Lajmidites.com

Tag: teknologjisë

  • “Shumë shpejt mund të vijë dita që ministri të jetë AI”, Rama batuta: S’do ketë kushërinj për të futur në punë

    “Shumë shpejt mund të vijë dita që ministri të jetë AI”, Rama batuta: S’do ketë kushërinj për të futur në punë

    Në një kohë kur inteligjenca artificiale po ndryshon rrënjësisht mënyrën si jetojmë dhe punojmë, zhvillimi i saj i shpejtë po sjell përparime të mëdha në çdo sektor të jetës.

    Nga shëndetësia tek arsimi, nga ekonomia te siguria, teknologjitë e reja po shndërrohen në mjete thelbësore për efikasitet dhe inovacion. Ekspertët paralajmërojnë se IA do të luajë një rol vendimtar në të ardhmen e afërt, duke formësuar shoqëritë moderne dhe tregjet globale.
    Kreu i qeverisë, Edi Rama, i cili ditën e sotme zhvilloi një takim me përfaqësues të teknologjisë në Berat, mes batutash tha se shumë shpejt mund të vijë dita kur edhe qeveria mund të jetë AI dhe ministrat të jenë AI (Inteligjencë Artificiale).

    Edi Rama: Shumë shpejt mund të vijë dita që qeverinë mund ta kesh AI. Shumë shpejt mund të vijë dita që ministin X mund ta kesh Ai. S’ka asnjë kushëri për të futur në punë, s’ka as interesa të asnjë natyre që të prishë proceset. Nuk po them se ky është synimi ynë, megjithëse me shumë kënaqësi do ta merrnim përsipër, por është e pafundme kjo botë.
    Berati mirëpriti sot një takim të posaçëm me fokus rrugëtimin dhe sfidat për Shqipërinë drejt integrimit në Bashkimin Europian në vitin 2030, me theks të veçantë te sektori i Teknologjisë së Informacionit dhe Komunikimit.
    Me pjesëmarrjen e Kryeministrit Edi Rama, ministrave të kabinetit qeveritar, drejtorëve të përgjithshëm të agjencive shtetërore, si dhe përfaqësuesve kryesorë të industrisë së teknologjisë, inovacionit dhe start up-eve nga Shqipëria dhe diaspora, u diskutua mbi eksperiencat dhe pritshmëritë e tyre për të ardhmen, duke vënë theksin në nevojën për politika mbështetëse, akses në tregje ndërkombëtare dhe investime të qëndrueshme në kapital njerëzor dhe infrastrukturë digjitale.
    Takimi synon të krijojë një tryezë të përbashkët bashkëpunimi ndërmjet qeverisë dhe aktorëve strategjikë të industrisë TIK, për të bashkëkrijuar vizionin dhe politikat e zhvillimit për periudhën 2025–2030.
    Sektori TIK në Shqipëri po konsolidohet si një faktor kyç në pozicionimin e vendit në zinxhirët globalë të vlerës, me kompani shqiptare që tashmë ofrojnë produkte dhe shërbime të avancuara në tregje të zhvilluara si Bashkimi Europian, Mbretëria e Bashkuar dhe Shtetet e Bashkuara të Amerikës.
    /vizionplus.tv

  • “Mund të na i bëni dëmin e s’e marrim vesh”, Rama kërkon bashkëpunim me ekspertët e teknologjisë

    “Mund të na i bëni dëmin e s’e marrim vesh”, Rama kërkon bashkëpunim me ekspertët e teknologjisë

