Jessie J ka sqaruar se kënga e saj “Threw It Away” nuk flet për marrëdhënien dhe ndarjen e saj me Channing Tatum, me të cilin ishte në një lidhje nga viti 2018 deri në vitin 2020.
Këngëtarja 37-vjeçare shkaktoi reagime me këtë këngë të veçantë të përfshirë në albumin e saj të ri, pasi fansat e saj pyesnin veten nëse teksti, i cili përfshin fjalën “bishë”, i referohet ish-partnerit të saj.
Megjithatë, nëpërmjet rrjeteve sociale, Jessie J sqaroi se Tatum nuk është personi për të cilin flet kënga. “‘Threw It Away’ nuk është për Channing Tatum,” shkroi ajo në Instagram.
Këngëtarja, e cila publikoi albumin e saj të ri “Don’t Tease Me with a Good Time” më 28 nëntor, shpjegoi se ndjeu nevojën të fliste publikisht për të mbrojtur ish-partnerin e saj Tatum, duke e ditur se “nëse rolet do të përmbyseshin, ai do të korrigjonte historinë”.
“Ai është një baba, dhe një baba i mrekullueshëm, dhe unë kurrë nuk do të doja që vajza e tij e bukur të lexonte ndonjë nga këto ose t’i thuhej diçka, duke menduar se e thashë për babain e saj. Nuk është e drejtë”, tha ajo, duke iu referuar vajzës së tij 12-vjeçare, Everly, të cilën e ka me ish-gruan Jenna Dewan.
“Unë dhe Channing u ndamë me marrëdhënie shumë të mira dhe nuk kam gjë tjetër veçse respekt për të, ai nuk ishte kurrë një ‘përbindësh’ për mua“, sqaroi ajo.
Jessie J shtoi gjithashtu se nuk i pëlqente mënyra negative që titujt e lajmeve e portretizonin Tatum për shkak të këngës.
Tag: tatum
-
“Përbindësh”/ Kënga e saj e re është për Channing Tatum? Reagon Jessie J
-
Si u ndanë pas Magic Mike? Detajet e divorcit të Channing Tatum dhe Jenna Dewan
Detaje financiare rreth ndarjes së Channing Tatum dhe Jenna Dewan janë bërë publike përmes dokumenteve ligjore të depozituara më 26 nëntor. Dokumentet zbulojnë detajet e marrëveshjes përfundimtare të divorcit të tyre në shtator 2024, pas viteve të zgjatura të procedurave ligjore.
Tatum, 45 vjeç, dhe Dewan, 44 vjeçe, u takuan në setin e filmit Step Up në 2006 dhe u martuan në 2009. Çifti, i cili u nda pas gati nëntë vjet martesë, ka një vajzë, Everly, të lindur në 2013, të cilën e kanë në kujdes të përbashkët. Dewan kishte depozituar kërkesën për divorc në tetor 2018, duke nisur një proces ligjor që zgjati disa vjet.
Gjatë procedurave, avokatët e Dewan argumentuan se filmi i Tatumit, Magic Mike (2012), ishte bashkëfinancuar me fonde të përbashkëta gjatë lidhjes së tyre dhe se ajo duhej të përfitonte nga të ardhurat e tij. Debati u përqendrua tek të ardhurat nga franchise-i i mëvonshëm i filmit. Avokatët e Dewan kërkonin që ajo të merrte gjysmën e fitimeve, ndërsa ekipi ligjor i Tatum argumentonte se aktori nuk kishte fshehur kurrë financat nga ajo.
Marrëveshja përfundimtare e divorcit, e arritur në shtator 2024, i dha fund zyrtarisht një kapitulli të gjatë dhe të komplikuar të jetës personale të çiftit, duke rregulluar detajet financiare dhe kujdestarinë për vajzën e tyre. Ky proces ka qenë një nga divorcet më të ndjekura në Hollywood për shkak të famës dhe projekteve të njohura të aktorëve. -
Channing Tatum kujton një nga gabimet më të mëdha të karrierës së tij
Aktori i njohur Channing Tatum ka rrëfyer një nga pendesat më të mëdha profesionale në një intervistë të fundit për Vanity Fair. Ai zbuloi se kishte refuzuar një ofertë për të luajtur rolin kryesor në një version të ri të filmit “Bukuroshja dhe Bisha”, të drejtuar nga regjisori legjendar Guillermo del Toro.
