Lajmidites.com

Tag: teheranit

  • “Jemi në rrugën e duhur për të arritur fitoren”, kryeministri izraelit paralajmëron banorët: Largohuni nga Teherani!

    “Jemi në rrugën e duhur për të arritur fitoren”, kryeministri izraelit paralajmëron banorët: Largohuni nga Teherani!

    Kryeministri izraelit Benjamin Netanyahu ka bërë thirrje që qytetarët të largohen sa më shpejt nga Teherani, shkruan BBC.

     “Ne jemi në rrugën e duhur për të arritur dy qëllimet tona, eliminimin e kërcënimit bërthamor dhe eliminimin e kërcënimit të raketave”, tha aiLexo edhe :Related Posts
    “Ne u themi qytetarëve të Teheranit: Evakuohuni dhe ne veprojmë”, shtoi më tej.

    Ky apel vjen pas paralajmërimeve të Tel Avivit se banorët e kryeqytetit iranian do të paguajnë çmimin për sulmet me raketa të Iranit.
    Tel Avivi pretendohet se ka kontroll të plotë mbi hapësirën ajrore të Teheranit dhe ka shkatërruar një të tretën e raketahedhësve iranianë.
    Nga ana tjetër, Irani pretendon se ka zhvilluar teknika për të bërë që sistemet mbrojtëse izraelite të sulmojnë njëra-tjetrën. Sipas raportimeve nga Iran International, lideri iranian Khamenei është fshehur në një bunker nëntokësor në veri të Teheranit.
    Sulmet iraniane kanë shkaktuar të paktën tetë viktima në Izraelin Qendror, ndërsa rreth 300 persona janë shtruar në spital pas shpërthimeve në qytete si Tel Avivi dhe Haifa.

  • Zgjodhën të premten e faljes/ Si e planifikoi Izraeli sulmin e detajuar ndaj Teheranit

    Zgjodhën të premten e faljes/ Si e planifikoi Izraeli sulmin e detajuar ndaj Teheranit

