Lajmidites.com

Tag: tenisti

  • Numri 3 në botë akuzon: Organizatorët e turneve duan gjithnjë Sinner apo Alcaraz në finale dhe fitues

    Numri 3 në botë akuzon: Organizatorët e turneve duan gjithnjë Sinner apo Alcaraz në finale dhe fitues

    4 Tetor 2025

    17:57

    Telesport

    Tenisti gjerman Alexander Zverev, aktualisht numri 3 në botë, kritikoi drejtorët e turneve në një konferencë për shtyp, pas fitores së tij në raundin e dytë ndaj francezit Royer në Shanghai Masters 1000.
    “E urrej kur shpejtësia e sipërfaqeve është e njëjtë kudo. E di që po lëvizin në këtë drejtim sepse, padyshim, duan që Jannik Sinner dhe Carlos Alcaraz të kenë sukses në çdo turne”, tha tenisti gjerman.
    “Ne gjithmonë kemi pasur sipërfaqe të ndryshme. Nuk mund të luash të njëjtin tenis në të njëjtën mënyrë në fushat me bar, ato me dhe apo me çement. Sot, mund të luash pothuajse në të njëjtën mënyrë në çdo sipërfaqe”, shtoi Zverev.

  • Tsitsipas largon Ivanisevic si trajner dhe e akuzon: Nuk mund të punosh me diktatorë që flasin keq për ty

    Tsitsipas largon Ivanisevic si trajner dhe e akuzon: Nuk mund të punosh me diktatorë që flasin keq për ty

    Tenisti grek Stefanos Tsitsipas, ish-numri 3 në botë, ka konfirmuar ndarjen nga trajneri i tij, ish-tenisti i njohur Goran Ivanisevic. Një ndarje që në pamje të parë duket normale, por duket se nën rrogoz fshihet më shumë, deri në inate e sherre mes palëve.
    Versioni i parë zyrtar i dhënë nga Tsitsipas në Instagram, thotë: “Të punoja me Goran Ivanisevic ishte një përvojë e shkurtër por intensive, një kapitull vërtet i çmuar në karrierën time. Nuk kam gjë tjetër veçse respekt për të, jo vetëm për atë që ka arritur në tenis, por edhe për personin që është”.
    Por versioni i dytë është nxitës. Greku e publikoi atë për Sports DNA: “Është shumë e vështirë të punosh me diktatorë dhe njerëz që flasin keq për ty dhe me të cilët mendon se nuk ka lidhje, as me ty as me ekipin tënd“.
    Akuza të rënda, ndaj Tsitsipas sqaroi më tej arsyet e ndarjes: “Kur punoj me njerëzit e duhur, ata që zgjedh vetë dhe që më bëjnë të ndihem mirë, kjo krijon një atmosferë pozitive. Por bëra gabime: Luajta shumë, u stërvita shumë. Dhe kjo shkatërroi marrëdhënien time me tenisin”.
    “Dua të ndërtoj një ekip njerëzish që ndajnë të njëjtat qëllime me mua. Dhe mbi të gjitha, një grup që ndihet si një familje, me të cilën mund të qëndroj në kontakt edhe pasi të mbarojë karriera ime”, tha tenisti grek.