Lajmidites.com

Tag: tërhequr

  • Përplasje në Komision për Avokatin e Popullit/ PS çon 6 emra, PD: Kandidatët nuk gëzojnë mbështetjen tonë

    Përplasje në Komision për Avokatin e Popullit/ PS çon 6 emra, PD: Kandidatët nuk gëzojnë mbështetjen tonë

    Komisioni i Ligjeve ka miratuar me 9 vota pro dhe 3 kundër një raport për t’i dërguar seancës plenare ku përfshihen gjashtë kandidatët që plotësojnë kriteret për t’u votuar për Avokat të Popullit.

    Për më shumë se një orë komisioni u përfshi nga debatet pas vendimit të Partisë Demokratike për të tërhequr firmat për të gjithë kandidatët.
    Kryetari i Komisionit, Ulsi Manja u shpreh se vullneti i demokratëve për të tërhequr firmat ka shkuar në protokollin e Kuvendit dhe do të jetë seanca e të enjtes që do të vendosë nëse do të pranohen dhe rihapet procesi, apo do të vijojë me zgjedhjen e një prej gjashtë emrave.
    Debati
    Manja: Ju i keni tërhequr firmat pas 2 dhjetorit. Nuk jam unë që e pranoj këtë, këtë e vlerëson seanca.
    Strazimiri: Ti po i çon një gënjeshtër seancës, po i thua që kandidatët kanë edhe firmat tona.
    Manja: Pse u tërhoqët nga firmat? Kot me e dit.
    Strazimiri: Shko pyet Taulantin, se nuk ta paska treguar. Kujtoja se ishit bashkë.
    Manja: Lëre Taulantin, por më thuaj pse u tërhoqët.
    Strazimiri: Është fakt i vërtetetuar që kemi tërhequr firmat.
    Manja: Unë nuk jam noter.
    Strazimiri: Shto në raportin që do miratosh sot këtu që ne kemi tërhequr firmat.
    Manja: Në raportin që do i çoj Kuvendit, do ta shkruaj dhe këtë. Do të them që në Komision, deputetët e opozitës ngritën faktin publik që kemi tërhequr mbështetjen për kandidatët. Seanca mund të më thotë mua që të rihap procedurën.
    Emrat që shkojnë në seancë
    Adriana Kalaja
    Aranita Brahaj
    Besim Ndregjoni
    Skëndër Haluci
    Taratar Bazaj
    Endri Shabani

  • PD tërhiqet nga votimi për Avokatin e Popullit/ Berisha zbulon ‘prapaskenat’ e PS: Futi në lojë Endri Shabanin

    PD tërhiqet nga votimi për Avokatin e Popullit/ Berisha zbulon ‘prapaskenat’ e PS: Futi në lojë Endri Shabanin

    Kreu i PD Sali Berisha ka deklaruar se Partia Demokratike është tërhequr dhe nuk është më palë në procesin për zgjedhjen e Avokatit të Popullit.
    Në një kohë kur debate dhe tensione ka pasur në lidhje me këtë proces edhe në Komisionin e Ligjeve, Berisha tha se është fardsë dhe e turpshme fakti që nuk njihet tërheqja e firmave nga PD.
    “Narkomazhoranca ka bërë një lojë të turpshme. Kemi qenë të bindur në intrigat dhe banalitetin e tyre. Nëse ju kujtohet në një nga ditët po këtu, Balla informoi se atë ia kam lënë opozitës dhe unë ju thash se do pendohen, Ko tregon se u penduan. Ne kemi tërhequr votat përveç Kalasë, Hysës, Ndregjonit, Halusit dhe Mustafaj.Sot futën kandidaturën e tyre dhe Manja thotë nuk njoh tërheqjen e firmave.
     
     
    Ne tërhiqemi totalisht nga procesi. Nuk jemi më palë në procesin e zgjedhjes së Avokatit të Popullit. Nuk marrim pjesë në farsë”, tha ai.