    Foto ilustruese

    TEHERAN- Sulmet gjithëpërfshirëse të Izraelit ndaj Iranit, të parat me një intensitet dhe sukses të tillë në historinë e gjatë të rivalitetit dhe urrejtjes së pashuar midis dy vendeve, sjellin në pah një tjetër front lufte – të tretin me radhë pas Gazës dhe Libanit – në Lindjen e Mesme. Tel Avivi dhe Benjamin Netanyahu nuk u fshehën për asnjë moment se objektivi ishte Irani. Me një veprim simbolik – të premten edhe pse një ditë lutjeje për myslimanët – goditi duke lëshuar qindra avionë luftarakë nga bazat e tyre me një saktësi që nuk tregon planifikim ushtarak të thjeshtë, por një operacion që tejkalon në organizim edhe sulmet me dronë në Liban kundër anëtarëve të Hezbollahut.
    Roli kyç i Mossadit dhe Iranit të fjetur
    Izraeli, duke publikuar pamje specifike disa orë pas sulmeve të para në tokën iraniane, e bëri absolutisht të qartë dhe nuk i la asgjë imagjinatës në lidhje me mënyrën se si veproi. Tel Avivi njoftoi median se ky operacion kërkoi shumë muaj organizimi, pasi nuk kishte një qëllim të vetëm, por shumë faza të ndryshme.
    Si i zunë në gjumë izraelitët mullahët e Teheranit – Roli i Mossadit
    Zyrtarët e inteligjencës izraelite duket se e kanë organizuar këtë operacion kompleks për disa muaj, madje dhe me bashkëpunim të brendshëm. Izraeli, pavarësisht masave nga regjimi teokratik, jo vetëm që arriti ta godiste përsëri Iranin, por këtë herë goditi objektiva ushtarake, qendrat e programit bërthamor të Teheranit dhe vrau një numër shkencëtarësh kyç për zhvillimin e një arme bërthamore. Në më pak se 11 orë, Tel Avivi arriti të bënte një sulm në zemër të labirintit të Iranit dhe të arrinte diçka që askush nuk e kishte provuar ose arritur më parë.
    Ku goditën avionët luftarakë izraelitë?
    Në Teheran
    Në Natanz, ku ndodhën shpërthime në uzinën kryesore të pasurimit të uraniumit.
    Në Tabriz, ku u raportuan shpërthime pranë një qendre kërkimore bërthamore dhe dy bazave ushtarake.
    Në Isfahan, në jug të Teheranit.
    Në Arak, në jugperëndim të Teheranit.
    Në Kermanshah, në perëndim të Teheranit, ku u godit një depo nëntokësore e raketave balistike, pranë kufirit me Irakun.
    Natanz
    Rreth 225 kilometra në jug të Teheranit, Natanz konsiderohet qendra kryesore e pasurimit të uraniumit në Iran dhe ishte një nga objektivat kryesore të sulmeve izraelite. Dëmi duket të jetë i rëndë. Objekti është pjesërisht nëntokësor dhe është përforcuar së fundmi. Ai strehon një gamë të gjerë centrifugash të përparuara, duke përfshirë modelet më moderne, të përdorura për të prodhuar uranium shumë të pasur. Sipas Agjencisë Ndërkombëtare të Energjisë Atomike (IAEA) , pothuajse 14,000 centrifuga veprojnë, ndërsa mijëra të tjera janë të instaluara, por joaktive. Rafael Grossi, kreu i Agjencisë Ndërkombëtare të Energjisë Atomike (IAEA), konfirmoi të premten e kaluar se Natanz u godit, por tha se deri më tani nuk është zbuluar asnjë rrjedhje rrezatimi. Ai dënoi çdo sulm ndaj objekteve bërthamore, siç kishte bërë në rastin e Ukrainës, duke i përshkruar ato si jashtëzakonisht të rrezikshme.
    Fordow, objekti bërthamor më i mbrojtur i Iranit, ndodhet pranë qytetit të shenjtë të Qom, thellë në një mal – rreth 800 metra i thellë – për ta mbrojtur atë nga sulmet ajrore. Nuk ka prova që Izraeli është përpjekur ta godasë. Për ta bërë këtë do të duhej përdorimi i përsëritur i “shkatërruesve të bunkerëve”, diçka që shumica e analistëve e besojnë të pamundur pa mbështetjen e drejtpërdrejtë të SHBA-së. Fordow operoi fshehurazi derisa u ekspozua në vitin 2009. Aty strehohen centrifugat më të përparuara të Iranit, kritike për prodhimin e uraniumit të pasuruar deri në 60%. Është vlerësuar se objekti përmban afërsisht 3,000 centrifuga, shumica e të cilave janë të teknologjisë së fundit.
    Parchin është një kompleks ushtarak në juglindje të Teheranit, ku Irani ka kryer teste të eksplozivëve me rendiment të lartë që mund të shërbejnë si detonatorë për kokat bërthamore. Shumë ekspertë besojnë se Irani e ka përdorur më parë vendin për aktivitete që lidhen me shndërrimin e uraniumit. Irani ka mohuar çdo aktivitet të tillë, por gjithashtu ka refuzuar qasjen e kërkuar në mënyrë të përsëritur nga IAEA.
    Bushehr është i vetmi termocentral bërthamor në funksionak i Iranit. Ai ndodhet në bregdetin e Gjirit Persik dhe përdor karburant rus.
    Humbja më e madhe e Teheranit
