Lajmidites.com

Tag: tepërt

  • Konsumimi i tepërt i çokollatës, ja cilat janë dëmet që shkakton në organizëm

    Konsumimi i tepërt i çokollatës, ja cilat janë dëmet që shkakton në organizëm

    Çokollata është një pjesë e preferuar e dietës së shumë njerëzve, e njohur për shijen e saj të shkëlqyeshme dhe aftësinë për të nxitur ndjenjat e kënaqësisë. Megjithatë, një konsumim i tepërt i këtij produku të ëmbël mund të sjellë pasoja negative për shëndetin tonë. Ky shkrim në vijim do të shqyrtojë disa nga dëmet potenciale që mund të shkaktohen nga konsumimi i tepërt i çokollatës.

    Shtimi i peshës dhe problemet me mbajtjen e trupit në formë
    Një nga pasojat e njohura të konsumimit të tepërt të çokollatës është shtimi i peshës. Çokollata përmban sasi të konsiderueshme të yndyrave dhe sheqerit, të cilat mund të kontribuojnë në rritjen e masës trupore. Konsumimi i shumtë i këtyre substancave mund të çojë në një degradim të shëndetit dhe mund të shkaktojë probleme të përhershme me mbajtjen e trupin në formë të mirë.

    Rreziku i sëmundjeve kardiovaskulare
    Edhe pse ka disa hulumtime që tregojnë se një sasi e moderuar e çokollatës, veçanërisht ajo e errët, mund të ketë benefite për zemrën dhe enët e gjakut, konsumimi i tepërt mund të rrisë rrezikun e sëmundjeve kardiovaskulare. Yndyrat e tepërta dhe sheqeri në çokollatë mund të ndikojnë negativisht në tensionin e gjakut dhe nivelet e kolesterolit.

    Rreziku i kariesit dentar
    Sheqeri i pranishëm në çokollatë mund të shkaktojë probleme të kariesit dentar. Bakteret e gojës shndërrojnë sheqerin në acid, i cili mund të dëmtojë lëkurën e dhëmbëve dhe të shkaktojë demtim në strukturen e dhembeve. Përdorimi i tepërt i çokollatës, sidomos i asaj me sasi të lartë sheqeri, mund të shtojë rrezikun e dëmtimit të dhëmbëve në tërsi.

    Ndikon në nivelin e sheqerit në gjak
    Çokollata përmban sheqer të lartë, i cili mund të ndikojë në nivelet e sheqerit në gjak. Konsumimi i tepërt i sheqerit ka lidhje me rezistencën ndaj insulinës dhe mund të çojë në zhvillimin e diabetit të tipit 2. Një regjim i pasur me çokollatë mund të rrisë rrezikun e këtyre komplikacioneve shëndetësore.

  • Çfarë i Ndodh Trupit kur Konsumoni Shumë Mish

    Çfarë i Ndodh Trupit kur Konsumoni Shumë Mish

    Siç dihet proteinat janë të pazëvendësueshme dhe shumë të rëndësishme për një organizëm të balancuar.