  • PD tërhiqet nga votimi për Avokatin e Popullit/ Berisha zbulon ‘prapaskenat’ e PS: Futi në lojë Endri Shabanin

    PD tërhiqet nga votimi për Avokatin e Popullit/ Berisha zbulon ‘prapaskenat’ e PS: Futi në lojë Endri Shabanin

    Kreu i PD Sali Berisha ka deklaruar se Partia Demokratike është tërhequr dhe nuk është më palë në procesin për zgjedhjen e Avokatit të Popullit.
    Në një kohë kur debate dhe tensione ka pasur në lidhje me këtë proces edhe në Komisionin e Ligjeve, Berisha tha se është fardsë dhe e turpshme fakti që nuk njihet tërheqja e firmave nga PD.
    “Narkomazhoranca ka bërë një lojë të turpshme. Kemi qenë të bindur në intrigat dhe banalitetin e tyre. Nëse ju kujtohet në një nga ditët po këtu, Balla informoi se atë ia kam lënë opozitës dhe unë ju thash se do pendohen, Ko tregon se u penduan. Ne kemi tërhequr votat përveç Kalasë, Hysës, Ndregjonit, Halusit dhe Mustafaj.Sot futën kandidaturën e tyre dhe Manja thotë nuk njoh tërheqjen e firmave.
     
     
    Ne tërhiqemi totalisht nga procesi. Nuk jemi më palë në procesin e zgjedhjes së Avokatit të Popullit. Nuk marrim pjesë në farsë”, tha ai.

  • S’ka dakortësi pë Avokatin e Popullit! PS refuzoi, PD tërheq firmat për kandidatët: Presim Peleshin

    S’ka dakortësi pë Avokatin e Popullit! PS refuzoi, PD tërheq firmat për kandidatët: Presim Peleshin

    FOTO ILUSTRUESE

    TIRANË-Partia Demokratike ka tërhequr firmat e deputetëve të saj si dhe mbështetjen për kandidaturat për postin e Avokatit të Popullit. Nëse një ditë më parë, PD dhe PS arritën një konsensus, sot situata ndryshoi sërish. Por çfarë ndodhi?
    Partia Socialiste deklaroi se nuk do të dilte me një emër kandidati dhe se do të pranonin e mbështesnin kandidaturat e opozitës, ndërsa këta të fundit propozuan mënjëherë formulën për zgjedhjen e Avokatit të ri të Popullit. Sipas formulës së PD-së, demokratët si pakicë do të zgjedhin 6 emra, ndërsa Partia Socialiste do të zgjedhë 3 prej tyre. Më pas, opozita do të çojë për votim në seancë vetëm njërin prej tyre. 
    Aranita Brahaj, Jola Hysaj, Besim Ndregjoni, Adriana Kalaja, Tartar Bazaj, Skënder Haluca dhe Endrit Shabani ishin 7 kandiatët që kaluan provën e parafundit të mbledhjes së firmave. Pas negociatave mes PS-PD, mësohet se demokratët i kanë tërhequr firmat e tyre për mbështetjen ndaj Endri Shabani. Por Partia Demokratike ka tërhequr sot firmat për të gjithë kandidatët për Avokatin e Popullit duke theksuar se mbeten ende në pritje të përgjigjes së Kryetarit të Kuvendit, Niko Peleshi.