    Hossein Salami, kreu i Gardës Revolucionare famëkeqe, u vra. Salami ishte ndoshta njeriu më i rëndësishëm dhe më i fuqishëm në Iran pas udhëheqësit fetar të vendit. Ai u ekzekutua edhe pse mori masa jashtëzakonisht të rrepta sigurie. Hossein Salami ishte i njohur për qëndrimin e tij të ashpër kundër Izraelit dhe Shteteve të Bashkuara. Që nga vitet 2000, ai kishte qenë shënjestër e sanksioneve nga Këshilli i Sigurimit i OKB-së dhe qeveria e SHBA-së. Këshilli i Sigurimit ishte i pari që vendosi sanksione ndaj tij në dhjetor 2006 për përfshirjen e tij në programin e raketave balistike të Iranit. Qeveria amerikane ndoqi shembullin e OKB-së, duke vendosur sanksione në tetor 2007. Bashkimi Evropian në prill 2021 vendosi gjithashtu sanksione ndaj Salamit, së bashku me shtatë zyrtarë të tjerë iranianë. Në prill dhe tetor 2024, kur Irani nisi për herë të parë një sulm ndaj Izraelit duke lëshuar mbi 300 dronë dhe raketa, Salami ishte njeriu që planifikoi dhe zbatoi çdo detaj.
    Çfarë është Garda Revolucionare?
    Korpusi i Gardës Revolucionare Islamike (IRGC) u themelua 40 vjet më parë nga udhëheqësi suprem i Iranit për të mbrojtur regjimin islamik dhe si një kundërpeshë ndaj forcave të armatosura tradicionale, të cilat regjimi i konsideronte të pabesueshme. Me më shumë se 190,000 anëtarë aktivë dhe forcat e veta tokësore, detare dhe ajrore, Garda është një nga strukturat politiko-ushtarake më të fuqishme dhe në të njëjtën kohë, më të errëta të Iranit. Ndryshe nga ushtria, e cila ka për qëllim të mbrojë integritetin territorial të vendit, Garda ka për detyrë të mbrojë vetë regjimin. Duke raportuar drejtpërdrejt te udhëheqësi suprem, ato nuk i nënshtrohen asnjë kontrolli nga institucionet e tjera shtetërore. Ato kontrollojnë armët strategjike të Iranit dhe forcën paramilitare Basij, e cila është përdorur vazhdimisht për të shtypur protestat e brendshme.
    Garda gjithashtu menaxhon rreth një të tretën e ekonomisë iraniane përmes degëve dhe organizatave dhe numëron miliarda dollarë në kontrata ndërtimi dhe infrastrukture. Në rajon, ato ushtrojnë ndikim duke ofruar fonde, armë, ekspertizë, trajnime dhe mbështetje strategjike për regjimet miqësore dhe grupet e armatosura.
    Regjimi që po “anohet” në mënyrë të rrezikshme
    Sulmet e Izraelit, përtej ndikimit të tyre thelbësor, synojnë të sjellin rrëzimin e regjimit iranian. Nuk është rastësi që dy herë gjatë vitit të kaluar, kryeministri izraelit, duke iu drejtuar popullit të Iranit në anglisht duke i bërë thirrje për kryengritje. Tel Avivi synon shpërbërjen e plotë të sistemit në Iran. Nuk është ekzagjerim të pretendosh se po përpiqet të jetë faktori X në rrëzimin e Ajatollahëve, duke marrë si shembull rrëzimin e Bashar al-Assadit në fund të vitit të kaluar.
    Megjithatë, që Netanyahu dhe Izraeli të kenë sukses, superioriteti i tyre ushtarak dhe i spiunazhit ndaj Teheranit nuk është i mjaftueshëm, por kërkohet edhe pjesëmarrja masive popullore që do të çojë në përmbysjen e një regjimi që ka ekzistuar për më shumë se 45 vjet.
    Ç’ndodh nëse Ngushtica e Hormuzit mbyllet?
    Një kundërsulm i mundshëm iranian që synon të ushtrojë presion të përgjithshëm global mund të ketë pasoja të menjëhershme dhe të gjera ekonomike si në nivel lokal ashtu edhe në atë global. Parametri kryesor i këtyre pasojave lidhet me sigurinë energjetike dhe luhatjet e çmimit të naftës. Irani, megjithëse është nën sanksione të ashpra ndërkombëtare, mbetet një lojtar i rëndësishëm në hartën globale të energjisë, kryesisht për shkak të vendndodhjes së tij gjeografike në Gjirin Persik dhe aftësisë së tij për të kontrolluar aksesin në Ngushticën e Hormuzit, pasi afërsisht 20% e trafikut detar të naftës në botë kalon nëpër këtë pikë strategjike. Në rast të një kundërsulmi, Irani mund të kërcënojë ose kufizojë kalimin, duke shkaktuar një rritje të ndjeshme të çmimeve të naftës dhe duke krijuar presione me anë të inflacionit në nivel ndërkombëtar.
    Në të njëjtën kohë, një veprim i tillë do të ushtronte presion përtej Perëndimit dhe mbi aleatët – ose më saktë mbi klientët kryesorë të energjisë të Teheranit – dhe në veçanti mbi Kinën, e cila, pavarësisht qëndrimit të saj, mbetet nën presion edhe nga tarifat amerikane dhe lufta ekonomike që Donald Trump shpalli kundër Pekinit prillin e kaluar. Çmimet e aksioneve kanë tendencë të bien, ndërsa kërkesa për arin dhe obligacionet qeveritare – kryesisht ato amerikane – rritet. Në të njëjtën kohë, ekonomitë që varen shumë nga importet e energjisë, të tilla si ato të Evropës dhe Azisë Lindore, rrezikojnë t’i nënshtrohen presioneve të forta si në aspektin e kostove të prodhimit ashtu edhe të çmimeve të konsumit./ZËRI

