Lajmidites.com

Tag: testi

  • VIDEO/ Dështon testi i raketës balistike në Rusi

    VIDEO/ Dështon testi i raketës balistike në Rusi

    Forcat e armatosura ruse testuan një raketë balistike në rajonin Orenburg të Uraleve, por testi dështoi pasi raketa u shkatërrua vetëm disa sekonda pas lëshimit.
    Sipas informacioneve, bëhej fjalë për një raketë të tipit SS‑19 (Stiletto), e cila mbante sistemin hipersonik Avangard.
    Ky sistem është i aftë të kryejë manovra me shpejtësi shumë të lartë gjatë fluturimit drejt objektivit, çka e bën pothuajse të pamundur neutralizimin e tij.

    🇷🇺 ⚠️ Confirmed: Failed test-launch of Russian UR-100N UTTH (SS-19 Stiletto) ICBM carrying Avangard hypersonic glide vehicle from Yasny (Dombarovsky) launch site, Orenburg region – November 28, 2025.The missile exploded shortly after liftoff, producing a large plume of toxic… pic.twitter.com/LXO6Q7Zj2O

    — Defense Intelligence (@DI313_) November 28, 2025

    Pamjet e publikuara në rrjetet sociale tregojnë momentin e lëshimit të raketës dhe më pas devijimin e saj, duke u kthyer mbrapsht disa sekonda më vonë. Rënia e saj në tokë shkaktoi një shpërthim të madh.
    Autoritetet lokale deklaruan se nuk ka rrezik për popullsinë dhe se banorët nuk kanë nevojë të largohen nga shtëpitë e tyre./vizionplus.tv

  • Sekrete popullore për të dalluar vajin e ullirit bio nga ai i përzier

    Sekrete popullore për të dalluar vajin e ullirit bio nga ai i përzier

    Në traditën popullore janë përdorur disa metoda të thjeshta për të kuptuar nëse vaji i ullirit është i vërtetë apo i përzier. Ja disa “sekrete” që mund t’i provosh në shtëpi:

    1. Testi i frigoriferit (sekreti më i njohur)

    Vendose vajin në frigorifer për 3–5 orë.

    Nëse trashet ose formon kokrriza më shumë gjasa të jetë vaj i pastër ulliri.
    Nëse mbetet plotësisht i lëngshëm mund të jetë i përzier me vajra të tjerë.

    2. Testi i gotës me ujë

    Hidh një pikë vaj ulliri në një gotë me ujë:

    Vaj i pastër qëndron si pikë e bashkuar sipër ujit.
    Vaj i përzier shpesh shpërndahet në pika të vogla ose përzihet më shpejt.

    3. Testi i letrës

    Hidh 1–2 pika vaj në një letër të bardhë kuzhine ose pecetë:

    Vaji i pastër nuk lë njollë shumë të madhe yndyrore pasi thahet.
    Vaji i përzier lë njollë shumë të përhapur dhe transparente.

    4. Testi i flakës 

    Vendos pak vaj në një fitil pambuku:

    Vaji i pastër ndizet më ngadalë dhe digjet në mënyrë të qëndrueshme.
    Vaji i përzier ose me ujë brenda ka vështirësi të digjet.
    (Kujdes: bëje këtë test vetëm në ambient të sigurt.)

    5. Shija pikante në fund të fytit

    Merr një pikë vaj në majë të gjuhës:

    Nëse ndjen një djegie të lehtë në fyt tregon për polifenole natyrale (vaj i papërpunuar).
    Nëse shija është e sheshtë mund të jetë i rafinuar ose i përzier.

    6. Reagimi ndaj temperaturës së lartë

    Kur ngroh pak vaj në tigan:

    Vaji i pastër fillon të nxjerrë aroma të forta ulliri.
    Vaji i përzier shpesh fillon të tymoset shpejt ose ka aromë si vaj i zakonshëm gatimi.

