera, Belind Këlliçi.

  • Berisha: Opozita do hapë platformën parlamentare para kryeministrisë ku do flasin deputetët dhe qytetarët

    Berisha: Opozita do hapë platformën parlamentare para kryeministrisë ku do flasin deputetët dhe qytetarët

    Kryetari i Partisë Demokratike, Sali Berisha, gjatë konferencës së sotme për shtyp ku akuzoi mazhorancën qeverisëse për shkatërrimin e parlamentarizmit dhe paralajmëroi nisjen e një faze të re të veprimit opozitar, hapjen e një platforme parlamentaro-qytetare përpara ndërtesës së Këshillit të Ministrave. Berisha tha se ‘narkomazhoranca ka kaluar në ekstrem’ duke e përjashtuar opozitën nga debati parlamentar. ‘Nga 9 seanca të zhvilluara, opozita është lejuar të diskutojë vetëm në një seancë. Kjo do të thotë asgjësim i parlamentit dhe parlamentarizmit,’ deklaroi ai.
    Sipas kryedemokratit Sali Berisha, ky është një shkelmim i Kushtetutës dhe i vetë rendit demokratik të vendit, ndërsa deputetët e opozitës ‘do t’i drejtohen qytetarëve përmes fjalës dhe debatit të lirë përpara Kryeministrisë’. ‘Opozita nuk do e bojkotojë parlamentin, por do zhvillojë betejën edhe brenda tij, edhe jashtë tij,’ theksoi kreu i PD-së.
    Kryetari i opozitës njoftoi gjithashtu se protestat kombëtare janë të vonuara, duke paralajmëruar se shumë shpejt Partia Demokratike do shpallë protestën e parë kombëtare. ‘Kjo është opozita e votës së dhunuar dhe kjo është mazhoranca e zgjedhjeve të vjedhura. Ftojmë të gjithë qytetarët që janë gati të luftojnë për votën e lirë kundër një regjimi që e ka konfiskuar dhe e ka blerë atë,’ theksoi kreu i PD-së, Sali Berisha. Sipas tij, qeveria ka përdorur ‘të gjithë potencialin shtetëror, financiar, logjistik dhe mediatik’ për të ndikuar dhe deformuar vullnetin e qytetarëve në zgjedhje. Kundërshtimi i ligjit për identitetin gjinor: ‘Familja është shtylla e kombit’.
    Gjatë fjalës së tij, lideri i opozitës Sali Berisha u shpreh se, me ligjin e miratuar mbrëmë në parlament, për identitetin gjinor ‘iu vu kazma familjes shqiptare’. ‘Në parlamentin e dhunës, të votës së vjedhur, votohet ligji në të cilin gjinia zëvendësohet me përkatësinë e shumëfishtë gjinore. Në të njëjtën ditë kur Gjykata Supreme e SHBA sanksionon dy gjini, mashkull dhe femër, Shqipëria miraton një ligj që shkon në drejtim të kundërt,’ deklaroi krydemokrati, Sali Berisha.
    Berisha akuzoi mazhorancën se e ka kaluar ligjin ‘pa debat, në mes të natës dhe në pabesi’, duke shkelur marrëveshjen për ta diskutuar në mënyrë transparente. Ai paralajmëroi se PD ‘nuk pajtohet me këtë ligj’ dhe do të përdorë të gjitha mjetet ligjore dhe kushtetuese për ta anuluar, përfshirë edhe inicimin e një referendumi kombëtar. Ai theksoi se kjo është një betejë për mbrojtjen e familjes tradicionale shqiptare, në bashkëpunim me ‘çdo besimtar dhe çdo prind që kërkon që fëmija i tij të edukohet në përputhje me gjininë me të cilën ka lindur.’
    Në vijim të fjalës së tij, kreu i PD-së Sali Berisha e cilësoi qeverinë si ‘narkoshtet’ që ka humbur çdo legjitimitet, duke u mbështetur te raportet ndërkombëtare për zgjedhjet e 11 majit. ‘Pavarësisht mbështetjes së këtij narkoshteti, raporti i ndërkombëtarëve rrëzoi legjitimitetin e qeverisë,’ tha Berisha. Ai shtoi se ‘Shqipëria është kthyer në rrezik kryesor për Europën me eksportin e kriminalitetit’, ndërsa kartelet shqiptare të drogës, sipas tij, ‘janë degë të karteleve të Amerikës Latine dhe ndër më të rrezikshmet në kontinent’.
    Gjatë konferencës, kryedemokrati Sali Berisha theksoi se opozita është e vendosur të vijojë betejën politike e qytetare me të gjithë forcën e saj. ‘Ne nuk nënshtrohemi. Ne do qëndrojmë me të gjithë potencialin dhe forcën tonë kundër këtij regjimi’. Kryetari i Partisë Demokratike, e cilësoi këtë betejë si një përballje për fëmijët, për familjet shqiptare dhe për miqtë e Shqipërisë, duke e paraqitur si një mision moral dhe kombëtar kundër regjimit të Edi Ramës.