    Proteinat gjenden me shumicë tek mishi dhe sidomos tek ai i kuqi, i cili preferohet edhe më shumë se të tjerët.
    Gjithsesi pavarësisht këtyre vlerave sipas ekspertëve konsumimi i tepërt i këtij ushqimi mund të kthehet në një problem për organizmin.
    Në këtë artikull AgroWeb.org ju tregon se çfarë i ndodh trupit kur ju konsumoni shumë mish dhe cilat janë shenjat që trupi jep.
    Më poshtë i gjeni të gjitha këto arsye të listuara bashkë me të gjithë dëmet që i shkaktojnë organizmit.
    Lodhje e tepërt
    Proteinat janë të njohura për vlerat dhe energjinë që i dhurojnë trupit për gjatë gjithë ditës.
    Janë një mënyrë e mirë për të stimuluar fokusimin dhe përqendrimin e trurit.
    Gjithsesi pavarësisht kësaj, ndjesia e përgjumjes dhe e lodhjes kur konsumoni shumë mish të kuq përkthehet në një sasi shumë të madhe të proteinave në trup.
    Këto proteina sidomos kur keni edhe një sasi të madhe fibrash në organizëm, shkaktojnë dhimbje koke, irritim e për pasojë edhe lodhje.
    Flokë dhe lëkurë e dëmtuar
    Ekzagjerimi me mishin e kuq do të thotë mungesë vitamine C, e cila nuk gjendet me shumicë tek mishi i kafshëve.
    Kjo vitaminë është e rëndësishme veçanërisht për flokët dhe lëkurën, pasi ndihmon në formimin e kolagjenit në trup që është edhe proteina baze për rritjen e flokëve dhe rininë e lëkures.
    Kështu që, nëse shikoni që flokët, lëkura apo thonjtë tuaj janë të dëmtuar arsyeja mund të jetë mishi që konsumoni në përditshmëri.
    Gjithnjë kur të konsumoni një racion mish kujdesuni ta shoqëroni me një larmishmëri perimesh si spinaqi, kungujt, patatet apo lakrat e egra.
    Konstipacioni
    Problemet me tretjen e mirë të ushqimeve janë shumë prezente sidomos me kalimin e viteve tek çdo njeri.
    Konstipacioni është një ndër shenjat e para që trupi jep kur ka mungesë të fibrave.
    Duke qenë se mishi nuk përmban fare fibra, nëse zë pjesën më të madhe të dietës tuaj me shumë mundësi do të keni probleme me tretjen.
    Prandaj sipas mjekëve është e rëndësishme të keni vakte të larmishme mes proteinave të mishit, drithërave, bishtajorëve, perimeve dhe frutave.
    Rrit kolesterolin e keq
    Duke qenë i pasur me yndyrna dhe dhjamë, konsumimi i tepërt i mishit rrit edhe kolesterolin e keq.
    Kjo do të thotë një risk i shtuar për trupin pasi mund të zhvillohen sëmundje kardiovaskulare.
    Aroma e keqe e gojës
    Konsumimi i tepërt i mishit të kuq sipas mjekëve mund  të shkaktojë aromë të keqe të gojës.
    Kjo ndodh pasi kur trupi nuk ka më karbohidrate, fillon të përdorë dhjamin si burim kryesor për të funksionuar.
    Nën këtë proces formohen disa përbërje organike të cilat shkaktojë aromë të keqe dhe shije të hidhur të gojës.
    Kështu që mundohuni që gjithnjë të mos konsumoni më shumë se 70 gr mish, dhe jo çdo ditë.
    Shtim në peshë
    Siç përmendëm edhe më sipër mishi i kuq është i pasur me yndyrna dhe dhjamë.
    Këto yndyrna shtojnë peshën trupore dhe janë shumë të vështira për t’u djegur nga metabolizmi.
    Prandaj është e rëndësishme të mos e teproni me këtë ushqim.
    Mjekët rekomandojnë një sasi të caktuar të konsumimit të mishit të kuq në javë e cila nuk do të dëmtojë organizmin tuaj.
    Përafërsisht rekomandohet 70 gramë mish i kuq i gatuar në ditë dhe rreth 400-500 gr në javë.
    Për një informacion më të detajuar rreth konsumimit të mishit, mund të lexoni këshillat e AgroWeb.org duke klikuar këtu./AgroWeb.org

  • Europa nën valën e të nxehtit/ A duhet të konsumojmë shumë ujë? Habisin ekspertët: Rrezikoni hiponatremi

    Europa nën valën e të nxehtit/ A duhet të konsumojmë shumë ujë? Habisin ekspertët: Rrezikoni hiponatremi

    Edhe pse mund të duket si një përgjigje e qartë, pirja e tepërt e ujit gjatë një vale të nxehti mund të jetë e dëmshme.

    “Nëse pini shumë, ju largoni minerale të rëndësishme nga trupi juaj”, thotë Chloe Brimicombe nga Shoqata Mbretërore Meteorologjike në Britani.

