Tesla po përballet me rënie të forta në tregjet kryesore evropiane, por në Norvegji – vendin më të elektrifikuar të kontinentit – marka amerikane po shënon rezultate historike.
Sipas të dhënave të publikuara nga Këshilli Norvegjez i Informacionit për Trafikun Rrugor (OFV), Tesla ka shitur më shumë makina në 11 muaj se sa çdo prodhues tjetër arrin të shesë zakonisht gjatë një viti të tërë.
Në një treg ku makinat elektrike dominojnë prej vitesh, shitjet e Teslas në Norvegji janë rritur me 19.8 për qind që nga fillimi i vitit dhe me 31.2 për qind vetëm në nëntor.
Modelet Y dhe 3, dy modelet kryesore të markës, ishin ekzemplarët më të shitur të muajit në të gjithë tregun norvegjez.
Në total, Tesla ka shitur gati 29 mijë automjete që prej janarit, duke thyer tashmë rekordin vjetor që vetë kompania vendosi në vitin 2023, me 26 mijë e 641 njësi të shitura.
Kjo paraqitje bie në kontrast të plotë me Bashkimin Evropian, ku Tesla regjistroi një rënie prej 39.2 për qind të shitjeve në dhjetëmujorin e parë dhe një ulje drastike prej 48 për qind vetëm në tetor.
Në BE, kompania përballet me konkurrencën agresive të prodhuesve kinezë me çmime më të ulëta, por edhe me ndikimin negativ që kanë pasur debatet e vazhdueshme rreth themeluesit të saj, Elon Musk.
Sipas një ankete të Global EV Alliance, 41 për qind e përdoruesve të makinave elektrike globalisht shmangin blerjen e një Tesla-s për arsye politike.
Tag: tesla
-
Tesla thyen çdo rekord në Norvegji, vendin më të elektrifikuar të kontinentit
-
Çfarë bën Elon Musk me gjithë pasurinë e tij?
Elon Musk, drejtuesi i Tesla dhe SpaceX, ka qenë prej vitesh një nga njerëzit më të pasur në botë dhe së fundmi, pasuria e tij ka arritur në nivele stratosferike, duke e bërë njeriun e parë në histori që ka prekur vlerën prej gjysmë trilioni dollarësh.
Megjithatë, miliarderi shpesh ka insistuar se jeta e tij nuk është aq luksoze sa mendohet.
Në vitin 2021, Musk deklaroi se jetonte në një shtëpi modeste në Teksas me vlerë vetëm 50 mijë dollarë. Edhe ish-partnerja e tij, këngëtarja Grimes, e përshkroi jetesën e tij si “shokueshëm të thjeshtë”, duke i thënë Vanity Fair se “ai ndonjëherë jeton nën nivelin e varfërisë”, aq sa refuzonte të blinte një dyshek të ri ndonëse i vjetri kishte një vrimë.
Nga pallatet në Bel-Air, te një shtëpi modulare në Starbase
Në të kaluarën, Musk zotëronte një portofol të pasur me prona luksoze në Bel-Air të Kalifornisë, për të cilat kishte shpenzuar rreth 100 milionë dollarë. Ato përfshinin pishina, terrene tenisi, një bibliotekë private, madje edhe një shtëpi që dikur i përkiste aktorit legjendar Gene Wilder.
Por në vitin 2020, ai njoftoi se do të shiste “të gjitha pasuritë e tij fizike” me synimin për t’u fokusuar plotësisht tek misionet në Mars dhe Tokë. Musk deklaroi se pasuria materiale “të rëndon shpirtërisht”. Ai i qëndroi fjalës dhe i shiti të gjitha shtëpitë, përveç asaj të Wilder, të cilën ia kaloi nipit të aktorit, Jordan Walker-Pearlman. Megjithatë, në qershor 2025, Musk e rimori pronën pasi blerësi kishte hasur vështirësi financiare.
Sot, shtëpia e vetme që zotëron zyrtarisht ndodhet në jug të Teksasit, pranë bazës së SpaceX, në qytetin e ri “Starbase”.