    Edi Rama

    TIRANË- Kryeministri Edi Rama, nga qyteti i Beratit, ka takuar përfaqësuesit e teknologjisë për të diskutuar lidhur me ecurinë e start up-eve dhe bashkëpunimin që mund të kenë me qeverinë për të ndaluar sulmet kibernetike. Gjatë fjalës së tij, kreu i qeverisë u kërkoi përfaqësuesve të teknologjisë që të flasin hapur dhe të japin idetë e tyre të cilat do të ndihmojnë qeverinë që të fitojë sa më tepër pikë përballë “hakerave”.
    Me nota humori, kreu i qeverisë iu drejtua ekspertëve duke u thënë se mund të hakmerren ndaj qeverisë duke e sulmuar kibernetikisht nëse nuk iu pëlqen ndonjë gjë, prandaj vetë shteti ka nevojë për ta dhe për mendimet dhe projektet e tyre.
    “Ne ju kemi ftuar që të na flisni shumë hapur. Ju e keni edhe lirinë të thoni atë që doni, që mendoni, nuk keni varësi nga ne. Mendoj që ia vlen të kemi një Këshill, një forum, ku të mblidhemi 1 herë në vit, për të diskutuar mbi çështjen dhe mbi të rejat, qofshin për mirë, qofshin të keq. Juve e keni edhe lirinë që të thoni atë që doni dhe mendoni se nuk keni asnjë varësi nga ne. Dhe dispononi edhe instrumenta që mund të na bëni dëm nëse doni të merrni hak për ndonjë komunikim të papërshtatshëm nga ana jonë. Të na e bëni dëmin dhe pa e kuptuar se na e bëni dëmin dhe ta shijoni me talentet që keni duke parë se si na bllokoni,”- tha Rama ndër të tjera.
    Ndër të tjera, në fjalën e tij kreu i qeverisë tha se qeveria do të jetë partnerë i drejtpërdrejtë me këtë sektor, duke krijuar instrumenta të rinj financiar për të mbështetur nismat.
    “Nëse krijojmë një sinergji duke u përpjekur të vëmë në dispozicion mjetet që kemi mund të krijojmë më shumë hapësirë dhe brum për të pjekur në këtë furrë. I kam kërkuar ministres për sipërmarrjen është që duke ftuar një numër prej jush, të kemi një ditë si kjo dhe të trajtojmë në një mënyrë sa më shteruese problematikat e kësaj bote të re që është krijuar në vendin tonë duke folur për kapitalin njerëz, transformimin digjital dhe segmentet sektoriale dhe pozicionimin konkurrues. Ne kemi filluar të kuptojmë sesi mund të bëhemi partner të drejtpërdrejtë me ju, në funksion të interesave që përpiqemi të mbrojmë, dhe partner në sensin e financimit. Financim jo vetëm nga buxheti, por krijim të instrumentave të tjerë për financimin tuaj. Kemi nevojë për hapje të sistemit dhe besoj që ju keni çfarë të na mësoni”.
    Edhe pse takimi ishte me ekspertët e teknologjisë, Rama përmendi edhe kontrollin mbi territorin dhe shembjet e IKMT të lidhura me aksionin për lirimin e hapësirave publike. Kreu i qeverisë shtoi se kompanitë e teknologjisë mund të ndërtojnë sisteme për bizneset, ku mund të shohin se sa çadra mund të vendosin në hapësirë publike, apo edhe në lidhje me parkimin.
    “Është e pakuptimtë të kemi histori çadrash, parkimesh, kur mund të kemi sisteme, dhe mund t’i kemi shpejt. Lehtësojmë punën e atyre që thonë, ore sa karrige të nxjerrin jashtë. Ose ku mund të parkoj. Ke vend këtu, nëse nuk ke, ik në vend tjetër. Disa nga këto gjëra i kam parë, në studiot tuaja,”-shtoi Rama. 
    vijon…