  • Balla akuzon Berishën për fshehje nga SPAK: Hetimi i vrasjeve të 21 Janarit është testi i së vërtetës

    Balla akuzon Berishën për fshehje nga SPAK: Hetimi i vrasjeve të 21 Janarit është testi i së vërtetës

    Kryetari i Grupit Parlamentar të Partisë Socialiste, Taulant Balla, ka reaguar ndaj ish-Kryeministrit Sali Berisha, pas deklaratave të këtij të fundit se nuk kishte marrë asnjë fletëthirrje nga Prokuroria e Posaçme (SPAK) në lidhje me hetimet për ngjarjen e 21 Janarit 2011.
    Në reagimin e tij në rrjetet sociale, Balla akuzoi Berishën për shmangie të drejtësisë, duke e cilësuar atë si “gënjeshtar, frikacak dhe i keq”.
    Balla zbuloi detaje të refuzimit të fletëthirrjeve nga ish-Kryeministri:
    “Drejtësia i paska çuar njoftimin tek shtëpia, ‘rojet janë autorizuar të mos marrin asnjë zarf’. Njoftimi i paska shkuar në dy vendet e punës – sekretaria e Grupit Parlamentar dhe ajo e Partisë – të cilat gjithashtu “refuzojnë të marrin njoftimin””, shkruan Balla.
    “Çfarë turpi, për këtë dhe ata që e rrethojnë, të cilët për çdo rast tjetër mezi presin të tundin njoftimet e të tjerëve,” shkroi Balla, duke e akuzuar ish-Kryeministrin për hipokrizi.
    21 Janari, “testi i së vërtetës”
    Ngjarjet e 21 Janarit, ku u vranë katër protestues në Bulevardin “Dëshmorët e Kombit”, janë rihapur për hetim nga Prokuroria e Posaçme pas vendimit të Gjykatës Evropiane për të Drejtat e Njeriut (GJEDNJ).
    Balla theksoi se ky hetim përbën “testin e së vërtetës” për drejtësinë shqiptare, duke nënvizuar se procesi do të jetë i pakthyeshëm.
    “Koha kur urdhrat e Prokurorisë nuk zbatoheshin ka përfunduar përgjithmonë. Ajo kohë ka perënduar bashkë me vdekjen politike të katranit me bojë,” përfundoi Balla, duke i bërë thirrje institucioneve të ndjekin me rigorozitet çështjen.

  • Celibashi: Testi i numërimit me Inteligjencë Artificiale, një sukses për KQZ-në

    Celibashi: Testi i numërimit me Inteligjencë Artificiale, një sukses për KQZ-në

    Kronikë E Hënë, 10 Nëntor 2025 14:48
    Komisioneri Shtetëror i Zgjedhjeve, Ilirjan Celibashi, vlerësoi si të suksesshëm testimin e Inteligjencës Artificiale (IA) në procesin e numërimit dhe vlerësimit të votave në zgjedhjet për bashkinë e Tepelenës.
    Në një konferencë për shtyp, Celibashi deklaroi: “Testi i kryer dje ishte i suksesshëm dhe përmbushi pritshmëritë e KQZ-së.”

    Fletët e votimit u lexuan dhe u analizuan në kohë reale nga sistemi kompjuterik me IA, duke prodhuar rezultate thuajse identike me numërimin fizik.

    Celibashi theksoi se përdorimi i IA nuk e zëvendëson rolin e komisionerëve, por mund të jetë një ndihmë e vlefshme për rritjen e efikasitetit dhe transparencës.

    I pyetur nëse teknologjia mund të përdoret në zgjedhjet vendore të vitit 2027, Celibashi u shpreh pozitiv: “Do të ishte e udhës që të përdorej.”
    Megjithatë, ai nënvizoi se për ta bërë përdorimin e Inteligjencës Artificiale zyrtar, nevojiten ndryshime në Kodin Zgjedhor.

  • Trump vizitë treditore në Japoni, testi i parë diplomatik për kryeministren e re

  • Test revolucionar i gjakut që zbulon kancerin në fazë të hershme, premton ndryshim rrënjësor në diagnostikim

    Test revolucionar i gjakut që zbulon kancerin në fazë të hershme, premton ndryshim rrënjësor në diagnostikim

    Një test i ri gjaku, që po përshkruhet si një nga përparimet më të mëdha në zbulimin e hershëm të kancerit, ka treguar rezultate mbresëlënëse në një studim të zhvilluar në Amerikën e Veriut. Sipas të dhënave të publikuara nga RTS, testi ishte në gjendje të identifikonte një gamë të gjerë kanceresh — përfshirë tre të katërtat që aktualisht nuk kanë asnjë program shqyrtimi.