  • Masa ekstreme pas shpërthimit të epidemisë së gripit të shpendëve

    Masa ekstreme pas shpërthimit të epidemisë së gripit të shpendëve

    Bota E Hënë, 3 Nëntor 2025 21:34
    Gati një milion krerë zogj janë eliminuar në Gjermani, ndërsa vendi përballet me një epidemi të rëndë të gripit të shpendëve. Instituti ”Friedrich Loeffler” (FLI) theksoi se përhapja e sëmundjes është tashmë e krahasueshme me atë të vitit të mëparshëm rekord 2021.
    “Ne patëm një fillim shumë të hershëm të valës së infeksioneve në vitin 2025 dhe tani duhet të presim dhe të shohim nëse ajo do të qetësohet më shpejt”, theksoi një zëdhënëse e agjencisë. Që nga fillimi i shtatorit, infeksionet me virusin shumë ngjitës të gripit të shpendëve H5N1 janë zbuluar në 66 ferma shpendësh në të gjithë Gjermaninë, me gati një milion zogj të therur si masë parandaluese.
    Përveç kësaj, gati 300 zogj të egër të ngordhur janë gjetur të infektuar me virusin e gripit të shpendëve. Sipas FLI, gripi i shpendëve preku gjithsej 286 ferma shpendësh, kopshte zoologjike dhe biznese private në vitin 2021. ”Më shumë se dy milionë kafshë ferme u vranë atë vit. Nëse infeksioni vazhdon të përhapet me të njëjtën ritëm, priten numra të ngjashëm deri në fund të vitit”, tha zëdhënësi.

  • BE del hapur në mbrojtje të SPAK, e cilëson institucion jashtëzakonisht të pavarur dhe e inkurajon të godasë pa…

    BE del hapur në mbrojtje të SPAK, e cilëson institucion jashtëzakonisht të pavarur dhe e inkurajon të godasë pa…