  • Ministrja Ibrahimaj: Shqipëria vendi i tetë në Evropë për shërbimet digjitale

    Ministrja Ibrahimaj: Shqipëria vendi i tetë në Evropë për shërbimet digjitale

    Ministrja e Shtetit për Sipërmarrjen dhe Klimën e Biznesit, Delina Ibrahimaj, ka deklaruar këtë të enjte, më 18 korrik, se Shqipëria është vendi i tetë në Evropë përsa i përket shërbimeve digjitale. Këtë deklaratë ministrja e bëri në takimin e sotëm të kryeministrit Edi Rama, me përfaqësues të teknologjisë, inovacionit, start up-eve.
    “Vendi ynë është i teti në Evropë dhe i 19-i në botë për nivelin e ofrimit të këtyre shërbimeve. Pa diskutim një pjesë e madhe prej jush është një punëdhënës i rëndësishëm tashmë. Në dhjetë vjet ky sektor ka punësuar 20 mijë të punësuar, që nuk është një shifër e vogël dhe kjo shifër është rritur me 20 herë.”, tha ministrja.
    Kjo arritje sipas ministres vjen pas një dekade zhvillimi intensiv të sektorit të Teknologjisë së Informacionit dhe Inovacionit në vend.
    “Për hir të së vërtetës në një dekadë ka patur një zhvillim shumë të madh të sektorit të Teknologjisë dhe Inovacionit në Shqipëri dhe shifrat e tregojnë këtë. Ne tashmë kemi një sektor i cili është i konsoliduar, një sektor i cili ka rreth 3 mijë e 400 subjekte të regjistruara, ku 1 mijë e 145 janë sh.p.k dhe sha., pra janë ndërmarrje të konsoliduara, me të punësuar, kurse pjesa tjetër janë profesionistë të lirë që padyshim dhe ata janë të nevojshëm për të zhvilluar këtë sektor dhe për të dhënë ide të reja. Shqipëria para 10 vitesh nuk kishte një zhvillim të stabilizuar në këtë sektor.“- shtoi Ibrahimaj.
    Ajo shtoi se nëpërmjet shërbimeve digjitale të administratës publike, është krijuar një marrëdhënie bashkëpunimi me kompanitë private, duke ndihmuar jo vetëm në rritjen e cilësisë së shërbimeve, por edhe në zhvillimin e vetë sektorit të teknologjisë.
    “Puna që ne kemi bërë për ta zhvilluar sektorin ka qenë një ndihmesë shumë e madhe. Ne kishim misionin, që qeverisja jonë duhej të ishte dihgjitale dhe ne kemi krijuar një treg që tashmë i ka të gjitha bazat për të qenë i qëndrueshëm. Nëpërmjet zhvillimeve digjitale të shërbimeve qeveritare, ne kemi arritur që me një pjesë të madhe të kompanive, të punojmë bashkarisht me ta për t’i konsoliduar dhe për t’i rritur. Ky bashkëpunim ka bërë që ta çojë Shqipërinë në një nga vendet më të zhvilluara sa i takon shërbimeve digjitale.”- shtoi ministrja.
    Takimi i sotëm zhvillohet në kuadër të vizionit Shqipëria2030 në Bashkimin Europian të qeverisë Rama, ku sektori i teknologjisë, shihet edhe si një mjet kyç për integrimin europian.

  • Rama në Berat, batuta me përfaqësuesit e teknologjisë: Ju mund të merrni hak…

    Rama në Berat, batuta me përfaqësuesit e teknologjisë: Ju mund të merrni hak…

    Kryeministri Rama mbajti një fjalim sot me përfaqësues të teknologjisë, inovacionit, start up-eve, takim i posaçëm ky i mbajtur në Berat.
    Ndërsa u kërkoi të shprehen lirshëm edhe të japin sugjerimet e tyre, kryeministri nuk i kurseu edhe batutat ku tha me shaka se ata mund të hakmerren ndaj qeverisë duke e sulmuar kibernetikisht nëse nuk iu pëlqen ndonjë gjë.
    “Këtu ne ju kemi ftuar që të na flisni shumë hapur, juve e keni edhe lirinë që të thoni atë që doni dhe mendoni se nuk keni asnjë varësi nga ne. Dhe dispononi edhe instrumente që mund të na bëni dëm nëse doni të merrni hak për ndonjë komunikim të papërshtatshëm nga ana jonë. Të na e bëni dëmin dhe pa e kuptuar se na e bëni dëmin dhe ta shijoni me talentet që keni, duke parë se si na bllokoni”, tha Rama.
    Kreu i qeverisë tha se duhet të krijohet një “urë komunikimi” me ‘komunitetin’ teknologjik, duke shtuar që edhe shteti të bëhet partner.

  • Rama në Berat me përfaqësues të teknologjisë dhe start up-eve: Të bëhemi partnerë dhe të trajtojmë problematikat e kësaj bote të re

    Rama në Berat me përfaqësues të teknologjisë dhe start up-eve: Të bëhemi partnerë dhe të trajtojmë problematikat e kësaj bote të re

    Kryeministri Edi Rama ditën e sotme ka zhvilluar një takim në Berat me përfaqësues të teknologjisë, inovacionit, dhe start up-eve mbi rrugën e bërë dhe sfidat për Shqipërinë2030 në Bashkimin Europian.

    Në fokus të këtij takimi ishin nxitja e sipërmarrjes së re, përshtatja me transformimin digjital, si dhe nevoja për krijimin e instrumenteve të reja financiare që mbështesin sektorin privat.
    Kryeministri theksoi rëndësinë e krijimit të një sinergjie mes qeverisë dhe inovatorëve të rinj, duke vlerësuar kapitalin njerëzor si çelës për zhvillimin e vendit.