    Sipas tyre, nënshkrimet e deputetëve të opozitës janë dhënë përpara kualifikimit të kandidatëve nga Komisioni i Ligjeve dhe pas vendimit të Komisionit deputetët e opozitës kanë tërhequr të gjitha nënshkrimet e dhëna paraprakisht, dhe kanë propozuar ndërtimin e një procesi transparent përzgjedhje mazhorancë-opozitë.
    “Për shkak të interesit të mediave mbi kandidatët për Avokat Populli, ju sqarojmë se: Nënshkrimet e deputetëve të opozitës janë dhënë përpara kualifikimit të kandidatëve nga Komisioni i Ligjeve, pavarësisht se kur kandidatët vetë i kanë depozituar në Kuvend dhe një pjesë prej tyre i kanë përdorur në kundërshtim me ligjin si propozim për votim (gjë që nuk është e vërtetë) në kuptim të nenit 9 të ligjit për Avokatin e Popullit. Pas vendimit të Komisionit të Ligjeve, që i është njoftuar zyrtarisht grupeve parlamentare, që “1 deputet mbështet vetëm 1 kandidat sipas ligjit”, deputetët e opozitës kanë tërhequr të gjitha nënshkrimet e dhëna paraprakisht, dhe kanë propozuar ndërtimin e një procesi transparent përzgjedhje mazhorancë-opozitë. Mbetemi në pritje të përgjigjes institucionale të Kryetarit të Kuvendit për të proceduar më tej. Tërheqja e nënshkrimeve depozitohet zyrtarisht në Kuvend”, shkruan PD.
    Situata mbetet e paqartë se si do të veprohet, ndërsa në seancën plenare, 11 dhjetor, pritet të kalojë e gjithë lista e kandidatëve që ka marrë më shumë se 28 vota dhe jo vetëm 1 siç parashikohet në formularin e PD-së./ZËRI

  • Ministrja Ibrahimaj: Janë tërhequr mbi 42 mijë bonuse nga pensionistët në vetëm 2 ditë

    Ministrja Ibrahimaj: Janë tërhequr mbi 42 mijë bonuse nga pensionistët në vetëm 2 ditë

    Ministrja e Ekonomisë dhe Inovacionit, Delina Ibrahimaj bën me dije se në 2 ditët e para të shpërndarjes së bonusit të pensionistëve në të gjithë vendin janë tërhequr 42 631.
    “Pensionistët në të gjithë vendin vijojnë të tërheqin bonuset e fundvitit në masën 10,000-15,000 lekë. Vetëm në 2 ditët e para janë tërhequr 42 631 bonuse nga pensionistët. Bonusi i fundvitit është një mbështetje e Qeverisë për mbi 762 mijë përfitues në të gjithë vendin”, shkruan Ibrahimaj.
    Sipas Ibrahimajt, nga shpërblimi i parashikuar do të përfitojnë 762,740 pensionistë dhe përfitues të tjerë nga të cilët 640,325 janë pensionistë në pension pleqërie dhe 2,322 në pension social, 65,232 persona në pension invaliditeti, 48,087 persona në pension familjar, 6,774 persona me një trajtim të veçantë financiar si minatorë të nëntokës, punonjës të ish-ndërmarrjeve ushtarake dhe ushtarakë në pension të parakohshëm.

  • Lamtumirë bankomatëve? Zbulohet mënyra më e re për të tërhequr para

    Lamtumirë bankomatëve? Zbulohet mënyra më e re për të tërhequr para

    Në një kohë kur transformimi digjital po ridimensionon çdo sektor, edhe bankat europiane po i nënshtrohen ndryshimeve të thella. Rënia e përdorimit të parasë fizike ka sjellë pasoja të drejtpërdrejta në infrastrukturën tradicionale bankare, duke vënë në shënjestër një prej elementeve simbol të saj: bankomatet. Me pagesat elektronike që po fiton terren me shpejtësi, bankomatet klasike po bëhen gjithnjë e më pak të përdorshëm.
    Vitet e fundit, pesha e parasë “cash” ka rënë ndjeshëm, edhe pse mbetet ende një mjet i rëndësishëm pagesash për një pjesë të konsumatorëve. Megjithatë, bilanci mes kostove të larta të operimit dhe përdorimit në rënie ka detyruar bankat të rishikojnë strategjitë e tyre.
    Këto pajisje moderne nuk shërbejnë vetëm për të tërhequr para, por ofrojnë edhe depozitime, identifikim automatik të kartës dhe akses në një sërë operacionesh bazike, pa komisione shtesë edhe nëse përdoruesi i përket një banke tjetër.
    Franca po shihet si shembulli më i përparuar i këtij procesi. Sipas parashikimeve të industrisë, gjatë vitit të ardhshëm në vend pritet të instalohen rreth 7.000 pika të reja shërbimi, ndërsa mijëra bankomate tradicionale do të hiqen, veçanërisht në zonat urbane ku frekuentimi i tyre ka rënë ndjeshëm.