“Ishte një nga gabimet më të mëdha të karrierës sime,” tha Tatum. “Guillermo donte të bënte versionin e tij të ‘Bukuroshja dhe Bisha’, ku unë do të isha Bisha. Por sapo kisha bërë një fëmijë, isha në një projekt tjetër që më konsumonte dhe skenari nuk ishte ende gati. Thjesht nuk ndihesha në gjendje ta merrja përsipër.”
Tatum dhe ish-bashkëshortja e tij, Jenna Dewan, mirëpritën vajzën e tyre Everly në maj të vitit 2013, kohë kur iu ofrua edhe roli. Ai tha se situata personale dhe profesionale nuk e lejonin të angazhohej në projektin e ëndrrave të tij.
“Ai [Guillermo del Toro] është një krijues i jashtëzakonshëm. Nëse do ta kishte realizuar atë film, do të kishte qenë ndoshta më i miri ndonjëherë. Mbase nuk do ta fal kurrë veten që e lashë t’më ikte nga duart,” shtoi aktori 45-vjeçar.
Guillermo del Toro ishte përfshirë fillimisht në projektin e “Bukuroshja dhe Bisha” nga Disney, por u tërhoq si regjisor në vitin 2014 për shkak të angazhimeve të shumta të tij. -
Dëmtohet Jayson Tatum, NBA humbet një ndër yjet kryesorë
Diagnoza nga e cila kishin frikë pothuajse të gjithë tifozët e Boston Celtics, pas rrëzimit të Jayson Tatum në parket, 3 minuta para fundit të ndeshjes së katërt gjysmëfinale play off ndaj New York, u konfirmua.
Dëmtimi është i rëndë: Këputje e tendinit të Akilit në këmbën e djathtë. Një diagnozë e tmerrshme për lojtarin dhe një goditje e rëndë për Bosotn Celtics, që edhe pse fitoi sfidën e pestë gjysmëfinale, është ende në disavantazh 2-3 ndaj nju-jorkezëve.
Jayson Tatum i është nënshtruar menjëherë një ndërhyrjeje kirurgjikale, por koha e rikuperimit është e gjatë dhe nuk lë vend për shpresa realiste për ta parë atë në fushë sezonin e ardhshëm të NBA.Shërimi i plotë i 27-vjeçarit nuk është në dyshim, por dinamika e një dëmtimi që do ta mbajë domosdoshmërisht jashtë fushave për të gjithë sezonin 2025-2026 hap skenarë shqetësues për Celtics në merkato, pasi nuk kanë shumë hapësira financiare.
-
Ylli i NBA operohet pas dëmtimit në “thembrën e Akilit”, rrezikon të qëndrojë një sezon pushim
15 Maj 2025
12:19
Telesport
Diagnoza nga e cila kishin frikë pothuajse të gjithë tifozët e Boston Celtics, pas rrëzimit të Jayson Tatum në parket, 3 minuta para fundit të ndeshjes së katërt gjysmëfinale play off ndaj New York, u konfirmua.
Dëmtimi është i rëndë: Këputje e tendinit të Akilit në këmbën e djathtë. Një diagnozë e tmerrshme për lojtarin dhe një goditje e rëndë për Bosotn Celtics, që edhe pse fitoi sfidën e pestë gjysmëfinale, është ende në disavantazh 2-3 ndaj nju-jorkezëve.
Jayson Tatum i është nënshtruar menjëherë një ndërhyrjeje kirurgjikale, por koha e rikuperimit është e gjatë dhe nuk lë vend për shpresa realiste për ta parë atë në fushë sezonin e ardhshëm të NBA.
Shërimi i plotë i 27-vjeçarit nuk është në dyshim, por dinamika e një dëmtimi që do ta mbajë domosdoshmërisht jashtë fushave për të gjithë sezonin 2025-26 hap skenarë shqetësues për Celtics në merkato, pasi nuk kanë shumë hapësira financiare.