Deputetja e Partisë Socialiste, Klodiana Spahiu, gjatë një interviste televizive, ka diskutuar mbi përbërjen e listës së kandidatëve për zgjedhjet e ardhshme. Deputetja theksoi rëndësinë e përfaqësimit të kuotës gjinore dhe praninë e të rinjve dhe përfaqësuesve nga diaspora.
Sipas Spahiut, lista e kandidatëve është përgatitur me kujdes për të siguruar një balancë të mirë midis përfaqësuesve të rinj dhe atyre me përvojë. “Ne kemi një listë që është e hapur dhe e mbyllur, e cila siguron përfaqësimin e duhur të gjinive. Kjo është një arritje e rëndësishme për ne dhe tregon angazhimin tonë për të siguruar që të gjithë zërat të dëgjohen”, shpjegoi ajo.
Ajo gjithashtu theksoi se PS ka përfshirë në listën e saj përfaqësues nga diaspora, duke nënkuptuar se ata që jetojnë jashtë Shqipërisë kanë një rol të rëndësishëm në formësimin e politikave që i prekin shqiptarët kudo. “Përfaqësimi i diasporës në listën tonë të sigurt është një hap i rëndësishëm për të ruajtur lidhjet me ata që jetojnë jashtë dhe për t’i angazhuar ata në procesin politik të vendit”, tha Spahiu.
Spahiu gjithashtu përmendi se në listën e hapur janë deputetë aktualë që kanë dëshmuar angazhimin e tyre për qytetarët dhe që dëshirojnë të vazhdojnë karrierën e tyre politike. “Ky është një tregues se kemi vlerësuar punën e deputetëve tanë, dhe ne jemi të bindur se ata do të vazhdojnë të kontribuojnë në mënyrë pozitive për zhvillimin e vendit”, theksoi ajo.
Tag: theksoi
-
“Zgjedhjet e 11 majit”/ Deputetja Spahiu: Lista e kandidatëve, përfaqësimi i duhur
-
Lulzim Basha ankohet: ”PD dhe PS na vodhën programin”
Lulzim Basha zhvilloi këtë të mërkurë një takim elektoral me mbështetësit në Njësinë nr. 8 në Tiranë. Teksa iu drejtua me mesazh direkt Ramës, theksoi se ai po i shmanget prej disa javësh pyetjes se ku i ka shokët.
”Rama ka 1 muaj që nuk tregon se ku i ka shokët. Korrupsioni pengon zhvillimin e vendit, ai premtoi 300 mijë vende pune, shëndetësi falas dhe dëboi shqiptarët. Shqipëria 313 është projekti i vërtetë i Ramës. I futi për herë të dytë në kolaps pronarët e pronave. Korrupsioni shkaku kryesor i braktisjes e boshatisjes së vendit. Solli kriminelët, hajdutët, të korruptuarit, përdhunuesit në pushtet”, tha Basha.Nga ana tjetër, ai ironizoi politikisht Ramën, duke nënvizuar se për t’i shpëtuar situatës së vështirë politike, shpiku edhe bufin e kënetës dhe gogolin për shqiptarët.Basha theksoi se ”Kemi programin më të mirë, i vlerësuar edhe nga ndërkombëtarët. Tani pas censurës së tij, po e kopjojnë si kopjacë të vërtetë, e marrin me copa dhe e shfaqin si të tyrin. Nuk ka vezë qyqesh në mesin tonë, si te partitë e rrangallave të korrupsionit, pra kush merr vota më shumë shkon në Parlament”.
-
Posti i ambasadorit në OKB/ Grenell i thotë “jo” Trump, reagon i dërguari për misionet speciale
Richard Grenell, i dërguari i Presidentit Donald Trump për misionet speciale dhe ish-ambasador i SHBA-së në Gjermani, ka deklaruar se nuk ka asnjë interes për të pasur postin e ambasadorit të SHBA-së në Kombet e Bashkuara.
Në një intervistë në “Newsmax”, Grenell tha se kjo mundësi nuk ishte “diçka që ai dëshironte të bënte”.