    Në ditën e dytë të takimit të 20-të të Komitetit Parlamentar të Stabilizim-Asociimit Shqipëri-Bashkimi Europian, i cili u mbajt dje në Tiranë, raportuesi i BE, Andreas Schieder, ka folur me superlativa për punën e Prokurorisë së Posaçme (SPAK). Ai ka theksuar në fjalën e tij se puna e këtij institucioni për BE rezulton e pavarur dhe shumë efikase, në luftën kundër korrupsionit dhe krimit të organizuar. Sipas Schieder, Prokuroria e Posaçme është në rrugën e duhur. “SPAK është një nga institucionet që është themeluar, është jashtëzakonisht i pavarur ligjërisht dhe në mënyrën e operimit të vet, unë jam politikan dhe gjithmonë kjo hapësirë kërkon diskutim, mirëpo duhet të pranojmë se institucionet e pavarura marrin vendimet e tyre, dhe në fund nuk është SPAK-u që i fut njerëzit në burg, por janë gjyqtarët që vendosin për rastet.
    Ka kritikë për numrin e kufizuar të personelit dhe kohëzgjatjes së mandateve, është çështje ku duhet punuar, ku bëhet fjalë për ndjekjen penale dhe paraqitjen apo thirrjen në gjykatë, lidhet me burimet dhe vështirësinë e rasteve”, deklaroi ai duke veçuar problematikat dhe progresin e bërë. Më tej ai nuk la pa përmendur raportin e OSBE/ODIHR-it për zgjedhjet e 11 majit. “Ka edhe probleme të tjera që janë adresuar në raportin e OSBE/ODIHR-it, ligji për zgjedhjet dhe transparenca që duhet të jetë te mediat, që duhet rregulluar. Po ashtu rregullorja për financimin e fushatave”, u shpreh Schieder.
    Integrimi i Shqipërisë në BE
    Po ashtu, Andreas Schieder, vlerësoi progresin e vendit dhe theksoi se procesi i integrimit europian duhet të përfshijë të gjithë territorin, jo vetëm kryeqytetin. Schieder theksoi gjatë fjalës së tij rëndësinë e zhvillimit rajonal dhe përmirësimit të standardeve të jetesës si pjesë thelbësore e afrimit me Bashkimin Europian. “E njoh Shqipërinë prej një kohe shumë të gjatë dhe kam parë shumë zhvillime që kanë ndodhur në këtë vend. Duhet ta vlerësojmë vendin për gjithë progresin që ka bërë deri tani. Nëse shikojmë Tiranën, shikojmë përmirësimin në standardin e jetesës, do të shikojmë sa është zhvilluar vendi vetëm në disa vite. Integrimi s’ka të bëjë vetëm me kryeqytetet, me Tiranën e Brukselin.
    Nuk ka të bëjë vetëm me Tiranën, por me gjithë vendin dhe zhvillimin në rajonet malore dhe rajonet e tjera. Politika sjell gjithmonë shumë çështje që mund të diskutohen. Kemi dëgjuar shumë, diskutuar shumë dhe kjo është e rëndësishme”, tha Schieder. Sakaq raportuesi i BE-së e përshkroi Shqipërinë si pararendëse të proceseve të integrimit, duke vlerësuar ecurinë e deritanishme të reformave dhe përpjekjet për të përmbushur standardet europiane. “Procesi i integrimit evropian është shumë i rëndësishëm dhe urime, ne do të themi që edhe Komisioni Evropian e ka quajtur Shqipërinë një pararendëse të proceseve. S’ka të bëjë vetëm me hapjen e kapitujve, por edhe me mbylljen e tyre.
    Gjithë ky ndryshim i shoqërisë dhe zbatimi është ajo që kuptojnë qytetarët, me politikat e huaja, luftën kundër korrupsionit, ekonominë, mjedisin, standardin e jetesës, por edhe ndryshimin e përgjithshëm në shoqëri dhe çfarë presin njerëzit nga PE. Është situata e Shqipërisë që e ka bërë këtë të mundur”, nënvizoi Schieder. Në fund të fjalës së tij, ai njoftoi se viti i ardhshëm do të sjellë raportin e ri për Shqipërinë, duke theksuar se një vit është “shumë i shkurtër për të përmbledhur të gjitha zhvillimet që priten”. “Bashkimi Europian nuk ka të bëjë vetëm me politikat, por me jetët e njerëzve,”, përfundoi Schieder.
    BE miraton procesin e Vettingut dhe SPAK-ut
    Ndërkohë dje në takimin e 20-të të Komitetit Parlamentar të Stabilizim-Asocimit Shqipëri – Bashkimi Europian, u lexua një rezolutë që mbështet ambicien e Shqipërisë për avancimin e negociatave të anëtarësimit. Veçanërisht theksohet progresi në hapjen e disa kapitujve negociues gjatë vitit të kaluar, me shpresën për të përfunduar vitin me hapjen e kapitullit të fundit. Rezoluta gjithashtu vlerëson përshtatjen e Shqipërisë me politikat e jashtme dhe të sigurisë së BE-së dhe e inkurajon avancimin në luftën kundër korrupsionit dhe krimit të organizuar. Deputetja demokratike Jorida Tabaku theksoi domosdoshmërinë e përparimit në rrugën europiane të vendit, duke e quajtur atë si të ardhmen e Shqipërisë. Andreas Schieder, raportues për Shqipërinë në Parlamentin Europian, vuri në dukje progresin në shtetin ligjor, por theksoi gjithashtu nevojën për hetimin e zyrtarëve të lartë për korrupsion, duke e cilësuar këtë si një problem të vazhdueshëm.
    Ai e përshëndeti miratimin e strategjisë antikorrupsion dhe e vlerësoi SPAK si një institucion të pavarur. Nga ana e tij, Gazment Bardhi akuzoi qeverinë shqiptare për dështim në luftën ndaj korrupsionit, duke përmendur zv/kryeministren Belinda Balluku, e cila është nën hetim për shkelje të ligjit në tendera. Ai e vlerësoi të vështirë arritjen e suksesit në këtë qeverisje dhe kritikoi zgjedhjet si jo të lira dhe të barabarta. Ndërsa socialisti Ulsi Manja pranojë që, ndonëse ka pasur suksese në forcimin e shtetit të së drejtës, shumë sfida mbeten. Ai kritikoi opozitën për t’i dhënë Shqipërisë një imazh negativ dhe theksoi se kanë përgjegjësinë për mbylljen e kapitujve të negociatave. Takimi përfundoi me një deklaratë të përbashkët të bashkëkryetarëve, Balla dhe Tarkuinio, ndërsa opozita bëri të qartë se nuk ishte miratuar ndonjë deklaratë konsensuale.