  • Radhë të gjata makinash në dalje të Teheranit, qytetarët largohen pas paralajmërimit të ushtrisë izraelite

    Radhë të gjata makinash në dalje të Teheranit, qytetarët largohen pas paralajmërimit të ushtrisë izraelite

    Pas mesazhit nga ushtria izraelite drejtuar iranianëve që kërkon evakuimin e zonave pranë fabrikave të armëve dhe vendeve ushtarake, shumë qytetarë të Teheranit kanë vendosur të largohen nga qyteti.
    Imazhet tregojnë radhët e gjata të makinave që largohen nga kryeqyteti iranian.

  • Izraeli mesazh në persisht për qytetarët iranianë: Largohuni nga zonat që kemi në objektiv

    Izraeli mesazh në persisht për qytetarët iranianë: Largohuni nga zonat që kemi në objektiv

    Ushtria izraelite ka filluar të dërgojë njoftime evakuimi në persisht për banorët e Teheranit që jetojnë pranë vendeve ushtarake, apo centraleve bërthamore që janë në shënjestrën kryesore të saj.
    IDF paralajmëron se do të sulmojë vende që thotë se janë të lidhura me programin bërthamor të Iranit dhe se njerëzit duhet të largohen për sigurinë e tyre.
    “Diktatori iranian po e shndërron Teheranin në Bejrut dhe banorët e Teheranit në pengje për mbijetesën e regjimit të tij”, tha në një deklaratë Ministri i Mbrojtjes i Izraelit, Israel Katz.
    Një burim sigurie thotë se direktiva e Katz për të evakuuar banorët në Teheran është pjesë e një plani për të ushtruar presion mbi Teheranin duke evakuuar popullsinë.
    Në një postim në X, IDF thotë se u dërgon mesazhin e mëposhtëm banorëve të Teheranit: “Të gjithë individët që ndodhen në ose pranë objekteve të prodhimit të armëve të vendit dhe objekteve të lidhura me to duhet të largohen menjëherë nga këto zona dhe të raportojnë tek autoritetet përkatëse.”

  • Berisha në krah të Izraelit dhe SHBA për sulmin ndaj Iranit: Diktatura teokratike e Ajetollahëve të Teheranit drejt fundit të merituar

    Berisha në krah të Izraelit dhe SHBA për sulmin ndaj Iranit: Diktatura teokratike e Ajetollahëve të Teheranit drejt fundit të merituar

    Kreu i Partisë Demokratike ka shprehur mbështetje ndaj Izraelit dhe SHBA pas sulmit ndaj Iranit, duke thënë se diktatura teokratike e Ajetollahëve të Teheranit po shkon drejt fundit të merituar.

    Sipas Berishës fundi sa më i shpejtë i regjimit obskurantist të Ajetullahëve, shënon çlirimin e këtij kombi.
    Reagimi i plotë:
    Diktatura teokratike e Ajetullahëve të Teheranit drejt fundit të merituar!
    Të dashur miq, goditjet në zemër të regjimit nga forcat ajrore izraelite të mbështetura nga SHBA, asgjësimi i elitës terroriste të Gardës dhe të ushtrisë së Ajetullahëve, sistemeve mbrojtëse dhe impianteve bërthamore dhe objekteve të tjera strategjike, po çojnë drejt fundit të merituar regjimin diktatorial, obskurantist, luftënxitës e destabilizues të Teheranit.
    Partia Demokratike beson se fundi sa më i shpejtë i regjimit obskurantist të Ajetullahëve, armik i egër i kombit iranian dhe lirive të tij, shënon çlirimin e këtij kombi të madh dhe një fitore të vërtetë për paqen dhe bashkëpunimin në Lindjen e Mesme.

    Top Channel

  • Berisha në mbështetje të Izraelit dhe SHBA pas sulmit ndaj Iranit: Diktatura teokratike e Ajetullahëve të Teheranit drejt fundit të merituar!

    Berisha në mbështetje të Izraelit dhe SHBA pas sulmit ndaj Iranit: Diktatura teokratike e Ajetullahëve të Teheranit drejt fundit të merituar!