  • Shqiptarët depozitojnë 70 miliardë lekë në ATM, ja shifrat që po habisin bankat

    Shqiptarët depozitojnë 70 miliardë lekë në ATM, ja shifrat që po habisin bankat

    Bankomatet në Shqipëri sa vijnë e shtohen, ndërsa edhe përdorimi i tyre nga qytetarët për të tërhequr ose depozituar para në nëntë muajt e parë të këtij viti është rritur.
    Aktualisht, vendi ynë numëron 1337 bankomate me funksion urdhër transferta, tërheqje dhe depozitim cash. Sipas të dhënave më të fundit nga Banka e Shqipërisë, ATM-të që shërbejnë vetëm për tërheqjen e parave janë rritur me një ritëm më të shpejtë se ato për urdhër transfertat dhe depozitim. Pavarësisht se është një shërbim mjaft i kërkuar edhe nga qytetarët, numri i bankomateve të pajisur edhe me funksionin e depozitimit të parave, mbetet vetëm 427 nga 1287 që shërbejnë edhe për tërheqje parash.
    Për shkak të kësaj mungese, për të kaluar para në llogarinë e tyre rrjedhëse ose kur kanë për të shlyer detyrime të kartës së kreditit, qytetarët detyrohen të paraqiten në degët fizike të bankës.
    Statistikat tregojnë se në 9 muaj janë kryer 16.2 milionë tërheqje cash me kartë në bankomate dhe 1.4 milionë depozitime.
    Nga ana tjetër, 286 miliardë lekë është shuma e parave që është tërhequr nga shqiptarët përmes bankomateve, teksa 70.6 miliardë lekë janë paratë e depozituara.
    Megjithatë, pas një rritjeje të vazhdueshme, në shtator rezulton që shqiptarët të kenë tërhequr më pak para nga ATM.
    Zonat rurale ose të largëta shpesh raportojnë më pak bankomate, që tregon një qasje më të kufizuar të qytetarëve në shërbimet bankare, ndërkohë që Tirana kryeson.
    Bankomatet ofrojnë akses 24 orë në ditë në shërbimet bankare, gjë që është veçanërisht e dobishme jashtë orarit të rregullt të punës bankare. Ato ndihmojnë në zvogëlimin e nevojës për të vizituar degët e bankave për transaksione rutinë, duke ulur radhët dhe periudhat e pritjes.
    Bankomatet moderne janë të pajisura me masa të fuqishme sigurie si enkriptimi dhe teknologjia anti-skimming, duke garantuar transaksione të sigurta.

  • Dëmet nga përmbytjet, problemet në të gjithë vendin për shkak të reshjeve të shiut

    Dëmet nga përmbytjet, problemet në të gjithë vendin për shkak të reshjeve të shiut

    Kjo është pamja që ka lënë pas përmbytja e një dite më parë në familjen Sela, në Fushë-Mamurras. Uji është tërhequr, por dëmet materiale janë të konsiderueshme, kryesisht në blegtori.

    Në Mirditë si pasojë e shembjes së dherave janë bllokuar rrugët e disa fshatrave. Është shembur ura që lidh Fshatin Jezull me rrugën kryesore
    Sa herë ka shi, tregu industrial në Pogradec mbushet me ujë. Tregtarët ankohen se në këto kushte e kanë të pamundur të punojne
    Pas reshjeve të dendura të së martës, Bashkia e Durrësit raporton 77 banesa, 19 biznese dhe 220 hektarë tokë bujqësore të prekura në Manzë, Sukth dhe Ishëm. Ujërat janë tërhequr dhe niveli i lumenjve Erzen dhe Ishëm është brenda kuotave, por banorët janë të frikësuar.
    Rënie gurësh, dherash edhe inertesh raportohen edhe në Korçë e Librazhd. Në Kukës po ashtu disa fshatra vijojnë të jenë të izoluar që nga e marta.
     