  • Nard Ndoka: Nuk ka garë në PD për sa kohë kandidon Sali Berisha 

    Nard Ndoka: Nuk ka garë në PD për sa kohë kandidon Sali Berisha 

    Kreu i Partisë Demokristiane Nard Ndoka ka ngritur akuza ndaj liderit demokrat Sali Berisha në “Off the Record” me Andrea Dangllin në A2 CNN, për kodin zgjedhor, por rezerva shprehu edhe për rikandidimin e kryedemokratit në zgjedhjet për kreun e PD-së. Gjatë debatit në studio, Ndoka theksoi se  nuk ka garë në PD për sa kohë kandidon Sali Berisha. Sipas tij kjo ndodh për shkak të sistemit dypolar dhe mosfunksionimit të partisë. 
    “Lideri i opozitës nga ana tjetër thotë do të jem në garë, por hap garën për të tjerët. Çfarë gare hapet tek ajo parti kur është ai në garë ai. Ti mendon që mund të ketë ndonjë kandidat që të dalë përballë Berishës. Nuk kemi demokraci funksionale. Ne kemi liderë që vendosin veten, e emërojnë në krye të kupolës demokratike. Ne flasim për sistem dypolar me dy parti antidemokratike se nuk respektojnë votën e tyre”. 
    Në A2 CNN, Ndoka theksoi se “Shqipëria ka nevojë për alternativë përfaqësuese më shumë se një që vjen nga komunizmi dhe tjetra që është pjellë e saj që ka përgjegjësi politike për 30 vjet. Mos godasim pluralizmin, se nuk është problemi ynë personal”. 
     
     
     
     

  • Rrëfimi emocional i moderatorit për betejën me ish-partneren: S’më lejon ta shoh djalin, po shfrytëzon faktin që është autik

    Rrëfimi emocional i moderatorit për betejën me ish-partneren: S’më lejon ta shoh djalin, po shfrytëzon faktin që është autik

    Moderatori i njohur Meriton Mjekiqi ka ndarë një rrëfim të ndjeshëm për raportin me djalin e tij, i cili ndodhet në spektrin e autizmit. Në një intervistë të fundit, ai u shpreh se nuk ka mundur ta takojë të birin për një kohë të gjatë, duke akuzuar ish-partneren e tij, Egestën, se po e mban larg me qëllim.

    “Djali po rritet çdo ditë, por unë nuk kam asnjë kontakt. Ajo ka ndërruar numrin e telefonit, nuk kam asnjë mënyrë për ta parë ose për të marrë vesh si është. Ai tashmë ka mbushur 7 vjeç dhe më mungon jashtë mase,” – tha Mjekiqi.
    Moderatori tregoi se përplasjet gjyqësore vazhdojnë, ndërsa theksoi se do të kërkojë deri në fund të drejtën e tij për të qenë pranë të birit.