    Përmes një postimi të bërë në mediat sociale, Kreu i Partisë Demokratike, Sali Berisha, ka shprehur mbështetje ndaj Izraelit dhe SHBA pas sulmit ndaj Iranit, duke thënë se diktatura teokratike e Ajetollahëve të Teheranit po shkon drejt fundit të merituar.
    Sipas Berishës fundi sa më i shpejtë i regjimit obskurantist të Ajetullahëve, shënon çlirimin e këtij kombi.

    “Diktatura teokratike e Ajetullahëve të Teheranit drejt fundit të merituar!
    Të dashur miq, goditjet në zemër të regjimit nga forcat ajrore izraelite të mbështetura nga SHBA, asgjësimi i elitës terroriste të Gardës dhe të ushtrisë së Ajetullahëve, sistemeve mbrojtëse dhe impianteve bërthamore dhe objekteve të tjera strategjike, po çojnë drejt fundit të merituar regjimin diktatorial, obskurantist, luftënxitës e destabilizues të Teheranit.Partia Demokratike beson se fundi sa më i shpejtë i regjimit obskurantist të Ajetullahëve, armik i egër i kombit iranian dhe lirive të tij, shënon çlirimin e këtij kombi të madh dhe një fitore të vërtetë për paqen dhe bashkëpunimin në Lindjen e Mesme.”, përfundon postimi i Berishës.

  • Çfarë duhet të dini rreth centraleve bërthamore të Iranit

    Çfarë duhet të dini rreth centraleve bërthamore të Iranit

    Izraeli sulmoi të premten disa vende bërthamore dhe ushtarake iraniane, ndërsa tensionet arritën kulme të reja për shkak të programit bërthamor të Teheranit që përparon me shpejtësi.

    Udhëheqësit izraelitë thanë se sulmi ishte i nevojshëm për të parandaluar atë, që ata e quanin një kërcënim të menjëhershëm se Irani do të ndërtonte bomba bërthamore. Irani prej kohësh ka këmbëngulur se programi i tij është paqësor dhe agjencitë e inteligjencës amerikane kanë vlerësuar se Teherani nuk po e ndiqte në mënyrë aktive ndërtimin e bombës bërthamore.

    Sulmi ndodhi një ditë pasi Bordi i Guvernatorëve të Agjencisë Ndërkombëtare të Energjisë Atomike e kritikoi Iranin për herë të parë në 20 vjet, për mosbashkëpunim me inspektorët e tij. Irani njoftoi menjëherë se do të krijonte një vend të tretë pasurimi në vend dhe do të zëvendësonte disa centrifuga me centrifuga më të përparuara.

    SHBA-ja dhe Irani kishin zhvilluar bisedime, që mund të kishin rezultuar në heqjen e disa prej sanksioneve shkatërruese ekonomike ndaj Iranit nga ana e SHBA-së, në këmbim të kufizimit drastik ose përfundimit të pasurimit të uraniumit nga Teherani.

    Ja një vështrim në disa nga faqet kryesore iraniane dhe rëndësinë e tyre në programin e Teheranit.

    Impianti i pasurimit në Natanz

    Centrali bërthamor i Iranit në Natanz, i vendosur rreth 220 kilometra në juglindje të Teheranit, është vendi kryesor i pasurimit të uraniumit në vend.

    Një pjesë e objektit në Rrafshnaltën Qendrore të Iranit është nëntokësore për t’u mbrojtur nga sulmet e mundshme ajrore. Ai operon me kaskada të shumta, ose grupe centrifugash që punojnë së bashku për të pasuruar uraniumin më shpejt.

    Irani po gërmon gjithashtu në Kuh-e Kolang Gaz La, ose Malin Pickax, i cili ndodhet pak përtej gardhit jugor të Natanzit. Natanzi është shënjestruar nga virusi Stuxnet, që besohet të jetë një krijim izraelit dhe amerikan, i cili shkatërroi centrifugat iraniane. Dy sulme të ndara sabotimi, të atribuara Irzaelit, kanë goditur gjithashtu objektin.

    Fabrika e pasurimit në Fordo

    Objekti bërthamor i Iranit në Fordo ndodhet rreth 100 kilometra në jugperëndim të Teheranit. Ai gjithashtu strehon kaskada centrifugash, por nuk është një strukturë aq e madhe sa Natanzi.

    I varrosur nën një mal dhe i mbrojtur nga bateritë kundërajrore, Fordo duket se është projektuar për t’i bërë ballë sulmeve ajrore.