    Testi, i quajtur Galleri dhe i zhvilluar nga kompania amerikane Grail, funksionon duke zbuluar fragmente të ADN-së kanceroze që qarkullojnë në gjak. Ai po testohet gjithashtu nga Shërbimi Kombëtar Shëndetësor i Mbretërisë së Bashkuar (NHS), me synimin për ta bërë pjesë të programeve zyrtare të skriningut.

    Në provat me 25,000 të rritur nga SHBA dhe Kanada, testi identifikoi kancerin në më shumë se gjysmën e rasteve në faza të hershme — periudha ku trajtimi është më efektiv dhe shërimi më i mundshëm. Afërsisht një në 100 pjesëmarrës doli pozitiv, dhe në 62% të këtyre rasteve, diagnoza u konfirmua më vonë.

    Kryehulumtuesja Dr. Nima Nabavizadeh nga Universiteti i Shëndetit dhe Shkencës në Oregon tha se ky zbulim mund të “ndryshojë rrënjësisht mënyrën se si i qasemi zbulimit të hershëm të kancerit”, duke ndihmuar në identifikimin e sëmundjeve “shumë më herët, kur shanset për shërim janë më të mëdha”. Testi gjithashtu përjashtoi me saktësi mbi 99% të rasteve pa kancer, duke treguar besueshmëri të lartë.

    Kombinimi i testit me shqyrtimet ekzistuese për gjirin, zorrët dhe qafën e mitrës rriti numrin e rasteve të zbuluara shtatë herë, ndërsa në 9 nga 10 raste testi identifikoi saktë origjinën e kancerit.

    Megjithatë, ekspertët paralajmërojnë për kujdes. Dr. Claire Turnbull nga Instituti i Kërkimit të Kancerit në Londër theksoi se duhen më shumë prova për të vërtetuar se testi realisht ndihmon në uljen e vdekshmërisë. Rezultatet përfundimtare pritet të publikohen në kongresin e Shoqatës Evropiane të Onkologjisë Mjekësore në Berlin, ndërsa një studim më i gjerë trevjeçar me 140,000 pacientë të NHS pritet të japë përgjigje përfundimtare vitin e ardhshëm.

    Sipas Cancer Research UK, kërkimet e ardhshme do të jenë vendimtare për të shmangur “diagnostikimin e tepërt” të kancereve që mund të mos jenë të rrezikshme për jetën, por që mund të çojnë në trajtime të panevojshme.

  • “Spiunazhi fillon nga barku i nënës”, si testet gjenetike dhe teknologjia kineze po kërcënojnë privatësinë globale

    “Spiunazhi fillon nga barku i nënës”, si testet gjenetike dhe teknologjia kineze po kërcënojnë privatësinë globale

    Një nënë e re në pritje i nënshtrohet një testi gjenetik për fëmijën e saj, siç i ka rekomanduar mjeku.