    Edi Rama: Nëse krijojmë një sinergji duke u përpjekur të vëmë në dispozicion mjetet që kemi, patjetër që mund të krijojmë edhe më shumë hapësirë edhe më shumë brumë për të pjekur në këtë furrë të re. Ajo që unë i kam kërkuar ministres për Sipërmarrjen është pikërisht që duke ftuar një numër prej jush dhe duke përfshirë edhe një numër prej nesh, të kemi një ditë si kjo dhe të trajtojmë në një mënyrë sa më shteruese problematikat e kësaj bote të re që është krijuar në vendin tonë duke folur për kapitalin njerëzor dhe për përshtatjen e aftësive, transformimin dixhital, të gjitha segmentet sektoriale dhe pozicionimin konkurrues, duke folur për financimin sektorial, integrimin ndërkombëtar, etj,.
    Ne kemi filluar të përpiqemi të kuptojmë se si mund të bëhemi partnerë të drejpërdrejtë me ju, në funksion të interesave që ne përpiqemi të mbrojmë edhe të mishërojmë në të mirë të rritjes së cilësisë së qeverisejs, por edhe partnerë të financimit të nismave tuaja. Këtu kemi nevojë të krijojmë instrumenta të rinj financiarë në shërbim të sektorit. Besoj se ju keni çfarë të na mësoni, çfarë të na sugjeroni në ecurinë e punës tuaj. Ndërkohë që po forcojmë dita-ditës mbrojtjen  në sektorin publik jemi të shqetësuar që sektori privat nuk po ecën me të njëjtin ritëm./vizionplus.tv

  • Kryeministri me përfaqësues të teknologjisë: Po forcojmë mbrojtjen në sektorin publik kundër sulmeve kibernetike

    Kryeministri me përfaqësues të teknologjisë: Po forcojmë mbrojtjen në sektorin publik kundër sulmeve kibernetike

    Kryeministri Edi Rama ka zhvilluar në takim në Berat me përfaqësues të teknologjisë, inovacionit, start up-eve.
    Në këtë takim, Rama theksoi se duhet të adresojnë problematikat e botës së re të teknologjisë. Kreu i qeverisë tha se duhet të krijohet një “urë komunikimi” me komunitetin teknologjik, duke shtuar që edhe shteti të bëhet partner.

    “I kam kërkuar ministres për sipërmarrjen, duke ftuar një numër prej jush, të kemi një ditë si kjo dhe të trajtojmë në një mënyrë sa më shteruese, problematikat e kësaj bote të re që është krijuar në vendin tonë, duke folur për kapitalin njerëzor dhe për përshtatjen e aftësive. Transferimi digjital dhe të gjitha segmentet, pozicionimin konkurrues, për integrimin ndërkombëtar. Këto pak a shumë si shtylla dhe duke u përpjekur të kuptojmë se si mund ta ngremë këtë komunikim në nivel konstant. Kemi filluar të përpiqemi të kuptojmë se si mund të bëhemi partnerë të drejtpërdrejtë me ju.Kam parasysh jo vetëm financimin nga buxheti, por edhe instrumente të tjerë. Besoj se keni çfarë të na mësoni dhe çfarë të na propozoni në ecurinë e punës suaj. Një pjesë e juaja janë të lidhur ngushtë me tregun ndërkombëtar. Kjo do të thotë që janë të lidhur edhe me punën me produkte që i shërbejnë situatës së administrimit publik. Kemi nevojë për çdo gjë në këtë aspekt dhe duke mos e njohur si duhet sektorin, i referohemi vetëm çfarë njohim dhe dimë nga vitrina globale e sektorit. Së bashku mund të angazhohemi për produkte që mund të krijohen në vend që të paguajmë për produkte që vijnë nga jashtë. Po forcojmë mbrojtjen në sektorin publik, jemi të shqetësuar që privati nuk po ecën me të njëjtën ritëm”, tha Rama.
    Në takim, kryeministri Edi Rama nuk kurseu batutat me përfaqësuesit e teknologjisë. Rama u kërkoi që të shprehen lirisht dhe të japin sugjerime në këtë takim, teksa tha me shaka se ata mund të hakmerren ndaj qeverisë duke e sulmuar kibernetikisht nëse nuk iu pëlqen ndonjë gjë.
    “Këtu ne ju kemi ftuar që të na flisni shumë hapur, ju e keni edhe lirinë që të thoni atë që doni dhe mendoni se nuk keni asnjë varësi nga ne. Dhe dispononi edhe instrumenta që mund të na bëni dëm nëse doni të merrni hak për ndonjë komunikim të papërshtatshëm nga ana jonë. Të na e bëni dëmin dhe pa e kuptuar e ta shijoni me talentet që keni duke parë se si na bllokoni”, tha Rama.
     