Grenell, i cili ka shërbyer si ambasador në Gjermani për dy vjet gjatë administratës Trump, u shpreh se ai kishte shumë gjëra të tjera për të bërë dhe se ky post nuk ishte pjesë e planeve të tij të ardhshme. Ai theksoi gjithashtu se ishte i njohur me punën e OKB-së dhe se kishte interes për këtë organizatë, por që nuk dëshironte të merrej me atë detyrë në këtë moment të jetës së tij.
Shtëpia e Bardhë tërhoqi më herët të enjten nominimin e Elise Stefanik, përfaqësuese e Nju Jorkut, për postin e ambasadores së SHBA-së në OKB. Ky veprim u pasua me spekulime mediatike se ajo do të zëvendësohej nga Richard Grennell, por ai tha se presidenti Trump kishte shumë opsione të tjera për të zgjedhur një ambasador të ri dhe se ai do të zgjidhte dikë të kualifikuar për këtë pozicion.
Megjithatë, Grenell theksoi se ai do të vazhdonte të shërbente në pozita të tjera, siç është roli i tij në Qendrën Kennedy, dhe se nuk kishte plane të ndryshonte pozicion. “Është e vështirë të thuash jo, por unë jam I bindur se presidenti do të zgjedhë kandidaturën më të mirë”, theksoi Grenell.Top Channel
-
“SHBA riktheheu mbështetjen për SPAK”, Basha: Rama festoi para kohe largimin e “ushtarëve amerikanë”
Në intervistën për emisionin Context në ATV Kosova, drejtuesi politik i Koalicionit Euroatlantik, Lulzim Basha, theksoi rëndësinë e luftës kundër korrupsionit dhe mbështetjes për SPAK. Ai kritikoi ashpër kryeministrin Edi Rama, duke kujtuar se, nën një ton ngazëllimi, ky i fundit kishte deklaruar: “Amerika i tërhoqi ushtarët nga SPAK-u”. Por sot, siç theksoi Basha, mediat shqiptare kanë publikuar lajmin se administrata e ish-presidentit Donald Trump ka rikthyer fuqishëm mbështetjen e specializuar për SPAK, duke e konsideruar luftën kundër korrupsionit një prioritet të sigurisë kombëtare të SHBA.
“Ky është një lajm i mrekullueshëm për shqiptarët dhe për Shqipërinë. Fundi i pandëshkueshmërisë për politikanët e korruptuar është kusht i panegociueshëm për zhvillimin ekonomik dhe reputacionin ndërkombëtar të vendit”, deklaroi Basha.
Ai theksoi se Koalicioni Euroatlantik është e vetmja forcë politike që ka mbështetur me vepra – dhe jo me fjalë – SPAK-un. Basha përmendi projektligjet e depozituara prej më shumë se një viti në Kuvend, të cilat synojnë forcimin e SPAK, vettingun e politikanëve dhe heqjen e imunitetit parlamentar, por që, sipas tij, janë bllokuar nga mazhoranca.
“Prej një viti e gjysmë qëndrojnë në sirtarët e Parlamentit propozimet tona për t’i dhënë më shumë fuqi ligjore SPAK. Nuk guxojnë as ta fusin në rend të ditës, jo më ta votojnë”, tha ai.
Basha foli edhe për standardin që ka vendosur Koalicioni Euroatlantik për kandidatët: secili prej tyre ka firmosur një formular për pastërtinë e figurës dhe është i vendosur në lista të hapura, në dispozicion të votës së qytetarëve dhe të kontrollit të ligjit.
“Ndryshe nga listat e mbyllura të partive të tjera që janë kthyer në streha për politikanë të korruptuar, ne kemi njerëz që nuk kanë frikë nga hetimet dhe nga fundi i pandëshkueshmërisë. Rama dhe Berisha kanë ndërtuar mburoja për veten dhe për të korruptuarit që i rrethojnë, ndërsa ne punojmë për interesin publik dhe për drejtësinë. Sepse interesi më madhor i shqiptarëve është shteti i së drejtës, zbatimi i ligjit dhe lufta e pakompromis kundër korrupsionit”, u shpreh Basha. -
Berisha e akuzoi për falsifikim dokumentesh, Ardit Bido: E kam nxjerrë blof me fakte
Kandidati i PS për qarkun e Vlorës, Ardit Bido, ka reaguar ndaj akuzave të kryetarit të PD, Sali Berisha, i cili e akuzoi për falsifikim dokumentesh arkivore. Gjatë një interviste televizive, Bido shpjegoi se akuzat e Berishës janë të pasakta dhe theksoi se ai ka vërtetuar me dokumente që ato nuk janë të vërteta.