    Nëna e ka pyetur nëse testi mund të dëmtonte fëmijën e saj, ndërkohë që mjeku i është shprehur se testi nuk është invaziv, është miratuar gjerësisht dhe miliona gra në mbarë botën e kanë përdorur pa problem.
    Testi NIFTY, produkt i BGI Genomics në Kinë, u zhvillua me mbështetjen e Ushtrisë Çlirimtare Popullore. Të dhënat gjenetike të mbledhura për zbulimin e sindromës Down dhe anomalive të tjera kromozomale, po përdoren gjithashtu nga ushtria kineze në projekte kërkimore që synojnë atë që ajo e quan përmirësimi i cilësisë së popullsisë.
    Ky test nuk është miratuar në SHBA, por përdoret gjerësisht në Evropë, Kanada dhe Australi. Dhe këtu qëndron rreziku i heshtur, informacioni gjenetik që nënat dorëzojnë vullnetarisht mund të përfundojë në databaza të kontrolluara nga shteti kinez.
    “Kërcënimi më i madh sot nuk vjen nga terroristët, por nga Kina. Ata nuk shënjestrojnë vetëm ushtarët apo politikanët, por edhe familjet tona, përmes telefonave, sistemeve shëndetësore, bankave dhe madje edhe ADN-së sonë”, paralajmëron ish-oficer i CIA-s dhe më pas Drejtor i Teknologjisë në Agjencinë Kombëtare të Inteligjencës Gjeohapsinore (NGA).
    Sipas tij, BGI Genomics nuk është rasti i vetëm. E njëjta kompani ka shitur miliona teste COVID në mbarë botën, përfshirë edhe në tregun amerikan dhe çdo kompani kineze, me ligj, duhet të ndajë të dhënat me Partinë Komuniste.
    Kjo do të thotë se informacioni juaj gjenetik mund të përdoret për krijimin e super-ushtarëve apo madje për sëmundje që prekin vetëm popullata të caktuara etnike.
    Por kërcënimi nuk ndalet tek gjenetika, nga TikTok deri te aplikacionet e reja të inteligjencës artificiale si DeepSeek, Pekini ka ndërtuar një rrjet ndikimi që mund të manipulojë perceptimet, të censurojë informacionin dhe siç thotë eksperti  të hakojë mendjet tona me mënyra të padukshme.
    “Imagjinoni një fëmijë që rritet duke folur çdo ditë me një sistem të inteligjencës artificiale të infiltruar nga Kina, që e ushqen me ide të ndryshme për vite të tëra.”, paralajmëron ai.
    Në këtë botë të re të spiunazhit, askush nuk është më i sigurt. Dhe për t’u mbrojtur, eksperti jep pesë rregulla të arta:
    *Mendo si spiun, çdo foto, postim apo informacion që shpërndan mund të përdoret kundër teje.
    *Verifiko burimet, mos beso asnjë lajm pa e krahasuar me disa media të ndryshme.
    *Përdor fjalëkalime të ndryshme dhe enkriptim, sa më e vështirë të jetë qasja, aq më shumë dekurajohet armiku.
    *Analizo teknologjinë që përdor, çdo aplikacion i ri vlen të hetohet përpara se ta pranosh në jetën tënde.
    *Ruaj vetëdijen, mos u bëj paranojak, por mos harro kurrë se dikush mund të të vëzhgojë.
    “Në këtë revolucion të inteligjencës, ne të gjithë jemi shënjestra të spiunazhit, na pëlqen apo jo, por me pak kujdes dhe ndërgjegjësim, mund të mbrojmë jo vetëm veten, por edhe kombin tonë”, thotë ai.

    Top Channel

  • Testi që zbulon 50 lloje kanceri! Rezultate befasuese në SHBA, mund të ndihmojë në diagnostikimin e hershëm të sëmundjes

    Testi që zbulon 50 lloje kanceri! Rezultate befasuese në SHBA, mund të ndihmojë në diagnostikimin e hershëm të sëmundjes

    Sipas një studimi të ri, një analizë gjaku për më shumë se 50 lloje kanceri mund të ndihmojë në përshpejtimin e diagnostikimit të sëmundjes.
    Rezultatet e një prove të kreyr në Shtetet e Bashkuara të Amerikës tregojnë se testi është në gjendje të identifikojë një gamë të gjerë kanceresh, një rezultat mbreslënës që sugjeron se kjo analizë e gjakut përfundimisht mund të luajë një rol të madh në diagnostikimin e hershëm të kancerit.
    Zbulimi në fazë të hershme e bënë sëmundjen më të lehtë për tu trajtuar dhe potencialisht të shërueshme.

    Çështja kryesore e këtij studimi është se tre të katërtat e kancereve të zbuluara ishin ato që nuk kanë pasur një program shqyrtimi deri më tani siç janë kanceri i vezoreve, i mëlçisë, i stomakut, i fshikëzës dhe i pankreasit.
    Testi Galleri, i prodhuar nga firma farmaceutike amerikane Grail, mund të zbulojë fragmente të ADN-së kanceroze që janë shkëputur nga një tumor dhe qarkullojnë në gjak. Studimi përfshiu 25,000persona të rritur nga SHBA-ja dhe Kanadaja gjatë një viti, ndërsa të njëjtin studim po e bënë tashmë edhe Britania e madhe me një numër më të madh personash.
    Analiza e gjakut identifikoi saktë origjinën e kancerit në nëntë nga 10 raste.
    Por shkencëtarët që nuk janë përfshirë në hulumtim thonë se nevojiten më shumë prova për të treguar nëse analiza e gjakut ul vdekjet nga kanceri.
    /vizionplus.tv

  • Testi që zbulon 50 tumore/ “Galleri” po zhvillohet në SHBA, rezultate të jashtëzakonshme tek 25 mijë persona

    Testi që zbulon 50 tumore/ “Galleri” po zhvillohet në SHBA, rezultate të jashtëzakonshme tek 25 mijë persona

    Një test i ri gjaku, që mund të zbulojë më shumë se 50 lloje kanceri, po shihet si një hap i madh drejt diagnostikimit më të hershëm të sëmundjes, sipas një studimi të zhvilluar në Amerikën e Veriut.