“Është fantastike në mënyrën e vet”, tha Musk. Në intervista të mëvonshme, ai shtoi se shpesh nuk ka një shtëpi fikse dhe qëndron në dhomat e miqve kur udhëton për punë.
Koleksioni i makinave të pazakonta
Nëse Musk nuk shpenzon për pasuri të paluajtshme, e bën këtë për makina. Koleksioni i tij përfshin modele ikonike si Ford Model T, një Jaguar E-Type të vitit 1967, një McLaren F1 të vitit 1997 që e rrëzoi dhe më pas e riparoi, si dhe një Tesla Roadster, e cila në vitin 2018 u lëshua në hapësirë.
Ford Model TPor më e veçanta është një Lotus Esprit i vitit 1976, makina-submarinë e James Bond nga filmi The Spy Who Loved Me. Musk e bleu në ankand për afro 1 milion dollarë, me idenë për ta kthyer vërtet në një automjet që mund të zhytej në ujë.
Lotus EspritUdhëtimet me avion privat
Ndryshe nga banesa apo veshjet e thjeshta, Musk nuk kursen për avionë privatë.
Ai zotëron disa modele Gulfstream, që vlejnë dhjetëra milionë dollarë, duke justifikuar shpenzimet me nevojat e punës.
“Nëse nuk përdor avionin, kam më pak orë për të punuar”, tha ai në një intervistë për TED në 2022.
Një filantropi e pazakontë
Musk ka dhuruar miliarda dollarë në aksione për organizata bamirësie dhe ka premtuar shumë të tjera. Por sipas The New York Times, ndihmat e tij shpesh janë “të çrregullta dhe vetëshërbyese”, duke i siguruar përfitime tatimore të mëdha dhe duke ndihmuar kompanitë e tij.
Fondacioni i tij, Musk Foundation, deklaron se synon “përparimin e njerëzimit përmes inovacionit shkencor dhe teknologjik”, por sipas gazetës amerikane, fondacioni ka dështuar disa vite radhazi në plotësimin e detyrimeve ligjore për donacionet minimale të kërkuara. Shumë nga përfituesit kanë qenë organizata me lidhje direkte me Musk.
Vetë miliarderi mbetet skeptik ndaj filantropisë tradicionale.
“Nëse kujdesesh për realitetin e mirësisë dhe jo për perceptimin e saj, atëherë filantropia është jashtëzakonisht e vështirë”, ka thënë ai.
Për Musk, kompanitë e tij janë forma më e pastër e bamirësisë. Tesla nxit energjinë e qëndrueshme, SpaceX synon mbijetesën afatgjatë të njerëzimit, ndërsa Neuralink përpiqet të trajtojë dëmtimet e trurit dhe rreziqet e inteligjencës artificiale.
-
Aksionarët e Teslës besnikë ndaj Elon Musk pavarësisht polemikave me Donald Trump, pse investitorët janë të lumtur t’i paguajnë atij 1 trilion dollarë
Pavarësisht titujve kryesorë për marrëdhënien e tij me Donald Trump, kritikave nga liberalët dhe sjelljes shpesh të çrregullt, aksionarët e Teslës vazhdojnë të mos duan të ndahen nga Elon Musk.
Të enjten, investitorët e prodhuesit të automjeteve elektrike votuan për ta mbajtur njeriun më të pasur në botë në rrugën drejt mundësisë për t’u bërë trilioneri i parë në histori, pavarësisht polemikave që tashmë duken pjesë e pandashme e profilit të tij publik.
Aksionarët miratuan planin e ri të kompensimit me vlerë deri në 1 trilion dollarë, i cili mund të bëhet pagesa më e madhe e një drejtori në historinë e korporatave, nëse Musk arrin një sërë objektivash të vështira — përfshirë shtyrjen e vlerës së tregut të Teslës nga 1.4 trilion dollarë në 8.5 trilion dollarë. Pasuria aktuale e Musk, që përfshin rreth 12.5% të aksioneve të Teslës, vlerësohet në 461 miliardë dollarë.
“Musk është Tesla dhe Tesla është Musk,” thotë Dan Ives, drejtor menaxhues në firmën financiare amerikane Wedbush. “Pavarësisht dëmeve që ai i ka shkaktuar markës për shkak të angazhimeve të tij politike, e ardhmja e inteligjencës artificiale në Tesla varet prej tij.”