“Fredi Beleri dhe Berisha më akuzuan për falsifikim të një dokumenti arkivor që është mikrofilmuar që nga viti 2001, por Berisha doli blof,” tha Bido. Ai theksoi se Berisha e kishte akuzuar atë për të qenë ende drejtor i arkivave, ndërkohë që ai nuk ka qenë në këtë detyrë prej kohësh, dhe Bido e ka dokumentuar këtë me prova.
Bido gjithashtu e komentoi këtë si një tentativë të opozitës për të sulmuar ata që mund të paraqiten si pengesë për ta në Parlament. “I falënderoj për këto sulme, sepse unë kam nxjerrë blof me dokumente,” shtoi ai.
Në lidhje me procesin e anëtarësimit të Shqipërisë në Bashkimin Europian, Bido tha se vendi ka mundësinë të bëhet anëtar i BE në vitin 2027, duke theksuar se një fitorja e PS-së në zgjedhjet e 11 majit është kyçe për realizimin e këtij objektivi. Ai shtoi se, nëse PD fiton, do të dëmtonte procesin e reformës në drejtësi dhe do të shkaktonte destabilitet politik.
I pyetur nëse Greqia mund të jetë pengesë për anëtarësimin e Shqipërisë në BE, Bido tha se nuk beson se Greqia do të bllokojë Shqipërinë dhe theksoi se vendet e BE-së, përfshirë SHBA-në, janë të angazhuara për zgjerimin e unionit dhe mbështesin anëtarësimin e Shqipërisë dhe Malit të Zi. Ai kritikoi gjithashtu Berishën për mbështetjen ndaj njerëzve të akuzuar nga Greqia dhe për ngjarjet e fundit që ndodhën gjatë takimit të tij në Greqi, ku flamuri grek ishte i pranishëm dhe flamuri shqiptar ishte dytësor. -
‘Lista e hapur, pikturë sureale e ngjyrave të Ramës’, Majko: Gara elektorale, më e ashpër se në 2021
Deputeti socialist, Pandeli Majko, komentoi mesazhet e qarkulluara në grupet e WhatsApp-it lidhur me fushatën zgjedhore, duke pohuar se ato janë të vërteta dhe janë procedura që janë kërkuar edhe në vitin 2021. Majko theksoi se gara e këtij viti është më e ashpër dhe ka 37 kandidatë, duke e bërë konkurrencën më të ngushtë.
“Është mesazh i vërtetë. Është procedurë që e ka kërkuar dhe ka ekzistuar edhe në 2021. Gara tani është dhe më e ashpër se janë 37 kandidatë. Nga pikëpamja e konkurencës është e veçantë,” tha Majko. Ai theksoi se është e rëndësishme që votuesit të kuptojnë fushatën personalizuar që PS po zhvillon.
Sa i përket listës së hapur, Majko e cilësoi atë si një “pikturë sureale”, duke shtuar se kjo është një metodë që kërkon të arrijë të gjitha shtresat e shoqërisë. “Po të shohësh nga afër kërkon të penetrojë në të gjitha shtresat,” tha ai, duke nënkuptuar se ky është një proces kompleks dhe gjithëpërfshirës.
Majko gjithashtu përmendi faktin se përballë 37 kandidatëve, PS mund të përballet me surpriza në zgjedhje. Ai theksoi rëndësinë e ndarjes së burrave dhe grave në lista, me gra që janë më të sigurtë në listat e sigurta, ndërkohë që burrat mund të kenë një ngarkesë më të madhe.
“Po përpiqemi të mbledhim vota me njerëzit më të mirë dhe që jemi një formacion në sulm që kemi vetësiguri,” shtoi Majko, duke theksuar se një prej objektivave të fushatës është të rimarrë besimin e atyre që mund të kenë humbur lidhur me qeverisjen në 12 vitet e kaluara. -
Berisha njofton: Fushata elektorale do të hapet me 11 prill në Tiranë. Në 11 Maj, shqiptarët do votojnë origjinalin, jo kopjen
Kryetari i Partisë Demokratike, Sali Berisha ka zbuluar datën dhe orën e hapjes së fushatës për zgjedhjet e 11 Majit. Kryedemokrati u shpreh se, në 11 prill ora 19:00 fushata do të hapet në Sheshin ‘Nënë Tereza’ në Tiranë, në hapjen me të bukur dhe për këtë ka kërkuar angazhimin e maksimal të të gjithëve drejtuesve dhe anëtarëve të partisë.