    Top Channel

  • Pritet rivlerësimi i banesave, ekspertët: Shitësit janë tërhequr nga marrëveshjet, synojnë të fitojnë më shumë në 2026

    Pritet rivlerësimi i banesave, ekspertët: Shitësit janë tërhequr nga marrëveshjet, synojnë të fitojnë më shumë në 2026

    Pronarët e apartamenteve dhe shtëpive private që kanë nxjerrë pronat në shitje muajt e fundit janë tërhequr përkohësisht nga tregu, pasi po presin procesin e rivlerësimit me tatim 5% të pasurive të paluajtshme, që është përfshirë në paketën fiskale të Ministrisë së Financave e cila pritet të zabtohet më datë 1 janar të vitit të ardhshëm.
    “Momentalisht një pjesë e madhe e apartamenteve që janë për rishitje po presin procesin e rivlerësimit dhe nuk po shiten. Vetëm një numër i vogël po kryejnë transaksione, kryesisht ata që kanë ndonjë hall ose problematikë dhe janë të detyruar të shesin. Ne konkretisht kemi kthyer disa kaparre, sepse shitësit janë tërhequr nga marrëveshjet”, thotë Ervin Demirxhiu, agjent i pasurive të paluajtshme.
    Gjatë diskutimeve për hartimin e skemës, agjentët imobiliarë kanë kërkuar një normë më të ulët, 2–3%, por pavarësisht se 5% nuk konsiderohet optimale, sipas tyre do të ndihmojë në zhbllokimin e tregut.
    “5% nuk është vlera më e mirë e mundshme, por është shumë më mirë se 15%. Sigurisht që një normë më e ulët do kishte një impakt më pozitiv për qytetarët, por edhe kjo është e pranueshme”, thotë Demirxhiu.
    Nga procesi i ri i rivlerësimit pritet të preket një numër i konsiderueshem pronash ku pjesa më e madhe i përket pallateve të vjetra, të cilat kanë diferencë të madhe midis vlerës së vjetër të regjistruar dhe çmimit aktual të tregut.
    “Mbi 90% e pronave të vjetra do të preken. Kushdo që ka blerë një apartament vite më parë e ka sot vlerën dyfish ose trefish më të lartë. Nëse një pronë është blerë 10 vite më parë me 100 mijë euro, sot mund të vlejë 250 mijë euro. Kjo krijon një diferencë tatimore 150 mijë euro, e cila me rivlerësim tatohet me një normë tre herë më të ulët se zakonisht”, shprehet Demirxhiu.
    Sipas të dhënave të Ministrisë së Financave, rreth 168 mijë pasuri të paluajtshme iu nënshtruan për herë të fundit rivlerësimit, atëherë me normë 15%. Këtë herë, për shkak të uljes në 5%, pritet një numër shumë më i lartë aplikimesh.

  • Balluku e pandehur nga SPAK, Rama: Shiu ka punën e vet, ne tonën!

    Balluku e pandehur nga SPAK, Rama: Shiu ka punën e vet, ne tonën!

    Kryeministri Edi Rama ka folur sot shkurtimisht për hetimet që po zhvillon SPAK ndaj Belinda Ballukut e cila është marrë e pandehur për Tunelin e Llogarasë.
    I pyetur në emisionin “Real Story” mbi rastin, Rama i shmangu komentet duke deklaruar se nuk ka asgjë për të thënë për punën e SPAK-ut.
    “Si tha Loro Boriçi? Shiu ka punën e vet ne punën tonë. SPAK ka punën e vet, ne punën tonë. Nuk kam më asnjë koment. Jetojmë në një sistem ku PS dhe askush tjetër me mua në krye i kemi njohur pavarësinë e plotë drejtësisë. Njëlloj siç janë tërhequr një herë e një kohë njësitë koloniale nga territoret e tyre, jemi tërhequr edhe ne nga sistemi i drejtësisë” – tha Rama.