Ives e quan veten “idealist të Teslës”, por ka shprehur herë pas here shqetësime për dëmin që qëndrimet politike të Musk mund t’i kenë shkaktuar një prej markave më të njohura në botë. Shitjet e Teslës kanë pësuar rënie, për shkak të afrimit të Musk me Donald Trump, i cili ka marrë herë pas here mbështetje financiare prej tij dhe ka promovuar politika që kanë acaruar bazën më liberale të konsumatorëve të Teslës.
Problemet kishin nisur edhe më herët, pas blerjes së platformës Twitter (tani X) në vitin 2022, kur Musk hoqi moderimin e përmbajtjes dhe riktheu llogari të mëparshme të ndaluara. Kjo solli një rënie të ndjeshme të perceptimit pozitiv ndaj Teslës, sipas firmës së kërkimit të tregut Strategic Vision.
Polemikat e lidhura me Trumpin janë shoqëruar me raportime për përdorim të dyshuar të drogës nga Musk, deklarata mbështetëse për partitë e ekstremit të djathtë dhe përshëndetje me tone fashiste në tubime politike.
Në mars, Dan Ives paralajmëroi se Tesla dhe drejtori i saj ekzekutiv po kalonin një “moment krize tornadoje të markës”, ndërsa reputacioni personal i Musk po ndikonte ndjeshëm në shitjet globale. Përveç kësaj, konkurrenca e fortë nga prodhuesit kinezë të automjeteve elektrike ka përkeqësuar situatën.
Megjithatë, aksionarët kanë zgjedhur të qëndrojnë në anën e tij. Aksionet e Teslës janë rritur me gati dy të tretat që nga maji, kur Musk njoftoi se do të largohej nga administrata Trump – edhe pse më vonë u përfshi publikisht në një debat të ashpër me presidentin.
Rezultatet e tremujorit të tretë i tejkaluan pritshmëritë e Wall Street, kryesisht falë konsumatorëve amerikanë që shfrytëzuan skadimin e kredive tatimore federale për automjetet elektrike. Megjithatë, shitjet në Evropë ranë, dhe analistët paralajmëruan se Musk duhet të kompensojë këtë rënie duke prezantuar modele më të përballueshme.
Një tjetër arsye për mbështetjen e investitorëve është kultura amerikane e adhurimit të inovatorëve. Figura të tjera si Mark Zuckerberg në Meta dhe Jeff Bezos në Amazon kanë pasur gjithashtu kontroll të pakontestuar mbi kompanitë e tyre. Sipas analistëve, shumica e aksionarëve të Teslës shqetësohen më shumë për përfshirjen e pamjaftueshme të Musk në kompani sesa për largimin e tij.
“Në SHBA, paratë dhe suksesi kanë peshë të madhe,” thotë Neil Wilson, strateg në Saxo Markets. “Kultura amerikane është sipërmarrëse dhe e lirë, që i lejon inovatorët të marrin rreziqe. Dhe Musk është një rast i veçantë — pa të, Tesla nuk do të ishte askund.”
Paketa e re e kompensimit përfshin objektiva ambiciozë, si dorëzimi i 20 milionë automjeteve Tesla, 10 milionë abonime për makina vetëdrejtuese, 1 milion robotë humanoidë dhe 1 milion robotaksi. Këto qëllime kërkojnë nivelin e guximit dhe inovacionit teknologjik për të cilin Musk është i njohur, si në Tesla ashtu edhe në kompaninë e tij hapësinore SpaceX.
Sipas analistit të industrisë automobilistike Matthias Schmidt, vlera që Musk i ka sjellë aksioneve të Teslës është “e pamohueshme” dhe ka bërë “shumë njerëz të pasur, përfshirë edhe vetë atë”. Por ai shton se biznesi tradicional i automjeteve të Teslës ka arritur kulmin, ndërsa planet për makinat plotësisht autonome “nuk janë më konkurruesit më të fortë në treg”.
“A janë aksionarët verbuar nga arritjet e së kaluarës në vend që të mendojnë për të ardhmen? Ndoshta,” thotë Schmidt.
