Presidenti rus Vladimir Putin dhe Presidenti amerikan Donald Trump, zhvilluan sot një bisedë telefonike në lidhje me përshkallëzimin e përleshjeve mes Izraelit dhe Iranit, bëjnë të ditur agjencitë shtetërore ruse.
Sipas këshilltarit diplomatik të Kremlinit, Yuri Ushakov, presidenti Putin dënoi sulmet izraelite ndaj territorit iranian, ndërsa të dy liderët nuk përjashtuan mundësinë e rikthimit të negociatave për programin bërthamor të Iranit, në një përpjekje për të ulur tensionet në rajon.
Këshilltari rus theksoi gjithashtu se Putin ka konfirmuar gatishmërinë e Moskës për të vijuar negociatat me Ukrainën, duke lënë të hapur derën për bisedime diplomatike në dy fronte të nxehta ndërkombëtare.
Biseda midis dy presidentëve zgjati rreth 50 minuta dhe, sipas Ushakov, u zhvillua në një atmosferë “të thellë dhe të dobishme”.
Kjo komunikim i rrallë midis dy liderëve vjen në një moment kritik për Lindjen e Mesme, me komunitetin ndërkombëtar që kërkon të shmangë një konflikt më të gjerë në rajon.