  • “Të bëhemi partnerë”/ Rama me përfaqësues të teknologjisë: S’keni asnjë varësi nga ne!

    “Të bëhemi partnerë”/ Rama me përfaqësues të teknologjisë: S’keni asnjë varësi nga ne!

    Kryeministri Edi Rama ka shkuar sot, 18 korrik, në Berat, në një takim me përfaqësues të teknologjisë, inovacionit, start up-eve.
    Në fjalën e tij, ai vuri theksin te “ura e komunikimit” me ta për të kuptuar sa më shumë nga brendësia e jetës dhe sfidave të tyre.
    “Duhet të flasim për aksesin në tregje e gatishmërinë për eksport dhe duke u përpjekur të kuptojmë  se si këtë ndërveprim ta ngremë në komunikim konstant, që mos t’i mbetet rastësisë mundësia për të shprehur shqetësime, ide apo propozime për bashkëpunim”, tha kreu i qeverisë.
    Përfaqësuesve të këtij sektori u tha se “qeveria duhet të bëhet partner i tyre”.

    “Edhe në sensin e financimit të nismave tuaja, jo vetëm nga buxheti, por krijimin e instrumenteve të tjera në funksion të iniciativave tuaja”, deklaroi kryeministri.
    Tha se po forcohet vazhdimisht mbrojtja ndaj sulmeve kibernetike, megjithatë duhet punë, sidomos në sektorin privat.
    “Kemi bërë goxha progres në këtë aspekt, kemi sot që flasim shërbimet tona dixhitale, jemi të pavarur. Jam njëkohësisht i vetëdijshëm se kemi boshllëqe sidomos në sektorin privat, ku ka mungesë të madhe informacioni dhe se çfarë dëmesh mund të vijnë nga ekspozimi ndaj sulmeve”, nënvizoi Rama.
    “S’keni asnjë varësi nga ne, por dispononi instrumente që mund të na bëni dëm, në rast se doni të merrni hak. Madje e bëni dëmin që mos të kuptohet që e keni bërë ju!”, shtoi ai me humor.
    “Të mblidhemi të paktën tre herë në vit për të diskutuar mbi çështjet dhe të rejat”, tha numri një i kabinetit, duke lënë të hapur mundësinë për çdo lloj ideje, edhe për produkte që mund të shërbejnë përtej Shqipërisë.
    “Jemi në dispozicion plotësisht“, përfundoi ai.

  • “SpaceX”, kompania amerikane e teknologjisë hapësinore, investon 2 miliardë dollarë në startup-in “xAI” të Elon Musk

    “SpaceX”, kompania amerikane e teknologjisë hapësinore, investon 2 miliardë dollarë në startup-in “xAI” të Elon Musk

    “SpaceX” – kompania amerikane e teknologjisë hapësinore me qendër ne Teksas – ka financuar 2 miliardë dollarë për “xAI” – si pjesë e një raundi investimesh prej 5 miliardë dollarësh, duke thelluar lidhjet midis sipërmarrjeve të miliarderit të teknologjisë Elon Musk, ndërsa startup-i i tij i inteligjencës artificiale garon për të konkurruar me rivalin “OpenAI”, raportoi “Wall Street Journal”.
    Investimi vjen pas bashkimit të “xAI” me X dhe e vlerëson kompaninë e kombinuar në 113 miliardë dollarë, me chatbot-in “Grok” që tani fuqizon mbështetjen e “Starlink” dhe synon integrimin e ardhshëm në robotët “Optimus” të Tesla-s.

    Pavarësisht polemikave të fundit që kanë të bëjnë me përgjigjet e “Grok”, Musk e ka quajtur atë IA-në më të zgjuar në botë ndërsa “xAI” vazhdon të shpenzojë shumë për trajnimin e modeleve të reja dhe infrastrukturën.