    “Nuk është normale të mos shoh djalin për 2 ose 6 vite. Edhe nëse nuk jemi më bashkë, kjo nuk duhet të ndikojë në marrëdhënien babë e bir. Unë dua vetëm të jem afër tij,” – shtoi ai.
    Mjekiqi theksoi se situata është edhe më e ndërlikuar për shkak të gjendjes së djalit, duke nënvizuar se kjo po përdoret si mjet për ta lënduar.

    “Ajo po shfrytëzon faktin që djali është autik. Ai komunikon më ndryshe dhe kjo e bën gjithçka më të vështirë. Kjo situatë po më lodh shumë, por nuk do të dorëzohem,” – përfundoi moderatori, i cili theksoi se pavarësisht gjithçkaje, e vlerëson ish-partneren si “nënë të shkëlqyer”.

  • “Mjaft me luftëra dhe grumbuj të vdekurish”/ Apeli i Papa Leo XIV: Bota ka etje për paqe!

    “Mjaft me luftëra dhe grumbuj të vdekurish”/ Apeli i Papa Leo XIV: Bota ka etje për paqe!

    “Mjaft luftërave!” Është ky ishte apeli i Papa Leo XIV gjatë takimit të Sant’Egidio Sant’Egidio në Koloseun e Romës. “Bota ka etje për paqe, ka nevojë për një epokë të vërtetë dhe të fortë pajtimi, e cila i jep fund abuzimit të pushtetit, shfaqjeve të forcës dhe indiferencës ndaj drejtësisë. Mjaft luftërave, me numrin e tyre të dhimbshëm të vdekjes, shkatërrimit dhe mërgimit!” tha ai në ceremoninë te Koloseu, së bashku me udhëheqës të besimeve të tjera të krishtera. 
    Sipas kreut të Vatikanit, lutja është një forcë e madhe për pajtim, teksa bëri thirrje që feja të mos përdoret për dhunë apo urrejtje. 
    “Lutja është një forcë e madhe për pajtim. Ata që nuk luten e abuzojnë fenë, madje edhe për të vrarë. Jo fjalë të bërtitura, jo sjellje të ekzaltuara, jo slogane fetare të përdorura kundër krijesave të Zotit. Ne kemi besim se lutja ndryshon historinë e popujve”, theksoi ai. 
    Duke kujtuar fjalët e Papa Françeskut, ai kërkoi që fetë të mos bëhen instrumente të nacionalizmit apo populizmit. “Mjerë ata që përpiqen ta tërheqin Zotin në luftëra,” theksoi Papa. 
    “Lufta nuk është kurrë e shenjtë, vetëm paqja është e shenjtë, sepse ajo është e vullnetit të Zotit!” vazhdoi Papa, duke kujtuar fjalët e Papa Françeskut: “Ne duhet t’i distancojmë fetë nga tundimi për t’u bërë instrumente për të nxitur nacionalizmin, etnizmin dhe populizmin. Luftërat bëhen më të hidhura. Mjerë ata që përpiqen ta tërheqin Zotin në luftëra!” 
    Ai u bëri thirrje udhëheqësve politikë që të vendosin paqen mbi çdo interes. 
    “Përfundimi i luftës është detyrë e të gjithë politikanëve para Zotit. Paqja është përparësia e të gjitha politikave, dhe Zoti do t’i mbajë përgjegjës ata që nuk kanë kërkuar paqe ose kanë nxitur tensione dhe konflikte, çdo ditë, muaj dhe vit lufte”, theksoi Papa. 
     