    Kur pini shumë, veshkat tuaja nuk mund të heqin qafe tepricën dhe përmbajtja e natriumit në gjak hollohet kjo quhet hiponatremi dhe mund të jetë kërcënuese për jetën.

    Pirja e tepërt e ujit gjithashtu mund të pengojë aftësinë e veshkave për të nxjerrë lëngun e tepërt.

    Simptomat e hiponatremisë përfshijnë konfuzion, nervozizëm, dhimbje koke, përgjumje dhe bark të fryrë, ndër të tjera.

  • “Kjo është e tepërt”, zbulohet shqetësimi i Luis Enrique para finales së Champions League

    “Kjo është e tepërt”, zbulohet shqetësimi i Luis Enrique para finales së Champions League

    3 Qershor 2025

    15:31

    Telesport

    Presidenti i PSG-së, Nasser Al-Khelaifi, ka zbuluar shqetësimin që kishte Luis Enriques para finales së Champions League.
    “Një javë para finales, isha i lumtur dhe gjithashtu pak i frikësuar, për të qenë i sinqertë”, shpjegoi Al-Khelaifi.
    “Trajneri ishte pak i shqetësuar dhe e pyeta: ‘Pse?’. Ai u përgjigj: ‘Ekipi po stërvitet me 200% dhe është e tepërt para finales së Champions-it’. Unë u përgjigja: ‘Ata janë të motivuar, por duhet t’i qetësojmë’. Dhe ishte e vërtetë”.
    Një dëshirë që u përkthye në poshtërimin e Interit (rezultati përfundimtar 5-0 është rezultati më i rëndë në historinë e Kupës Europiane/Champions League).
    “Kjo do të thoshte që lojtarët ishin vërtet të uritur”, shtoi Al-Khelaifi për Talksport.
    “Tani ata dinë si të fitojnë, dhe nuk është e lehtë, është e vështirë, e di. Do të kthehemi për të garuar përsëri, mund t’ju siguroj se do të luftojmë në çdo ndeshje për të fituar”.

  • Lidhja Midis Zonave ku Shtoni Peshë dhe Sëmundjeve të Ndryshme

    Lidhja Midis Zonave ku Shtoni Peshë dhe Sëmundjeve të Ndryshme

    Mbipesha ose siç njihet ndryshe obeziteti është një sëmundje kronike, që mund të shkaktojë shumë dëme në organizëm.

    Jo më kot cilësohet si një nga shkaqet kryesore që ndihmon në zhvillimin e keq të trupit dhe të shumë sëmundjeve vdekjeprurëse.

    Sipas mjekëve dhe ekspertëve të fushës, stili i jetesës është çelësi për të shmangur shtimin e peshës pa kufi.

    Në këtë artikull AgroWeb.org ju njeh me lidhjen që ekziston mes shtimit nw peshw dhe zhvillimit tw sëmundjeve të ndryshme.

    Dhjami i tepërt rreth barkut

    Dhjami i tepërt rreth zonës së barkut, mund të jetë një tregues për problemet kardiovaskulare.

    Një studim ku AgroËeb.org u bazua, zbuloi se sa më shumë peshë të keni rreth barkut, aq më i madh është rreziku i sëmundjeve të zemrës.

    Dhimbja tek njyet

    Simptomat si dhimbja, ngurtësia dhe ënjtja në pjesën e nyjeve, mund të përkeqësohet nga pesha e tepërt. Po ashtu vetë pesha mund të kontribuojë në zhvillimin e sëmundjes së artrozës në duar dhe gjunjë.

    Në këtë rast mjekët këshillojnë që të përpiqeni të ulni peshën e tepërt të trupit.

    Sipas tyre çdo kile e humbur lehtëson ndjeshëm presion mbi gjunjë.

    Barku juaj duket më i fryrë se zakonisht

    Sipas Shoqatës Amerikane të Kancerit, kanceri i vezoreve shkakton më shumë vdekje se çdo kancer tjetër i sistemit riprodhues të femrave.