  • RIT Tirana, universiteti i ri, i fokusuar te teknologjia dhe inovacioni

    RIT Tirana, universiteti i ri, i fokusuar te teknologjia dhe inovacioni

    Ndërkohë që kërkesa për profesionistë të teknologjisë në Shqipëri po rritet, shumë kompani, si startup-et dhe bizneset e mëdha të sektorit IT, përballen me sfida për të mbajtur talentin vendas. Për të frenuar këtë fenomen dhe për të krijuar një ekosistem më tërheqës për të rinjtë e talentuar, një nga zgjidhjet më efikase është investimi në arsim cilësor brenda vendit, duke ofruar diploma me standarde ndërkombëtare dhe programe studimi që lidhen drejtpërdrejt me nevojat e tregut të punës. Deada HykaNë një treg pune gjithnjë e më të ndikuar nga zhvillimet teknologjike dhe kërkesat e reja të ekonomisë globale, arsimi mbetet faktori kyç për suksesin profesional.Statistikat tregojnë se profesionet më të kërkuara sot lidhen ngushtë me teknologjinë, inxhinierinë dhe shkencat kompjuterike, ndërsa sipas një raporti të Forumit Ekonomik Botëror, deri në vitin 2030, mbi 85 milionë vende pune mund të mbeten bosh për shkak të mungesës së aftësive të duhura në fuqi punëtore.Shqipëria, si pjesë e këtij ekosistemi të ndërlidhur, përballet me sfidën e përshtatjes së sistemit arsimor me nevojat e tregut të punës, pasi aktualisht, sipas të dhënave të INSTAT, mbi 30% e të rinjve të diplomuar nuk gjejnë një vend pune në përputhje me profilin akademik.Po sipas të dhënave të fundit të INSTAT, gjatë dekadës së fundit, Shqipëria ka humbur një pjesë të konsiderueshme të të rinjve të kualifikuar në fushën e teknologjisë dhe inxhinierisë.Të dhëna të tjera tregojnë se një pjesë e madhe e studentëve, që ndjekin studime jashtë vendit, në fusha si informatikë, inxhinieri softuerike dhe Inteligjencë Artificiale, zgjedhin të mos kthehen më në Shqipëri pas diplomimit. Kjo ka sjellë një boshllëk të madh në tregun vendas të punës, duke vështirësuar përpjekjet e kompanive për të gjetur specialistë të fushave teknologjike.Ndërkohë që kërkesa për profesionistë të teknologjisë në Shqipëri po rritet, shumë kompani, si startup-et dhe bizneset e mëdha të sektorit IT, përballen me sfida për të mbajtur talentin vendas.Për të frenuar këtë fenomen dhe për të krijuar një ekosistem më tërheqës për të rinjtë e talentuar, një nga zgjidhjet më efikase është investimi në arsim cilësor brenda vendit, duke ofruar diploma me standarde ndërkombëtare dhe programe studimi që lidhen drejtpërdrejt me nevojat e tregut të punës. Universiteti i ri, i fokusuar te teknologjia dhe inovacioniNë këtë kontekst, hapja e RIT Tirana, në bashkëpunim me Institutin “Harry Fultz” dhe Institutin e Teknologjisë Rochester, vjen si një zhvillim domethënës për sistemin arsimor shqiptar, duke ofruar një model të ri edukimi, i fokusuar te teknologjia dhe inovacioni.Ky institucion, pjesë e rrjetit global të Rochester Institute of Technology (RIT), një prej universiteteve më prestigjioze në SHBA në fushën e teknologjisë dhe inxhinierisë, sjell në Shqipëri një standard akademik të krahasueshëm me atë të kampuseve të tij ndërkombëtare në Nju Jork, Dubai, Kosovë, Kroaci dhe Kinë.Studentët e RIT Tirana, jo vetëm që do të mësojnë nga profesorë të kualifikuar shqiptarë dhe të huaj, por do të kenë mundësinë të studiojnë një ose dy semestra në kampuset e tjerë të RIT, duke përfituar nga një eksperiencë globale, me kosto më të ulët.Një tjetër aspekt inovativ i këtij institucioni është programi i punësimit profesional (CO-OP), i cili u mundëson studentëve të vendosin në praktikë njohuritë e fituara gjatë studimeve nëpërmjet bashkëpunimeve me kompani dhe organizata ndërkombëtare.Ky model është dëshmuar i suksesshëm në SHBA dhe vende të tjera, duke rritur ndjeshëm përgatitjen e studentëve për tregun e punës.Në një kohë kur edukimi cilësor dhe aftësitë teknologjike janë vendimtare për suksesin profesional, RIT Tirana hap një epokë të re për studentët shqiptarë, duke u ofruar atyre jo vetëm një diplomë amerikane të njohur ndërkombëtarisht, por edhe një avantazh real në një treg pune gjithnjë e më konkurrues.Me regjistrimet, që priten të nisin për vitin akademik 2025-2026, ky institucion premton të bëhet një pikë referimi për të gjithë ata që duan një karrierë të sigurt në fushën e teknologjisë dhe inovacionit.Në këtë kontekst, Fondacioni Shqiptaro-Amerikan për Zhvillim (AADF) ka ndërmarrë një hap të rëndësishëm në mbështetjen e studentëve shqiptarë nëpërmjet një programi të ri bursash.Ky program synon të ofrojë mundësi të shkëlqyera për studentët e talentuar, por me mundësi të kufizuara financiare, për të ndjekur studime në institucione të arsimit të lartë me standarde ndërkombëtare, si në Shqipëri ashtu edhe në Shtetet e Bashkuara të Amerikës.Jonida Lamaj, Menaxhere Projekti për Edukimin në AADF, thotë se ky program do të ndihmojë jo vetëm në promovimin e ekselencës akademike, por edhe në integrimin e standardeve globale në sistemin arsimor shqiptar.Synimi i tij është që të zhvillojë aftësitë e studentëve, duke i përgatitur ata për të kontribuar në zhvillimin ekonomik dhe social të vendit.