     
     
     

  • Gonzato mesazh politikës shqiptare: Integrimi kërkon unitet dhe reforma reale

    Gonzato mesazh politikës shqiptare: Integrimi kërkon unitet dhe reforma reale

    Ambasadori i Bashkimit Europian, Silvio Gonzato mori pjesë sot në takimin e 20-të të Komitetit Parlamentar të Stabilizim-Asociimit Shqipëri–BE, ku theksoi se qeveria shqiptare ka një agjendë tejet ambicioze për integrimin në Bashkimin Europian.
    Në fjalën e tij Gonzato tha se “takimi i sivjetshëm i Komisionit të Stabilizim-Asociimit, Shqipëri-BE, zhvillohet në një moment vendimtar të rrugëtimit të Shqipërisë drejt anëtarësimit të Shqipërisë në BE.
    Pas zgjedhjeve të majit kemi tashmë një parlament të ri dhe një qeveri të re, e cila i ka vendosur vetës një agjendë ambicioze për anëtarësimin në BE”.
    “Ashtu siç e tha edhe kryetari i Kuvendit, Peleshi, kjo është një ambicie e të dyja palëve, pra anëtarësimi në BE mbetet një objektiv kombëtar i përbashkët dhe gëzon mbështetje të gjerë në gjithë spektrin politik.
    Kjo është një çështje shumë rëndësishme sepse në fakt i anëtarësimi është një proces shndërrues që kërkon angazhim dhe përkushtim nga të gjithë sektorët e shoqërisë dhe përfaqësuesit e tyre të zgjedhur”, nënvizoi Gonzato.
    Kreu i BE-së tha se “arsyeja e kësaj mbështetje të gjerë politike është e thjeshtë sepse integrimi në BE pasqyron aspiratën e më shumë  90% të qytetarëve shqiptarë dhe për të përmbushur këtë pritshmëri kërkohet kontributi konstruktiv i të gjitha forcave parlamentare me synim për të arritur këtë objekt të përbashkët kombëtar”.
    Tashmë, vijoi Gonzato, Shqipëria ka hapur 5 nga 6 grup-kapitujt negociues dhe puna po vazhdon për të hapur grupimin e fundit mbi bujqësinë përpara fundit të këtij viti.
    “Ky është një sukses i qartë për Shqipërinë, por është vetëm fillimi, sepse në fakt është fundi i fillimit. Mbyllja e kapitujve është një ushtrim shumë më i vështirë sesa hapja e tyre.
    Aktualisht vëmendja është përqendruar tek përmbushja e piketave të përkohshme, me objektivat e ndërmjetme që shtetet anëtare i kanë përcaktuar Shqipërisë si prova e vendosmërisë së saj për reformat e nevojshme”, theksoi Gonzato.
    Këto kritere, shtoi Gonzato, janë pjesa themelore që duhet të plotësojë një vend aspirant dhe janë aq të rëndësishme sa pa përmbushjen e tyre asnjë kapituj me asnjë grup-kapitull nuk mund të mbyllet përkohësisht.
    “Plotësimi i këtyre kritereve të përkohshme që janë quajtur piketa të përkohshme do të jetë një provë kyçe e vendosmërisë së Shqipërisë”, tha Gonzato.
    Më tej Gonzato theksoi se “është shumë e rëndësishme që institucionet e pavarura të drejtësisë duhet të përditësojnë procedurat e tyre të brendshme dhe të marrim masa që të kenë burime të mjaftueshme për të vijuar kontrollet dhe integritetin dhe aftësitë në përputhje me standarde të rivlerësimit”.

  • Buxhetimi me pjesëmarrje, kryebashkiaku Llatja: Investime të reja për sportin dhe të rinjtë e Elbasanit

    Buxhetimi me pjesëmarrje, kryebashkiaku Llatja: Investime të reja për sportin dhe të rinjtë e Elbasanit

    Buxhetimi me pjesëmarrje ka sjellë edhe këtë vit një fokus të veçantë mbi sportin, ku kryebashkiaku Gledian Llatja zhvilloi një takim të gjatë me trajnerë, sportistë dhe përfaqësues të 15 klubeve të qytetit. Në prani të sportistëve dhe trajnerëve, Llatja foli për arritjet e këtij viti dhe për nevojën për përmirësim të vazhdueshëm në çdo aspekt të aktivitetit sportiv.
    Ai theksoi se kërkesat e trajnerëve dhe sportistëve janë mirëpritur, por puna vazhdon dhe sfidat nuk kanë përfunduar. Strategjia e klubeve, sipas tij, është e qartë, status i OJF-ve, masiviteti sportiv dhe krijimi i ekipeve zinxhir që garantojnë pjesëmarrje dhe zhvillim të të rinjve.