    Duke qenë se simptomat në fazat e hershme janë të vështira për tu dalluar, çdo shtim i papritur ose i pashpjegueshëm i peshës në zonën e barkut, duhet t’i raportohet mjekut tuaj.

    Cikli juaj menstrual është i parregullt

    Për gratë me sindromën e vezoreve policistike (PCOS), nivelet e larta të insulinës prodhojnë më shumë hormone mashkullore të quajtura androgjene, të cilat jo vetëm ndikojnë në ciklin tuaj menstrual por gjithashtu mund të çojnë në shtim në peshë, puçrra dhe rritje të tepërt të flokëve.

    Kjo është edhe arsyeja pse gratë me PCOS kanë shtatë herë më shumë gjasa të zhvillojnë diabet, thonë mjekët.

    Nëse keni menstruacione të parregullta, bisedoni me mjekun tuaj për të vlerësuar gjendjen tuaj.

    Nuk keni energji

    Një nga arsyet mjekësore që jeni lodhur gjatë gjithë kohës mund të jetë hipotiroidizmi.

    Hipotiroidizmi, ose funksioni i ulët i tiroides, paraqitet me ngadalësim të metabolizmit, gjë që çon në shtim të peshës dhe rritjen e niveleve të kolesterolit.

    Megjithëse nuk ka shërim, trajtimi është në dispozicion dhe diagnoza mund të bëhet me një test të thjeshtë gjaku.

    Vuani nga depresioni

    Kërkimet sugjerojnë që mbipesha rrit rrezikun për depresion dhe se depresioni gjithashtu rrit rrezikun për mbipeshë.

    Disa kërkime specifike për të kuptuar lidhjen midis depresionit dhe shtimit të peshës kanë treguar se disa hormone të caktuara, krijojnë shtim në peshë duke lëshuar shumë kortizol, i cili ruan yndyrën.

    Gjithashtu marrja e ilaçeve për të trajtuar depresionin gjithashtu mund të shkaktojë ndryshime metabolike në trup si për shembull shtimi në peshë.

    Jeni të stresuar

    Dhimbja e trupit dhe shtimi i peshës në të vërtetë janë shenja të stresit.

    Ekspertët e shëndetit këshillojnë të praktikoni teknikat që ndihmojnë në reduktimin e stresit si aromaterapia, meditimi, joga, dëgjimi i muzikës qetësuese ose shëtitja./AgroWeb.org

  • Çelësi drejt suksesit! Ja veset që duhet të hiqni për të qenë të suksesshëm sipas personit më të pasur në botë, Elon Musk

    Çelësi drejt suksesit! Ja veset që duhet të hiqni për të qenë të suksesshëm sipas personit më të pasur në botë, Elon Musk

    Nëse ka një njeri i cili identifikohet me suksesin, ai është personi më i pasur në botë, Elon Musk.