Megjithatë, shumica e investitorëve të Teslës duket se janë të gatshëm të vënë bast 1 trilion dollarë për të kundërtën.Top Channel
-
Rruga e Elon Musk: Si të bëhesh trilioner
Aksionerët e Teslës kanë miratuar një plan shpërblimi që, nëse përmbushet, mund ta bëjë Elon Musk-un njeriun e parë trilioner në histori. Dhe ndryshe nga fantazitë e rrjeteve sociale, kjo “rrugë drejt trilionit” ka përkufizime shumë të qarta: objektiva financiarë, afate dhe kushte konkrete.
Pas një viti të trazuar për kompaninë dhe drejtuesin e saj, mbi 75% e aksionerëve të Teslës votuan për t’i dhënë Musk-ut një paketë aksionesh me vlerë potenciale deri në 1 trilion dollarë (rreth 865 miliardë euro), me kusht që Tesla të arrijë 12 objektiva madhorë gjatë dhjetëvjeçarit të ardhshëm.
Në thelb, plani është një “manual për pasurim ekstrem” i bazuar në performancë. Që Musk ta fitojë çdo pjesë të shpërblimit, Tesla duhet të rrisë vlerën e saj në bursë nga 1,4 trilion në 8,5 trilion dollarë, pra, të pesëfishojë vlerën aktuale. Mes objektivave të tjera janë:
-Shitja e 1 milion robotëve Tesla,
-10 milion abonime aktive për softuerin e drejtimit autonom,
-dhe një rritje dramatike e fitimeve vjetore.
Pas votimit, Musk e përshkroi momentin si “jo thjesht një kapitull të ri, por një libër të ri për Teslën”, duke e interpretuar besimin e aksionerëve si mandatin për revolucionin e ardhshëm teknologjik.
Për investitorët, ky vendim është një bast i madh se Musk është ende njeriu që mund ta çojë Teslën përtej makinave elektrike, drejt robotëve, inteligjencës artificiale dhe ekonomisë së automatizuar. Për Musk, është rruga më konkrete dhe e matshme drejt një statusi që asnjë njeri në histori nuk e ka pasur: trilioner i verifikuar. -
Roboti Optimus drejt prodhimit masiv, Tesla porosit 685 milionë dollarë pjesë
Tesla thuhet se ka bërë një porosi masive prej 685 milionë dollarësh me Sanhua Intelligent Controls, një furnizues kinez, për komponentë të robotëve Optimus, konkretisht aktuatorë linearë.
Besohet se kjo porosi është e mjaftueshme për të prodhuar rreth 180,000 robotë humanoide Optimus, duke shënuar një hap të madh drejt prodhimit masiv.
Dorëzimet e këtyre komponentëve pritet të fillojnë në tremujorin e parë të vitit 2026, duke sinjalizuar se Tesla po përshpejton përgatitjet për prodhimin në shkallë të gjerë të robotit të saj shumë të pritur humanoid.
Ndërsa këto raportime janë thashetheme për momentin, ka disa të dhëna optimiste se Tesla mund ta ketë përfunduar pothuajse projektin për Optimus V3 dhe kompania mund të jetë duke kërkuar të fillojë prodhimin e robotit.
Nëse Tesla po fillon vërtet të porosisë vëllime të mëdha komponentësh për prodhimin e Optimus, kjo do të sugjeronte që kompania mund t’i ketë kapërcyer sfidat me të cilat po përballej me robotin humanoid në fillim të këtij viti. /Telegrafi/
-
Fqinjët e reperit amerikan D4vd pretendojnë se e kanë parë atë me një vajzë adoleshente që u gjet e vdekur në makinën e tij
Hetimet për vdekjen tragjike të Celeste Rivas, 15 vjeçe, po thellohen, ndërsa detaje të reja kanë dalë në dritë. Trupi i vajzës u gjet në bagazhin e një makine Tesla, në pronësi të këngëtarit D4vd (David Anthony Burke), në një shërbim rimorkimi në Hollywood.