    “Janë realizuar shumë aktivitete brenda 15 klubeve, ku janë arritur rezultate pozitive dhe janë shpallur kampione në disa disiplina”, tha ai. Ai shtoi se kushtet për sportistët janë përmirësuar ndjeshëm, duke përfshirë buxhetin për trajtime ushqimore, bazë materiale dhe nevoja të tjera, ndërkohë që përparime janë bërë edhe në anën shëndetësore.

    Objektivat për këtë vit, sipas kryebashkiakut, përfshijnë realizimin e aktiviteteve lokale, përgatitjen për aktivitetet ndërkombëtare në volejboll, ping-pong, boks dhe karate, si dhe organizimin e edicionit të katërt të “Dekorimit të Figurave”, një aktivitet që promovon talentet e rinj.Llatja theksoi se “ bashkia ka bërë punë të mira për sportet, por nevojat janë gjithmonë të mëdha”.

    Ai falenderoi trajnerët për kontributin dhe angazhimin e tyre dhe theksoi se mbështetja për sportin nuk do të mungojë kurrë.
    Ndërsa u ndal tek investimet ai e vuri thkesin tek investimet e fundit tw cilat kanë përfshirë shtimin e palestrave dhe terreneve sportive në shkollat “Kostandin Kristoforidhi”, “Onufri”, “Jorgji Dilo”, rikonstruksione të palestrave ekzistuese dhe terreneve në shkollat “Luigj Gurakuqi”, ndërsa do të ndërtohet një terren i ri sportiv në lagjen Partizani. Po ashtu, investime po kryhen në terrenet e “Dhaskal Todri”, “Naim Frashëri” dhe do të krijohet një ambient i mbyllur sportiv për shkollën “Qamil Guranjaku”.
    Kryebashkiaku foli edhe për kërkesat konkrete të klubeve.“Në basketboll, pjesa më e madhe e kërkesave lidhet me financimin e dëmtimeve të lojtarëve dhe sigurinë e sportistëve të huaj, përfshirë nevojat për fjetje dhe ushqim. Në atletikë, ekipi po stërvitet në stadium pas një periudhe njëvjeçare dhe gjysmë, por ka vështirësi për sportistët që merren me shtizë dhe për stërvitjen në palestër një herë në javë.
    Në ping-pong, sfida kryesore mbetet punësimi i trajnerëve dhe mbulimi i ekipeve për transport, pasi janë shumë ekipe dhe nuk mbulohen lehtësisht. Për sportistët elitë dhe të kombëtares, do të ketë një vlerësim të veçantë financiar për të siguruar kushtet optimale” nënvizoi Llatja.Në fund, kryebashkiaku theksoi se sportet do të mbështeten gjithmonë, por ato duhet të japin rezultat.“Nuk do të mbajmë më sporte nëse nuk ka rezultate dhe nëse nuk plotësohen pritshmëritë. Modeli që kemi krijuar me organizatat OJF do të mundësojë edhe financim nga bizneset, përmes ligjit të sponsorizimeve që pritet të miratohet. Mbështetja nuk do të mungojë, por sportet duhet të sjellin rezultat,” u shpreh ai.Ai gjithashtu bëri të ditur se për shumë disiplina po ndërtohen terrene sportive të reja në një investim prej 1.7 milionë eurosh, në një sipërfaqe prej 22 mijë metrash katrorë, në kuadër të projektit “Parku Dua të Luaj”.
    Takimi tregoi qartë se puna e klubeve dhe e bashkisë ka sjellë rezultate të prekshme, por sfidat dhe kërkesat për përmirësime do të mbeten pjesë e strategjisë për vitet e ardhshme, duke u siguruar që sportistët e rinj të kenë hapësira, infrastrukturë dhe mbështetje për të zhvilluar talentin e tyre.