    Rezultatet e provës klinike tregojnë se testi ishte në gjendje të identifikonte një gamë të gjerë kanceresh – rreth 75% prej të cilave nuk kanë asnjë program ekzistues kontrolli apo depistimi.
    Mbi gjysmën e rasteve të zbuluara ishin në fazë të hershme, kur trajtimi është më i lehtë dhe mundësitë për shërim janë shumë më të mëdha. Testi, i quajtur Galleri, është zhvilluar nga kompania amerikane Grail dhe zbulon fragmente të ADN-së kancerogjene që shkëputen nga tumoret dhe qarkullojnë në gjak. Aktualisht ai po testohet edhe nga Shërbimi Shëndetësor Kombëtar i Britanisë.
    Në provën e zhvilluar me 25 mijë të rritur në SHBA dhe Kanada për një periudhë njëvjeçare, gati 1 në 100 persona mori rezultat pozitiv. Në 62% të rasteve këto u konfirmuan më vonë si kancer. Sipas drejtuesit të studimit, të dhënat tregojnë se testi mund të “ndryshojë rrënjësisht mënyrën si bëjmë kontrollin për kancerin”.
    Ai shtoi se testi mund të ndihmojë në zbulimin e shumë llojeve të kancerit “në fazat kur trajtimi ose edhe shërimi janë më të mundshëm.”
    Testi rezultoi gjithashtu shumë i saktë në përjashtimin e rasteve pa kancer, duke dhënë rezultate të sakta negative në mbi 99% të pjesëmarrësve. Kur u kombinua me kontrollet ekzistuese për gjirin, zorrën e trashë dhe qafën e mitrës, numri i përgjithshëm i kancereve të zbuluara u shtatëfishua.
    Veçanërisht, tre të katërtat e rasteve të zbuluara ishin të kancereve që nuk kanë programe depistimi, si ato të vezoreve, mëlçisë, stomakut, fshikëzës dhe pankreasit. Testi gjithashtu identifikoi me saktësi origjinën e kancerit në 9 nga 10 raste.
    Shkencëtarët e përfshirë në studim besojnë se këto rezultate janë shumë premtuese dhe se testi mund të luajë një rol të madh në diagnostikimin e hershëm të kancerit.
    Megjithatë, ekspertët që nuk kanë marrë pjesë në studim paralajmërojnë se nevojiten më shumë prova për të treguar nëse testi ul realisht vdekshmërinë nga kanceri.

    Top Channel

  • Alegri: Me Napolin është testi i vërtetë për Milanin

    Alegri: Me Napolin është testi i vërtetë për Milanin

    Trajneri Masimiliano Alegri, duke folur në një konferencë për shtyp në prag të ndeshjes së madhe të Napolit, tha disa gjëra pozitive në lidhje me tregun e transferimeve të klubit, duke filluar me nënshkrimin e mesfushorit të tij Adrien Rabiot.
    “Gjëja e rëndësishme që ka bërë klubi është se ardhja e Rabiot, një lojtar ndërkombëtar, ka rritur konkurrencën brenda grupit.
    Në mesfushë, kemi gjashtë lojtarë shumë të mirë, përveç Modriç, i cili për fat të keq është diçka që nuk e sheh më në futboll, dhe falë Zotit e kemi… Të tjerët janë të gjithë shumë të besueshëm, dhe kjo është thelbësore.
    Milanin do ta shohim nesër, testi i parë i vërtetë është nesër ndaj Napolit.
    Por çdo të diel ose të shtunë do të ketë një test. Duhet të punojmë. Nuk kemi zgjidhur asgjë prej një muaji.
    Nuk jemi as në Ligën e Kampioneve dhe as nuk kemi fituar Scudetton.
    Nesër do të jetë një ndeshje e mirë dhe një test i mirë.
    Nesër nuk do të vendosë Scudetton apo kualifikimin tonë në Ligën e Kampioneve, por është testi i vërtetë për Milanin”, deklaroi Alegri.