Sipas dokumenteve të siguruara nga The US Sun, policia ishte në banesën e këngëtarit në Los Angeles dy muaj para zbulimit të trupit, pas një telefonate për “shqetësim publik” për shkak të muzikës me zë të lartë. Patrulla mbërriti me vonesë, kur situata ishte qetësuar.
Një ish-fqinj deklaroi se D4vd dhe Celeste shiheshin shpesh bashkë, por ishin të tërhequr dhe nuk komunikonin shumë me të tjerët. Ai shtoi se kishte vënë re Tesla-n e këngëtarit të parkuar shpesh përpara shtëpisë.
Celeste u raportua e zhdukur në prill 2024, kur ishte vetëm 13 vjeç. Ende nuk është përcaktuar se kur dhe si vdiq, por autoritetet besojnë se trupi kishte kohë në automjet. Deri tani, nuk ka të dyshuar zyrtarë.
Policia konfirmon se nuk ka ende një përfundim ligjor mbi shkakun apo mënyrën e vdekjes dhe se këngëtari po bashkëpunon me hetimet, ndonëse është aktualisht në turne.
Ngjarja ka ngritur shqetësime të mëdha dhe pritet që hetimet të zbulojnë më shumë në ditët në vijim. -
Vdekja e tmerrshme e studentëve në Kaliforni/ U dogjën të gjallë në Tesla Cybertruck, familjet ndërmarrin veprime ligjore
Një studente humbi jetën në një aksident me Tesla Cybertruck pasi mbeti e bllokuar brenda automjetit që shpërtheu në flakë për shkak të një defekti, sipas një padie të ngritur nga familja e saj.
Krista Michelle Tsukahara, 19 vjeç, ishte një nga tre pasagjerët që vdiqën kur automjeti u përplas me një pemë me shpejtësi të lartë në Piedmont, Kaliforni, në nëntor 2024. Prindërit e saj tani kanë ngritur një padi, duke pretenduar se Tesla e Elon Musk e dinte për defektin në dizajn për vite me radhë, por nuk arriti ta rregullonte atë, sipas Daily Mail.
Krista, studente e vitit të dytë në Kolegjin Savannah, po udhëtonte në Cybertruck me 19-vjeçarin Soren Dixon, shoferin, dhe 20-vjeçarët Jack Nelson dhe Jordan Miller. Krista, Soren dhe Jack vdiqën në aksident, ndërsa i katërti u plagos.
Carl dhe Noelle Tsukahara ngritën një padi kundër prodhuesit të automjeteve në prill dhe tani e kanë ndryshuar atë me një padi të detajuar prej 36 faqesh. Sipas padisë, Krista fillimisht pësoi lëndime të lehta, por kur bateria e Cybertruck u përfshi nga flakët, ajo vdiq nga djegiet dhe thithja e tymit.
Padia thotë se dyert e automjetit mund të keqfunksionojnë në rast të ndërprerjes së energjisë elektrike dhe se Krista nuk mundi të shpëtonte sepse hapja manuale e derës ishte shumë e vështirë për t’u gjetur. Krista “vuajti dhimbje dhe shqetësim emocional të paimagjinueshëm” ndërsa ishte e bllokuar në pjesën e pasme të automjetit që po digjej, thotë padia.
Në një intervistë me New York Times, babai i Kristës tha se jeta e vajzës së tij mund të ishte shpëtuar nëse do të kishte qenë më e lehtë për të të dilte nga makina: “Krista ishte një vajzë e re e zgjuar, e sjellshme dhe e suksesshme me gjithë jetën përpara. “Ne po vuajmë jo vetëm nga humbja e vajzës sonë, por edhe nga heshtja rreth asaj se si ndodhi kjo dhe pse ajo nuk mundi të dilte nga makina. Kjo kompani vlen një trilion dollarë, si mund ta lësh në shitje një makinë që është e pasigurt në kaq shumë mënyra?”.
Avokati i familjes, Roger Dreyer, shtoi: “Kjo padi ka të bëjë me të vërtetën dhe përgjegjësinë. Dizajni i këtij automjeti e zhgënjeu Kristën. Nuk kishte asnjë sistem funksional dhe të aksesueshëm për mbivendosje manuale ose lëshim emergjent që ajo të shpëtonte. Vdekja e saj ishte e parandalueshme.”