“Qëllimi i programit është të promovojë ekselencën akademike, duke mbështetur studentët e talentuar, por që nuk kanë mundësi financiare për të ndjekur programe të tilla akademike.Me këtë  projekt, AADF synon të kontribuojë në përmirësimin e sistemit arsimor shqiptar, duke integruar standardet dhe praktikat akademike globale, si dhe duke zhvilluar aftësitë e individëve që mund të kontribuojnë në progresin ekonomik dhe social të vendit.Aplikimet për të përfituar nga bursat që AADF do të ofrojë për të rinjtë shqiptarë do të nisin në mars, ndaj për t’u informuar për çdo event nga programi i bursave, ju ftojmë të vizitoni dhe të regjistroheni në websiten zyrtar: https://aadfscholarship.org/.” – thotë znj. Lamaj. RIT TiranaHapja e RIT Tirana, në bashkëpunim me Institutin “Harry Fultz” dhe Institutin e Teknologjisë Rochester, vjen si një zhvillim domethënës për sistemin arsimor shqiptar, duke ofruar një model të ri edukimi, i fokusuar te teknologjia dhe inovacioni. Ky institucion, pjesë e rrjetit global të Rochester Institute of Technology (RIT), një prej universiteteve më prestigjioze në SHBA në fushën e teknologjisë dhe inxhinierisë, sjell në Shqipëri një standard akademik të krahasueshëm me atë të kampuseve të tij ndërkombëtare në Nju Jork, Dubai, Kosovë, Kroaci dhe Kinë.  RIT Tirana: Një oaz i ri për edukimin teknologjik në ShqipëriNë fushën e arsimit të lartë, një tjetër zhvillim i rëndësishëm është hapja e RIT Tirana / American Academy of Technology Tirana, një institucion i ri akademik në bashkëpunim me universitetin prestigjioz Rochester Institute of Technology (RIT) në Nju Jork dhe RIT Kosovën.Ernaso Kërbizi, Drejtor Ekzekutiv i Fondacionit “Instituti Teknologjik i Tiranës”, thotë se RIT Tirana është institucioni i vetëm në Shqipëri që ofron një diplomë amerikane, duke garantuar cilësi dhe mundësi të jashtëzakonshme për studentët shqiptarë. Aktualisht ofrohen dy programe kryesore:Inxhinieri Elektrike dhe Teknologji (Electrical Engineering and Technology); Informatikë dhe Teknologjitë e Informacionit (Computing Information Technology)Një nga avantazhet kryesore të këtij institucioni është mundësia e shkëmbimit akademik dhe kulturor në kampuset globale të RIT në Nju Jork, Dubai, Kroaci, Kosovë etj. Për më tepër, nëpërmjet programit inovativ të punësimit profesional (CO-OP), studentët do të kenë mundësinë të fitojnë përvojë reale pune gjatë studimeve të tyre.“Studentët e RIT Tirana do të kenë mundësinë të shkëmbejnë eksperiencë akademike dhe kulturore një ose dy semestra në një prej kampuseve globale që RIT ka (Nju Jork, Dubai, Kroaci, Prishtinë etj.), me kosto shumë herë më të ulët sesa studentët përkatës të këtyre kampuseve.Një tjetër risi që RIT sjell në Shqipëri është ofrimi i mundësive të punësimit profesional (CO-OP) gjatë periudhës së studimeve.Ky program inovativ u mundëson studentëve të vendosin në praktikë njohuritë e mësuara, duke fituar përvojë reale në industri të ndryshme dhe duke ndihmuar në zhvillimin e aftësive që kërkohen nga tregu global i punës.Në përfundim të studimeve, diploma me të cilën pajisen studentët është e barasvlershme me atë që moshatarët e tyre marrin në RIT New York, duke u siguruar një kurrikulë të standardizuar gjatë viteve akademike.Kjo ofron mundësi të shkëlqyera për të konkurruar në tregun ndërkombëtar të punës”, – përfundon z. Kërbizi. RIT dhe bashkëpunimi me ShqipërinëInstituti i Teknologjisë i Rochester-it (RIT), i njohur ndërkombëtarisht për kërkimin dhe inovacionin në teknologji, inxhinieri dhe dizajn, është tashmë i pranishëm në Shqipëri. Falë bashkëpunimit me Institutin “Harry Fultz”, Shqipëria bëhet pjesë e rrjetit global të RIT, duke u ofruar studentëve mundësinë për të përfituar nga një arsim i nivelit të lartë me standarde amerikane.    Ky është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Trumpi e quan “qesharake” themelimin e partisë nga Elon Musk