    Nga “rishpikja” e automjeteve elektrike deri te fluturimet hapësinore, bizneset e Musk janë të guximshme, ashtu si edhe personaliteti i tij. Por pas titujve mbresëlënës, ekziston një mesazh nga Musk rreth asaj që duhet dhe, më e rëndësishmja, çfarë nuk duhet për të arritur tek suksesi.
    Duke gërmuar më thellë në intervistat dhe fjalimet e Musk, ekspertët kanë identifikuar gjashtë zakone të këqija që ai këmbëngul se të gjithë duhet t’i heqim për të hapur rrugën për sukses të vërtetë.
    Ja cilat janë ato dhe ja pse zhdukja e tyre mund të transformojë rrugën tuaj drejt suksesit.
    1. T’i japësh shumë rëndësi kritikave
    Sa shpesh hezitoni sepse shqetësoheni për atë që mund të thonë të tjerët? Musk shkroi në X: “Gjithmonë kërkoni kritika. Një kritikë e menduar mirë për atë që bëni është e vlefshme sa ari”. Por ka një paralajmërim të rëndësishëm: Ai kërkon vetwm kritika konstruktive, jo miratim.
    Në botën e Musk, nëse jeni vazhdimisht të preokupuar me atë që mendojnë të tjerët, ju shtypni inovacionin dhe kreativitetin tuaj. Rritja e vërtetë do të thotë të pranoni kritikat, por të mos lejoni që mendimet negative të përcaktojnë rrugën tuaj.
    2. Shtyrja e marrjes së vendimeve
    A jeni ndjerë ndonjëherë të bllokuar edhe në vendime të thjeshta? Musk thekson vendimmarrjen e shpejtë, duke argumentuar se shtyrja jo vetëm që vonon rezultatet, por edhe vret vrullin.“Nëse diçka është rëndësishme, edhe nëse shanset janë kundër jush, duhet ta bëni”, thotë Musk.
    Vendimmarrja e suksesshme përfshin marrjen e rreziqeve të shpejta, por edhe të kalkuluara. Strategjia e Musk nuk ka të bëjë me pakujdesinë, por me njohjen kur shpejtësia është më e rëndësishme se përsosmëria. Hulumtimi e mbështet atë: Psikologët kanë zbuluar se paraliza e vendimmarrjes pengon ndjeshëm suksesin.
    3. Të ndalesh te dështimet e kaluara
    Nëse keni përsëritur gabimet e mëparshme, këshilla e Musk është e thjeshtë: Ecni përpara. Mendoni, po, por të fiksoheni? Absolutisht jo. Udhëtimi sipërmarrës i Musk është i mbushur me pengesa, nga lëshimet e dështuara të raketave në SpaceX deri te problemet e hershme me Tesla. Por sekreti i tij është të mos ngecësh kurrë. Ai e sheh dështimin si një mjet mësimi dhe jo si një pengesë të përhershme.
    4. Puna e tepërt
    A mendoni se kryerja e shumë detyrave njëkohësisht ju bën më efektivë? Musk nuk është dakord dhe shkenca e mbështet atë. Pavarësisht se drejton shumë kompani të profilit të lartë, Musk këmbëngul të përqendrohet në një detyrë në të njëjtën kohë, duke maksimizuar produktivitetin dhe kreativitetin.
    Kryerja e tepërt e shumë detyrave njëkohësisht ndan vëmendjen tuaj, zvogëlon efektivitetin dhe rrit stresin. Hulumtimet neuroshkencore konfirmojnë se kryerja e shpeshtë e shumë detyrave njëkohësisht zvogëlon produktivitetin dhe performancën njohëse.
    5. Shmangia e daljes jashtë zonës së rehatisë
    A keni shmangur ndonjëherë mundësitë thjesht sepse ato dukeshin të pakëndshme ose të rrezikshme? Musk është i qartë për këtë: Rritja ndodh rrallë jetë në zonën tuaj të rehatisë. Ndërtimi i një marke të suksesshme makinash elektrike ose lëshimi i raketave në hapësirë nuk ishte i rehatshëm ishte tepër i vështirë.
    Musk këshillon të përqafoni vuajtjen si një rrugë drejt rritjes, duke argumentuar se përballimi i sfidave me guxim zgjeron aftësitë dhe qëndrueshmërinë tuaj. Studimet tregojnë vazhdimisht se dalja e rregullt jashtë zonës suaj të rehatisë rrit ndjeshëm rritjen personale dhe profesionale.
    6. Kalimi i një kohe të tepërt në internet
    A ju habit kjo? Pavarësisht pranisë së tij të në X, Musk paralajmëron për kohën e tepërt që kalojmë para ekraneve, veçanërisht në mediat sociale.
    Ai rekomandon përdorimin e mjeteve dixhitale me qëllim, duke i shfrytëzuar ato si platforma për komunikim dhe mësim, në vend të shfletimit të pakuptimtë dhe shpërqendrimit të pafund. Musk thotë që shpërqendrimet dixhitale ulin ndjeshëm produktivitetin, kreativitetin dhe mirëqenien mendore.