Të tre të rinjtë kishin qenë duke vizituar shtëpitë e tyre për Ditën e Falënderimeve. Një pasagjer i katërt, Jordan Miller, ishte i vetmi i mbijetuar pasi një dëshmitar përdori një degë peme për të thyer një dritare dhe për ta shpëtuar atë. Testet toksikologjike treguan se Soren Dixon, i cili po drejtonte makinën, kishte konsumuar drogë dhe alkool.
Hetimi paraprak i policisë arriti në përfundimin se alkooli, ndikimi i drogës dhe shpejtësia e tepërt bënë që drejtuesi i mjetit të humbiste kontrollin.
-
U dogj e gjallë pasi dyert e makinës nuk u hapën, prindërit e studentes 19-vjeçare akuzojnë kompaninë e Elon Musk
Një studente 19-vjeçare humbi jetën në një aksident tragjik me një Tesla Cybertruck, pasi mbeti e bllokuar brenda automjetit që mori flakë, për shkak të një defekti të dyshuar në dizajnin e dyerve, sipas një padie të re kundër kompanisë së Elon Musk.
Krysta Michelle Tsukahara, studente në vitin e dytë në Savannah College of Art and Design, humbi jetën së bashku me shokët e saj Soren Dixon (19) dhe Jack Nelson (20) në nëntor të vitit të kaluar, pasi makina u përplas me një pemë me shpejtësi të lartë në Piedmont, Kaliforni dhe shpërtheu në flakë.
Një pasagjer i katërt mbijetoi falë ndihmës së një dëshmitari që theu dritaren me një degë peme.
Sipas padisë 36-faqëshe për “vdekje të padrejtë”, Krysta kishte pësuar fillimisht vetëm lëndime të lehta, por humbi jetën nga djegiet dhe thithja e tymit, pasi nuk arriti të dilte nga makina. Dokumenti thekson se dyert elektrike të Cybertruck mund të dështojnë kur ndërpritet furnizimi me energji, ndërsa mekanizmi manual i hapjes ishte “shumë i vështirë për t’u gjetur” në një situatë emergjente.
Prindërit e saj, Carl dhe Noelle Tsukahara, akuzojnë Teslën se kishte dijeni prej vitesh për këtë problem, por nuk e zgjidhi.
“Krysta ishte një vajzë e zgjuar, e dashur dhe me një të ardhme përpara. Vdekja e saj ishte e parandalueshme,” u shpreh avokati i familjes, Roger Dreyer.
Aksidenti ndodhi ndërkohë që shoferi, Soren Dixon, kishte konsumuar alkool mbi kufirin ligjor dhe kokainë, çka sipas hetimit paraprak të Highway Patrol ishte shkaku kryesor i humbjes së kontrollit. Megjithatë, familja insiston se dizajni i Teslës i pengoi pasagjerët të shpëtonin.
Ky rast vjen pas disa incidenteve të ngjashme:
Në Gjermani, muajin e kaluar, tre persona u dogjën brenda një Tesla pasi dorezat e dyerve nuk funksionuan.
Në Florida, një gjykatë vendosi mbi 178 milionë dollarë dëmshpërblim për familjen e një studenti të vrarë nga një Tesla jashtë kontrollit.
Tesla ende nuk ka komentuar mbi akuzat.
Tragjedia ka hapur debate të forta mbi sigurinë e modeleve të kompanisë dhe mbi përgjegjësinë e saj ligjore në aksidente ku dizajni i automjeteve pengon shpëtimin e pasagjerëve.Top Channel
-
Nuk ndalet Elon Musk, bëhet personi i parë që arrin pasurinë neto prej 500 miliardë dollarësh
Drejtori ekzekutiv i Tesla-s, Elon Musk, të mërkurën u bë personi i parë në histori që arriti një pasuri neto prej gati 500 miliardë dollarësh.
Kjo nxitje thuhet se është nxitur nga një rimëkëmbje e aksioneve të kompanisë së automjeteve elektrike dhe vlerësimet në rritje të startup-eve të tjera të sipërmarrësit të teknologjisë.