    Trumpi e quan “qesharake” themelimin e partisë nga Elon Musk

    Themelimi i partisë ishte deklarata përfundimtare e luftës së miliarderit të teknologjisë Musk ndaj Trumpit. Presidenti amerikan u përgjigj me fjalë të forta: planet janë “qesharake” dhe Musk ka dalë “jashtë shinave”.
    Presidenti amerikan Donald Trump e ka quajtur qesharake krijimin e partisë të shpallur nga ish-këshilltari i tij, Elon Musk.  “Në Shtetet e Bashkuara, gjithmonë ka pasur një sistem dypartiak dhe mendoj se krijimi i një partie të tretë çon vetëm në konfuzion”, u tha Trumpi gazetarëve. Partitë e treta nuk kanë funksionuar kurrë.

    Trumpi vazhdoi të sulmonte ish-aleatin e tij në platformën e tij online, Truth Social: “Jam i trishtuar që e shoh Elon Muskun plotësisht jashtë shinave dhe në thelb të bëhet një katastrofë totale gjatë pesë javëve të fundit”.
    Musk njoftoi të shtunën se do të themelonte partinë e tij. “Partia Amerika” e tij do t’u rikthejë “lirinë” qytetarëve amerikanë, shkroi miliarderi në shërbimin e tij online X. Ai dëshiron të luftojë shpërdorimin dhe korrupsionin.
    Ministri i Financave të SHBA këshillon Elon Musk të mos ndjekë karrierë politike
    Ministri i Financave të SHBA, Scott Bessent, gjithashtu shprehu mendimin e tij. Ai e këshilloi Musk të përqendrohej më mirë në bizneset e tij sesa në politikë. “Mendoj se bordet e kompanive të tij donin që ai të kthehej dhe të drejtonte kompanitë e tyre, gjë që ai e bën më mirë se kushdo tjetër”, tha Bessent për CNN.
    Musku ishte këshilltar i Trumpit deri në maj. Ai e kishte mbështetur fushatën e tij zgjedhore me më shumë se 250 milionë dollarë. Pas ardhjes në pushtet të Trumpit, miliarderi i teknologjisë u ngarkua përkohësisht me uljen e shpenzimeve qeveritare.  Por një luftë akuzash shpërtheu në fillim të qershorit, e shkaktuar nga ligji i taksave dhe shpenzimeve të Trumpit.
    Sipas vëzhguesve, disa pjesë të ligjit janë potencialisht të dëmshme për interesat e biznesit të Musk. Kompanitë e tij përfshijnë prodhuesin e makinave Tesla dhe kompaninë hapësinore SpaceX. Tesla kohët e fundit është përballur me një rënie masive të të ardhurave dhe fitimeve.
    Dyshime rreth shanseve të suksesit të partisë së Elon Musk
    Ndryshe nga Gjermania, ku qeveria federale përbëhet nga koalicione shumëpartiake dhe në Bundestag përfaqësohen shumë parti, politika në Shtetet e Bashkuara përcaktohet nga Republikanët e Trumpit, aktualisht në pushtet, dhe Demokratët. Edhe pse në SHBA ekzistojnë parti të tjera, atje ekziston një sistem faktikisht dypartiak.