“Secili nga ju duhet të bëjë më të mirën që të bëhet edhe hapja më e bukur dhe më e mirë që kemi bërë ndonjëherë në Shqipëri. Do vijnë edhe përfaqësues nga diaspora, do jetë një hapje madhështore”, theksoi Berisha.
Që në nisje të fjalës së tij në takimin me të deleguarit politik dhe kryetarët e degëve të PD në Shqipëri, Berisha u shpreh se ‘demokratët janë 1-shat e Shqipërisë’.
Berisha theksoi se, kandidatët e ‘PD Aleanca për Shqipërinë Madhështore’ e kanë për detyrim paraqitjen e projektit/programit të realizuar në bashkëpunim me ekspertizat më të mira të Amerikës dhe Gjermanisë.
“Është programi që ka pasur mbështetjen dhe ndihmën e madhe të dy fondacioneve më prestigjioze të konservatorizmit në botë, fondacionit Heritage dhe fondacionit Adenauer.
Pra, ne kemi një avantazh të madh në këto zgjedhje sepse ne shkojmë me një projekt shumë të qartë, me një ëndërr dite shumë të bukur për Shqipërinë dhe shqiptarët”, theksoi Berisha.
Kryetari i Partisë Demokratike e vuri theksin e fjalës së tij, në programin e realizuar nga PD. Gjatë takimit me të deleguarit politik dhe kryetarët e degëve, Berisha u shpreh se, në 11 Maj, shqiptarët do të votojnë origjinalin dhe jo kopjen.
“Në një suicid elektoral politik, mendoi të gjejë strehë të programi elektoral i PD, duke faktuar me këtë se ai ishte pa asnjë program vetë, së pari.
Kështu që shqiptarët, kësaj pyetje do i japin një përgjigje më 11 maj, përgjigja do votojnë origjinalin, jo mashtrimin, jo kopjen, jo falsifikimin”, theksoi Berisha. -
“Koalicioni Euroatlantik në krah të familjeve”/ Basha: Çdo ditë në çdo lagje, rrugë e rrugicë për të dëgjuar qytetarët
Drejtuesi politik i Koalicionit Euroatlantik, Lulzim Basha, i shoqëruar nga kandidatet për deputete të Njësisë 10, zhvilloi disa takime me qytetarët dhe bizneset e kësaj zone në kryeqytet. Ai theksoi se shqiptarët kërkojnë një qeveri që u shërben atyre, jo një pakice të lidhur me pushtetin.
Basha prezantoi angazhimet kryesore të programit: taksë e sheshtë 9%, heqje taksash për biznesin e vogël, mbështetje për shtresën e mesme dhe fondi për mirëqenien e familjes që përfshin ndihmë për bebet, çiftet e reja dhe familjet në nevojë.
Në qendër të këtij programi qëndron familja shqiptare. Basha theksoi se është koha që qeveria të rikthejë sytë ndaj familjes si themel i shoqërisë, jo vetëm me fjalë, por me mbështetje konkrete. Paratë e taksapaguesve nuk do të shkojnë më për koncesione të dyshimta, por për mirëqenien e familjeve shqiptare, përmes një fondi të posaçëm që mbulon nga lindja e fëmijës, mbështetjen për fëmijën e tretë, e deri te subvencionimi i interesave për blerjen e shtëpisë për çiftet e reja. Programi përfshin edhe ndihmën ekonomike të dyfishuar për familjet në nevojë, pagesë të barabartë me 70% të pagës minimale për personat me aftësi të kufizuara dhe mbështetje të drejtpërdrejtë për gratë sipërmarrëse dhe ato që punojnë në sektorin artizanal apo bujqësor.