Aksionet e Tesla-s kanë nxitur rritjen e pasurisë neto të Musk.
Aksionet janë rritur më shumë se 14% deri më tani këtë vit dhe janë rritur gati 4% të mërkurën, duke shtuar më shumë se 7 miliardë dollarë në pasurinë e tij neto.
Bordi i Tesla-s muajin e kaluar propozoi një plan kompensimi prej 1 trilion dollarësh për Musk, duke nënvizuar kontrollin që ai ka mbi prodhuesin e makinave ndërsa përpiqet të transformohet në një fuqi të inteligjencës artificiale dhe robotikës.
Startup-i i inteligjencës artificiale xAI i Musk dhe kompania e raketave SpaceX gjithashtu kanë rritur vlerësimet e tyre këtë vit.
Themeluesi i Oracle, Larry Ellison vjen pas Musk si personi i dytë më i pasur në listën e Forbes, me një pasuri neto prej rreth 351.5 miliardë dollarësh.
-
E rrëzoi roboti i fabrikës, burri nga SHBA padit Teslën dhe kërkon 51 milionë dollarë!
Tesla po përballet me një padi multi-milionëshe për lëndimin e një punëtori fabrike.
Një aksident në fabrikën e Teslës në Fremont ka çuar në një padi prej 51 milionë dollarësh, me një punonjës që pretendon se ka pësuar lëndime serioze dhe miliona dollarë në fatura mjekësore pasi është goditur nga një robot në linjën e montimit.
Çështja ngre pyetje jo vetëm në lidhje me sigurinë në vendin e punës, por edhe në lidhje me rolin e automatizimit në mjediset e prodhimit me kërkesë të lartë, transmeton Telegrafi.
Sipas dokumenteve të gjykatës të para nga The Independent, punëtori 50-vjeçar Peter Hinterdobler u lëndua më 22 korrik 2023, ndërsa ndihmonte një inxhinier të çmontonte një robot në një linjë montimi Model 3.Pasi u përpoq të “hiqte motorin bazë të robotit për të hyrë në instalimet elektrike të brendshme”, krahu i robotit e goditi Hinterdobler “me një forcë ekuivalente me afërsisht 3.400 kilogramë”, thuhet në padi. Punëtori u hodh në dysheme dhe humbi ndjenjat.
Padia thotë se ai ka bërë tashmë 1 milion dollarë shpenzime mjekësore dhe pret të bëjë edhe 6 milionë dollarë të tjerë shpenzime në të ardhmen.
Ai gjithashtu kërkon 20 milionë dollarë për dhimbje, vuajtje dhe shqetësime, 10 milionë dollarë për shqetësim emocional, 1 milion dollarë për paga të humbura dhe 8 milionë dollarë për kapacitet të zvogëluar të fitimit.Padia gjithashtu pretendon se roboti ishte vendosur në një “hapësirë që nuk është projektuar për pajisje të tilla”, dhe se Tesla “reagoi drejtpërdrejt ndaj incidentit të robotit që shkaktoi lëndime duke zbatuar procedura dhe protokolle të reja sigurie”.
Së bashku me Tesla-n, padia përmend edhe prodhuesin e robotëve FANUC.Avokatët e Hinterdobler pretendojnë se Tesla po refuzon të ofrojë pamje video të aksidentit.
Kompania akuzohet gjithashtu se nuk “siguroi që roboti të fikej, të sigurohej dhe të stabilizohej në mënyrë të sigurt përpara se Hinterdobler të lejohej të ndihmonte në procesin e çmontimit”.
FANUC akuzohet posaçërisht për “neglizhencë” në projektimin e robotit, dhe dështimin për t’i udhëzuar në mënyrë adekuate përdoruesit për përdorimin e tij të sigurt.
Sipas raportit, as Tesla dhe as FANUC nuk kanë paraqitur ende një përgjigje zyrtare ndaj akuzave të Hinterdobler.
Çështja është ende në fazat e saj të hershme, por ajo nxjerr në pah realitetin e pakëndshëm të kombinimit të njerëzve dhe robotëve industrialë në një proces prodhimi, ku problemet e sigurisë shpesh vihen re vetëm kur diçka shkon keq. /Telegrafi/