    Top Channel

  • Si të Skuqni Patëllxhanët pa Thithur Vaj

    Si të Skuqni Patëllxhanët pa Thithur Vaj

    Patëllxhani është një nga perimet që gjendet thuajse gjithmonë në tregjet e fruta perimeve.

    Recetat që përgatiten me të janë nga më të shumëllojshmet.
    Pavarësisht shijes dhe vlerave që ai përmban, patëllxhani është perimja që thith shumë vaj kur gatuhet.
    Prandaj dhe amvisat janë gjithnjë në kërkim të metodave të ndryshme se si të përgatisin patëllxhanët sa më shëndetshëm.
    Para se t’i skuqni
    Patëllxhani ka një shije pakëz të hidhur ndaj si fillim perimja duhet prerë në copa të vogla dhe kripur.
    Ju mund t’i prisni në rrathë ose në shirita deri në gjysmë milimetri të trashë.
    Pasi t’i keni kripur me një letër kuzhine shtypini lehtë për t’i larguar ujin e tepërt që ato lëshojnë.
    Ky proces e zbut patëllxhanin dhe parandalon përthithjen e vajit të tepërt gjatë gatimit.
    Gjatë skuqjes
    Ky proces mund të bëhet në dy mënyra; njëra me vaj e tjetra duke hedhur pak ujë.
    Si fillim vendosni një tigan në zjarr dhe shtoni vajin për skuqje.
    Sekreti është që të shtoni 1-2 lugë çaji me vaj për çdo tigan me patëllxhanë.
    Para se t’i vendosni për t’i skuqur fetat e patëllxhanit spërkatini nga të dyja anët me miell.
    Lërini të skuqen për disa minuta nga çdo anë dhe më pas hiqini nga tigani.
    Ndërsa nëse doni t’i përgatisni akoma dhe më të shëndetshëm, përdorni metodën e skuqjes me ujë.
    Vendosni tiganin në zjarr njësoj siç bëtë më parë, por këtë herë mos hidhni vaj.
    Në momentin që e shihni se tigani është ngrohur vendosni fetat e patëllxhanit dhe lërini të marrin një faqe.
    Ndërkohë hidhni 2-3 lugë çaji me ujë.
    Skuqini lehtë derisa ata të jenë zbutur dhe më pas largojini nga tigani.
    Pasi t’i keni skuqur
    Është e rëndësishme që kur t’i hiqni fetat e patëllxhanit nga tigani t’i vendosni në një pjatë me letra kuzhine.
    Pasi t’i keni skuqur patëllxhanët tani ju mund të përgatisni recetat tuaja të preferuara.
    Mund t’i kombinoni ata me salcë domatesh dhe gjizë për një fërgesë të shpejtë dhe të shëndetshme. Ose t’i shtroni në tavë me mish të grirë dhe slacë beshameli.
    Cilëndo recetë të përzgjidhni, nëse ndiqni këto metoda, ju do të përgatisni një pjatë pa vaj të tepërt dhe të shëndetshme./AgroWeb.org

  • Nga kafja te alkooli, ushqimet që ju plakin para kohe

    Nga kafja te alkooli, ushqimet që ju plakin para kohe

    Dy nga faktorët që kontribuojnë në plakjen e parakohshme janë ekspozimi i tepërt në diell dhe një dietë e pashëndetshme.
    Ushqimet shumë të përpunuara, të tilla si ushqimet e skuqura, mishrat e përpunuar dhe sheqeri, rrisin prodhimin e radikaleve të lira në trup, duke shkaktuar dëmtime të qelizave dhe duke përshpejtuar procesin e plakjes.
    Plakja biologjike përfshin përkeqësimin gradual të funksioneve në nivel qelizor dhe molekular, i cili mund të ndikohet nga faktorë të stilit të jetesës, siç është dieta. Sipas ekspertëve, ushqimet që duhet të shmangim janë si më poshtë:

    Ëmbëlsirat dhe karbohidratet e përpunuara
    Marrja e tepërt e sheqerit dhe karbohidrateve të përpunuara, siç janë buka e bardhë, ëmbëlsirat dhe pijet me sheqer, përshpejton procesin e plakjes. Konsumimi i këtyre ushqimeve kontribuon në lidhjen më të shpejtë të sheqerit me proteinat e lëkurës, duke zvogëluar elasticitetin e tyre. Kjo rezulton në shfaqjen e rrudhave dhe lëkurës së varur.
    Ushqime të skuqura
    Ushqimet e skuqura, të cilat përmbajnë sasi të larta të yndyrnave trans, kanë një efekt negativ në shëndetin kardiovaskular dhe ndikojnë në gjendjen e lëkurës. Yndyrnat trans nxisin procesin e oksidimit dhe inflamacionit në trup, gjë që përshpejton plakjen dhe dëmton shëndetin e lëkurës.
    Mish i përpunuar
    Mishi i përpunuar, siç janë salçiçet, proshuta dhe mishrat e gatshme, përmbajnë sasi të konsiderueshme natriumi, nitratesh dhe konservuesish. Këta përbërës mund të shkaktojnë inflamacion dhe të përshpejtojnë procesin e plakjes së lëkurës, ndërsa shoqërohen gjithashtu me një rrezik në rritje të sëmundjeve kardiovaskulare.
    Alkooli
    Konsumi i tepërt i alkoolit shkakton dehidratim në trup dhe lëkurë, ndërkohë që ngarkon mëlçinë, e cila ka rolin e detoksifikimit të trupit. Ky dehidratim zvogëlon elasticitetin e lëkurës, duke rezultuar në shfaqjen e parakohshme të rrudhave.
    Kripë
    Marrja e tepërt e kripës mund të çojë në mbajtjen e lëngjeve, duke rezultuar në ënjtje dhe varje të lëkurës. Përveç kësaj, rritja e konsumit të natriumit rrit rrezikun e hipertensionit, i cili shoqërohet me plakjen e përshpejtuar të arterieve.
    Kafe
    Edhe pse kafeina në sasi të arsyeshme ofron përfitime, konsumi i tepërt mund të çojë në dehidratim, i cili ka efekte negative në shëndetin e lëkurës dhe përshpejton procesin e plakjes. Përveç kësaj, kafeina mund të ndikojë negativisht në cilësinë e gjumit.

  • Berisha: Edi Rama çdo minut që kalon je i tepërt në pushtet, më 11 maj do marrësh përgjigjen që meriton

    Berisha: Edi Rama çdo minut që kalon je i tepërt në pushtet, më 11 maj do marrësh përgjigjen që meriton

    Berisha: Edi Rama çdo minut që kalon je i tepërt në pushtet, më 11 maj do marrësh përgjigjen që meriton

    Lideri i Opozitës, Sali Berisha ka lëshuar një tjetër mesazh të fortë në drejtim të kryeministrit Edi Rama, duke e cilësuar si “të tepërt në pushtet për çdo minutë që kalon”.

    Berisha tha gjatë fjalës së tij se, më 11 maj qytetarët do t’i japin Ramës përgjigjen që meriton, ndërsa akuzoi drejtues lokalë dhe zyrtarë të qeverisë për pasurim të paligjshëm dhe vjedhje të taksave publike.

    Berisha: Le të marrim drejtorët e bashkisë të ‘5D’.

    Djem të ri ata, që vidhnin qindra milionë taksa të qytetarëve të Tiranës dhe së bashku me qeveritarë ndërtonin hotele më të kushtueshme të Shqipërisë.

    Pra miq, nuk është e rëndësishme mosha, është e rëndësishme karakteri, nderi dhe dinjiteti i personit.

    Nuk ka më të rrezikshëm se ata të rinj që janë të çmendur mbas parasë, mbas pasurimit të paligjshëm, mbas përvetësimit të pasurive tuaja.