    Ndërtimi i tij filloi të paktën në vitin 2007, sipas Agjencisë Ndërkombëtare të Energjisë Atomike, megjithëse Irani e informoi mbikëqyrësin bërthamor të OKB-së për impiantin vetëm në vitin 2009, pasi SHBA-të dhe agjencitë aleate të inteligjencës perëndimore u bënë të vetëdijshme për ekzistencën e tij.

    Centrali bërthamor i Bushehrit

    I vetmi termocentral bërthamor komercial i Iranit ndodhet në Bushehr, në Gjirin Persik, rreth 750 kilometra në jug të Teheranit. Ndërtimi i centralit filloi nën sundimin e Shahut Mohammad Reza Pahlavi të Iranit në mesin e viteve 1970. Pas Revolucionit Islamik të vitit 1979, centrali u shënjestrua vazhdimisht në luftën Iran-Irak. Rusia më vonë përfundoi ndërtimin e objektit.

    Irani po ndërton dy reaktorë të tjerë si ky në atë vend. Bushehri furnizohet me uranium të prodhuar në Rusi, jo në Iran, dhe monitorohet nga Agjencia Ndërkombëtare e Energjisë Atomike e Kombeve të Bashkuara.

    Reaktori i ujit të rëndë në Arak

    Reaktori i ujit të rëndë në Arak ndodhet 250 kilometra (155 milje) në jugperëndim të Teheranit. Uji i rëndë ndihmon në ftohjen e reaktorëve bërthamorë, por prodhon plutonium si një nënprodukt që potencialisht mund të përdoret në armët bërthamore. Kjo do t’i siguronte Iranit një rrugë tjetër drejt bombës përtej uraniumit të pasuruar, nëse ai zgjedh të vazhdojë me armën. Irani kishte rënë dakord sipas marrëveshjes së tij bërthamore të vitit 2015 me fuqitë botërore, për të ridizajnuar impiantin për të lehtësuar shqetësimet e përhapjes.

    Qendra e Teknologjisë Bërthamore të Isfahanit

    Objekti në Isfahan, rreth 350 kilometra në juglindje të Teheranit, punëson mijëra shkencëtarë bërthamorë. Gjithashtu, aty ndodhen tre reaktorë dhe laboratorë kërkimorë kinezë, të lidhur me programin atomik të vendit.

    Reaktori Kërkimor i Teheranit

    Reaktori Kërkimor i Teheranit ndodhet në selinë e Organizatës së Energjisë Atomike të Iranit, organi civil që mbikëqyr programin atomik të vendit. SHBA-të në fakt ia siguruan Iranit reaktorin në vitin 1967, si pjesë e programit amerikan “Atomet për Paqe” gjatë Luftës së Ftohtë. Fillimisht kërkonte uranium të pasuruar shumë, por më vonë u përshtat për të përdorur uranium të pasuruar dobët për shkak të shqetësimeve të përhapjes./ AP.

  • Raundi tjetër i bisedimeve SHBA-Iran mbi programin bërthamor të Teheranit do të zhvillohet në Romë! Ja data

    Raundi tjetër i bisedimeve SHBA-Iran mbi programin bërthamor të Teheranit do të zhvillohet në Romë! Ja data

    Raundi tjetër i negociatave midis Iranit dhe Shteteve të Bashkuara do të mbahet të shtunën në Romë. Lajmi është bërë publik nga agjencia e lajmeve Axios dhe është konfirmuar nga qeveria italiane për ANSA-n.

    Nga Vjena, kreu i Agjencisë Ndërkombëtare të Energjisë Atomike (IAEA) Rafael Grossi njoftoi se do të udhëtojë në Teheran brenda javës.

    Është e rëndësishme të vazhdohet bashkëpunimi me IAEA në një kohë kur nevojiten urgjentisht zgjidhje diplomatike, i shkroi ai X.

    Irani dhe Shtetet e Bashkuara, të cilat nuk kanë pasur marrëdhënie diplomatike që nga viti 1980, zhvilluan bisedime të shtunën e kaluar me ndërmjetësimin e Sulltanatit të Omanit për çështjen e programit bërthamor të Teheranit.

    Teherani ka hedhur poshtë akuzat dhe pohon se programi i tij bërthamor nuk ka qëllime ushtarake.

    Përpara raundit të ri të bisedimeve në Romë, ministri i Jashtëm iranian Abbas Araghchi do të vizitojë Moskën për të diskutuar çështjen e negociatave me SHBA-në, sipas një deklarate nga Teherani.