Basha premtoi zgjidhje përfundimtare për çështjen e pronës, përmes një skeme të re të kompensimit me obligacione shtetërore, brenda dy viteve të para të qeverisjes. Në mbyllje, Basha theksoi se ai dhe ekipi i Koalicionit Euroatlantik do të jenë çdo ditë pranë njerëzve, në çdo lagje dhe rrugicë, për të dëgjuar qytetarët dhe për t’iu ofruar zgjidhje të vërteta. -
“Zotohem se energjia do të paguhet me 6 lekë”/ Berisha takim me bizneset: Shqipëria do të ketë çmimin më të lirë
Në fjalimin e tij, Sali Berisha theksoi angazhimin e qeverisë për të ulur çmimin e energjisë elektrike për biznesin në 6 lekë, duke garantuar se Shqipëria do të ketë çmimin më të ulët të energjisë në Europë. Ai theksoi se kjo masë do të rikthehet fuqishëm për të krijuar mundësi të mëdha investimesh dhe për të lehtësuar aktivitetin e biznesit, duke i dhënë kështu një shtysë ekonomisë shqiptare. Berisha theksoi se ky nuk është një hap i ri, por një rikthim në politikën e mëparshme që ka mbajtur çmimet të ulëta për të mbështetur zhvillimin e biznesit.
“Jam këtu për tu zotuar se energjia elektrike do të paguhet me 6 lekë. Shqipëria do të ketë çmimin më të lirë të energjisë në Europë për biznesin, ne e kemi patur, nuk është se po bëjmë diçka të re, do ta rikthejmë sërish fuqishëm në mënyrë që ti japim hapësirë më të madhe investimeve, por edhe të lehtësojmë biznesin”, tha Berisha. -
Ministri Britanik: Britania e Madhe dënon lëvizjet ekstremiste të Dodikut
Ministri britanik për Evropën dhe Amerikën e Veriut, Stephen Doughty, deklaroi se Britania e Madhe dënon seriozisht lëvizjet ekstremiste të presidentit të Republikës Srpska (RS) Milorad Dodik, të cilat, siç vlerësoi ai, kërcënojnë seriozisht sovranitetin dhe integritetin territorial të BeH.
“Këto lëvizje janë antikushtetuese dhe të rrezikshme, veçanërisht për ata që jetojnë në Republika Srpska, të cilët ai pretendon se i mbron. Mbretëria e Bashkuar është plotësisht e përkushtuar ndaj Marrëveshjes së Dejtonit, si një nga garantuesit që respekton institucionet e të dy entiteteve dhe mbështet BeH si një shtet sovran dhe politikisht i pavarur,” tha Doughty në një debat parlamentar në Britani
Ministri britanik, siç raportojnë mediat e Sarajevës, u ka kujtuar deputetëve se aktgjykimi i shkallës së parë të Gjykatës së BeH kundër Dodikut është dhënë për moszbatim të vendimeve të Përfaqësuesit të Lartë.
“Britania e Madhe qëndron qartë pas Përfaqësuesit të Lartë në BeH, pozicioni i të cilit është i padiskutueshëm dhe refuzimi i vendimeve të tij të pavarura minon sundimin e ligjit në BeH,” theksoi ai.
Ai i quajti vendimet e Asamblesë Kombëtare të RS, të cilat ndalojnë punën e disa institucioneve shtetërore gjyqësore dhe agjencive policore në territorin e atij entiteti, kundër Dejtonit, duke paralajmëruar se ky është “një përshkallëzim serioz që kërcënon sovranitetin dhe integritetin territorial të BeH”.
Ai shtoi se Dodik “po rrit intensitetin e sulmeve ndaj shtetit dhe në këtë mënyrë rrit mundësinë e minimit të sigurisë ndërkombëtare.”
“BeH ka institucionet dhe mekanizmat për t’iu përgjigjur kësaj dhe ne mbështesim çdo përgjigje që do t’i jepte fund kësaj krize,” theksoi mi ministri britanik.
Ai theksoi se ka unitet në bashkësinë ndërkombëtare për, siç theksoi, lëvizjet antikushtetuese të Dodikut, duke theksuar se ekziston mundësia e bashkëpunimit me Bashkimin Evropian për çështjet e politikës së jashtme, e me këtë edhe kthimin e Britanisë së Madhe në misionin EUFOR.