    Nuk ngopen kurrë ndaj dhe zgjedhjet janë për tu ndarë me ta.

    Por nga ana tjetër theksoj këtu se, politika nuk është si teknologjia. Teknologjia ndërron, ndaj dhe ndërrojnë dhe telefonat.

    Politika është e vjetër, është mijëra vjeçare, është arti i ndikimit mbi njerëzit dhe i përmirësimit të jetës së tyre.

    Njeriu është njeri.

    Ata që tentuan të krijojnë njeriun e ri, ata përfunduan në kalendat e historisë. Por në të gjitha kohërat, njeriu i qytetëruar që kur ka dalë nga primitivizmi ka mbetur njeri i virtyteve, njeri i integritetit dhe i dinjitetit njerëzor.

    Ndaj dhe sot i them Edi Ramës, e vërteta është se çdo minutë që kalon je i tepërt në pushtet, 11 maji po vjen dhe do marrësh përgjigjen që meriton.

    Unë e kuptoj që ai do të vjedhë prap, unë e kuptoj që ai nuk ngopet, por shqiptarët do i thonë me 11 maj, mjaft, është radha jonë, është radha jonë.

    Ndryshim, ndryshim, është radha jonë.

    Fitore, fitore.

    Rroftë Pogradeci, rroftë Shqipëria!

  • Fryrja e organizmit nga grumbullimi i lëngjeve, si të humbisni peshën e tepërt

    Fryrja e organizmit nga grumbullimi i lëngjeve, si të humbisni peshën e tepërt

    Trupi i njeriut përbëhet nga 55 deri në 75 përqind ujë.
    Por akumulimi i tepërt i ujit në trup mund të shkaktojë fryrje, dhimbje dhe shtim në peshë.
    Akumulimi i ujit është vetëm një nga shkaktarët e shtimit në peshë, megjithatë ai kontributon për shtimin në peshë me të paktën 2 deri në 5 kilogramë.
    Akumulimi i ujit ndodh si pasojë e disa faktorëve.
    Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale.
    Faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.
    AgroWeb.org ju liston më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.
    Si Të Humbni Peshën E Krijuar Nga Akumulimi i Lëngjeve
    Aktiviteti Fizik
    Mungesa e aktivitetit fizik është një nga faktorët kryesorë të akumulimit të lëngjeve në trup.
    Nëse kryeni aktivitet fizik, indet e këmbëve dhe kyçeve do të lëshojnë lëngjet e mbledhura.
    Kujdes Me Kripën
    Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve.
    Sipas të dhënave të AgroWeb.org, sasia ditore e kripës së konsumuar nuk duhet të jetë më shumë se 2,300 miligramë në ditë, e barazvlefshme me një lugë çaji.
    Tregoni kujdes me konsumin e proshutave, sallamrave, djathrave, supave dhe produkteve të tjera të paketuara industriale.
    Më Shumë Proteinë
    Proteina luan një rol kryesor në ruajtjen e ekuilibrave të lëngjeve në organizëm.
    Sasia e rekomanduar ditore e proteinës duhet të jetë një gramë për çdo kilogramë të peshës trupore.
    Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.
    Më Shumë Kalium
    Kaliumi është një mineral tepër i përfshirë në ruajtjen e ekuilibrit të lëngjeve në trup.
    Ai ndihmon në nxjerrjen e ujit dhe krips nga urina dhe djersa.
    Sasia e rekomanduar ditore e kaliumit është 4,700 miligramë.
    Ushqime të pasura me kalium janë barishtet, banania, patatet, avokado dhe domatet.
    Më Shumë Magnez
    Magnezi rrit prodhimin e urinës dhe uljen e sasisë së ujit të akumuluar në trup.
    Të rriturit kanë nevojë për 310-420 miligramë magnez në ditë.
    Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.
    Hidratimi
    Hidratimi është shumë i rëndësishëm për nxjerrjen e ujit të tepërt nga organizmi.
    Ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës.
    Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet./AgroWeb.org